خلفاء الله فى الأرض

مع انتهاء العصور الوسطى هذه الحقبة الزمنية التى شهدت ابشع انواع التخلف والجهل والفكر البربرى .. ومع ظهور بيير بيل وفوليتر وجان جوك وكل فلاسفة التنوير الذين كانوا النبراس الذى اضاء الطريق حتى اليوم ظننت اننا نحيا فى عصر التطور التكنولوجى ونواكب التقدم والرقى .. ولكن اليوم وبعد صدور فتوى تنظيم القاعده بالمغرب عن إهدار دم عادل امام والذى تجرأ وأدلى برايه وعبر عن موقفه تجاه حماس بأنه يرفض موقفها الداعم لانشقاق الصف الفلسطيني كما انه انتقد المظاهرات، وشعارات بالروح بالدم نفديك يا فلسطين وإضراب التجار في مصر ووقف السوق تضامنا مع الفلسطينيين. وقال: "أعتقد أن هذه الأفعال تفيد إسرائيل أكثر مما تضرها؛ لأننا نخرب اقتصاد بلادنا". .. فلقد تمطع ابو مصعب عبدالودود ليتقيئ لنا فتواه التى تفيد باهدار دم الزنديق الكافر عادل إمام .. هكذا عادت عقارب الساعه الى الخلف قرون .. فمن يعبر عن رايه زنديق وكافر وواجب اهدار دمه .. فلم نرى أياً من هؤلاء البلطجية السفاحين قتلة من يخالفهم الرأى يقفون نداً فى جه اسرائيل .. ومن اعطاهم الحق باصدر فتاوى فى قتل وسفك دماء من يخالفهم الرأى ؟؟ من الذى عينهم وسطاء ربانيون فالموت والحياة لله فقط وليس لهمج يرتكبون حماقتهم ويلصقونها بالإسلام .. واى اسلام هذا الذى أمر امثال هؤلاء البلطجية بسفك دماء المخالف لهم فى الرأى ... ما هذا الفكر الهمجى وما هذه البربرية التى يحيونها .. ومن الذى جعلهم اوصياء على الناس فى الأرض ؟؟
ومن الذى أعطاهم الفصل والقرار فى موت وحياة الآخرين ؟؟
ومن الذى يستطيع ايا كان حجمه او وزنه يصادر حق الآخر فى التعبير عن رأيه ؟؟
لا عجب فى العيال المطلوقة ليل نهار على النت كالبعير تقل ادبها على كل من يخالفهم الرأى ينعتوه بالكفر فاذا كان معلموهم لا يفقهون سوى سفك الدماء فكيف يكون منطق هؤلاء المتخلفين
فما يستحق اهدار دمه سواهم لتنظيف العالم من رواسب الفكر الظلامى المتبقية والتى تتمثل فيهم

تعليقات

‏قال مواطن مصري
احنا ل الاسف بنعيش في الجاهلية الحديثة



كلنا عادل امام


امتى بقى نشوف العالم من غير الارهابين الظلامين سواء ظلامين اسلامين او ظلامين مسيحين المتطرفين يعني
‏قال مواطن مصري
http://www.youtube.com/watch?v=58JIuWi-t2M


شوفي تحليل محمد هاشم عن الي بيحصل في غزة
‏قال romansy
افكار كتير قوى بتتنفذ من غير ما حد يحاول يفكر فيها حتى


وطوائف كتير

وياريت حد فاهم حاجه
للاسف ده حال العرب و لا كرامه حاليا الا لصاحب الصوت العالى بلا حجه بس من اجل ارهاب الاخر
‏قال عماد
إعلان لو تكرمتى

الزنا ليس علاقة جنسية
هل قالت مريم : لم أك زانية أم لم أك بغيا ؟
و ماذا قال الله عن يوسف : كذلك نصرف عنه الزنا أم كذلك نصرف عنه السؤ و الفحشاء ؟
مهما كان الموضوع جديد بالنسبة لكم فهو يحتوى مفاجأه ليست بالجديدة فالسلف لايملك من الحق شيئا وكل ما عندهم إتباع الظن
أحمد الله تعالى على خروج الحق . إن كتاب الله يدحض أفكارا كثيرة لأصحابها كتبوها و عاشوا عليها سنوات طويله فليعيدوا النظر فيما كتبوا
الزنا ليس علاقة جنس
http://somethingforthesoul.blogspot.com/2009/01/blog-post_19.html
‏قال V.Hayat
خلصت غزة ودخلنا على عادل امام احلى شى ان الشعب العربى بينسى بسرعة الحمد لله على ها النعمة
‏قال Che
اللى اداله الحق فى الفتوى دى هى انه اتبره خارج عن المله و بالتالى يجوز قتله قبل ان يتسبب فى فتنه
و بعدين ماتزعليش ... اهو عادل امام استحل دمه و احنا اتحطينا على البلاك ليست بتاعت الناس اللى شايفه اننا كفره عشان احنا مش من رأيهم
ما علينا الصح اننا مانردش عليهم عشان الناس دى تربيتهم واطيه
‏قال amunraa
صباح الفل يا قطة قبل ما اعلق واقول اللي في نفسي احب اسالك هو الواد احساس لسة حي ماله ومالك هو الواد ده عبيط
المهم نيجي للتكفير وخلفاء الله في الرض للاسف الناس دة مش خلفاء لله دول عملوا نفسهم الهة يقرروا مين يموت ومين يعيش مش علي عادل امام بس مهم برضوا اللي قتلوا فرج فودة وحاولوا يقتلوا نجيب محفوظ هم بيقتلوا ويكفروا كل نور
الاسلام السياسي اثبت فشلة مرات عديدة لهم اذان
ولكنهم لا يسمعون ولا يفهمون
‏قال غير معرف…
احنا عايشين فى قرون وسطى المشكلة انها مش بتعدي دايما زمننا قرون وسطى
‏قال الربان
تحياتي

طبعا هذا الكلام الصادر عن الجماعة اياها...يدل عي قصور في الوعي الديني

الاسلام دين المحبة و السلام...الم يسمعوا
عن حديث الرسول الكريم فيما معناه:

من عان علي قتل مسلم و لو بشطر كلمة
كتب بين عينيه آيس (اي يائس) من رحمة الله.....او كما قال صلي الله عليه و سلم.
فما بالنا بمن يصدر فتوي تهدر دم انسان

نسأل الله لنا ولهم الهداية و العودة الي الرشد...

تحياتي و تقديري يا استاذة.
‏قال أنا حر
طيب واللي بيحب عادل امام وهو بالنسباله الممثل الاول ياخد نفس العقوبة برده؟؟؟
:(
انا كده هموت بدري بدري
انا اول ما قريت الخبر جيت جري على مدونتك لاني عرفت انك هتكتبي عنه فبصراحة حبيت افش غلي فلقيتك قمتي بالواجب
ربنا يرحمنا ويخرجنا على خير منها وما يبقاش شعارنا
خدوا الفتوة من افواه المجانين
تحياتي
‏قال مواطن مصري
http://www.alarabiya.net/articles/2009/01/19/64531.html


الكتاب على دولة الفيس بوك على العربية

http://www.alarabiya.net/articles/2009/01/19/64539.html
العراقيون "يفضلون" العلمانيين على الإسلاميين في الانتخابات المقبلة


ش احنا اولى اننا نكون مجتمع علماني

مش العراق على العموم مبروك للعراقين على التخلص من الظلامين
‏قال Desert cat
مواطن مصري
اعتقد انه لسه بدرى على ما نشوف العالم بقى نضيف من السفاحين والبلطجية دول
‏قال Desert cat
مواطن مصري
هو فى نقط حلوة على فكرة اثارها خلال كلامه لكن للاسف الحلقة مش كامله
‏قال Desert cat
romansy
ياريته نقد
ده اهدار دم
يعنى الاعتداء على حياة انسان
‏قال Desert cat
صيدلانيه طالعه نازله
المشكلة ان صاحب الصوت العالى فى الغالب انسان ضعيف لا يملك سوى ثقافة القتل والبلطجة
تحياتى
‏قال Desert cat
تشاندرا
انت تؤمر
المدونة كلها تحت امرك يا فندم
:)))
‏قال Desert cat
حياة
والله اعلم مين تانى بعد عادل امام
كل المعارض فى الراى لازم يقتل
‏قال Desert cat
Che
يا عزيزى ده قانون البلطجية ومعدومين العقل
بالنسبة لنا بقى فمين دول اصلا اللى نعمل لهم اعتبار
ولا نعبرهم ونرد عليهم
لو كل كلب القمته حجر لصار الحجر بدينار
وطبعا خسارة فى الاشكال دى سحتوت
:)))
سيبك انت نورتنى
‏قال Desert cat
amunraa
يا صباح الجورى والبنفسج
عديم الاحساس ده واحد واخد بالجزمة قبل كدا فى مدونتى الف مرة واى كومنت يكتبه برمية فى الزبالة من مجرد ما اشوف الاسم مش بفكر حتى افتحه
وصل لدرجة الهوس بحاجه اسمها قطة الصحراء واصبح زى ما انت شايف كدا
نايم صاحى يحلم بالقطة لكن ولا بعبره ولا هعبره ههههههه
بالنسبة للظلاميين
فهم لا يفقهون من الحياة سوى القتل والخراب وسفك الدماء والمشكلة انهم يقولوا لك حكم اسلامى
انهى اسلام اللى بيتكلموا عنه متعرفش الحقيقة ومين امرهم بكدا او فهمهم ان ده الاسلام الله يريح العالم منهم ومن على شاكلتهم

شرفتنى جدا
‏قال Desert cat
An Egyptian
طيب وتعدى ازاى
ايه رايك لو نبادلهم نفس الفكر ونبيدهم من الحياة صدقنى مش بهزر اصلهم عالم بهايم مش بيفهمو يبقى الحل ابادتهم ابادة جماعية
‏قال Desert cat
الربان
المشكلة يا استاذى انهم يصدروا فتاويهم الهابطة وينسبوها للاسلام كلمة اسلام نفسها التى لا يفقهون معناها خالية من سفك الدماء والاجرام

شرفتنى جدا
مودتى واحترامى
‏قال Desert cat
!!! عارفة ... مش عارف ليه
للاسف فى ناس بتسمع وتقول الله اكبر هو ده الحق
‏قال Desert cat
أنا حر
اللى بيحب عادل امام اعتقد انهم ممكن يصفوهم فى ميدان عام ويضربوهم بالنار
يادوب نلحق نستخبى
:)))
بعد الشر عنك يا احمد من الموت
ان شاء الله هما واللى يشبه لهم خلينا نخلص
بالنسبة لفش الغليل فده اقل واجب الحقيقة
شرفتينى جدا جدا
ونورت المدونة
‏قال Desert cat
مواطن مصري
اشكرك جدا جدا على لنك الكتاب
من يومين كان محمد البسيونى برضه على النيل الثقافية بيناقشه
اما بالنسبة للعراقيين فاعتقد انها خطوة على طريق التقدم عدد التصويتات الاكثر للحكم العلمانى
الناس خلاص قرفت من اللى بيتاجروا باسم الدين وهما لا يعرفوا عنه اى شيئ وانما كل افعالهم ارهاب وبلطجة
‏قال غير معرف…
اخر خبر ان حماس اكتشفت ان الجنود الاسرائيليين اللي هزموا واحتلوا خمس دول قي ست ايام انهم بيلبسوا بمبرز طيب ازاي عرفوا على فكره حماس قليلة الادب
‏قال أسماء علي
بجد أنا زهقت يا حنان
و هاطلع عن هدوئي المعتاد لأني قرفت بجد
هما فاكرين روحهم مين عشان يحللوا دم ده و يصفحوا عن ده هما فاكرين روحهم ربنا و أنا مااعرفش ..

الله يحرق التشريع البديل اللي أخدوه بدل القرآن عشان يطيحوا في الناس

زي حد الردة اللي مالوش وجود في القرآن و اسُتحدث لظروف الردة بعد وفاة الرسول و بقى تشريع أساسي

اللهي يارب ينتقم منهم على تشويه صورة الدين

و كمان هو كل واحد حر يبقى مع حماس و لا ضدها هي حماس دي ايه ماهما إلا اخوان مسلمين متنكرين في الإسلام و بيسفكوا في دم الناس ..

حاجة زفت أنا تعبت من الناس دي

...
معلش يا حنان آسفة على عصبيتي بس بجد أنا زهقت من هدوئي و الناس دي ماعندهاش لا دم و لا احساس و لا دين ..
‏قال Desert cat
Anonymous
ده بيعلموا اسقاط
‏قال Desert cat
أسماء علي
حبيبى خدى راحتك المدونة مدونتك
لكن هؤلاء الجهله الظلاميين ميستحقوش حرق دمك دول ستحقوا حرقهم بالنار فى محرقة جماعيه
شوفتينى وانا متطرفه هههههههه
نورتينى يا جميله

المشاركات الشائعة