قطة الصحراء وبدرية طه على قناة الانسانية

بناء على طلب الجماهير وعلى رأسهم سارة ( صفا ) وخادم المسيح
لقائى انا وبدرية طه على قناة الانسانية
طبعا القناة دينية بحته وده اللى أتفاجأت بيه لما دخلت الأستوديو
واللى أتفاجأت بيه أكتر اسلوب المذيعه ما شاء الله شاطرة جدا فى قطع الكلام
عموما هاذوه هو الفيديو ومشاهدة ممتعه يا بلوجرية بس مش عايزة حدف طوب لو سمحتوا كفاية عليا الكابتن بتاع الفيس بوك

تعليقات

‏قال مواطن مصري
مش دي المذيعة الي كانت شغالة في اقراء؟؟
‏قال Desert cat
مواطن مصرى
انا لا بشوف قناة اكره ولا الناس
مش عارفه بقى المذيعه دى كانت بتشتغل فين
هى اسمها لمياء فهمى عبدالحميد
شوف انت بقى ممكن تكون هى ولا ايه
‏قال فرعون
انا لسة كنت هقول ..ياريت تدينا حلقة من حلقاتك على قناة الانسانية ... والحمد لله انا فيا شئ لله
‏قال Unknown
الله ينور عليكي كنت منورة الحلقة

بالتوفيق دوما كدة
‏قال SERVANT OF JC
أولاً أشكرك يا قطة علي الفيديو .. طبعاً كان نفسي أشوف الحلقة كلها .. بس علي اي حال كويس إني شفت جزء منها ..

اللي أنا لاحظته فعلاً إن الأخت المذيعة بتتكلم كتير جداً (تقريبا أتكلمت أكتر من الضيوف نفسهم!) .. وأنا اكتر حاجة بتخنقني من اي مذيع هو الرغي

.. المفروض إن اي مذيع او مذيعة يدي فرصة للضيف إنه يتكلم بحرية مش يقاطعه ويقعد يرغي بدل منه .. مش كدة وبس أنا لاحظت كمان إنها بتتكلم في مواضيع فرعية ملهاش لازمة .. يعني هي مالها ومال السايبر والمكسب منه .. إيه دخل دا بالموضوع اللي بتتكلموا فيه؟

علي العموم .. تحياتي ليكي يا حنان وأتمني لكي المزيد من النجاح إن شاء الله :)
‏قال ايــويــة…
انا لسة باقارن بينك في المدونة وبين حنان اللي في الفيديو بس مفيش شبه خالص للمدونة
‏قال غير معرف…
اهلا اهلا اهلا قطقوطة

اخيرا شفتك .. بس شكلك مش لسانك طويل ذي ما انتي لسانك طويل

ههههههههه

بس ما سمعت كلامك .. اتقطع .. سمعنا كلام بدريه طه وانا ما فهمت منه اي حاجه ...

تشرفنا يا قطه

صافي الود
‏قال Desert cat
فرعون
ايوا ماهو انابقرأ الافكار
هو انا عندى اغلى منك اقرأ أفكاره برضه
ههههههههههه
شرفتنى ونورت البلوج فرعون
‏قال Desert cat
Ahmed Talk
ميرسى جدا يا احمد
شرفتنى
‏قال Desert cat
Servant of Christ
انا كمان استغربت اسلوبها دى تقريبا كانت تدير حرب مش تدير حوار

تحياتى
‏قال Desert cat
ايــويــة
انهى احسن بقى من وجهة نظرك الفيديو ولا المدونة ؟؟
ههههههههههه
فى كل الاحوال سعيدة انك شوفتى الفيديو
‏قال Desert cat
أبنوسة
مزحة طيبة ابنوسة عقبال يارب ما اشوفك قريب ان شاء الله
حملى الفيديو على جهازك وانتى تشوفيه كويس
محبتى ليكى يا جميلة
‏قال ايــويــة…
انا كنت ادفع نص عمري علشاناشوفك بس اطلعتي بالفيديو احلو من حتشبسوت
من اجل مشاهدة الحلقة كاملة يجب انزال الفيديو على الجهاز علشان على الموقع يظهر نصف الحلقة فقط
‏قال Magi Mostafa
الفيديو مش كامل
انا اصلا مش لاقيه قناه الانسانيه دى خالص
بس هو سؤال واحد هو انتى كنت حطه ايه على راسك عشان انا عملت زووم وبصيت من فوق لتحت ومن تحت لفوق ومش عارفه ده ايه برده عموما كنت منوره والمذيعه دى متعرفش ا ب تقديم برامج اصلا دى كانت بتكلم كانها فاكره نفسها الضيفه ولا حاجه
‏قال Desert cat
ايــويــة
يسلم عمرك يا عمرى
ميرسى لزوقك يا يويو
‏قال Desert cat
حبيتك بالصيف
كلامك صح جدا يا فندم
علم وينفذ
:))
‏قال Desert cat
magi
انا بصراحة مش كنت عارفه ايه اللى بعمله لانى اتفاجات زى ما قولت فى البوست ان القناة دينية وفريق الاعداد قعدوا يقولوا معلشى والنبى غطى شعرك يا بشر وانتوا مالكو بشعرى هو الناس هتتفرج على شعرى ولا يهمها كلامى .. قالوا والنبى هنتجازى وانتى لازم تكونى فى الحلقة والنبى غطيه قولت لهم مش مغطية حاجه هو انا علشان خاطر مش تتجازوا هعمل اللى عليا وده للاسف الاسكارف اللى بيتلف حول الرقبة لانه تكملة للطقم مش غطاء للرأس خالص
شوفتى بقى تعاطفى معاهم تعبك انتى انا اسفه ليكى بجد نيابة عن فريق الاعداد كله
المذيعه دى بجد دخلت فى حاجات ملهاش علاقة بالموضوع اصلا بخلاف انها بتقاطع الضيوف بطريقة مش كويسه كنت فاكره انها عملت كدا فى حلقتنا بس لكن للاسف اتضح فيما بعد ان ده اسلوبها
اشكرك جدا ماجى
تحياتى ليكى يا قمر
‏قال صفا سارة
بجد يا قطة سبحان من صبرك ع المزيعة دى :D
دى مش بتدى لحد فرصة يتكلم ايه ده
وكنتى منورة الحلقة يا جميل شكرا عالفيديو :)
‏قال Desert cat
صفا سارة
اه والله يا سارة على راى ماجى لما قالت ان المذيعه كانت فاكرة نفسها الضيفه
بتتكلم اكتر من اللى بستضيفهم

ميرسى ليكى يا جميل

تحياتى
‏قال Unknown
انا اللي لفتني في الفيديو كله المذيعه فعلا بتكلم كتير وبتقطع الكلام كتير اوي وزياده عن اللزوم بس ده اللي عايز اقوله وسعيد جدا اني شوفتك لاني كنت عايز اشوك من زمان.....شكرااا

المشاركات الشائعة