وفاة حفيد الرئيس مبارك


أعلنت رئاسة الجمهورية صباح الثلاثاء وفاة محمد علاء مبارك الحفيد الأكبر للرئيس حسني مبارك مساء الاثنين عن عمر يناهز (13 عاما).
ونقلت وكالة انباء الشرق الاوسط الرسمية الثلاثاء بيانا مقتضبا عن رئاسة الجمهورية نصه كالتالي:
"يحتسب الرئيس حسنى مبارك عند الله حفيده محمد علاء حسنى مبارك الذى وافته المنية مساء الاثنين على أثر الأزمة الصحية التى تعرض لها خلال اليومين الماضيين، وسوف تشيع الجنازة الثلاثاء بعد صلاة العصر من مسجد "آل رشدان"
و قطع التلفزيون المصري ارساله صباح الثلاثاء لعلن نبأ الوفاة كما ألغت جميع القنوات التابعة للتلفزيون الرسمي المصري برامجها المعتادة وبدأت في اذاعة أغان دينية وأدعية.
وكان محمد قد تعرض لأزمة صحية حادة منذ يومين تم نقله على إثرها إلى مستشفى بالقاهرة، ثم استكمل علاجه فى باريس التي توفي بها
.
يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّةً فَادْخُلِي فِي عِبَادِي وَادْخُلِي جَنَّتِي ) ان لله وان اليه راجعون" خالص العزاء للسيد الرئيس محمد حسنى مبارك فى وفاة حفيده محمد علاء مبارك اللهم اسكنه فسيح جناتك والهم اسرته الصبر والسلوان واحر التعازى لعلاء مبارك وزوجته وللسيدة الفاضلة سوزان مبارك راجيين الله سبحانه وتعالى ان يتغمد الفقيد برحمته

Comments

ربنا يرحم الولد بجد
كان شبه الملاك وهو صغير
ربنا يجمعه مع الملائكة في الاخرة
ويمكن كده احسن ليه
Blank-Socrate said…
ربنا يرحمه و يعزى اهله
اما الناس الكتير اللى فرحانه فى الرئيس
باقلهم مينفعش نفرح و نشمت فى حد لو كان هو الشخص اللى بيقتلنا و يعزبنا
Desert cat said…
ساعد نسرين الايمن
الله يرحمه ويصبر عائلته المصيبة جامدة اوى يارب مش حد يشوفها ابدا
Desert cat said…
Blank-Socrate
الموت مش فيه شماته
الناس اللى تشمت ان شاء الله تدوق من نفس الكأس ووقتها يحسوا بحجم المرارة
تجربة صعبة ومريرة إن حد يفقد حفيده في السن الصغير دا وبصورة مفاجئة وصادمة

خالص تعزياتنا للرئيس حسني مبارك وأسرته الكريمة

ربنا يجعلها آخر الأحزان
آمين
magi said…
ربنا يرحمه ويرحم الجميع
والبقاء لله
eAi said…
إنا لله وإنا إليه لراجعون
الله يصبر اهله
Anonymous said…
ايوا كدا بانى على حقيقتك انتى حزب وطنى يا قطة اتاريكى قاعدة طول النهار ملكيش حاجه غير الاخوان
ويا سلام على الحنية اللى تقطع القلب ودعائك لحفيد الرئيس قربت اعيط تصدقى
Desert cat said…
Servant of Christ
فعلا حاجه محزنة جدا حقيقى الموقف صعب
ربنا يصبرهم
Desert cat said…
magi
اللهم امين يا ماجى ربنا يتقبل الدعاء
Desert cat said…
Anonymous
انت بنى ادم مش عندك دم
هى الحاجات دى فيها شماته يا بتاع انت
اخوان ايه وزفت ايه دلوقتى الله يحرقك ويحرقهم
زعبلاوى said…
بسم الله الرحمن الرحيم

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي))

خالص العزاء واللهم ألهِم أهله جميعا نعمة الصبر
Anonymous said…
هو انا لازم يا ختى ادخل اعيط والطم علشان يعجبك الله يرحمه ويهدى جده والحكم للاخوان علشان تموتى بغظيك
Desert cat said…
زعبلاوى
اللهم أمين
الله يصبرهم
Desert cat said…
Anonymous
على فكرة انت مش وقتك خالص ومش هنشر لك اى كومنتات تانى
انت بنى ادم سخيف بجد
ربنا يرحمه ويصبر اهله يا رب ويدخله فسيح جناته يا رب
انا لله وانا اليه راجعون
وعايزة اقول حاجة كمان لا شماته فى الممات لأن لا قدر الله ممكن يحدث نفس المصيبه عند اللى بيشمت فا ريت يكون اتعاظ للناس لأنه فى النهايه طفل وكان قره عين ابيه وامه
Desert cat said…
eAi
اللهم أمين
شرفتنى جدا
Desert cat said…
رحيق الحب
الله يصبر اهله
فى الحقيقة انا مش قادرة افهم ايه الناس اللى بتشموت فى الموت دى يا رحيق وكان الفراق كدا حاجه سهله ما بالنا بانه طفل
الله يرحمه ويصبر عائلته
Desert cat said…
رحيق الحب
الله يصبر اهله
فى الحقيقة انا مش قادرة افهم ايه الناس اللى بتشموت فى الموت دى يا رحيق وكان الفراق كدا حاجه سهله ما بالنا بانه طفل
الله يرحمه ويصبر عائلته
karim said…
انا للة وانا لة راجعون, اللة يرحمة ويصبر اهلة, انتوا لاحظتوا ان الريس محضرش الجنازة ربنا يستر و يكون كويس و مش تعبان
Desert cat said…
karim
لاحظتها فعلا يا كريم
لكنى تخيلت انه ممكن يكون مش عايز يشوف اللحظات الاخيرة لحفيدة وقت انزاله القبر مش خطر فى بالى موضوع التعب
ربنا يستر
akeed said…
انا لله ونا اليه راجعون اللهم ارحمه وادخله فسيح جناتك اللهم امين .

كان طفل جميل انا رايتة على الطبيعه منذ سنوات مع الرئيس كان يحبه حباً شديداً اللهم الهمه الصبر و اهله اجمعين

كنت عايز ازور المدونة فى ظروف احسن من كده .

سوف اكرر الزيارات

تحياتى
Anonymous said…
يوم حزين اسود تنهمر فيه الدموع كالمطر من العيون
الباكية وتعجز الكلمات عن وصف مشاعر القلوب التي انفطرت لو كانت حياتنا ثمنا لدقائق معدودة
تزيد فى عمر محمد لما ترددنا ان نقدمها له سوف نظل ندعو له بالرغم من انه فى الجنه انشاء
الله كانت صوره القليلة مصدر البهجة لمصر كلها سوف تنجح يامبارك فى هذا الامتحان الصعب
كما نجحت فى كل الامتحانات السابقة والى ام المصريين سوزان مبارك لقد استرد الله وديعة غالية
تسكن قلوب المصريين وتدمع العين ويحزن القلب ولا نقول اللا مايرضي الله انا لله وانا اليه راجعون
مفكر قلق على مستقبل بلاده said…
نعم من الجوانب الجميله فى عاداتنا منذ القدم الشعور بجلال الموت والتعالى على الصغائر فى مثل هذه اللحظات
ونسيان كل خلاف والأخساس العميق بانسانيتنا
ندعو لأهله بالصبر
وندعو الله ان يبقى لنا خضالنا الجميله
التى يتهددها جحافل هكسوس العصر
Desert cat said…
akeed
انا مش شوفته الحقيقة على الطبيعة لكن صورة بتقول ان الطفل جميل جدا الله يرحمه
معلشى ظروف زيارة المدونة جت فى مناسبة حزينة علينا كلنا
طبعا تشرف فى اى وقت
تحياتى لحضرتك
Desert cat said…
Anonymous
اشكرك على كلماتك الطيبة عموما الله يرحمه ويصبر عائلته
Desert cat said…
مفكر قلق على مستقبل بلاده
انا شخصيا اتفاجءت برد فعل الناس رغم حالة السخط اللى الشعب كله فيها
المصريين فعلا بيبانو فى الازمات

Popular posts from this blog

قميص دهشور

كل تحرش وانتوا طيبين