اغتصاب البراءه

لأى مدى وصل بينا الإنحلال الاخلاقى
من يومين إغتصاب عجوز فى المقابر والنهاردة اغتصاب طفلة لم يتجاوز عمرها العشر سنوات
للدرجة دى إغتصاب البراءة فى وضح النهار أصبح شيئ عادى ؟؟
الفيديو ده إهداء لكل واحد بيحاول يبرر جريمة لمتحرش قذر ويقول اصل البنت هى اللى أثارته سواء بلبسها أو طريقه مشيها
اصل البنت فى كل الأحوال هى السبب اصلها بتخرج من بيتها

البنت العورة هى السبب فى انحدار المجتمع والمفروض انها تتكفن ومش تخرج من الـ4 حيطان اللى اتولدت فيهم
مع الاستشهاد بكل الاحاديث اللى ضد المرأة مع إن مش فيهم ولا حديث صحيح
الفيديو ده يا حضرات يعرض واقعة اغتصاب لطفلة عمرها 9 سنوات
كل ما تحمله من إغراء هى براءه الأطفال التى وإن رأها حيوان ضال لأفترس من يفكر فى الإقتراب منها

فين دعاة الفضيلة من هؤلاء الحيوانات ؟؟
فين اللى مش ليهم شغلانة طول الليل والنهار غير افراغ سمومهم فى العقول ولم يشغلهم فى الحياة غير ان المرأة مجرد وعاء لافراغ شهوات الرجل .. ممكن بضه اللى موافقهم على الكلام ده يتفرج على الفيديو فلقد نجحوا فعلا نجاح منقطع النظير فى ايصال رسالتهم المقززة
بلد مقرفة وناس متخلفة وحسبنا الله ونعم الوكيل

Comments

عمو عصام said…
والله حراااام...
الطفلة البريئة كانت رايحة تحفظ القرأن الكريم و اي كلب يقول البنت عورة هحط السيخ المحمي في سرسور ودنة
لازم قانون يجرم التحرش الجنسي باقصى عقوبة تصل ل 10 سنين سجن
ولو ان انا مبعلقش هنا من زمان بسبب موقف حصل كده
بس الموضوع محتاج رد وانا بصراحه مبحبش ردود الأنينيموس دي
المهم يعني
انا للأسف مش شايف الفيديو مظهرش عندي لكن كلامك يغني عن المشهد طبعا

اولا الموضوع مش بسيط ولا ينفع نوجه صباع الأتهام لحد معين ونرضى ضميرنا والسلام
انا مش هقولك انتي مبتشوفيش البنات لابسه ايه ومعرفش ايه وده شيء بيحرض الشباب على معرفش ايه
لأن دي للأسف حجج واهيه جدا اللي هي نفس تبرير الحرامي مثلا انا سرقته علشان الفلوس كانت بتغريني
او واحد يسرق علشان صاحب الفلوس كان سايبها من غير حراسه وكأن الغفله من المالك تديني الحق في السرقه
وبرده علشان محدش يقولي انتي هتتحامل على حد ايوه فعلا البنات بتلبس لبس مستفز مش كلهم طبعا ومش اي واحده ببنطلون رايحه شغلها الصبح تبقى بنت ليل وهي اللي بتشجع على الفساد
انا عايز اقول ان في مثلا في منطقتنا بنت اموره شويه وواخده بالها من شياكتها ولبسها كده فكانت النتيجه ان كل الشباب ينهم عليها طول الوقت وكله بيتكلم عنها بحكاوي زباله وتخمينات زفت
عارفه البنت دي ركبت مع اختي المواصلات واتكلموا مع بعض علشان هبه اختي حبوبه قوي
وقالت لي ان البنت عايشه مع مامتها لوحدها وبتصرف على نفسها وا مها
يعني مهياش بنت ليل
ولا صايعه بس الناس علشان محرومين ونفوسهم زفت ومفيش تربيه ولا دين فطبيعي اول تفكيرهم يروح على الغلط علشان يبرر لنفسه انه يعاكسها ويتحرش بيها
يعني فكرة انها لابسه محزق حتى لو ده غلط منها فهو بياخدها مبرر جميل قوي يريح ضميره انها تستاهل قلة ادبه
وطبعا مبرر اجمل للناس المحترمين في الشارع انهم ميدافعوش عنها
انهم يتفرجوا على ولد بيعاكس بنت بمنتهى السفاله ويقولك تلاقيها كانت ماشيه معاه
كله عايز يريح نفسه
كله عايز يخبي عينه علشان ميبقاش عليه مسؤليه يقول كلمة حق
بس نرجع نقول هو الحل فين
الحل مش في اننا ننصح الشباب دول بس الحل اننا ننصح اهاليهم
اهاليهم اللي معندهومش اي مانع ابنهم يعاكس بنات الناس
او يتحرش بيهم
مش بصوره مباشره طبعا بيقولولهم اتحرشوا
بس قلة التربيه
قلة التوعيه
قلة الفهم
عدم التفكير في ايه اللي بيعمله ابنهم في وقت فراغه ووقوفه في الشارع

انا مش بقول ان الحل ممكن يبقى بين يوم وليله
لا طبعا لأن المصيبه بقالها سنين بتتكون بالتالي الحل هياخد سنين اكتر
لكن كل ما هنستنى كل ما هيذيد البلاوي
المجتمع العربي فيه تحرشات اقذر مما تتوقعي
لكن المجتمع الغربي فيه تحرشات ممكن تقتلك من الصدمه لما تعرفيها
علشان كده هم عرفوا ان اسلم حل سريع هو العقوبات المغلظه قوي
وتكون عقوبات بتتنفذ حقيقي
مش المحامي يلعب لعبه يخليها قضيه فشنك
برده الموضوع عايز تدخل من الدوله اللي انا شايف ان معندهاش مانع من اللي بيحصل ده
اتحرشوا ببعض خلوا قضيتكم ازاي تتخانقوا مع بعض
انتم كده فله مشغولين عني
لأن تفتكري ولد كل همه يلمس بنت ماشيه ببنطلون استرتش هيفكر بكره مستقبل بلده ايه

اعتقد الموضوع ليه جوانب كتير قوي اكتر من اني اسردها كلها
لكن احب اقولك انك لو سمعتي حد بيقول ان الذنب ذنبها لوحدها اعرفي انه بس عايز يريح ضميره علشان محدش يطالبه بأنه ياخد موقف في بلد كل شعبها بطل ياخد موقف

سلااااااااااااااااام
لأول مرة أبكي أمام مدونة

شي كثييير مؤثر

مو معقول لوين وصلت القذارة و النذالة و الضمير الميت

عم بدعي الله يكون جنب البنت
لأنو جد بدا كثير شغل و علاج نفسي حت تعرف تكفي حياتها بشكل طبيعي
karim said…
ماينفعش تحكمى على كل الناس عن طريق فئة معينة اللى بيحصل دة فى مجتمعات فقيرة وجاهلة وشهوانية لا يوجد بها تعليم ولا حتى ايمان وتوجد كثيرا فى احيائنا وفى جميع مصر,تحياتى
Anonymous said…
بلد مقرفة وناس متخلفة وحسبنا الله ونعم الوكيل

فى الاشكال اللى بتنمى عقول البنات على الفساد اللى انتى منهم كتكم القرف مليتو البلد

اتفو على الانحلال والفساد
MaNoO said…
لا يوجد أى مبرر للتحرش
واللى يبرر هوا ياما متخلف أو واحد من هؤلاء المتحرشين فى الشوارع
لانه مش من حقنا اننا نقول للمراة اخرجى لا متخرجيش لا اتحركى لا امشى فىا لشارع دا احنا واجبنا كمجتمع اننا نوفر حياة امنة للمراة ونحترمها زى قالنا ديننا اننا نعمل وبلاش نمسك فى الهيافات ونقول عمل المراة لا مش عارف ايه
المراة لو مش محجبة دا مش معناها انها مش محترمة واننا نحلل التحرش معاها اى مراة فى المجتمع من واجبها انها تمشى فى مكان امن وتعيش فى مجتمع امن

تحياتى على اثارة الموضوع وتقبلى احترامى
هي مش حاجه تبكي القلب دي حاجه تبكي كل خليه في الجسم
وانا قلت قبل كده في بوست سابق
أن ده مرض مش البنات هي السبب
والدليل علي كده التحرش بالاطفال والمنقبات والمحجبات والعجائز
بس لو مفهاش زعل يعني
فيه خطأ املائي عندك في كلمة البرائه
هي كده البراءة
مودتي وتقديري
Medus said…
الحقيقة لا تعليق
والتزم الصمت فقد مللت الدعاء من اجل اصدار قانون رادع لمرتكبي هذة الاعمال الحيوانية (الاعدام العلني) زي ايام زمان علشان يكون عبرة
كارثة !!

والكارثة الاكبر هي محاولة أقارب الطفلة الضحية الصلح مع هذا المجرم مقابل قطعة من الأرض !!!

يا نهار إسود ... للدرجة دي أصبحت الفلوس أهم من نفس الإنسان؟؟؟

دول أكيد مش بني آدمين
Anonymous said…
امها دى معندهاش دم
مبسوطة ببنتها وجاية تنشر حكايتها على التلفزيون يا سلام على التربية والاخلاق
ماهى السبب واحدة مخرجة بنتها من البيت بعد المغرب
وياسلام على الورع بتاعها قال ايه رايحه تحفظ قران وكانها كدا بتفلت من العقاب المفروض المحكمة تحكم على امها بالاعدام فى ميدان عام
خدوا بالكو من عيالكو الاول وبعدين لوموا على المجتمع وانتى يا ست قطة لمى نفسك وكفاية نشر الفيديوهات بتاعتك دى جتكو القرف
حسبى الله و نعم الوكيل بجد

طيب الكبار بيقولوا فتنة و كده لكن الطفلة و العجوزة

الأم صعبت عليا أوى و البنت بريئة و شكلها مش فاهمة إللى حصلها أصلاً

و فعلاً طول ما فيه مبررين للتحرش الدور هيجى أمهاتهم مش هيفوقوا و لا يقولوا الحق إلا لما يتلدعوا
أبنوسة said…
قطقوطة

صباح الخير

حكاية اغتصاب الاطفال عندنا في السودان بقي خبر يطلع في الجريده كل شهر تقريبا

القصه انو العقاب ما بيكون عظه للبقيه عشان كده بتمادوا في اللي بيعملوا فيه

انا اقترح عقوبة الاعدام للمغتصب وامام الجميع حتي يكون عضه لغيره

حسبي الله ونعم الوكيل
مفكر said…
وماذا تقولين فى هذا الأغتصاب الجماعى لحق فتيات صغيرات فى الحياه
على يد عصابات طالبان فى افغانستان
فهم يهاجمون مدارس البنات بالقنابل والرشاشات لأغلاقها فى اى منطقه يتسللون اليها بالأضلفه لمحلات بيع تسجيلات الموسيقى والمبانى الخكوميه
كما تصف وكالات الأنباء
Desert cat said…
عمو عصام
وهى الاشكال دى بتكون عارفه الحرام من الحلال يا عمو
Desert cat said…
مواطن مصري
بصرف النظر عن المشوار اللى كانت رايحة فيه يا عزيزى مفيش اى مبرر لاى كلب انه ينتهك جسدها ويغتصبها
Desert cat said…
مواطن مصري
وتفتكر 10سنين ممكن يكون ليهم تاثير فى نفس انسانة عايشة الحياة بجسم ملوث
ده اعدامه هو الحل
Desert cat said…
الشنكوتي الكبير
فى الحقيقة انا مش عارفه الفيديو مش شغال عند حضرتك ليه ممكن يكون برنامج الفلاش بلاير فيه مشاكل
مفيش اى مبرر لأى شخص انه ينتهك آدمية إنسانة ماشية مهما كانت عامله او طريقة مشيها او لبسها هو مش ربنا هيعاقبها بطريقته اللا ادمية دى
من حق اى واحدة تخرج وتتعلم وتشتغل مش ذنبها انها انسانة شيك مثلا ومهتمة بمظهرها ده مش مبرر لانه يتحرش بيها طبعا نموذج البنت اللى حضرتك حكيت عنها للاسف مجتمعنا اصبح يخلط جميع الاوراق مع بعضها وفى نظرهم مش فى ولا واحدة محترمة لا اللى لابسه شيك ولا حتى بياعة الفجل طبعا الا ما رحم ربى فى برضه ناس محترمة ودول ربنا يزيد منهم

تحياتى
Desert cat said…
مثلية فقط
اسفه لو ازعجتك بجد بس حقيقى انا نفسى كنت فى قمة انهيارى وانا بشوف الفيديو ومش قادرة اتخيل اى بنى ادم ده اللى سمح لنفسه باغتيال البراءة وكمان والدته تهددها بالدبح دى ناس كلها محتاجه الاعدام
تحياتى واعتذر مرة تانية
Desert cat said…
karim
راجع ردى على الشنكوتى يا كريم هتلاقينى بقول ان المجتمع فيه فعلا ناس محترمة
وربنا يريحنا بقى من الفئة الفقيرة الجاهلهة دى

تحياتى
Desert cat said…
Anonymous
خليك/ى فى جهلك وقلة ادبك
مش عارفه الكائنات الغبية دى مش بتنقرض ليه
Desert cat said…
MaNoO
كلامك صح جداً ومتفقه مع كل حرف فيه
ياريت كل الرجالة بعقلك مانو
تحياتى ليك
Desert cat said…
محمد حلمي مخلوف
للأسف المجتمع محتاج إعادة تأهيل
ميرسى جدا على لفت انتباهى الخطأ الإملائى
وانا فعلا صححته
تحياتى
Desert cat said…
Medus
امتا بس نكون زى الدول المحترمة ويتم تشريع قانون يكون فيه الخلاص

تحياتى
Desert cat said…
Servant of Christ
اهو ده بقى اللى اان استغربت له جدا
ازاى يرضوا انهم يسيبوا حق بنتهم فى حياة طبيعية مقابل قطعة من الارض ولا شوية فلوس ملعون ابو الفلوس دى مش تعوض لحظة واحدة من الفزع اللى عاشته
Desert cat said…
Anonymous
تصدق مش قادرة ادعى عليك واقولك الهى تجرب علشان تعرف ان امها عندها دم من عدمه ؟؟
الموقف بشع علشان كدا الواحد مش يتمناه من حد بس ياريت لو مش قادر تقول كلمة حلوة كان الاجدر بيك انك تسكت احسن
Desert cat said…
عاليا حليم
البنت اللى كل لما اشوف صوتها احس ان قلبى بيتحرق عليها
ربنا معاها يارب ويعدى عليها المحنة دى على خير
Desert cat said…
أبنوسة
صباح الفل يا احلى ابنوسة
انا اتفق معاكى فى عقوبة الاعدام للمغتصب ولو فى عقاب اكتر من الاعدام اتمنى يتنفذ فيه

تحياتى
أسوور said…
ايوة يا حنان اكتبى يا حنان وقولى اللى عايزين نقوله كلنا

التحرش يجرم بمجرد أن تشهد البنت انه متحرش وعلى الرجل اثبات المكيدة ان وجدت

الاغتصاب .. اعدام .. اعدام .. اعدام
Anonymous said…
من مملكة الأستقرار والعفه والتقى والى المغرمات بتقليد العادات البدويه المتخلفه
تقول وجيهه الخويضر متزعمة حقوق المراه المهانه فى السعوديه تعليقا على فتوى قاضى سعودى بجواز صفع الزوج لزوجته اذا انفقت بتبذير
وتعليقا على انتشار العنف الأسرى بين الأزواج فى المملكة السعيده -قالت ان المشكله ان الأنسان فى بلادها ينشا على ان المراه كائن ناقص
هل تسمع مقلدات العادات البدويه التى تعود للعصر الحجرى طمعا فى الجنه؟؟؟؟؟
hamada said…
يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com

أرجوا إرسال مواضيعكم لأختيار الأفضل لنشره العدد القادم
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039
Ahmed Talk said…
ﻻ حول وﻻ قوة إﻻ بالله
Desert cat said…
أسوور
انا حاسة ان الناس جت عند التحرش يا اسور وقفلت دماغها بقفل مصدى ده مجرد ذكر الموضوع بيحصل تحرش فى الرد
Desert cat said…
Anonymous
طبعا الستات هناك رافضين المعاملة الغير ادمية دى
واحنا رايحين نقلدهم دى حاجه فعلا مقرفه
Desert cat said…
Ahmed Talk
فعلا لا حول ولا قوة الا بالله
GHARAM said…
انا شفت البرنامج ده بالصدفه وفعلا حاجه تقطع القلب ، بس عجبتني الأم الجدعه اللي رفضت المساومات وعايزه تاخد حق بنتها بالقصاص العادل ، وفعلا تعجبت أنها لاتعلم عن زوجها الذي سافر خارج مصر ولا تعرف عنه شيئا وأكيد كمان مابيبعتش ليهم فلوس وبعدين يحاسبوا المرأة وحدها على الإنحراف يعني ست شابه زي دي جوزها سايبها وسايب طفلتين ومايعرفوش عنه حاجه لولا الست بتكافح وتشتغل وتصرف على أولادها كانت عملت أيه علشان تعيش، ولو شافت لها راجل تصاحبه علشان يأكلها ويأكل ولادها الدنيا تلعنها وترجمها لإنها فاسقه

ولم تصن عرض الزوج المسكين اللي سافر علشان لقمة العيش وهجر البلد التي عزت عليه فيها لقمة العيش


وحزنت فعلا من العم الجاهل اللي ضرب بنت اخوه وجرها من شعرها في الشارع وقال لها حاتجيبي لنا العار زي أختك


موش فاهمه اختها الطفله المسكينه اللي رايحه الكتاب تحفظ القرأن طفله لم تبلغ بعد ولا ماشيه ببدي ستومك ولا بنطلون سكيني ولا صدر نافر ولا مؤخره بتتمايل وواحد ابن حرام مجرم لاأخلاق ولا ضمير ضربها وأفقدها وعيها واجهز عليها حتى تمزق رحمها الصغير


هي برضه السبب


ملعون ابو الكلاب الجهله


والله انا لو من القاضي ابوها وعمها يتحاكموا مع المغتصب وجميعا أحكم عليهم بالأعدام علشان اخلص المجتمع من أشكالهم واعلقهم زي صدام حسين ماكان بيعمل


في ميدان عام ليكونوا عبره


أعان الله الأم الجدعه


وربنا يتولى الطفله المسكينه برحمته
GHARAM said…
فعلا البلد ماعدش فيها اخلاق




ولا أدب الناس بقت صعبه والجهل زاد بشكل كبير بين الناس
Anonymous said…
طبعا رمتنى بدائها وانسلت
كالعادة تلقى باللائمة على المشايخ والذين يقولون أن المرأة عورة
طبعا المرأة عورة والفيديو اللى أنتى حطاه اكبر دليل على كدة
ولكن السبب فى اللى حصل للبنت مش سببه زى ما بتحاولى توهمى قرائك

انما السبب معروف
تنتظرى إيه من شاب إعلام بلده كل يوم يبث عليه مئات الأفلام والمسلسلات التى تعج وتمتلىء بالمشاهد الساخنة
وماذا تنتظرى من شاب يمشى فى طرقات بلده ليرى العرى فى كل مكان وعدم الإحتشام

وماذا تنتظرى من شاب يجد الزذيله متاحة على الإنترنت وبتسهيل من حكومة بلده بل وتعمد
(وأذكرك بأخر إستجواب فى مجلس الشعب لوزير الإتصالات لرفضه منع المواقع الإباحية على النت)

فى رأيى أن المسؤل الأول والأخير عن هذه الواقعة هو إدارة هذه البلد التى جعلت أخلاقنا أنحدرت إلى هذا المستنقع

لم نسمع طوال ألف سنة حكم فيها الإسلام وطبق فيها حدود الله على الزانى والزانية لم نسمع بوقوع مثل هذه الواقعة الوحشية
لأن الإسلام هو رادع حقيقى لكل من يسول له نفسه أن ينتهك حرمة غيره

فليس العيب فى الإسلام أو فيمن يدعوا إلى فضائله كما تدعين

بل كل ما تعرضينه هو عرض لمرض كبير هو مرض البعد عن تطبيق الإسلام كشرع ينظم حيات البشر

والله حسيبك
Desert cat said…
GHARAM
بصراحة انا كمان موقف الام عاجبنى جدا
اللى غاظنى اوى موقف الجدة اللى بتقول يتجوزوا بعض
الست دى انا قولت انها كبيرة وبتخرف
لكن الام الله يساعدها فى الاخذ بحق طفلتها والقصاص من المجرم

تحياتى غرام
Desert cat said…
Anonymous
عقبال بنتك او اختك كدا
لما ترجع لك البيت وهى غرقانة فى دمها بسبب حيوان قذر
ووقتها هنشوف برضه كلامك ازاى او رد فعلك ايه
دعواتك كدا بس تشوفها فى حد يوجعك فى القريب العاجل وتكون عمرها 8 سنين علشان تقول ايوا هى عورة

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز