تفاصيل يوم 18 ابريل - يوم أن قلنا لا للتحرش








فى تمام الساعة الثالثة والنصف بدأت سيارات الأمن فى الحضور وكانت هناك سيارتان كبيرتان محملتان برجال الأمن المركزى وسيارتان بوكس بيلفوا حوالين الجنينة خلف خلاف وبعد شوية وقفواونزل منهم شوية شباب معاهم كورة وبدأو يلعبوا كورة فى جنينة الخزان تمويه يعنى ..
هاهاها
وعدة سيارات اتارى تدور حول الحديقة طوال الوقت المكان مرشق أمن على الآخر
ظباط كتيييييييير .. ومعاهم لاسلكى دة طبعا غير ماتشين كرة القدم اللى كانوا شغالين فى جهتين مختلفتين من الحديقة
كان أول الحضور الدكتور شريف حافظ مؤسس حركة 14 فبراير وهى حركة اجتماعية تنموية تهدف الى
تقويم السلوكيات الغير مقبولة فى المجتمع المصرى وتحارب العنصرية بشتى صورها
ثم توالى حضور الآخرين - مجدى وسامح سمير وهو منشىء جروب معا نمنع المعاكسات - حملة احمى اختك
بدأت الوقفة فى الموعد المحدد فى تمام الخامسة مساءا
وفى المكان المحدد وهو حديقة الخزان بالمقطم
حضر الوقفة العديد من المدونين والفيسبوكيين
بالإضافة الى أبى وزوجى وأخى شارك
بعض الاجانب فى الوقفة الإحتجاجية
شاركت فى الإحتجاج مندوبة من مركز دراسات المرأة الجديد
حضر الوقفة محمد عمر من المنوفية وهو الذى تبرع لنا بتصميم لوجو الحملة
حضرت حنان الشريف من الشرقية خصيصا للمشاركة
وزعت البوسترات على الحضور مع العلم انى قمت بطباعتها فى شركتى الخاصة وهى شركة برينتنس للطباعة الدجيتال
وكان عددهم 40 بوستر وزعت جميعها ولم تكفى الحضور فقام الزميل سامح سمير وهو رسام كايكاتير بعمل عدة بوسترات يدوية لتوزع على البقية من الحضور
وقام برفع علم مصر مكتوب عليه - احمينى يا بلدى
حملت البوسترات شعارات مختلفة تناهض التحرشلا للعنف لا للتمييز الجنسى
No to violence, of sexual discrimination
الإنتماء هو الحل
we all are Egyptians
انا مش سلعة
انا انسان كلنا نهى رشدى
كلنا آسر ياسر
المتحرش مش انسان
the harasser is not a human
احمى اختك
اوقفوا التحرش
stop harassing me
يوم 18 ابريل اليوم المصرى لمواجهة التحرش
احمينى يا ابن بلدى
مش هأسيب حقى
النهاردة بتقول انا مالى .. بكرة يحصل لأمى واختى وعيالى
احمينى يا بلدى
تابع الوقفة الإحتجاجية لفيف من الإعلاميين مثلوا العديد من وسائل الإعلام صحف - مجلات - قنوات فضائية ومحلية - مصرية .. عربية وأجنبية انضم للوقفة الإحتجاجية بعض المارة بعضا من سكان المنطقة اصطحبوا اطفالهم للمشاركة واذكر منهم سيدة شاركت وبناتها الثلاث محتجة وذكرت انها تتعرض هى وبناتها تتعرضن للتحرش فى كل مرة يخرجن للجامعة او المدرسة واشادت بمنظمى الوقفة ولم تذكر اسمها شارك بعض شباب المنطقة فى الوقفة ووعدوا بحماية اية فتاه من التعرض للتحرش اعتراضا ومشاركة منهم فى الحملة ضد التحرش
جدير بالذكر انه تقدم شاب الى مندوبة مركز دراسات المرأة الجديدة طالبا منها ان تساعده على الإعتذار لإحدى الفتيات المشاركات فى الوقفة من سكان المنطقة لأنه تحرش بها فى احدى المرات فحيناه جميعا وهو يقول لها ارجو ان تقبلى اعتذارى ومن هنا ورايح اى هشوفه بيضايق بنت هوقفه عند حده وصفق له الحاضرون لم تحدث أية قلاقل واستمرت الوقفة الصامتة لمدة ساعتين من القنوات الفضائية البارزة المحور - برنامج 90 دقيقة
الحياة - برنامج الحياه اليوم
الأوربيت - برنامج القاهرة اليوم
دريم - الطبعة الأولى
النيل - الساعة - الانسانية
الأهرام -الشروق - روزاليوسف - اليوم السابع - لها
وغيرهم العديد من القنوات والصحف والمجلات والمواقع الإخبارية على شبكة الإنتر نتلم يحضر الوقفة أحدا من المصرى اليوم لذلك فقد ارسلت لهم ردا على ما نشرته الصحفية بالجريدة هدى رشوان بخصوص الوقفة الإحتجاجية من معلومات مغلوطة سوف ينشر على صفحات الجريدة قريبا مع العلم ان الصحفية هبة عبد الحميد هى التى كانت تتابع الموضوع منذ بدايتها
أصدرت السفيرة مشيرة خطاب بيانا يوم الوقفة الإحتجاجية تعلن فيه رفضها لظاهرة التحرش التى انتشرت اخيرا وانها ظاهرة دخيلة على مجتمعنا
تحية لكل من شارك بالتواجد او شارك بقلمه او حتى بقلبه
أما عن الناقدين والحاقدين فأقول لهم
احنا عملنا حاجة كويسة .. حقيقى ايه اللى مضايقكوا؟؟؟؟
نقلاً عن الصديقة : آسر ياسر

تعليقات

‏قال Unknown
انا بجد مستغربة هو عدم التحرش محتاج وقفة ومحتاج كل الكلام دة هل بقى شئ لازم نناضل عشانة انا مستغربة بجد من الحال الى وصلنا لية هل مش من حقى دلوقتى امشى فى الشارع بامان من غير ميتعرضلى حد هل بقى لازم اناضل عشان اخد حقى فى العيش بامان لمجرد انى انثى
‏قال Unknown
بس الاهم هو رد فعل الناس وازاي نغير تفكيرها ودا لازم يكون الدور اللي هيقوم بيه كل مؤمن بالفكرة ونفكر ازاي نغير من سلوكيات المجتمع المصري لنرقى بيه والله كان نفسي اكون معاكو
تحياتي والى الامام
‏قال dr.lecter
انا فعلا قريت البوست عند اسر

احسن حاجه التغطيه نفسها والاهرام كتب تاني يوم مقاله طويله في الصفحه التانيه مش فاكر اسم الصحفيه بس شكلها كانت معاكم لانهها عارفه كل التفاصيل
‏قال Rania Lelah
كلنا ضد التحرش

تحياتى
‏قال أسماء علي
كان نفسي أكون معاكم فعلا يا حنان
بس انتي عارفة عدم التواجد و الشغل بيخلوني مش عارفة أشارك
:(

بس برافو عليكم
يارب نلاقي نتيجة خاصة ان الحلوين الامامير بيلاقوا حجج كتير يداروا بيها حيوانيتهم ..
‏قال Desert cat
ايوية
يا حبيبتى اذا كانت الاجهزة المسئولة عاملة مش واخده بالها نقف احنا بقى علشان الجميع ينتبه

تحياتى
‏قال Desert cat
Medus
مش كله بيجى مرة واحدة يعنى جميع المحترمين متضريين جدا من التحرش
فى ناس تعرف اذاى تاخد حقها وازاى اللى بيتحرش بيها تخليها فرجة للعالم كله وفى اللى بتتكسف تنطق احنا بقى عايزين اللى بتتكسف دى يكون عندها وعى وتعرف انها صاحبة الحق
يمكن الوقفة دى تكون سبب فى وعى ناس كتير ويبقى كدا حققنا اهم هدف
انا متاكدة انك لو كنت فى مصر اكيد كنت حضرت
تحياتى ميدوس
‏قال Desert cat
dr.lecter
بالفل كان موجود صحفيين من الاهرام
وكانت التغطية الاعلامية جميلة جدا
بس انا زعلانة منك علشان انت مش جيت
‏قال Desert cat
Rania
طبعا مش حد فى العالم يقبل انتهاك آدميته

تحياتى
‏قال Desert cat
أسماء علي
صدقينى كان نفسى تكونى موجودة
ونميت عليكى واحنا ماشيين فى الطريق وقولت كان لازم يعنى اسماء تتحدف الحدفة السودة دى ما كانت راح اى دكتور تانى مكانها وهى فضلت وسطنا ردت غيبتك طبعا واحدة من اصحاب القمر وقالت يعنى حدفتك انتى اللى حلوة اوى انتى تجيبى بعضك وتيجى تعيشى هنا وشكلى جاية فى القريب العاجل
:)))

المشاركات الشائعة