أول ميثاق للفتوى في التاريخ الإسلامي

أوصى بعدم نشر الفتاوى الشاذة والترويج لها
170 عالما وفقيها يصدرون أول ميثاق للفتوى في التاريخ الإسلامي

مواطن مصرى ساب لى لنك للموضوع من المصرى اليوم فى البداية حسيت انه هيكون مجرد كلام ليس إلا يعنى فض مجالس مش فى حاجه هتتنفذ .. لأن دلوقتى الفتوى اصبحت لكل من هب ودب كان زمان مش من زمان اوى يعنى من حوالى عشر سنين كان الشيخ يقول فتواه ويتبعها بعبارة هذا والله اعلم .. لكن دلوقتى مع زيادة عدد الخريجين بالتالى مفيش وظائف يعنى الناتج عواطلية فكل عواطلى شغل عقله شوية لقى الطريق سهل قدامه ومش شرط اللبس يعنى يبقى شيخ كوول برضه يعنى ممكن يلبس شيميز وبنطلون ويعمل سكسوكة او بدله مستوردة ويعمل قصة ويقعد يسرسع طول النهار والحاج عمرو خالد ما شاء الله عليه منتشر انتشار النار فى الهشيم ، بمعنى انه مش شرط اساسى مفتيين اليومين دول يلبسوا الجلابية الشهيرة بتاعة محمد حسان ولا الحوينى اللى ملامحه والتكشيرة اللى بيرسمها على وجهه تمنع الخميرة من مخابز العالم كله وقاعدين طول النهار والليل يرهبوا الناس ويخوفوهم على قناة الأنجاس ومش مهم التخصص يعنى خريج كلية تجارة زى خريج دبلوم التجارة زى خريج محو الامية مش فارقه كله محصل بعضه فى ظرف يومين هيحصل على لقب الاستاذ والداعيه والجهبذ والعلامة واى لقب يحلم بيه هينوله هى الالقاب بفلوس يعنى .. دخلت كام موقع اخبارى اشوف الدنيا فيها ايه لاقيت نفس الخبر منشور على اكثر من موقع .. حبيت اشوف ردود الأفعال لكن فى الحقيقة جت عكس توقعى تماما اصلى مش تخيلت ان كل الكم ده من العالم العربى قرفان من كمية العواطلية اللى بيسترزقوا من ورا الفتاوى اللى كل يوم طالعين لينا بيها .. طبعا ماعدا الشرذمة المتشرذمة اللى تركت القرآن والسنة وتقدس اى واحد قاعد يقول سمك لبن تمر هندى لكن قبلهم قال رسول الله صلى الله عليه وسلم وفى النهاية صدق رسول الله صلى الله عليه وسلم
اتمنى ان يتم العمل بهذا الميثاق فوراً لينتهى العالم من فتاوى التكفير لكل المخالف فى الرأى نهايك عن الفضيحة الكبرى فتوى ارضاع الكبير ولا بول الرسول وفتاوى اغتصاب الاطفال تحت مسمى زواج شرعى ، امتا نفتح التلفزيون منلاقيش واحد من المرتزقه قاعد يصرخ فى وجوهنا بكلام ولما نقلب على قناة تانية نلاقى زميله بيقول كلام عكسه لما قلبوا المعايير واصبح الحلال حرام والحرام حلال دون اى احساس بمسؤليه او ذنب

تعليقات

‏قال Unknown
وحشتني المدونة دي قوي ولو اني كان ليا بعض التحفظات عليها بس بجد وحشتني
تحياتي لك وها أنا قد عدت لمتابعتها مرة أخرى
هقرا وأعلق
مودتي
‏قال مواطن مصري
بس انا بحترم عمرو خالد على الاقل المعتدل الوحيد فيهم و فكرة مستنير
‏قال Che
طبعا اللى انتى بتتمنيه ده من باب الاحلام و التخيلات اللى مش ممكن هتحصل
يا بنتى القنوات دى فاتحه بيوت و مشغله رجاله بشنبات بدل القعده و انتى عارفه الايد البطاله نجسه مع انى اظن و ليس بعض الظن اثم هنا ان الناس دى كده كده ايديها نجسه
‏قال غير معرف…
حنان الشريف
اتركي الصراع الخايب مع صاحب مدونة إحساس لسه حي
وتبني دعوة التصويت ضد إسرائيل على موقع السي إن إن
رجاء ثقي بي حبيبتي
هويدا صالح / عشق البنات
‏قال غير معرف…
غزه
انتصرنا ام انتحرنا
بقلم جلال عامب


حضر «الضاني» إلينا عاريا وأخبرنا أنه تبرع بملابسه لأهالي «غزة» وأنه شعر بانتفاخ لحظة إعلان «هنية» الانتصار فأفهمه والدي بأن نشوة النصر تأتي علي هيئة انتفاخ كاذب ونصحه بشرب سوائل طاردة للغازات من قطاع «غزة».. ثم راح يتأمل صورة أخي المعلقة علي الحائط ويسأل «همه لسه ما قبضوش عليه؟» فرد عليه والدي بغيظ «يقبضوا علي مين دي صورة ابني» فقال الضاني «لأ بقي دي صورة الشاب اللي قتل الحكمدار وانتم مخبيينوا عندكم!» ثم أضاف «ده انت طلعت وطني كبير يا عمي.. معقولة مخبي بطل زي ده عندك؟» ثم طلب أن يتزوج «لوزة» حتي لا يبلغ عنهم.. فطلب منه والدي سبع سنوات ليفكر ويرد عليه فوافق «الضاني».. فقالت أمي لأبي «خليك صريح معاه سبع سنين مش هتكون لحقت تفكر خليهم شهر».

فقال الضاني: «لأ بقي شهر كتير همه شهرين مفيش غيرهم!» فوافق أبي وقال «الضاني» «الحمد لله إسرائيل استجابت لدعوة مبارك وربنا استجاب لدعوة أمي» ثم وقف وقال: «علشان أعمل حسابي في الفلوس همه هيحسبوا الأجر المتغير في المعاش بتاع «بوش» ولا هيخصموا أفغانستان والعراق؟».

فقال أبي: «بوش ضامم مدتين يعني هيعدي السبعين جنيه».

وقالت أمي «زي جوز «فهيمة» جارتنا لما ضم معاشه علي معاش «السادات» اعتبروه من رجال الثورة».

فرفض الضاني وقف إطلاق النار وقال «لازم أعرف الأول إحنا انتصرنا ولا انتحرنا»؟.

فردت أختي «خلصنا يا ضاني انت عايز إيه بالظبط؟».

فقال الضاني «بصراحة الشقة اللي انتم جايبنها فيها منور أنا بقي مش عايز منور عايز نفق».

رد أبي «خلاص.. واحنا علينا القوات الدولية!».
‏قال مواطن مصري
http://www.alarabiya.net/articles/2009/01/22/64721.html


شوقي الخبر دة و شوفي التعليقات الحاقدة على مصر

الخبر بيتكلم على خفض صوت الاذان بحيث يبقى على قد المنطقة انما بعض الماطق يبقي الطوت ميكرفون سيء و ان بعضهم بيدو دروس في الميكرفون و ليس للحاضرين في المسجد

انا شايفة قرار جيد

المفروض فعلا الاذان يبقى على قد المنطقة و يكون الاذان بصوت جيد و ميكروفون جيد و ليس عن طريق سماعات الدي جي
‏قال أنا حر
اتمنى تفعيل الميثاق في افرب فرصة لحسن العملية بقت خل خالص
تحياتي
‏قال روابط
شئ جميل ان يصبح لدينا ميثاق شرف للأفتاء, والأجمل ان يتم تطبيقه ولا يظل حبر على ورق.. حيث اننا كمسلمين نعانى من هذا الموضوع معاناة كبيرة بعد ان اصبحت الفنوى لكل من هب ودب والأدهى انها فى اغلبها عن جهل
تحياتى
‏قال غير معرف…
ezayek
enty 3arfa en ana malesh f el seyasa wala el deen awy ana bas gaya 2asalam 3aleky o 2a2olek i miss u
salamo 3aleko ya 2a7la cat
mew
‏قال MaNoO
والله انا احترت بس بلش نغلط فى حد لان كل واحد وليه فكره ودماغه واحد سنة وواحد تانى بيقول انا مش داعية مش دى المشكلة ياجماعة المشكلة فى اكبر مؤسسة اسلامية فى العالم الاسلامى الأزهر الشريف الذى خرج كل شىء عن سيطرته اما بالنسبة لارضاع الكبير او غيره هو اى واحد يتكلم نقول على كلامه فتوى واحنا لينا دور فى تمادى الناس دى فى الكلام دا لان للأسف فى اللى بيهلل ويصقف وخلاص
‏قال مواطن مصري
http://www.youtube.com/watch?v=Tm2nVfkNSeE

KU KLUX KLAN

دول العنصرين البيض

و شوفو دة

http://www.youtube.com/watch?v=wuax7RKJFKU
و دة و ثائقي عنهم
http://www.youtube.com/watch?v=n_YyLEjfQUg
الجزء الثاني
http://www.youtube.com/watch?v=n_YyLEjfQUg
و الثالث
http://www.youtube.com/watch?v=aR_K5fgOR-Q

انما على الجمب الاسود بعد احداث مالكوم اكس

ظهر حزب black panther power

ملحوظة كانت بدايات اغلب نجوم الراب مع الحزب دة زي توباك

و دة وثائقي عنهم
http://www.youtube.com/watch?v=axhhXJqJJ-U
http://www.youtube.com/watch?v=bU3DtBq1uDA

ملعون ابو اشكال العنصرية يا اخي

بكرة في مصر يطلع حزب ل الاخوان الملسمين وواحد ل الاخوان المسيحين


و نبقى زي kkk we bpp
‏قال مواطن مصري
http://www.almasry-alyoum.com/article2.aspx?ArticleID=196027#

«ساويرس» يدعو الليبراليين لمساندة الحكومة ضد «الإخوان» ويؤكد أن الحكومة مازالت تعيش فى عباءة «عبدالناصر»


يا سويرس احنا معاك هو ساويرس قالها عقبال ما الناس تفوق
‏قال Migo Mishmish
العزيزة قطه
الخطوة دى جت متأخرة اوى ..المفروض انها كانت تحصل من زمان ..
طبعا انا مش هاقدر ادخل فى تفاصيل الدين الاسلامى ..لان اهله ادرى بيه ..لكن انا هاتكلم من منظور الشأن العام ..الفرق بين المسيحيه والاسلام فى موضوع الاكليروس او الكهنوت ..انا لا اناقش الفرق فهذا ليس مجاله ..انا اعرف ان فى الاسلام لا يوجد كهنوت ..لكن ليس معنى هذا ان يأتى شخص جاهل عديم المعرفه ويفتى فيما لا يفهم او يعلم ..اعتقد ان الميثاق شيئ جميل للحد من تلك الظاهرة ..فليس من المعقول ان نشاهد داعيه كوووول او نشاهد احد المتحجرين الذين يصدرون فتاوى تقلب الدنيا راسا على عقب
العزيزة قطه
اعرف ان هناك بعض الناس لن يعجبهم تعليقى لمجرد انى قبطى ..وليس لان راييى لم يعجبهم
ولكنى اتكلم من منطلق المصلحه العامه لاننا نعيش سويا فى هذا المجتمع ومايضرك يضرنى بالتاكيد ..فقد يخرج احدهم ويهدر دم الاقباط مثلا فى احدى الفتاوى
اعتقد ان الازهر عليه دور كبير فى هذا الموضوع ..مثلما تفعل الكنيسه ..فلا يصدر كتاب الاو يتم مراجعته بواسطه الكنيسه ..لذلك يجب ان يقوم الازهر بذلك مثلما تفعل الكنيسه بصفتهما اكبر منارات للدين فى مصر والعالم العربى
معلش طولت عليكى
ميجووووووووو
‏قال Desert cat
كاتب مصري
شكرا يا كاتب لزوقك
وانت تشرف فى اى وقت
‏قال Desert cat
مواطن مصري
مين عمرو خالد
حرام عليك
‏قال Desert cat
Che
انا شايفة انها خطوة ايجابية بس لو اتنفذت
هموما انا فرحانه اوى ان المعتدلين بدءوا يفقواو ويتصدوا للغزو الجاهلى ده واللى النهاردة ممكن يكون مجرد كلام مين عارف يمكن بكره يتنفذ ونخلص من المرتزقة دول
‏قال Desert cat
Anonymous
صديقتى الجميلة
وحشانى بجد
لكن استنى صراع ايه ومع مين ؟؟
بقى انا برضه انزل للمستوى ده وادخل فى صراعات مع الاشكال دى
يااااااااى ظلمتينى يا دودو
كلامنا مش هنا كلامنا فى المعرض يا جميل
:))
‏قال Desert cat
Anonymous
الضانى ده بيقول كلام كبير اوى
بس معلشى عايزة اقوله حاجه بخصوص التبرعات اصل هنيه خرج من جحره ولم التبرعات فى كرشه
ولا عزاء لاهل غزة
‏قال Desert cat
مواطن مصري
على فكرة فى كمان جروب على الفيسبوك بينادى بخفض صوت الاذان
انا كمان شايفه انه قرار جيد واشتركت فى الجروب
‏قال Desert cat
أنا حر
العملية سبوبة وتقليب ارزاق يا فندم وانت فاهم الرزق يحب الفتاوى المهلبية الكتير
‏قال Desert cat
حازم سويلم
انا برجع اللوم الاكبر للى بيسمع الفتاوى دى وينفذها على فكرة الرسول قال استفتى قلبك وان افتوك
لكن للاسف الناس لغت عقولها وقلوبها بالمرة
‏قال Desert cat
Sola
سولالالالالا بجد
وحشااااانى
وعلى فكرة انا مش مطنشة يعنى بطمن على اخبارك برضه
:)))
‏قال Desert cat
MaNoO
انا موافقاك اننا لينا دور فى تمادى الناس دى
لان الناس دى لو من البداية اتقفل فى وشها التى فى ولا حد سمع لهم مش كانوا استفحلوا زى المرض العضال بالشكل ده
‏قال Desert cat
مواطن مصري
مش هيجى اليوم اللى يطلع فيه الاحزاب اللى انت مقلق منها دى انا شايفه ان فى بداية صحوة
وان فى عقول ومثقفين بجد بدءوا يظهروا
ويكفى احداث غزة الاخيرة اللى الجميع شعر فيها بتهميش دور المثقفين اعتقد ان بعدها هيبتدى يبقى لهم دور
‏قال Desert cat
مواطن مصري
شوفت العليقات اللى على الخبر
:)))
‏قال Desert cat
Migo Mishmish
اولا وقبل اى حاجه اللى مش يعجبه تعلقيك يتخبط دماغه فى الحيط
واللى الجميع لازم يعرفوه انى مؤمنة جدا ان الدين لله والوطن للجميع ومش من اى حد يصادر رأى حد او فكرة لاختلاف الدين
اما الفتاوى البزرميط فاسمح لى يا عزيزى اقولك ان الجهلة المتربعين على الفضائيات طول النهار هم السبب الرئيسى فى اهانة الاسلام بكلامهم الجاهلى حتى فى الجاهلية مش كانوا بيصرحوا بالكلام ده
انت مش طولت ولا حاجه
انت شرفتنى جدا

المشاركات الشائعة