فى انتظار رد من الحكومة المصرية

النظام الإيراني يمنح الجائزة لمن يغتال الرئيس المصري
أعلن عدد من المؤسسات والمنظمات التابعة للنظام الإيراني جائزة لمن يغتال الرئيس المصري.وكتبت وكالة أنباء (فارس) الحكومية: أعلن عدد من المنظمات والمؤسسات وخلال مراسيم خاصة بان يمنح مبلغ مليون دولار لشخص في أي مكان في العالم ينجح في تنفيذ ما وصفوه بـ «الاعدام الثوري لحسني مبارك هذا الارهابي الدولي».هذا وفي عددها الصادر يوم أمس الاحد كتبت صحيفة (جمهوري اسلامي) الناطق باسم ولي الفقيه خامنئي في افتتاحية وصفت الرئيس المصري بانه (فرعون) و(مفسد) وطالبت بالقضاء عليه.

لنك الخبر برضه .. من عند مواطن مصرى
المجزرة الحاصلة دلوقتى فى غزة واللى السبب الرئيسى فيها حكومة حماس اللعينة وليس مصر ولا شعب مصر ولا حاكم مصر اظهرت
فعلا مدى الحقد فى القلوب ضد مصر .. اظهرت حقا مين العميل ومين الخائن ... يعنى حسن زعبولة بخطاباته اللى قام فيها بتحريض المصريين على بعض وقناة الحقيرة اللى قايمة بواجبها ضد مصر على اكمل وجه زادت من شعبية الرئيس المصرى وأتت الرياح بما لا تشتهى السفن .. ولما مالقوش حل والاخوانجية جعجعوا شوية فى الشوارع وبدأ الأجواء تهدى دون اى انقلاب داخل مصر ... ظهر الجرابيع والرعاع على حقيقتهم وافصحوا على ما تكنه صدورهم وفضحوا نفسهم ايم فضيحه بالجائزة الحقيرة التى رصدوها لمن يغتال الرئيس مبارك ... بعد ان امقت الجميع نصر الله وقام عدد من المحامين المصريين برفع قضية ضده فى المحكمة الجنائية القومية بسبب تصريحاته التحريضية فكانت بالنسبة لهم خنجر فى ظهورهم لم يتخيلو ان الشعب المصرى من الممكن ان يهب ليقف بجوار من يمثل مصر باكلمها وهو رئيسها ... فالى الجحيم ايران ونصر الله وحماس والاخوان فجميع هؤلاء فى كفة واحدة لا يعلمون سوى فقه الجنازير والارهاب ... لا يحترمون حقوق ولا يعلمون اتفاقيات ... لا اعلم لماذا النظام المصرى يمهل الاخوان هذه الفرصه ويتركهم يعيثون فى الارض فسادا فالاولى بهم جمعهم فى قفص للدجاج والالقاء بهم فى اول محرقة لحفظ الامن العام

تعليقات

‏قال غير معرف…
اسرائيل ما والت تعرض
10.000.000 %
عشرة مليون دولار مقابل جندي حيا او ميتا

دة رابط لاعلان مدفوع بقالو سنين وياما ملايين بتتصرف على الاعلان
http://www.y-i-s.co.il/lahofesh/soltan.htm

فكم يجب ان يكون ثمن رئيس جمهورية مصر؟؟؟

لن يكفي ايران وكل دول الشرق الاوسط واموالها مقابل جزمة رئيس جمهورية مصر

مليون واحد فقط فهذا يعكس كم هو رخيص الذي يدفع فقط مليون لانني استطيع ان اعطيه اتنين مليون وهييجي يبوس جزمة مبارك
أولا إسمحى لى أن أبدى إعجابى الشديد بوطنيتك ومصريتك التى أشاركك فيها مشاركه تامه
وأحييك أكثر على شجاعتك ووضوحك فى إبداء رأيك غير مباليه بأى مضايقات أنا متأكد من تعرضك لها
أنا أيضا مثلك أعتقد أن حركه الإخوان المجرمين كما كان ينعتهم ثروت أباظه هى أكبر تهديد مع موجه الهستيريا المتأسلمه يهدد مصر, ولا يقل تهديدها عن خطر وجود إسرائيل على حدودنا الشرقيه
بل وأعتقد أن إسرائيل أسهمت بقوه وعن قصد فى تنامى قوى الظلام متمثله فى حماس عن طريق الإذلال المتعمد والمستمر لفتح والقوى المدنية بشكل عام
كما أن أى قوه معادية لمصر سيسعدها وصول هؤلاء المجرمين للسلطة فهو ضمان سلامتهم و تأخر الأمة المصريه لقرون
ولكن فى نفس الوقت لا يجب أن نتناسى أن إسرائيل أيضا هى أكبر تهديد لمصر أرادت أم لم ترد! فالتاريخ والجغرفيا السياسيه أوضحا أن مصر يجب أن لا تسمح بوجود قوه أكبر منها فى الشرق
إن فكره القوميه العربيه التى تم إختراعها فى الخمسينيات لم تكن إلا وسيله لضمان إمتداد النفوذ المصرى شمالا لضمان أمننا القومى
أنا معك أن قوى الظلام الداخلية خطر داهم ولكن تقوقعنا وإنعزالنا هو أيضا خطر يهدد مصر على المدى البعيد
المصيبه أن النظام الحالى لا يعى ولا يمتلك القدره على مواجهة الخطر الداخلى أو القدره على تفهم مدى قوه مصر الإقليميه
لذلك أعتقد أن مصر تستحق ما هو أفضل بكثير من خيار الظلام المتربص للإنقضاض على السلطة وبالتأكيد لما هو أفضل أيضا من النظام الحالى الذى إستنفذ كل أسباب وجوده
تحياتى
‏قال غير معرف…
انتى طلعتى اسرائيلية ما تقولى كدا من بدرى اتاريكى كنتى بتجاهدى وعروقك طالعه من حنجرتك فى قضية نهى رشدى ولما اخواتك حماس بتخلص عليهم هتموتى هنا علشانهم ربنا ينصر عليكو حماس وحسن نصر الله وتسقطى انتى واهلك من بنى صهيون
‏قال Che
ايران و حسن نصرالله اثبتولى انه فعلا ماينفعش تكون فى حكومه قائمه على نظام دينى و تنفع
و قبل حد ما يتشنج احب اقولهم راجعوا التاريخ ( دوله الامويين - العباسيين - الفاطميين - حكومه المهدى السودانيه - ال سعود - ايران - حكومه بوش - حزب الله و اخيرا حماس اخر العنقود ) و اللى مش عاجبه التاريخ يراجع الجغرافيا ( السعوديه - ايران - امريكا - لبنان - فلسطين ) عشان يتاكد انه لا التاريخ و لا الجغرافيا بينصفوا الحكومات القائمه على نظام دينى
و قبل ماحد يدينى مثل بايام الرسوا عليه الصلاه و السلام احب اوضح انى مش معترض على كده بس افكرهم بايه فى القرآن الكريم " تلك امه قد خلت لها ما كسبت ولكم ما كسبتم و لا تسالون عما كانوا يعملون " اكيد مش معقول كل الحكومات دى على امتداد التاريخ و امتداد الجغرافيا كانت غلط .. بس ايام الرسول ده كان التطبيق المثالى .. هاتولى حد يطبق التطبيق المثالى ده و انا امشى وراه
‏قال غير معرف…
متهيألي مصر هاتغلوش عالموضوع لاحسن تكبر فى دماغ حد و يغتالوه بجد
‏قال lastknight
لم أنتخب حسنى مبارك و لا أوافق على وجوده رئيسا لمصر من أساسه .. لكن أن يأتى كلب أجنبى أرهابى و يهدد رمز بلادى .. ساعتها ستكون روحى فداءا لرمز بلادى .. و أكون ساعتها شهيدا دفاعا عن كرامتها
عموما هذا ما هو متوقع من أؤلئك المتشدقين بالحق الألهى .. من أيران لحزب الله لحماس للأخوان ... الخ
بالمناسبه .. تم أنشاء عصابه جديده فى لبنان أيضا باسم المقاومه الأسلاميه .. المسأله أصبحت موضع .. يمكنك مراحجعة موقع العربيه لمزيد من المعلومات حول العصابه الجديده
مليون بس
انا اعرف ناس ممكن تدفع 80 مليون و يخلصوا الموضوع
و هو يعني الناس بتغتال سياسيا محتاجه فلوس او مكافأه و ان شاء الله الفلوس دي تجوز للورثه بعد لما هذا الشخص يتقتل

يابنتي بلاش كلام فارغ من ناس فارغه فاكره النكرة سلمان رشدي اللي بقاله سنين مهدور دمه و لسه بيعك

تحياتي
‏قال MaNoO
كدا تعجبينى مصرية بينت مصريين فعلا
مش مع الهوجة وخلاص زى كل الناس هيا مصر كانت هيا اللى احتلت فلسطين عايز الناس التانيين يردوا عليا ليه مصر دايما فى وش المدفع ليه مصر تحارب ومصر تعمل هدنة مهما ما كنا مختلفين مع الرئيس مبارك بس فى دى لا فى المزايدة والكلام الفاضى لا مش هنكون ضده احنا مع الحق ظهروا اوى فعلا على حقيقتهم كله بيكره مصر وكله مش عايزها على الخريطة اصلا

عجبنى رأيك بجد وتقبلى مرورى المتواضع وأتمنى التواصل
‏قال مواطن مصري
عاجل مجلس الامن يوافق على المبادرة المصرية

اخيرا و عملوها المصرين احنا بتوع افعال مش كلام

فين ايران الي قعدت تشتم في مصر و عاملة 1000 راجل في بعض مقدمتش لا مشروع ولا بتاع و فين اليمنين الي اقتحمو السفارة مسمعناش صوتهم


احنا بتوع افعال بس يا رب حماس ما تخترقش القرار بوقف النار ك العادة او اسرائيل تستعبط

انا اتفق مع بنود القرار
بيلزم فتح المعبر
وقف اطلاق النار
دخول المساعدات الانساية
توحيد الصف الفلسطيني و دة دور تركيا و مصر
وجود مراقبين دولين على المعبر
الزام الطرفين باحترام الاتفاقية
و دي مبادرة الرئيس مبارك و الوزارة الخارجية
مع الفرنسية

مش عاوز اسمع صوت عربي حقود يتكلم عن مصر بعد كدة

بس نقطة كمان الوزير خارجية لبيا اتكلم حلو رد على كوندا و قالها انتو بتتكلمو على شاليط شاليط و انتو عندك 11000 اسير

و بان كي مون هيزور المنطقة الاسبوع الجاي
‏قال إيمان قنديل
تصدقي انا لما بأقول أن كل الكلام ده أستعراض بطولات زائفه امام شاشات التلفزيون، وأن سهل قوي نتفرج على التلفزيون وأحنا نايمين على السراير وبنقلب بالريموت كنترول ونقول مبارك خاين وعميل ولازم يفتح المعبر ولازم يدخل حرب والكلام اللي حايودي مصر وشعبها في مصيبه، يقولوا لي أني باحب النظام العميل


وأسمه شوية كلام مالومش فايده
التخاذل
التواطيء

دور مصر التاريخي


وكأنه من المفروض علينا ندفع تمن أن يعيش الآخرين من دم أولادنا ومن إقتصادنا وفقرنا

أي نظام عميل انا بحب بلدي وخايفه عليها


خلاص مصر متخاذله ومتواطئة يشوفوا لهم حد تاني غيرنا يشيل اللعبه اللي طول عمرنا شيالنها

احترامي زاد ليكي اقسم بالله العظيم
‏قال Desert cat
علشان مصر
على ادهم
دلوقتى كل واحد عايز يزايد يطلع بافتكاسه جديدة
واخرها قتل الرئيس المصرى
الله يحرقهم
‏قال Desert cat
MASRY
اولا ميرسى لحضرتك جدا على ثنائك
ثانيا انا متفقة مع كل كلامك
لكن فى نقطة عايزة اوضحها انى مش معنى انى ضد اللى بتعمله حكومة حماس يبقى انا مشجعه العدوان الاسرائيلى
لكن اان بس بحب اوضح الفرق بين ناس مش وراها غير الكلام وبين ناس بتعمل من غير ما تتكلم

شرفتنى جدا
مودتى واحترامى
‏قال Desert cat
Anonymous
صحاب العقل فى راحه
‏قال Desert cat
Che
احييك على معلوماتك القيمة بجد
لكن عندنا كام واحد بعقلك وبتفكيرك
للاسف المغيبين بيدمروا المجتمع بهمجيتهم وردهم الجاهز عايزين الحكم الاسلامى
طيب ما تبصوا حواليكو على نادوا بحكم اسلامى وشوفوا الحكام اللى اختروه عملوا فيهم ايه

مودتى
‏قال Desert cat
An Egyptian
انا برضه بشك فى كدا
بس المفروض يكون فى وقفه
‏قال Desert cat
lastknight
انا ايضا لم انتخب حسنى مبارك
ولكن نفس السبب الذى من اجله استفذتك كلمات هؤلاء الارهابيين هو نفسه ما استفذنى
طالعت الخبر واصابنى القيئ
كل عواطلى دلوقتى بقى بيشكل حزب ويلزقه فى اسم اسلامى وحيا على الجهاد

تحياتى
‏قال Desert cat
أحــوال الهـوي
والله حاجه تضحك فعلا
وبعدين هو فى اغتيال سياسى واغتيال على الشريعه الاسلامية
واغتيال على البركة
تقريبا اصاب عقولهم الصدأ

تحياتى لحضرتك
‏قال Desert cat
MaNoO
علشان عاجزين لا يملكون من امرهم رشدا
بيلقوا اللوم على مصر
سعدت بمرورك ويشرفنى التواصل
تحياتى
‏قال Desert cat
مواطن مصري
حماس رفضت الهدنة
اصلها لسه مش خدت الاذن من اولياء الامر ايران ونصر الدمار
‏قال Desert cat
GHARAM
جعجعه وشعارات وكلام على الفاضى علشان كل واحد يحس ان ضميره مستريح وعند الفعل تلاقى كل واحد شايف السرير فين علشان يستخبى تحته

اشكرك جدا لكلامك الطيب
طبعا الاحترام متبادل
مودتى واحترامى
‏قال مواطن مصري
http://www.alarabiya.net/articles/2009/01/08/63816.html


ايران بتدعم ب اللام فقط خبيتهم
قطتي العزيزة
بجد ضحكت
فكرتيني بالبوست بتاع حامد الجامد
الحقيقة يبقى ليهم الشكر لو نفذوا خطة اغتيال الريس حنتيرة
طبعا تعرفين أنه لا أحد يستطيع أن يزايد على وطنيتي
ولكن بيني وبينك
كمية الفاسدين في البلد
واللي اتربوا واترعرعوا وسمنوا ولغدوا وكرشوا في عهد نظام جنابه يخليني أضحك وأقول يا ريت
إذا كان محدش عارف يعملها في مصر
طيب ممكن نحطه على البرج ونقربه شوية من ربنا يمكن ياخد باله ويرفعه من على صدورنا اللي اتكتم نفسها ؟
الجماعة بتوع السعودية في نكتة ما كده ربطوا الملك بتاعهم وطلعوه على سطح الكعبة
وقالوا لربنا جبناه ليك مربوط أهو خلصنا منه
ههههههههههههههههههههه
‏قال Desert cat
مواطن مصري
انت بعت اللنك فى نفس الوقت اللى بنزل فيه البوست
سبحان الله على توارد الخواطر

:))))))
‏قال Desert cat
هويدا صالح / عشق البنات
حبيبتى طبعا كلامك مفهوم
طبعا مفيش حد يقدر يزايد على وطنيتك
والغرض من كلام مفهوم لجميع وتقريبا بتعبرى عما يدور داخل الجميع
النكتة جامده
الشعب السعودى ده طول عمره ابن نكته بالصدفة
:)))
مودتى

المشاركات الشائعة