الجوارى هى الحل

الجوارى هى الحل لأن معاشرتهن جنسيا كان لايعتبر فاحشه ولا ادرى لماذا ماعلينا وكان منتشرا جدا ايام العصور الأولى للأسلام لكثرة الأسيرات فى غنائم الحرب وكان هذا هو الحل الأمثل لغريزه طبيعيه وليس مقبولا ان نطبق العقوبات المشدده كالرجم مع غياب مؤسسة الجوارى فاما ناخذ الشروه على بعضها يا نتركها على بعضها ولنقرا هذا الخبر من السودان وبالمناسبه عقوبة الرجم اصلا يهوديه ساد هرج ومرج في الجلسة التي عقدت أمس الثلاثاء عندما فاجأ رئيس كتلة نواب الحركة الشعبية لتحرير السودان ياسر سعيد عرمان نواب البرلمان وطالب بمراجعة عقوبة "الزنا"، بحجة "هناك مجتمعات مختلفة ربما لا ترى بأنها جريمة"، وقبل أن يكمل عرمان حديثه قاطعته مجموعة من النواب بغضب شديد، وسادت حالة من الهرج بقاعة البرلمان، خاصة من النواب المحسوبين على القوى السياسية التي تنتمي إلى أفكار دينية.وبحسب صحيفة "الشرق الأوسط" اللندنية، وصف عرمان حالة الهياج في القاعة ردا على ما ذكره بقوله "أستغرب أننا نتناقش في قانون مكافحة الإرهاب وهناك إرهاب داخل البرلمان"، مطالبا بعدم تطبيق قانون العقوبات الجديد على غير المسلمين، وقال إن الجلد في الجرائم غير الحدية يتعارض مع الدستور
،،،،،،
نقلاً عن صديق عزيز

Comments

أسوور said…
عقوبة الرجم لم تذكر فى القرآن فى اى موضع وانما الجلد فقط
Ahmed Talk said…
بالنسبة لمشروعية معاشرة الجواري في اﻹسلام كان بحكم القرآن الكريم
dr.lecter said…
انت تعرفي ان فيه ناس فعلا بتبحث وناويه تنزل الاقتراح ده بجد بس مش يبقوا نظام جواري هيبقوا نظام ماملكت يمينك

ناقص الاقي علي نظام علاء ولي الدين الله يرحمه
انت الي فوق وانت الي هنا والي بهذه الجاريه
Medus said…
هل هذا معقول يا قطة الناس بترتقي وبتسير للامام ولا بترجع لورا
عزيزتي سمعتي بفتوى تحليل الزنا بوثيقة رسمية والمسمى زواج المسيار
مش عارف هوا مفيش حاجة في حياة شعوبنا غير الموضوع دا الجنس والتحرش الجنسي والزواج الجنسي...الخ احنا لية متدنيين كده ليه منفكرش في حاجات اهم عندنا مشاكل كتير وجسمنا فيه اكتر من جهاز ملقناش غير الجهاز التناسلي هوا دايما القاسم المشترك الاعلى في كل مشاكلنا
تحياتى والى الامام
فكرة الجواري كويسة, وانا مستعدة اتبرع ابقى جارية=زانية=ببلاش طالما دة شرعي وحلال. وبكدة حيخف التحرش الجنسي واتحلت مشكلة البطالة اللي هي الدافع للتحرش وهاكسب حسنات كتير

بس اليهودية دي اللي عايزين يطبقو عليها حد الزنا حسب (الاسلام), لو كانت عايزة تتجوز, هيستقبلوها في المحكمة الشرعية؟
إقتباس:

***************************
الجوارى هى الحل لأن معاشرتهن جنسيا كان لا يعتبر فاحشه ولا ادرى لماذا .. ما علينا وكان منتشرا جدا ايام العصور الأولى للأسلام لكثرة الأسيرات فى غنائم الحرب وكان هذا هو الحل الأمثل لغريزه طبيعيه
***************************

يا قطة ..
بجد حرام عليكي ..

يعني انتي مش متقبله إن حد يتحرش بيكي في الشارع, إزاي بقي هتتقبلي إن واحد يهجم علي أهلك وينهب أموالهم ويسبي نساءهم ويغتصبهن ويمارس الجنس معهن وبعد ذلك يبيعهن ..؟!

أنا بجد مش فاهم حقوق مرأة إيه اللي الشيوخ المحترمين بيتكلموا عنها ليل ونهار ..؟!

يعني جيوش المسلمين تسبي النساء وتاخذهن جواري لتفريغ الغريزة الجنسية اللي تعباهم وبعد كدة تتكلموا عن حقوق المرأة ..؟

ما كان يقوم به الفاتحين والغزاه العرب والمسلمين من إغتصاب النساء الأسيرات وبيعهن كجواري هو عار في جبين المسلمين كلهم ..

وقبل ما تطبقوا قانون الرجم والجلد وتحاسبوا الزواني, ياريت تحاسبوا التاريخ الإسود لكل الفتوحات الإسلامية وتدينوا وتتبرؤا من كل ما كانت ترتكبه هذة الجيوش من إغتصاب للنساء وبيعهن وشرائهن كملكات يمين .. !!

أي إحترام لحقوق المرأة اللي بتتكلموا عنها يا ناس ..؟ كفاية بقي يا مشايخ كذب وخداع وتضليل !!!

تحياتي ليكي يا قطة

وأنا عارف كويس إن دا مش رأيك أبدا
DantY ElMasrY said…
من ستين سنة كان الدعارة مرخصة وخاضعة لإدارة الدولة

إذا كان المجتمع والقانون يجرمون الجنس خارج مؤسسة الزواج

وشيخ الأزهر يفتى بإباحة زواج المسيار

بس المجتمع رافض

وشيخ الأزهر مجابهاش من بيتهم

دى ليها أصل


طيب إحنا لا نرحم ولا نخللى رحمة ربنا تنزل

لما واحدة تخللى واحد ينام معاها مرة كل كام يوم
والواحدة دى ممكن تكون مطلقة أو أرملة
او بتحب صاحبنا والسلام

الناس مالها

هى موافقة وهو موافق وشيخ الأزهر اللى مالوش علاقة موافق


والناس رافضة بردك



وكذلك تتخذ المظالم منطقا عذبا
لتخفى سوأة الآراب
أبنوسة said…
قطقوطه
كيف يا عسل

الحديث المنقول عن الصحيفه والذي حدث في البرلمان السوداني حدث فعلا .. الغريب في الامر ان المستنكريين مناقشة مثل هذه الامور وهي العقوبات التي يطبقها المتاسلميين في السودان هم اكثر الناس فعلا للكبائر .. واظن انكي تعرفين ما هي الكبائر

انا مع فكرة فصل الدين عن الدوله .. والفكر الليبرالي في ادارة الدوله .. كل احد يتحمل نتيجة سلوكه وحاجاته .. والذنب بين العبد وربه

اما عن عقوبة الزنا وقد جاء انه لا يمكن اثباتها الا من خلال اربعة شهود بالغين عاقليين .. ناضجيين .. ولا يثبتهوا الا اذا راءوا الممارسه تتم كدخول المرواد الي المكحله .. وهو لعمري استصعاب قصد به الله تعالي انه ستار لعبيده .. لانه لا يمكن ممارسه الجنس وامامك شخصيين فما بالك باربعه ... وحتي اذا فاجأؤك وانت تفعل هذا .. فلابد انك ستقف او تمتنع .. وهذا من رحمه الله

فهو قد خلقنا وخلق معنا خطايانا وايضا خلق عقاب هذه الخطايا

قطقوطه افتقدك بجد واحييك علي العمل الانسانس الكبير الذي تقوميين به

تسلمي

صافي الود
Desert cat said…
أسوور
اهى عقوبات بيخترعوها ولان يوجد العديد من المغيبين الذين لا يقرأون ولا يفهون فيلصقون الجهلاء ما يحلو لهم بالقرآن

شرفتينى يا جميله
Desert cat said…
Ahmed Talk
ودلوقتى بحكم دكتور عمليات الترقيع على اساس انه موجود فى كل وقت
Desert cat said…
dr.lecter
ده كدا هتبقى اشطة اوى
الرجال ما ملكت يمينهم والنساء ما ملكت ايمناهن والكل هيتبظط ان شاء الله
وكله بحكم الشرع
Desert cat said…
Medus
الغرب الكافر عايش يعمل ابحاث ويخترع واحنا نستخدم التكنولوجيا ناتج هذه الابحاث والشيوخ يتبرعوا على بضانهم ويقعدوا يشتموا فيهم فى الفضائيات
والعرب الفوارس لا هم لهم غير الجنس وكيفيه اشباع رغباتهم

تحياتى عزيزى ملحوظة فى محلها تماما
Desert cat said…
حبيتك بالصيف
لاء مش هيستقبلوها
وبالتالى هى هيكون مطلوب منها تعيش فى الزنا طول العمر - اللى هو تبقى جارية وجواريكم حل لكم
Desert cat said…
Servant of Christ
لا طبعا مش رائي ولا عمره هيكون رأى
ده رأى المشايخ المشخوخ فى عقولهم ونفس الشخاخ ولا مؤاخذه بيعملوه فى عقول البشر

تحياتى
Desert cat said…
DantY ElMasrY
ايوا طبعا الست موافقه ان الراجل ينام معاها وشيخ الازهر موافق الناس الحاقدة الوحشة دى مالها ما تسيب الناس تنام وتتكاثر وتعيش بقى ناس حقوديين وحشين
وانا من وقعى هذا من امام الكيبورد بقول برضه الجوارى هى الحل واللى عايز يظبط نفسه وببلاش يروح يشوف جاريته ينام معاها ويخلص
Desert cat said…
أبنوسة
الغالية ابنوسة
متفقه جدا مع كلامك
وانا فعلا مقصرة فى زيارتك اعذرينى
تحياتى ومحبتى ليكى
حقيقى شرفتينى
زنا بموافقة الطرفين طبعا رجم و ماله
لكن تحرش و تحطيم معنوية أنثى حلال حلال حلال
مش الأنثى تجرأت و نزلت من بيتها أصلا
و كمان و ماله قانون الجواري
اهه شغال
و بالمرة نعمل سوق نخاسة و نمشي ماملكت ايمانكم
و هتبقى هيصة فعلا ..

:(((((

هو الحال رايح بينا لفين ياحنان ؟
Desert cat said…
أسماء علي
مش حلال وبس يا دكتورة ده كمان يلتمسوا له الاف الاعذار
شوية البطالة وشوية مكبوته يا حرااام
المهم انه لازم البنت غصبن عنها توافق انه يفرغ كبته فيها
مجتمع مريض فعلا

تحياتى

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز