ليه مصر ؟؟

اكيد اللى متابع الاخبار شاف عنوان الخبر ده
النائب العام يتهم حزب الله بالتخطيط لتنفيذ اعتداءت بمصر..وحماس تنفي أي صلة بالخلية
توقفت عند العنوان للحظة وبعدها سألت نفسى هو يعنى النائب العام هيتهمهم ليه بينه وبينهم ايه كانوا عاملين جمعية مع بعض مثلا وقضبوها الاول ومش دفعوا دورهم علشان كدا قال يتهمهم ؟؟
قولت اكمل اشوف ايه الحوار وعينك ما تشوف الا حريق القاهرة ومعاه حريق مجلس الشورى بالمرة
وقال النائب العام فى بيان أصدره الأربعاء انه تلقى بلاغا من مباحث أمن الدولة بتوافر معلومات لديها أكدتها التحريات تفيد قيام قيادات حزب الله اللبناني بدفع بعض كوادره للبلاد بهدف استقطاب بعض العناصر لصالح التنظيم وإقناعهم بالانضمام إلى صفوفه لتنفيذ ما يكلفون به من مهام تنظيمية تهدف القيام بعمليات عدائية داخل البلاد وتدريب العناصر المدفوعة من الخارج على إعداد العبوات المفرقعة لاستخدامها في تلك العمليات.
وأوضح النائب العام أن التحريات أشارت أن ذلك يتم بهدف الإخلال بالأمن العام وإعداد برنامج حركي وتنظيمي لإعداد عناصر التنظيم بالداخل لتنفيذ ما يكلفون به من مهام تنظيمية على النحو التالى :
- تلقين العناصر التى يتم استقطابها للإجراءات الأمنية خلال لقاءاتهم واتصالاتهم .
- تأسيس مشروعات تجارية بأسماء العناصر المستقطبة لاتخاذها ساترا لتنفيذ المهام المكلفين بها من جانب التنظيم.
- رفع القرى والمدن الواقعة على الحدود المصرية الفلسطينية وإرسال النتائج إلى كوادر الحزب بلبنان .
- استئجار بعض العقارات المطلة على المجرى الملاحي لقناة السويس لرصد السفن التى تعبر القناة .
- رصد المنشآت والقرى السياحية بمحافظتي شمال وجنوب سيناء .
- توفير كميات من المفرقعات وإعداد العبوات المفرقعة .
- إرتباط قيادات الحزب لبعض العناصر الجنائية لتزوير جوازات السفر وبطاقات تحقيق الشخصية لعناصر التنظيم تمهيدا لتسفيرهم لتلقى التدريبات العسكرية بالخارج وإعادة دفعهم للبلاد للقيام ببعض العمليات العدائية ولاستخدامها فى استئجار الشقق والسيارات اللازمة لتحرك عناصر التنظيم .
القبض على مجموعة تدعم حزب الله- استئجار شقق مفروشة ببعض الأحياء الراقية واستخدامها للقاء عناصر حزب الله وكذا عقد الدورات التدريبية لبعض عناصر التنظيم المتواجدين بالبلاد .

طبعا دلوقتى وضحت النية الحقيقة من خطاب حسن زعبولة العنترى اثناء مجزرة غزة ..
بس ليه مصر وعايزين منها ايه ؟؟ نصر الله عايز يدمرها زى ما دمر لبنان فى 2006عايز ينام فى بيته والشباب المصرى يروح ينتحر ويقاتل علشان ايران ترضى عنه .. ايران اللى اتفقت مع قطر وقعدوا يشحنوا الشباب المصرى واحمدى نجاد مرمى فى احضان الحاخامات اليهود وقاعد يبوس فيهم فى الروحة والرجعة ده كمان راح المطار رجع الشباب الايرانى المتضامن مع غزة ايام المجزرة وقطر اللى قاعدة تشتم فى مصر وتشتم بكل قوتها وهى محتضنة 3قواعد امريكية ؟؟
نصر الله قاعد يجعجع واول ما صاروخ انضرب من جهة لبنان على اسرائيل طلع يجرى زى الفار المذعور ويخلى مسئوليته من الصاروخ .. كل ده والشباب المصرى المغيب قاعد يصرخ ويشتم فى النظام ومن اجل غزة ومن ينام متغدى ومتعشى وجاره جعان يحرم عليه النوم .. اهو جيرانه الجعانين وضحت نيتهم واهدافهم التخريبية من مصر والدمار اللى عايزين يجلبوه لمصر
حقيقى لاول مرة اعترف بحكمة الرئيس مبارك وحنكته السياسية .. وليذهب نصر الله الأفاق وأعوانه إلى اسفل السافلين .. حماس الكدابة طلعت تنفى وجود اى عناصر منها داخل التنظيم .. بالرغم من القبض على 7من اعوانهم .. حماس وحسن زعبولة بدال ما يتفقوا على تخريب مصر ودمارها كان الاولى بيهم ارسلوا التنظيم الغبى بتاعهم ده الى تل ابيب واهو كان اسمهم عملوا حاجه التاريخ يذكرها لهم بدال المهازل المتتالية ليهم فى كشف وجههم القبيح

تعليقات

‏قال مواطن مصري
انا كنت متوقع الي هيحصل من الجزيرة
زي ما قولت ايران دولة توسعية مش بعيد يكون الحرس الثوري مجند جواسيس و انت عارفه بيحبو يصطادو في المية العكرة زي العراق كدة
زي مليشات المهدي و الحوثين في اليمن
‏قال غير معرف…
You know what, I know that I might be flamed on this comment, but I just want to tell you one thing. The amount of ignorance runing around in your blog is huge.

The news by "Al masry Al Youm" Which should correctly be called "Al Mokhbir Al Youm", as it is a state security outfit, is bull shit.

All this is a part of a carefully plnned scenarios by the US allies in the region to contain Iran and its arms in the region. There is not Egypt, there is no conflict and there is not national security. There are US interests and Iranian intrerests, and we are nothing but a foot soldier for the Americans.
‏قال Unknown
اتمني اكون اول تعليق
تابعت الخبر امبارح مش عارف الارهابي اللي اسمة (وحش خيبة الله) دا عايز اية من مصر متخيل نفسة هزم اسرائيل الحقيقة انة اثناء الحرب وكما هو معهود عن الارهابين بيهربوا زي الفيران يدخلو جحورهم علشان طبعا بيخافوا من الموت مش زي ما بيصوروا للمهاويس بتوع الحرب وبعدين انت عارف المصريين مهما كانت مصر قاسية عليهم بيحبوا بلادهم ومش ممكن يخنها غير واحد باع نفسة ودول قلة لكن المصريين بجد ملايين ومش ممكن يغيروا بلادهم بالطريقة دي اللى كان بيدعوا ليها
وبعد حاجة كمان الجيش المصري دا بعينك انك تفكر انه يخون وطنة دا يحمي مصر بس زمن اضرب واجري خلص بح.
تحياتي والى الامام
انا عندي استنتاج واحد بس: ان النظام الخميني الاسلامي يسعى الى عمل انقلاب الحكم في مصر بسبب ان مصر كانت تساند "الشاه" النظام الايراني السابق واتخذت من معاهدة السلام مع اسرائيل وسيلة للتحريض ضد الحكم واثارة الفتنة في مصر ولم تكتفي باغتيال السادات بل تريد عمل انقلاب حكم شامل في مصر
‏قال Ahmed
زي ما إسرائيل عايزة تعمل دولة من النيل للفرات الشيعة في إيران عايزين يعملوا دولوا فهما اخوات ولاد عم

وانا مش حبنا في مبارك ولكن بجد يسلط ابدان علي ابدان

وربنا يفقوا في دي بذات
‏قال Unknown
على فكره انا مضايق جدا

عارفه ليه


عشان اللى اتعمل

الانسحاب خطا كبير جدا
طالما احنا مؤمنين بتفكيرنا مهما كان راى الاخر

والا ما كناش نطرح فكرتنا
الطرح دوما يحتاج الدفاع عنه

والا نكون ادخلنا انفسنا فى معركه غير مؤمنين بيها

دمت بخير
وهداكى الله الى سبيله الصحيح

محمود ناسا
‏قال غير معرف…
Hey,

And I have another conclusion.

Let us believe the state security 'Amn El Dawlah' in anything they say.

If they tell us lies, torture and lock people without charges, rig polls and elections, torture activists. Then why do we believe them now???


If the regime and the security apparatus in Egypt ruled us with an iron fist all those years, fed us with lies through state controlled media, made everything by appointment instead of elections, why is their foreign policy towards Iran all of a sudden is right?
‏قال أنا حر
معلش يا جميل خلينا نفرق بين حاجتين مهمتين
تربص ايران وحزب الله بينا من جهة وحنكة الرئيس من جهة اخرى
اولا التربصص موجود واشمعنى مصر انت جاوبتي الناس دي عايزة تاخد مكان مصر في المنطقة وتدخلنا في حرب مواجهه مع كل الدنيا مش اسرائيل بس
اما بخصوص الحنكة بتاعت الرئيس فدي الحقيقة انا مش شايفها لان الرئيس معملش حاجة ولا كان مع ولا ضد
الحنكة تقول انك تلعبي سياسة صح وتهدي الرأي العام عندك بتصريحات تكشف حقائق المؤامرة على مصر مش العكس
تحياتي
‏قال Migo Mishmish
قطه
يعنى احنا ناقصين ياربى ؟ سودانيين وعراقيين وكمان بتوع حزب الله؟
انا حاسس ان اى حد عايز يدخل مصر ماعليه الا انه يقول سلامو عليكو ويدخل ..مش عارف ليه حاسس اننا فى سويقه
تحياتى ليكى
صحيح بقالك كتير مش بتيجى البلكونه
الشاى بتاعك برد
ميجووووو
‏قال مواطن مصري
الشرطة قبضت ورش لصناعة صواريخ بدائية في شمال سيناء و الشقق كانت في رفح كدة اللعبة بانت انهم عاوزين يورطو مصر و يخلعو


العب غيرها يا نصر الله كلو الا مصر و سلامتها


فينك يا سادات تسكتهم
‏قال مجرد مدونة
سبحان الله بقى لنا سنين نحذر من الشيعة ومن المد الشيعي واستهدافهم لمصر على وجه الخصوص !
والدكتور ياسر برهامي حفظه الله له مقال رائع ثاني يوم من تفجيرات الحسين بعنوان (تفجيرات الحسين من المستفيد؟)
أوضح فيه كل الاحتمالات ورجح فيها أحد احتمالين بالأدلة العقلية والعملية أنصح بقراءته وشكرا على المقال بتاع حضرتك وان كنت لا اظن ان حماس لها علاقة بالموضوع لأنهم مش بتوع تفجيرات في ظني والله أعلم
‏قال V.Hayat
اهو العميل 1001 طلع قال ان المقبوض عليها اللبنانى عضو فى حزب الله زكم واحد كده وكانوا بيهربوا بشر وسلاح الى حماس وكن مصر حدودها دى سايبه ولا وكالة من غير بواب ما يعرفش اننا مصريين وصاحيين قوى للحركات بتاعته واسياده الايرانيين واستظرف وقال شوية الكلام الحلمنتنيشى بتاعه ويا شماتة تنط زازه فيه

تحياتى
‏قال Unknown
حسن زعبولة خيبة الله علية وعلى امثاله من الاارهابين فرحان انه طالع في التلفزيون وقال اية بيعترف ان الارهابين دول طلعوا تبعة وانه مش خجلان من كدة ولا بيخبي جاتك وكسه يا شيخ خيبة الله
وكمان دول كانوا في مهمه لوجيستيه يا شيخ روح شوفلك ملك يمين ولا شوية جواري لوجيستة اية بس
وكل دا بيحصل في سينا اكن سينا دي ارض منغير اصحاب كل اللي يحب يتنيل يفرد عضلاته يجي سينا من اول الصهاينه وبعدين الفلسطنين اللى بيعملوا انفاق وكمان عم خيبة اللة قالك اجرب انا كمان بس ابشر الامن المصري مفنجل عينه ومش بينام حراس الحدود تحيه لهم وعاشت مصر حرة ابيه مصرية ولا نامت اعين الجبناء
تحياتي والى الامام
‏قال Misrdream
ماتزال القطه تخربش
حزب اللات كما وصفه زميل معارض
هدفه الغير معلن والرئيسي نشر المذهب الشيعي فى البلاد العربيه
حسن نصر الله من الحنجوريين المشهورين بقوة فى بلادنا العربيه
فلندع الانظمه الفاسده تحاكم بعضها
فى انتظار القادم
‏قال الربان
تحياتي

الامر الان امام القضاء...و لهذا علينا
التريث قليلا...بالرغم من انني ادرك و متأكد من ان حزب الله له يد في انتهاك الامن القومي المصري...و هذا الراي موجود ببعض التدوينات لي..

الا انني اختلف مع الطريقة التي تتناول بعض الصحف المصرية للموضوع...لا يجب اطلاقا ان يتم معالجة هذا الموضوع اعلاميا من قبل بعض الصحف الحكومية بمثل هذا الاسلوب....

ربنا يهدينا جميعا و ندرك ان نجاتنا
في اتحادنا...و اتحادنا في التنسيق الجيد
بيننا...و مراعاة الظروف الخاصة بكل بلد و شعب.


تحياتي و تقديري
‏قال Desert cat
مواطن مصري
بعد اعتراف نصر الله بالاهداف الخايبة بتاعته قالك ان المصريين المتضامنين مع غزة شيعه
شكله مخه ضرب
‏قال Desert cat
Anonymous
The ignorance that comes from talking about your stupid backwardness and the bane of the intellectual and moral decay
If you do not see eye blind and the deaf ear does not hear Vatabiey more, what you do not like you Ihkih hooligans and now plots to the nearest recyle bin You and Your comment
‏قال Desert cat
MEDUS
خيبة الله عارف انه دمر لبنان واعترف بنفسه بدمار لبنان علشان كدا كمل عليها بالحرب الاهليه
هو عايز مصر تتقلب رأسا على عقب والشعب يتشيع وينام هو ويجعجع واشلباب المصرى يروح يحارب له
ده اخر يشتغل زبال
‏قال Desert cat
حبيتك بالصيف
فكرت فى نفس كلامك واعتقد ان هو فعلا الارجح
والا لماذا مصر اللى ما بيصدق فى اى مصيبه تحصل علشان يكيل لها الاتهامات وشحن الراى العام ضدها ولما فشل فى حربه الحنجورية اثناء مجزرة غزة اتجه للتنظيم الفاشل بتاعه
‏قال Desert cat
Ahmed
لاء ماهو مش من حبنا فى مبارك لكن من حبنا فى بلادنا وانتمائنا ليها

تحياتى احمد
‏قال Desert cat
محدش بيموت ناقص حلم
هو مش انسحاب يا محمود
اصل الموضوع كان مش ليه اى صلة بكلامى لكنى اتفاجأت بالحرب الضروس منتشرة بدون داعى فقولت بلاش اخليها فى المدونات التانية كمان
بمعنى انى حبيت ابعدك انت عن وجع الدماغ ياريت تكون فهمت وجهه نظرى
وانا اسفه بجد على اى ضيق اتسببت لك فيه
‏قال Desert cat
Anonymous
If You are a decent respect Htaraf sure your system as well as the system does not harm you at all
Ols be a terrorist, but without the expense or the law or punishment, that is impossible
‏قال Desert cat
أنا حر
هو انا يا احمد طول عمرى ضد مبارك لكن الحقيقه اشهد له فى موقفه ايام مجزرة غزة وفى موقفه الحالى مع انى اتمنى انه يتقدم بطلب محاكمة دولية لحسن نصر الله
‏قال Desert cat
Migo Mishmish
ايوا يا ميجو ماهما متخيلين ان مصر دى عمارة من غير بواب
حاجه ملهاش كبير
كل واحد قاعد يجعجع ويتعدى على سيادتها وينتهك حدودها ويقتل ظباطها ولما تتكلم يقولوا لك اصل النظام فاسد
وانتوا مال اللى جابوكو
انا ياباشا لم يمنعنى سوى انشغالى اصلا البلكونة وحشتنى جدا
شرفت يا ميجو
‏قال Desert cat
مواطن مصري
مش لاحظت فى المخطط بتاعهم انهم بياجروا اماكن على قناة السويس ؟؟
السادات رااااااااخ وراخت ايامه
نفسى حسنى يطالب بمحاكمة زفت ده
‏قال Desert cat
مجرد مدونة
حاضر هعمل سيرش على المقال واقراه
حماس فى 7منهم يا فندم ضمن المخطط
‏قال Desert cat
حياة
ده جبان يا حبيبتى قاعد يخطط من جحر والمغيبين جايين ينفذوا مش يعرفوا ان مصر امنها صاحى لافعالهم التخريبية
‏قال Desert cat
MEDUS
هو علشان لقى شوية جهله بيسقفوا له ايام وكسته مع اسرائيل
فقال العرب اصلا مغفلين ولما اطلع اقول اعترف على العناصر اللى بعتها تخرب فى مصر
برضه هيسقفوا له جته وكسه
‏قال Desert cat
Misrdream
الانظمة تحاكم بعضها والشعوب تاكل فى بعضها
وننتظر النهاية
:))
‏قال Desert cat
الربان
استاذى العزيز
ارى ان كل تناول الموضوع من وجهة نظر معينة
ولكن فى جميع الحالات لا يصح الا الصحيح
والصحيح ان يقدم نصر الله لمحاكمة دولية
تحياتى لحضرتك
‏قال عرب ستان
صحيفةالجمهورية توجهت لحسبالله بصيغة "لا نسمح لك ايها القرد" وقولت لازم احطها عالمدونة طالما فيه شيخ قرد

http://news-na.blogspot.com/2009/04/blog-post_12.html
‏قال Blank-Socrate
للاسف فى ناس مش قادرة تفرق بين ان الحكومه فاسدة و اننا لازم نعمل جبهه ضدها
و بين ان فى اخطار خارجيه لازم برضوا نقف ضددها
الناس فاكرة اننا لازم نقف مع غزة على حساب مصر و ان نصرالله بطل قومى عربى وان مصر لازم تكون فى خدمه و تحت امر الجهاد
و مثقفين كتير هما ابطال النعرة الكدابه دى
ربنا يستر
‏قال غير معرف…
Oh mу goodneѕs! Aωesomе article dude!

Many thanks, However I am encountering issues with уouг RSS.

I dοn't know why I can't subscrіbe to it.
Is therе anyοne еlse getting similar RЅS issues?
Αnyone that knoωѕ the solution сan you kindly respond?

Thanks!!

My web-sіte :: xfire.com
‏قال غير معرف…
Just wiѕh to say youг article is as
аmаzіng. Thе сleaгness
fоr youг put up is sіmply gгeat
and i could think you аre an ехpeгt on this subject.
Fine ωith уоur permiѕsion let me
to clutch youг RSЅ feed to ѕtay up to dаte with forthcoming post.

Thanκ you a mіlliοn and please keep uρ the enjoyable wоrk.


My ωebpagе - Bastahemorroides.com

المشاركات الشائعة