يا سلام على الزهد والتقشف

هو التجارة بالدين بتكسب اوى كدا ؟؟
بتخلى كل اللى قعد وربع رجليه يهبر طبق فتة كبير اوى كدا ؟؟

ده منزل الشيخ القرضاوى اللى المفروض انه هيتم هدمه وبينقل فى منزل تانى ما شاء الله خمسة وخميسة وخرزة زرقه فى عين اللى ميصليش على النبى افخم من ده الف مرة
طبعا بعد الدعوة بالزهد فى الدنيا ولا تحزن يا اخى فالله ما اخذ منك الا ليعيطك
واشترى الآخرة بالدنيا الفانية بنت الكلب دى .. دى حتى الدنيا من الدنو
بيعها واشترى الاخرة وعيش على العيش الحاف وادى دقنى لو لاقيت العيش اصلا
وهما يعيشوا فى قصور واولادهم يتعلموا فى اوربا وارصدتهم اتلال اتلال فى بنوك اوربا الكافره الا هى ارباح عمرو خالد برضه مش 2.50 مليون زولار سنوياً
وهو بيخسر ايه غير يقعد يتنحنح ويصرخ شوية ويعيط شويتين والحسابة بتحسب
ولسه فى ناس بتصدق شغل الجلا جلا ده ؟؟
واتارى من سنة عمرو خالد وحسان والحيوينى كانوا بيتخانقوا على قناة الناس وكل واحد يهدد لو عمرو خالد ظهر انه هينسحب طبعا طالما الموضوع ذلك وكذلك يبقى جانبكم الصواب فعلاً .. يا فقرا يا مساكين يادعاة الزهد والتقشف فى الحياة الدنيا
الرسول كان ممكن يكون اغنى منكم بمراحل لو اتربح من الدعوة للاسلام .. الا ده كان بيطلع كل ماله صدقات للفقراء والمساكين
اولا الدعوة للاسلام دى مش شغلانه اصلا ... لان مفيش مهنة اسمها داعية لا تم ذكرها فى القرآن ولا فى الدين ككل ولو فى انتوا هتدعوا مين بقى ؟؟؟ تكونوش فاكرين نفسكو عايشين وسط حنظلة وابولهب ؟؟
تربحوا براحتكو بس بلاش الضحك على الغلابة باسم الدين
....
الكومنت ده عجبنى اوى على الخبر
كيف تريدون أن يسكن الشيخ القرضاوي في بيت متواضع والقاعده الأمريكيه قريبه من داره ماذا سيقول الأمريكان عنا أننا لانحترم شيوخنا وماذاسيقول شمعون بيريز عندما يزور قطر فيسأل عن الخرابه أو بيت الطين لمن فبماذا نرد أنقول أنه لشيخنا القرضاوي . لا عيب ياجماعه بعدين يفضحنا شمعون

تعليقات

‏قال Magi Mostafa
طبعا كلو بيلعب بالدين
اكتر تجاره رائجه دلوقتى
رغم ان احيانا بعض اراء الشيخ القرضاوى معتدله نوعا
الا ان لازم القول يقترن بالفعل والمظهر والا ميكونش لى اى لازمه ولا ايه؟؟
‏قال سمراء
برضوا عجبني التعليق
اصل كل حاجة في الدنيا ممكن تلاقي لها منطق
وللاسف المنطق دة قد يكون خادع
وممكن البسطاء يصدقوة ويرددوه


اشكرك على المعايدة وان شاء الله تكون ايام سعيدة على مصر كلها

سمراء
‏قال مدونة رامز عباس تستفسر منكي يا قطه…
في تعليقك

عند مدونة الناس والعالم قوتيله ياريت تكون معانا يوم 18

فهل هو لقاء تندويني استطع حضور واين هو ومعياده


لو ينفع يعني
‏قال Unknown
يا بنت دوووووووووول علماء ودعاة

لا كدة نونوا بتاعتك هتحد حدودهاولا ايه

ربنا ياخد منا ويديهم من غير حساب علشان إن شاء الله يحسابهم كويس أواي في الأخرة

أنت مسمعتيش الحديث بتاع أول ثلاثة سوف تسعر بهم النار ومنهم عالم

شكرا لكي
‏قال Hossam
ايه ده؟؟؟ اكيد القرضاوى مش ساكن فى البيت ده
ده احلى من قصر الاليزية امال زهد وتقشف ايه بس.
عجبنى اوى تعليقك على موضوع القنوات الفضائية.
عل العموم انا عمرى ممشيت ورا اى شيخ ولا قرضاوى ولا دياولو
القراءن والسنة واستفتى قلبك.
تحياتى عل البوست الجميل
تحياتى
سلام
‏قال مواطن مصري
انا هلبس جلابية و اربي الدقن و ابو الشهادة الي بتعلمها
‏قال Hassan El Helali
يا قطة الموضوع كله من اوله لأخره سبوبة أكل عيش
عارفه مين أغني واحد علي وجه البسيطه؟
وبيكسب فلوس لا حصر لها ولا عدد؟
بدون ما يحرك شعره من راسه؟
وبدون ما يدفع مليم ضرايب؟
ويمتلك معظم أراضي أوروبا؟
ونص أراضي أمريكا اللاتينيه؟
وبنك خاص لفلوسه هو وحده؟
ومتاحف مليانه من ثروات العالم القديم المنهوبه؟
والناس بتديله وهيا بتبوس ايده يقبل؟
بابا الفاتيكان
‏قال V.Hayat
المتاجرة بالدين هى البضاعة الرائجة هذه الايام كم من قناة فتحت من اجل الدين والدعوة ولو نظرتى اليها سترى انها تجارية بحتة فكل الشيوخ اصبح اجره اكبر من نجوم السينما والتليفزيون والاسلام برئ منهم انا شخصيا لا احب مشاهدتهم

تحياتى
‏قال فرعون
فعلا هو متقشف ومسكين هو وذغلول النجار ... ماهى تجارة مية مية
‏قال أنا حر
يا بنتي كل واحد بيكسب على قد التجارة اللي بيتاجر بيها
تاجر المخدرات بيأثر على مليون مدمن فمكسبه بيكون على قد المليلون انما اللي بيتاجر بعقول امه كاملة مكسبه هيكون قد ايه؟؟؟
تحياتي
‏قال غير معرف…
لا يا حنان:)
أنا وجهة نظري غير كدة :)

وأما بنعمة ربك فحدث :)


مش غلط :)

مش غلط يا حنان,لا:)
‏قال Desert cat
مدونة رامز عباس تستفسر منكي يا قطه

لاء هو مش لقاء مدونين
هى وقفة احتجاجيه ضد التحرش الجنسى
والعنوان

المقطم حديقة الخزان بجوار حديقة الأندلس اى ميكروباص من السيدة عائشة - تنزل عند حديقة الأندلس فى شارع 9التجمع عند حديقة الأندلس الساعة 5 مساء

طبعا انت تشرفنا جدا يا رامز
واكون سعيدة او بتواجدك
وياريت تبلغنى فى كومنت
رقم تليفونك اى حاجه تعرف توصلنى ليك
‏قال Heba
اتق الله يا ست , واحنا نصدقك ليه أصلا, ليه متكونيش كدابة وبتتبلى على الناس؟؟

وبعدين حتى لو كان بيته, وانتى مالك, الراجل مبيعملش حاجة حرام, الدور والباقى على أمثالك اللى بيجيبوا فى سيرة الناس بالباطل

حسابنا كلنا عند الله, ويا بخت من خف حسابه
‏قال Magi Mostafa
العزيزه قطه الصحراء اسمحيلى ارد على هبه
شوفى يا هبه هى هتتبلى عليه ليه كانت ملرات ابوه ولا مثلا بينها وبينه عداوه وبعدين المعلومات دى كلها متاحه على النت وفى الجرايد يعنى على عينك يا تاجر اعملى انت كده بحث على جوجل
لأ مبنقولش بيعمل حاجه حرام بس فيه تنافق بين قوله وفعله ازاى يدعو الى التقشف وهو عايش فى فيلا قولى قصر 3 ادوار من فلوس الغلابه الى بيشتروا كتبه ويصدقوه ومن اعلانات التليفزيون والبرامج على القنوات الدينيه
العالم الحقيقى بيكون متواضع مش نجم تلفزيونى شهير
القرضاوى تحول من عالم دين الى احد نجوم التليفزيون
وحقنا اننا نحاسبه من اين لك هذا زيه وى اى شخصيه عامه
‏قال Desert cat
magi
بالظبط وده اللى انا بتكلم فيه ماجى لازم القول يقترن بالفعل
ميرسى جدا ماجى
‏قال Desert cat
سمراء
للاسف سمراء
المغيبين مش قادرين يفكروا حتى بعقلهم ولا يشغلوه
ربنا يرحمنا منهم لانهم سبب البلاء

طبعا التهنئة واجبه عليا يا قمر
واعتذر انى اتاخرت فيها اصلا
محبتى ليكى
وكل سنة وانتى اسعد الناس
هذا الشيخ دخل الى المعتقل عام 1954
بعد مؤامرة المنشيه لاغتيل عبد الناصر
وخرج منه بعد وشايته على زملائه واعيد اعتقاله فو عام 1965
ولتعاونه مع امن الدوله خرج فى اوائل السبعينات وهاجر لقطر وحصل على جنسيتها ومنذ ست سنوات طلق ام اولاده
وتزوج الجزائريه ذات العشرينات وهو الذى عبر الثمانينات ثم طلقها اخيراااا.هذا هو الشيخ الذى افتتن به وبعلمه ملايين المسلمين المغيبين واسموه
فقيه العصر!!واسألواا عنه (فؤاد علام)وليس بغريب عليه ان يكن هذا القصر
وهو الذى ضحى بزملائه الاخوان.. انهم كلهم كذلك..و
و تحياتى..و
‏قال غير معرف…
الذين يعملون .. لايتكلمون كثيرا

لكن ربما انت لهم أعمال خيرية لا نعرفها ياقطة .. بالتالى نحن لانعمل كل شئ

لكننى أقول ان بعد كل هذه الاطنان من الدعاوى والفتاوى أتأمل حالنا

فاجدنا لم نتحرك خطوة للأمام .. إن لم نتحرك للخلف

تفتكرى العيب فين .. فيمن يتولى الدعوة .. أم المتلقى؟
‏قال Bunn
القرضاوي دا مرتشي
بيقول اللي عايزينه المموّلين وأصحاب أفكار
بعدين أكيد عنده نص مليون كاتب تحت أمره
كل واحد بيكتب كلمتين، بيقولوله
" قوله كده يا شيخ ربنا خليك واحنا من المتشكرين"

تمام زي اي رجل سياسي فاسد منافق
غير الدعاة دول عندهم دعاية غالية جدا
بيبيعوا والناس بيشتروا

حنلاقي نفس الموضوع في ايه بلد
المتدينين بيسوقوا الهبل عالشيطنة

يحيلون المبادئ والأخلاق الى سلع تباع وتشرى


ثم عندك مدونة حلوة جدا وأشكرك
‏قال tamer.sala7
سيبك من التعليق علي البوست علشان انتي عارفة رأي كويس في الداعية الكبير اللي اسمه عرص خالص لكن انا حرد علي الحمار الاخراني اللي علق علي الخبر


لما الرسول الروماني وصل وسأل علي قصر الخليفة عمر ابن الخطاب الناس ردت عليه انه نائم تحت هذه الشجرة فتوجه الفارس الي عمر بن الخطاب بمقولته الخالدة

حكمت فعدلت فأمنت فنمت يا عمر


وطول عمرنا نعرف ان الاسلام مش بيغني بدليل ان ابو بكر الصديق كان سوبر ملياردير قبل الدعوة وبعد الاسلام وزعت كل ثرواته علي تحرير العبيد و الفتوحات الاسلامية والزكاة



بجد عصبتيني
‏قال مواطن مصري
قال الرئيس السوري بشار الأسد إن المفاوضات غير المباشرة مع إسرائيل برعاية تركيا والتي توقفت نهاية العام الماضي بسبب حرب غزة الأخيرة حققت تقدما إلى الأمام، وبما يفوق ما تحقق عام 2000، عندما كان والده الراحل حافظ الأسد في السلطة.


وأكد الأسد في مقابلة مع صحيفة (دير ستاندارد) النمساوية نشرت السبت 18-4-2009 استعداده للتفاوض مع إسرائيل، وفقا لمبدأ "الأرض مقابل السلام"، رغم ما وصفه بعدم وجود آمال كبيرة في الحكومة الإسرائيلية الجديدة.

ومضى الرئيس الأسد يقول إن دمشق ستتعامل مع أية حكومة في حال استعدادها للمضي قدمًا في المفاوضات وبالتالي إعادة هضبة الجولان السورية المحتلة من قبل إسرائيل.
؟
http://www.alarabiya.net/articles/2009/04/18/70931.h



مش دة بشار الي عامل فيها دوررر المقاومة وو الجزيرة فرحانة بية

كل يوم بتتساقط الاقنعة
‏قال SERVANT OF JC
إليكي ما قاله يسوع المسيح عن الأغنياء.. يقول: "دخول غني إلي ملكوت السموات أعسر من دخول جمل من ثقب إبره" ..

"إن أردت أن تكون كاملا فإذهب وبع كل أملاكك ووزعها علي الفقراء, فيكون لك كنزاً في السماء" ..

هذا ما قاله سيدنا يسوع المسيح له كل المجد عن الأغنياء الذين يتكلون علي أموالهم ويعيشون في رفاهية تاركين أطفال الفقراء يموتون من الجوع والبرد في شتي بلاد العالم ...

ولكن طالما ظل القرضاوي يؤمن أن المال هو زينة الحياة الدنيا, فلا مكانع إذن من أن يقوم فضيلة الشيخ بهدم فيلاته وتشييد قصور بدلاً مكانها وشراء سيارات الليموزين .. وتكوين ثروات بملايين الدولارات والتلذذ بالحياة والأموال والإنغماس فيها علي حساب التعساء من الفقراء

الرحمة يا شيوخنا الأفاضل !!!
‏قال أسماء علي
أأقل واجب
اومال الراجل بيهجص ليل نهار عالفاضي يعني ..!
‏قال منصور…
معلش بس سؤال يعني
هواللي يحب يحتج يروح يحتج في الحديقة في المقطم ولا يحتج في وسط البلد حيث مكان تجممع الناس
انتو شكلكو هتروحو المقطم علشان ماحدش يحس بيكو خالص
واهي حاجة كويسة بردو تكلمو نفسكو في الهواء الطلق وتلعبو تحرش مع بعض في الحديقة و في كازينوهات المقطم وهوائها الطلق
‏قال Desert cat
أحمد
ربنا يزيدهم يا احمد
علشان تكوى بالاموال دى
جباههم وجنوبهم

تحياتى يا فندم
‏قال Desert cat
أحمد
ربنا يزيدهم يا احمد
علشان تكوى بالاموال دى
جباههم وجنوبهم

تحياتى يا فندم
‏قال Desert cat
Hossam
انت صح جدا مفيش افضل من القرآن والسنة
الواحد مش يسلم عقله لحلانجى
يتباكى والفقر والزهد هتدخل الجنة وفى النهاية تلاقيه مليونير
تحياتى
‏قال Desert cat
مواطن مصري
اشطة وشوفلى نقاب معاك
يمكن تلعب ونقسم بالنص
:))
‏قال Desert cat
Hassan El Helali
ياباشا دى ناس بتعرف تشغل دماغها وتعرف ازاى تهبر الهبرة الكبيرة من غير ما يتمسك عليها حاجه
واهو كله باسم الدين
شرفتنى جدا يا كبير
‏قال Desert cat
حياة
طبعا حياة
دى بتكسب اكتر من قنوات الاغانى اللى عليها البنات اللى زى القمر
علشان كدا كل مالك قناة تلاقيه بسرعه بقى شيخ فجأة وقلب على الدين مباشرة اسرع وسيلة للربح دون جهد

تحياتى يا جميله
‏قال Desert cat
فرعون
اهو بعرور الفشار ده بقى مش عرف يلعبها زيهم اصله اتهرش بسرعه
بس برضه ميمنعش انه له مهلالاتيه

تحياتى فرعون
‏قال Desert cat
أنا حر
لاء فعلا له حق يا احمد يكسب اطنان من الفلوس
والله اللى مش يلاقى عبط ويستعبطهم يبقى انسان اهبل
ويكفى انه الناس بتسلم لهم عقلها على الجاهز

تحياتى
‏قال Desert cat
أنا حر
لاء فعلا له حق يا احمد يكسب اطنان من الفلوس
والله اللى مش يلاقى عبط ويستعبطهم يبقى انسان اهبل
ويكفى انه الناس بتسلم لهم عقلها على الجاهز

تحياتى
‏قال Desert cat
samamasr
معلشى حقهم عليا
صح المفروض يحدثونا بالنعمة اللى عندهم ويدعونا انا للتقشف والزهد فى الحياة
علشان النعمة تبقى ليهم لوحدهم
:)))
شرفتينى
‏قال Desert cat
Heba
خليكى كلى فى نفسك كدا
ربنا يعفى عنك
‏قال Desert cat
magi
ردى يا ماجى وخدى راحتك
المدونة مدونتك يا جميل
‏قال Desert cat
العجوز والبحر
اغلب الناس عارفه حقيقته
وبرضه يتبعوه
تقريبا علشان المصريين عطوفين خالص
وبيقولوا عفى الله عما سلف
المهم انه بيقول قال الله وقال الرسول

تحياتى
‏قال Desert cat
Sherif
انا مش طلبت منه يقول هو بيعمل ايه خير او مش بيعمل
بس المفروض انه ينفذ اللى بيقوله على الاقل
تحياتى لحضرتك
‏قال Desert cat
Cognac
على طريقة مشايخ السعودية كدا
يقولوا اللى عايزينه الامراء
وفى النهاية يقولك دول الناس الوحيدين اللى بيطبقوا الدين الصحيح
اجعلنا تحت جناحهم يا رب
:))
شرفتنى جدا
تحياتى لحضرتك
‏قال Desert cat
tamer.sala7
هو انت بتعلق على مين يا تامر
اصلى دورت على الكلام اللى انت كاتبه ده هنا مش شيفاه
ولا يكون قصدك على تعليق على الخبر نفسه
؟؟؟
شرفت يا باشا
‏قال Desert cat
مواطن مصري
اشمعنا دلوقتى مولد سيدى مفاوضات
امال كانوا فين ايام الردح على مصر
جتهم الارف
‏قال Desert cat
Servant of Christ
هو انت عمرك شوفت البحر اكتفى بالمياه اللىف يه
اكيد البحر بيحب الزيادة
بس القرضاوى المفروض انه عالم جليع جليع خالص
يعنى وبيقعد يوعظ الناس يبقى يفعل ما يقول على الاقل

تحياتى
‏قال Desert cat
أسماء علي
لاء طبعا يا دكتورة
لازم يعملهم اد كدا على الاقل يحس ان المياة بتجرى فى زوره بدال ما ينشف
:))
تحياتى يا جميل
‏قال Desert cat
منصور
انت شكلك متاخر اوى
هو حضرتك مش بتقرا جرايد ولا بتشوف تى فى
اصل التغطية الاعلامية مش كانت مسمعه اوى
شرفت

المشاركات الشائعة