هشام طلعت مصطفى فى مستشفى السجن


قريت خبر حالاً بيقول إن هشام طلعت مصطفى اصيب بوعكة صحية شديدة اثناء نقله للسجن فى سيارة الترحيلات بعد الحكم عليه بالاعدام وبعد عمل الاسعافات الاولية لازال هشام بيك مذهول ومذبهل ازبلال لاحصل ولا هيحصل بعد كدا لانه والله اعلم شكله مش حيزبهل تانى لان الوعكة الصحية دى ممكن تطول ده حكم اعدام يا بشر يعنى مش حاجه سهله وطبعا مش ينفع يتعدم والوعكة الصحية دى بتطارده فالطبيعى انه يسافر يتعالج فى لندن يمكن يقابل ممدوح اسماعيل ويسلم لنا عليه ويقوله اهالى الف واحد بيسلموا عليك وبيبوسوا ايدك على الاقل مش اتسجنت ولا ساعه لكن انا اتسجنت 9شهور انت يا دوحه محكوم عليك ب7سنين وانا اعدام فقولت اوصل السلام علشان لما ترجع مصر مرفوع الراس بعد سبع سنين تبقى تسلم على الحبايب اصلى مش راجع لحد ما اموت واندفن هنا وربنا يسترها مع محسن السكرى ومش تصيبه هو كمان نفس الوعكة انا مقدرة ظروفهم والله وفعلا ممكن يكون فى وعكة صحية وجامدة جدا لان الحكم كان غير متخيل بالمرة لكن ربنا يستر اكتر ومش يسافروا البهوات يتعالجوا بره مصر وده كان قضاء وقدر سوزى بقى الله يرحمها

Comments

فوجئت كغيري بالحكم و لازلت في حالة شك من تنفيذ الحكم
و جسارة الحكم جعلتني اتشكك في وجود شيء من اللخبطة و المؤامره علي الرجل كما يقول اهله كلما تحاور معهم برنامج عن هذه القضيه
هل فعلا سينفذ الحكم؟؟؟؟
الله اعلم
Anonymous said…
bosy ys keta ,ana 3la toll bet3gbny makalatek lakn bakhtalf ma3aky fe tahkomk 3la hesham we matkarenhosh be mamdouh esma3el l2noh fased we day3 nab keteer abrya2 we ma3malshy 7agah lelbalad lakn hesham kan ragel 3abkary 7awel el trab ledahab we kan ragel kher ,we law howa el katal sozan fde zalah wemadaresh beha gher nafsoh we sozan tab3an ely kant betbe3 nafsaha lely ydfa3 aktar!!!wenasabt 3aleh we 3la regalh kteer,da law kan atalha laken el adela gher dameghah we ay shak lazem yufasr lesale7 el motaham,sadakeny hesham mosh zay baky regal el a3mal el mon7arefeen
انا حرة said…
من اغرب القصص اللى حصلت فى مصر الفترة اللى فاتت..مش عارفة اصلا الواحد المفروض يكون مبسوط نظرا لان الحكم اثبت انه القانون عندنا احيانابينفذ على الكبار برضه..ولا نغلب جانب الشك نظرا لسوابقنا مع راندا الشامى و عصام الجلدة و ممدوح اسماعيل و هانى سرور و غيرهم..ما يمنعش انى مستنية بفارغ الصبر اعرف نهاية الفيلم الهندى داايه و ان كان تصورك للموضوع منطقى الى حد كبير
لا اظن ان الحكومة سوف تقع فى مطب تسهيل هروب هشام طلعت تحت اى ظرف فقد فات آوان الهروب ومن الواضح ان الاجراءات الامنية حوله تؤكد هذا المعنى فالقضية وان كثر الجدل حولها اصبحت منتهية مهما حاول اساطين المحامين .. وبالرغم من قسوة الحكم الا انه كان الشاهد الوحيد على نزاهة وقوة القضاء المصرى الذى لا يعرف فى الحق لومة لائم
وعموما سوف تثبت لنا الايام صدق ظنوننا من عدمه
tamer.sala7 said…
http://www.masrawy.com/News/Egypt/Politics/2009/may/23/heshamtalat.aspx

محدش جاب سيرة الوعكة دي
Anonymous said…
فين يابنتى اخبار النهارده
من يوم اكتشافى لمدونتك وانا بطلت اشترى جرايد بعرف الاخبار من هنا مينفعش ياقطة تقطعيها يوم
Desert cat said…
ذو النون المصري
الجميل فى الامر ان عم هشام بيقول انه ازاى المحكمة تقبل اصلا قضية قتل واحدة بتجمع بين 3 ازواج بعد ما سمعت الكلام ده قولت كان المفروض القاضى يديله جايزة
انا كمان شاكة فى تنفيذ الحكم
eAi said…
هو اتحكم عليه بالأعدام خلاص؟ انا صراحتن مش متابع اخباره لانه مايهمنيش في حاجة لو اتعدم او ماتعدمش بس الي اعرفه ان القضية تحولت للمفتي وفي ناس بتقول ان القضية ممكن يكون فيها استئناف وحاجات كدة ملعبكة , هو ممكن ياخد سجن مؤبد او 20 سنة لانه مش القاتل هو المحرض على القتل والمفروض المحرض مش يتحكم عليه زي القاتل لان القاتل هو الي قتل مش المحرض
Desert cat said…
Anonymous
على فكرة انا مش بقارنه بممدوح لانه لاوجه للمقارنة ممدوح قتل 1300اما هشام قتل واحدة فى كل الحالات انا شاكة اصلا فى تنفيذ الحكم
وفى كل الحالات اللى اتقتل دى روح ربنا خلقها بصرف النظر بقى عن سلوكها دى حاجه بينها وبين ربنا
بالنسبة لهشام انا كنت بشوف ردود افعال اهل اسكندرية واهل قريته اللى اتولد فيها الحقيقة كل الناس مصدومة ومش مصدقة وبتدعى له يخرج منها لدرجة ان واحدة ست قالت يعدمونى انا مكانه بس مش معنى انى رايحة جاية احن على الغلابة والفقرا ومن الناحية التانية ااقتل ده يشفع لى انى مش اتحاكم
Desert cat said…
انا حرة
اولا حمد الله على سلامتك
بالنسبة لقضية هشام مش قادرة اصدق ان الحكم هيتنفذ عموما انا كمان مستنية معاكى لما نشوف
Desert cat said…
وميض ابتسامة
هو بالرغم من ان الحكم قاسى اوى وغير متوقع بالمرة على راجل يعتبر ابن الحكومة قلبا وقالبا الا انى برضه مش قادرة اصدق انه هيتنفذ عموما اتمنى والله يا فندم ربنا يخلف ظنى عموما فى انتظار ما ستسفر عنه الايام
تحياتى لحضرتك
Desert cat said…
tamer.sala7
ليه منشورة كذا موقع اخبارى شوفها فى اليوم السابع هتلاقيها
Desert cat said…
Anonymous
معلشى ساعات بكون مشغولة وبتابع من على بعد بس

Popular posts from this blog

قميص دهشور

كل تحرش وانتوا طيبين