الإخوان يقاطعون إضراب 6 إبريل

من كام يوم بشوف الأخبار لفت نظرى ان مهدى عاكف مش محدد موقفه من الاضراب بعد ما توجهت عدة احزاب تدعوه هو وجماعته لمشاركتهم فى الاضراب فكان رده .. لم نحد موقف حتى الآن وسيتم الرد خلال ايام .. وامبارح بقى تفاجأنا نفس الصحف بخبرين اولهم مش غريب لانه كما هو الحال أى حاجه تصب فى مصلحة مصر غير مشاركين فيها وهى تطلع ايه مصر دى يعنى انشاء الله طز فى مصر وشعبها .. المهم هو حماس وكيفية شحن المواطن المصرى علشان يسيب اكل عيشه ويطلع يصوت ويلطم على وشه فى الشوارع ويقفلوها من شرقها لغربها من اجل حماس وصب اللعنات والويلات على الحكومة المصرية العميلة الخاينة اللى بتحافظ على الحدود المصرية .. مصر مين دى اللى يساهموا فى حل مشكالها .. وبالطبع كان القرار المتوقع لن نشارك فى اضراب ابريل .. اولا لم تتم دعوتهم .. نفس السبب الواهى بتاع السنة اللى فاتت .. على اساس انهم رايحين فرح عايزين حد يبعت لهم كرت دعوة .. ثم تقريبا عاكف الزهايمر عامل معاه شغل تمام لان هو بنفسه اللى صرح قبل كدا وقال لم نحدد موقفنا بعد من اضراب ابريل ردا على الاحزاب اللى دعته .. السبب التانى ان السادة الاخوانجية القواد متنبأين بفشل الإضراب وعلشان كدا هما مش بيشاركو فى حاجه فاشلة .. ولحفظ ماء الوجه ان كان فيه نقطة لسه هو هيسيب شباب الجامعات يشاركو فى الاضراب .. لا كتر الف خيرك وفرهم فى الصويت واللطم وتقطيع الهدوم على غزة اصلها لسه محتلة ..
الخبر التانى بقى وده اللى اغرب من الغريبة ان مهدى خلاص قرر يتنحى ويستقيل من منصبه بالسلامة والقلب داعى لك .. بس افلح ان صدق مش بعد كام يوم يرجع فى كلامه كالعادة عمره ما قال كلمه وثبت عليها كانه بيلعب حلق حوش .. اللذيذ كمان ان الخبر بيقول انهم يدرسوا اختيار المرشد القادم ويؤكدوا انه سوف يتم اختياره من خارج مصر .. وان شاء المخبر اللى هيتم اختياره من خارج مصر ده هينفذ سياسات مين ؟؟ وال88كرسى اللى فى مجلس الشعب هيتكلموا على اى اساس ده اذا كانوا بيتكلموا اصلا دلوقتى اكبر انجاز عملوه من يوم دخولهم المجلس هو رفع الجزم .. انا مش معترضة على اختياره من خارج مصر بس ياريت يبقى يكمل جميله وياخدهم عنده .. ولاول مرة احترم لمهدى عاكف تصريح بس على الله يكون صادق

Comments

الدرعمي said…
قطتي الجميلة ; إيه العنف اللي انتي فيه ده ؟ متنرفزيش نفسك مهدي والإخوان كلهم لو خرجوا ف 6 أبريل مش هيحركوا ساكن و بعدين ده حاجة خاصة بالليبراليين مش ممكن الإخوان يساعدوا في إنجاحها ،، أما عن المرشد الجديد فياريت فعلا ميكنش مصري عشان يخف اهتمامهم عن مصر شوية وتتوجه وجوههم إلى القبلة الجديدة @ تحيتي @
رغم تعاطفى مع جماعه الاخزان المسلمين لا ان الحق يقال وهو ان من اسباب نجاح اضراب العام الماضى هو عدم اشتراك الاخوان بهى كان اضرارب شعبى فقط
مع الاحترام الكامل لاخوان طبعا

عموما ليس الاخوان كل المعارضه ولكن فى الاخر همجزاء من المعاضه فى مصر

اخير احب اشكرك على اطمنانك عليه وتعليقك الجميل
تحياتى
احمد الجيزاوى
magi said…
الاخوان مش بتوع دين ولا شعب ولا كلام من ده دول سياسين وكل ده لعبه سياسه مش اكتر
dr.lecter said…
قال يعني كانوا شاركوا السنه اللي فاتت؟

اصلا مهدي خلاص سلم النمر وهيركن علي جنب
عاوزين بقي نشوف مين اللي هييجي بعده وخطتهم ايه للانتخابات الجايه

6 ابريل

السنه دي هيبقي هسس
بغض النظر عن مهدي عاكف و غيره من الاخوان..ايه حكاية مرشد من الخارج؟ يا حلاوة على العولمة.. و الله خسارة الوقت و المجهود فى ذكر هواة القعود....تحياتي من الجانب الاخر من العالم على رأي أبو فارس
و بناقص يا ستي
احنا مش عاوزين الاخوان لا ف 6 ابريل
و لا طول السنة
احنا عايزين مصريين يا حنان
..
خليهم هما يصوتوا على غزة و ينسوا الدويقة
يلطموا مع حماس و ينسوا شباب مصر المعتقل من 6 ابريل اللي فات
..
بلا نيلة
و ياريت الاخ مهدي عاكف ياخد شباب الاخوان ف ايده يعني لو ناوي يتنحى ياخدهم معاه و يتنحوا من وشنا
Desert cat said…
الدرعمي
انا مش متنرفزة يا احمد
بالعكس ده انا فى قمة سعادى من خبر استقالة مهدى انا موافقاه جدا ياريت بس يبقى فى الانجاز

شرفتنى جدا
Desert cat said…
احمد الجيزاوى
احمد باشا الجيزواى عندنا يا مرحبا يا مرحبا
انا فاهمه طبعا ان الاخوان ليسوا كل المعارضه انا بس اعتراضى على نوع المعارضه

طبعا اطمائنانا على صحتك ياباشا ده شيئ لا يستحق الشكر لانه واجب

شرفتنى جدا
Desert cat said…
magi
بالظبط يا ماجى وعلشان كدا انا بقول يسموا الاشياء باسمائها الحقيقية
يعنى انا احترمهم جدا لما يقولوا احنا بتوع سياسة وعايزن نحكم البلد
مش يقولوا احنا الرحمة المهداة للعالمين والهدف غير كدا تماما

تحياتى
Desert cat said…
dr.lecter
لاء طبعا مش شاركو والقوزا بيان عنترى قالوا هنشارك وحنهد الدنيا وقبل الاضراب بيوم قالوا ملناش فيه
مهدى ياريته بس يفضل ثابت على كلامه ويمشى

تحياتى
Desert cat said…
واحد مصرى
ويقال والله اعلم خلاص تم اختياره من الاردن
اهو ده الانفتاح والا فلا
دلوقتى بس فهمت سبب غيابك

عموما ربنا يرجعك بالسلامة للجانب ده تانى
ورجع مدونتك تانى علشان كنا بنطمن على اخبارك منها

تحياتى
Desert cat said…
أسماء علي
ماهو انا بقول كدا برضه يا سمسم اننا عايزين مصريين لكن هما مصرين انهم المصريين والمسلمين فى نفس ذات الوقت
طيب دللوا لنا يجوا وقت اللزوم ويقولوا احنا مش احنا ويعملوا نفسهم من خارج القطر

شرفتينى يا قمراية
دة يؤكد ان الاخوان بينهم صفقات سرية مع الحكومة لضرب المعارضة و تشتيت الشارع المصري
Desert cat said…
مواطن مصرى
هو من ناحية الصفقات فانا اؤكد على كلامك
اخوان الشيطان موجودين في كل حركة او حزب بيعارض الحكومة ووجودهم اما بشكل رسمي او تحديد سياسات

بس لما حركات عمالية او حقوقية بتتبنى مواقف سياسية يبقى الهدف الاساسي راح على فاضي واصبحت حقوق العمال وسيلة للمساومة والوصول الى اهداف ملهاش علاقة بالعمال

بس من الغريب ان راي الاخوان اصبح مركزي بالنسبة لتحركات 6ابريل, ما هو لو كان اخوان الشيطان يهمهم من العمال كان عملو لوحديهم من غير شوشرة ابريل ولا نيسان
^ H@fSS@^ said…
مش عارفة اقولك ايه
مش المفروض نسميهم الاخوان المسلمين
انا رايي نسميهم الاخوان الملاعيين
لان اكتر من كدا عهر سياسي و حزبي انا مشفتش
و مش حكون ببالغ لو قلت انهم اسواء من الحزب الوطني
بس خدي بالك
السنة اللي فاتت عملوا نفس الحركة الوسخة
و قالوا مش حنشترك في الاضراب عشان محدش وجه لهم دعوة
شفتي احيه اكتر من كدا؟
و لكن الجزيرة هانم اللي بيراسها وضاح خنفر الفلسطيني التابع لحماس
بينوا الخبر كأن الاخوان هما من دعى اليه و نفس الوقت هما اللي رفضوا يحضروه
متفهميش ازاي
بس هي كدا
و اللي مش عاجبه يخبط راسه في الحيط

انا بقى مشكلتي مع الناس
ازاي بيفضلوا ينتخبوهم بعد ما تاكد للبعيد قبل القريب تعفنهم حزبيا و سياسيا و ابقاء مصلحة الخارج على الداخل؟

تحياتي يا قطة
Anonymous said…
انته مش شايفه انك بتتعدي علي فئه كبيره من المجتمع المصري لما بتطالبي باخراجهم من البلد
وبالنسبه للاضراب الاخحوان مش بيشاركوا بشكل رسمي في اي اضراب الا ان كانت واضحه اهدافه وترتيباته لان الاخوان مش بيشاركوا فيلا اي فوضي ممكن تودي البلد في داهيه
وياريت نتكلم من غير الكره الشديد ونوزن الامور بميزان العقل
وانا اول واحد مستعد اني اتناقش مع اي شخص حول جماعه الاخوان في اطار المنطق والعقل مش الانتماءات
Desert cat said…
حبيتك بالصيف
لو الموضوع فيه مصلحة وممكن يجيبوا اخوانهم الصيع بتوع حماس ويحتلوا مصر كانوا صوتو وعيطو وعملوا مالا يعمل فى الشوارع انما حاجه تخص مصر طز فيها وهما يهمهم مصر فى ايه

تحياتى
Desert cat said…
^ H@fSS@^
والله الاسم فعلا صدقتى فيهم ولايق اوى عليهم ملاعين وبتوع حلق حوش عالم وسخة
مصلحتهم فوق الجميع
اللى بينتخبهم الغلابة المطخوخين فى عقلهم قبل كل انتخابات بيبلغوا على بعض ولما يتقبض عليهم يقعدوا يعيطو ويصوتوا وانتى عارفه الشعب المصرى الطيبة مقطعة بعضها معاه بس اعتقد بعد مواقفهم المخزية دى كلها الناس المفروض تفوق يعنى
بلا اخوان بلا خره
Desert cat said…
Anonymous
هى فين الفئة الكبيرة دى ؟؟
الكام عيل اللى بيعيطوا دول الفئة الكبيرة ؟؟
ولا مهدى عاكف اللى قاعد يمثل على خلق الله وبعدين يا سلام على الفوضى اللى هيعملها شباب 6ابريل والفوضى والهمجية اللى بيعملوها فى مصر علشان غزة هو ده العقل والنبى روح ادرس المواقف وتابع الاحداث وابقى تعالى اتكلمولا شوف حد بيعرف يتكلم وابعته بلا وكسه
tamer.sala7 said…
اسكتي مش رجعوا في كلامهم ولحسوا كلمتهم تاني

http://www.ikhwanonline.com/Article.asp?ArtID=47188&SecID=212




http://www.masrawy.com/News/Egypt/Politics/2009/april/2/ikhwan.aspx



http://www.ikhwanonline.com/Article.asp?ArtID=47187&SecID=211

Popular posts from this blog

قميص دهشور

كل تحرش وانتوا طيبين