هى اسمها ملاك الرحمة ولا عزرائيل الموت ؟؟

فجّر عدد من أعضاء مجلس الشعب المصري من جديد أزمة الممرضات المنقبات بعد التهديدات التي أدلى بها وزير الصحة الدكتور حاتم الجبلي أخيراً بوضع الممرضات أمام خيارين، إما خلعهن النقاب أو الطرد من وظائفهن
طبعا معاك كل الحق واللى عايزة تلبس اللثام عليها تقعد فى بيتها وتلتزم جوا الحيطان .. إزاى واحدة بالمنظر البشع ده ممكن تدخل على مريض وتديله حقنة ولا طفل ده ممكن الطفل يحصله صرع من منظرها .. حتى لو كانت حالته الصحية فى تحسن بعد ما يشوف كوم القماش الاسود اللى داخل عليه ولا كأنها عزرائيل الموت ممكن تيجى له سكته قلبية ... إذا كان من رحمة ربنا بعباده إن عزرائيل مش حد بيشوفوه يقوم احنا نجيبه للعيانين فى المستشفيات ؟؟


وقالت الدكتورة هدى زكي رئيسة الإدارة المركزية لشؤون التمريض بوزارة الصحة وممثلة الوزارة بمجلس الشعب في تصريح لـ"العربية.نت" إن القرار صدر في فبراير/شباط 2008 ويشمل المستشفيات والمراكز التابعة لوزارة الصحة.وأضافت رداً على ما أثاره نواب البرلمان بكون النقاب من الحريات الشخصية، أن وزارة الصحة حصلت على حكم قضائي عام 2007 باستثناء المستشفيات من الحريات الشخصية، وأن الوزارة تقوم حالياً بتنفيذ القرار بشكل كامل في كل الوحدات الصحية والمستشفيات بالمحافظات المختلفة
أؤيدك الرأى فعلاً فالنقاب ليس حرية شخصية .. أنت حر مالم تضر .. ولنفترض ان منقبة دخلت اعطت مريض حقنة جابت اجله والكل يعرف ان فى بعض الناس مش عندهم ضمير ممكن يرتكبوا اى مصيبة فى سبيل قبض المقابل .. او واحد دخل ينتقم من مريض لسبب شخصى واتخفى فى نقاب وقتها ممكن الحق يظهر ازاى ولا المريض ده فى ستين داهيه مش مهم حياته الاهم ان الحاجة الممرضة الطرق تخبى وشها اللى فى الغالب بيكون حل افضل اصل جمالهم مش بيكون باهظ اوى للغاية .. ثم ان النقاب ليس صحى ومن السهل جدا انه ينقل الميكروب واحدة قاعدة تتنفس خلف قطعة القماش طول ساعات عملها غير انها رايحة جاية تكنس طرقات المستشفى والشوارع اللى بتمشى فيها بالقماش الزيادة اللى بتجرجره وراها بخلاف انهم اساسا مش بيكونوا مهندمين يعنى الخمار والنقاب اخدته من المنشر على جتتها مباشرة وممكن تروح تقلعه وتلبسه تانى يوم مفيش اى مشاكل وريحتها ولا اسانس شادية .. يبقى من السهل جدا انها تلوث جرح اى مريض اتقوا الله فى المرضى اللى شايفه فى نفسها عورة تترمى فى بيتها وسبع الرجال يرجع لها اخر النهار بالغزالة تشويها وتقعد جنب العيال فى الكوخ لما النهار يطلع ... اعضاء مجلس الشعب الاخوانجية اللى فاضيين البلد مليانة مشاكل لو تهمكو فعلا اتلهوا فيها .. الا مش حد بيجيب سيرة الاسعار ولا التعليم ولا البطالة .. كل همهم اما غزة او قطعة القماش .. حاجة تم اخذ خطوات فيها وجارى تطبيقها فعلا وفات عليها وقت ومضى من الوقت الفاضى اللى عندكو وانتهاء المشاكل راجعين لها تانى .. صدق المثل العبقرى اللى بيقول تعالى فى اللثام واتصدر

تعليقات

‏قال مواطن مصري
اللبس حرية شخصية كل واحدة حرة تلبس نقاب او حجاب و لكن اذا كان في مكان العمل شارط ان النقاب ممنوع يبقى لازم يحترم قانون و شروط هذا المكان


الجيش مانع دخول المنقبات
‏قال V.Hayat
هى جاءت على لبس الممرضات والنقاب بالله عليكم المستشفيات فى مصر هى اللى مناسبه للعلاج اذا كان كل شئ لا يحترم فى مصر جاءت على هذا اذا كانوا سرقوا من جثة مريض اعضاءه فبالله عليكم منتظرين ايه من الممرضات وياليت نشوف الفرق بين اجسام الممرضات وملابسهم فى اى بلد خارجى ومصروسلمى على الجبلى

تحياتى
‏قال SERVANT OF JC
وكالعادة هيخرج المتطرفين بعد سماع الخبر دا ويقولوا إن دي حرب خبيثة علي الإسلام ومخطط صهيوني للقضاء علي دين الله وطعن المسلمين في دينهم الحنيف.. !!

المفروض إن الحكومة كانت تواجه النقاب من زمان قبل ما ينتشر ويتفشي كالطاعون الأسود في كل مكان ويوصل للمستشفيات والجامعات والمؤسسات الحكومية

دلوقتي خلاص أمنتوا بالله وعرفتم أخيرا الخطر اللي ورا النقاب وان النقاب دا مش حرية شخصية ولا نيلة لأن مفيش ست عاقلة تختار إنها تتكفنن جوه كيس زبالة إسود مدي الحياة

وفرنسا كانت عندها حق بقي لما منعت النقاب والحجاب في المؤسسات التليمية والحكومية حفاظا علي الطابع العلماني للدولة بالرغم من انها من المجتمعات الليبرالية
‏قال صفا سارة
يلا عقبال ميمنعوه من الشوارع خالص كمان هو الحكاية ناقصة رعب وفعلا حكاية المكروبات دى
بس بصراحة مش متفقة معاكى فى جزء النظافة لان اكيد مش كلهم كده :)
‏قال مفكر…
اصل حكاية التدين الصاخب المنتشر هذه الأ
يام
لم يكن فى مصر فى يوم من الأيام مشكله مع الدين
سواء قبل اوبعد الأذديان السماويه بل ان مصر كما يقال هى مبدعة الصمير الأخلاقى واهتدت الى فكرة الحساب بعد الموت
قبل الأديان السماويه بقرون عديده
حتى سماها المؤرخون معبد العالم
وفى العصر الجديث تدين المصريين كان هادئا متزنا محتشما بلا ضجيج بل اهدى للمسلمين اجمل الوان الفن الأسلامى واجمل اصوات المقرئين
الى ان كانت هزيمة 67 وقورة النفط
...بعد الهزيمه فسرها البعض وصدقهم السذج بانها نتيجه لعدم تمسكنا بالدين كمايجب ولم يسال احد من البلهاء نفسه وهل تمسك المنتصرون بالدين فانتصروا ههههههه
وبنى هؤلاء نظرتهم الى حل كل المشاكل بدوام الصلاه والدعاء وتغطية وجوه النساء حتى تتولى السماء عنا ايجاد الحلول ودعم ذلك رياح صحراء النفط التى هبت علينا وبالتالى حولوا الدين الى فياجرا حل المشاكل
ولا يزال البعض يفسر فى مدونات غلاء الأسعار وسوء الأحوال بسير بعض النساء دون تغطية وجوههن
وكثير من البلهاء يصدقون
ومن النساء من يشبه الغبى الذى وصف له الطبيب جرعه فليله من الدواء فدفعته فهلوته الغبيه الى انه مادام جرعه بسيطه تشفى لماذا لا يشرب الزجاجه كلها فيشفى اسرع وعلى الفور
بعص النسوه يعتقدن ان زيادة جرعة الأحتشام العادى لا بد ان يكون وراءها خير
ومنهن من تجد فى تجملها عذاب النقاب سببا لمقفرة ذنوبها او سببا للتعالى على اساس انها افضل من الأخريات
وينتش هذا اكثر بين من لا وضع اجتماعى مرتفع لهن
والخلاصه اننا امام ظاهره نفسيه اجتماعيه ثقافيه يغذيها الهطل ولا علاقة لها بالدين وخاصة بالتدين المصرى العميق الهادىء
‏قال Yasmine
والله كنت متاكدة انى هاجى الاقى البوست دا :)

انا قلتلك رايي فى الموضوع دا اكتر من مرة..انا مع الحرية الشخصية مليون فى المية كل واحد حر يلبس اللى يريحه و يرضيه نفسيا..لكن لو انا فى مستشفى و دخل عليا شيء اسود مش باين منه غير عينتين عشان يدينى دوا ولا يقيسلى الضغط اول حاجة هعملها انى الم هدومى و اروح..استحالة بجد
ابسط قواعد الانسانية ان المريض يكون بينه و بين اللى بيعالجه علاقة انسانية اهم حاجة فيها انه يشوف وشه..دا حقه اساسا
و على راى عمرو اديب احنا مش ضد ان كل واحد يلبس اللى هو عايزه لكن سيبوا المهنة دى فى حالها احنا مش ناقصين بلاوى
‏قال Magi Mostafa
اللبس حريه شخصيه
لكن مشكله النقاب انه خطيير جدا امنيا يعنى مثلا ناس اصحابى اتسرقوا كذا مره من منقبات
طبعا معرفوش يجبوهم
رجاله بيتنكروا فى زى منقبه ويدخلوا المدن الجامعيه.........اكمل ولا كفايه
وطبعا تحليلك صح بالنسبه للتلوث خصوصا ان الممرضه لازم تكون على درجه عاليه من النظافه والملابس تكون معقمه
والقاعده الفقهيه واضحه درء المفاسد اولى من جلب النفع
وده طبعا بالنسبيه للى بيؤمنوا ان النقاب فرض
انتم حرين بس البسوه فى البيت
‏قال Unknown
عزيزتى
كيف احوالك اتمنى تكوني بخير
ثانيا احنا انبح صوتنا من مناقشة موضوع اكياس الزبالة اللى بيلبسوها دى .. والظاهر ان الشعب دا مش هينصلح حالة الا بقنبلة ذرية تفنية وبعدين نجيب شعب تاني اكثر رقي يسكن مكانة ولكن علشان انا مؤمن بالانسان المصري قوى ومش عندي يأس هفضل احارب اكياس الزبالة دي لغاية اخر يوم في عمري لانها مش من عادتنا ولاتقاليدنا في اللبس وبقى منظرها بشع قوى ويسئ للذوق المصري العام!! فين مصر في القرن العشرين؟؟ ..الحقيقة انا لودخل عليا وحدة كدة انا هختار اموت ولا تعالجنى واحب اقولك ان والدتي كانت طبيبة وكانت دايما تمنع الممرضات المنتقبات من الحضور معها في اي عمليات واشراف على مرضى
تحياتي لك وربنا يفك الغمة اللى نزلت على مصر ويزيح اخونا البعدا دول بمعرفتة
والى الامام ولن نمل ... منتظرك في مدونتى
‏قال غير معرف…
قطقوطه
صباح الخير

انا ليس معك في حكاية النقاب دي ..ممكن اي واحده تؤدي عملها علي اكمل وجه وهي منقبه .. وبرضو ممكن تخطئ والغير منقبات ايضا ينطبق عليهم هذا القول
معناها القصه ما نقاب .. هو فهم .. وبعدين البني ادم لما يتعود علي اي حاجه بتبقي بالنسبه ليه ما فيها مشكله
يعني الطفل لو اتفزع مره من الممرضه المنقبه وبعدها اتعود عليها وعلي حنيتها بيحبها ..
القصه في السلوك التحت النقاب وليس في النقاب

علي فكره يا عسل انا ما منقبه عشان ما تفتكري انو انا كده عشان كده بدافع عنهم

ههههههههه

وذي ما قال مواطن مصري اللبس حريه شخصيه وانا ما شايفه انها ممكن تضر

صافي الود يا عسل
‏قال Blank-Socrate
اقل حاجه المريض محتاج وجه مبتسم و هو بيتعامل معاه
دى اقل حاجه ؟
ازاى انا اتعامل مع انسان اصلا حاطط حاجز مادى بينى و بينه
ربنا يرحمنا و يهدى الناس دى و تعقل و تنضج
بيخربوا البلد و المستقبل
بيملوا حياتنا بالسواد
حاليا بالملابس
و بكرة بالحياة نفسها
---------------------
المراءة عورة
عار على كل انسان يقول الكلمه دى
انا باحس اوقات كتير اننا بنحمل المراءة مسئوليه الشهوة الذكوريه و استثارتها
بمعنى علشان انا مش قادر اتحكم فى الغرائز بتعتى باطلب منها انها تختفى داخل الخيمه المتحركه علشان لا اشتهيها
‏قال أسماء علي
المصيبة انهم ف المستشفيات و المراكز لما بتكون واحدة منقبة دكتورة أو ممرضة بتبقى عملالهم رعب و لما بتيجي زيارة رسمية بيخبوها و بس
و أنا باتكلم من واقع شفته في أكتر من مكان رحته تبع وزارة الصحة
المنقبات رعب
بيبقوا عاملين حاجز من الحرام و ازاي تخلونا نسيب دين ربنا
و طبعا اللي بيفهم ف الدين بيبقى عارف إن ده مش من الدين في حاجة
الدين براء من العفاريت دول
..
ياريت بقى يرحمونا من المنظر ده ف المستشفيات و الأماكن الحكومية على الأقل
‏قال غير معرف…
من مهازل مجتمع رمال التخلف والهمجيه
باسم الدين
قرر الرئيس العام لهيئة الأمر بالمعروف والنهي عن المنكر في السعودية الشيخ عبدالعزيز الحمين تنحية مدير العلاقات العامة والإعلام في الهيئة، والمتحدث باسمها، أحمد بن محمد الجردان عن منصبه، وتحويله إلى الشؤون المالية والإدارية، بعدما "شهّر" الجردان بمواطن وزوجته، لتبرير اعتقالهما من قبل أعضاء "الهيئة"، بحسب ما أفادت تقارير صحفية نشرتها الصحف السعودية الثلاثاء 7-4-2009.

وكان الجردان أرسل تعقيباً صحفيًّا إلى جريدة "الرياض" السعودية، علّق فيه على قضية السعودي أحمد القحطاني، الذي اتهم بعض رجال "الأمر بالمعروف" في العاصمة الرياض بالاعتداء عليه بالضرب و تقطيع ملابسه فور إنزاله زوجته من السيارة أمام أحد المجمعات التجارية، في شهر مارس الماضي.

وبرر الجردان، في التعقيب الموقع باسمه، بأن الهيئة "تلقت بلاغاً يفيد بوجود مواطن يقوم بتقبيل زوجته وضمها في مواقف السـيارات، وهي كاشفة لوجهها وتم سؤال الزوجة وأقرت بذلك وكذلك زوجها".

لكن المواطن نفى ما جاء في خطاب الهيئة، مهدداً برفع قضية وبرقية -تسانده فيها قبيلته- إلى العاهل السعودي عبدالله بن عبدالعزيز. بعدها، بادر الرئيس العام للهيئة الشيخ الحمين إلى استدعاء القحطاني، واعتذر له، موضحاً أن الرد لا يمثل وجهة نظر الهيئة، و"ليس من طبيعة عملها التشهير بأحد".

ووصف القحطاني استقبال الشيخ الحمين له بأنه كان "حارًّّا ولطيفاً، بعكس الخطاب الذي أساء لسمعتي وسمعة زوجتي، وحاول دفع التهمة عن أعضاء الهيئة الذين قاموا بضربي وحولوا التهمة إليّ بأنني أخل بالآداب العامة". وأضاف: "الشيخ الحمين نفى علمه بالرد الصادر من مدير العلاقات العامة والإعلام في الرئاسة أحمد الجردان، والذي حوى إساءة لي ولزوجتي وتشهيراً واضحاً بادعاء تقبيلي لها في مواقف السيارات، بالرغم من أنني شكوت الهيئة في أحد أقسام الشرط وحررت محضراً بذلك".

وأكد الرئيس العام للهيئة أن الجردان سيصدر اعتذاراً على خطابه المنشور، واعداً القحطاني بإنصافه، وهو ما دفع الأخير للتراجع عن نيته مقاضاة الجردان، أو أعضاء الهيئة، "حتى تنتهي القضية"، بحسب ما نقلت عنه صحيفة "الوطن" السعودية.

وبالفعل، عاد مدير العلاقات العامة والإعلام في رئاسة الهيئة عن تعقيبه السابق حول القضية، وأرسل خطابا ثانياً، اعتبر فيه أن "الإيضاحات" التي وردت في بيانه الأول "كانت اجتهاداً ولا تعكس رأي الرئاسة النهائي".

وجاء في نص الاعتذار الرسمي الذي أرسله الجردان إلى صحيفة الرياض التي نشرت الخطاب الأول أنه: "نشير إلى تعقيبنا المنشور يوم أمس بعدد صحيفتكم رقم 14895 تحت عنوان "في رد تلقته "الرياض" من الهيئة توضح تفاصيل قضية مجمع غرب الرياض" وما ذكر فيه من إيضاحات حول قضية المواطن القحطاني. نفيدكم أن تلك الإيضاحات كانت باجتهاد ولا تعكس رأي الرئاسة النهائي، حيث تبين لنا أن الأعضاء الذين شاركوا بالقضية قد أوقفوا عن العمل من تاريخ القضية وأحيلوا للتحقيق، وألغيت الدورة التي كانت مخصصة لأحدهم كإجراء مبدئي، ولم يكتمل التحقيق حتى تاريخه. وإذ نوضح لكم ذلك، نعتذر للمواطن القحطاني عن نشر تعقيبنا قبل اكتمال التحقيق".
‏قال غير معرف…
الحرية هنا زائفة لا معنى لها
فالصحة في مصر تحت النهب و السلب ويقتصر مفهوم الحرية على النقاب ؟

ياجماعه فتحو مخكم
‏قال hartaka
ههههههههيييييي
والله ضحكتيني
موضوع الميكروب دا مهم جدا
والريحه كمان
انا مرة والدتي اتسرقت في المواصلات من منقبة
وجريت وراها وجابت فلوسها منها وكانت هتوديها علي القسم
ومرة تانيه اختي منعت محاولة منقيه لسرقه واحدة من الي راكبه جمبها في المواصلات
ومتنسيش حادثه الحسين كانت بطلتها منقبه برضوا

مشعارف ليه حاسس كمان عشرين سنه
هتلاقي الشيوخ بيطلعوا في التلفزيون يقولولك
النقاب فرض
وتلاقي عيالنا مثلا عمالين يعملوا جروبات يقولوا النقاب مش فرض والله
ويطلع الشباب الهايف يكفرهم
ويدعوا لاغلاق الجروبات الي بتنكر فريضه من الدين
‏قال Desert cat
مواطن مصري
لا معلشى النقاب ليس حرية شخصية
من ادراك بهذا الشيئ القابع خلف قطعة القماش ؟؟
هل هى انثى بالفعل ام مجرم متخفى من العدالة .. لا حرية شخصية فى اخفاء الهوية
‏قال Desert cat
حياة
يا عزيزتى نبتدى بتغيير المظهر حتى يمكننا بسهولة تغيير الجوهر
تحياتى
‏قال Desert cat
Servant of Christ
اه تصدق اتقال كدا فعلا فى التعليقات اللى جت على الخبر فى موقع العربية وفى اليوم السابع
لكن تصدق اكتر ان الغالبية العظمة مؤيدة جدا لموقف الجبلى
‏قال Desert cat
صفا سارة
منعه فى الشوارع ده محتاج تدخل الداخلية ويارب تبتدى تاخد الخطوة دى بسرعه علشان نخلص من الاشكال الكئيبة دى فى الشوارع

شرفتينى سارة
‏قال Desert cat
مفكر
كم فى مصر من المتناقضات
الدولة الاولى فى التدين والاولى ايضا فى التحرش
‏قال Desert cat
انا حرة
طبعا متفقة جدا مع كلامك

تحياتى
‏قال Desert cat
magi
طبعا النقاب بيهدد سلامة الفرد ويكفى الحوادث المكررة يوميا بخلاف السرقة ايضا القتل وخطف الاطفال وحادث الدكتورة التى تم القاء ماء الم\نار على وجهها ليس ببعيد من احد الرجال الملثمين على شكل منبة ..انا شخصيا يا ماجى بدأت بمقاطعتهم من منذ زمن

شرفتينى
‏قال Desert cat
MEDUS
عزيزى هذه الغمة اتت الينا مع رياح شبة الجزيرة المحملة بالبتروريالات
مصر الدولة الرائدة والاولى فى الثقافة وفن الازياء اصبحت فى مؤخرة الامم ولنا فى مصادرة كتب الادب فى الاونة الاخيرة خير مثال على التدخل السافر لهؤلاء الجهلاء
طبعا تحية اجلال وتقدير لوالدة حضرتك والمفروض فعلا كل واحد عايز يحافظ على الهوية المصرية يقاطع هذه الاكياس من الزبالة

شرفتنى جدا
‏قال Desert cat
أبنوسة
يا صباح الفل يا قمر رأيك على عينى وراسى لكن يا جيل النقاب ليس حرية شخصية
انت حر مالم تضر
والنقاب جميعه ضرر وضرار من اخفاء هوية لارتكاب ابشع الجرائم من خلفه مما يتسبب فى تهديد سلامة الفرد

تحياتى
‏قال Desert cat
Blank-Socrate
ا ب فى علاج المريض هو التواصل بينه وبين من يقوم برعايته فتخيل مريض مصاب بالاكتئاب وفجأة وجد هذا الشبح امامه اعتقد انه سيهرب الى اقرب بلكونه لالقاء نفسه منها هربا من الشبح والحياة جميعها

اما المرأة عورة فهذا القول لالتماس العذر للذكر الذى لا يخطأ ابداً وهو الكامل مع ان الكمال لله وحدة

تحياتى
‏قال مواطن مصري
يا قطة انا قولت ان في الامكان الي بتطلب بكشف الهوية تحترم القانون و اذا رفضت بحجة النقاب يتم القبض عليها او التحقيق

يعني واحد يحب يلبس جلابية واحد يحب يلبس جينز و تاني شورت مينفعش اجي و اقول
الي لابس جينز البس شورت ب العافية
‏قال Desert cat
أسماء علي
ااااااه حاسة بيكى يا سمسمه
:))
ان شاء الله القرار يتنفذ وعقبال لما يتمنع من المجتمع المصرى كله

محبتى يا قمراية
‏قال Desert cat
Anonymous
هيئة الامر بالمنكر والنهى عن المعروف لن تكف عن سخافاتها
انا اقترح انه واجب عليهم تعيين اثنين من الهيئة فى كل منزل بل وفى حجرات النوم حيتى يتم اداء واجبهم على اكمل وجه فى احصاء عدد الشهيق والزفير لجميع سكان شبه الجزيرة

تحياتى
‏قال Desert cat
Anonymous
لو انت شخصيا بتحافظ على الشارع اللى بتمشى فيه مش بترمى فيه ورقة ولا بتف فيه ولا المنديل اللى اتهرى فى ايدك من الحر اعتقد لو دخلت مستشفى بالتبعية او اى مكان هتلاقيه نضيف
كل واحد يبدء بنفسه وبعدين يتكلم
‏قال Desert cat
hartaka
انا لو من والدتك مش كنت سبتها غير فى النيابة معلشى اصلى شريرة حبتين
نموذج المنقبة الحرامية ده منتشر بكثرة فى المواصلات والاسواق والنصابات ايضا منتقبات .. فى صيف 2008قامت وزارة الداخلية بتوزيع نشرة على محلات الصاغة تحظرهم من المنقبات
ربنا يستر واولادنا يجو فى مجتمع انضف من ده وعنده وعى صحيح

شرفتنى جدا جدا
‏قال Desert cat
مواطن مصري
اوكى فاهمه كلامك يا عزيزى لكن انت بتتكلم على الجينز او الشورت فى كل الحالات الهوية معروفة اما المختفية دى مين ادرانا فعلا انها المعنية .. يا عزيزى الراقصة هياتم كانت هربانة من تنفيذ حكم واتخفت فى النقاب حتى ظهرت برائتها كذلك الشباب العاطل الذى يرتدى النقاب ويذهب لمقابلة فتياته بالاضافة الى خطف الاطفال من الحضانات اذن مش ينفع اقول علي هذا اللثام حرية شخصية لانه اصبح يمثل خطر على الامن العام

تحياتى
‏قال مثلية فقط
شو معناه نقاب و لا ما بعرف شو اسمو
بالمستشفى
هو يعني لي مريض راح يكون عندو وقت أو اهتمام انو يطلع على ممرضة .... ما هو اصلا فيه يلي بيكفيه و بيكون محتاج لحدن يحاولو يوقف جنبوا و يدعمو حتى و لو نفسيا ....يعني يبتسم في وجهه يحكي معو بطريقة منيحة .... و بعدين مين يلي قال انو هيدا لباس إسلامي ؟؟؟

المشاركات الشائعة