ماذا تريد المرأة من المجتمع ؟؟

ماذا تريد المرأة من المجتمع ؟؟ هل تريد الكرامة ؟ أو تريد الحب ؟ أو تريد السيطرة والقوة ؟
الرد بسيط جداً أن المرأة تريد الحب مع الكرامة والإحترام ... فهل هذا كثير مقابل ما تعطيه للرجل من التضحيات ؟
فالرجل يريد أن يشبع غرورة ويبنى شخصية على هذا النمط الغريزى المتخلف .. إذاً دعونا ندق ناقوس الخطر فإذا كان هذا هو تفكير الرجال فيجب أن نتصدا له بكل قوة ونقول .. لا .. لن نسمح ببناء شخصية الرجل على حساب كرامتنا .. فيا فتاة النيل أرفعى رأسك عالياً نحن فى عصر الحرية والاستقلال .. الإستقلال من الرجل .. انتى حرة طليقة غير مستعبدة فقد انكسرت شوكتهم بعد تغلبنا عليهم فى جميع المجالات .. وعلى كل فتاة مستضعفه ان تعلم جيدا ان صورة سى السيد تلك الشخصية المبتكرة اختفت من على الشاشة وظهرت أمينة قوية محت من الذاكرات صورة امينة الضعيفة المغلوبة على امرها ويجب ان يستقبل الجميع وبالخصوص الرجل هذه الحقيقة وهى انه لايوجد فرق بين الرجل والمرأة سواء برضاءهم او رغم عن انوفيهم جميعاً
بعد إذنكو بقى اروح اغسل واكوى واحضر العشا لسى السيد

Comments

حياة said…
واذا اعطى الرجل للمراة الكرامة والحب وهى اعطتها الهم والحزن والنكد فماذا يكون ساعتها هى الست السيدوارجو ان تقرائى رأى امرأة اعجبنى
http://shaimaaalgamal.blogspot.com/2009/03/blog-post_27.html

تحياتى
عقل مهوي said…
يا قطه بلاش تخربشي في الرجاله الغبانين المظاليم ..
------
أصل فعلا ها نتكلم عن مساواه ولاكم من كداهون يبقي نمشيها كداهون .. مساواه يبقي ما اقولش ان المراه تغلبت في مجالات العمل لانك بالطريقه دي ها تثير الساده الرجاجيل انهم يدافعوا عن مكانتهم في احتلال القمه
لو اسلوبنا كلنا اتغير وبدانا بدل ما نقول مساواه كمان
لا
عاوزين نتكلم عنالانسان .. بغض النظر عن النوع .. اقصد ان قطه الصحراء ما يهمنيش هي قطه ولا قط .. يهمني اني بتابع كتاباتها وبتعجبني لان كتابات هذا الانسان تحترم
قلت كلام ليه معني ولا زي كتاباتي كتابات انسان لا تحترم
:D
كتير من الرجال لا يستحبون هذا النوع
بس نرجع ونقول الحل بقى
ان يكون فى دايرة حوار وتناقش
البوست هااايل تسلمى
soaad fakoory said…
عزيزتى القطه
هى ليست معركه بين الرجل والمرأه بل هى
حياه مشتركه فى كل مناحى الحياه وتعاون
ومقابل التضحيات التى تقدمها لا تطلب غير الوفاء والحنان!!ا
المرأة بدا يتركوها بحالها

و يحلو عن سماها
Anonymous said…
medus
http://ilupo77.blogspot.com
عزيزتى القطة
المرأة اجمل ما الحياة فهي السكن والدفء والحنان
هي الامومه والحب والعشيقه...المرأة لولاها لأصبح هذا الكون متوحش غليظ انا معاكي في حملتك ويمكن انا وضعت الشعارات دي عندي في مدونتى من اول ما ابتديت وعندي اكتر من موضوع في احترام المرأة واعتبارها انسانه لان الامم يقاس مدى رقيها بعدد من الاشياء من ضمنها احترم المرأة
ولا يفوتني ان اذكر ان المرأة المصريه كانت من عهد جدودنا الفراعنه الى يومنا هذا في الريف الجواني كتفها بكتف الراجل بتزرع الارض وتسحب البقرة وتخرج للعمل في الغيط ولبسها هوا هوا لبس جدتها القديمه لا نقاب بقى ولاخمار ولا ركنه فالبيت لغاية ميرجع سيدها من الرعي في الصحرا وياخد كيفة وخلاص على كدة دا كل دورها فالحياة مجرد متعه
تحياتي لك ولك امرأة بجد.. فالمرأه هي الحياة
والى الامام دائما
magi said…
desert cat عزيزتى

المرأه لا تريد من المجتمع الا ان يتركها وشأنها فقط لا غير

وبعدين تكوى ايه وتغسلى والكلام ده ميروح يأكل نفسه ويحط هدومه فى الغساله ومش هيضيع وقت حضرته الثمين لو وقف 5 دقايق يكوى قميصه
Blank-Socrate said…
ايه ايه يا بنتى
ايه اللى بتقوليه دا
اول انا ضد انك تقولى ما قدمته من تضحيات
لان بصراحه انا مش شايف تضحيات
انا شايف ظروف للمجتمع او الاسرة و الكل بيجتهد بطرقته انه يساعد
--------------
ثانيا مين قال انكم عاوزين مساواة
انت عاوزين مزيد من نقاط القوة و الحريه
و طبعا الدلع
على فكرة انا من انصار قاسم امين و المراءة و كل الكلام دا
لكن طريقتك بتحسسنى انها معركه سياسيه و ان انتوا بتحاولوا تاخدوا اكتر مكاسب
عامه انا خرجت من الموود و مش مركز
تحياتى
اشوفك تانى تكونى خلصتى الغسيل
سمراء said…
كوني امرأة اطلب ان يشعر الرجل اني انسان مثله
بل ملكة
هذا لا يغير طبيعتي أو دوري
اتساوي معه في الانسانية واختلف معه في الدور والطبيعة
ودوري وطبيعتي لا يقللان من طبيعتي الانسانية
فلم اخلق ليستخدمني وانما خلقت لاشاركه

سمراء
Blank-Socrate said…
للتصحيح فقط
انا اعترف بجرم معامله المراءة فى مصر
فقط قصدت فى كلماتى تلك المراءة العصريه القاهريه التى التقى بها فى عملى فى تلك المؤسسه الحديثه
ان هى تحدثت عن مساوة فبلا شك هى تبحث عن راحتها و مراكز للقوى :)
اما حواء العزيزة المنتهكه حقوقا و جسدا و فكرا اراها كل يوم و ادعمها
:)
الرد بسيط جداً أن المرأة تريد الحب مع الكرامة والإحترام ... فهل هذا كثير مقابل ما تعطيه للرجل من التضحيات

لا مش كثير

بوست حلو اوى على فكرة
قطة انتي شوفتي نظارة القذافي متعرفيش نوعها اية اصلها كانت تحفة و الله

شفتي الكلمي الي قالهم على ملك السعودية
أبنوسة said…
قطقوطه
فتاة النيل دي تشملني انا ايضا ؟؟ صح

ذي ما قلت ليك قبل كده انتي بتنفخي في قربه مقدوده
ده مثل سوداني مفهوم اظنه بالنسبه ليك

الناس دي ما حتغير فكرها ابدا بسهوله

عايزين شغل كتير

البنصح بيه انو المراه تعمل العايزه تعملوا وتقاوم بقدر ما تقدر وربنا معاها لانو هو الكريم الكرمها

صافي الود
GHARAM said…
تعرفي أحلى مافي البوست الجمله الآخيره



كده برضه ياقطه دا أنتي رفعتيني في السما وبعدين هوووووووووووووووب وقعتيني على الأرض



طيب ما اروح انا كمان لحسن سي السيد بيزعق وهو بيدور على الشراب


قبلاتي
Desert cat said…
حياة
مفيش ست بتعمل كدا يا حياة
الست مهما كانت قوية وصاحبة جبروت لكن عاطفتها ليها دور فعال
احنا بشر يا عزيزتى
قرأت المقال
بس ده رايها وانا مش من حقى أصادره بس هى محتاجه تراجع نفسها وتبص حواليها وتشوف الراجل بيتصرف ازاى فى المجتمع دلوقتى تحكم على افعاله
تحياتى
Desert cat said…
عقل مهوي
بص يا عزيزى هى المرأة فعلا دلوقتى تختلف عن زمان بمراحل دلوقتى الست بتشتغل فى جميع المجالات الا وظيفة حانوتى طبعا
ياراجل دى حتى بقت سواق تاكسى
طبعا كداهون الراجل مش من حقه يصادر حريتها لانها اصبحت تعرف تعتمد على نفسها اعترفوا بقى يا راجيجل
ايون بالظبط كداهون
هههههههه
Desert cat said…
اصحى يا مصر : اسلام ديو
بالظبط لازم يكون فى دايرة حوار ونقاش
اشكرك جدا
شرفتنى
Desert cat said…
soaad fakoory
طبعا يا حبيبتى هى معركة ابدا والحياة بينهم المفروض انها مناصفة لكن فى اللى مش بيعترف خالص بموضوع المناصفة وماشى على غرار اكسر للبنت ضلع
ومراتك تصبحها بعلقة وتمسيها بعلقة وبناء عليه مضطرة اوجه له دعوة لقراءة البوست
:))
شرفتينى
Desert cat said…
مثلية فقط
ده فى الحلم إن شاء الله
Desert cat said…
Anonymous
متفقة معاك جدا ومن اهم الاشياء اللى مخلاينى كل يوم ادخل اشوف جيديدك فى مدونتك هو سردك لحياة اجدادنا الفراعنة وكيف كانت المرأة بالنسبة لهم لكن للاسف اللى بنعمله احنا دلوقتى يخلينى اشك فى النسب الحقيقى للفراعنة
الناس دي مين ولا بتعمل كدا ليه
وازاى سايبين جذورهم وحياة اجدادهم ورايحين يقلدوا حياة سكان شبه الجزيرة مش عارفه بصراحة ليه هما كمان كل ههم يقلعونا من جذورنا
ياريت نتعلم
تحياتى
Desert cat said…
magi
ماهو لازم اخده بالسياسة فى الال بعد كدا هخليه هو اللى يغسلى ويكوى لى ههههههههه
ربنا يستر ومش يشوف الكومنت ده بس
Desert cat said…
Blank-Socrate
لاء ماليش دعوة انا هى بتضحى وخلاص عاجبك ولا مش عاجبك
طيب بتضحى بقى على الاقل بصحتها لما تكون حامل فى واحد يطلع بعد كدا طول بعرض ومش بسهولة كمان دى بتتعب فى تربيته وفى اكله وشربه ومذاكرته لحد ما تجوزة كمان دى حتى بعد ما تجوزه بتكون شايله همه
يبقى بتضحى ولا لاء
اعترف
Desert cat said…
سمراء
دائما ما تاتى ردودك اضافة قيمة وجميلة جدا للبوست
اشكرك جدا
وشرفتينى جدا جدا
Desert cat said…
Blank-Socrate
يا سيدى سيب زميلتك اللى فى المكان الشيك تتكلم براحتها ماهى مش هتتكلم الا اذا كان فى سبب قهرى يعنى مش يجى واحد لسه متعين النهارده ويترقى بكره علشان عنده واسطة مثلا وهى عندها خبره فى شغلها ولسه محلك سر
يبقى مش تتكم ليه بقى
Desert cat said…
عاليا حليم
وانتى شرفتينى جدا جدا على فكرة
Desert cat said…
مواطن مصري
القذافى ملك العرب وصاحب اكبر القاب حصل عليها رئيس فى التاريخ وهو اصلا مش رئيس
لا والله مش عارفه نوعها الحقيقة
بس فعلا الراجل ده عاجبنى جدا
Desert cat said…
أبنوسة
طبعا تشملك ونص طبعا
اللى انا بستغرب له ان التكنولوجيا كل لما بتتقدم بالانسان كل لما افكاره بتكون افضل وارقى الا فى المجتمعات العربية مع التقدم التكنولوجى الناس بترجع للخلف آلاف السنين
شرفتينى ابنوسه
تحياتى ليكى
Desert cat said…
GHARAM
هههههههههههههه
معلشى مش كان قصدى
والله انتى عسل
القطة العزيزة
مرة أخرى تشعلينها حربا ضد الرجل
أضيفي له لحية طويلة وعقل خوخو لكين يكون أكثر عداء
النهاية التي انهيت بها تدوينتك تقلب الأمور..نحو الواقع
لنرفع شعارا واحدا

يا عقلاء العالم اتحدوا
بدل: يا نساء العالم اتحدوا/ أو/ يا رجال العالم اتحدوا

حتما لا يتمنى أي جنس أن يعيش في قارة لوحده
مودتي الموصولة

Popular posts from this blog

قميص دهشور

كل تحرش وانتوا طيبين