عاكف .. اعتكف يرحمك الله

ونقلت صحيفة الشرق الاوسط عن عاكف، في مؤتمر عقدته الكتلة النيابية للإخوان المسلمين تحت عنوان "القدس والأقصى ومخاطر التهويد"، "كان الواجب علي مصر أن تشكر حزب الله بدلا من أن تحقق مع الخلية، التي لم يقصد السيد حسن نصر الله من إرسالها التخريب أو الاعتداء وإنما دعم المقاومة الفلسطينية، وما يقوم به حسن نصر الله من مقاومة لا تستطيع مصر فعله، وقد قصرنا نحن في القيام به".
ومين يشهد يا عاكف وانت مش فالح انت وجماعتك غير فى اللطم والصويت حسن زفت ده ما كان يساعد من بلده لو هدفه المساعدة ولا هو يستخبى زى الفار ويبعت شوية لانتهاك السيادة المصرية .. والتحريض على قلب نظام وعمل فوضى اصل صعبان عليه يشوف بلد مش فيها حرب وطالما عارف ان فى اتفاقية سلام والنظام مش هيحارب يبقى يلعب بالورقة الرابحة واكيد الورقة دى اصحاب المصالح بتوع طز فى مصر ومش فى مانع طبعا انهم يخونوا السادات مش هو برضه اللى وقع على الاتفاقية لولاه الخاين ده كان زمان مش فى حاجه اسمها مصر دلوقتى
وطال عاكف في هجومه الرئيس المصري الراحل أنور السادات، الذي وصفه بالخيانة بحسب الصحيفة، وقال "لقد خان السادات شعبه عندما عقد اتفاقية كامب ديفيد دون أن يستشيره، لذلك فقد تخلي عنه الشعب كما تخلي عنه أقرب الناس له
هو بالرغم من اختلافى مع السادات لأنه سبب البلاوى اللى اسمهم الاخوان الا ان لولا المعاهدة دى كان زمان الحرب والدمار فى مصر من شرقها لغربها
وبعدين بلاش جماعة الاخوان المنتفعين تتكلم عن الخيانة اصل السجل بتاعهم حافل وشامل وكامل ولازال التاريخ يدون
وياريت كفاية تصريحات هوجاء وخربطة فى الكلام الناس ممكن تقدر الحالة اللى عندك واحترم شيخوختك مش لما تتنزنق تقول سامحونى مش كان قصدى وتانى يوم تطلع ببيان يلغى اللى قبله كالعادة ... ومين اساسا اللى وكلك تتكلم نيابة عن شعب مصر .. مين اللى عينك متحدث رسمى علشان يطلع يتكلم فى الصحف والتلفزيون باسم مصر ويتشدق باسم الوطنية ويرمى اى حد يخطر فى باله بالخيانة .. الخاين والعميل اللى بيرمى نفسه فى احضان اللى ليه عنده مصلحة
الغريب انى قريت حوار امبارح لجيهان السادات معجبة فيه اوى بالاخوان المنتفعين وبتقول ان السادات كان اخوانجى وانها بتدعمهم مالياً حتى وهى صغيرة كانت بتحوش مصروفها وتروح تديه فى ظرف للهضيبى .. ياترى بقى ايه موقفها بعد ما عاكف خون السادات لسه عاجبها دورهم الوهابى وحركاتهم التمثيليه فى احداث الفوضى فى البلاد

تعليقات

‏قال غير معرف…
خمسه فرفشه
مسابقة ملكة جمال بالسعوديه
طبعا الخبر عجيب ولكن لحظه المسابقه لأحتيار ملكة جمال الأخلاق !!!!!وطبعا هلل السذج وهات ياكلام عن بلد الفضيله والملائكه ومفيش سرقه ولا نهب لأموال البترول والكل اطهار ولا استبداد وتحكم عيله فى مصائر الناس واموالهم ولا حاجه من دى خالص بل
عفه وطهاره
صخيخ واحد اعترض وقال كيف ستحدد صاحبة الأخلاق ومن سيجدد ولكن مثل كل شىء فى مملكة البدو ماعلى السطح يختلف تماما عن الحقيقه فى العمق
ولكن كيف نقرا هذا الخبر العجيب قراءه صحيحه؟
لماذا الأخلاق يتم البحث عنها بين النساء ؟ السبب هو ان وراء هذا نظره الى المراه على انها مصدر كل شر وهى التى تدفع الى ارتكاب المعاصى والموبقات ولذلك اذا وجدت بينهن الفاضله وجب مكافاتها
اما الباقيات فيجب قمعهن وتحديد اقامتهن بالفعل فى البيوت او داخل الخيام المتحركه المشهوره بالنقاب
‏قال محمد حويحي
:))

انا معاك في موضوع اعتكف ياعاكف ويا كل ولاد الايه دول
بس اعترض في موضوه الاتفاقيه
ربنا يرحمنا برحمته ويخلصنا من دول ودول ودول وكل اللي بايعينها وقابضين تمنها
‏قال dr.lecter
سبيبه يخرف ويهرتل

هيغور خلاص فس ستين داهيه ونخلص منه
‏قال مواطن مصري
لسة كنت هقول بس معلومة للتاريخ


السادات الله يرحمة و عبد الناصر كان خارج من الاخوان

و الاخوان قلبو عليهم
‏قال على باب الله
الأراجوز بتاع طز .. ما يستاهلش أكثر من طز
‏قال Hassan El Helali
وجوه أذا ماصفعتها النعال أشتكت النعال بأي ذنب صُفعت! ههه

فعلا هذا ينطبق على إخوان السو
بتوع طظ وشركاه
لاهم أخوان ولا هم مسلمون
‏قال Magi Mostafa
الاخوان المسلمين افه من افات مصر وبس
‏قال الربان
تحياتي

اولا تحية تقدير الي روح المرحوم انور السادات....بطل الحرب و السلام...و في رأيي انه لن يأتي زعيم عربي لديه القدرة علي اتخاذ اي من القرارين فما بالنا بالقرارين معا.....

ثانيا...الاخ المرشد العام احيانا يتفوه باشياء شخصية ...و يهاجم .

ثالثا...لن نترك مصر و الامن القومي المصري لكل من هب و دب...حتي لو كان لمساعدة اي كائن ما...

الم يسمع قول الله تعالي :

يَا أَيُّهَا الَّذِينَ آَمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَا ذَلِكُمْ خَيْرٌ لَكُمْ لَعَلَّكُمْ تَذَكَّرُونَ (٢٧) فَإِنْ لَمْ تَجِدُوا فِيهَا أَحَدًا فَلَا تَدْخُلُوهَا حَتَّى يُؤْذَنَ لَكُمْ وَإِنْ قِيلَ لَكُمُ ارْجِعُوا فَارْجِعُوا هُوَ أَزْكَى لَكُمْ وَاللَّهُ بِمَا تَعْمَلُونَ عَلِيمٌ (٢٨) سورة النور....

ام نحن نغفل او نتغافل عن تعاليم الدين ...لتحقيق مصالح خاصة...

اتمني ان تسمر محاكمة خلية حزب الله...بل كنت اتمني ان تكون المحكمة عسكرية لان هذا تخريب لامن الوطن.

تحياتي و تقديري
‏قال ايــويــة…
القدس في خطر: ؟ يعني كرسي الحكم في خطر : بس محدش فاهم علينا

عمليا مصر كلها في خطر من الاخوان والوهابية والثورة الخومينية
‏قال Desert cat
Anonymous
ده كمان المضحك فى المسابقة العبيطة دى بيقولوا انهم هيكورما اكتر واحدة باره بوالديها
على اساس انهم هيحطوا كاميرات مراقبة للمتسابقات وكدا
‏قال Desert cat
عقل مهوي
عاكف ده بهلوان كلامه اصبح مثار لكل سخرية ربنا يشفيه
اما الاتفاقية لولاها كان زمان الحرب لازالت على اشدها
‏قال Desert cat
dr.lecter
يا دكتور السكة اللى تودى
بس المفروض طالما مش بيعرف يتحكم فى كلامه الاولى بيه يخرس بدل الخرف ده على اخر العمر
‏قال Desert cat
مواطن مصري
عبدالناصر لا يختلف عن الاخوان كان اللى ليه مصلحة معاه بيروح يرمى نفسه فى حضنه
يعنى كان شيوعى شوية اخوانجى شوية واهى اى سبوبة
السادات جيهان فى حوار ليها بتقول انه كان اخوانجى وفى الحقيقة كل افعاله كانت تدل على كدا
الواد خالد الاسلامبولى بقى اتسلط عليه وقتله قالوا عليه كافر زنديق ازاى يتحالف مع اليهود مع ان الاخوانجية يتحالوفا من الشيطان نفسه
‏قال Desert cat
على باب الله
وكمان طزين من عندى كدا بقوا 3 طز
‏قال Desert cat
Hassan El Helali
دول منتفعون يا عزيزى
مصلحجيون
كدا يعنى
‏قال Desert cat
magi
الله ياخدهم ويريح مصر منهم
وبس
:))
‏قال Desert cat
الربان
الله يرحم انور السادت وكل الموتى
اما الاخ بتاع طز فى مصر ده فى الحقيقة المفروض انه كفاية بقى تصاريحه اللى اشبه بالنكت ومن خلالها بيكشف اكتر عن الوجه القبيح للاخوانجية
مصر لن تكون لكل من هب ودب وامن مصر لن ينال منه خائن او عميل
نصر اللات عايز يساعد يساعد من ارضه

اشكرك جدا استاذى
تحياتى وتقديرى لحضرتك
‏قال Desert cat
ايــويــة
هو اى حد مزنوق يجى يقولك اصل القدس فى خطر والقدس هترجع لنا
وخيبر خيبر يا يهود جيش محمد سوف يعود
والشعارت تطلع والاصوات تتعالى من اجل انقاذ القدس
ابتسمى يا يويو انتى فى مجتمع المهاطيل

المشاركات الشائعة