دراسات واحكام وصرخات وتستمر التحرشات

68%من موظفات الحكومة بالقاهرة يتعرضن للتحرش الجنسي
ويستمر مسلسل التحرش الجنسى فى الشارع فى السوق فى المواصلات واماكن العمل حتى بعد ما تجرأن النساء واصبحن يعين بحقهن ويتوجهن للإبلاغ عما يتعرضن له من تحرش وعلشان مش اكون ظالمة مش كلهم الشهادة لله فى اللى بتقف تعيط وتخلص كل دموعها تأذياً من الموقف لكنها خايفة تنطق لأنها عارفه إن المجتمع هيقول هى السبب خارجه من بيتها ليه .. مش هى اللى خرجت خليها تتحمل بقى .. وفى اللى هيقول مش شايفين لبسها عامل ازاى حتى لو كانت لابسه كفن مش مهم الأهم إنها لازم تكون هى السبب .. امال يلقوا اللوم على مين يعنى .. هو الدكر اللى خارج من بيته ده حتى لو خارج ومبيت النية إنه يتحرش حد يقدر يوجه له كلام .. هى السبب مخلوقة انثى لازم تتحمل بقى .. أما بقى السيد الباحث اللى عمل الدراسة الجامدة دى فكان المفروض انها مش تتعمل على الموظفات يا جماعه لأن هما فى كل الحالات اللى غلطانين المفروض الموظفة من دول ترضع زميلها الشحط الطول بعرض خمس رضعات مشبعات وهى بعد كدا هتبقى اخته ومش يتحرش بيها ان شاء الله
اخيراً وليس اخراً بقى لو واحده داخله اى مصلحة حكومية وقابلت موظف بالمواصفات الآتية ترجع مباشرة مش مهم الاوراق اللى رايحه تخلصها عنها ما خلصت .
وأكدت الدراسة أن عمر المتحرش يقع بين عامي 29 سنة و59 سنة، ومتعلم تعليماً عالياً (50% ذكرن ذلك)، متزوج (64.3%)، ومدة زمالته بالضحية متوسطة (42.9%)، وخبرته في العمل كبيرة (64.3%)، وعلاقته قوية برؤسائه (78.6%)، مدخن (47.6%)، وله سوابق تحرش بزميلات (61.9%). كما أن مظهره غير جذاب (50%)، رغم كونه متحدث لبق (71.4%)، ودمه خفيف (59.5%)، وعينه "زايغة"، أي يحاول دائما اختلاس النظر إلى الموظفات (83.9%)، ويمزح مع زميلاته (85.7%)، وشخصيته قوية (64.3%)، وغير متدين (73.8%)، واجتماعي (90.5%).

هنخلص امتا بقى من المرض المزمن اللى اسمه تحرش جنسى
حتى بعد صدور حكم ضد متحرش وفى انتظار محاكمة المتحرش الثانى بالصديقة العزيزة آسر ياسر ايضاً لازال التحرش كالسرطان يسرى فى المجتمع وجميع الأعمار

تعليقات

‏قال اقصوصه
هالموضوع اكيد لازم يكون في له حل

الجهات المختصه لازم تتصرف

لان الموضوع زاد عن حده بشكل كبير

وبدل ما يقل قام يزيد
‏قال مواطن مصري
لازم نقفل منظمة متحرشون بلا قيود
المشكله ان الحكومه عارفه كل ده
ومش بتعمل حاجة

يعنى احنا عندنا مثلا
مدرسة فى اسكندرية
بيحصل قدمها تحرش
وجه فى التليفزيون الموضوع ده
تفتكرى حد اتحرك وعمل حاجة
ابدا
‏قال مواطن مصري
خدي بقى الدراسة دي
http://www.masrawy.com/News/Egypt/Economy/2009/february/20/egyptian_expenture.aspx
المصريون ينفقون ‏62‏ مليون جنيه يوميا على الهواتف والتدخين



أحنا طلعنا أصحااب كيف


الشعب عايش في الغيبوبة لابد من أفاقتة
‏قال blackcairorose
شوفي يا قطة كل الدلائل بتقول أن الست لابسه ايه مش هو السبب الرئيسي للتحرش ومع كده كانك بتكلمي حيطان، يرجعوا يقولوك برضه لازم الواحدة تلبس ازاي وتعمل ايه عشان تتجنب التحرش ويركزوا على الموضوع ده

يعني باي طريقة عايزين يطلعوا الست غلطانة وهى اللي بتتحمل مسئولية التحرش

والغريب ان الناس اللي بيقعدوا يركزوا على مظهر الست فى موضوع التحرش مبيذكروش ابدا مبادء الاخلاق او ادانة عدم غض البصر زي ما تكون هى دى الموضوعات الثانوية اللي مش محتاجين يتكلموا فيها ومتهمش من اساسه
‏قال Che
النحرش مالوش دعوه باللبس ولا بسلوك ولا بحاجه ، انما بيكون مرتبط بعقليه و تفكير المتحرش و التحرش الجنسى ده اوضح صوره
‏قال غير معرف…
فى التخرش يجد العجز فرصته الوحيده لتعويض عجزه بالأيذاء
واصبح الراجل راجل بجزمته لنفس السبب كما يقول ويشرح هذا المقال
كانت سعادة الشارع العربي بالقذيفة التي أطلقت لوجه الرئيس الأمريكي في بغداد.. هي سعادة العاجزين علي إطلاق الأحذية في وجه حكامهم.

كل واحد كان يعبر عن أمنية دفينة في نفسه.. فأنت إذا صفعت زوجتك بالقلم في شارع سليمان باشا.. فسوف يشعر المارة في الشارع بالسعادة الغامرة.. وقد يشيد البعض بك.. وبرجولتك وشهامتك ويقبلون اليد التي صفعت الزوجة.. أما إذا قبلتها أو احتويتها بيديك فسوف ينقلب شارع سليمان باشا رأسا علي عقب.. وسيخلع المارة أحذيتهم ويسارعون بالجري خلفك ومحاصرتك حصار الفلسطينيين في غزة.

هم لا يدافعون عن الفضيلة.. ولكنهم يعبرون عما يجري في نفوسهم.. وكل واحد يريد أن يصفع زوجته.. ولا يتجاسر علي
فعل ذلك.. يري في صفعتك تلبية لأمنية تراوده.. فسارع بالإشادة.. بك وبرجولتك أما إذا قبلتها فأنت تستفز مشاعر المارة
ضحايا المزلقانات والعبارات والقطارات.. ومعهم البسطاء الذين يمضون الساعات الطويلة في طابور الطابونة للحصول علي رغيف المصيلحي.. يتمنون أن يخرج من بينهم رجل.. يلوح بحذائه للمسئول عن عذابه..
‏قال tamer.sala7
يا بنتي ارحمي نفسك

انا حاسس ان انتي بتصرخي في صحراء

الموضوع كله في ايد الست لو اي حد اتحرش بيكي اضربيه بالجزمة

والله العظيم حل سهل
‏قال غير معرف…
ماذا حدث فى انتخابات نادى القضاه من غرائب
نجحت الحكومة في حسم نتائج انتخابات مجلس إدارة نادي القضاة لصالحها، بفوز المستشار أحمد الزند علي المستشار هشام جنينة مرشح تيار الاستقلال وسكرتير عام النادي السابق.. وكانت «الأهالي» في تحليلها المنشور يوم الأربعاء الماضي قبل الانتخابات بـ 48 ساعة قد كشفت السيناريو الحكومي لغزو النادي واختراق إرادة القضاة للتأثير في بعضهم بمزايا مالية لإنجاح مرشحي جبهة الموالاة لها المسماة «التغيير» والإطاحة بصقور القضاة في جبهة «الاستقلال» القضائي التي تطالب بنزاهة الانتخابات وعدم تزويرها ورفض توريث الحكم الفردي الحالي وإلغاء الطواريء.
‏قال Don_Lochy
طب احنا ليه مستنيين الحكومه تعمل حاجه؟؟ له احنا مانعملش؟
ليه اختفي من مجتمعنا الشاب الشهم المحترم ذو المروءه اللي لو شاف ولد بيقل ادبه علي بنت يغلي الدم في عروقه ويجيب لها حقها
والمشكله الاكبر: ليه احنا ماتنبهناش لغياب هذا الشخص من صورنا الانسانيه
وهل الشخص ده كان ملاك من السما؟!!!
لا ده كان انا 000وانت وهو وهو
العيب فينا وفي الحكومه
المتحرش بيغلط وبيعتدي000والحكومه بتسيبه وتنفض0000واحنا بندور وشنا ونعمل من بنها
مع كامل احترامى لقاطنى بنها
تحياتى
‏قال Desert cat
اقصوصه
الكهات المختصة مشغولة بتمرير قوانين تقرف المواطنين فى عيشتهم اكتر واكتر
مبقاش فى حل غير اننا لازم نبلطج بقى بقى علشان نعرف نعيش

تحياتى
‏قال Desert cat
مواطن مصري
يبقى المفروض علشان تتقفل كل واحدة تمشى بكلانشكوف فى ايدها
:)
تحياتى
‏قال Desert cat
الفراشة الصغيرة
كنت شوفت فقرة على فكرة من التحرشات اللى بتحصل قدام مردسة الاسكندرية والبلطجة دى على الحياة اليوم وتخيلت ان اقل وجب ممكن يتعمل هناك غرفة عمليات خاصة للقبض على المتحرشين لكن واضح ان الموضوع له ابعاد اخرى
ربنا يحمى الفتيات اللى فى المدرسة دى
كل واحدة تمشى بمطوة قرن غزال فى ايدها بقى

تحياتى
‏قال Desert cat
مواطن مصري
اااااااه قريت الدراسة دى ده وقتها حسيت اننا شعب مرفه جدا بس بنتبلى على الحكومة وبنقول حالتنا الاقتصادية يااى صعبه خالص
‏قال Desert cat
blackcairorose
ازاى مش هى مخلوقة ست المفروض بقى انها غصب عنها تتحمل اى حاجه تحصل ولو فتحت بؤها هى الغلطانة
الموضوع ده مش فى التحرش بس
ده فى اى حاجه تشتكى منها الست
دايما هى اللى غلطانة فى كل حاجه اما الذكر فهو نصف إله مهما ارتكب من اخطاء برضه الست هى السبب هى الل اغوته الملعونة دى
تحياتى
‏قال Desert cat
Che
كام واحد بقى يعرف الكلام ده يا عمرو ؟؟؟
ده اكتر من نصف المجتمع اجمع ان الست هى الغلط فى كل حاجه
‏قال Desert cat
Anonymous
اتفق معاك تماما
الناس مبقتش تعرف حاجه عن الزوق والاخلاق والحب والمودة والتسامح
كل ده كلام اتمحى من الذاكرة وحل مكانه العنف والهمجية لدرجة ان واحد يتعامل مع التانى بذوق بقى شيئ مستغرب جدا
‏قال Desert cat
tamer.sala7
ماهى بصراحة يا تامر حاجه تجيب الاستبحس يعنى الواحد يفضل يهاتى ويتكلم ومهما عملنا برضه احنا اللى غلطانين وكانه ذنبنا اننا اتخلقنا بنات

شرفتينى يا تامر
‏قال Desert cat
Don_Lochy
انا مش طلبت حاجه من الحكومة بس عايزة المجتمع كل واحد يخليه فى نفسه والبنت اللى بيتم التحرش بيها مش ينتهكوا عرضها ويقعدوا يلموها وكانها الجانى وليست المجنى عليها
الشاب الحمش اللى كان موجود زمان دى خلاص بقى اسطورة ومش موجود دلوقتى
فى الوقت الحالى بيقولك وانا مالى ما تشوف نفسها لابسه ايه حتى لو كانت متكفنة او هى اللى تستاهل نازلة من بيتها ليه وكانهم اخدوا الشارع ملك ليهم ومش من حق اى بنت تمشى فيه

تحياتى
‏قال إيمان قنديل
الموضوع عايز وقت طويل لتعديل السلوكيات الخاطئة


أو يصدر قانون تكون فيه عقوبة رادعة للمتحرش، ويكون فيه اليات للتطبيق

المشاركات الشائعة