حفل توقيع دولة الفيسبوك


من وقت مش كتير كتابنا نزل الأسواق
وموجود فى كل مكتبات دار الشروق على مستوى الوطن العربى
وبعد النجاح اللى حققه ونسبة المبيعات فى الفترة الوجيزة دى كان لازم نتوج مجهودنا بحفل توقيع للكتاب
معادنا الثلاثاء 3 فبرابر بجناح الشروق بمعرض القاهرة الدولى للكتاب فى تمام الساعه الرابعه مساءاً
والدعوة عامة
تحديــــــــــث
انت تسال والكمبيوتر يجيب said...
عزيزتنا الغاليه حنان
بمناسبة ظهور اول كتاب من دولة الفيسبوك ننوه عنه يوم الأحد25-1فى برنامجنا الأذاعى انت تسال والكمبيوتر يجيب على أذاعة مصر الرئيسيه اى البرنامج العام التاسعه وعشر دقائق صباحا والتفاصيل فى مدونتنا وموقعنا المدونهnetonradio.blogspot.
http://dear.to/cairoمع \
مع تحيه خاصه للصديق محمد على البسيونى على
جهده الواضح فى خروج الكتاب لحيز التنفيذ

تعليقات

‏قال AHMED SAMIR
الف الف مبروك
وعقبال الكتاب التاني والتالت ان شاء الله
تحياتي
‏قال غير معرف…
الف مبروك يا حياتى
انتى جريئة ومثقفة ممتازة تستحقى الخير كله
‏قال غير معرف…
اخيرا حنشوف النونو انا كنت رايح تانى يوم افتتاح المعرض لكن حأجل ليوم حفل التوقيع بتاع كتابك ولو كلامك معجبنيش الحرب حتكون على ارض الواقع استعدى
‏قال عماد
الف مبروك يا قطة الصحراء و إلى الأمام دائما
‏قال مواطن مصري
هو المعرض مش هيخلص 2 ولا امتى
؟
‏قال Desert cat
A.SAMIR
الله يبارك فيك يا احمد
ميرسى جدا لزوقك
‏قال Desert cat
ريماس
تسلمى لى يا حبيبتى
ربنا يخليكى ليا
‏قال Desert cat
Anonymous
اشطة اوى
يا اهلا بالمعارك
‏قال Desert cat
تشاندرا
ميرسى جدا ليك تشاندرا
‏قال Desert cat
مواطن مصري
لاء احنا هنروح نقفله
يعنى يوم 3
‏قال غير معرف…
انا هاجي بس مش هاقولك انه انا ابقى انا
‏قال Desert cat
An Egyptian
برضه هعرفك
ههههههههه
‏قال dr.lecter
هاكون هناك باذن الله لو فضيت

ولو تعرفوا تروحوا جناح الشروق اللي في سيتي ستارز كمان يبقي زي الفل

الف مبروك والكتاب هاجيبه من هناك
‏قال amunraa
الف ميون مبروك
‏قال V.Hayat
طب انا فى دبى شو اسوى كيف احضر ها التوقيع ممكن تبعث لى نسخة والحساب عندك يا قطة

ما تنسى التوقيع
الف مبروك

وإن شاء الله بالتوفيق دائماًَ


تحياتي
وليد
‏قال مواطن مصري
http://www.almasry-alyoum.com/article2.aspx?ArticleID=195696&IssueID=1292


اخيرا فوضى الفتاوي شكلها هتنتهي


و مش هنشوف الشيوخ اياها
‏قال مواطن مصري
http://www.facebook.com/group.php?gid=45278067991


مصر اولا مصر للمصرين
‏قال Desert cat
dr.lecter
هو بالفعل احنا كنا مرتبين مع دار الشروق ان حفلة التوقيع تتعمل فى جناح الشروق اللى فى سيتى ستارز اول لما الكتاب نزل .. لكن تزامن حفلة التوقيع مع المعرض ففضلنا انها تكون فى المعرض
ياريت يادكتور تحاول تحضر الحفلة حقيقى حتشرفنا جدا
‏قال Desert cat
amunraa
متشكرة جدا جدا ليك
‏قال Desert cat
حياة
ياااااااه ده انا اجيبه لك واجى لحد عندك انتى تؤمرى يا جميل
من عنيا نسختين وعليهم التوقيع كمان
:))
‏قال Desert cat
!!! عارفة ... مش عارف ليه
الله يبارك فيك يا وليد
ميرسى جدا لزوقك
‏قال Desert cat
مواطن مصري
الفتاوى دى سبوبة يا فندم بيسترزقوا من وراها
ما اظنش انها حتنتهى بالسهولة دى
‏قال Desert cat
مواطن مصري
انا مشتركة فيه على فكرة
وطبعا مصر اولا غصب عن اى حد
:)))
‏قال غير معرف…
الف مبروك يا قطة
باذن الله هحضر
‏قال Desert cat
gehad
اااااااااااه
ربنا يستر
‏قال غير معرف…
متخافيش يا قطاقيطو
انا حا جى اهنى وابارك واشترى الكتاب
انما اى خلافات فى الرأى مهما كانت متمنعش غلاوتك عندى
الف مبروك يا نونو
‏قال Desert cat
gehad
انا كنت بهزر يا جهاد
وحقيقى مش عارفه اشكرك ازاى على زوقك انت هتشرف الحفلة جدا
‏قال مواطن مصري
قطة

اسرائيل جهزت جيش من المدونين احنا لازم نشكل جيش للرد على جيش المدونين الاسرائيلين بشكل حضاري


شوفي لو فية مدونين بيتكلمو لغات يبقى فية مدونة نرد بيها عليهم عشان منسيبش فرصة يسيرو على الميديا التدوينية و ينافسونا

عشان على الاقل نبقى ساعدنا المدنين الغلابة في فلسطين
‏قال أحمد بكر
الف مبروك و يا رب بالنجاح ديما
‏قال Desert cat
مواطن مصري
الخبر ده كان نازل فعلا من يومين على مصراوى
انا شايفه انه لمجرد الفرقعه زى نظام الرسايل التحذيرية اللى كانوا بيقولوا انهم بيبعتوها للفلسطينين بوجود متفجرات مثلا لارهابهم
عموما شوف انت عايز تعمل ايه وانا معاك
‏قال Desert cat
بيكر(baker)
الله يبارك فيك بيكر
ميرسى جدا ليك
‏قال عماد
خساره إنى مش هقدر أحضر الحفل
أتمنى يكون فى فرصه أخرى للحصول على توقيع على الكتاب
‏قال Desert cat
تشاندرا
الخسارة لينا احنا ياباشا
كنت اتمنى وجودك والله
ان شاء الله تععوض فى مرة تانية
الا مش قولت لى اخبار الشيك ايه ؟؟؟
ههههههههههههههه
‏قال عماد
طيب لو عرفت أجى أخد توقيعين بدل توقيع واحد على الكتاب ؟
الشيك وصل و عليه ذياده كمان ؟
ههههههههه
‏قال Desert cat
تشاندرا
يا سلام انت تؤمر
3 توقيعات كمان مش توقيعين بس
المهم انك تيجى
بالنسبة للشيك اى خدمة انت تؤمر
لو اخروه عليك تانى ابقى قول
ده الناس لبعضها هههههههههههههههه
والله انا سعيدة اوى بالحوار ده
ربنا يشفيهم

المشاركات الشائعة