تعالى فى الجلابية واتصدر

عندما يرشح نائب نفسه فى الانتخابات ويذهب اهل دائرته لاختيار الاصلح وخير من يمثلهم ويتحدث بلسانهم عن مشاكلهم وطبعا ده مش بيحصل لان اى نائب بيعمل خده مداس ايام الانتخابات ورايح جاى يسلم ويبوس الناس على اختلاف درجاتهم حتى لو مش بيستحموا عملاً بمبدأ ان كان لك حاجه عند اللى مش بيستحمى ويلاعب الاطفال الصغيرين ويمثل بقى انه منهم واليهم .. بس اهو على الاقل بيدخل المجلس يتكلم عن المشاكل اللى بتحصل فى البلد عموما وحتى لو كان من هواة التصفيق ورفع الايد للموافقه فقط برضه اسمه بيعمل حاجه .. إنما لما يدخل نائب مجلس الشعب .. وبدل ما يتكلم فى مشاكل البطالة او التعليم او الصحة او الطرق او رغيف العيش اوووووو لانى لو قعدت اقول او مش هيكفينى مدونات بلوجر كلها حصر للمشاكل اللى فى البلد .. لما يسيب كل ده ويقولك احنا عايزين الجلابية تبقى الزى الرسمى للمصريين لأنها الاصل يبقى ده اسمه ايه ؟؟؟
استخفاف بعقول الناس اللى اديته صوتها امانة وانتخبته علشان يتكلم بلسانها ؟؟ ولا استهبال ؟؟ ولا مش لاقى حاجه يقولها قام حب يكون له دور راح قايل الاتى :-
تقدم عضو مجلس الشعب مصطفي الجندي بمشروع قانون يطالب فيه باعتماد "الجلابية" زياً رسمياً باعتباره ثقافة مصرية خالصة وعودة الي الجذور فهو زيا تراثيا ينتشر في محافظات مصر وقراها سواء في الوجه البحري او القبلي او السيناوي او البدوي او النوبي لذا يجب المحافظة عليه فنحن اسبق من دول الخليج في ارتداء الجلباب ورغم ذلك فالشعوب الخليجية حافظت علي الجلباب بينما أهمله المصريون .
وياريته قال كدا وسكت ألا طالب كمان من الرئيس مبارك انه يبتدى ويلبس الجلابية ويحضر بيها المؤتمرات والاجتماعات علشان يبقى قدوة للشعب ومثال قوم ايه بقى يا حضرات الشعب يقلده ويروح لابس الجلابية على طول وكله ايمان ان الرئيس هيقبل دعوته
فى الوقت ذات نفسه اللى السيد النائب بيدعو فيه المصريين للبس الجلابية كان قاعد فى مجلس الشعب بكامل آيافته

مش المفروض كان سيادته يبتدى بنفسه وهو بينادى بهذا المطلب العبقرى

حقيقى يا جدعان صدق اللى قال الكلام نوعان كلام فارغ وكلام مليان كلام فارغ

وانا بقى تيمناً بهذا العضو العبقرى صاحب الحل الجذرى لجميع مشاكل المصريين وهى الجلابية اللى كانت تايهه عن خاطرنا طول السنين اللى فاتت اطالب بعودة الاندر وير اللى هو شبه البنتاكور ( راجع اى مسلسل صعيدى وانت تعرف شكله ) .. والحمد لله انه اتكلم على الزى الرجالى وهو الجلابية البارتى اما النساء ينعمون بما يحلو لهم بشتى انواع الموضه

Comments

magi said…
الرحمه يا رب هى الناس دى مش حترحمنا بقى يعنى اروح يمين اروح شمال التخلف وراى وراى
ده على كده الراجل بتاع الطربوش كان متواضع

سايبين المصايب ويمسكوا فى التوافه والكلام الفارغ وبعدين ما الناس بتلبس الجلابيه منقرضتش ولا حاجه
Desert cat said…
magi
علشان تعرفى بس ان مصر بتتقدم بينا يا ماجى والسيد النائب يهمه ان الجلابية تعمم فى مصر جمعاء
بس هو هيلبس بدله

تحياتى
احب اهدي الي هذا النائب اغنية العسيلي الجديدة طراطير طراطير طراطير
بس النائب دة وطني ولا اخوان احسن الاخوان يصدقو و يعملوزها
Desert cat said…
والله اهداء موفق
وبالفعل احييك على حسن اختيارك للاغنية

النائب شكله نائب عن عزرائيل
انا حرة said…
هههههههههههههههههههه
المصيبة انى اعرف البنى ادم دا شخصيا فمش هعرف اتكلم..بس انتى كفيتى و وفيتى بصراحة انا مت من الضحك لما عرفت الفكرة العبقرية دى..كويس انه ما قالش اننا نرجع نلبس زى الفراعنة و الا كانت هتبقى مصيبتنا مصيبة بحق و حقيقي :D
الدرعمي said…
دمه خفيف النائب ده بس الظاهر إنه بيقترحها كقصة لفيلم كوميدي أو حلقة من حلقات لمبة شو مش قاصد إنها تصدر كقانون .. أيوة كدة نوابنا بدأوا يدوروا على حاجة جديدة تكسر الملل هم بردو معذورين بيفضلوا نايمين وكل شوية يرفعوا إيديهم مش عارفين ليه بس بيلاقوا الناس رافعة .. فحرام متحرميهوش من حقه في كسر الزهق
قطة مش دة رجب بتاع حريق الغد

؟؟
http://www.youm7.com/News.asp?NewsID=83620

اطف عبد الرشيد مدير قناة "الحافظ" و"الناس"، نفى أن يكون وراء استضافة القناة للنواب البرلمانيين أى أهداف سياسية، وقال إن القناة هدفها دينى بحت، وإنهم يستضيفون البرلمانيين لدفعهم الى الاهتمام بتحفيظ القرآن فى الدوائر التى يمثلونها. وحين سألناه عن السبب فى أن يقدم حميدة برنامجاً ثابتاً فى قناة "الحافظ" قال إن البرنامج يهدف إلى تكريم علماء المسلمين، وإن حميدة يستضيف شخصيات دينية ويحاورها فى تاريخها فى خدمة الدعوة. كما أن القناة تقدم وجهاً جديداً له كرجل يخدم الدعوة الإسلامية. لكنه أضاف "خط القناة واضح.. مالناش علاقة بالسياسة" .

تفسير حميدة نفسه جاء مختلفاً مع ما قاله مدير القناة إذ برر ظهوره على شاشة القناة بأنه رد على "المناخ السياسى الفاسد" على حد قوله وأضاف انه بعد عمر طويل قضاه فى العمل السياسى، اكتشف أن المحصلة صفر ، وأنه وهو المريض بمرض خطير قد يقضى على حياته فى أى لحظة يرغب فى اعتزال العمل السياسى بنسبة 90%، والاتجاه الى الله.
dr.lecter said…
فاكره الاهبل اللي طان مرشح نفسه للرئاسه وعاوز يلبسنا طرابيش

اسمه ايه الصباحي؟

هو لسه في دار المسنين ولا ربنا افتكره
Anonymous said…
من مجتمع التخلف والهمجيه هديه لمن يعود من الخليج وقد لوى لسانه بشكل يثير الرثاء بكلمات خليجيه
وعادات صحراويه بدائيه
طلب مسن ثري في السعودية نصف مليون ريال مقابل تطليق زوجته الطفلة، بعد هروبها من منزل الزوجية، بحسب تقرير صحفي نشر السبت 28-3-2009.

وتنظر محكمة العيص التابعة للمدينة المنورة في قضية رفعتها أسرة ضد سعودي في السبعينيات من العمر، اشترط دفع نصف مليون ريال مقابل تطليق طفلتهم (13 عاما) التي هربت من عش الزوجية رافضة العودة إليه.

وقالت والدة الطفلة لصحيفة "عكاظ" السعودية إن "الرجل المسن تزوج ابنتها قبل سبعة أشهر، بعد أن أقنع أحد إخوتها، إلا أنها هربت من منزل الزوجية، ورفضت الرجوع إليه"، مشيرة إلى أن المسن لم يدفع سوى 30 ألف ريال كمهر لها، "وفوجئنا به يطلب 500 ألف حتى يلبي لها رغبتها في الطلاق، ما دفعنا إلى مقاضاته".

وأضافت أم العروس "لم يحضر الزوج سوى جلستين فقط خلال الشهر المنصرم، مما جعل القاضي يؤجل الجلسة".

ويذكر أن المسن ثري، ومتزوج من ثلاث نساء، ولديه أولاد وبنات في عمر زوجته الطفلة الهاربة.

وعلى وقع الكشف عن حالات مماثلة، ثار مؤخرا في السعودية جدل اجتماعي حول زواج الصغيرات وآثاره الاجتماعية الخطيرة.

ورضخ سعودي عجوز قبل أشهر للضغوط، وأجل زواجه من طفلة في العاشرة من عمرها لمدة 5 سنوات أمام تدخل جهات مختلفة لمنع زواجه، بعد أن تمكن من عقد قرانه عليها إثر "تحدٍّ" بينه وبين والد الفتاة في مدينة حائل.

وكانت هيئة حقوق الإنسان وجهت خطابا لإمارة المنطقة، وآخر إلى رئيس محاكم المنطقة؛ من أجل إيقاف زواج الشيخ السعودي.

وكان عددٌ من أهالي مدينة حائل طالبوا الجهات الحقوقية بالتدخل لإيقاف مثل هذه الزيجات، على غرار إيقاف زواج الأطفال الذي تم أخيرًا، حيث تدخلت جهات مختلفة لمنع زواج طفلين لم يتجاوزا الثانية عشرة من عمرهما.
عودة للأعلى
ردي الوحيد كلمة مش ظريفة تعود الى جذور اسكندرانية بس انا هاحترم نفس و اقول لا تعليق يا حنان يابنتي
amunraa said…
الحل هو الجلابية
عندما نرتدي الجلابية هنحس براحج والرحرحة
فتنتهي مس؛ل طوابير الخبز لية بقي علشان احنا هنبقى مرحرحيين
وهينتهي البطلاة علشان الرحرحة في الجلابية
وياريت نرجع الطربوش كمان علشان نبقى مرحرحين مطربشين
جاتها نيلة اللي عايزة خلف
أبنوسة said…
هههههههههه
قطقوطه اسلوبك في الكتابه فيه سخريه محببه وبيخلي الواحد يعيد النظر في حاجاتو

يا ريت كل البتكتبي عنهم ولهم يقروا بوستاتك

دمتي بكل الحب
Anonymous said…
تح الأمير طلال بن عبد العزيز أحد إخوان العاهل السعودي الملك عبد الله بن عبد العزيز جدلا نادرا بالسعودية حول الخلافة بعد تعيين وزير الداخلية الأمير نايف نائبا ثانيا لمجلس رئيس الوزراء.

وقال الأمير السعودي -في بلاغ وصلت وكالة رويترز نسخة منه- بضرورة أن يتحول هذا المنصب -الذي يجعل من الذي يشغله في الدرجة الثانية من حيث أحقية الخلافة- إلى منصب لتصريف الأمور.

وجاء في بلاغ الأمير: "إنني أناشد الديوان الملكي توضيح مغزى هذا التعيين، وأن لا يصير من يتولى هذا المنصب وليا للعهد."

وأوضح الأمير طلال في سياق بلاغه قائلا: "إن التعيين الأخير للنائب الثاني لرئيس الوزراء يعطي الانطباع بأنه سيصير بداهة وليا للعهد".

واعتبر الأمير طلال بن عبد العزيز أن تعيين ولي العهد يدخل ضمن صلاحيات مجلس البيعة الذي يضم أبرز أعضاء الأسرة الحاكمة.

وقالت وكالة رويترز إن أحد أفراد العائلة المالكة السعودية أكد صحة بلاغ الأمير طلال.

ورفضت وزارة الداخلية التعليق على البلاغ وأحالت إلى القصر الملكي.

الأمير "الإصلاحي"

ويشتهر الأمير طلال بن عبد العزيز -وهو والد الأمير وليد بن طلال أحد أثرى أثرياء العالم- بدعوته إلى إدخال بعض الإصلاحات على نظام الحكم في بلده.

وعرف في الستينيات من القرن الماضي بـ"الأمير الأحمر" لمطالبته بملكية دستورية، وقد سحبت منه السلطات السعودية آنذاك جوازه بعد أن لجأ إلى مصر التي كان رئيسها جمال عبد الناصر أكبر مناهض للسياسة السعودية في المنطقة.

وقبل أقل من سنتين أعلن عزمه على تشكيل حزب سياسي كما انتقد أمراء العائلة الحاكمة السعودية لاحتكارهم السلطة والوقوف في وجه الإصلاح السياسي في البلاد.

إلا أن الأمير يعتبر اليوم من المقربين للعاهل السعودي الذي كان ينظر إليه باعتباره من المتعاطفين مع الإصلاح عند مجيئه إلى الحكم.

ومن شأن تعيين الأمير نايف - الذي يحسب على التيار المحافظ في المملكة- أن يجعله الحاكم الفعلي للملكة في حال غياب العاهل السعودي خارج البلاد نظرا لأن ولي العهد والنائب الثاني لرئيس مجلس الوزراء الأمير سلطان بن عبد العزيز يمضي فترة نقاهة في الولايات المتحدة.
يا لهوي

خلصت المشاكل في دايرته ما فاضلش غير الكلام ع الجلاليب ؟؟
كدة يبقى نائب محترم وبيخاطب الشعب بلغة الشعب, بس لازم يتبرع بالجلبيات على حسابو للناس اللي بينتخبوه من قبل ما تبدأ الانتخابات
الدرعمي said…
بس تعرفي كان يبقى كلامه كويس لو كان بيطالب إن الجلابية مباحة في المؤسسات والمصالح الحكومية اللي ملهاش يونيفورم يعني اللي عاوز يلبس بدلة يلبس واللي عاوز يلبس جلابية يلبس بس ميفرضش الموضوع .. أنا أحيانا بشوف جلابيب صعيدي بتاعة قنا خصوصا تلاقي الجلابية أشيك وأجمل من ألف بدلة وتمنها لا يقل عن 800 جنيه بس تشوفيها تذهلي من أناقتها
ألِف said…
مش عارف!
انا مش متضايق قوي.
الموضوع مش محتاج "قانون" بزي رسمي، و بالتالي مش لازم يكون بالشكل دا في مجلس الشعب، و توافه مجلس *الشعب* كثير..دا مش عذر طبعا.

لكن المسألة في حد ذاتها مش تافهة.

يعني ال بيحصل دالوقت أن الغفير ال على باب أي فندق فخم أو مطعم أو سينما أو مسرح أو الأوبرا أو أماكن أخرى كثير يفترض أنها "عامّة" لو لقى واحد بجلابية عاوز يدخل بيعامله وحش و يسخف عليه و ممكن يمنعه. مع العلم أن الشخص ال لابس جلابية بلدي دا ممكن يكون كبير المقام في بلده أو منطقته، و ممكن يكون صاحب جاه و سلطة و عزوة، راجل محترم يعني و مش جاي يشحت و لا يتنطّع. طبعا هي مش غلطة الحارس ال على الباب ال ممكن الجلابية تكون زيّ أهله و زيّه هو نفسه في غير أوقات الشغل، هي غلطة ال مشغلينه و غلطة الناس ال سكتوا على دا و قبلوه على نفسهم و أهلهم.

أحنا فعلا عندنا تمييز ضد زيّنا البلدي (الوطني) و بنعتبره "دون المستوى".
بينما الخليجي رئيس مجلس إدارة الشركة ال قيمتها ملايين بيروح الاجتماعات بزيه، و كمان الموظف و الوزير، في السودان كمان و أماكن ثانية كثير. يمكن أعضاء مجلس الشعب ال بيروحوا بزيهم الإقليمي دول بيعملوا كدا لزوم التمثيلية ال هم أطراف فيها، و علشان كدا بيسمحوا لهم.
احنا نلبس الفريق القومي الجلابية و على رائسهم جيمي عشان وشة كان فقر
:D
زيزو باشا said…
أنا كنت فاكره إتطاهر من زمان، علشان كده عايز يلبس الجلبية علشان مايتلطش، عموما لبسه للجلبية أحسن ما يلبس حاجة تانية
نوعية النواب الجهلة دول, واللى ماليين المجلس والقبة, هم اس البلاوى فى مصر, جماعه موافقون, جماعه الكويز وقانون الطوارئ, وتفويض الريس فى شراء السلاح بمزاجه
ههههههههههههههههههه

تحياتى يا قطة, خربشة جامدة
MEDUS said…
عزيزتى القطة
احنا تعبان بقى من التخلف بتاع الناس دي جلابيه اية اللى عايزين يلبسولهنا بعد مالبسو المرأة نقاب وبعد نعتمد الدقن كمان وتبقى كدة كملت
المهم الجلابية مش زي مصري من اصلة ان كان بيدور على الزى القومى لمصر يبقى النقبة والنمس بتاع اجدادنا بس المصريين بما انهم مش عرب فهما كانو اول من لبس البنطلون والقميص كنوع من مواكبة المواضه
تحياتي والى الامام
Desert cat said…
انا حرة
يمكن الجلابية تمهيد
للرجوع لعصر الفراعنه
مين عارف
:))
شرفتينى يا جميل
Desert cat said…
الدرعمي
حلوة اوى يا احمد حاجة تكسر الملل دى
على اساس انه شغال فى ميلودى مش قاعد فى مجلس الشوعب
Desert cat said…
مواطن مصري
يابنى دول نصابين
عاملين زى البهلوانات اللى بتلعب على جميع الحبال للوصول لمصالحهم الشخصية
ربنا يعافينا
Desert cat said…
dr.lecter
اااااااااه يا دكتور فاكره
انا كاتبة عن الموضوع ده على فكرة من سنتين كدا لو دورت فى ارشيف البلوج هتلاقيه
هو ربنا افتكره علشان كدا فكرةالطربوش اختفت
ولما اختفت ظهر لنا الحاج اللى عايز يرجع الجلابية البارتى ده ماهو لازم كل فترة كدا افتكاسة

تحياتى
Desert cat said…
Anonymous
علشان اللى بينادوا بطهر وعفة وشرف المجتمع السعودى وعايزين مصر تبقى زيه
يحسوا على دمهم ولا حتى دى كمان مش ممكن لانهم لاغوا عقولهم وحطوا مكانها خرسانه مسلحة
تحياتى
Desert cat said…
أسماء علي
هههههههههههه
عسل يا سمسمة
Desert cat said…
amunraa
مش بعينة الراجل الهايف ده
يبقى جتها ستين نيله
Desert cat said…
أبنوسة
هما مش فاضيين يقروا هما فاضيين بس لتاليف الحاجات الخارقة للعادة
ميرسى جدا يا قمر

شرفتينى
Desert cat said…
Anonymous
ولا حيبرروا سبب التعيين
دى حساسات خاصة ومصالح شخصية
Desert cat said…
على باب الله
ايون
النائب ده فله خالص عايزينه يكون نائب على مصر كلها يمكن تخلص كل المشاكل
ومش مشكلة يلبسوا الجلابية ولا يلبسوا العمة مش حتفرق كتير
Desert cat said…
حبيتك بالصيف
يتبرع
لاء ميصحش يتبرع ازاى الشعب كله دلوقتى مليارديرات مشعندة مشاكل غير الجلابية بس وهو هيحلها خلاص
Desert cat said…
الدرعمي
ماهو كبير قبيلته ولا منطقته دى هناك
انما المفروض ان لكل مكان تقاليده يعنى
يعنى ينفع الدكتور يدخل العمليات من غير الينيفورم المخصص لها
اعتقد لاء
بس المفروض تكون المعاملة بالمثل بقى
يعنى مش امنع الصعيدى واسمح للى جاى من دولة عربية
Desert cat said…
ألِف
انا متفقه مع حضرتك
بس احنا فى مصر غير الخلايجة
يعنى احنا مش عرب ومش عندنا الجلابية زى رسمى ولا غيره
المفروض ان كل مكان ليه تقاليده
شروط الفندق مثلا او المكان اللى هدخله الفستان السوارية مش اروح انا لابسه جينز مثلا واقول ما انا كويسه اهوه
هكذا المصرى المفروض يكون عارف داخل فين وفى اى مستوى علشان يعرف يتعامل .. وبعدين صعيدى ايه ده كمان اللى هيدخل فندق 7نجوم ولا 5نجوم ده يعنى العملية مش ناقصة فضايح ده يروح يشوف الارض ويسقيها
ولا يقعد يمصمص القصب على حافة الترعة
Desert cat said…
مواطن مصري
ممكن برضه لو لبس الجلابية يحس انه فى برااااح ويا سلام وهو حاطط ديل الجلابية فى سنانه وعمال يجرى ورا الكورة ههههههههه
Desert cat said…
زيزو باشا
هههههههههههههههه
الداية قالت هو عزو دلوقتى للطهور
بلاش عز
خليها الوقت المناسب
Desert cat said…
حازم سويلم
انا فعلا مش قادرة افهم نواب ايه دول وازاى ناس بالعقليات المعدومة دى موجودة فى مكان زى ده يتكلموا بلسان الشعب
والله حاجة مخزية
شرفتنى جدا حازم
Desert cat said…
MEDUS
هما بيقلعوا جذورهم يا عزيزى
يعنى الستات تغطى وشها تقلد بدو الصحراء اللى بيداروا وشهم من الشمس
والكابتن ده جاى يقولك الجلابية
وفى الانتظار اللى هيجى يطالب بشوية غنم الشعب يرعاهم فى ميدان التحرير

تحياتى
Migo Mishmish said…
فين دماغك يا امي
في شحنه جلاليب جايه البلد زيها زي شحنه الاحزمة بتاعته العربيات والمثلثاث وشنطة الاسعافات
بس هو محددش اللون ليه؟
يتهيألي ان ده هيكون موضوع الحوار في الجلسات المقبله لمجلس الشعب
لازم يحددوا اللون والمقاس ونوع القماش وهيتغسل إزاي (دراي كلين ولا في الغساله)
وبعدين هل هيبقى الجلباب الصعيدى ابو سياله وواسع من تحت بحيث الراجل يبقى عامل زي المثلث. ولا الجلباب الابيض المحزق الملزق اللي بيلبسوة الاخوة اللي مربين دقنهم والواحد فيهم بيبقى ماشي مدملك زي البطة
ثم هل الالوان ستدل على الديانه مثلاً: احمر - مسيحي
اخضر - مسلم (الغامق للشيعه والزرعي للسنه)
ازرق - يهودي
كاكي - البهائيين
ولا هيبقى حسب التعليم ولا المحافظة اللي جاي منها البني ادم
طب لوحد اهلاوي عايز يلبس جلابيه حمرا وهما فرضوا جلابيه بيضه فيها خطين. ممكن يرفض يلبس الجلابية وفي هذه الحاله سنرى ما لا يسرنا
وبعدين هل هيبقى برضه الزي الرسمي للجيش. يعني يتلبس تحت الهدوم - اندروير ولا مواخذة - ويقوم العسكري مدخله في البنطلون وفي هذه الحالة لازم البنطلون يبقى واسع زي بنطلونات الصيادين
ام سيكون الزي الرسمي للجيش والعسكري المصري لما يحارب يحط ديل الجلابيه في سنانه ويحارب
طب هو ماجبش سيرة النبابيبت. ظروفها هتبقى ايه
والنبي يا قطة لو عندك اخبار جديدة قوليلي علشان العيد خلاص قرب علشان اشتري جلابيه الاجه الاجه لميجو يعيد بيها وسط صحابه الافندية
Love,
MishMish
Desert cat said…
Migo Mishmish
هههههههههههههههه
مشموشة انا مش قادرة امسك نفسى من الضوحك
والله اعضاء مجلس الشعب عندنا دول ناس زى الفل بيروحوا المجلس اما علشان يرفعوا الجزم على بعض ويفضحونا فى الفضائيات او علشان يتناقشوا فى مواضيع مسخرة زى الجلابية البارتى
الله يخربيوتهم زى ماهما فاضحينا كدا

Popular posts from this blog

قميص دهشور

كل تحرش وانتوا طيبين