عيد الام خزعبلات

أكدت الجماعة الإسلامية أن الاحتفال بعيد الأم بدعة محدثة، ونهت عن الاحتفال به أو شراء الهدايا للأم فى ذلك اليوم، وأن فكرة عيد الأم بدأت على اعتقادات خرافية وخزعبلات باطلة عند غير المسلمين، والشريعة جاءت بمخالفة غير المسلمين فى العقائد والعادات والعبادات

كما هى العادة ميفوتوش فرصة غير لما يحشروا مناخيرهم فيها ويفسدوا على الناس حياتهم ولا دجل ولا شعوذة كله باسم الدين الاسلامى .. الدين الاسلامى .. اللى وصى فى القرآن الكريم بالابوين ( ولا تقل لهما اف ولا تنهرهما وقل لهما قولاً كريماً )
الدين الاسلامى اللى الرسول فى حديثه عن الام قال ( الجنة تحت اقدام الامهات )
(امك ثم امك ثم امك ثم ابوك(
وفى يوم عيد الام جاى رجب عبدالله يستند لكلام ابن بااااااظ الوهابى اللى كل فتواة تكفر وتحرم كل شيئ طبعا ماعدا اى شيئ يخص العائلة المالكة ... ابن باااااااااااظ اللى من فرط جهله يقر ان الارض مسطحة ويكفر كل من يقر بقروية الارض رغم جميع الابحاث العلمية اللى اثبتت كرويتها الا انه المؤمن الحق الوحيد هو بس فى العالم اللى عارف ان الارض مسطحة .. جاى النهاردة رجب بعرور يستشهد بكلامه ويقول عيد الام بدعة وخزعبلات .. اذا كان ابن بااااظ والجمعات الاسلامية بيكرهو امهاتهم يمكن علشان يحملوا تاء التانيث ومن وجهة نظرهم ان كل من تحمل تاء التانيث عورة ووجب وأدها ليعودا بينا لعصور الجاهلية الاولى .. فده شأنهم ومع تخلفهم يعمهون .. إنما مش من حقهم يصادروا حق الغير فى الاعتراف بفضل الامهات والتعبير ليهم ولو بوردة تبهج نفوسهم وتفرحهم
ورغماً عن أنف الحاقدين
كل سنة يا ماما وانتى ستى وتاج راسى .. كل سنة وأنتى منورة الكون كله وغمرانا انا واخواتى بعطفك وحنانك ومحبتك لينا .. يكفينى يا ماما من الحياة والدنيا كلها انى كل يوم الصبح افتح عنيا على بوسة منك فوق جبينى تصحينى بيها .. ده كفاية بس قلقك علينا واحساسك بينا حتى لو احنا بعيد عنك فى افراحنا واحزانا .. ربنا يخليكى لينا يا ست الكل ولا يحرمناش منك ابداً
كل سنة وكل أمهاااااااااات الكون بألف خير

Comments

magi said…
اه سمعت الموضوع ده قبل كده بس من وحده صحبتى هى واخواتها تدينوا شويه وعملوا فيها اولياء الله الصالحين على الناس
ومامتهم افتكرتهم بيتلككوا ومش عايزين يجبولها هديه بس هم مبررهم انهم ممكن يجبولها هديه فى وقت بدون الى مبرر وان الاعياد هى عيد الفطر وعيد الاضحى بس وكل بدعه ضلاله وكل ضلاله فى النار يعنى الام الى ربت وشالت وتحملت عشان اولادها متستحقش يوم نحتفل بيه فيها انا كل عيد ام بجيب لماما وتيته ورد وهديه ومتصدقيش فرحتهم اد ايه بالهديه البسيطه لانهم بيعرفوا ساعتها اد ايه هم مهمين لينا واد ايه احنا حاسين بقيمتهم وبنحبهم والسنه دى هجيب هديه لبابا كمان وبالعند فى الناس دى كلها هما اصلا ميعرفوش معنى الحب ومعنى العائله
والله لو الواحد مشى ورا كلامهم يبقى يموت احسن
... amr said…
:]

كل سنة و ماما طيبة :)))

بعيد و من غير عيد
Migo Mishmish said…
انا جيت اهو يا قطة
معلش انتي عارفه ان اللي يمعني عنك هو الشديد القوي. والشديد القوي انت عارفاه طبعاً
ساندووووووووووووووو بقئت مجرمة حرب بتعذبني وببقى هاموت منها لكن المشكله انها احلى من العسل. ببقى عايزة اموتها بوس. تصدقي وحشني احساسي بيها وهي جوايا
خشي عندنا شوفي الصورة الجديدة بتاعتها وهي بتأكل زبادي. احلى زبادي شوفته في حياتي
اما بالنوسبة للناس بتوع البدعه والكلام الفاضي ده سيبك منهم يا قطة. دول عاملين زي اما تمشي في الشارع لابسه حلو قوي ويقوم واحد اعمى البصر والبصيرة ماشي بعربته بسرعه ونازل بيها في حفرة ميه وطرطش على هدومك. هتعملي ايه. ادعيله ان ربنا يهديه ويبعد عنه الغباوة
Love,
MishMish
أبنوسة said…
قطقوطه
وبرضو رغم انف كل الحاقدين

كل سنه وانتي طيبه يا ست الحبايب يا حبيبه (ماما عواطف ) وربنا يدينا العمر عشان نوفيك القليل مما اعطيتنا

ويديك العافيه وطولة العمر يا رب

صافي الود
Amgad said…
طيب ناقشي الموضوع بموضوعية
وفهمينا وجهة نظرك بدل التريقة علي كل حاجه كده
خليكي عاملة الموديراشن ومتظهريش الا اللي علي مزاجك
ربنا يعقلك يا بنتي
بمناسبة عيد الام اهدي أغنية مكي الجامدة شكراً يا ماما
http://www.youtube.com/watch?v=ALcaQ2n0Vz8
قطة الصحراء ..
هختلف معاكي المرة دي

الفكرة مش إن الوهابيين والسلفيين بيكرهوا أمهاتم زي ما انتي بتقولي

الفكرة كلها إنهم بيحرموا اي إحتفال يكون له جذور غربية او غير إسلامية

لأنهم بيطبقوا حديث الرسول صلعم الذي يقول فيه: من تشبه بقوم, فهو منهم !! .. ولأن عيد الأم بيحتفل به النصاري والمشركين في مصر وبعذ الدول الأخري, لذا وجب علي كل المسلمين عدم الإحتفال بهذا العيد او غيره من الأعياد حتي لا يتشبه المسلمون بهؤلاء الكفرة فيكونون مهنم يوم القيامة ويحل عليهم غضب الله ..

هي دي كل الفكرة .. يعني إشمعنا هما بيحتفلوا بمولد النبوي وبعيد الأضحي وعيد الفطر ..؟
ايوية said…
اولا طبعا كل سنة وكل ام فى الدنيا بخير

لا حول ولا قوى الا بالله هما شايفنا بنعمل اية يعنى بنشرب حرمة ربنا ولا كل واحد بياخد مامتة ويروح يرقصها فى كبارية استغفر الله العظيم خلونا نغلط
Banoota said…
كل سنة و انتي بخير و كل الامهات.. الحمار اللي قال كده اكيد اتولد يتيم او امه غضبانة عليه

على فكرة يا خادم المسيح
مولد النبي حاجة كبيرة عند المصريين، بس الوهابية السعوديين ما بيحتفلوش بمولد النبي و مش بيطيقوا الاحتفالات بتاعتنا، يبقى الكلام اللى بتردده مالوش اساس
بس بجد انت خادم المسيح وعامل شغل حلو قوي، بالظبت زي عمنا الشيخ اللي قال ما تصاحبوش الكفرة بيطبق احاديث الرسول
انت كمان خليك شاطر وطبق تعاليم المسيح
وب كده الشيخ يطبق وانت كمان تطبق لغايت ما تتطبق على دماغنا كلنا،
سلام
ريماس said…
ربنا يخلي لك ست الكل اللى عمرى ما انسى طيبتها وحنية قلبها يا قطة حب الدنيا كله ما يكفيها دى تستحق تقبيل القدم صبح ومساء ويارب يهنيك بعائلتك الجميلة ويبعد عنكو كل حاقد
بوسى لى ايد ست الكل وقولى لها كتير وحشانى
AnGeL said…
ديزرت كات
بصراحة الخبر ضحكني والفتوى ايضا هو حتى عيد الام صار خزعبلات

واذا الفتاوى من ابن باز وشلتو فعلى دنيا السلام

تحياتي
أنا حر said…
الموضوع ده قديم وبيتكرر كل سنة
لازم يقرفونا ويحرمونا من كل الاحتفالات ويكفرونا كمان
ربنا يريحنا منهم علشان خلاص تعبنا
تحياتي
الأخت البنوتة

اولا:

مليش دعوة بالسعوديين .. أنا هنا بتكلم عن المصريين المتأسلمين .. تلاقيهم بيحتفلوا بالمولد النبوي ورأس السنة الهجرية أو علي الأقل لا يحرمون الإحتفال بها .. وفي نفس الوقت مش بيعترفوا بأي اعياد اخري سواء عيد الحب أو عيد الأم أو عيد الربيع أو شم النسيم أو رأس السنة الميلادية .. إلخ.

لأن هذة الأعياد في نظرهم هي أعياد مأخوذة من الغرب الكافر .. ومن تشبه بقوم فهو منهم .. مش دا برضه حديث من أحاديث صلعم؟

يبقي حضرتك الأفضل ليكي إنك تراجعي معلوماتك

ثانيا:

إيه بقي حكاية عامل شغل جامد زي عمكو الشيخ ..؟!

ليه بقي شايفاني مربي دقني وضارب ذبيبة في وشي ..؟!

ولا حاطط سواك في جيبي ..؟!

ولا منقب مراتي ..؟!

ولا متجوز أربعة (زائد ما ملكت أيماني وأيمانات اللي جابوني)؟!

ولا إتجوزت عيلة عندها 9 سنين إتباعا للسنة المطهرة؟

ولا كنت بنكح مراتي وهي حائض ..؟

ولا .. ولا ..؟!

يا إستاذة بنوتة

اللي بيته من غزار .. ميحدفش الناس بالطوب ..

وياريت تقولي كدة وتتشطري وتكتشفي للأخرين إيه هو وجهه الشبه بيني وبين شيوخ دينك الحنيف علشان افكرك بيهم زي ما بتقولي؟

بالمناسبة يا بنوتة

ياريت انتي كمان تطبقي سنة الرسول صلي الله عليه وسلم وتقبلي إن زوجك (اّسف في الكلمة) يستنكحك وانتي حائض كما كان الرسول ينكح عائشة وهي حائض .. وارجعي للأحاديث قبل ما تردي

أنا اّسف جدا علي هذا السؤال .. بس دا مجرد سؤال .. لو مش عايزه تردي .. براحتك
انا بقي ليا راي تاني
الام تستحق عيد كل اسبوع مرة
كفاية كل يوم ال 1 بيعمل مصيبة و بيقرف و ينكد عليها
ده غير كل حاجة الام بتعملها و اللي مش عارف يرجع لمواضيع تلاميذ المدارس بتاعة التعبير و يشوف كاتبين ايه
عموما كل سنة و هما طيبين بس من غير هدايا LOL
Desert cat said…
magi
ماهى فتة ابن باظ دى يا ماجى كل اللى مستخسر فى امه هدية يتحجج بيها
الناس دى لا خير ليهم فى اهلهم
هيبقى لهم خير فى الغرباء ؟؟
ربنا يخليى لك ماما وتيتيا ويخليكى ليهم يا قمر
كل سنة وعائلتك بالف خير
Desert cat said…
... amr
ميرسى يا عمرو
كل سنة وجميع الامهات بخير
Desert cat said…
Migo Mishmish
حمد الله على سلامتك
انا دخلت وشوفت صورة ساندو بالزبادووو هههههه ما شاء الله زى القمر ربنا يحفظها لك يا مشموشة يا قمر
الناس المتخلفة دى ماتت ولازال المغيبين بيرددوا كلامهم
واهى حجه لكل واحد عايز يهرب من الهدية
:)))
شرفتينى يا مشموشه
Desert cat said…
أبنوسة
كل سنة وست الحبايب بالف خير يا ابنوسة
ربنا يخليها لك
Desert cat said…
Amgad
والله لما المغيبين دول يقولوا كلام موضوعى يبقى وقتها النقاش اكيد هيكون موضوعى
لكل فعل رد فعل
بالنسبة للموديرشن فدى مدونتى وانا حرة فيها .. يعنى اعمل مودريشن اكهربها علشان اى حد منحط ياخد له كام فولت ونخلص ولو ان هيبقى خسارة فيه حاجه تخصنى لوحدى ومش تخص حد تانى
Desert cat said…
مواطن مصري
وشكرا ليك انت كمان على الاغنية الجامدة دى
Desert cat said…
Servant of Christ
هما الوهابيين والسلفيين اللى عندهم عته فى مخهم وكل العالم كافر ما عدا هما دول بيكفروا المسلمين كمان مش الغرب بس
على فكرة الوهابيين والسلفيين مش بيحتفلوا بمولد النبى لانهم بيقولوا عليه بدعه
وفى المولد الاخير الصوفيين كانوا بيحتفلوا بيه فى الحسين وسط حراسة مشددة من الشرطة خوفا عليهم من اتباع الوهابيين المتخلفين دول
Desert cat said…
ايوية
يا حبيبتى دول لا يعلمون عن المرأ سوى أنها متاع لافراغ شهواته وتخلف لخمسين عيل ليتكاثروا
اما تكريم الامهات والاعتراف بفضلهم حرام الله ياخدهم
نفر
نفر
:(((
كل سنة وكل ام فى الدنيا بالف خير
Desert cat said…
Banoota
كل سنة وانتى ومامتك وكل اسرتك بخير
الناس دى فعلا مش تعرف يعنى ايه كلمة ام يمكن لفظوهم فى الشارع بعد ما لفظتهم بطونهم وهما صغيرين

تحياتى ليكى
Desert cat said…
ريماس
تسلمى لى يا الحى ريماس فى الدنيا
حقيقى مش عارفه اقولك ايه لمشاعرك الجميلة والطيبة دى
ربنا ما يحرمنى منك ابدا
Desert cat said…
AnGeL
لاء ماهى عليها السلام من اول ما المد الوهابى بدأ يزحف لمصر
الله يخربيت السلفيين والوهابيين على بعض

شرفتينى
Desert cat said…
أنا حر
الموضوع بيتكرر مع اى مناسبة يحسوا انهم هيدفعوا فيها فلوس
بدو بقى
هههههههههههه
الله يحرقهم جمعااااااااء

تحياتى
Desert cat said…
طعمية سخنة
انت بتقول للوهابيين كراسات التعبير خسئت
الصبح هيطلعوا لك فتو يكفروك فيها لان كلمة تعبير من عند الغرب الكافر وكل من يتبعهم فهو كافر
ههههههههههههههههه

Popular posts from this blog

قميص دهشور

كل تحرش وانتوا طيبين