ونعم وأكرم بالعدالة

تابعنا على مدار 3سنوات قضية عبارة الموت السلام 98وتم الحكم مسبقا بالحكم الذى كان بمثابة الطامة الكبرى على اهالى شهداء العبارة الذين راحوا ضحية الاهمال وعدم توافر وسائل الامان والسلامة بالعبارة .. وبالرغم من ذلك جاء الحكم بالبراءة ولولا تدخل النائب العام عبدالمجيد محمود وطلب النقض الفورى لكان اهالى الغرقى ماتوا بالحسرة والندامة على ارواح ذويهم التى راحت هباءاً ومنذ بدأ النقض فى اتخاذ المجرى القانونى والجميع ينتظر يوم الحكم .. إلا ان يفاجأنا القاضى اليوم بحكم اقرب من النكتة للعرض الساخر فقد تم الحكم بالسجن7سنوات اى بمعدل يوم ونصف عن كل شهيد يا بلاش .. روح إنسان تزهق بسبب الإهمال والفوضى والجانى يكلف خاطرة فى الحبس يوم ونصف اليوم ليكفر عن خطأه وجشعه وطمعه


ابعد هذه المناظر التى يندى لها الجبين يسجن الجانى يوم ونصف على هذه الروح التى ذهبت الى بارئها بهذه البشاعه دون أى ذنب اقترفته ؟؟
والمثير ان الحكم تم غيابياً فالجانى ينعم بحريته فى لندن .. فهل الاتفاقات الامنية التى بين مصر والاتحاد الاوروبى ستسمح بتسليم ممدوح اسماعيل ليقضى فترة العقوبة ام انه سيقضيها فى ارقى احياء لندن

سؤال ياترى .. ال7سنين دول عن لحظات الموت اللى عاشوهم الضحايا وهما يصارعوا الغرق ؟؟ ولا لعذاب اهاليهم وحسرتهم عليهم ؟؟

Comments

الجنوبى said…
واللى ماتعرفيهوش انى هيطلع بعد تلتين المدة

يعنى خصم كمان

حسبى الله ونعم الوكيل
Anonymous said…
الحكم يثير علامة استفهام كبيره
كما يقول خبر البىبىسى
حدث ماياتى
المسؤول الكبير الف والذى يقال انه شريك ممدوح اسماعيل والذى دس اسمه ليكون عضوا فى مجلس الشيوخ دون مبرر وفى غيرها من المناصب البحريه_اتصل المسؤول الف بالمسؤول باء حتى ياخر رفع الخصانه عنه الى ان ينتهى اى النسؤول الف من تهريبه خارج البلاد
مامعنى هذا
الفساد وروموزه يساند بعضهم بعض فيما يشبه العصابه
ومع ذلك لم يتحرك نواب الأخوان لأنهم مشغولون يامور اخطر مثل ظهور ممثله بقميص نوم فى مسلسل
عقل مهوي said…
حسبي الله ونعم الوكيل
قطة الصحراء

اولا مش عايزين ننسي ان القضية اصلا جنحة ومش جنايات .. والسبع سنين في قضايا الجنح تعتبر عقوبة شديدة .. لكنها بأي حال من الأحوال, عقوبة غير عادلة .. !

انا لو مكان القاضي, لكنت احكم عليه بمؤبد والسجن المشدد 25 سنة او السجن مدي الحياة!

المهم دلوقتي هو إسترجاع المتهم من الندن وتنفيذ الحكم بأسرع ما يكون ..
علىفكرة انا فرحان للحم دة بالرغم او قليل اولاً برد نار اهالي كتير ثانيا لو جة مصر هيتقتل رابعا وحيد حامد هيعمل فلم عبارة الموت
Anonymous said…
فعلا القضيه قيدت نتيجة لنفوذ المتنفذين كجنحه وليست كجريمه
مع ان هذا لا يجدث فى حالات اقل بكثير
ان اخطر ما فى القضيه هو انكشاف الفساد بشفافيه باهره لكل من له عينان
مصر فى ايدى عصابات بلا رقيب او حسيب
ونواب الأخوان وغيرهم مشغولون بالخفاظ على الفضيله المحصوره بين الأفخاذ لا تتعداها
Banoota said…
انا من رأيي ان الراجل ده حلال انه يقتل
والله مش بهظر ولا بتريق بس اذا القانون عبارة عن ظلم في ظلم
يبقى ما نستغربش لما الناس تحاول تاخد حقها بإيديها

اصل احنا المصريين بقينا مشهورين حتى في الدول العربية الأخرى بيقولك ده واحد مصري يعني نصاب
الرجل المصري رمز للنصب و الفساد و الرشاوي و المحسوبية
دى عوايد في دمه و مش حتتغير يعني
حاجة تقرف بجد
ايوية said…
عزيزتى قطة الجانة اخد حكم بالسجن المؤبد والمشدد كمان بس فى اوربا ويدينا العمر لو شفناة تانى
Anonymous said…
دعوكم من القضيه والحكم فهذا عرض وليس المرض المرض الخبيث هو
كيف يقوم مسؤول كبير بتهريب الجانى بمعاونة شركاء له من كبار المسؤولين ويمر كل هذا دون حساب او عقاب او تحقيق؟ وكل فى منصبه كما هو؟ كيف يحدث هذا ؟ هل يمكن ان يكون لبلد يحدث فيها تفشى الفساد بهذه الصوره الفاجره اى امل فى مستقبل؟
دعوكم من العرض وركزوا على المرض لأنه يمكن ان تتكرر الماساه غدا اوبعد غد
مادام المرض يفتك بالجسد فى بطء
Anonymous said…
للمقارنه فقط
ايمن نور رفعت عنه الحصانه البرلمانيه على وجه السرعه ويوم جمعه
ممدوح اسماعيل عطلت اجراءات رفع الحصانه عنه عمدا حتى تنتهى عملية تهريبه بسلام
الربان said…
تحياتي

اولا الحمد لله انه صدر حكم...

ثانيا....المحكمة حين تنظر اي قضية ، و حضرتك و الجميع يعلم هذا ، لها مستندات
ملموسة... وقد يفلح محامي المتهم في ضحد
اقوال الادعاء... و يبقي في النهاية ان
المحكمة لها ما يصل اليها من ادلة ثبوتية.

طبعاانا أعلم ان حضرتك و الجميع و انا منهم بالطبع كنا نتمني ان نري حكم
اقسي من هذا....لكن ليس كل ما يتمني المرء يدركه...

ستبقي العدالة الالهية تتعقب اي مذنب
تقتص منه ... و الله هو الحكم العدل...يمهل و لايهمل.

أحب ان اضيف أيضا ان السنوات السبع لمن هم مثل هؤلاء الاشخاص ستمر كئيبة
موحشة...بعد ان رأوا النعيم و السلطة
و المسؤلية و الخدم و الحشم...لا بل لديهم من العبيد ايضا..فالمال يخلب الالباب و السلطة تذهب العقول.

تحياتي و تقديري لحضرتك
dr.lecter said…
والله انتم صعبانين عليا

مدايقين نفسكم لييه؟

انا الموضوع انتهي بالنسبه لي من السنه اللي فاتت لما صدر حكم ببراءه ممدوح اسماعيل في 2008

قلت خلااص عوضنا علي الله والموضوع اتطبخ وكل سنه وانتم طيبيبن

الراجل جزاه الله كل خير قلل عدد المصريين شويه وان شالله المره الجايه هيروح فيها 2000 كمان وهكذا علشان الكثافه السكلانيه تقل عملا بمشروع سوزان مبارك بتاع تحديد النسل

انا شايف الراجل لازم يتكرم بصراااحه ويبقي قدوه للاجحيال القادمه

حسبي الله ونعم الوكييل
Desert cat said…
الجنوبى
ده لو نفذ العقوبة اساسا
Desert cat said…
Anonymous
اخوان مين بس هما الاخوان فاضيين لمصر والمصريين هما يرفعوا الجزمة اللى تبدلت مكان عقولهم فى المجلس علشان عصابة حماس انما مصر طز فيها دول عالم بقر
Desert cat said…
عقل مهوي
لا نملك سواها
حسبنا الله ونعم الوكيل
Desert cat said…
Servant of Christ
صديقى العزيز
يبقى بنحلم بالمستحيل لو قولنا ان الجانى هيرجع
Desert cat said…
مواطن مصري
قريت عن فيلم عبارة الموت
بس ممدوح لوجه مصر مش حيتقتل ولا حاجه اصل المصريين دول طيبين وبينسوا بسرعه
Desert cat said…
Anonymous
نواب الاخوان مش يهمهم الفضيلة اللى بين الافخاذ ما فى ستين داهيه الاهم ان كروشهم تتنفخ من التمويل الخارجى بقى من الشحاته باسم غزة باى طريقة ايا كانت الاهم ان مصر ومصايبها اخر اهتمامتهم
Desert cat said…
Banoota
يا حبيبتى المصرى بيتقال عليه نصاب بره وجوه
واحنا اللى عملنا كدا فى نفسنا سواق التاكسى مجرد ما شاف واحد عاوج لسانه يتفنن فى استغلاله
الفساد منتشر والقوانين سادتها السلطة اللى هى سلطة الخضار يعنى
Desert cat said…
ايوية
اييييييييييه حلينى بقى يا يويو لو فكر ينزل مصر تانى اصلا

تحياتى
Desert cat said…
Anonymous
يا فندم ما حدص نيجة زواج المال بالسلطة بالتاكيد ينتج عنهم طفل سفاح
Desert cat said…
الربان
يا فندم كلام حضرتك صح جدا
لكن الجزئية الاخيرة يشوبها الشك
لان امثال هؤلاء يمكن ان تمر عليهم سنوات السجن كانهم يحيوا فى جهنم اذا نفذ .. لكن جميع الادلة والبراهين تنفى ذلك
فهم 7 سنين غيابى

تحياتى
Desert cat said…
dr.lecter
ههههههههههه وجهة نظر تحترم برضه يا كتور المفروض فعلا ممدوح سيماعين يتكرم علشان كل صاحب عبارة يقلده وفى ظرف كام شهر نخلص من نص الشعب المصرى على دفعات متتالية
تحياتى

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز