الزواج على الطريقة البدوية

بعد عودة النت بنسبة معقولة تسمح لى على الاقل مطالعة المواقع الإخبارية .. ومن موقع الى موقع ومن خبر الى خبر وإذ بى فعجة تقع عينى على هذا الخبر
قاضٍ سعودي يرفض فسخ نكاح طفلة ذات 8 أعوام من خمسيني
خطر فى بالى مباشرة قصة البنت اليمنية اللى تزوجت وعمرها 8 سنوات من رجل يبلغ من العمر 29عام ورفعت قضية على والدها وكسبت القضية وتم تطليقها دى كمان اخدت جايزة .. بس عنوان الخبر بيقول قاضى سعودى يعنى الكارثة المرة دى فى السعودية .. دخلت اشوف تفاصيل الخير .. والتى يتضح منها ان العملية صفقة وليست زواج .. فوالد البنت التى تبلغ من العمر ثمانى سنوات يمر بضائقة مالية .. لذلك قام بتزويجها من رجل يبلغ من العمر 58عام وكتر الف خيره اشترط عليه شرط شفهى انه لا يعاشرها معاشرة الازواج الا بعد عشر سنوات يعنى البنت يبقى عندها 18سنة والزوج المحترم عنده 68سنة يعنى الآنسة هتروح تشتغل له ممرضة ده ان فضل عايش يعنى والأعمار بيد الله .. والدة البنت رفعت دعوى قضائية لتطليقها لكن القاضى علشان عارف ان 8سنين يعنى طفلة .. 8سنين يعنى لسه بتلعب مع الاطفال اللى فى سنها ولا تعلم من الدنيا سوى البرائه .. لكن السيد والدها علشان لا يعلم ماهى القيم الكبرى ولا يعرف اين الحق ولا معنى الحرية قام باغتيال برائتها .. اى مجتمعات هذه التى تجنى على اطفالها .. واى تخلف واى عصور جاهليه التى يحيا فها هؤلاء ؟؟؟ رفض القاضى لم يستند لدليل مادى او معنوى رفض القاضى الدعوى استند لأن الدعوى لم تقام من البنت نفسها وانه يجب الانتظار عندما يتم بلوغها السن القانونى لتقوم هى برفع دعواها بنفسها .. الجدير بالذكر ان الطفلة لم تعرف انها متزوجة .. فالى اى منطق يتم رفض دعوى تعتبر جرم فى حق طفلة أهذا هو الفكر الذى يريدون توصيله للعالم عبر فضائياتهم ؟؟ اهذا هو المنطق الذى يريدون اقناع العالم به ؟؟ فالمأساة متكررة من طفلة اليمن الى طفلة السعودية ومازال يخرج من مجتمع البداوة العجب

تعليقات

اتفق معكي تماما في رايك في هذه القضيه
على الرغم ان الموضوع ده مبيحصلش عندنا في مصر
على الاقل مش للدرجه دي
يمكن يكون في البدو والمناطق دي
بس مش في المناطق الي فيها كهربا يهني

حقيقي تعجبني الكثير من ارائك
على الرغم من اختلافي مع بعضها

مودتي وتحياتي
‏قال AhMeD RaDy
بسم الله

والسلام عليكم

بصى يا قطة .. نجيب من الاخر .. ليه همضايق ونتعصب ونتغاظ .. ونقول

فين يا جماحة الرحمة بالاطفال .. ياناس يالى تعرفوا ربنا ياللى بتقول انكم تعلموا باموار الدين وشرعه وفقه

من غير ما نقول اى حاجة ...

احب اقول لكل بنت صحرواية تمت ال 5 سنوات .. كوتى يا بنتى من الخيمة واجرى .. بس لغاية فين ... مش عارف .؟؟؟!!!

على فكرة الخبر دا قريت واحد مماثل ليه من فترة تتعدى الشهور عن شيخ يجوز عقد قران طفلة 8 ستنوات وبرده فى السعودية
‏قال mr_raafat
قطة الصحراء كل تحياتي
وسعيد بزيارتك الأولي لمدونتي
وأسعد عندما زرت هذه المدونة الإضافة إلي عالم التدوين
==========
ياريت بدل منقول نووونوو معايا أنا بقول صوتوا معايا ولاتعليق علي هذا الحكم وحسبنا الله ونعم الوكيل في الوكيل والقاضي إن صدق الخبر
انتظروا الساعة فلا عقل ولا منطق يقبله حتي ولو جاءوا بألف دليل
تقبل مروري في أمان الله
‏قال غير معرف…
من مهازلنا
ايضا
هل يمكن ان يكون لعطل النت جانب ايجابى؟ اليكم هذه القصه المهزله التى بالقطع تكررت مع كثيرين فى حديث عابر مع الدكتور طارق وزير الأتصالات اثار المذيع موضوع الشهر والنصف المجانى الذى امر بها الوزير عند انقطاع النت فى يناير 2008 وذكر الوزير انه يريد ابلاغه عن اى شركه لم تنفذ هذا تذكرت مع حدث عندما اتصلت بالموزع او الشركه التى تعمل من الباطن لشركه كبرى من الشركات المقدمه لخدمة النت ومقرها مصر الجديده-وقتها اتصلت بالموزع فاخبرونى انه لا يوجد مثل هذا الأعفاء وصدقت وقلت ربما يكون الأمر مجرد كلام جرائد ولكن عدت بعد كلام الوزير مع المذيع الى الموزع واخبرته بتاكيد الوزير فاخذ الموزع يماطل ويتحجج بحجج واهيه مثل وهل استمر الأنقطاع شهرا ونصف حتى تطالب بالأعفاء عن هذه المده ثم عندما لم تنطلى الحجه قالوا انك لم تطلب وقتها وهذا طبعا غير صحيح فلجاوا الى حيله اخرى احضار الأيصالات عن شهور عديده وشويه شويه كانوا طلبوا شهادة جواز الملك احمس ....المهم اتصلت بالشركه الأم وبعد ان تحدثوا مع الموزع لم يسفر الموضوع عن شىء سوى اننى علمت ان الموزع سجل فى سجلاته انه بالفعل منح المشتركين شهرا مجانا اى انه بحسبه بسيطه لو 1000 مشترك يكون قد ضرب فى جيبه 100000 جنيه بمنتهى البساطه الأخطر ان الشركه الأم لم تنزعج او تقلق على سمعتها من هذا الجشع والغش الغبى من جانب من يمثلها وهو الموزع وهو غش غبى لأنه فى النهايه يجب ان يضر بالشركه وموزعيها والسؤال المهم ماذا حدث لنا ....لن اقول اين الضمير ولكن كيف يمكن ان تستمر شركه او تنمو او يتقدم اقتصادنا وبه مثل تلك العقول الغبيه الجشعه المريضه
‏قال أنا حر
عزيزتي هذه الجرائم تتكرر بشكل دائم في هذه المجتمعات فالعقلية البدوية لاتميز بين طفل وبين امرأة ولا تعطي اي اهتمام للقوانين وللحقوق فهي عقليه تذهب بمن يفكرون بها الى الجحيم
تحياتي
‏قال غير معرف…
انتى غريبة خالص
واحد عايز يعف بنته وانتى مالك وايه حارق دمك يا بتاعة التحرر والمرأة ثمن المجتمع ولا سدسه وكلامك الفاضى ده
هو مودى العالم فى داهيه غير انتى وامثالك من بتوع المرأة المتحررة
بصوا لمجتمعات زمان وشوفوا الست كانت عارفه واجبها كويس وتربى اولادها كويس
طلعتى لنا انتى واخواتك تنادوا بحرية المرأة والمساواة ولازم تسيب بيتها وتنزل تشتغل فى الاخر نتج ايه ؟؟؟
جنابك قاعدة طول النهار تنادى بحرية المرأة من ناحية ومن ناحية تانية الشباب بيتحرشوا بيكى وبيعاكسوكى ما تقعدى فى بيتك وتشوفى رسالتك انتى وغيرك ايه فى المجتمع علشان يبقى كويس ومفيش واحد يتحرش بيكى ولا يعاكسك
الست ملهاش غير بيتها وتربية اولادها واللى تقول مساواة واشتغل تستاهل الحرق مش مجرد التحرش ولا الاغتصاب
ربنا يهديكى انتى واخواتك من بتوع التحرر والمساواة
‏قال غير معرف…
انتى زعلانة علشان الراجل جوز بنته وعفها مسمعناش صوتك عن الغانيات والزانيات اللى بينزلوا يلفوا فى الشوارع ومرمين قدام السينمات للى يدفع
‏قال غير معرف…
اعدت استغرب مثل هذه الاشياء

لكننا لسنا بعيدين جدا عن منطق الصفقات .. فقد كنا نزوجهم بناتنا وهم أيضا تخطوا الستين .. فى أوائل عصر النفط .. وربما لازلنا
‏قال غير معرف…
هذه عقول فاضحه
يقول معلق
اقعدى فى البيت والا تحرشوا بك
هكذا بلا ادنى خجل اواحساس آدمى
وهو مقدمه لما كانت تفعله طلبان بالظبط وهو تشويه من تخرج من بيتها حتى للعلاج
هذه حيوانات تعيش للأسف بيننا فى القرن الحادى والعشرين
والآخر الذى يبرر اغتيال براءة طفله بوجود غانيات زلا اعرف ماذا يوجد فى جمجة هذا الشىء المسمى زورا انسان الذى يكتب مثل هذا الهذيان
‏قال غير معرف…
سيدتي
ماساة اخرى تنضاف الى الماسي التي يعاني منها كادحي دول البترودولار اب يعاني من ضائقة يبيع بنته لعجوز غني هل هنالك ماساة اكبر من تلك
و الادهى و الامر ان القاضي رمز العدالة و الرحمة اجهز عليها برفضه لطلب والدتها بتطليقها لكن ذلك ليس بغريب على دعاة الفكر الوهابي المتزمت لكن على المناضلين الاحرار بالسعودية و العالم العربي الاصطفاف في خندق واحد لمجابهة هكذا معاملات وحشية تتنافى مع ابسط المواثيق الدولية
مودتي
‏قال سمراء
اعظم المبادئ تتحطم على صخرة المصالح الشخصية

سمراء
‏قال غير معرف…
ادى الأقبال الشديد على منتجات صانع حذاء الصحفى العراقى منتظر الزيدى الذى قذف به الرئيس بوش والصانع تركى اسمه رمضان بيدان الى اضطراره الى تعيين عدد كبير من العمال ليتمكن من تلبية الطلبات المنهمره عليه !!!!!!!!وهو يصدر احذيته الى العراق وايران ومصر وسوريا وفى ايران أسمى فقيه ماحدث بانتفاضة الأحذيه واطلق كثيرون عليه بطل مع ان الحذاء ليس رمز للأهانه الا فى الثقافه العربيه وليس لها هذا المعنى فى التقافه الأميركيه او الغربيه عموما
ولذلك غريب التهليل له
‏قال غير معرف…
ادى الأقبال الشديد على منتجات صانع حذاء الصحفى العراقى منتظر الزيدى الذى قذف به الرئيس بوش والصانع تركى اسمه رمضان بيدان الى اضطراره الى تعيين عدد كبير من العمال ليتمكن من تلبية الطلبات المنهمره عليه !!!!!!!!وهو يصدر احذيته الى العراق وايران ومصر وسوريا وفى ايران أسمى فقيه ماحدث بانتفاضة الأحذيه واطلق كثيرون عليه بطل مع ان الحذاء ليس رمز للأهانه الا فى الثقافه العربيه وليس لها هذا المعنى فى التقافه الأميركيه او الغربيه عموما
بوست فى غاية الاهمية
احييكى بشدة لاثارتك للموضوع المهم ده
واعتقد ان الكل هيكون معاك فى رايك
بجد دى ناس لا تفقه اى شىء لا فى الدنيا ولا الدين
والله حرام عليهم يجوزوا بنت طفلة 8 سنين
منهم لله
اهلا يا قطة

والله انا باشوف ان عندك حق في اللي قلتيه لكن هنكون اكثر دقة وموضوعية لو ربطنا الموضوع بالتخلف والاستنارة لا بالصحراء والحضر..فالتفاصيل التي قد ذكرتيها قد تحدث في قلب ارض المحروسة .. وفي مناطق تدخلها الكهرباء والتليفزيون والموبايل كمان..ه

انا فقط اتمني ان لا نربط كل افعال قميئة بالصحراء وسكانها من البدو لان ما قد نصادفه من بعضهم من افعال راقية واعية ومن افعال جيراننا في الحضر من افعال قميئة قد يسبب لنا الصدمة النفسية في بعض الاحيان

تحياتي واحترامي
‏قال mUsLiM
لابد على قضاة الشريعــة أن يراعوا مصلحة القاصـر وحالتهــا

كما لابد لهم أن يفطنوا ويفرقوا بين الولى الذى يحفظ حقوق من يتولاه ومن يضيعهــا

فيهدرون ولاية الأخيــر ويحفظون ولاية الأول

وهكذا يحب أن يحكم قضاة الشريعــة

والله من وراء القصد

السلام عليكم
‏قال غير معرف…
فى السعودية ارض الاسلام الطاهرة
الارض اللى مشي عليها محمد و اللى نزل عليه الوحي فيها و هدى اهلها الطيبيبن اللى بيشروا و يهروا حاليا تقوى وورع نتيجة الهداية
رفضت محكمة تطليق طفلة مسكينة عندها تمان سنين من مريض نفسي عنده ثمانية و خمسين سنة
من امتى الشذوذ الجنسي مع الاطفال و اغتصابهم حاجة كويسة و بالذمة ده دين اللى يبيح حاجة زى كده؟ واى نوع من الانبياء اللى يعمل كده و يحث اتباعه على انهم يعملوا كده؟
بجد ياجماعة انتم فى عقلكم لما بتصدقوا ان ده دين؟ ولا بتضحكوا على نفسكم؟؟
‏قال غير معرف…
لماذا تزوج النبي محمد من السيده عائشه رضي الله عنها و هي بنت تسع سنوات؟

أولاً: إنّ زواج الرسول عليه الصلاة والسلام من السيدة عائشة رضي الله عنها كان أصلاً باقتراح من خولة بنت حكيم على الرسول عليه الصلاة والسلام لتوكيد الصلة مع أحبّ الناس إليه سيدنا أبي بكر الصدّيق ، لتربطهما أيضاً برباط المصاهرة الوثيق.

ثانيا: أنّ السيدة عائشة رضي الله عنها لم تكن أول صبيّة تُزفّ في تلك البيئة إلى رجل في سنّ أبيها، ولن تكون كذلك أُخراهنّ. لقد تزوّج عبد المطلب الشيخ من هالة بنت عمّ آمنة في اليوم الذي تزوّج فيه عبد الله أصغر أبنائه من صبيّة هي في سنّ هالة وهي آمنة بنت وهب. ثمّ لقد تزوّج سيدنا عمر بن الخطّاب من بنت سيدنا علي بن أبي طالب رضي الله عنه وهو في سنّ جدّها، كما أنّ سيدنا عمر بن الخطّاب يعرض بنته الشابة حفصة على سيدنا أبي بكر الصدّيق وبينهما من فارق السنّ مثل الذي بين الرسول عليه الصلاة والسلام وعائشة رضي الله عنها.
‏قال فشكووول
العزيزه القطه
شوفى انا حاحكى لك حكايه مشابهه عاصرتها بنفسى .. كنت فى السعوديه وكان لى زميل سعودى يعمل عاملا ولا يعرف القراءه ولا الكتابه .. وغاب عن الشغل 4 ايام ولما سألته بعد العوده قال : تزوجت .. يخرب مخحك ما انت متزوج فال : اصل بنت عمى كان متقدم لها واحد فتزوجتها انا .. لماذا لا تتركها تتزوج بمن تريد فاجاب : اسيب لحمى للغريب ينهشه؟ ..
بقى ان نعرف ان بنت العم هذه كانت مؤهل عالى وهو لا يعرف القراءه والكتابه..
مع العلم ان المجتمع السعودى فيه تقدم ثقافى وحضارى كبير ولكن هناك بعض الفئات متمسكه بالعادات البدويه القديمه .. تحياتى يا قطة الصحراء وارجو عدم انقطاع الزياره
‏قال Zika
انا مش قادر اصدق اللي بقراه عندك ده يا قطه
انا قريت اول تلت جمل بتاع اربع مرات عشان اقتنع باللي انتي بتقوليه
ايه اللي بيحصل ده
ايه الامراض دي
دي امراض جاهليه علاجها الضرب بالجزمه
المفروض
الاب والقاضي والراجل ابن التيييييييييت اللي عنده خمسين سنه وعايز يتجوز بنت عندها 8 سنين
يتحطوا في مكان عام ويتفوا عليهم تفه واحده وكل واحد يجيب زبالته ويرميها عليهم ولو عنده بطنه واجعاه ولا حاجه يتفضل ياخد راحته عندهم
....
انا فتحت اللينك بتاع الموضوع وقريت تعليقات الناس السعوديين بارضه مش مصدقين اللي بيحصل
طب ازاي بقي القانون السعودي يسمح بده اصلا
وازاي السعوديين اللي فالحين يجلدوا المصريين وفالحين يقولوا النظام والاسلام وبيتريقوا علينا وبيقولوا ان احنا منحلين
يسمحوا بده علي اراضيهم
بجد مش لاقي كلام قوله
( كل الرغي ده ومش لاقي كلام .. اومال لو لاقي كلام كنت كتبت ايه)
والله واحشاني مدونتك وبوستاتك يا قطه
تحياتي
‏قال صفا سارة
ايه ده يا قطة

ايه الهبل ده بجد معقوله فى ناس وصلت للدرجة سواء ابوها اللى بيبيع بنته كأنها سلعة بقت بتاعته يبيعها ويشتريها
ولا القاضى ده كمان
سيبك من ده كله الردود اللى جايلاك وعف بنته وجوزها عفها من ايه دى 8 سنين
الا اذا كان المقصود من الردين الكوميديا السوداء ويا رب تكون كده لان لو عكسها يبقى بجدمهزله
‏قال Desert cat
مذكرات مشاغب
جميل اننا متفقين فى حاجه
:)
ربنا يستر ومش يوصل مصر اصل البعض بيكون هنا بعقله بيسافر عندهم يرجع بثقافتهم
تحياتى
‏قال Desert cat
AhMeD RaDy
انا متفقه معاك اوى يا احمد
بس على كدا اطفال الشوارع هيزيدوا وكلهم فى سن الخمس سنين
هههههههههه
ربنا يرحمهم برحمته
‏قال Desert cat
mr_raafat
حضرتك شرفتنى جدا يا استاذ رافت وانا اللى سعيدة جدا بزيارة مدونة حضرتك
بالنسبة للزوجه ذات الثمانى سنوات ربنا معها ويبعث الرحمة فى قلب القاضى ويحكم بالعدل
شرفتنى جدا
‏قال Desert cat
Anonymous
هما كانوا شهر ونصف ولا شهر واحد ؟؟؟
على فكرة انا حصل عندى نفس الحوار وفعلا اتقال لنا نفس الاسباب هو النت كان وقف شهر ده هو اسبوع بكتيره لكنى اصريت على موقفى ومش رضيت ادفع الشهر ده كدا يبقى لى عندهم نص شهر زيادة بقى
‏قال Desert cat
أنا حر
اللى انا حاساه فعلا يا احمد ان الناس دى فاقدة التمييز مش عندهم ادنى احساس بالمسؤلية ولا يعرفوا يعنى ايه طفولة يمكن لانهم مش عاشوها وبالتالى لا يفقهوها
تحياتى
‏قال Desert cat
Anonymous
يعف بنته .. هو انت قريت الخبر يعنى ولا انت شوفت ال8 سنين دى 18 ياراجل اتقى الله انت لو عندك بنت عمرها 8سنين هتجوزها وتقول اعفها ؟؟؟
باقى كلامك الحقيقة لا تعليق عليه لانه يدل عن ضيق افق وانا متعودتش انزل بمستوى حوارى
‏قال Desert cat
kareem
بص يا كريم والله اعلم انت نفسك الانونيمس اللى فوق رد سيادتك مباشرة
خلينا نتكلم كلام العقل .. ايه علاقة طفلة عمرها 8 سنوات بالزانيات الغانيات على حد قولك ؟؟؟
طفلة 8 سنين يعنى لسه بيتعمل لها ضفاير ولا تعرف من الدنيا سوى البرائه واللعب مع الاقران وانت تقولى يعفها .. هيعفها من ايه انت شايفها ماشية تتحرش فى الشباب ؟؟
الزانيات الغانيات يا فندم لهم ظروفهم اللى ممكن من تعمل ابحاث عليهم ومن خلالها تقدم لها الحل اذا كنت تملكه
لكن دى ظروفها ايه ؟؟؟ مشكلتها انها ابنة لاب مادى لا يعلم عن الابناء سوى انهم للبيع
والقاضى ساعده فى هذا الجرم برفضه لدعوى الطلاق
‏قال Desert cat
Dear Sherif
كانوا يأخذونهم مجرد جوارى يا استاذى فهو متزوج مثنى وثلاث والصفقة التى يتمها فى مصر من الممكن ان تكون رباع وتقوم بجميع الاعمال خادمة ولمتعته اخر الليل
تحياتى
‏قال Desert cat
انونومس 2
هو اراد بقوله ان يحلل جريمة التحرش والاغتصاب فمن تخرج من بيتها ليس لها حق الشكوى من الحيوانات التى تتحرش بها او من تتعرض للاغتصاب فهى من اختارت الخروج ونسى نفسه فمن تحرش بى من الممكن ان اغرسه سكين فى بطنه والبادى اظلم وبهذا نطبق قانون الغاب
‏قال Desert cat
assafo anaroze
يا فندم الغريب انك تجد من بين المعلقين مؤدين فهذه الطامة الكبرى
هذا الاب منعدم الانسانية والقاضى الفاشى لا يستحقون سوى الرجم
تحياتى
‏قال Desert cat
انونومس 2
حقيقى قمة المسخرة
ولما نقول هذه الفرحة العارمة توضح مدى العجز العربى يشككوا فى وطنيتنا
‏قال Desert cat
سمراء
دى تحطمت امام قهر الانسانية
دائما ردك مختصر ويحمل بين طياته اعظم المعانى
تحياتى
‏قال Desert cat
شفقة هانم واحسان بك
اوهلا شرفتونى جدا شفقه هانم واحسان بك
ثانياً زواج طفلة تبلغ من العمر 8 سنوات يعتبر جريمة والقاضى احد الماشركين فى ارتكابها
تحياتى
‏قال Desert cat
تايه في وسط البلد
يا الف اهلا وسهلا يا استاذ تايه
لو ربطنا الموضوع بالعقل وبالحضر ساظلم سكان الحضر لأنه ولو الاقيت نظرة على البسطاء والذين لم يتلقوا قسطا ولو وفيراً من التعليم ويقطن الحضر فستجده يتمنى لابنه مالم يحصله هو او لم تساعده ظروفه فى الوصول اليه وينظر الى جاره ذات المنصب المرموق او ابن صديقه او غيره ويقتطع من قوت يومه ليوفر لاوده الحياة الكريمة .. هذا لان ظروف الحياة التى يحيا فيها تفرض عليه ذلك .. اما قاطن الصحراء فمن اين يستمد ثقافته او معرفته او قدوته ؟؟؟ انا لا اقصد ان العقول قاصرة على سكان الحضر فقط وانما لو القينا نظرة على مصرنا برغم القهر والظروف التى نحياها وفى المقابل شبه الجزيرة ستجدهم حتى اليوم بالرغم من البرتول الذى يملكونه الا انهم لا يملكون العلم ولا يفقهون الطب ولا يقوون على العمل .. فاولادهم يتلقو تعليمهم على ايدى مصريين ويتلقوا علاجهم على ايدى مصريين ولان عقولهم خاوية اعتقدوا ان المال يشترى الاخلاق لذلك حماقاتهم لا تنتهى
تحياتى
‏قال Desert cat
mUsLiM
اعتقد ان القاضى فى هذه الحالة يحتاج الى محكامة عاجلة
لانه غير مؤهل لحمل شرف القضاء
والله من وراء القصد
‏قال Desert cat
An Egyptian
هما بيهروا ويشروا جهل
وهذا ليس له علاقة باى ديانه مطلقا ولكن علاقته متربطة ارتباطا وثيقا بالتمييز

تحياتى
‏قال Desert cat
Anonymous
اولا الرسول تزوج من السيدة عائشة وهى بنت 6 سنوات ولم يدخل بها الا وهى بنت 9 سنوات فما فعله الرسول ومن تفضلت وذكرتهم من الصحابة يرجع الى
الفارق الكبير بين البيئات الـمختلفة والحضارات التي يفصل بينها مئات السنين وتطبيق أعراف وعادات العصر الحديث على العصر القديـم مع إهدار الفارق الكبير الحاصل بفعل الزمان والأعراف
فكم من عرف كان سائدًا عند قوم وقد تغير عند غيرهم وكم من عادة تعودها قوم ولا تجد لـها أثرًا لاختلاف الأعراف والتقاليد من عصر إلى آخر
فهل يصح فى عصرنا الحالى ان تزوج طفلة لكهل يبلغ من العمر 58 عام ؟:؟؟
‏قال Desert cat
fashkool
وهذا ما قصدته بالفعل يا استاذى
ان البعض لازال يحيا فى عصر البداوة فلا عجب على من لا يريد ان يترك ابنة عمة للغريب ان ينهش لحمها وكانه سيغتصبها ولن يتزوجها على سنة الله ورسوله
اشكرك جدا على المشاركة الطيبة واتشرف دائما بزيارة مدونة حضرتك
مودتى واحترامى
‏قال Desert cat
Zika
فينك يا زيكا مختفى من زمان
عودا احمد يا فندم
الراجل عنده ابن التيييييت اللى عايز يتجوز البنت اللى عندها 8 سنوات عنده 58 سنة يعنى اضعاف اضعاف عمرها
والدها عمل صفقة يمر بضائقه مالية ملقاش حل غير انه يبيع اولاده بمسمى شرعى وهو الزواج
شرفت يا زيكا
تحياتى
‏قال غير معرف…
اه يا ستى انا نفسى الانونيمس شاطرة برافو عليكى اكتشتفتى الذرة ولما انتى عارفه كدا بتقلى ادبك عليا وتقولى منزلش بمستوى حوارى والكلام الفاضى بتاعك ده انتى يعنى فاكرة نفسك عبقرية ومستوى حوار ايه ده اللى تنزلى ولا تطلعى بيه انتى المفروض تردى على كلامى وتبطلى الغرور والعنجهية اللى انتى عايشه فيها دى مش كل اللى يعرف يكتبه له كلمتين يفتكر نفسه عالم انا سالتك سؤال رديتى عليه 3 اسئلة ومجاوبتيش ايه معندكيش اجابة ولا نسيتى السؤال لما اتعتصبتى وقعدتى تحرقى فى دمك كدا
بقولك الراجل يعف بنته ولا يسيبها كالغانيات الزانيات المرمين فى الشوارع وقدام السينيمات للى يدفع
مستنى اجابتك مش اسئلتك
‏قال غير معرف…
ازاى مالوش علاقة باى دين ياقطة اما الناس دى مسلمة
مسلمين دول ولا يهود؟
‏قال Desert cat
kareem
على فكرة يا استاذ كريم مستوى حوارك لا يرقى للنقاش لكنى هرد عليك برضه علشان مش تقولى مغرورة وعنجهيه والكلام اللى مالوش لزوم اللى بتردده ده
اولا البنت ذات ال8 سنين لا علاقة ليها بالغانيات ولا بالزانيات لانها طفلة من حقها تعيش طفولتها وتلعب وتتنطط وتجرى وتعيش حياتها
اظن دى لو فكرت تبقى زانية مفيش راجل هيوافق يزنى بيها اصل للاسف مفيهاش ما يثير غريزته .. اصل هيزنى بطفلة ؟؟؟
‏قال Desert cat
An Egyptian
لاء مسلمين بس فى مسلمين معتدلين يا استاذى وعارفين ان السن سن طفولى وليسوا كلهم زى ابو البنت ولا الاستاذ كريم اللى عايز يعفها
:)
‏قال غير معرف…
هو انتى منين يا قطة الصحراء ؟؟
شايفك قاعدة تقولى البدو وسكان الصحراء وانتى اسمك قطة الصحراء مش غريبة شوية دى ؟؟
كمان عايز اعرف انتى منين بجد اصلك واضح ان سمعك تقيل ومسمعتيش عن الاطفال اللى بيغتصبوا فى الشوارع وفى المدارس وفى بيوتهم كمان عرفتى ليه انا بقول يعفها
‏قال غير معرف…
يعني ياقطة تقصدي ان في اسلام معتدل و اسلام مش معتدل؟
طيب القران و السنة بتوع انهي فيهم المعتدل ولا اللى مش؟
‏قال Desert cat
kareem
انا من دنيا الله الواسعه يا كريم
واسم قطة الصحراء ليس معناه انى ساكنة فى صحراء
اما الاطفال اللى بيتم اغتصابهم او التحرش بيهم فانا سمعت ولو انت متابع البلوج هتلاقينى كاتبة بوست عن ده
بس دى حالات شاذة ناس مريضة
ومش علشان انسان مريض معندوش تمييز بين طفل او طفلة اجنى على برائتهم
وبالمناسبة انت عايز تجوز البنت فى سن 8 سنين ايه رايك فى الاطفال الذكور اللى بيغتصبوا برضه نجوزهم وهما عندهم 8 سنين ؟؟
‏قال Desert cat
An Egyptian
لاء انا اقصد فى مسلمين معتدلين وفى مسلمين متطرفين .. القرآن والسنة بتوع المسلمين المعتدلين
‏قال غير معرف…
مش عارف ليه بتجاوبى على اسئلتى باسئلة لما طفلة عندها 8 سنين يتم عقد قرانها معروف هى اخرها ايه كمان ابوها اشترك عليه انه لا يتم الزفاف غير فى سن 18 سنة يعنى سنها مناسب انما طفل ذكر اهله هيجيبوا له شقه منين وتكاليف جواز منين الامر الواقع بيحتم عليهم كدا شوفتى ازاى على فكرة انا يهمنى اعرف انتى منين
‏قال Desert cat
kareem
يا استاذ كريم هى فين الاسئلة اللى برد عليك بيها ولما انا برد باسئلة مش بتجاوب ليه خلينى اتبع نفس اسلوبك
تفتكر لما الطفلة اللى عندها 8 سنين بعد عشر سنين يبقى عندها 18 سنة الشيخ اللى اتجوزهاهيكون عنده 68 سنة جواز ايه ده بقى
ترضاه لاختك او ترضاه لبنتك ؟
وبعدين انت كل اعتراضك على الطفل الصغير انه مش عنده شقه ولا عفش ولا المصاريف المادية دى ؟؟ طيب يا سيدى اهله ناس ميسورين الحال ومعاهم يجوزوه لو اتقدم لواحده اهل بيتك حد عنده 8 سنين وجاهز هتوافق ؟
‏قال غير معرف…
طيب ياقطة مالرسول اتجوز بنت عندها 8 سنين ايه رايك؟
‏قال غير معرف…
اكيد لما يتقدم طفل عمره 8 سنين هيتقدم لواحده من سنة او اصغر مش هيجى يتقدم لواحده عندها 20 سنة مثلا
ممكن اوافق اجوزة لو اهله ناس محترمين لانه حيكون ناتج تربيتهم وبعدين انتى عمرك ما سمعتى عن اللى بيوهبوهم لبعض وهما لسه فى اللفه وبيكبروا وهما عارفين انهم لبعض
‏قال Desert cat
An Egyptian
اتجوزها وهى عمرها 6 سنوات ودخل بها فى سن 9 سنوات
رأى ان رديته على حد قبل كدا بس هقوله تانى فرق البيئات والحضارات تعدى مئات السنين وبالتالى لا يصح ان اكون فى الفية الثامنة واعيش بعقل وعادات وتقاليد ما قبل التاريخ
‏قال Desert cat
kareem
هههههههههه
اهو انت بقى اللى انا بقول عليه عايش فى الفية الثامنة ولكن بععادات وتقاليد ما قبل التاريخ .. هو لسه فى الكلام ده يا فندم
يوهبوا مين لبعض وهما فى اللفة وده تسميه زواج برضه ولا بيعه وشروة ثم فعلا العادات دى انتهت من زمان ممكن تكون موجودة فى قرى الصعيد الفقيرة لحد دلوقتى مش عارفه بصراحة
‏قال غير معرف…
يعني تقصدى ان نكاح الاطفال مافيش منه مشاكل اذا كان فى زمن اخر سابق انما دلوقت بما ان الناس بتعتبره غلط يبقى غلط؟ ولا تقصدي ان النبي عارف انه غلط بس عشان دى كانت عاداتهم ساعتها فعمل كده؟
‏قال غير معرف…
موجودة وفى المدن كمان هى مش كتير زى زمان لكن لسه موجودة
وتسمينى من العصر الحجرى من عصر الهكسوس مش مشكلة بس موجودة
وعلى فكرة انا مش من قرى الصعيد الفقيرة ولا من الصعيد على بعضها انا اسكندرانى يعنى بحرى على الاخر
‏قال Desert cat
An Egyptian
لاء مش ده قصدى ومن وجهة نظرى مرفوض فى كل العصور لانى ببساطة مقدرش اتخيل طفلة على فراش الزوجية
انما قصة زواج الرسول من السيدة عائشةاولا جميع نسائه كانوا ارامل ما عدا السيدة عائشه الوحيدة التى تزوجها بكر
اما لماذا تزوجها وهى فى هذه السن فقد ذكرت عائشة أن الرسول عليه الصلاة والسلام شافها في المنام قبل ان يتزوجها فيقول (أريتك في المنام ثلاث ليالي جاء بك الملك- جبريل- سرقه أي قطعه من حرير فيقول هذه امرأتك فاكشف عن وجهك فإذا أنت فيه فأقول أن يك هذا من عند الله فليمضه).
وتم ذكر روايات عديدة على قصة زواج الرسول من عائشة
‏قال Desert cat
kareem
كريم صدقنى مش قصدى زعلك هو بس كلامى كان مجرد رد على كلامك ليس اكثر
انما الموضوع ده فى اعتقادى انه انتهى من زمان جدا لان دلوقتى مفيش بنت بتتجوز غصب عنها او اللى اهلها يختاروه ليها وزواج بنت العم لان عمها وهى لسه فى اللفه دى كانت عادات فى الصعيد حتى لما بيعلموا مسلاست بيذكورا فيها لااحاجت دى وده معناه انهم لسه عايشين فى عصور ما قبل التاريخ .. انما اللى فى وقتنا الحالى ممكن فعلا يكون جواز مصالح يعنى رجال الاعمال يجوزوا بناتهم لاولادهم زى مبيقولوا جواز الجنيه للجنيه دون حساب لاى مشاعر وده عادة بينتهى بفشل الزواج
هذا والله اعلى واعلم
‏قال غير معرف…
مش فاهم ياقطة
يعني النبي اتجوز عيشة و هى صغيرة عشان جبريل قاله كده؟
‏قال غير معرف…
قال الله تعالي :
لقد كان لكم في رسول الله أسوة حسنة لمن كان يرجو الله واليوم الآخر وذكر الله كثيرا

( الأحزاب : 21 )
‏قال romansy
حاجات غريبه بتحصل فى مجتمعاتنا العربيه
مع اننا بعاد عن الموضوع دا وعندنا قوانين
بس هو ممكن دا يحصل

فعلا فى البدو
وغيره
‏قال الربان
تحياتي

من حين لاخر سنري مثل هذه التصرفات غير
المسؤوله...لشخص يزوج ابنته القاصر الي
من يكبرها بعقود....

و فرق السن في حد ذاته لا يعد مشكلة
إذا كانت العروس غير قاصر اي تجاوزت
الثمانية عشر عاما....
اما تزويج القاصر فهذا في رأيي لا يصح
و لا يجوز...

قد يقول قائل ...ان النبي صلي الله عليه
و سلم تزوج عائشة و هي صغيرة السن و من هنا يتم القياس....اقول في رأيي ان
القياس هنا خاطيء...لماذا؟

- لان هناك خلاف بين الرواه حول السن الحقيقية لدخول النبي صلي الله عليه و سلم بعائشة...و الروايات متعددة...

- اختلفت الظروف و البيئة الان عن تلك
في القرون السابقة...و قديما كان سن البلوغ للاولاد و البنات مبكرا عما هو
عليه الان...رغم ان بعض الفتيات قد يبلغن و هن في سن التاسعة من العمر..

ستظل هذه حالات مفرده غير مألوفة و لا مستساغة...

نسأل الله ان يوفقنا جميعا الي اتباع مفهاهيم الدين الصحيحة و ان ننقد الرأي و لا نتعداه الي انتقاد صاحب الرأي....مثلما حدث من بعض الاخوة..
و من اخ فاضل انتقد الدين...و لو علم
قيمة و جوهر ما انتقده...لتغير رأيه


تحياتي و تقديري و دمت بالف خير.
‏قال الربان
تحياتي مرة أخري

معذرة لانني تدخلت في الحديث مرة أخري لكن أحببت فقط ان أوضح انه بالنسبة
للسيدة عائشة رضي الله عنها :

السيدة عائشة رضي الله عنها كانت مخطوبة
لاحد الاشخاص المعروفين من قريش....قبل ان يخطبها النبي صلي الله عليه و سلم...
و حين اسلم ابو بكر...و ساند الاسلام
و المسلمين فسخ خطيب عائشة خطبته لها.

النبي صلي الله عليه و سلم خطب عائشة بعد فسخ خطبتها ...لاسباب من بينها
ان يجبر بخاطر صديقة ابي بكر....

لم يدخل النبي بعائشة الا في المدينة المنورة....و بعد ان سأله ابو بكر الصديق...يا رسول الله ما يمنعك ان تبني
بأهلك...؟...الاب يسأل الرسول الكريم
لقد أقرض ابو بكر الرسول صلي الله عليه و سلم مالا حتي يدفع صداق عائشة..
لو كان ابو بكر يعلم ان ابنته في هذا
السن صغيرة للدخول بها...هل كان يستعجل رسول الله في هذا الامر؟..اعتقد لا بالطبع....

شكرا و تحياتي و تقديري
‏قال Desert cat
An Egyptian
لاء مش علشان جبريل قاله كدا انما لشدة حبه لابيها وللرواية اللى ذكرتها لك قبل كدا انه رأها فى المنام 3 مرات
والله اعلم برضه
:)
‏قال Desert cat
Anonymous
نتاسى بالرشول فى ايه ؟؟ فى الزواج من اطفال ؟؟
يعنى مش نتاسى بيه فى اخلاقه
ولا فى معاملاته مع المسلمين واليهود المشاركين ليه فى نفس الارض
ولا فى كرمه ولا ادبه
اعتقد ان ربنا كان يقصد كدا بالظبط
لانه هو بنفسه اللى قال انما بعثت لاتمم مكارم الاخلاق
‏قال Desert cat
romansy
احنا اينعم بعيد عن البدو لكن الوافدين من هناك بينقلوا لنا ثقافتهم يعنى مش تستبعد انها تحصل عندنا اوى
تحياتى
‏قال غير معرف…
لانه بيعز والدها فاتجوز بنته اللى عندها 6 سنيين لأ و دخل بيها و هى بنت 9 ياعيني طيب ليه ماصبرش شوية؟ يعني لحد 18 او 19؟
وكمان شافها فى المنام! لا فى دى ماقدرش افتح بقي
‏قال Desert cat
الربان
استاذى العزيز اختلفت الروايات حول زواج الرسول وهو رجل خمسينى من السيدة عائشة ففى البخارى ومسلم ذكر انه تزوجها وهى فى السادة ودخل بها فى التاسعه اما حسب كتب السيرة
حساب عمر السيدة (عائشة) بالنسبة لعمر أختها (أسماء بنت أبى بكر-ذات النطاقين-): تقول كل المصادر التاريخية السابق ذكرها إن (أسماء) كانت تكبر (عائشة) بـ(10) سنوات, كما تروى ذات المصادر بلا اختلاف واحد بينها, أن (أسماء) ولدت قبل الهجرة للمدينة بـ (27) عاما, ما يعنى أن عمرها مع بدء البعثة النبوية عام (610م) كان (14) سنة, وذلك بإنقاص من عمرها قبل الهجرة (13) سنة وهى سنوات الدعوة النبوية فى مكة, لأن (27-13= 14سنة), وكما ذكرت جميع المصادر بلا اختلاف أنها أكبر من (عائشة) بـ (10) سنوات, إذن يتأكد بذلك أن سن (عائشة )كان (4) سنوات مع بدء البعثة النبوية فى مكة, أى أنها ولدت قبل بدء الوحى بـ (4) سنوات كاملات, وذلك عام (606م), ومؤدى ذلك بحسبة بسيطة أن الرسول عندما نكحها فى مكة فى العام العاشر من بدء البعثة النبوية كان عمرها (14) سنة, لأن (4+10=14 سنة), أو بمعنى آخر أن (عائشة) ولدت عام (606م), وتزوجت النبى (620م), وهى فى عمر (14) سنة وأنه كما ذُكر بنى بها-دخل بها- بعد (3) سنوات وبضعة أشهر» أى فى نهاية السنة الأولى من الهجرة وبداية الثانية، عام (624م), فيصبح عمرها آنذاك (14+3+1= 18سنة كاملة), وهى السن الحقيقية التى تزوج فيها النبى الكريم (عائشة )
هذا والله الم
وداما حضرتك تشرف ولك الحق فى كتابة ما تشاء وكيف تشاء
مودتى واحترامى
‏قال Desert cat
An Egyptian
الموضوع فيه اختلاف وجدل كبير حول الرواية يعنى منقدرش نجزم هو دخل بيها بنت 9 او 18
ياريت تراجع ردى على استاذ الربان
‏قال غير معرف…
خدى بالك لحد دلوقتى مقولتيش انتى ساكنه فين يعنى جاوبتى على حاجه واتكلمتى فى كل حاجه ما عدا ذكر النقطة دى انتى قلقانه من ايه مش يمكن خير ؟
‏قال Desert cat
kareem
اهلا يا كريم انا مش قلقانة من حاجه وبقلق ولله الحمد
يعنى فى النهاية كله خير
عموما مش تقلق يا سيدى انا مش اسكندرانية ولا قاهرية يبقى اكيد اكيد شرقاوية هههههههه

المشاركات الشائعة