منافسة الحركات الإسلامية

يعنى انا طول عمرى بسمع كلمة منافسة دى مثلا بين الطلبة مين فيهم يجتهد ويجيب تقدير اكبر من التانى او فى الشغل المنافسة بين الموظفين للحصول على ترقية او حوافز اكتر او ما شابه .. انما برضه رجعت قولت ومالوا لما الجماعات الاسلامية تتنافس مثلا مين فيهم يصوم اكتر او يخرج زكاة اكتر او يقوم الليل للصلاة او يحج وهكذا
واقوم أيه بقى روحت ضاغطة على اللنك وبعدها قعدت اسمع هانى شاكر غلطة وندمان عليها .. !!!
الجماعات الاسلامية بتتنافس على ايه بقى يا شوباب
حركة إسلامية صومالية تقطع رأسي شيخين من حركة إسلامية منافسة وتذبح 3 سيدات عجائز
واتهم شهود عيان مسلحين من حركة الشباب الإسلامية بقطع رقاب 3 نساء كبيرات في السن مطلع الأسبوع الماضي. ووقع الحادث في اليوم الذي دعا فيه أسامة بن لادن، زعيم تنظيم القاعدة، أتباعه في الصومال للإطاحة بالرئيس الصومالي الجديد
ألا هو مش بن لادن ده بتاع برج التجارة العالمى اللى قتل مدنيين واطفال ونساء وشيوخ ؟؟
اظرف حاجه ان الناس المتخلفة عملت منه بطل واللى يعمل صورة البطل الارهابى خلفية على موبايله .. واللى يعلقها فى صالة بيته واللى يسمى ابنه اسامه تيمنا بالارهابى الاكبر .. والأظرف بقى ان رمضان اللى جه بعد تفجير برجى التجارة كان فى بلح اسمه بلح اسامه بن لادن اه والله شوفته .. زى بلح حسن نصر الله كدا برضه كان ليه بلح ... وطالما بقى كل ارهابى بيتعمل له بلحه رمز فالطبيعى ان بن لادن ينشط ويحرض على العنف والقتل من جحره والشباب المتخلف يتنافس فى القتل بيجاهد لان البلحة اللى مستخبى فى جحره قاله كدا اقتل الشيوخ والستات يا حبيبى وانت هتدخل الجنة من اوسع ابوبها ومش بعيد انت كمان قريب يتعملك بلح باسمك وقاتل ورا التانى يبقى عندهم نخلة كاملة باسمهم واهو حافز اكبر لتوسيع دائرة الإرهاب وقتل الشيوخ والنساء وكل اللى مش على هواهم

تعليقات

‏قال AHMED SAMIR
في حاجة اسمها الديكتاتورية واحتكار السلطة
هو دة السبب الرئيسي بل الوحيد لظهور الحركات المتطرفة المسلحة
ممكن جدا توجهي جهودك لمكافحة الديكتاتورية والفساد اللي لو تم مكافحتها تأكدي ان التطرف الاسلامي هيختفي تماما
‏قال Desert cat
A.SAMIR
انت عارف انت لو عايش فعلا فى ديكتاتورية مش كنت قدرت تكتب كلمة زى ديكتاتورية واحتكار السلطة والا كان كلها ساعات وهتلاقى زوار اخر الليل بيخبطوا عليك
اللى المفروض مواجهته وباقصى سرعة التطرف الاسلامى والارهاب والذبح باسم الدين
‏قال kafrawy
هههههههههههه

حتى الجماعات الاسلاميه
ههههههههههههههههههههههههههههههه

و الله دى اكبر نكته شفتها لحد دلوقتى
‏قال مواطن مصري
بن لادن صناعة امريكية مائة في المائة بأمداد امريكي


بس باختلاف حسن نصر الله نتفق او نختلف معاة و لكنة كان فترة من فترات يدافع عن بلدة
‏قال Magi Mostafa
سبب ظهور الحركات الاسلاميه الدكتاتويه شويه
الفساد شويتين

السياسين ممكن
التخلف ......................هو ده

ده السبب الاساسى بجد مدراسنا ومجتمعاتنا وتعليمنا كل يوم بيخلق متطرف جديد انا كنت فى مدارس اسلاميه لو قلتلك على نوعيه الفكر الى كانوا بيقدموه ليناحيجيلك صدمه عصبيه

التطرف احنا الى بنصنعه مش اى حد تانى ودلوقت اغلب الشعب المصرى متطرف سواء مسلمين او مسيحين معادتش فارقه كل واحد بقى متعصب لدينه زى الاهلى والزمالك كده ناس بتشجع الاهلى وناس الزمالك ولما الفريقين يلعبوا ماتش لازم تقوم خناقه سواء الاهلى فاز او الزمالك

وابقى جبيلى كيلو بلح نصف حسن نصر الله وربع اسامه بن لادن والربع الاخير تشكيله كده مصعب الزرقاوى على الراجل بتاع الصومال وباقى الحبايب وابقى ابعتيهالى على المدونه
سلام يا جميل
‏قال SERVANT OF JC
عزيزتي القطة

تحياتي إليك أختي الفاضلة

طبعا عندك حق في كل كلامك

لكن خلينا واقعيين ونتكلم شوية بالعقل وهسألك سؤال واحد ..

هو لغاية إمتي هنفضل ننتقد الجماعات الإسلامية ونقعد نتهمها كل شوية بالعنف والإرهاب وتشويها للدين الإسلامي و .. و.. إلي اخره؟

هنفضل لغاية إمتي دفنين راسنا في التراب زي النعام؟ ليه بقت كل شغلتنا الأساسية هي الإدانة والشجب لكل ما تقوم به هذة الجماعات الإرهابية من غير ما نحاول نعرف او نفهم الاسباب والدوافع وراء هذا الإرهاب؟

وهل هذا فعلا إرهاب ام هو جهاد؟ وما الفرق بين الإرهاب الحالي وبين الجهاد الديني المتمثل في الحروب والغزوات والفتوحات الإسلامية؟

وهل يجوز إستخدام العنف لحماية الإسلام وتمكين دين الله في الأرض ؟

أسئلة كتير بتدور في عقلي ..

يا ريت حد من الإخوة زوار المدونة يناقشني فيها ... ويجاوبني عليها

شكرا
‏قال غير معرف…
هو كل واحد مسلم هنا بقى فاكر ملاك, بس احب اقول ان كل دة بيختفي على الطبيعة لما بيتحرشو فينا بالشارع ولما بيرمو اي ورقة في نص الشارع وغير عن كدة ميعرفوش حاجة عن الدين غير الاسم ونفسي افهم اي اسلام اللي بيدعوه؟؟؟

اللي موافقين على القتل باسم الدين هم كمان قتلة, واللي موافقين على التحرش الجنسي هم كمان متحرشين ومغتصبين

مين قال اني انا علشان مسلم ابقى ملاك؟؟؟

اللي فاهم كدة يبقى عايش في اوهام, واللي فاكرين ان الديموقراطية هي الاعتداء على حياة او املاك الاخرين يبقى غلطان وبكدة انا بالوم اي دولة اسلامية بتعمل ديموقراطية تنعكس بالسلب على امن الدولة وحياة المواطنين الاخرين

القانون لازم يبقى حازم وقوي علشان يحمي حياة وممتلكات المواطنين في الدولة
‏قال مواطن مصري
خادم المسيح و النبي اتلهي عشان بوش استخدم الانجيل لقتال العراقين و دعى لحرب صليبية متنساش ان في افريقيا فية جيش الرب الي بيقتل في المسلمين او اي ديانة غير المسيحين

يعني احنا بنتكلم عن الجماعات الظلامية الي بتستغل الدين سواء كانت بقى يهودية مسيحية اسلامية
لان الله وحدة

أرسلالدينات لتكون رسالة سم و محبة

انما نغمتك المتطرفين المسيحين الي زيك او الاسلامين هي الي مرجعانا لورا
‏قال غير معرف…
هو حضرة اللي مسمس نفسه "مواطن مصري" بيكلم نفسه؟؟؟

علشان مفيش كومنت مسيحي ومشفتش هنا حد موش مسلم, هو فيه حد موش مسلم قادر يتكلم هنا ولا في الشارع؟

ارهاب فظيع
‏قال مواطن مصري
تصحيح رسالة سلام و محبة
‏قال Hassan El Helali
يا قطه الموضوع مفهوم لكل لبيب
واللبيبو بالإيشاراتي يافهامو
الحدوته من أولها لآخرها سبوبه
وعلشان عيون لم التبرعات كله يهون
والتنافس علي أنجر الفته اللي مالوش عداد صنعه
ولولا كده كانت كل المشاكل اتحلت
ولنا في قصة أبو عمار وحرمه درس وعبره
‏قال أنا حر
في مجتمعنا كتروا قوي القتلة باسم الدين انا خايف بكره هشام طلعت يربي دقنه ويقول انه قتل المنحرفة سوزان تميم علشان الاسلام والناس تحولة بطل شعبي
بس الحقيقة علشان مخبيش عليكي انا قلقان من زيادة التطرف الفترة الجاية لان الجهل منتشر وبيزيد معاه التطرف الديني
تحياتي
‏قال Unknown
اذا كان لسة ليه تاثير, يبقى مين اللي بيتستر عليـــــه ؟
هناك الجواب على الخطر اللي بيهدد دول كتيرة

يعني على بلاطة كدة الدولة المستخبي فيها هي شريكة في الجريمة او هي وراء الجريمة, الا اذا كان قاعد في نيويورك لابعاد الشبهات
‏قال tamer.sala7
المشكلة في تجار البلح
:P
‏قال SERVANT OF JC
الأخ المحترم المواطن المصري

ياريت يا صديقي ترتقي بألفاظك شوية لو تقدر!

وبوش مين اللي إستخدم الإنجيل في حربه علي العراق ..؟ بصراحة جديدة دي!! ولعلمك أغلبية الشعب الأمريكي ضد الحرب علي العراق .. وبوش لما قال "حرب صليبية" كان يقصد بيها إستفزاز الجهاديين والمسلمين علشان يبرر حربه عليهم.. مش اكتر من كدة

وبعدين انت بتتهمني التطرف .. طيب يا حبيبي وضح لي وللأخرين سبب إتهامك ليا ! ما هو انا ممكن اتهمك برضه بالتطرف والتعصب .. وكدة مش هنخلص !! لكن علي اي اساس انت بتطلق الأحكام والإتهامات ضدي؟

لا تدين لكي لا تًدان
‏قال مواطن مصري
الارهاب حركات متطرفة مسيحية

جماعة قبطية تهدد بقتل من يقف ضد ترشيحاتها للكرسي البابوي.. وتعلن رفضها تولي الأنبا بيشوي
http://www.elbadeel.net/index.php?option=com_content&task=view&id=49612&Itemid=1


ربنا يستر
‏قال Desert cat
kafrawy
ولسه القادم انكت
‏قال Desert cat
مواطن مصري
فين دفاعه عن بلده ده ؟
انت بتسمى الخراب والدمار اللى حل على لبنان بسبب حنجوريته ورعونته دفاع ؟؟
‏قال Desert cat
magi
انتى هتقولى لى على السموم اللى بيدسوها فى عقول الطلبه فى المدارس ولا العاهات اللى بيدرسوا لهم دول كلهم نسخة بالكربون من بعض
كنت بشوف منهم العجب فى حصص التربية الاسلامية .. لما وصلت اعدادى مش كنت بحضر الحصة دى خالص

تحياتى
‏قال Desert cat
Servant of Christ
يا سيدى الفرق شاسع جدا بين الجهاد والارهاب
الجهاد انك لما حد يعتدى عليك وعلى بيتك وارضك لاغتصابها اجاهد لرفع الظلم .. مش انى اروح احتل اراضى ناس واقول انا كدا بجاهد ولا اروح افجر آمنين واروعهم واقول ده جهاد .. ولا اذبح ناس تخالفنى العقيدة واسميه جهاد
كل ده له مسمى واحد فقط وهو الارهاب
‏قال Desert cat
وهل نحن المسلمون ملائكة؟
بلد المتناقضات
مصر الدولة الاولى فى التدين وهى برضه الدولة الاولى فى نسبة التحرش الجنسى
فعلا بلد العجائب
‏قال مواطن مصري
فية اية صرية في القرأن بتقول فيما معناة ان المسلمين ميقتلوش اي حد او يعتدو على اي حد


الا في حالة الحرب و ان دولة تعدي على دولة تانية
انا مش متذكر نص الاية
‏قال مواطن مصري
همممم شوفي موضوعي ب النسبة لتناقضات المجتمع المصري


اتفرجتي على فلم ميونخ
؟
‏قال Desert cat
Hassan El Helali
يا حسن الموضوع واضح جدا بس اصحاب المصالح اللى بيسفيدوا من انجر الفتة عندهم بيتوهوا الناس بحكايات وهمية من نسيج خيالهم

شرفتنى جدا
‏قال Desert cat
أنا حر
يا عزيزى هشام طلعت مصطفى بيحضر الجلسات وهو ماسك بالمصحف وقاعد يقرأ القرآن فى القفص يعنى مش تستبعد فعلا

تحياتى
‏قال Desert cat
Dream
هو غريب ومدهش جدا ان بن لادن حتى الآن امريكا مش عارفه توصله بالرغم من تطور كل اجهزتها دى لاء وكمان بيتكلم وبيحرض مش المفروض يتتبعوا ازاى شرايط الفيديو اللى بيسجل عليها سمومه دى بتوصل

تحياتى
‏قال Desert cat
tamer.sala7
ههههههههههههه
اى حاجه تمشى البضاعه يا تامر
‏قال غير معرف…
انا عايز اقتبس من ويكبيديا جواب للمواطن المصري اللي بيتكلم عن الاسلام وحاضيف الرابط كمان
+
إن العرب استولوا على إقليم الفيوم وبويط، وأحدثوا فيهما مذبحة هائلة، مات فيها خلق كثيرون من الأطفال والنساء والشيب".[18]
"في زمن الصيف سار عمرو إلى سخا وطوخ دمسيس أملا في إخضاع المصريين قبل الفيضان ولكنه فشل، وكذا صدته دمياط حيث أراد أن يحرق ثمار المزارع وأخيرا عاد إلى جيوشه المقيمة في بابيلون مصر، وأعطاهم الغنيمة التي أخذها من الأهالي الذين هاجروا إلى الإسكندرية، بعد أن هدم منازلهم وبنى من الحديد والأخشاب التي جمعها من الهدم قنطرة توصل بين قلعة بابيلون ومدينة البحرين ثم أمر بحرق المدينة كلها، وقد تنبه السكان إلى هذا الخطر فخلصوا أموالهم وتركوا مدينتهم، وقام العرب بحرقها، ولكن السكان عادوا إلى المدينة وأطفأوا الحريق، ووجه العرب حملتهم على مدن أخرى ونهبوا أموال سكانها وارتكبوا ضدهم أعمالا عنيفة.".[19]
"أتى المسلمون بعد ذلك إلى نقيوس واستولوا على المدينة ولم يجدوا فيها جنديا واحدا يقاومهم، فقتلوا كل من صادفهم في الشوارع وفي الكنائس، ثم توجهوا بعد ذلك إلى بلدان أخرى وأغاروا عليها وقتلوا كل من وجدوه فيها، وتقابلوا في مدينة صا باسكوتارس ورجاله الذين كانوا من عائلة القائد تيودور داخل سياج كرم فقتلوهم، وهنا فلنصمت لأنه يصعب علينا ذكر الفظائع التي ارتكبها الغزاة عندما احتلوا جزيرة نقيوس في يوم الأحد 25 مايو سنة 642 في السنة الخامسة من الدورة

الفتح الاسلامي لمصر
http://ar.wikipedia.org/wiki/%D8%A7%D9%84%D9%81%D8%AA%D8%AD_%D8%A7%D9%84%D8%A5%D8%B3%D9%84%D8%A7%D9%85%D9%8A_%D9%84%D9%85%D8%B5%D8%B1
‏قال غير معرف…
Do you wish to get lot more targeted free visitors from search engines for your website almost effortlessly? Well, with more exposure across the internet it's possible. But most website owners are yet not aware of how to get the popularity that multiplies itself within days. As many internet marketers say, this backlink and traffic service can get potentially thousands of visitors to almost any website. So just visit http://xrumerservice.org to get started. :)
‏قال غير معرف…
hiya catofdesert.blogspot.com admin found your website via search engine but it was hard to find and I see you could have more visitors because there are not so many comments yet. I have found website which offer to dramatically increase traffic to your blog http://xrumerservice.org they claim they managed to get close to 1000 visitors/day using their services you could also get lot more targeted traffic from search engines as you have now. I used their services and got significantly more visitors to my site. Hope this helps :) They offer most cost effective backlinks Take care. Jason

المشاركات الشائعة