وفاة حفيد الرئيس مبارك


أعلنت رئاسة الجمهورية صباح الثلاثاء وفاة محمد علاء مبارك الحفيد الأكبر للرئيس حسني مبارك مساء الاثنين عن عمر يناهز (13 عاما).
ونقلت وكالة انباء الشرق الاوسط الرسمية الثلاثاء بيانا مقتضبا عن رئاسة الجمهورية نصه كالتالي:
"يحتسب الرئيس حسنى مبارك عند الله حفيده محمد علاء حسنى مبارك الذى وافته المنية مساء الاثنين على أثر الأزمة الصحية التى تعرض لها خلال اليومين الماضيين، وسوف تشيع الجنازة الثلاثاء بعد صلاة العصر من مسجد "آل رشدان"
و قطع التلفزيون المصري ارساله صباح الثلاثاء لعلن نبأ الوفاة كما ألغت جميع القنوات التابعة للتلفزيون الرسمي المصري برامجها المعتادة وبدأت في اذاعة أغان دينية وأدعية.
وكان محمد قد تعرض لأزمة صحية حادة منذ يومين تم نقله على إثرها إلى مستشفى بالقاهرة، ثم استكمل علاجه فى باريس التي توفي بها
.
يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّةً فَادْخُلِي فِي عِبَادِي وَادْخُلِي جَنَّتِي ) ان لله وان اليه راجعون" خالص العزاء للسيد الرئيس محمد حسنى مبارك فى وفاة حفيده محمد علاء مبارك اللهم اسكنه فسيح جناتك والهم اسرته الصبر والسلوان واحر التعازى لعلاء مبارك وزوجته وللسيدة الفاضلة سوزان مبارك راجيين الله سبحانه وتعالى ان يتغمد الفقيد برحمته

تعليقات

ربنا يرحم الولد بجد
كان شبه الملاك وهو صغير
ربنا يجمعه مع الملائكة في الاخرة
ويمكن كده احسن ليه
‏قال Blank-Socrate
ربنا يرحمه و يعزى اهله
اما الناس الكتير اللى فرحانه فى الرئيس
باقلهم مينفعش نفرح و نشمت فى حد لو كان هو الشخص اللى بيقتلنا و يعزبنا
‏قال Desert cat
ساعد نسرين الايمن
الله يرحمه ويصبر عائلته المصيبة جامدة اوى يارب مش حد يشوفها ابدا
‏قال Desert cat
Blank-Socrate
الموت مش فيه شماته
الناس اللى تشمت ان شاء الله تدوق من نفس الكأس ووقتها يحسوا بحجم المرارة
‏قال SERVANT OF JC
تجربة صعبة ومريرة إن حد يفقد حفيده في السن الصغير دا وبصورة مفاجئة وصادمة

خالص تعزياتنا للرئيس حسني مبارك وأسرته الكريمة

ربنا يجعلها آخر الأحزان
آمين
‏قال Magi Mostafa
ربنا يرحمه ويرحم الجميع
والبقاء لله
‏قال Mkjwe
إنا لله وإنا إليه لراجعون
الله يصبر اهله
‏قال غير معرف…
ايوا كدا بانى على حقيقتك انتى حزب وطنى يا قطة اتاريكى قاعدة طول النهار ملكيش حاجه غير الاخوان
ويا سلام على الحنية اللى تقطع القلب ودعائك لحفيد الرئيس قربت اعيط تصدقى
‏قال Desert cat
Servant of Christ
فعلا حاجه محزنة جدا حقيقى الموقف صعب
ربنا يصبرهم
‏قال Desert cat
magi
اللهم امين يا ماجى ربنا يتقبل الدعاء
‏قال Desert cat
Anonymous
انت بنى ادم مش عندك دم
هى الحاجات دى فيها شماته يا بتاع انت
اخوان ايه وزفت ايه دلوقتى الله يحرقك ويحرقهم
‏قال زعبلاوى…
بسم الله الرحمن الرحيم

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي))

خالص العزاء واللهم ألهِم أهله جميعا نعمة الصبر
‏قال غير معرف…
هو انا لازم يا ختى ادخل اعيط والطم علشان يعجبك الله يرحمه ويهدى جده والحكم للاخوان علشان تموتى بغظيك
‏قال Desert cat
زعبلاوى
اللهم أمين
الله يصبرهم
‏قال Desert cat
Anonymous
على فكرة انت مش وقتك خالص ومش هنشر لك اى كومنتات تانى
انت بنى ادم سخيف بجد
‏قال رحيق الحب
ربنا يرحمه ويصبر اهله يا رب ويدخله فسيح جناته يا رب
انا لله وانا اليه راجعون
‏قال رحيق الحب
وعايزة اقول حاجة كمان لا شماته فى الممات لأن لا قدر الله ممكن يحدث نفس المصيبه عند اللى بيشمت فا ريت يكون اتعاظ للناس لأنه فى النهايه طفل وكان قره عين ابيه وامه
‏قال Desert cat
eAi
اللهم أمين
شرفتنى جدا
‏قال Desert cat
رحيق الحب
الله يصبر اهله
فى الحقيقة انا مش قادرة افهم ايه الناس اللى بتشموت فى الموت دى يا رحيق وكان الفراق كدا حاجه سهله ما بالنا بانه طفل
الله يرحمه ويصبر عائلته
‏قال Desert cat
رحيق الحب
الله يصبر اهله
فى الحقيقة انا مش قادرة افهم ايه الناس اللى بتشموت فى الموت دى يا رحيق وكان الفراق كدا حاجه سهله ما بالنا بانه طفل
الله يرحمه ويصبر عائلته
‏قال karim
انا للة وانا لة راجعون, اللة يرحمة ويصبر اهلة, انتوا لاحظتوا ان الريس محضرش الجنازة ربنا يستر و يكون كويس و مش تعبان
‏قال Desert cat
karim
لاحظتها فعلا يا كريم
لكنى تخيلت انه ممكن يكون مش عايز يشوف اللحظات الاخيرة لحفيدة وقت انزاله القبر مش خطر فى بالى موضوع التعب
ربنا يستر
‏قال akeed
انا لله ونا اليه راجعون اللهم ارحمه وادخله فسيح جناتك اللهم امين .

كان طفل جميل انا رايتة على الطبيعه منذ سنوات مع الرئيس كان يحبه حباً شديداً اللهم الهمه الصبر و اهله اجمعين

كنت عايز ازور المدونة فى ظروف احسن من كده .

سوف اكرر الزيارات

تحياتى
‏قال غير معرف…
يوم حزين اسود تنهمر فيه الدموع كالمطر من العيون
الباكية وتعجز الكلمات عن وصف مشاعر القلوب التي انفطرت لو كانت حياتنا ثمنا لدقائق معدودة
تزيد فى عمر محمد لما ترددنا ان نقدمها له سوف نظل ندعو له بالرغم من انه فى الجنه انشاء
الله كانت صوره القليلة مصدر البهجة لمصر كلها سوف تنجح يامبارك فى هذا الامتحان الصعب
كما نجحت فى كل الامتحانات السابقة والى ام المصريين سوزان مبارك لقد استرد الله وديعة غالية
تسكن قلوب المصريين وتدمع العين ويحزن القلب ولا نقول اللا مايرضي الله انا لله وانا اليه راجعون
‏قال مفكر قلق على مستقبل بلاده…
نعم من الجوانب الجميله فى عاداتنا منذ القدم الشعور بجلال الموت والتعالى على الصغائر فى مثل هذه اللحظات
ونسيان كل خلاف والأخساس العميق بانسانيتنا
ندعو لأهله بالصبر
وندعو الله ان يبقى لنا خضالنا الجميله
التى يتهددها جحافل هكسوس العصر
‏قال Desert cat
akeed
انا مش شوفته الحقيقة على الطبيعة لكن صورة بتقول ان الطفل جميل جدا الله يرحمه
معلشى ظروف زيارة المدونة جت فى مناسبة حزينة علينا كلنا
طبعا تشرف فى اى وقت
تحياتى لحضرتك
‏قال Desert cat
Anonymous
اشكرك على كلماتك الطيبة عموما الله يرحمه ويصبر عائلته
‏قال Desert cat
مفكر قلق على مستقبل بلاده
انا شخصيا اتفاجءت برد فعل الناس رغم حالة السخط اللى الشعب كله فيها
المصريين فعلا بيبانو فى الازمات

المشاركات الشائعة