ضبط وفد من عصابة حماس

تمكنت السلطات المصرية من ضبط 260 الف دولار و454 الف يورو مع وفد حركة حماس خلال عودتهم الي قطاع غزة بمنفذ رفح البري كما ضبطت بعض الاجهزة المخالفة للعبور بحوزة مرافقين
طبعا دى المرة التانية اللى يتم فيها ضبط تهريب مبالغ من مصر بواسطة افراد من عصابة حماس .. فقد تم سابقا ضبط ايمن طه وبحوزته9مليون دولار و2مليون يورو وكأن مصر دى وسية اللى جابوهم .. مهدى عاكف كل يومين تلاتة يجمع شلته ويشحنهم ضد مصر ويصرخوا ويقطعوا هدومهم فى الشوارع من اجل غزة وبعدها ينزل المخضرمين فى تهريب الملايين .. اللى كانوا بيهربوها عبر الانفاق لكن للاسف اسرائيل كبست على نفسهم وحطمت اغلبها عقبال الباقى .. وبالرغم من حكومة حماس المقالة وعدم حيائهم من ابتزاز العالم باسم غزة الا انهم ايضا دللوا لنا على فكيرهم العفن واحتيالهم .. فاعضاء الوفد الغير محترمين مهربين الفلوس فى علب حلوى كتجار المخدرات كيف لهذه العصابة ان تحكم شعب وهى لا تعلم شئ عن قوانين دولية فالطرق الشرعية لخروج الاموال من بلد الى بلد تكون عبر البنوك وليست فى علب الحلوى يا محتالين

تعليقات

‏قال SERVANT OF JC
طيب .. الملايين دي مش كان اولي بها فقراء الشعب المصري اللي مش لاقيين العيش الحاف؟

9 مليون دولار لمنظمة حماس الإرهابية علشان يشتروا بيها صواريخ وأسلحة .. ويا تري الفلوس دي مصدرها إيه وجات منين .. ؟

وبعدين لو الإخوان فعلا معاهم كل الملايين دي .. ليه سايبين الناس الغلابة في مصر تعاني من الفقر والجوع والمرض والبطالة؟

9 مليون دولار كان ممكن يساعدوا بها اّلاف من الشباب علي عمل مشروعات صغيرة لهم ويساعدوهم علي العمل والتوظيف بدل ما يمشوا في سكك النصب والسرقة والبلطجة

لكن الإخوان دول شوية كذابين .. بيوهموا الناس إنهم جايين علشان ينقذوهم من الفقر والتخلف .. ولكن الحقيقة إن كل همهم هو الحكم والسيطرة حتي ولو علي حساب الناس الغلاببة !
‏قال مواطن مصري
260 الف دولار و454 الف يورو


و النبي الي مدي الفلوس دي لحماس مش كان اولى بيها اطفال الشوارع

او العشوائيات او البحث العلمي
‏قال Magi Mostafa
للاسف الفلوس دى مش لاعاده اعمار غزه ولكن لاعاده اعمار جيوب حماس
كلعاده هقول ايه غير حسبى الله ونعم الوكيل
‏قال V.Hayat
مشكلة حماس انها فاكرة ان مصر مجبرة على التعاطى مع التجاوزات الخطيرة التى تفعلها فهل ياترى لو حدث العكس ماذا يحدث؟؟
او اى دولة من التى تنتقد مصر فى ما تفعله مع تجاوزات حماس ان تسمح بما تفعله حماس من تهريب اموال واسلحة وعمل مشاكل لدولهم لا اعتقد وعلى المدافعين عن حماس لقد سقط القناع افيقوا

تحياتى
‏قال غير معرف…
يا قطة حماس وجهها القبيح ظهر منذ زمن يعنى ايه حكومة مقالة تمارس بلطجتها على الناس بالقوة الجبرية
حماس مش قادرين يمثلوا دور الاحترام ويخرجوا الفلوس المنهوبة بطريقة شرعية
بيخروجها على طريقة تجار المخدرات والله صدقتى فى التشبيه
مع الفرق ان تجار المخدرات اشرف منهم لانهم مكشوفين ومعروفين انهم تجار مخدرات
مش حرامية وقطاعين طرق ويتمسحون بالدين
‏قال غير معرف…
مقال مهم من موقع مصرنا
ازمة المصرى تحت اضواء كاشفه
كل مصرى يعلم يقينا أن "هناك عيب و حاجة غلط و مش مضبوطة" فى الشخصية المصرية إلا إنة لا يعلم ماذا على وجة التحديد. كل واحد فينا متأكد أن الغلط ليس فية و لكنة فى كل المصريين الأخرين و هذا سبب كراهية و إزدراء المصريون لبعضهم البعض. كل واحد فاكر أن الأخرين هما اللى وحشين و أن هو خالى من العيوب التى يراها فى الأخرين. طبعا هو لا يدرى أن ذات العيوب موجودة فية إلا إنة ينكرها لا شعوريا لإنة لا يستطيع تحمل و تقبل حقيقة أنة يعانى من هذة العيوب و النقائص.

و العيب و الشىء الغلط فينا ببساطة شديدة سببة الأساسى إفتقادنا لإحترام الذات بسبب الفقر المدقع و ظلم و قهر و إستعباد الحاكم لنا على مر ألاف السنين. من يفقد إحترامة لنفسة و تقديرة لذاتة فإنة يصبح بلا كرامة و كبرياء و من ثم يبيع نفسة برخيص و لا يتورع عن فعل أى شىء. يكذب و يغش و يسرق و يخدع فليس لدية ما يخسرة و لا شىء يهم و إذا ضبط يكذب أو يسرق فإن خط دفاعة الأول هو الإستعباط و الإستهبال و المزيد من الكذب و الخداع. حتى لو دخل السجن فلا يهم لإنة ليس منا من لم يجىء أصلا من الحضيض لإنة لا يوجد مصرى لم يكن فلاح فقير دقة حتى بداية القرن الماضى و السجن أعلى قليلا من الحضيض. السجن و العقاب و القانون و العيب و الدين لم و لن يفلحوا فى معالجة عيوبنا و أمراضنا. و مع ذلك نجد أن أهل النوبة و نسبة كبيرة من الصعايدة لا يكذبون أو يسرقون مهما كانوا فقراء لإن لديهم إحترام للذات و كبرياء و عزة نفس و لا فرق هنا بين مسلم أو مسيحى.

و لإن كل واحد فينا فاكر نفسة أحسن من كل الأخرين فإنة يحتقرهم و يزدريهم و يتعالى عليهم. و لكن بماذا يتعالى عليهم؟ أهم وسيلتين للتعالى و التكبر فى هذا البلد هما المال و المنصب. و لأن التعالى و التفاخر بالذات مع تحقير و إزدراء الأخرين هى من المتطلبات الملحة جدا فى الثقافة المصرية الحديثة فإن جمع المال أو الحصول علية بأى وسيلة أو ثمن هى قيمة تغلب على كل القيم الأخرى بالمجتمع. يلى هذة القيمة المنصب الذى يعتبرة المصريون ليس فقط وسيلة لجمع المال من خلال إستغلال المنصب للتربح و لكن أيضا بإعتبار إنة يميز صاحبة عن كل الأخرين و يجعلة فى مرتبة و درجة إجتماعية أعلى تمكنة من التعالى و التكبر على الأخرين. التعالى و التكبر هما دليل الفرد على إنة أفضل من الأخرين و بأن الأخرين أسوأ منة.

و لأنة ليس من السهل جمع المال أو الحصول على المنصب الذين يحتكرهما حفنة قليلة من الناس مقربة من الحاكم فالغالبية العظمى للشعب فى مصر وجدت بديلا عن المال و المنصب و هو من وجة نظرها يعلو عن المال و المنصب و كل شىء أخر. إنة الدين الذى يتخذة السواد الأعظم وسيلة لإثبات أنهم أفضل من كل الأخرين. كل واحد فينا يتصور بأنة أكثر تدينا من الأخرين و يفهم فى أمور الدين أكثر منهم إذا فهذا دليل على إنة أفضل منهم جميعا و بأن الأخرين كفرة و حقيرين. لقد ذهب البعض الى حد المناداة بقتل الأخرين بحجة إنهم كفرة. و أصبح إطلاق اللحى و لبس الجلباب و الحجاب و الخمار و إظهار زبيبة ضخمة على الجبين موضة لإستعراض السوبر تدين كدليل على التفوق و التميز الإجتماعى لهؤلاء الذين يعوزهم المال و المنصب، و غالبا الجمال.

و
‏قال غير معرف…
لكن للاسف اسرائيل كبست على نفسهم وحطمت اغلبها عقبال الباقى
واضح قوي
قوي
قوي
انتمائك الوطني في الجملة دي
ربنا يخليكي لمصر الأم وإيزيس وحتحور وماعت -ماعت قوي- انتي وكل الإقليمجية الليبرالجية اللي زيك
تحياتي
‏قال إيمان قنديل
من الذي اقام حماس وأحياها ؟


الأجابة المواساد الإسرائيلي



فلماذا نستعجب إذا كان الأبن حرامي زي أبوه؟



قطتي الجميله


أعشق جرأة قلمك
‏قال إيمان قنديل
قطه ياريت أعرف أيميلك ؟



أو تراسليني إذا كنت تعرفين أيميلي
حنان موضوع غريب وظريف
أخر صيحه لموضة تيشرتات البنات من السعوديه
والتفاصيل فى مدونتنا
http://netonradio.blogspot.com
تحياتى
‏قال Desert cat
GHARAM
العزيز غرام طبعا يشرفنى جدا التواصل معاكى
انا للاسف مش عارفه ايميل حضرتك
بس حضرتك انى قافله التعليقات يعنى ممكن تكتبيه دون أى قلق من النشر
‏قال tamer.sala7
بعد ازنك يا حنان

Beram ElMasry


اولا حضرتك فاهم الموضوع كله غلط يعني ايه تقطع راس يهودي لمجرد انه يهودي ؟؟؟


احنا عدونا الصهيوني الاسرائيلي وليس اليهودي رجاء من حضرتك لو ده اعتقاد منك يا ريت تغيره او لو غلطة املائية يا ريت تصلحها

---------------

بالنسبة للبوست طبعا مهو فاكرين مصر دي بحر كل واحد يجي يغرف شوية
‏قال Magi Mostafa
desert cat
هاى انا عامله ايفنت صغير عندى فى المدونه يلا هما بتوع الاوسكار احسن منى ولا ايه يا ريت تيجى تقولى ترشيحاتك وبالمناسبه توقعاتك بتاعت المايوه اصابت 100%ولا بتوع الارصاد الجويه لا وطلعت بقول ان الناس تمشى عريانه مش حتى تلبس مايو
‏قال Desert cat
Servant of Christ
هما الاخوان معاهم الملايين دى واكتر
ده كفاية عليهم التمويل الخارجى البكاء اما النقابات من اجل غزة ده لابعاد العيون لعدم السؤال عن مصادر اموالهم اللى بالملايين دى
هما مش يهمهم اطفال الشوارع ولا مصر على بعضها مش قالوها قبل كدا طز فى مصر وشعبها
هما يهمهم الكرسى ومش هيوصلوا له غير لما تبقى لهم قاعدة عريضة وان شاء الله مش هيكون

تحياتى
‏قال Desert cat
مواطن مصري
لا طبعا حماس اولى لان العصابة دى هى اللى ممكن توصلهم للحكم بس ده بعيد عن شنب التخين فيهم
‏قال Desert cat
magi
هما لا يمهم غزة ولا شعب غزة ده تصريح هنيه من جحره كان بيقول سنحارب حتى لو ابيدت غزة عن بكرة ابيها

تحياتى ماجى
‏قال Desert cat
حياة
يا حبيبتى ده بعد لما اتقبض على الوفد المهرب ده عصابة حماس قفلت المعبر لعدم مرور الفلسطينين واخدة بالك حماس اللى قفلته من جهتها .. معقول دى ناس مسئولة عن ارواح وباى صفة اصلا يعملوا كدا اذا كانت الحكومة الآن مقالة
ربنا يريح فعلا اهل فلسطين منهم عن قريب ان شاء الله
تحياتى
‏قال Desert cat
Beram ElMasry
ايه اللى انت بتقوله ده ؟؟
انت مش عارف ان اليهودية دى ديانة
يعنى الاسلام والمسيحية واليهودية ديانات نازل بيهم رسل مرسله من عند الله
ولا حول ولا قوة الا بالله
اقروا يا جماعه واعرفوا الدين كويس
‏قال Desert cat
Anonymous
والله كل حاجه واضحة عيانا بيانا
لكن من يدعهمهم اصحاب المصالح الاخوانجية الخمورجية يعنى مفيش فرق
‏قال Desert cat
قارىء
هو علاج نقاط ضعف الانسان وضع يده على موطن الداء
لكن فى ناس بتهرب من عيوبها اما بالصاقها فى الاخرين واما بالدروشة
يعنى متفقه جدا مع كلام حضرتك
‏قال Desert cat
faissl
اه ومالوا
شكرا
‏قال Desert cat
GHARAM
هما كل ورقهم انكشف يا حبيبتى بس فعلا بستعجب على اللى بيصدق الشعارات ويجرى وراها من المغيبين
انتى شرفتينى جدا يا احلى غرام

محبتى ليكى
‏قال Desert cat
انت تسال والكمبيوتر يجيب
هيعملوا ايه بس يا استاذنا ماهم محرومين من قيادة السيارات وبالتالى لازم يفرغوا كبتهم فى حاجه والا يطقوا

تحياتى لحضرتك
‏قال Desert cat
tamer.sala7
طبعا خد راحتك يا تامر المدونة مدونتك
تقريبا الناس عندها لبس مش عارفه ان اليهودية ديانة اما الصهيونية ايدولوجية .. العلم نور يا رجاله
‏قال Desert cat
magi
يا سلام ده انا اجى لك على عنيا
بالنسبة للى مش بيشوفوا غير المايوة فدول كثروااا
‏قال مواطن مصري
حركة إسلامية صومالية تقطع رأسي شيخين من حركة إسلامية منافسة وتذبح 3 سيدات عجائز

http://www.elbadeel.net/index.php?option=com_content&task=view&id=49493&Itemid=1
‏قال Desert cat
مواطن مصرى
هههههههههههههههههه
يابنى اقرأ البوست بعاليه

بس سيبك انت انا دلوقتى مبسوطة لانى اكتشفت ان مش انا لوحدى اللى يهمنى فضح العالم دى
ربنا يكتر من امثالك

المشاركات الشائعة