اهم ما يميز عملية العميد ميت


لقد قام السيد وائل نصر الله الشهير باسم وائل عباس بعمل جروب على الفيسبوك يحمل اسم عملية العميد ميت .. تضامنا مع المدون محمد عادل والذى تم اعتقاله والسبب قال ايه .. انه متصور وهو ماسك كلانشكوف .. ما يحكمشى .. وسيراً على نهج محمد عادل قام التنظيم السرى للجماعه السرية واللى مقرها مركز شباب ميت غمر واللى بيعقدوا الاجتماعات السرية بتاعتهم برضه فيها بالذهاب الى حى الموسكى لشراء احدث ما وصلت اليها تكنولوجيا الصين فى تصنيع مسدسات المياه المعدنية او مياه الترع مش هتفرق كتير وايضا مسدسات الخرز وكل واحد بقى ومقدرته .. وتم انشاء الجروب بعون الله
وبما انى من المنضمين الى جروب العميد ميت وجدت اهم ما يميزه الآتى
1- من أهم ما يميز عملية العميد ميت .. هو انك اذا كنت من الأجيال القديمة التى لم تعاصر لعب الاطفال وكان اخرهم الكورة الشوراب فها قد حانت الفرصة لتعوض ما فاتك وتعيش طفولتك كما يجب ان يكون وهتعلب بمسدس او رشاش او اختار السلاح اللى ينسابك لو مطوة قرن غزال اهو كله فى النهاية بيؤدى الغرض

2- اذا كنت على وشك الزواج او متزوج حديثاً فقد حانت الفرصة للتعرف على تاجر لعب الأطفال اللى حتماً ولابد هتبقى زبون دائم عنده واكيد من ترددك الدائم هيعملك تخفيض ويبقى ضربت 3 عصافير بحجر شاركت فى العملية واشتريت لعب اطفال لولى العهد وحصلت على التخفيض اللازم .

3- لو اتقبض عليك فى هذه العملية مش هيتعملك قضية ترويع آمنين او ارهاب .. انما ممكن يتعملك قضية حمل سلاح بدون ترخيص .. والطبيعى هيتم اكتشافه انه سلاح لعبه لما الخرزة اللى هتطلع منه يكون اتجاهها فى عين وكيل النيابة وهو بيتاكد ان السلاح لعبه وليس بحق وحقيقى وبالتالى ضمنت تخفيف العقوبة

4- وطبعا دى ميزة لأن كل عضو من اعضا ء عملية العميد ميت ضمن امنه وسلامته فى ان مش فى حد هيعترف عليه او يذكر اسمه اللى هو فى الحقيقة ممكن يكون مستعار لأن كدا القضية اخدت اتجاه تانى خالص

5- الميزة الاهم من كل ده وهى توافر روح التعاون وكل واحد على اتم الاستعداد للتصوير وهو يحمل سلاحه انا بقى عايزة كلانشكوف ولازال البحث جارى

الله .. الوطن .. العميد ميت

تعليقات

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها
‏قال dr.lecter
زي الفل احنا معاكم

وعذرا لان كان في ظروف منعتني اني احضر حفل التوقيع بس عرفت اجيب الكتاب والحمد لله
‏قال مواطن مصري
ههههههههههههههههههههه

لوووووووووووووووووووووووووووووولللل


انا عاوز انضم للتنظيم دة هوا لقيتو اسم للتنظيم بتعكم


ممكن نختار اسم التنظيم
السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية
‏قال أسماء علي
ههههههههههههههههههههه

صبااااااح الخييييير يا قطتي

خلاص قررتوا إن الحل في البلد دي هي الجنان الرسمي
؟؟؟

بس أنا حاليا تحت المكتب من كتر الضحك

صباحك آخر جمال ..
‏قال غير معرف…
نانا اشتركت فى العملية
وجبت المسدس وكله تمام
‏قال Desert cat
م/ الحسيني لزومي
هقراها حاضر
‏قال Desert cat
dr.lecter
انت تنور الجروب يا دكتور
ولا يهمك يا فندم ولو مش كنت جبت الكتاب كنت بعته لك
:))
‏قال Desert cat
مواطن مصري
انضم ياباشا اللنك عندك فى البوست
ده شيئ يشرفنا
‏قال Desert cat
أسماء علي
يا صباح الفل يا سمسمه
هو التظيم شعارة الجنان هو الحل
قومى بقى من تحت المكتب واشتركى
هههههههههههه
ههههههههه
متخيلة منظرك والله
‏قال Desert cat
ريماس
شوفت اسمك منور الجروب
:))
‏قال غير معرف…
فى قرارة انفسهم هم اعداء للديمقراطيه وكراة الأنسان التى جاهدت الأنسانيه طويلا ومازالت لتحقيقها
ومهما تشدقوا وطنطنوا بانهم تغيروا ركوبا للموجه
الا انهم فى الحقيقه والواقع اعداء للحريه وكرامة الأنسان
كل المتمسحين بالدين لتحقيق اغراضهم الدنيويه
هم من هؤلاء
وشاهدوا بانفسكم كيف تقود خماس معارضيها فى غزه كالبهائم فى الشوارع وهم شبه عراه
وهم ليسوا اسرى حرب اسرائيليين ولكن فلسطينيين
http://www.youtube.com/watch?v=ri-u32umbXw&eurl=http://cafedeprestige.blogspot.com/&feature=player_embedded
قطقوطة المقطقطة
تقريبا لما بحب أضحك من قلبي
بجد
ولا يهم مدى الألم الكامن وراء السخرية اللاذعة بدخل عندك
أو عند أحمد المواصلاتي صاحبي
قصدي أحمد الصباغ
بحب جنانكم أنتم الاتنين
يخرب بيت مخك
بس سؤال
وائل عباس ده
هو وائل عباس المدون الشهير ؟
هههههههههههههه
أصلي الأسماء بتدخل في بعضها عندي
بموت فيك يا بنت الإيه
‏قال Desert cat
هويدا صالح / عشق البنات
اديبتنا الجميلة
انتى تشرفى مدونتى ومدونة احمد واى مكان تدخليه يا قلبى
ايون بالظبط هو وائل عباس المدون المشهور
شوفتى بقى الروقان
:))
نورتينى يا جميله

المشاركات الشائعة