ده لعب عيال بجد

حزب الله: لن نقوم بأى خطوة استباقية إلا فى حالة اعتداء اسرائيل على لبنان
ده طلع فعلا لعب عيال بجد وانا اللى كنت بهرج فى البوست اللى قبل الاخير وبقول ان حسن نصر الله ومن شاكلته عامل زى التلميذ البليد اللى مش عمل الواجب وقال ان زميله سرق القلم بتاعه ... امال فين التحريض اللى كان بيحرضه للمصريين وانه عايز ثورة وحرب .. المفروض بقى يتلهى على عينه ويسكت ... وعلى فكرة بعد البيان العجيب اللى وضح خلاله انه لن يتحرك ضد اسرائيل الا للدفاع عن النفس قامت6طائرات اسرائيلة برحلة داخل الاجواء اللبنانية ولا حد قالهم انتوا بتعملوا ايه .. يا حلولى على الجدعان .. يا سلام على الشجعان .. انا مش شمتانة فيهم وفى خيبتهم القوية اصل الشماتة ليست من قيم السادة انا بس بوضح صورة البطل من ورق اللى طلع يزايد على مصر ويجعجع ويحرض المصريين على بعض المفروض بقى الاخوانجية هما كمان يتكتموا اصل الرجال افعال لا اقوال والرجالة جت وقت اللزوم وكسكست
التعليق ده سابه الصديق مواطن مصرى فى كومنت
http://www.washingtonpost.com/wp-dyn/content/article/2009/01/04/AR2009010401434.
خيار الثلاث دول بيتكلم عن توطين غزة و حماس
في سيناء تحت الادارة المصرية و توطين فتح في الاردن و تكون تحت الادارة الاردنية عشان كدة حماس عاوزة تفغتح المعبر كليا عشان تسهلهم العملية دي
==============
انا مش بفتح اى لينكات حد يسيبها لى فى البلوج .. لكن كومنت مواطن مصرى مع لنك الواشنطن بوست حرك الفضول جوايا وخلانى ادخل اشوف حكاية اللنك ده ايه وقولت بينى وبين نفسى لو حصل اى حاجه اهو برضه مننا وعلينا وهتبقى نيران صديقة يعنى فداه الف بلوج
محتوى المقال بالمختصر المفيد
يوضح مدى فشل حكومة حماس فى ادارة البلاد وعدم نمو فلسطين اقتصاديا وما يعانيه الشعب الفلسطينى من صراعات داخلية على السلطة .. بمعنى اصح كاتب المقال وضع ايده على سبب ألم الفلسطينين يعنى المفروض يتحدوا داخليا الاول .. كمان الكاتب مش نسى يقول ان اسرائيل حزينة للى بيحصل لكنها بتواجه حماس الارهابيه اللى قواعدها فى لبنان وسوريا .. وتقريبا نسى يقول ايران او انه اكتفى بلبنان على اساس انهم المحرك الرئيسى للورقة بتاعتهم الرابحة فى لبنان حسن زعبولة .. فى نهاية مقاله بيقول ان الشعب الفلسطينى والاسرائيلى محتاجين قليل من المصارحة وانا اؤيده الرأى بالفعل خصوصا الشعب الفلسطينى اللى افتكر ان حماس بديل عن فتح وممكن تعمل لهم حاجه مفيدة لكن هما لوحدهم اللى بيبكو بدل الدموع دم دلوقتى ... يعنى المفروض دلوقتى ايه ؟؟ ان كدابين الزفة واصحاب الحناجر اللى بيطالبوا بفتح المعبر لتوطين غزة وحماس واللى بيزايدو على مصر وضحت لعبتهم القذرة وظهر خنوع اصحاب الحناجر بعد مناورة اسرائيل فى سمائهم واللى بعدها اتضح انهم عبارة عن شعله تطفأها حفنة من التراب

تعليقات

‏قال مواطن مصري
بنقول كدة من الصبح محدش مصدق يعني لازم نجيب الكلام من واشطن بوست

احنا بندعم المواطنين في غزة ولكن لا ندعم حماس او فتح الاتنين بيدورو ع الكراسي
‏قال غير معرف…
ندد مخرج يهودي بالمذابح الإسرائيلية في قطاع غزة ووصفها بأنها جريمة ضد الإنسانية، وأن تجويع الشعب الفلسطيني يعد انتهاكا للقانون الدولي.

وقام في مؤتمر إسلامي بالأزهر بأداء الصلوات اليهودية على أرواح الضحايا الفلسطينيين من النساء والأطفال والمسنين الذين راحوا ضحية القصف الاسرائيلي الجوي والبحري منذ بدء الهجوم على القطاع.

وقال د.جاكوب بندر وهو أمريكي الجنسية في كلمته التي ألقاها ليلة أمس الاثنين 5-1-2009 أمام مؤتمر الرابطة العالمية لخريجي الأزهر، ان يهود العالم يقفون ضد ما تفعله اسرائيل لأنه يخالف التقاليد اليهودية، وما تفعله في غزة جريمة في حق التاريخ والإنسانية.

وربط جاكوب بين ما تفعله أمريكا في معتقلي غوانتانامو وأبوغريب وما تفعله اسرائيل في غزة، مؤكدا أنه دليل على غطرسة إدارة جورج بوش.

وأضاف: لابد أن يدرك اليهود والمسيحيون أن تقدم الغرب قام على اكتاف الحضارة الإسلامية.

وأنهى جاكوب كلمته بصلوات يهودية على أرواح شهداء غزة، وقال إنه على وشك الانتهاء من إخراج فيلمه الجديد "خارج قرطبة" للتقريب بين المسلمين والمسيحيين واليهود.
‏قال AHMED SAMIR
متحاملة انتي قوي على حسن نصر الله وعلى الاخوان المسلمين
على فكرة
مفيش حد صح على طول الخط او غلط حتى النهاية
انا باشوف ان اكيد الاخوان المسلمين لهم اخطاؤهم وكذلك حزب الله لكن برضة اكيد لهم مزاياهم المرجحة لهم في احيان كتير
على فكرة انا لا اخواني ولا شيعي انما هي كلمة حق
انا احترم الناس دي لا بحبهم ولا كمان اكرههم ولكني احترمهم
‏قال غير معرف…
لاتحولوا القضيه الى صراع دينى فهذا يخدم ماتدعيه اسرائيل
خطا حماس المميت
تحويل القضيه الفلسطينيه الى صراع بين المسلمين واليهود
املا نحن لسنا ضد اليهود او اليهوديه ولكن ضد الصهيونيه وهناك يهود يرفضون الصهيونيه
ثانيا
هذا التحويل الى قضية دينيه يخدم دعوى اسرائيل انها ملجا لليهود فى مواجهة مسلمين متخلفين وليست قضية اغتصاب ارض
ثالثا من الفلسطنيين مسيجيين ومنهم شخصيات مرموقه مثل حنان عشراوى
رابعا
هل لو اغتصب مسلم ارضى اتركه لأنه مسلم
الطرح الدينى خطأ وينم على سذاجه سياسيه فاضحه والعالم ينفر ممن يعيد ذكرى الحروب الدينيه القديمه التى عانت منها اوربا طويلا
‏قال غير معرف…
من اليهود العظام المناهضين للصهيونيه عالم اللغويات الأميركى المشهور ناعوم تشومسكى الذى يقول عن دعم اميركا للأستبداد العربى فى كتاب لدار الشروق
إن لرجال الشرطة الإقليميين وللطبقة الحاكمة في مناطق النفوذ الأمريكي كل الحقوق ما داموا يقومون بالحفاظ على هذا النفوذ وأهدافه، بينما تغض أمريكا التي تدعي رعاية حقوق الإنسان النظر عن حقوق الأكراد وساكني العشوائيات في القاهرة وغيرهم، ومن ضمنهم الفلسطينيون الذين يمتلكون حقوقاً سليبة لأن معاناتهم تسبب حالة من عدم الاستقرار.
‏قال غير معرف…
من قال انها ليست حرب دينية ضد اليهود؟؟؟

اولا

اليهود في بيروت: لا حياة لنا هنا!
بيروت، لبنان
(CNN)--
بعد أن كانت اليهودية واحدة من الديانات المنتعشة في المجتمع اللبناني، أصبحت الآن معرضة للاندثار، ويظهر ذلك واضحا في الأعداد القليلة للمعابد، والمقبرة المنزوية في طرف بيروت، التي شوهتها طلقات الرصاص.

المصدر
http://arabic.cnn.com/2009/entertainment/1/2/jews.lebanon/index.html

ثانيا

إعتداءات على يهود اليمن إحتجاجا على هجمات غزة

صنعاء: شن متظاهرون يمنيون غاضبون اليوم الأحد هجوما بالهراوات والحجارة على عدد من أبناء الطائفة اليهودية في محافظة عمران شمال اليمن، احتجاجا على هجمات غزة .

ونسب موقع " التغيير" المستقل إلى مصدر محلي قوله إن عشرات الطلاب من مدرسة الزهراء، من أبناء المحافظة الذين تظاهروا تنديداً "بالعدوان الإسرائيلي "المستمر على أهالي قطاع غزة، قاموا بعد تصاعد وتيرة غضبهم برشق الحجارة على عدد من مساكن اليهود اليمنيين في "ريدة " التابعة لمحافظة عمران، ما أسفر عن إصابة عدد من أبناء الطائفة اليهودية وتدمير بعض أجزاء من منازلهم

المصدر
http://www.elaph.com/Web/Politics/2009/1/397131.htm

ثالثا
تم نشر اخبار مصرية عن طرد اليهود من مصر وطردهم من ويارة قبلا من الاولياء الصالحين

كل من يدعي انه لا يحارب اليهود فليتاكد من من صدق ضميره
‏قال Che
الحكايه مش حكايه فتح و حماس لانهم عاملين زى تنتون و تنتن ... ولا برضه حكايه كفاح حسن نصرالله المشلح ( ايوة كاتبها كفاح مشلح بال ش و واخد بالى ) .. ولا حكايه خيار التلات دول لان الخيار ده قديم أوى و اى حد متابع سياسه و لسه عنده ذاكره هيفتكر كده بسهوله
الحقيقه انه اسرائيل بتلعب على حاجتين اننا امه كالسمك ليس لها ذاكره ( زى ما قال عمنا احمد بهاء الدين ) و اننا احنا العرب ظاهرة صوتيه ( برضه زى ماقال عمنا احمد بهاء الدين ) و حكايه الحرب و اللى بيحاربو اديها بانت
نفسى ادخل الاقى الناس تتكلم عن حاجه تانيه غير غزة و حماس و فتح و حسن نصرالله و كل هذا القئ الفكرى لانه بصراحه نفسى اتسدت خلاص
‏قال الربان
تحياتي

في رأيي يا أستاذة أن اسرائيل و الولايات المتحدة الامريكية هما من وراء هذه الفكرة و التي يدعوا اليها من فترة
من خلال ما يعرف بــ " الشرق الاوسط
الجديد " ....و هو ما كشف عنه جنرال امريكي من فترة .

أما ما تريده حماس ، ففي رأيي ايضا ، انهم يريدون دولة مستقلة لحماس في غزة
تكون السيادة و السيطرة الكاملة لحركة حماس بعيدا عن بقية فلسطين...و لا مانع إطلاقا من التوسع في سيناء بضعة
كيلو مترات حتي يتم استيعاب اهل غزه لاحقا....

ان اجتياح حركة حماس لمعبر رفح سابقا
كان يشير بشكل واضح و صريح الي هذه النية المبيتة لقادة حماس....و لكن البعض منا لم يدرك اهمية و خطورة هذه
الاجتياحات بل و تعاطف مع اصحابها.

الاستاذ عادل حمودة ، الكاتب الصحفي المعروف ، له مقالة بعنوان " بروفة اعلان الدولة الفلسطينية في غزة" و كان
بعد اجتياح كماس للحدود المصرية.
رابط المقال هنا :
http://www.elfagr.org/TestAjaxNews.aspx?nwsId=8233&secid=2360



معذرة عن إضافتي للرابط...و يمكن لحضرتك حذفه ان لم يجد موافقتك.


تحياتي و تقديري يا أستاذة.
من كثرة اللغط و اختلاط الاراء و تباينها لعدم و جود جدوي لما نفعله بالصراخ و تبادل الاتهامات و مازالت انهار الدم تتدفق و ارصدة القتلي تعلو و خزائن الجرحي تتخم فالافضل ان نتلهي و نسكت و نراقب و نشوف و نتعلم مادمنا لا نملك ان نرفع اصبع يشير الي القتله الموضوع لا يحتاج لذكاء لنعرف عدونا

حرب الكلمات من المبدعات التي يتقنها الضعفاء و القافلة القاتله سوف تسير و تستمر

تحياتي
‏قال غير معرف…
الشيخ نصرالله مزة امام اليهود و سبع امام النظام المصري

شيخ حارة ده ولا ايه؟
‏قال غير معرف…
ردا على انونومس وحكاية الحرب ضد اليهود
فى بلادنا
اقول نعم هذا قمة الغباء لأننا دفعنا باليهود العرب الى اخضان الصهيونيه التى لم تتردد فى افتعال حوادث ضد اليهود حتى فى اوربا لدفعهم للهجره الى فلسطين
وتحويل القضيه الى صراع دينى مع اليهود يعطى اسرائيل المبرر لأقامة دوله على اساس دينى
وليست دوله لمختلف الديانات او على اساس المواطنه الكامله
نعم الأعتداء على اليهود فى بلادنا غباء غباء غباء
لأنه يصب فى مصلحة اسرائيل والفكره الصهيونيه
‏قال مواطن مصري
شوفي ولاد الكلب

النظام الإيراني يمنح الجائزة لمن يغتال الرئيس المصري


أعلن عدد من المؤسسات والمنظمات التابعة للنظام الإيراني جائزة لمن يغتال الرئيس المصري.
وكتبت وكالة أنباء (فارس) الحكومية: أعلن عدد من المنظمات والمؤسسات وخلال مراسيم خاصة بان يمنح مبلغ مليون دولار لشخص في أي مكان في العالم ينجح في تنفيذ ما وصفوه بـ «الاعدام الثوري لحسني مبارك هذا الارهابي الدولي».
هذا وفي عددها الصادر يوم أمس الاحد كتبت صحيفة (جمهوري اسلامي) الناطق باسم ولي الفقيه خامنئي في افتتاحية وصفت الرئيس المصري بانه (فرعون) و(مفسد) وطالبت بالقضاء عليه.

http://www.iraq4allnews.dk/new/ShowNews.php?cat=6&id=14416



يعني لية مقالوش قتل ليفني ولا اولمرت مثلا او بوش ع سبيل المثال


و يقولك عروبة و مهلبية
‏قال Desert cat
مواطن مصري
دلوقتى فلسطين كلها تمثلت فى حماس ده حسب مفهوم الاغبية
يعنى انت ضد حماس اذن ضد فلسطين اذن انت عميل لا خيار
‏قال Desert cat
Anonymous
اولا فى فرق بين اليهود والصهاينة
ثانيا ايه المانع من تعاطف اليهود مع غزة
‏قال Desert cat
A.SAMIR
يا احمد انا مشتحمالة على نصر الله ولا الاخوان
انا متحاملة على البيانات المستفزة اللى بيطلع بيها من وقت للتانى وهو مستخبر ورا شاشه حتى مش بيكون على الهوا
اما الاخوان فهدفهم معروف
ولن ينالوه ان شاء الله

تحياتى
‏قال Desert cat
انونومس2
من يقوم بتحويل القضية لصراع دينى الاخوان لانهم يلعبون على وتر العاطفة لدى الشعب المغلوب على امره الذى يملك سوى ان يردد شعارات ويصوم ويدعى فلا الشعارات اتت بنتيجة ولا الدعاوى استجابت
‏قال Desert cat
انونومس2
جانبه الصواب
‏قال Desert cat
Anonymous
وهل بهذا تحقق النصر المنشود ؟؟؟ ام تأكد مدى الارهاب والخوف من العرب سفاكين الدماء
‏قال Desert cat
Che
حسن زعبوله واعوانه ظهروا على حقيقتهم فى ازمة فلسطين وانهم بالفعل ابطال من ورق
اما موضوع غزة فاعتقد انه تشوفه كتير لانه يفرض نفسه وبشده على الجميع
‏قال Desert cat
الربان
استاذى العزيز
كنت من المتعاطفين فى العام الماضى مع اهل فلسطين وكنت من اشد الناس فى امدادهم بالمساعدات ولكن ما فعلته حماس من اختراق للحدود وللسايدة المصرية ومع التواطؤ من البعض فى الداخل والسعى لاجل توطينهم داخل ارض سيناء .. جعلنى ارفض اى تعاطف فليست ارض بلدى سبيل
حضرتك تعلم جيدا مدى احترامى وتقديرى لحضرتك
والطبيعى يشرفنى جدا كلمات حضرتك ويسعدنى اى لنك لاى مقال

مودتى واحترامى
‏قال Desert cat
أحــوال الهـوي
تقريبا حضرتك بتطلب المستحيل
لان العرب عبارة ان ابواق
لا يملكون سوى الكلام
‏قال Desert cat
An Egyptian
لاء شيخ منصر
ههههههههههههه
‏قال Desert cat
انومنمس2
طبعا متفقة مع حضرتك جدا جدا جدا
‏قال Desert cat
مواطن مصري
علشان لما نقول نصر الله عميل وايران بتكره مصر يبقى الناس تنضف مخها
هما مش يقدروا يذكورا اسم ليفنى او اولمرت اصل الجبن سيد الاخلاق

المشاركات الشائعة