احنا عايزين نطبق الحكم الاسلامى بس ميمنعش ان عنينا على الكرسى

قريت بيان كوميدى النهارده لمحمد حبيب الحقيقة لا حد يقول عادل امام ولا سمير غانم ولا محمد هنيدى ولا اى كوميديان على الساحه الفنية .. يعنى هو المفروض يحلق دقنه ويروح يشتغل مهرج فى سيرك
السيد حبيب الاخوانجية بيقول فى بيانه العنتزى ايه بقى
تقول جماعة الاخوان المسلمين في مصر التي يجري استبعادها بشكل متزايد عن التيار السياسي الرئيسي في البلاد انها لن تخاطر بالدخول في مواجهة مفتوحة مع الدولة بالخروج الى الشوارع في مظاهرات على نطاق واسع كي تسحقها قوات الامن
اشطه جدا كدا .. الا هو السيد الحبيب بتاع الاخوان ده مش كان موجود فى مصر ايام مجزرة غزة ومش شاف اللى عملوه الاخوان فى الشوارع من صويت وتقطيع للهدوم ولطم الخدود وبعد شوية قلبت بطبل وزغاريد ورقص بعد ما طلع حسن زعبوله وقاله خطابة التحريضى فى انقلاب الشعب على الحكومة ؟؟ ولا شكله كان فى غيبوبة ولسه فايق منها برضه الواحد لازم يلتمس لهم العذر .
وقال حبيب لرويترز في مقابلة جرت في الاسبوع الحالي ان خروج الاخوان المسلمين وحدهم ليسحقهم جهاز الامن او الجيش غير وارد
طيب ماهو انتوا طلعتوا قبل كدا ياريس فى مظاهرات كتير ونددتوا ياما بس الحق يقال كله علشان خاطر غزة وفلسطين والقدس هترجع لنا وخيبر خيبر يا يهود جيش محمد سوف يعود .. وبعد ما قلتوا الكلمتين المحبوسين فى الحنجرة رجعتوا .. جيش ايه بقى اللى انت جاى تقوله ولا ليه اى موضع من الاعراب علشان تذكره ولا هو هروب والسلام .. بس طبعا انت قولت كلمة حق ودى تتحسب لك وهو خروج الاخوان المسلمين لوحدهم ليسحقهم جهاز الامن المركزى او الجيش غير وارد .. هو بالفعل غير وارد خالص لان الحكومة لو عايز تسحقكوا بالفعل مش هتلجأ لوسيلة مفضوحة قدام العالم كله اذن كلمة الجيش هنا ذكرها جه خطأ
وقال حبيب ان الاخوان المسلمين لن يعارضوا سعي جمال الى المنصب اذا جاء ترشيحه مع اصلاحات مثل انهاء قانون الطواريء واعادة الحريات المدنية واجراء انتخابات حرة ونزيهة وهي شروط قال حبيب انه ليس من المرجح ان تفي بها مصر
وماله ماهو قالها المخبر العام قبلك انه مش رافض ترشيح جمال ويبقى هو الريس المستقبلى
بس معلشى انتوا تبقوا اى سلطة فى الدولة علشان تقعدوا تفتوا وتقولوا تصريحات وعايزين ونرفض ونوافق ومش ممانعين ؟؟ الناس الغلابة اعطت الكام طرطور اللى قاعدين فى المجلس صوتها علشان يتكلموا بلسانهم وبدال ما يكونوا اد الامانة والمسئولية راحوا يرفعوا الجزم واحد ورا التانى فى وجه اللى عايز يناقش قضايا مصر او اى مشكلة تخص المصريين وداخل وخارج المجلس اشتغلوا ولوله على غزة وكانهم تناسو انهم فى برلمان مصرى وداخلين لمناقشه مشاكل المصريين وليس الغزاويين ولو حد قالهم يا جماعه عيب ميصحش يعلنوا جرى عن افلاسهم العقلى وانحطاطهم الفكرى ويكون المقابل السب والجزمه
هذه الافعال رفضها الكتير والكتير من المصريين واغلبهم من المتعاطفين معهم لان الناس خلاص فاقت لانه تمت ادانتهم من اقوالهم وافعالهم

Comments

حياة said…
صدق لما قالوا عليهم المحظورة
انهم يسعون دائما الى من لهم مصالح معهم واعتقد ان هناك صفقة بين الحكومة والاخوان الحين والا ماذا تفهمين من تحركاتهم المشبوهة مع بعض التيارات الخارجية ومن اين يجئ التمويل لهذه المحظورةومع هذا الحكومة تسكت عنهم تارة وتشد معهم تارة اخرى

تحياتى
Blank-Socrate said…
الاخوان المسلمين
هما الشوكة اللى فى حياتنا فى مصر
هما طفيليات بتتغذى على مشاعر دينيه لشعب مكبوت
لهم مظهر الحملان و لكن ذئاب خاطفة
للاسف مفيش وعى للشعب لسه مش مفضوحين هلى المستوى العام
اذا كانوا معروفين و مفضوحين على المستوى الفكرى و العقلى لقله
لكن لجموع من الشعب المنتهك و المسلوب لسه بيأثروا عليه بلحاحهم و تقوى مصطنعه و تدين زائف
انا لسه طالعا من بوست رومانسى عاطفى عندى تفوقين ليه بس يا قطه
ربنا يسامحك و ياخد الاخوان
قولى آمين
DantY ElMasrY said…
الاخوان مارضيوش يلعبو مع سته ابريل ولا مع كفاية ولا مع أى حزب عشان عندهم اجندتهم
واهو الراجل بيقول مش هانلعب لوحدنا عشان عز عبعليم بيضرب العيال الصغيرة اللى بتلعب لوحدها فى الشارع
الراجل دا مرشح يبقى مرشد؟؟؟؟
انا مع مشيرة خطاب و الله تستحق لقب سيدة مصر الاولى

مشيرة خطاب تؤيد منع تعدد الزوجات..وتدعو إلي وضع اسم أب افتراضي للطفل مجهول النسب


http://www.masrawy.com/News/Egypt/Politics/2009/april/24/khattab.aspx


شوفي الخبر و شوفي التعليقات
كلامك جميل يا حنان
بس فى الاخر نقووول

سياسة!
تحياتى
Anonymous said…
هذه السيده الشجاعه
تقول كفاكم تخلفا
لو انفقت اجهزة مخابارت معاديه الملايين لن تفعل بنا ماتفعلوه من شد البلد الى الخلف
اسمعوا هذه السيده الشجاعه
في ردها على سؤال بشأن إمكان ارتدائها الحجاب إذا نجحت في دخول البرلمان الكويتي، قالت -المرشحة عن الدائرة الثالثة نعيمة الحاي- إنها تتمنى أن ينظر أعضاء المجلس إلى أفكارها وطروحاتها وليس إلى شكلها، مؤكدة أن المرأة الكويتية سيكون لها نصيب في دخول المجلس القادم، مشيرة في الوقت نفسه إلى أن أرقام انتخابات عام 2008 حملت دلائل مبشرة بهذا الخصوص.

وقالت المهندسة نعيمة: إنه في حال اعترض النواب "على دخولي المجلس دون حجاب، سيكون عليهم جميعا أن يطيلوا اللحى ويحفوا الشوارب ويقصروا الدشاديش، والدستور قال إن التشريع الإسلامي أحد مصادر التشريع وليس المصدر الوحيد، ولكل شخص الحرية في الظهور بالشكل الذي يناسبه، ولن يُنظر إلى حجابي فقط، بل إلى طرحي وبرنامجي الانتخابي ومدى احتوائه احتياجات الوطن والشعب".

ونقلت جريدة "الجريدة" الكويتية السبت 25-4-2009 عن لحاي، أن سبب ترشحها "هو الإحساس بالخطر الذي أخذ بالاقتراب منا والمقبل من كل دول العالم، واليوم الجميع في البلد يتكلم في السياسة بعيدا عن الناحية العلمية، وحتى المهنيون تناسوا رسالتهم الأساسية وأصبحوا سياسيين، فالمهندس نسي التقنيات التي تعلمها خلال دارسته وبدأ يتكلم في السياسية فقط، وكذلك الطبيب وغيرهما، والشعب الكويتي يحتاج إلى أكثر من السياسية".

وأضافت: "الجميع قرأ عن كارثة كونية في عام 2012، ربما تقضي على كوكب الأرض، ولم نسمع أن أحد النواب تحدث عن هذه الكارثة وبحث عن وسائل حماية منها، وكذلك كارثة السفن الموجودة في قاع الخليج العربي، والتي تهدد الحياة البحرية إن هي تحللت في مكانها، وليس هناك من يفكر بشكل علمي في مستقبل البلد بعد البترول".

وأكدت خوضها الانتخابات بشكل مستقل بعيدا عن الدعم من أية جهة كانت، وشددت على أن "حدود الندوات لبعض المرشحين في التعاون بين السلطتين والحديث عن أمن الدولة، دون أن يكون لمستقبل الكويت نصيب في هذه الندوات، ويجب على الجميع أن يعرفوا إلى أين نحن نسير وأن تكون هناك "أجندة" حكومية ثابتة'، مشيرة إلى أن 'المرشحين تكون لديهم أجندات كثيرة، لكن عندما يصلون إلى المجلس يطبقون أجنداتهم الشخصية".

وأضافت: 'أنا سعيدة بزيادة عدد الوسائل الإعلامية خلال السنوات الثلاث الماضية، وأشكر الإعلام الكويتي على حمله هذه الرسالة الإعلامية المهمة، وأطالبه بإنصاف كل الشعب الكويتي لا المرشحين فقط لمجلس الأمة، والابتعاد عن الإثارة والتأزيم السياسي بسبب التركيز على قضايا معينة".
انا حرة said…
انتى تاعبة نفسك ليه يا حنان :)
ما هم معروف انهم ابعد ما يكون عن اللى بيدوروا على مصلحة الوطن و تطبيق الاسلام و الشريعة..لكن طول ما هو مفيش بديل غير حزب طلع الناس من دينهم طبيعى انهم يمشوا ورا اى حد يقول الاسلام هو الحل..ييجى البديل الاول و بعدين نحاسب الناس اللى مش لاقية تامل على اختياراتها السياسية
انا حرة said…
اه صح نسيت اسال هم تحالفوا مع حزب الوفد الليبرالى الكافر فى انهى انتخابات بتاعت المحامين ولا بتاعت مجلس الشعب..يا بنتى احنا عايشين زمن المسخرة السياسية :D
الجنوبى said…
يا ست الحجة او يا سى الحج كل ما قاله حبيب فى الميزان السياسى يعد نموذجيا ففى السياسة لا يوجد ثوابت

يبدو انك تنتمى الى من نفسهم حزب التجمع

انا اقول هذا مع انى لا انتمى الى الاخوان بصلة

تقبل مرورى
إزيك يا قطة

الظاهر إن كلامك دا تاعب ناس كتير .. بجد مش فاهم ليه .. واحد منهم النهاردة دخل عندي المدونة ونازل شتيمة في قطة الصحراء .. بس أنا برضه رديت عليه

تحياتي
فرعون said…
لابد من فصل الدين عن الدولة .... وايضا القضاء على الاخوان المسلمين .. البلد مش ناقصة توتّر
عماد said…
مش صدقيهم , مش إحترموا عقولنا خالص, و إحنا مش وافقنا , و إنتى كمان مش بطلى إفضحيهم و مش إسكتيلهم
مش كدا برضوا ؟
هههههههههههه
Anonymous said…
الموتوسيكل كمان حرام
كل شئ لم يكن موجود بالجزيره العربيه حرام..اذن ايها الإخوه الرجال المسلمون: الموتوسيكل حرام
تعليق على هذا المقال من اليوم السابع
عن حرمة شم النسيم وعيد الأم وعيد سيناء...الخ
◄«البدعة والتشبه بالكفار» حجة المتشددين لإفساد البهجة وإشاعة «الغم» بين المصريين عندما يضع الإنسان نفسه بين قوسين، التحريم والإباحة، حينها تنحصر خياراته فى أشياء معدودة، وهذا عنصر مهم لفهم شخصية الإنسان المصرى المتدين بطبعه
الموتوسيكل كمان حرام
كل شئ لم يكن موجود بالجزيره العربيه حرام..اذن ايها الإخوه الرجال المسلمون: الموتوسيكل حرام !!
Anonymous said…
من محاضره للمثقف والشاعر السورى الكبير ادونيس
المجتمع العربي يفتقر الى الثقافة المستقلة الحرة ونحن نختبر بأنفسنا ونرى كيف تكون القضايا الثقافية عندنا، نخطئ كثيراً عندما نقارن اوضاعنا الثقافية بأوضاع الغرب".


وقال ادونيس إنه لا يوجد "مخرج لنا اذا كنا فعلاً نريد ان نؤسس لمجتمع جديد الا بالفصل الكامل بين الديني والسياسي مع الاحترام الكامل للمعتقدات الفردية اياً كانت هذه المعتقدات
وقال اذا اجتمع اوربى واميركى ماذا يقدم العربى سوى فتاوى ميكى مكاوس
Desert cat said…
حياة
انا كمان اشك زيك حياة ان فى صفقة ما تتم الحكومة والاخوان لا يفرقان فهم وجهن لعملة واحدة
Desert cat said…
Blank-Socrate
سورى يا مينو
بس بجد مش كان قصدى اعذرنى
ربنا ياخدهم جمعاااااااااء
قول انت كمان امين
:))
Desert cat said…
DantY ElMasrY
الراجل ده مرشح يجيبوا له بامبرز اخر الشهر
علشان كدا بيطلع يقول بيانات يمكن يصعب على الناس ويلموا من بعض ويجيبوا له هما البامبرز
Desert cat said…
مواطن مصري
مشيرة خطاب دى وزيرة زى السكر
ياريت نصف وزرائنا بس يكونوا فى قوة عقلها وتفكيرها
Desert cat said…
اصحى يا مصر : اسلام ديو
ماهى السياسة دى مش لازم تكون بالقذارة دى يعنى يا اسلام

تحياتى
Desert cat said…
Anonymous
قرأت نفس الكلام ده برضه على موقع العربية وبصراحة لم اتمالك نفسى الا ان اصفق لها
وياريت الجميع يحذو حذوها

تحياتى
واشكرك جدا على الخبر
Desert cat said…
انا حرة
للاسف مصر مفيهاش احزاب محترمة
من فترة الصديق محمد عبدالحى نزل قائمة احزاب على الفيسبوك الجميع كان داخل يستغرب الناس دى فين وبتعمل ايه لكن جه الجواب من عضو باحدى الاحزاب اللى ذكرها محمد وقال انهم بيعملوا احزاب علشان يعيشوا على الميزانية وقفا الشعب
وتحيا الوحدة الوطنية
Desert cat said…
هما يا حبيبتى يتحالفوا مع العفريت الازرق طالما تلوح فى الأفق البعيد مصلحة شخصية
Desert cat said…
الجنوبى
هو من ليس معى فهو ضدى ولا ايه ؟؟
ميزان سياسى مين اللى بيتكلم فيه حبيب
انت شايف كلامه ينتمى لاى موازين سياسية ولا مهلبه حتى
ده احسن له يروح يشتغل فكهانى بلا ضحك على الدقون

تحياتى برضه
Desert cat said…
Servant of Christ
هههههههههههههه
ده انت لسه ياما حتشوف
بيجى لى كتير من الهبل دول لكن وحياتك ولا بعبرهم
وبعينهم يشوفوا لهم حرف عندى

ميرسى على ردك غيبتى
تحياتى ليك
تسلم ايدك يا حنان
طبعا معروف انهم بيعملوا كده مش لوجه الله لأنهم فى الأساس كجماعة دينية بتحط لنفسها مرجعية دينية عن طريها بتستلب الجماهير و عاملة دعاية جامدة بالقضايا اللى متبنياهى
المشكلة انهم فاكرين نفسهم الفرقة الوحيدة اللى ناجية من السبعين فرقة
مشيرة خطاب محتاجة بوست بس ل الاسف معنديش معلومات عنها
احمدي نجاد لا يعارض اتفاق سلام بين اسرائيل والفلسطينيين

http://www.masrawy.com/News/MidEast/AFP/2009/April/27/777260.aspx

واشنطن (ا ف ب) - اظهر الرئيس الايراني محمود احمدي نجاد الاحد بعض ليونة في خطابه المعادي لاسرائيل، مؤكدا انه لن يمنع الفلسطينيين من الاعتراف بالدولة العبرية في اطار حل اقليمي على اساس "دولتين".
وقال احمدي نجاد في مقابلة مع شبكة "ايه بي سي" الاميركية "مهما كان القرار الذي يتخذونه، لا مشكلة بالنسبة الينا، لن نحول دونه، مهما كان القرار الذي سيتخذونه فاننا سندعمه"، ما يوحي ان طهران لن تعارض قرار الفلسطينيين في حال اعترافهم باسرائيل.


لا تعليق بس عاملين نفسهم بتوع المقاومة و الصمود


اهم طلعو و ظهرو على حقيقتهم
Desert cat said…
فرعون
والله انا اول الناس اللى بتنادى بالقضاء على الاخوان المسلمين المفروض يحطوهم فى تقفيصه فراخ ويولعوا فيهم

تحياتى
Desert cat said…
عماد
ايه يا حبيبى كمية المش اللى انت جاى لى بيها دى كلها
المدونة مليانة مش منه فيه
ههههههههههه
عموما ميرسى يا عماد
Desert cat said…
Anonymous
والله صاحب التعليق ده راجل اصاب كبد الحقيقة
Desert cat said…
Anonymous
هو كل من يخلط الدين بالسياسة اكيد صاحب مصلحة شخصية
وفاهم كويس اوى ان الغلابة يهرولون خلف كل من قال الله وقال الرسول
وبالتالى يتم استغلالهم بهذه الطريقة
جميع الاديان خاليه من ادخال الدين فى السياسة
Desert cat said…
عَبْدو المَاسِك
الفرقة الوحيدة المختلفة عقليا واللى تستحق الحرق
بدون رحمة
Desert cat said…
مواطن مصري
مشيرة خطاب دى انسانه عظيمة جدا وتستحق الخير كله مش بوست بس

Popular posts from this blog

قميص دهشور

كل تحرش وانتوا طيبين