ابتلاء الوباء

انفلونزا الخنازير دى ابتلاء من ربنا توبوا وعودوا الى الله يا عالم يا كافرة حتى يرفع عن البلاء والبلا
ده مش كلامى ده كلام ائمة المساجد فى مصر ما شاء الله تفتقت قريحتهم الفذة فجأة ان انفلونزا الخنازير ابتلاء من الله اصل الناس قليلى الدين وبعدوا عن ربنا كل البعد فربنا قالهم خدوا عندكو بقى انفلونزا طيور محوئتش ولا جابت نتيجةفى جتتكو يعنى مجرد 26حالة بس يبقى لاء الاخطر انفلونزا الخنازير .. ولاء والشيوخ الافاضل المناضلين المجاهدين الموحدين بالله اللى عمرهم ما اتكلموا مثلا عن غلاء الأسعار ولا عن البطالة ولا عن الفساد والقرف المنتشر فى البلد إلا كل كلامهم عن النسوان وازاى تغطى المرأة وإزاى تضاجعها وإن رفضت يا سبع الرجال مهما كان السبب حتى لو بتموت اهجرها فى الفراش وبعد الهجر ان مش جت لك ذليله وتابت وأنابت عن فعلتها أضربها .. يخى جه قطع ايده قل ما تتمد عليها .. دلوقتى بقى قالوا نجدد سابوا كل البلاوى اللى فى البلد واتنقلوا لانفلونزا الخنازير دى ابتلاء من ربنا اصل مصر بلد إسلامى ومش يصح يتربى فها خنازير ... يختشى كميلة .. أمال الناس اللى مشاركينا الوطن دول يبقوا مين ولا ايه ؟؟ انا مش ضد ذبح الخنازير وتخزينها لكن ضد ان كل واحد فارغ العقل يستغل مشكلة ستعم العالم كله وبدلاً من البحث فى حل للوباء نقعد نصرخ ونولول ونقول ده غضب وابتلاء من ربنا .. ربنا لو عايز يرسل بلائه هيرسله فى القوم الفاسدين مش يبقى بلاء عالمى .. الطغاة عارفين ازاى هيتم حمايتهم لكن الغلابة برضه هما اللى هيتم انقراضهم فى هذا الوباء وربنا يسترها مع الجميع

تعليقات

‏قال tamer.sala7
اللهم ما قوي ايمانك

:P
‏قال مفكر قلق على مستقبل بلاده…
شىء محزن فعلا ان نحبس عقولنا داخل هذا المنظور الذى يتمحك فى الدين فالنتيجه كما قلت فى التدوينه هو الغباء المخزى فى تناول امور ومشاكل الحياه
متى نتعلم ان نختفظ للدين بمكانته ونقترب من امور الحياه اليوميه بعقل تحليلى نقدى يربط الأسباب الحقيقيه بالنتائج وليس هذا الهطل
وللسف متعلمون يروجون لهذا البله والبلاده فى التفكير
والنتيجه المعروفه طبعا هى وقوفنا محلك سر
والعالم يقفز الى الأمام ونبقى نحن عاله عليه ولولا شوية النفط فى دول الصحراء لظهرت هذه الدول على حقيقتها فالبترودولارات غطت الى حين حقيقة فقرهم
فهم فقراء فقراء فقراء رغم الأموال السائله اما الأغنياء فهم الذين يقدرون على صنع الثروه لا تلقيها جاهزه فقط كاليابان مثلا
وطول ما ظللنا وظلت عقزلنا حبيسة المنظور الدينى لن نتقدم شبرا واحدا
لندع الدين فى مجاله ولنفكر فى مشاكلنا كبشر ناضجين لنا عقول
‏قال عزيز عيني
ما هو انفولنزا الطيور سببها الخنازير برضه لان الاعلاف اللي بنستورده داخل فيها اسماك وعضم خنازير مطحون حاجه كده زي حبه مستكه وحبه مش مستكه
‏قال مواطن مصري
مش هما قالو ان احنا اكتر شعوب متدينة؟؟؟؟
‏قال مفكر قلق على مستقبل بلاده…
السماء لا تمطر حلولا
...هذه الطريقه فى التفكير او بالأصخ عدم التفكير وارجاع كل شىء الى السماء لتحل لنا كل مشاكلنا هو ما يعرف فى علم الأجتماع بالعقليه السحريه
وهى عقلية ما فبل التفكير العلمى المنظم
وبداية انتشارها بعد هزيمة 67 وارجع السذج الهزيمه الى بعدنا عن الدين
وهل المنتصر كان متمسكا بالدين فى اسرائيل العلمانيه
وهل رجعنا للدين فى ست سنوات عندما حققنا اداء جيدا فى1973
بالتنظيم والتحطيط الدقيق
ولكنهم لا يعقلون ولا يفكرون وينتظرون من السماء ان تمطر خلولا لمشاكلهم
منتهى العجز والأفلاس
‏قال SERVANT OF JC
إقتباس:
========

كل كلامهم عن النسوان وازاى تغطى المرأة وإزاى تضاجعها وإن رفضت يا سبع الرجال مهما كان السبب حتى لو بتموت اهجرها فى الفراش وبعد الهجر ان مش جت لك ذليله وتابت وأنابت عن فعلتها أضربها

===============

طيب ما هو يا قطة الكلام دا مش كلام المشايخ .. دا كلام القرآن نفسه. ويعني مع إحترامي الشديد لهذا الكتاب, فأنا مش قادر أتصور إن ربنا ممكن يأمر الرجل بضرب زوجته إذا رفضت معاشرته.. طيب ما هو الأحسن إنه يطلقها ولا يجبرها علي معاشرته بالعافية أو بمعني أخر ينفصل عنها بدل ما يحاول انه يغتصبها !!

اللي بيضحكني فعلاً هو بقي كلام السادة المشايخ اللي بيحاولوا يفسروا الكلام علي هواهم .. يعني واحد منهم يقولك الضرب يكون بمنديل!! وواحد يقول إن الضرب يكون بالسواك!! يعني الزوج يضرب زوجته بأي حاجة يلاقيها قدامه بسب المهم إن الضرب ميكونش ضرب مُبرح!!

طيب بالذمة دا كلام؟

طيب والزوج يضرب زوجته ليه أصلاً؟ بيخوفها مثلاً؟ ولا بيتشطر عليها؟

أخواني المسلمين

ممكن حد بجد يفهمني الموضوع دا.. وجزاكم الله خيراً

أما بالنسبة لموضوع الخنازير, فرأيي إنه مش كل حاجة نحاول نفسرها من منطلق ديني .. دا مجرد مرض زي اي مرض .. وكل مرض وله علاج .. وياما البشرية إتعرضت لأمراض وأوبئة لكن ربنا برضه إدانا العقل علشان نقدر نفكر ونبحث عن حلول لمواجهة المشكلة ..

تحياتي يا قطة
‏قال مفكر قلق على مستقبل بلاده…
تعليق عاقل وسط هوجة الغوغائيه الدينيه او الغوغائيه باسم الدين
وانظروا حتى استاذة الجامعه تعود من الخليج ليس فقط بالنفود ولكن بعاداته البدويه
انها كارثه الى هذا الجد الشخصيه المصريه هشه
اقراوا
dساده لماذا نختلف على الحجاب ولماذا نختلف على السفور فالحجاب فضل عند الله والسفور الله هو الذى يحاسب عليهيا- العلاقة فى الدين بين العبد وربه - لماذا نتدخل فيها-الحرام بين والحلال بين والاجر من الله وليس منى او منك- تعالوا نختلف على شئ مهم تعالوا نختلف على اننامتخلفون-بالله عليكم هل نختلف على ان الصناعة المصريه رديئه- مجرد اشياء ملفقه فى بعضها- تعالوا نختلف على اننا اصبحنا لا نجيد اي شئ - تعالوا نختلف على صنع التقدم - تعالوا نختلف على مغادرة التخلف اما ما بين العبد وربه فدعوه بين العبد وربه- اما عن شيوخ الفضائيات فكلما تشددوا وصرخوا وخوفونا من النار كلما انتفخت جيوبهم- فلا بشري ولكن عقاب ولا امل في الجنه ولكن النارمع ان الاديان كلها تبشير قبل الترهيب
انا شخصياً شاهدت بنفسي التحول في المجتمع في عائلتي والتي كغيرها من ملايين العائلات التي عادت من الخليج بمفاهيم مختلفة. لقد شاهد امي استاذة الجامعة والعضوة في التنظيم الطليعي في الخمسينات، تتحجب بعد عودتها من السعودية!!! في الستينات والسبعينات لم تكن تشاهد امراءة واحدة محجبة، ولم نسمع عن حفلات التحرش الجنسي مثلما حدث في وسط القاهرة ويحدث كل يوم لكل سيدة او فتاة تمشي في الشارع. تحول الذكور الي ذئاب لأن المجتمع صور لهم ان النساء عورات تمشي على الأرض، واذا تحدث احد بغير ذلك، انقض عليه من يدعون انهم يمتلكون الحقيقة المطلقة وهم لايمتلكون حتى العقل الكافي للتفكر فيها. انهم من يدمرون التسامح ويعيدون الساعات الي الوراء الي ذالك اليوم الذي اجتمعت فيه نساء مصر عام 1919 وحرقن الحجاب في ميدان الأسماعيلية والذي سمي بعد ذلك ميدان تحرير
وان من يمتلك اي تفسير مختلف هو اما غير مسلم، او كافر! انهم بعيدين كل البعد عن المناقشة والمنطق, ولكن منطقهم التكفير والشتائم برغم ان الأسلام لم يقم على مثل هذه المفاهيم الضيقة ولكن على السماحة والمنطق ومقارعة الحجة بالحجة
‏قال Magi Mostafa
قطه الصحراء احنا فعلا ربنا مبتلينا بحاجه بس بعيد عن انفلونزا الخنازير وكده اصل لما ربنا يبتلى شعب يسلط عليهم اجهلهم واعماهم زى الاخوه الى بيقولوا الكلام ده ليقودهم وده اكبر ابتلاء فى نظرى
لاحظى دايما ان فى اى مصيبه يقولو ابتلاء من ربنا وميدوروش على الاسباب الحقيقيه
يارب سترك
‏قال Migo Mishmish
وحشتيني يا قطة
الموضوع ده استفذني لما قريته امبارح في الشروق
الخبر بيقول وزراة الاوقاف نبهت ان الخطبه تكون عن انفلونزا الخنازير وطبعاً يقصدوا بيها طرق الوقايه واكتشاف المرض وان الناس ماتخفاش انها تروح للمستشفيات لو شكت في حاجة
لكن صاحبنا اللي فاكرين ان ربنا غاوي عكننه عالبني ادمين
محبوش يضعيوا الفرصه وقالك ده ابتلاء من ربنا والخنزير حرام واي كلام وخلاص
مع ان المرض ما ظهرش في مصر لسه والمرض برضه ظهر في اسرائيل والخنزير عندهم محرمه
وبعدين ما البقر فيه مرض الحمى القلاعيه والطيور فيها انفلونزا الطيور والخضار فيه اشرشيا كولاي والسمك فيه سالمونيلا والميه فيها كلور علشان يهري كلوينا وميه مجاري تجيب تيفودومصر فيها الحكومةكل ده مش ابتلاء
ديه عالم مخها تعبان
ومستوى ذكائهم ذي مستوى ذكاء اللي بيسمعوهم والاتنين بيساوا مستوى ذكاء الامبيا
على فكرة انا شفت البوست اللي فات وقرايت تعليق اللي مايتسماش
انا مش عايزاكي تزعلى. ديه ضريبه انك تكوني صاحبه راي في مدينه من البهائم
Love,
MishMish
‏قال مفكر قلق على مستقبل بلاده…
لماذا لا نبتعد عن المربع الأول
لماذا نبدا دائما من المربع الأول دائما وننسى او نجهل جهود السابقين
لماذا نستمع الى فتاوى المتخلفين وننسى محمد عنده ورشيد رضا ومحمود شلتوت من مصر
وعبد العزبز بن عبد الله من المغرب
وبن باديس الجزائرى
والتونسى بت عاشور والمغربى الدوكالى
يقول محمد عبده استاذ هؤلاء جميعا
لقد حرر الأسلام العقل من القيود ..ويرفض الأداء الآلى للطقوس الدينيه
وهؤلاء لا يقبلون التجديدات فقط بل يعتبروها ضرورية
فالعقيده لا تتزعزع ولكن الشريعه وهى تفسير بشرى فتتغير طبقا لتغير الظروف الأجتماعيه
وتطور العقل البشرى وقد كانت تعتبر الجغرافيا مثلا قبل فرنين حراما
وكما يقول محمد اقبال
هدف الأصلاح المطلوب بشده هو
اعادة فهم الأسلام بمصطلحات عصريه
حتى لا ينعزل المسلم عن عصره ويصبح غريبا فيه فيلجا لا محاله الى العنف لأثبات وجوده
هنف فى الكلام والنقاش او عنف دموى
‏قال ايـــويـــة…
يـــا حرام , حتى الخنازير اصيبت بانفلوانزا المشايخ
‏قال غير معرف…
قطقوطه

لا تعليق

لكن لو هم صحيح اهل دين المفروض يكونوا عارفيين انه اذا احب عبدا ابتلاه

الابتلاء ده رحمه

وبعدين بدل ما يتكلموا الكلام الفاضي ده حقوا ينبهوا الناس في المساجد من اخطار المرض وكيفية الوقايه منه

عالم فارغ

صافي الود
‏قال حدوته
بدون تعليق

تحياتى
‏قال dr.lecter
توبوا الي الله يافجره

ياكله الهمبرجر والتشيكن الاجريك

ثكلتكم امهاتكم

عااااااااااااااااا
‏قال الربان
تحياتي


شوفي حضرتك....ان كان هذا الداء ابتلاء
فهو كذلك بالفعل....

لكن ليس بالضرورة ان يكون ابتلاء لاننا
كفرة او ملحدين....الله سبحانه و تعالي يبتلي المؤمن و الكافر....الصحيح و العليل...ليري أنصبر ام نجزع...و الابتلاء
معناه اختبار...



قال تعالى :
((ولنبلونكم بشيء من الخوف والجوع ونقص ‏من الأموال والأنفس والثمرات وبشر الصابرين )) [البقرة:155]

اي لنمتحنكم ....

الخطابة بالمساجد في حاجة الي تغيير و تطوير للخطاب الديني و هذا ما ازعم
ان وزراةالاوقاف تقوم به حاليا..من خلال دورات تدريبية مستمرة للائمة و الوعاظ....لكن يمكن المردود الايجابي بطيء قليلا لان الاعداد كبيرة...


تحياتي و تقديري
‏قال Desert cat
tamer.sala7
اللهم آمين
‏قال Desert cat
سمراء
شرفتينى
:))
‏قال Desert cat
مفكر قلق على مستقبل بلاده
كلام حضرتك جميل وممتاز بس احنا ممكن نحلل المشكلة ونوصل لحل جذرى ليها مش الصاقها بالذنوب والدين والكلام المكرر ده
فى حالة واحدة بس
لو احنا فعلا فى بلد تجيد التفكير السليم
تحياتى
‏قال Desert cat
عزيز عيني
اذن اعدام الخنازير مش حل بقى
المفروض نعالج الجذور
لانها لو اتعدمت فى مصر مش هتتعدم فى الدول التانية والمشكلة مستمرة
‏قال Desert cat
مواطن مصري
اه وعلشان كدا اى حاجه تحصل سببها البعد عن الدين
‏قال Desert cat
مفكر قلق على مستقبل بلاده
هو الشعب المصرى كسب التناقض بجدارة من شوية
يعنى اكثر الشعوب تدينا واكثر البلاد فيها نسبة تحرش وفساد ورشوة
ماهى العقول الفذة دى مش هتسكت غير لما مصر تغرق فى فضيان التخلف والجهل طالما اعطال العقل هو الحل
‏قال Desert cat
Servant of Christ
يا سيدى الاسلان مش فيه الضرب والكلام الفاضى اللى كل شوية يطلع واحد ابن كلب عامل نفسه شيخ وقاعد يعمل ائح فى عقول الناس المشكلة بقى ان الجهلة والمتخلفين كتير وبيصدقوا وبيروجوا للكلام ده
اما بقى الخنازير
فدى المصيبة الكبرى لتعرية العقول
الناس خلاص فقدت العقل وبقى كل حاجه اصل ده غشب من ربنا
حلو اوى الغضب العالمى ده
‏قال Desert cat
مفكر قلق على مستقبل بلاده
ياريتنا كنا فى عام 1919 والناسء كانت بوقعى القدامى حتى يحرقن قطعة القماش اتى فرضها الوهابيون واكطاعهم الغافلون دون اعمال العقل ولو لحظة
‏قال Desert cat
magi
صح يا ماجى احنا ربنا مبتلينا بعقول اشهد من الجهل نفسه
‏قال Desert cat
Migo Mishmish
ازيك يا مشموشة وحشتينى جدا
الخبر ده وان دل فانما يدل على تغييب العقول واللى يصدق الهطل ده او يعمل بيه يبقى يستاهل الدبح مش الخنازير

تحياتى ليكى وقبلاتى لساندو
‏قال Desert cat
مفكر قلق على مستقبل بلاده
يا سيدى الفاضل معدومى العقول رافضين اساسا مجرد النقاش ويفضلوا السير خلف مسلمات عن اعمال العقل والظريف انهم يقولوا لك هو احنا هنعرف اكثر من القدامى
طبعا هتعرف على الاقل القدامى مش كان متوفر لهم التطور التكنولوجى الحالى
لكن للاسف الناس اعتمدت على ان فى ناس مجتهده بتفكر وتصنع وهما يستخدموا النتاج ده على الجاهز وبرضه كفار
‏قال Desert cat
ايـــويـــة
اهو اى حاجه تجيب سبوبة
‏قال Desert cat
أبنوسة
هما الاسم اهل دين لكن الفعل جاهلين

تحياتى ابنوسه
‏قال Desert cat
حدوته
بدون تعليق
شرفتينى جدا
‏قال Desert cat
dr.lecter
هههههههههههه
‏قال Desert cat
الربان
يا استاذى ربنا اذا احب منؤمن ابتلاه
لكن فى الحقيقة اول مرة نشوف ابتلاء عالمى بالشكل ده
من الواضح ان الخطاب الدينى قدامه كتير اوى على ما يتغير واكتر على ما عامة الناس تبتدى تفهم

تحياتى

المشاركات الشائعة