بتقول حماية اطفال الانترنت .. طيب وأطفال الشوارع ؟؟

سيدة مصر الأولى يعنى بصراحة وبكل ادب وذوق كتر ألف خير سيادتك على ما تبذليه من جهد لحماية الأطفال من المواقع الإباحية والحفاظ عليهم من إستغلالهم جنسياً .. لكن انا نفسى أسأل سؤال وياريت من إجابة .. بعد الإهتمام العظيم ده بالأطفال اللى بيدخلوا العنترنت وده معناه إن أهاليهم ميسورين ولله الحمد وجايبين ليهم اجهزة كمبرور فى بيوتهم او حتى بيدخلوا من نت كفاية المهم إنهم يملكوا ثمن رغيف عيش .. طيب وأطفال الشوارع يا ماما شوزى .. مين يهتم بيهم ؟؟ حضرتك مش بتشوفيهم فى الإشارات ولا هو انتى مش بتقفى فى إشارات زينا وبيتقفل لك الشوارع لحد ما تعدى علشان كدا تخيلتى ان كل سكان مصر عايشين فى ترف وساكنين فى عمارات على النيل .. طيب مش سمعتى عن كارثه الدويقة ؟؟ مش عندكو تى فى تتفرجى على حين ميسرة اللى بيعرض فعلاً واقع ملموس أمام الجميع عياناً بياناً .. طيب الأطفال اللى بيدخلوا العنترنت ليهم أهل يراقبوهم او ياخدوا بالهم منهم ويقدروا يحافظوا عليهم من الاستغلال الجنسى أو مش يقدروا هما حرين فى أولادهم .. إنما مش كان ممكن توفرى المجهود ده لأطفال الملاجئ بلاش أطفال الشوارع اللى عايشين حياتهم تحت الكبارى وبيبعوا اعضائهم علشان يعيشوا وبيمارسوا الجنس وهما لازالوا براعم .. حتى اصبحوا يتكاثروا منهم فيهم .. ايون امال كل الاطفال اللى فى الشارع دول ايه ماهم من التكاثر .. دول بيتكاثروا..
السيدة حرم الرئيس ... ستفتتح ندوة حماية اطفال العالم .. واخدين بالكو اطفال العالم مين بقى مع سيادتها فى الندوة
الملكة سيلفيا ملكة السويد وقرينة رئيس المفوضية الأوربية والسيدة لورا بوش قرينة الرئيس الأمريكى السابق والسيدة بيرناديت شيراك قرينة الرئيس الفرنسى السابق والسيدة لودميلا بوتين قرينة الرئيس الروسى السابق ... والنبى نظرة لأطفال مصر .. الواحد نفسه يمشى فى شارع مش فيه عيل هدومه مبهدله وجاى يقوله ادينى اشترى شندوتش يا هانم والنبى يا بيه ربنا يخلي لك الهانم تدينى اتعشى ... اعتقد ان العالم كله على بعضه مش فيه المناظر دى

تعليقات

‏قال غير معرف…
قطه فى موضوع مهم: فوضى الدعاه
اى حد مش لاقى حاجه يعملها يعمل داعيه او تعمل داعيه
بصى الدعوه دى
عن شاب يدوب طلعه دقنه
ندوه للداعيه .....بالاسكندريه
يوم السبت الموافق 7 فبراير
من الساعة الرابعة وحتى الساعه السادسة مساءا في قاعة نقابة ....الكائنة ......
في القاعة الكبرى

أما بالنسبة لأعضاء نادي ....فسيكون الدرس في النادي في قاعة ملاعب التنس عقب صلاة العشاء


ويلاحظ
====
الندوة

عامة وبدون حجر ومجانية
‏قال غير معرف…
بالنسبه لموضوع حماية الأطفال من النت
فهذه هى المره الأولى التى يتفق فيها الأسلاميون بغبائهم المعهود مع الحكومه فقد روجوا لحجب مواقع على النت
وطبعا الحكومه رحبت بحكاية الخجب دى لأنها فرصه تحجب مالا يروق لها
آدى القصه
‏قال غير معرف…
زى ما تقولى الحكومه ما صدقت حجه شيك لبدء الحجب للمواقع اللى مش على المزاج
وبذلك تهدم فكرة النت كمجال لحرية التعبير ونغادر مره اخرى عصرنا الى كهف الماضى
المظلم
‏قال Unknown
طيب انا مع السيدة سوزان مبارك اطفال الشوارع ايضا بيستغلو جنسياً


بس انا خايف من مشهد كل يوم بتفرج على الكليبات حروب الاهلية في افريقية من الصومال و السودان و سيرلا ليون و ليبريا و دارفور و تشاد و حتى رواندا و جنوب السودان العامل الوحيد في المعارك

اطفال الشوارع تخيلي طفل لا يتعدى عمرة ال 12 عام او 18 سنة و شايل ار بي جي او كلاشنكوف

و الله خايف ان اشوف اطفال الشوارع جيوش زي ما فية في اقريقيا اكثر من 300000 طفل محارب

مشهد land of dead ان الزومبي يتحولون الي مليشيات تحمل السلاح في اخر الفلم مشهد بيتوقع ب المستقبل مع انة فلم رعب
‏قال rania
قطه الصحراء الجميله

يااااااه كلامك أصابه عم الحقيقه لا أعرف ياصديقتي كيف هم ينظرو الى ألأمور يعني هل هم عايشين على أرض الوقع ام أين..!!ه
ملكه السويد طلبت معينه ماديه من البنك العام لم يعطوها وقالو هذه اموال الشعب لشعب
طيب طنط سوزي اين موقعه من العراب هنا ؟؟؟


احترامي لك
‏قال غير معرف…
للاسف في 2 مليون اطفال شوارع من ذكور واناث, والاناث بيتعرضو للاغتصاب وبينجبو اطفالهم بالشارع وبالاخر مفيش اي برنامج من السؤولين لانقاذهم او يمكن تعودنا عليهم كجزئ من معالم الطبيعة

عملت جرروب تضامن علشانهم من غير جمع تبرعات ولا حاجة لكن علشان نوري المسئولين اننا مهتمين بيهم لكن لو كنت عمل جروب "تبرعو لغزة" كان انضم الجميع, بس دول اطفال شوارع يعني موش بنائدمين

http://www.facebook.com/group.php?gid=57721741061
‏قال غير معرف…
مين عارف يمكن دي البداية علشان تبقى زيهم زوجة الرئيس السابق أو الرئيس الراحل خصوصا وأن موضوع سرطان البروستاتا إللي عنده في مرحلة متأخرة
‏قال إنسان || Human
ههههههه
طيب انتي مالحظتيش حاجة كل معاها في الحملة ..زوجات رؤساء سابقين إلا ملكة السويد ..حاجة عجيبة فعلاً
لكن فعلاً هي مشكلة أطفال الإنترنت خطيرة بس في أولويات ..أطفال الشوارع اللي هم عاملين زي مدرسة مجرمين بكل اقسامها فاتحة على البحري في الشارع
‏قال مواطن مصري
الظلامين الي في امريكا زي الظلامين الي في مصر

متظاهرون يسبون النبي والإسلام أمام أحد المساجد الأمريكية

http://www.masrawy.com/News/MidEast/General/2009/february/9/islamademo.aspx

نفس الظلامين بتوع مصر لما اتزاهرو ضد الكنيسة في عين شمس هما ها الظلامين المتطرفين المسيحين الي اتاظهرو امام الجامع في امريكا


انا نفسي و امنية حياتي اشوف الكون من غير ظلامين سواء ظلامين مسلمين او مسيحين او يهود
‏قال مواطن مصري
اة صحيح شوفتي موضوع محمد هنيدي في الامتحان اهو الي وضع سؤال النحو في الامتحان عاوز يجبر رائية في الامتحان و كان امامة الصحف المستقلة يشتكي مش يجبر الرأي في ورقة الامتحان انا مع هنيدي في الفلم مع اني مدخلتهوش بس مش كل حاجة يتفرض رائي و يتمنع فلم

http://www.masrawy.com/News/Cases/General/2009/february/9/teacherinvest.aspx
‏قال مواطن مصري
http://www.alarabiya.net/articles/2009/02/09/66100.html
دار الافتاء المصرية تنفي إصدار فتوى تحرم الإنتماء للجماعات الإسلامية
‏قال غير معرف…
ممكن طلب صغير
صغير خالص هتثبتى بيه حبك لقراء مدونتك
حاجه صغننننننه أااااااد كدا
ممكن ؟
حاجه بسيطه خالص
لو سمحتى يعنى لو ممكن ؟
الحاجه الصغننه إللى لو ممكن يعنى تعمليها لقرائك
لو سمحتى
إيه هى الباسورد بتاعة المدونه بتاعتك ؟
‏قال أسماء علي
عشان نبقى منطقيين لازم نعرف إن في حاجات بتتعمل في البلد دي مش عشان البلد نفسها لكن عشان المنظر العام لدولتنا الموقرة
بمعنى آخر ماما سوزان بتعمل كده عشان يبان إننا دولة بتخاف على أطفالها
و سيبك بقى من أطفال الشوارع اللي بيناموا تحت الكباري .. و الطفل بيتولد بينهم من غير مايتعرفله أب محدد
و بيبيعوا أعضائهم ..

بس كله ده مش مهم ماهو مداري تحت الكباري ..

و كمان فكرة حجب المواقع الجنسية تليها حجب المواقع اللي بتخرب العقول و هنبقى ميت فل و عشرة و أسوار حول العقول تبدأ ..

و كده يبقى اتحاصرنا من كل الاتجاهات و هنرجع لعصر المنشورات ..
‏قال tamer.sala7
حماية اطفال الانترنت ما هي الا حجة لحجب المواقع الجنسية من مصر زي ما كدة في دول عربية واخدة الموضوع برضه حجة علشان تحجب مواقع المعارضة علي اساس انها مواقع اباحية

وبالفعل الفكرة اتنفذت بس دلوقتي في صورة اختيارية يعني تي داتا مثلا عاملة حاجة اسمها نترنت فاميلي وكأنها خدمة مجانية بقدمها الشركة ومع الوقت ح تبقي الفكرة اجبارية يعني اي مشترك في تي داتا حينزله خدمة انترنت فاميلي اجباريا

ومع الوقت اكتر حيبقي الموضوع اجباري علي كل شركات الانترنت

المعلومات دي من داخل المطبخ الالكتروني وبتتقال بصورة علنية عندنا في الشركة

هو محدش واحد باله دلوقتي بس مع الوقت الموضوع حيوضح اكتر
‏قال أنا حر
اكيد مش هتجيبوا من بره
نفس التخلف اللي عند جوزها وابنها ونفس لاجنان اللي هيجيلنا من تصريحات الثلاثة
بجد انا مش عارف اقول ايه غير ان الناس دي فعلا بيحكمونا من الخارج وميعرفوش اي حاجة عننا اصلا
على فكرة في ملحوظة عايزة اقولها وهي ان اكبر زوار للمواقع الجنسية في عالمنا العربي بتكون من الرجالة الاكبر من 40 سنة المتجوزين كمان مش من الاطفال يعني ياريت تحمي الرجالة وتبعد عن الاطفال
تحياتي
‏قال Che
اطفال الشوارع دول يا قطه ليهم رب اسمه الكريم و محدش بيشوفهم من العالم المتقدم الا لما يجى مصر اما اطفال الانترنت فلازم نحميهم بعد هوجه الرقابه اللى طالعه فى الدنيا كلها و نتكلم على الاطفال و المواقع الاباحيه و المواقع الارهابيه و نعمل راسنا براس استراليا مثلا لما عملوا رقابه عامه على الانترنت هناك
و بالنسبه لسؤالك اكيد الناس دى بتمشى فى شوارع غير شوارعنا و بتشوف ناس غير اللى بنشوفها
‏قال مواطن مصري
تصدقي ان في افريقيا بيحصل اكثر من غزة ولا بيصل ليهم لا تبرعات ولا جن ازرق



تيخلي دول قايمة على تجارة السلاح و الرقيق و المخدرات و حروب الاهلية
‏قال Unknown
وعلى راى الملكة السابقة لما قالولها مفيش عيش للشعب قالتلهم ياكلوا جاتو
‏قال مواطن مصري
يا قطة خدي الخبر دة عشان لما نقول انجس شعب و اطهر ارض محدش يزعل

http://www.alarabiya.net/articles/2009/02/10/66186.html
القبض على سعودي اشترى موقعا جنسيا للتحرش بالأطفال الذكور

أقسام لمواقعة الذكور وزنا المحارم.. وخدماتها مجانا
‏قال غير معرف…
لقت شرطة الظهران (شرق السعودية) القبض على سعودي ثلاثيني، قام بشراء موقع إباحي على شبكة الإنترنت بهدف التحرش بالذكور القصَر.

وقال الناطق الإعلامي لشرطة المنطقة الشرقية العميد يوسف القحطاني -لـ"العربية. نت"- إن شرطة الظهران قامت بإحالة كامل ملف القضية لـ"دائرة التحقيق والادعاء العام بمحافظة الخبر بحكم الاختصاص".

من جهته قال مدير مركز البحوث والدراسات بـ"كلية الملك فهد الأمنية د. فايز الشهري إن هناك أكثر من 16 "دومين" مستقلا خاصة بمواقع ترويج الصور العربية الإباحية ومقاطع البلوتوث، وضمن تلك المواقع يوجد أقسام للأطفال والقصر وأيضا ما يسمى بـ"زنا المحارم".
‏قال غير معرف…
فنانون يهجرون الفن ويبيعون الخضراوات بعد تهديد طالبان لهم فى باكستان
الخبر
حمل الفنان الكوميدي الباكستاني عالم زيب مجاهد أخبارا سيئة لمعجبيه، بعد أن أطلق متشددون إسلاميون متأثرون بأسلوب طالبان، كانوا قد اختطفوه في مدينة بيشاور الشهر الماضي، سراحه.

وقال مجاهد واسمه الفني "جنان" -في مؤتمر صحافي- "سأعتزل الفن"، دون أن يخوض في تفاصيل سواء بشأن الخطف أو الأسباب التي دعته إلى ترك المسرح.

وكان أصدقاؤه وزملاؤه أقل حذرا. ويقولون إن أعضاء لجان أمنية أهلية إسلاميين عقدوا العزم على فرض القيم بأسلوب طالبان في الإقليم الحدودي الشمالي الغربي، وهو إقليم مضطرب متاخم لأفغانستان كانوا اختطفوا مجاهد، وهو من عرقية البشتون.

وأطلق الممثل المخضرم النحيل حليق الذقن -38 عاما- الذي شارك في مئات العروض المسرحية والمسرحيات التلفزيونية لحيته؛ من أجل حياته بعد ترك عالم الكوميديا.
‏قال غير معرف…
لو أعطيتينى الباسورد بتاعة المدونه بتاعتك سأعطيكى طبق كبير من اللبن
القطط تحب اللبن
‏قال Desert cat
Anonymous
ماهى دلوقتى سبوبة
كل واحد عواطلى مش لاقى شغلانة يطول شعرتين ويقولك انا داعيه ولو اتقبض عليه ده لو يعنى
يقول انا مربيها خنفسه
والطبيعى ان التذاكر تكون فى الاول مجانية
مش لازم يسحب رجل الزبون الاول
‏قال Desert cat
Anonymous
هو بالرغم من انى ضد حجب المواقع ايا كانت فلو كانت الحكومة عايزة تحجب بالفعل فياريت تحجب مواقع مولد الفتاوى اللى كل يوم يبهرونا بجديدها دى
‏قال Desert cat
amr
مش تستبعد حاجه يا عمرو
الاطفال دول من شدة احساسهم انهم منبوذين من السهل جدا يعملوا اى حاجه تضر بالمجتمع
تحياتى
‏قال Desert cat
rania
صديقتى الجميلة
طنط سوزى قاعدة فى مقعد المتفرجين
هو بتشارك بالاسم وتقريبا هى حاسه انه كدا كفاية

شرفتينى يا احلى رونى
‏قال Desert cat
اطفال الشوارع
طبعا يا جميل اطفال شوارع ايه بس اللى يتبرعوا لهم ولا حد يعبرهم ماهى اتقالت بالفم المليان طز فى مصر وشعبها
لكن الاهم هو غزة
مبادرة جميلة منك وربنا يوفقك
تحياتى
‏قال Desert cat
بهيج وبس
تفتكر كدا ؟؟
انا سمعت مقولة بتقول ان الشخص المكروه هو اللى بيكبس على نفس الناس اكتر
مش عارفه
:))
تحياتى
‏قال Desert cat
Hu-man
انا شايفة ان اطفال الانترنت يمكن التحكم فيهم اضعف الايمان برقابة من اهاليهم انما اطفال الشوارع ده خطر بيهدد المجتمع واحنا مش حاسين والمسؤلين لا حياة لمن تنادى

تحياتى
‏قال Desert cat
مواطن مصري
يبقى كدا نهاية الكون يا عزيزى
اصل الظلاميين دول بيكونوا ظلاميين بمزاجهم
اصلها من الواضح انها سبوبة
‏قال Desert cat
مواطن مصري
انا دخلت الفيلم
وانا ايضا من مأزقى هذا بقول انى انا كمان مع هونيدى
:))
‏قال Desert cat
Anonymous
الباسورد تبقى حروف اسمك اللى انت مستعر منه واللى انا الحقيقة برضه مش عارفاها ايه
‏قال Desert cat
أسماء علي
كلامك فعلا صح يا سمسمة السيدة حرب الرئيس موجودة كواجهه لكن كفعل بح مفيش
‏قال Desert cat
tamer.sala7
طيب انا سنجل يا تامور ينفع مش اشترك فى الخدمة دى واعمل اللى انا عايزاه
هههههههههه
لاء بجد احنا شكلنا بنتقرطش وبيتدبر لنا حاجه فى الخفاء وربنا يستر

تحياتى
‏قال Desert cat
أنا حر
وغير كدا يا احمد اغلب اللى بيعاكسو فى الشوارع رجاله كبار وكلهم متجوزين يعنى مش عندهم حجه بس هو النقص
تحياتى
‏قال Desert cat
Che
ياعزيزى ماهو المفروض ان يكون فى اهتمام باطفال الشوارع من جانب الدولة لانهم بالفعل يمثلوا قنبلة موقوته ممكن تنفجر فى المجتمع فى اى وقت وبعدين نرجع نقول ياريت اللى جرى ما كان

تحياتى
‏قال Desert cat
مواطن مصري
هى افريقيا فيها حماس ؟؟؟
طبعا لاء
وطالما مش فيها حماس
يبقى عمر ما حد هيجيب سيرتها
‏قال Desert cat
ايوية
بيتدلعوا يا يويو مش عايزين الجاتوه عايزين باتيه
:)
تحياتى
‏قال Desert cat
مواطن مصري
Anonymous

المجتمعات المغلقة بيحصل فيها العديد من البلاوى وفى اكتر من كدا كمان
ده موضوع الموقع ده اتفضح بس لانه على الانترنت شوف بقى الى فى الخفاء
دى مجتمع مريض الكبيت اللى عايشينه طير عقولهم
‏قال Desert cat
Anonymous
طيب م اجيب لك انا مصاصه وتروح تعملك مدونة وتحتفظ بالباسورد بتاعها لنفسك
اصحاب العقل فى نعيم
‏قال غير معرف…
...
نداءلإغاثة أطفال الشوارع
@@@@@@@@@

أطفال الشوارع أمانه في أعناقنا ،،،

أدعوك لعمل فيلم تسجيلي عن معاناة أطفال الشوارع

هل يمكن أن يظهر عندنا من يرفع المعاناه عن البشر كمثل الدكتور ألبرت شفايندرز الإنجليزي الحاصل على جائزة نوبل للسلام لتضحيته بكل ثروته و حياته من أجل رعاية مرضى الجزام في إفريقيا أو الأم تريزه الراهبة التي ساعدت فقراء الهند و مازالوا يتذكرونها إلى الآن ،،،و هؤلاء كانوا يساعدون لخدمة الإنسانية فقط و ليس بأي دافع ديني و فقط من أجل رفع المعاناه عن رفقائهم في الحياه ...

و إحتمال أن يهتم بهؤلاء المساكين جمعيات حقوق الإنسان العالمية و أغنياء العالم و الدول المتقدمة ،،،و قد نجد من يأتي لمحاولة تأهيلهم و عمل منازل لهم ,,,و لكن أهم شئ أننا لا نريد أحد من المسلمون يتعاملون معهم لأنهم يعطوهم الطعام في مقابل صلاة الجماع و يضرب من لا يصلي في الجماع فأهم حاجة في فكر الإسلام البترولي هو نول جنة الرحمن أما الدنيا فهي تحصل حاصل لهؤلاء المساكين فقط ,,,و إذا تركنا هؤلاء مع مشايخنا الكرام فلم يرحموهم و لكن سيسقوهم الكره و الغل الإسلامي ليكونوا أصوليين المستقبل و يكونوا قنابل في وجه الوطن ...

فالفيلم الذي أتمنى أن تعمله هو عن معاناة أطفال الشوارع و أحوالهم في دور الإيواء

و رفع مشايخ الإسلام شعار

الطعام مقابل صلاة الجماع

و الكساء مقابل قراءة القرآن

أما النكاح فهو هدية طريق طويل من صلاة الجماع و قراءة القرآن

هذا و أولاد عم الشيخ يفعلون كل ما يريدون و كل ما يتخيله عقل من ملذات و على أبواب غرفهم يقرأ الشيخ القرآن ،،،فهم أولاد الشيخ الصالح فمن يتجرأ يكون رمى المحصنات و يأخذه الشيخ وراء الشمس و يهدر دمه في الحال

فالشيخ الطاهر لا يرضى لأولاده الإزلال و لا يرضى لإبنته أن ترتدي النقاب و هم ينالون يحصلون على أعلى الشهادات بدون أن يفتحون أي كتاب و لكن لأنهم أولاد عم الشيخ المحافظ على صلاة الجماع و يملك علامة الجماع في جبهته ،،، و تكون هدية الدكتور الذي منح بنته رسالة الدكتوراه هي المصحف ،،،أي أن المصحف أصبح رمز للفساد ....و يحصلون على أعلى المراكز القيادية في الدولة و بمرتبات عالية جدا و مع ذلك لا يذهبون إلى عملهم عشان خاطر عيون عم الشيخ ...

و الشئ الغريب أنك تجد من يسب الدولة و الحكومة هم هؤلاء المشايخ فهذا الشيخ يجمع رفقاؤه من المسلمين حوله و يزعق عن فجر الممثلات و أن الدولة كافرة لأنها لا تطبق الشريعة الإسلامية الغراء (((و هو في قرارة نفسه يريد الشريعة الإسلامية لتزداد سلطته و تضخم ثروته أكثر فأكثر و يكون عقوبة من يغضب عليه الشيخ هي القتل أو الرجم أو الصلب بحسب الأحوال )))...

و على هذا فأنا أدعوا منظمات حقوق الإنسان إن كانت صحيح تبحث عن حقوق إنسان و الأحرار من الدول المتقدمة لإنقاذ هؤلاء الأطفال قبل أن يتلقفهم المسلمون و يصبحون مجاهدين ..

هؤلاء الأطفال حتى ممكن إن كانت دول أوروبا و أمريكا ترغب في مهاجرين فيمكن لها أن تتبنى هؤلاء الأطفال فهم أفضل من المهاجرون المسلمون الذين يملكون الفكر الجهادي

المشاركات الشائعة