من تدخل فيما لا يعنيه

لو جارك مضايقك تقدر تخرب بيته وتفرقه عن زوجته بمنتهى السهولة وبكدا تشفى غليلك منه .. ما أنت خربت بيته بقى .. هذا الكلام ده ليس كلامى .. ده كلام العالم العلامة المتعلم العبقرى الرئيس الأسبق للجنة الفتوى بالأزهر الشيخ جمال قطب .. فتوة سيادته تنص على ايه بقى كدا تعالوا نركز سوا ...
يجوز للجيران والأهل أن يطلبوا من القاضي تطليق الزوجين حتى في حالة عدم رغبة أحدهما أو كلاهما، إذا رأوا استحالة العيش بينهما نتيجة لما يشاهدونه باستمرار من مشاكل وشجار بينهما وعجزهم عن حلها أو كفهم عن ذلك.
يا مشاء الله ربنا يكرمك ويبارك لك فى الاولاد يا شيخنا .. يعنى هو حضرتك وانت راجل كبارة وعلامة كدا مش قرأت فى القرآن ان الطلاق أبغض الحلال ؟؟؟
وحضرتك يا شيخنا يا كبير مش قرأت فى السنة ان الرسول صلى الله عليه وسلم قال: " من حسن إسلام المرء تركه ما لا يعنيه
يعنى عدم التدخل فى حياة الآخرين وخصوصياتهم مهما كانت الصلة .. ده الأزواج المحترمين بيحترموا خصوصيات بعض يا شيخ فما بالك بالجيران اللى حضرتك عايز تعينهم أوصياء على بعض .. مش المفروض برضه إن الإنسان يبقى وصى على نفسه ويراقبها بدل ما يقعد رامى ودانه فى بيت جيرانه ويشوفهم بيتخانقوا ولا لاء وكمان يروح يرفع عليهم قضية طلاق يا حلولى .. طب افرض جيرانه اللى بيتخانقوا دول مسيحيين هيرفع عليهم برضه قضية طلاق .. والمصيبة ان حضرة المفتى بيقول حتى لو لم يرغب احد الطرفين .. يعنى طلاق بالإكراه .. يعنى زوج وزوجته مش عايزين يطلقوا بس الجيران ليهم مزاج يطلقوهم يبقى القاضى يطلقهم وفى داهيه العيال لو عندهم وايه يعنى لما يطلعوا اطفال شوارع وعن ما حد حوش .. ده على كدا بقى نص سكان مصر هيتخرب بيتهم .. ماهو اصل لو كل واحد تحته رقاصه البلد كلها هتعزل
يا شيخ الله يبارك لك فى الاولاد من فضلك خليك فى حالك ودع الخلق للخالق وبطلوا تشوهوا فى الدين بفتاويكو اللى جابت الفتاء للشعب دى
==============
على الهامش
ابقوا اشتروا جريدة الجماهير يوم الاربعاء
مقالى : سرطان التحرش الجنسى نازل فيها

Comments

Heba said…
ما دمتى عاقلة كدة وشايفة إن مش من حق حد يتدخل فى حياة حد, مالم بقى ومال المحجبات والمنتقبات

ولا هوه كله بمزاجك يا ست
معكى الحق وكل الحق

من تدخل فيما لا يعنية

سمع من المنئى خيار ههههههه

بس ميكونش معارض ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ...

تحياتى ليكى
دمتى بكل خير

شخابيط mahgoub
هذا هو الإسلام said…
قطتي العزيزه هم لا يشوهون الدين الدين مشوه لوحده .

قطتي العزيزه دول هم رجال الدين ،و إحنا موش علماء دين عشان نقول موش هو ده الدين .

هو ده دين الإسلام ألم تسمعي عن حكاية نصر حامد أبو زيد و كيف أن مشايخ الأزهر أهدروا دمه ،و طبعا تابع لقضية إهدار الدم أن يتم عمل دعوة حسبه يقومون فيها بتطليقه من زوجته !!!

و القانون معاهم لأنه من الشريعة الإسلامية الغراء

و لما رفضت زوجته و قالت أنا لن أترك رجلي ،،،،،كان لابد أن يتم التفريق بالقوة و كمان إهدار الدم يعني لو أي حد قتل نصر يبقى مجاهد في سبيل الله و يثاب على ذلك سواء في الدنيا أو من رب الدماء في الجنة عن طريق شراميط الجنة ....

فكان الحل الوحيد لنصر حامد أبو زيد و زوجته هو الهرب ،و حظهم من السماء لأنهم عرفوا يهربوا لأن حتى الخروج من البلد يحتاج مساعدة الإسلاميين و دعم الجماعات الإسلامية !!!!!!!!!!!!!

فالإسلام أصبح دولة عظمى ليس لها حدود !!!!!!!!!!!!!!!!!!!!!!!!!!!
هههههه شكل المفتي عاوز يلعب ازاي تخنق جارك
:D


النقاب مش فرض يا هبة النقاب تشدد و احنا امة وسطية
dodoo said…
هههههههههههههههههه

اول مره اسمعها دى

ده حتى الاهل مالهمش الحق انهم يتدخلوا فى خصوصيات الزوجين

يقوم يقولى الجيران

تلاقيه بس كان جيرانه متضايقينه

فقال لما اطلع فتوى


وتلاقيه قال هى فوضى ولا ايه

البيوت دى مفيهاش جيران تحميها ولا ايه ؟
قطة الصحراء

نونووة طيبة وبعد ,,,

أفتكر إنك مرة كتبتي تعليق بتطالبي فيه شيوخ الأزهر بالقيام بدورهم في التوعية الدينية وبالتصدي لمشايخ السلف بتوع الفضائيات الدينية .. ودا طبعا علي اساس إن الأزهريين معتدلين نسبيا مقارنة بشيوخ السلفية...

طيب .. جمال قطب دا مش برضه رجل أزهري ..؟! ليه بالرغم من إنه ينتمي للأزهر, بيخرج علينا بالفكر المتخلف دا هو؟؟

هل المشكلة في شيوخ الأزهر ولا المشكلة فينا إحنا لأننا مش قادرين نقتنع بالتعاليم الإسلامية ولا المشكلة في الدين نفسه؟ دا مجرد سؤال !!

وإذا كان هو دا حال مشايخ الأزهر الشريف, يبقي إيه هو الحل؟ يعني المسلمين يسمعوا لمين بعد كدة؟
عندما نتجرأ علي الفتوي
فنسمع كل يوم عجب عجاب
الربان said…
تحياتي

اولا ...بعض الافاضل من الشيوخ هوايتهم
او لنقل يحبون ان يأتوا بغرائب الفتاوي او الفتوي التي قد يكون افتي بها احدهم في قديم العصر و الاوان من بعض الشيوخ في العصور الماضية...

ثانيا: علي حد علمي ان " ابغض الحلال عند الله الطلاق " لم ترد في القرآن ..وان اسناده ضعيف اذا نظرنا اليه كحديث...و الله تعالي اعلم و أعلي.
ثالثا بالفعل من حسن اسلام المرء تركه لما لا يعنيه...

و ايضا قال الله تعالي :
{ ولا تقف ما ليس لك به علم إن السمع والبصر والفؤاد كل أولئك كان عنه مسئولا ) .
و ورد في تفسير هذه الاية ان المقصود هو :
لا تسمع ولا تر ما لا يحل سماعه ولا رؤيته .

نسأل الله ان يهدينا جميعا ...و ينير بصيرتنا...

تحياتي و تقديري لحضرتك....
أنا حر said…
اول تعليق عجبني قوي وحسيت منه ان بلدنا بتتقدم بينا فعلا لان الناس مش عارفة الفرق بين البوست وبين رايك في النقاب والحجاب وبيقولوا ان الاتنين ملكيش دعوة بيهم
:)

طبعا مش عارف الشيخ ده جاب الكلام الحلو ده منين بس انا الحقيقة هدور هو ساكن فين وهخلي جيرانه يجربوا الموضوع ده معاه
تحياتي
PrInCeSS BeRy said…
ازيك يا قطة وحشانى يارب تكونى بخير

فعلا من تدخل فيما لا يعنية سمع ما لايرضية

انت حر ما لم تضر

شعارنا خليك فى حالك ههههه


تحياتى
شر البليه said…
ياناس ياهو
النقاب ليس مجرد رداء
النقاب ستار ورمز لفكر رجعى بدوى متخلف يجعل من المراه مصدر كل الشرور او ما يعرف بان المراه عوره
والعجيب ان البدويات فى بلاد الرمال يثرن ضد اوضاعهن اما بنات النيل والحضاره فيتمسكن بهذا الذل والهوان وهن يظنن انهن يقمن بعمل ثواب وخير لهم عليه جزاء
النقاب ليس حريه شخصيه لأنه علم التخلف فى معركة بين التقدم مثل البشر والتخلف
والمجتمعات الحيه حتى الديمقراطيه العريقه تحمى نفسها من مثل هذه الأفكار التخريبيه اللا انسانيه
فياريت نبطل نقول النقاب حرية من ترتديه
والا سمحنا للبعض بحمل كلاشينكوفات او اسلحه رشاشه يتحركون بها فى الشوارع تمهيدا لقيامهم باعمال ارهابيه بحجة حرية الحركه
شر البليه said…
حد يفهمنى
المقاومه الأسلاميه فى العراق ضد من؟المقاومه تكون ضد المحتل ولكن هؤلاء يستسهلون ويقتلون كل يوم عشرات من العراقيين
هل يوجد من يستطيع خل هذا اللغز؟
شر البليه said…
قطه
اعتب عليك السماح بالفاظ بذيئه مثل تلك التى يكتبها هذا هو الأسلام
اولا لأنها تدل على انه شخص بذىء فلا يعتد بكلامه
ثانيا
لن نكرر ان تاريخ الديانتين اليهوديه والمسيحيه حافل بابشع الجرائم الدمويه
وبالتالى من ينتقد عليه ان ينتقد فى حدود الأدب وبعلم
وحياديه وليس بنفس سموم تعصب و كراهيه سوداء مقيته
شر البليه said…
...وانا معاصر وصديق للدكتور نصر حامد ابو زيد وكتبت عن قضيته فى اكبر صحف مصر واقول ان ماراواه هذا البذىء
ليس كما يقول
القصه ليست كما يتصور
اولا بدات برفض ترقيته فى الجامعه ولم يتدخل الأزهر اطلاقا
ولكن احد مهاويس التطرف برفع دعوة حسبه
مما اضطر الدوله الى الغاء دعاوى الحسبه مباشرة ولكن لا بد ان تكون عن طريق النيابه العامه
واضح ضحالة معلوماته وسطحيته
ومحاولته التشويه بالعافيه
BeLiEvEr said…
يعنى ايه خصوصية؟
شر البليه said…
خبر عاجل
الحكم بالحبس 7 سنوات على ممدوح اسماعيل فى حادث العباره
شر البليه said…
خبر عاجل
قضت محكمة مصرية بالسجن لمدة سبع سنوات على ممدوح إسماعيل مالك العبارة السلام 98 التي غرقت 2006 في حادث راح ضحيته أكثر من ألف شخص وأصيب المئات.

وأفاد مراسلنا في الغردقة عمرو عبد الحميد بأن الحكم قوبل بحالة فرحة عارمة لدى عائلات الضحايا واعتبروه نصرا لهم بعد تداول القضية في المحكمة لنحو ثلاث سنوات.

وكانت محكمة جنح سفاجا قد قضت في يوليو/ تموز الماضي ببراءة ممدوح إسماعيل من التهم المنسوية إليه مما أثار ردود فعل غاضبة من أهالي الضحايا وناشطي المعارضة والمنظمات الحقوقية.

وقد طعن النائب العام المصري المستشار عبد المجيد محمودعلى حكم البراءة فأعيدت المحاكمة أمام دائرة أخرى.

كما افاد تقرير للجنة تقصي للحقائق شكلها مجلس الشعب المصري بأن العبارة لم تكن صالحة للإبحار بسبب المشكلات الفنية الكثيرة جدا وهو التقرير الذي استند إليه دفاع المدعين بالحق المدني في مطالبته بضرورة محاسبة مالك العبارة.

وقال مراسلنا إن قاضي المحكمة اعتبر في حيثيات حكمه أن مالك العبارة كان يجب ان يتخذ إجراءات أكثر فاعلية لإنقاذ الركاب بعد غرق العبارة، واستند القاضي في ذلك إلى التقارير عن حالة الجثث التي انتشلت والتي أظهرت بأن القتلى قضوا أكثر من يوم يصارعون مياه البحر.

ويشار إلى أن ممدوح إسماعيل ونجله غادرا مصر إلى بريطانيا بعد الحادث بفترة وجيزة.

وممدوح إسماعيل كان عضوا معينا في مجلس الشورى المصري، وقد أثار تأخر إجراءات رفع الحصانة النيابية عنه ثم مغادرته البلاد قبل المحاكمة انتقادات شديدة من المعارضة وأهالي الضحايا.
شر البليه said…
الأرهاب الأسود الغبى مره اخرى
قتل شخص واحد واصيب ستة آخرون على الاقل في انفجار استهدف ناديا لالعاب الفيديو في الدار البيضاء بالمغرب، حسب مسؤولين.

وأكد مصدر أمني كبير لمراسل بي بي سي أن الانفجار الذي وقع في منطقة السالمية بالدار البيضاء نجم عن انفجار أنبوبة غاز صغيرة داخل قاعة نادي الالعاب.

كما دمر الانفجار واجهة بنك مقابل القاعة.

واستبعد المصدر أن يكون وراء هذا الانفجار أي عمل تخريبي أو إرهابي.

وقال شهود عيان لوكالة اسوشيتد برس ان الانفجار حدث في الساعة الثامنة و45 دقيقة بالتوقيت المحلي (وتوقيت غرينتش) في النادي الواقع في شارع الجولان.

وتنقل الوكالة عن احد السكان قوله ان النوافذ اقتلعت ووقعت على بعد 40 مترا على الاقل. ويعتقد الشاهد ان الامر يتعلق بعبوة ناسفة، حسب الوكالة.
ايوية said…
ومازال مسلسل فوضى الفتوى مستمر
هو كام حلقة يارب ميكونشى بعدد حلقات نور
تحياتى
انا حرة said…
معلش يا حنان بس ممكن تشرحيلى هو مستند لايه فى الفتوى دى عشان بجد مش قادرة استوعب!!!!
يعنى ايه حتى فى حالة عدم رغبة الزوجين؟؟؟
Desert cat said…
Heba
الا هو انتى مش عارفه ايه الفرق بين الفتوى المهلبية وبين النقاب والحجاب
حرية ايه يا استاذه هبه اللى عايزانى اديها لقطاعين طرق متخفيين
Desert cat said…
شخـا بيــط مـحـجـوب
يا استاذ محجوب
الناس بتطوع الاحاديث على مزاجها
وتقولك احنا بنعمل الاسلام والدين
يعنى يفجر امنين ويقولك من رأى منكم منكرا
المشكلة فى توجيه الخطاب الدين وتطبيق الناس للفهم الخاطئ اللى فى عقولهم

تحياتى
Desert cat said…
هذا هو الإسلام
اعتقد انى قولت لك قبل كدا جميع الاديان تدعو للمحبة والتسامح
راجع ردى على محجوب
Desert cat said…
مواطن مصري
الجار ده عايز يبقى ولى امر جيرانه
هههههه
معلش هبه جاية تخلط الاوراق فى بعضها
ربنا معاها
Desert cat said…
dodoo
جيرانه مضايقينه يروح يطلع فتوى بطلاق جيرانه حتى لو هما مش عايزين
ده معتوه هههههههههه
Desert cat said…
Servant of Christ
انا فعلا فاكرة الكومنت ده بس الحقيقة اتصدمت لما شوفت فتوى جمال قطب
المشكلة ليست فى الدين ولكن المشكلة فى تطبيق الناس للدين ومدى فهمهم ليه

تحياتى
Desert cat said…
مـحـمـد مـفـيـد
يبقى على كل من تجرأ على الفتوى حمل وزر كل من ينساق خلفهم

تحياتى لحضرتك
Desert cat said…
الربان
استاذى العزيز حتى لو كان اسناد ان ابغض الحلال عن الله الطلاق ضعيف
فالدين المعاملة والدين قالنا مش نتدخل فى خصوصيات الناس وبعدين يعنى ايه رفع قضية على زوجين بدعوى طلاقهم حتى لو هما رافضين يتطلقوا
ربنا يصبرنا على شيوخنا العباقرة

تحياتى لحضرتك
Desert cat said…
أنا حر
يعنى هى هبه يا احمد نموذج يحتذى بيه لكل من يريد خلط الاوراق ولاعارف هو بيتكلم فين وازاى اهو اى كلام بيتكتب وخلاص

اما الشيخ فانا اؤيدك الراى نبحث على عنوانه ونجرب فيه الاول ونشوف النتيجة هتكون ايه
:))
تحياتى
Desert cat said…
PrInCeSS BeRy
يا اهلا يا اهلا بالبرنسيسة القمر انتى بتروحى تغيبى فين يا بنوتة انتى مش تغيبى كدا تانى لو سمحتى بتوحشينى جدا

فعلا اخترتى شعار معبر جدا للموقف
خليك فى حالك هههههههه
Desert cat said…
شر البليه
يا سيدى الفاضل هما عملوا النقاب رمز دينى ازاى ومنين مش تعرف الحقيقة واى رسول اللى نزل بالفرض ده برضه مش تعرف
المهم انهم فرضوه وخلاص
Desert cat said…
شر البليه
انا بسيب كل شخص يتكلم براحته طالما بعيد عن التجريح والاهانة مش يمكن الاخ مش فاهم نفهمه احنا خطأة ونعرفه سماحة الاسلام
Desert cat said…
ايوية
المسلسل شكله هيطول ويبوخ اوى ربنا يريحنا منهم يا يويو
Desert cat said…
BeLiEvEr
يعنى كل واحد يخليه فى نفسه
Desert cat said…
انا حرة
مستند للمهلبية بالطعمية مع خلطة الملوخية
يا قلبى ده راجل نكته يستحق الشفقة
:)))
قطة الصحراء العزيزة

إسمحي لي بهذا السؤال :

ولماذا الدين الإسلامي بالذات هو الدين الوحيد الذي يسيء الناس فهمه ؟!!

طيب يعني الجماعات الإرهابية إتخذت العنف كمنهج ليها لأنها زي ما انتم بتقولوا هما مش فاهمين الدين .. طيب كمان رجال الأزهر مش فاهمين الدين كويس وبيطبقوا الدين غلط؟

طيب يعني الحل إيه في رأيك؟ نجيب خبراء أجانب من برة علشان يعرفوا يفهموا الدين صح؟!!

هو مش برضه "ربنا" اللي نزل القراّن .. وهو عارف إمكانيات عقل الإنسان .. ليه بقي القران بقي كتاب غامض وغير مفهوم علشان كل شوية واحد يطلع يفتي بكلام ملهوش معني؟؟

عمرك فكرتي بالكلام دا ولو للحظات .. يا رب يكون عندك إجابة !!

شكرا
أبنوسة said…
هههههههههههههههه
اول مره اسمع الفتوي دي

معقوله بس ؟؟

ناس ما عايزين يطلقوا نطلقهم احنا !!

يا سبحان الله

يا ما نعيش ياما نسمع

الفتاوي الايام دي كترت شديد في بلاد وادي النيل

شيوخ يالجمله
Desert cat said…
Servant of Christ
لاء يا فندم الجماعات الارهابية دى اساسا مش عارفه اى حاجه عن الدينلكن ترتدى عبائه الدين لاهداف ومصالح شخصية واستقطاب المغيبين الذين لا يفقهون من امرهم رشدا
جمال قطب اعتقد ان بفتواه هذه شذ عن القاعدة ولنا فى الوزير زقزوق اسوة حسنة

تحياتى
Desert cat said…
أبنوسة
ماهو بيقولك رزق الهبل على المجانين يا حبيبتى
يعنى لو المتخلفين اللىبيسمعوا لهم كتير مش كنتى لاقيتى الكم الهائل ده من شيوخ الفتة
شرفتينى

Popular posts from this blog

قميص دهشور

كل تحرش وانتوا طيبين