هو وزير الداخلية مش عايش فى مصر ؟؟

السؤال ده ليس للسخرية وانما استفسار بجد وحق حقيقى ... فعلاً وزير الداخلية مش عايش فى مصر ولا بيتكلم عن اى مصر اللى التحرش الجنسى مش ظاهره فيها ؟؟

اصل تصريحه فى برنامج حديث المدينة كان يحمل الكلمات الآتية

أكد وزير الداخلية حبيب العادلى أن قضايا التحرش الجنسي أخذت شكلا مبالغ فيه بدرجة كبيرة، مشيرا إلى وجود بعض جرائم التحرش الجنسي، لكنه رفض اعتبار هذا الأمر ظاهرة على الإطلاق.
وأكد أن إعتبار التحرش الجنسى ظاهرة يعد بمثابة إساءة للسيدة المصرية، وقال: لا يجب أن ننظر إلى بعض البلاغات حول وجود تحرش جنسي، قد يكون لفظي أو لحظي باعتبارها ظاهرة

هو اينعم يا شعب فى تحرش لكن مش بالشكل البشيع اللى بتتكلموا بيه ده لان قضايا التحرش كدا انتوا مدينها حجم اكبر من حجمها الطبيعى هى مش تستاهله وبتبالغوا الحقيقة ومصر فى خير وبلد الأمن والأمان ولو قولت لى ايه اديتنا مصر .. هرد عليك وباعلى صوتى وأقولك عييييييييب السؤال ده مش يتسأل هنا ده بلوج محترم

وانا بالاصالة عن نفسى وعن كل انثى فى مصر سواء بنى آدمه او حتى مش بنى آدمه بس المهم تحمل اسم مؤنث بطلب من السيد وزير الداخلية طلب صغنون خالص اد كدا وبقوله ياريت تخلى بنتك تنزل الشارع من غير عربية وتكون رايحه مشوار قريب حتى من البيت وخليها ترجع تشرح لك اللى حصل لها فى الشارع بكل سهولة ويسر ومش هقولك قولها تركب اتوبوس

تعليقات

‏قال Yasmine
لا خالص دى مش ظاهرة دبعا
لما انزل الشارع الساعة 8 الصبح عشان اروح شغلى و الاقى اطفال المدارس واقفين يعاكسوا البنات الصغيرين و الكبار تبقى مش ظاهرة نهائى

و لما اروح شغلى و الاقى موظفين فى سن جدى مش سايبين البنات اللى فى سن احفادهم سواء بالنظرات او الكلام او غيره تبقى مش ظاهرة نهائى

و لما ارجع بيتنا و افكر اركن بعيد عمارتين و امشى اتلفت ورايا زى المجانين خوفا من السعار اللى صاب نسبة مش قليلة ابدا من الرجالة المصريين تبقى مش ظاهرة ابدا

و لما تقرى كل يوم عن حوادث اغتصاب و تحرش و هتك عرض و اعتداء على بنات من سن ست سنين و طالع بحجة ان الجواز بقى مكلف تبقى مش طاهرة ابدا

واضح ان سيادته بقاله فترة فى كوالالامبور!!
‏قال Migo Mishmish
قطه باريس
التحرش مش ظاهرة؟ يانهار اسود ..اذا كنت انا نفسي بمشي مع مشمش وهى حامل وبتتعاكس ..يعنى واحده ماشيه مع جوزها وحامل كمان وبتتعاكس ..وطبعا هاتقولى ياقطه امال انت رحت فين ياسبع ياغضنفر ..الحكايه مش من واحد بس دا طول مانتى ماشيه يعنى بقى شيئ عادى ..يعنى لو كل واحد قال كلمه مش هاخلص ..وبعدين انا مكنتش حاسس بالموضوع دا لان ليا اربع اخوات غيرى دكورة ..لكن لما اتجوزت مشمش كنت بتعصب فى الاول ..لقيت نفسي هاعمل مصيبه فبقيت اتبع مبدأ نفض دماغك واعمل مش سامع ..فيه حد يتخانق مع شارع كامل ياحاجه؟ ..وطالما الموضوع كلام من واحد اهبل خلاص بنفض ..طب قوليلى انتى لو مكانى تعملى ايه؟ يعنى اسيب مراتى تتبهدل فى الشارع وتسمع الفاظ زباله؟ مبدأ الخناق فى الشارع مرفوض لو معاك واحده ست
تحياااتى
ميجووووووو
‏قال مواطن مصري
هههههههههه هوا انتي عاوزة المتحرش يتحرش ببنت الوزير دة يبقى امة داعية علية او مين الي يجرؤ و يتحرش بيها
‏قال جميز
أولا : بنت وزير الداخلية لو مشيت من غير العربية مش هيحصل لها ولا حاجة بسبب الكتيبة الأمنية اللى هترافقها
:)

ثانيا : إحمدى ربنا إن التصريحات لم تكن على لسان نبيل لوقا بباوى كان قال لك " لأأأأ محصلش " و لو ضغطى عليه هيقول لك " فين الدليل .. فين الدليل .. فين الدليل " و لو جيبتى الدليل و خذقتى بيه عينه هيقول لك " ملفق "
:)
‏قال overdose
يا حبيبي الرد علي زيادة التحرش يكون كالاتي

وقديما سئل الناس
اين الرجاااااال


فلم يجب احدا

يا تري ليه
‏قال wael
حتى ولو وصفنا مصر التي نعيش فيها بـ "مصر" التي يعيش فيها وزير الداخلية .. هو وظيفته أن يزين الكلام يا عزيزتي !! فعندما يتحول كل الضباط إلى ملائكة مجنحون هبطوا من رحم السماء إلى الأوغاد الحثالة من عامة الشعب مثلنا .. فبالتأكيد هذه ليست مصر !!

وعندما يدافع عن تجاوزات الشرطة تجاه الأوغاد المواطنين ، يجيب سيادته بأن ضباط الشرطة ليس كلهم ملائكة !!!!

وهل الشعب كله أوغاد يا عزيزي الوزير ؟؟

بالنسبة للتحرش الجنسي الذي ينكر فخامته وجوده :

كل يد تمتد لتتحرش بأنثى يجب أن تدعو للسيد وزير الداخلية إجلالاً وتقديراً على جهوده المبذولة في حرية العبث والتحرش من الهائجين جنسياً إلى أي أنثى في الشارع !

لا أدري إن كان للسيد وزير الداخلية بنت صغيرة أم لا !!!
ولكني متأكد بأنه متزوج من إمرأة (أي ليس شاذ جنسياً حسب معلوماتي الضئيلة) ..
ومتأكد بالطبع بأن سيادته ولد عن طريق إمرأة هي أمه (لا جدال في ذلك) .. ترى ما شعور سيادته لو عرف أن أحد الأوغاد قد تحرش بأمه وهي في الطريق ؟؟؟


يا عزيزتي ..
المجتمع شفاف وواضح مثل كوب ماء نقي ! ولو وجدت بداخله بقعه حمراء مبهمة ، فلن أشغل وقتي وتفكيري في معرفه كنه هذه البقعة : هل هي دماء ؟ هل هي كركدية ؟ هل بقعة دماء ؟؟

بل سأتعفف عن الكوب ، وأتأفف من استعماله برمته !!


عزيزتي :
التحرش موجود رغم أنف وزير الملائكة هذا ..
موجود لمن يريد الاستبصار في كوب مجتمعنا !!

والتحرش غير موجود ومعدوم تماماً لمن يريد ارتداء بصيرة العمى !! والحماقة ...

تحياتي !
‏قال غير معرف…
من يراقب المراقب
مهازل هيئة الأمر بالمعروف
وتعود "مطاردة الرياض" إلى الأسبوع الماضي، حين لاحقت سيارة جيب تحمل عناصر من هيئة النهى عن المنكر والأمر بالمعروف، شاباً وفتاة في شوارع العاصمة، ما تسبب بحادث مروري مروع. وانتهت "المطاردة" بإجبار الشاب على التوقف بعدما ارتطمت سيارته "اللكزس" بسور أرض فضاء في حي التعاون، قبيل اصطدامه بأربع سيارات. كما ألقى رجال الهيئة القبض على الفتاة، وتركوا الشاب في سيارته بعد ضربه ضرباً مبرحاً.

ويطالب المتضررون من المطاردة بتعويض مادي عما تعرضوا له، مؤكدين أنهم سيلجأون لتوكيل محامٍ للحصول على تعويضات من الحادثة.

أما المتورطان في "شبهة الخلوة المحرمة" في المدينة المنورة فهما عضوان آخران من "الامر بالمعروف"، طاردا سيارة تقلّ شاباً وزوجته، للاشتباه بكونه من غير محارمها. لكن الموقف تطور بعدما قام أشقاء الزوج بالاشتباك مع عنصري الهيئة، قبل أن تصل الدوريات الأمنية إلى الموقع وتسيطر على الموقف.
‏قال غير معرف…
يحدث فى السعوديه
مدير عام فرع هيئة الأمر بالمعروف والنهي عن المنكر في منطقة مكة المكرمة
عن بلوغ حالات ابتزاز الشباب للفتيات من خلال صورهن إلى ما يقارب من 65 حالة في منطقة مكة المكرمة
الابتزاز يكون "ناتجا عن علاقة سابقة أو استغلال الطرف المبتز لمعلومات ووثائق، مثل حصول بعض الشباب على صور
للفتيات من خلال وضعهن لأجهزتهن المحمولة الشخصية أو الجوالات لدى محلات الإصلاح
منوها إلى أن الهدف من الابتزاز إما الحصول على المال أو إخضاع الفتاة لأعمال الدعارة مع الآخرين
أحد الشباب
حاول ابتزاز إحدى الفتيات بعد أن أهدته 37 صورة فوتوغرافية لها، ما جعله يقوم بتهديدها ومقايضتها بمطاوعته أو تسليمه مبلغ 10 آلاف ريال مقابل إعادة جميع الصور المخزنة في بطاقة الذاكرة لها، أو نشرها على شبكة الإنترنت..".
‏قال غير معرف…
قطه
مهما تنوعت الأجابات والأجنهادات
فان كلها تشير الى حقيقه ناصعه كالشمس ولكننا ادمنا التهرب منها
المساله ليست صعوبة الزواج او تكلفته اولا لأن كما ذكرت انا حره كبار ومتزوجين يفعلون ذلك وكذلك اطفال كبار ليسوا فى سن الزواج
الحقيقه التى نتحاشى مواجهتها هى ببساطه ان هناك خلل خطير فى نظرتنا الى الجنس ترقى لمستوى العصاب اى المرض النفسى
هى اضطراب نفسى كامن تحت جلودنا جميعا
نتيجة لتربية خاطئه وتلقين تابوهات موروثه
سواء بشكل واع او غير واع تجعل اجيالنا ترث هذه النظرة المريضه للجنس وتكرس النظره الى الأنثى كرمز جنسى لا اكثر يهيج هذا الضطراب الدفين
‏قال Migo Mishmish
الحقى الحقى
الواد بتاع انا مش موافق رجع تانى ..ههههههعامل بوست شتيمه فينا فى البلوج بتاعه ..انا عايز اعرف انتى بالذات عاملاله ايه؟ دا بيسمع اسمك كانه سمع اسم عزرائيل هههههههه
دافاتح المدونه بتاعته عليكى انتى بس ..مفروض يسميها انا مش بحب القطه هاى هاى هاى هاى
سلااام
‏قال Ahmed Al-Sabbagh
ههههههه
انا بحس اننا قربنا نتحرش بمولل السرير
:))
‏قال مواطن مصري
هيجي واحد الان هيقولك لازم يلبسو النقااب ابو عين واحدة او يقعدو في البيت و يعملو الهيئة في مصر

تخيلي ان فية مصرين بيفكرو انهم يعملو حاجة زي الهيئةة

سمعتي ن التوى بتاعت الانتماء الي الجماعات الاسلامية حرام
‏قال أنا حر
ايوة طبعا دي مش ظاهرة
احنا عندنا كله تمام
بس الجميل انه هيكتشف التحرش وغيره لما يخرج من الوزارة وكأن السبب في العمى اللي عنده الوزارة اللي هو فيها
يارب اثبتله ان في عندنا تحرش وانا مش هدعي انه يعرف عن طريق حد من بناته انما هدعي انه يعرف وخلاص حتى لو هو اللي يتم التحرش بيه
تحياتي
‏قال Desert cat
انا حرة
هو تقريبا وزير الداخلية بيتكلم على بلد تانية
معذور اصله بيمشى بتشريفه قافلة 3 شوارع هيشوف فين بقى

تحياتى
‏قال Desert cat
Migo Mishmish
يا ميجو انا مرة كنت زاقفه بشترى اكل ولاقيت العيال بيعاكسوا واحدة فى الخمسين
يبقى مش هيعاكسوا مشمش وايه المشكلة لما تكون حامل مش تفرق يا عزيزى

تحياتى ليك ولمشموشه
‏قال Desert cat
مواطن مصري
ماهى هتمشى زيها زى اى مواطنة عادية
مش يجربوا اللى بنشوفه
تحياتى
‏قال Desert cat
جميز
ماهو انا بقول يخلي بنته تمشى بدون عربية وبدون الكتيبة الامنية
يعنى كانها مواطنة عاديه
الناس دى مش بتزهق من الكدب ياربى

تحياتى
‏قال Desert cat
تخاريف الغضب
اصلهم ماتو فى 73
نياهاهاهاهاها
‏قال Desert cat
عرين الغضب
وزير الداخلية خايف على سيادة مصر
من الواضح انه مش متابع لانه لم يسمع عن الدول الاوربية التى توزع منشورات على السائحات الوافدات الى مصر تحذرهم من الرجال المصريين المتحرشين
وزير الداخلية معذور مش فاضى يسمع التصرحيات دى فاضى لحاجات تانية

تحياتى
‏قال Desert cat
Anonymous
والله مهزلة المهازل
دى هيئة الامر بالمنكر والنهى عن المعروف المفروض ان ده الاسم الصحيح ليهم
لان افعالهم حيوانية حتى الحيوانات من الممكن ان يترفعوا عن مثل هذا الفعل

تحياتى
‏قال Desert cat
Anonymous
اللى عايزين يقلدوا المجتمعات المغلقه يتفضلوا الكومنت بتاعك هدية
‏قال Desert cat
راى مختلف
ااتفق جدا مع كلام حضرتك
وكم من المهازل التى يشهدها الشارع المصرى من اطفال والفاظهم التى تلقى على مسامع الاناث
كما ان جميع المتحرشين فى جامعه الدول العربية كانوا اطفال
او دون سن العشرين

تحياتى
‏قال Desert cat
Migo Mishmish
ههههههههههههههههههههه
انا حاسه انه فى القريب العاجل
هيقطع هدومه ويروح يقف فى ميدان التحرير ويقف يزعق ويقول لا لقطة الصحراء
تسقط قطة الصحراء
هههههههههههههه
ربنا ما يحرمه من الجنان

تحياتى
‏قال Desert cat
Ahmed Al-Sabbagh
ايوا يا امد ماهو مفرد ملل موله
يعنى مؤنث
ههههههههههههههه
‏قال Desert cat
مواطن مصري
سمعت المصريين اللى تقصدهم عصابة الاخوانجية ودى كانت فى اجندتهم الانتخابية على فكرة
الفتوى قريتها الصبح فى مصراوى

تحياتى
‏قال Desert cat
أنا حر
والله يا احمد حاجه تجيب استبحس
انا نفسى بس اى مسئول قبل ما يطلع يلقى تصريح مالوش اى علاقة بالواقع يتنزل ويتاكد بنفسه

تحياتى
‏قال Unknown
عزيزتى قطة وحشتينى جدا ووحشتنى المدونة خالص
اما عن موضوع السيد الوزير فدة التصريح العادى والطبيعى لاى مشكلة فى مصر او برة مصر دايما مصر بخير ودايما المصريين بخير
دة تصريح حفظناة وبقى كدة من التراث الوزارى
اقولك حاجة مش عارفة تضحك ولا تبكى انا شوفت ولد ميجيش فى ابتدائى واقف يعاكس بنات فى الثانوية العامة كانوا خرجين من مركز للدروس الخصوصية ولما البنت قالتة عيب شتمها بافظع الشتائم
ياريت سيادتة يسمع القصة دة
تحياتى
‏قال Unknown
عزيزتى القطه الشقيه
وانا بالاصالة عن نفسى وعن كل انثى فى مصر سواء بنى آدمه او حتى مش بنى آدمه بس المهم تحمل اسم مؤنث بطلب من السيد وزير الداخلية طلب صغنون خالص اد كدا وبقوله ياريت تخلى بنتك تنزل الشارع من غير عربية وتكون رايحه مشوار قريب حتى من البيت وخليها ترجع تشرح لك اللى حصل لها فى الشارع بكل سهولة ويسر ومش هقولك قولها تركب
اتوبوس
عجبني المقطع دا بس متفتريش على الراجل الامن مستتب وكله تمام والحاله ميت فل وعشره واللي يقول غير كده هيشوف شغله امال عيزاه يطلع في التلفزيون يقول ايه
تحياتي لك والى الامام
‏قال غير معرف…
يا نانا انتى عايزة وزير الداخليه يطلع فى التلفزيون يقول مصر فيها تحرش
بتهرجى اكيد
‏قال غير معرف…
حماس تحقق حلم اسرائيل فى هجرة الفلسطينيين
على الرغم من تطمينات مدير شرطة خان يونس، وأحد قياديي حركة حماس في قطاع غزة، إلا أن هاجس الهروب من غزة يبقى هو حديث الشارع الغزاوي عند معظم الشباب. فسواء أكانت النرويج أم السويد، أم دول الخليج، أم أستراليا، أم حتى إفريقيا، فهي أمنيات يتمناه الشباب الفلسطيني؛ للهروب من الواقع الذي يعيشونه

ويسعى المواطن الغزاوي محمود عبد الله للرحيل إلى أية دولة غير غزة، فالحياة كما يقول عبد الله "باتت مستحيلة، ولن أجعل مستقبل أطفالي الثلاثة تحت رحمة عودة الحرب من جديد، وموتهم أو موتي أو موتنا جميعًا في لحظة".

ويعكف محمود "40 عامًا" حاليا على تجهيز كل ما يلزم من أوراق رسمية وجوازات سفر له ولأسرته، بالتنسيق مع أحد أقربائه في ألمانيا للإقامة هناك، وقال لـ "العربية.نت" "سأبيع قطعة أرض ورثتها عن والدتي وسأعيش أنا وأسرتي في أمان بعيدًا عن الخوف والرعب الذي صاحبنا طوال فترة الحرب الإسرائيلية على غزة، والتي دامت لـ22 يومًا".
.
‏قال Desert cat
ايوية
يويو وحشانى جدا
طولتى الغيبة اوى المرة دى
المهم يا قمر حمد الله على سلامتك
نموذج الطفل اللى بيشتم بافظع الالفاظ ده هتلاقيه فى كل شارع وكل مكان فى شوارع المحروسة طالما السيد وزير الداخليه قاعد يقول مصر بخير وزى الفل
شرفتينى جدا يا قمر
‏قال Desert cat
MEDUS
المفروض يقول الحقيقة مش عيب يبقى كبير كدا وكداب
مش عارف ان اللى بيكدب بيروح النار
:))
شرفتنى جدا
مودتى واحترامى
‏قال Desert cat
ريماس
يا سمسم انا بس بقول الراجل قدوة يعنى وكدا فالمفروض انه مش يكون كداب

تحياتى يا قمر
‏قال Desert cat
Anonymous
يهربوا انشا الله حتى يروحوا بلاد واق الواق بس يبعدوا عن سيناء

المشاركات الشائعة