عليا الطلاق ما انتى طالق

اتعجب حقاً لذلك الذكر الذى ما ان يجد فى بيته من تدعى زوجة له حتى يجلس ليلاً نهاراً يحلف بالطلاق وكأنها الكلمة السحرية التى يلقى بها على أذن شريكته حتى تجلس بين قدميه تلمس على ساقيه وتقدم فروض الولاء والطاعة لتلغى عنها شخصيتها وإنسانيتها وعفويتها وتقلئايتها .. لتحسب الف حساب للبغل الذى ترعى فى بيته حتى لا يطلقها او يتوعدها بالزواج عليها من أخرى .. بالأمس أول ايام العيد .. لست من هواة الخروج فى مثل هذه الايام ولكن على حين غرة مع بدايات اول ساعات الليل قررت الذهاب إلى بلدى الآخر الاسماعيلية .. قررنا واصدقائنا الذهاب لرحلة بحرية انفصلت ونصفى الآخر عن الآخرين حتى أصدقائنا امتزج مع جمال الليل وسحرة برد الشتاء وغموضه مع دفء المشاعر التى لمسناها بروحينا وأحساسينا دون اجسادنا .. واثناء همسى له كم اعشق الشتاء تلك الاسطوانة المشروخة التى أرددها دائماً على مسامعه طوال ايام الشتاء من كل عام .. وبالرغم من انى اشعر كم مل هذه الاسطوانة فى حب الشتاء ورقة الشتاء وجمال الشتاء ولكنه لا يريد البوح حفاظاً على مشاعرى وانا لم أريد الكف عن ترديدها حتى شعرت انه لو بيده لمحى من الفصول الاربعه فصل الشتاء .. وفى اثناء هيامى بالشتاء وإذ بى فجأة وعلى حين غرة أنتفض كمن لدغه ثعبان على صوت ثور هائج معنا على نفس الرحلة وهو يصرخ بصوته المتشفلخ المشتنج المتهبل المتهطل وبمعنى ادق جميع ما سبق يهدد تلك الإمعة التى كانت تجلس بجوارة بعليا الطلاق لو ما صالحتيها ... نظرت إليه فى توسل حتى أدار نظره للجميع فرأهم منتبهين .. وكأنه كان يظن ان صوت الغناء والطرب لن يمكن الآخرين من سماع خواره بس مين دى اللى علشان البغل عمل كدا يمكن تكون الست اللى خلفت جنابة ليتثور ويتحكم وزوجته إنسانة ليحلف يمين الطلاق كل فنية وأخرى عليها .. او الحيزبونه اخته التى من المحتمل ان يكون حدث سوء تفاهم بينها وبين من يحلف عليها يمين الطلاق بين فنية واخرى ليثبت من خلال ذلك رجولته المهدورة .. اعتقد بالفعل انها مهدورة لأنه لو كان يملك الرجولة الكاملة ما جلس هكذا مثل الشرشوحة يردح ويهدد ويتوعد وكأنه خالتى فرنسا فى عزبة الشراشيح العشوائية التى كانت تحيا فيها .. هو فى راجل مكتمل الرجولة شرشوح وبيردح اساسا .. كل هذه خيالات طافت بخاطرى بعد ان رايتها استسلمت لهذا الثور الهائج وكل ما تملكه هو التوسل بنظراتها ... وهنا سألنى آدمى عن ما ألم بى فأجبته تلك الإمعة .. ضحك ضحكة ساخرة وكأنه كان متوقع ردى وعاتبنى على هذا اللفظ الغير منقى بكلامه مش كل الناس بتفكر زيك ولا كل الناس عايشة زى بعضها .. يمكن هى عايشة حياتها فى معناه وقابلة علشان اطفالها او بيتها او اهلها او اياً كان بقى .. فأجبته لا يوجد فى حياتنا هذه ما يسمى بالمعاناة .. فالحياة جميعها عبارة عن تجربة بشرية كذلك الزواج فاما ان نتعرف على طبيعة هذه التجربة حسب قدرتنا المنطقية .. او نتعامل معها بشرف وكرامة قدر الامكان لكن فجأة تلاقى انسان كيان كامل متكامل عبدة مسخرة لكلمة عليا الطلاق أو هتجوز عليكى سورى يا عزيزى ... لاحظت الامتعاض على ملامحه ولكنه أصر على مواصلة الحديث بأن الرجل لم يخطأ لأنه عرف أين تكمن نقطة ضعفها .. فهى فى البداية من اعطته سر تلك الكلمة السحرية .. فكانت إجابتى بأن من يعطى لشريكه طوق حياته فهذا يسمى اقتراباً أخلاقياً اعتقد انها شجاعه منها .. فاجابنى بانها من اختارت الشجاعه مع شخص لا يملك سوى العنف فعليها ان تتحمل .. اليس حقها ان تثق فى من اخترته اب لاولادها حتى وإن كان فرض عليها رغماً عنها سواء من الاهل او من القهر ؟؟ أو ليس هذا البغل الذى يستخدم كلمة طلاق وكأنها سيف مسلط على رقبة الأنثى التى ترتضى أن تعيش فى ظل هذا الوضع أن يعلم ان الله لم يشرعها حتى كل من هب ودب يتشدق بها ؟؟ أليس هذا البغل وامثاله من يتسكعون فى الشوارع والطرقات لمعاكسة الغائدات والعائدات ؟؟ من يحتك بهن فى الاتوبيسات ؟؟ لم أجعل هذا الأمر يشغلنى كثيراً ولن أضيع وقتى فى مثل هذه الأمور التى تعج بها المئات من البيوت المصرية .. فمن ارتضت ان تعيش رهن لكلمة تستحق ان تسحق .... اكملنا نزهتنا وعدنا فى طريقنا .. إيه ده ؟؟ فين ؟؟ شايف محل لملابس السيدات اسمه سكس ناين سكس .. يمكن لانجرى .. لاء يا حبيبى ده ملابس .. باركن كدا فى اى مكان .. رفع حاجبيه علامة تعجبه على طلبى .. عايزة تنزلى تشترى منه ؟؟ لاء عايزة اصوره ؟؟ تصدقى بالله ما بضحك من قلبى ولا بحب الدنيا غير لما بتكونى معايا .. بس ليه دلوقتى الكلمتين الحلوين دول .. كل مواقفك يا حبيبتى تجنن .. ميرسى خالص مش عايزة اصور حاجه .. جاء الصبح سريعا سريعا وعدت أدراجى .. أشعر بزهق وقلق نفسى امبارح يرجع تانى .. قولت اطالع الاخبار ولسه بفتح المصرى اليوم .. وألاقى خير اللهم اجعله خير كدا العنوان ده
القبض على ٥٠ مراهقاً بتهمة التحرش فى وسط البلد أول أيام العيد
ضبطت أجهزة الأمن بالقاهرة ٥٠ حالة تحرش ومعاكسة أول أيام عيد الأضحى المبارك، فى حملة شنتها مباحث الأحداث، بإشراف اللواء فاروق لاشين، مدير الإدارة العامة لمباحث العاصمة، وأسفرت عن ضبط ٥٠ مراهقاً تحرشوا وعاكسوا الفتيات فى الميادين العامة وأمام دور السينما بوسط البلد، بينهم ١٥ من المنوفية والصعيد وكفر الشيخ
هو بقى موسم خلاص .. كل عيل صايع امه مش ربته ولا علمته الادب ينزل يتحرش لاء ده كمان فى وافدين يعنى منايفه على اللى كفروا الشيخ على صعايدة .. ههههههههه وليهم نفس .. طيب العيال المراهقين دى مش سمعوا عن اللى اتقبض عليهم فى جامعه الدول ولا سمعوا عن الولد اسلام اللى اتحكم عليه بسنة ؟؟ اسئلة كتير احاطتنى بعد ما قريت الخبر وشعورى كان اشبه بمن يسير داخل نفق مظلم فجميع الذكور يتعاملون في المجتمع بنظرية لا حياة لمن تنادى حتى بعد العقوبات التى نالها المتحرشون
طبعا اجهزة الأمن تستحق كل إحترام وتقدير لأنهم بدأوا بالفعل التصدى للظاهرة وبينزلوا دلوقتى فى اماكن التجمعات بس ياريت يكون طول السنة لأن التحرش أصبح عرض مستمر

Comments

ربما يكون هذا العيد فألا حسنا فأكون أول المعلقين أو من أوائلهم في تدويناتك التي لا أجد الوقت لقراءة كافة التعليقات عليها

أولا نسيت أن أقول لك كل عام وأنت بألف خير


ثانيا ذكرتني الفكرة
بذلك الذي قال لزوجته وهي وسط السلم إن أنت نزلت الدرجات المتبقية فأنت طالق وإن أنت صعدت فأنت طالق، فما كان منها إلا أن قفزت من الأعلى إلى الأسفل لتنكسر..

الطلاق هو تلك اللعبة التي يتسلى بها الفحل العربي ليقول ما شاء لكني لم أسمع يوما من قال علي الطلاق ما أنتي طالق

مودتي
micheal said…
طب الحمد لله ان الأمن بقي له وجود في الشارع المصري في غير المظاهرات
سؤال مهم جدا وحستني إجابتك عنه
فوجئت منذ قليل وانا جاي ابعتلك حاجة مهمة ع الفيس بوك أنك لغتيني من القائمة عندك..خير؟
أنا لما حد بيعملي ديليت مش بيفرق معايا لو معرفوش ولو اعرفه بتبقي معرفة سطحية وبيبقي فيه مشكلة ما بيني وبينه..هنا بقي فيه ايه؟؟
لو فيه قولي لاني حقيقي اندهشت
Mohamed Hamdy said…
ماهو لو صح خبر الافراج عن شريف المتحرش بنهى رشدى .. يبقا شعار المرحله هيكون : اتحرش.. والريس هيعملك اعفا فى العيد
romansy said…
الموضوع دا عاوز وقفه بس من مين
بقى كل واحد يخبط له يمين على الفاضى والمليان
وكان دا سبيل كده
اما بقى للتحرش اللى فى وسط البلد
فتقريبا دى موضه 2009
بقينا نسمع كتير
عن الظاهره دى
ومش بقينا عارفين العيب فى مين
المجتمع اللى ظلم الشباب
سواء بنات
او صبيان
ولا فى البيت اللى معرفش يربى
ولا للتكنولوجيا اللى بقت فى كل مكان
وبارخص الاسعار
سواء الموبايل
والنت
والكمبيوتر
ولا ايه
Rania said…
كل سنه و انتى طيبه يا احلى قطه
An Egyptian said…
الست فى مجتمعنا ادني كمخلوق من الراجل
ان ماكانتش تفوق و تصحى لحقها يقى عمرها ماهاتاخده
على فكر عندك حق فى الاخوان والجلبيه والنقاب اتضامن معاكى بشده ؟
كل سنه وانتى طيبه
صفا said…
انا بجد يا قطة بقيت اما اسمع عن اللى بتحكيه ده باحزن اوى وازاى الحال بالمرأة وصل للدرجة دى من الزل والمهانة بس فى الاخر هيا اللى وصلت نفسها لكده مع المجتمع الزفت اللى احنا فيه
كل سنة وانتى طيبة يا جميل
mina said…
اعتقد ان الفن ليه تأثير جامد فى ظاهرة التحرش .. لما الاقى نجم الشباب تامر حسنى كل ما يطلع فى فيلم مصاحبله 50 بنت و بيهذر معاهم بطريقة سخيفة يبقى دة العادى ... لما الاقى الافلام كلها و الاعلانات كلها بتبص للبنت على انها حاجة مش شخص يبقى محدش يظلم الشباب اللى مش فاهم اى حاجة هما واخدين التليفزيون مثل اعلى . هديكى مثل فى اعلان جديد لبيريل فى بنت بتدخل على شوية شباب كله بيبص و يبحلق و يريل و واحد يقول البنت دى شخصية جامدة كله يبصله بقرف و يطلع واحد بصوت عجبيب يقول خليك راجللل . مش هقول اكتر من كدة
mina said…
نسيت اقولك كل سنة و انت طيبة :)
أولا كل عيد وأنتم بخير

الدين أولا
ثم التربية ثم التربيه

وبعدين الرغبه في التغيير للأفضل... وعدم السكوت عن الحق الضائع

مع أمنياتي بمستقبل أفضل لأولادنا

أهنئك على التناول الساخر... رائع

تحياتي
Tarkieb said…
ياقطة معقولة برضة التعميم ان كل الذكور بيتحرشوا بالانثي.....اللي بيتحرش بالانثي الجهل والكبت والحرمان مش اكتر....بالدليل اننا لم نسمع عن هذه الظاهرة الا الان في عصر الحرمان والتدين الشكلى ....زمان كانت اهلنا لابسة ميني جيب ومحدش بيعكسها...دلوقتي منقبات بيغتصبوا....
انونيمس 3 ونص said…
طيب احنا مالنا
ما هو ربنا قال "الرِّجَالُ قَوَّامُونَ عَلَى النِّسَاء

وكمان قال وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنّ َ فِي الْمَضَاجِعِ وَاضْرِبُوهُنَّ

حنعمل ايه بقة؟

يعني اللي اتعودت تبهدل عند اهلها هتقول على جوزها انو مش راجل لو مبهدلهاش وهي اللي هتبهدلو علشان طلع مش بيضربها
Desert cat said…
نبراس العتمة
هو بالفعل افضل بالنسبة لى انا ايضا لانى وجدتك تضيئ صفحة البلوج
كل سنة وانت واسرتك بالف خير
بالنسبة للطلاق فهى الكلمة السحرية التى بالفعل كما ذكرت يتسلى بها الفحل العربى ايضا التى يضمن بها ان تظل زوجته جارية طوع اوامرة
المقصود بعليا الطلاق ما انتى طالق
ان هو مش هيطلقها اساسا بس الكلمة بيرددها دائما للترهيب ليس اكثر
مودتى واحترامى
Desert cat said…
micheal
لاء الامن موجود فى المظاهرات وغير المظاهرات بس الناس المفروض انها تحترم نفسها ..
بالنسبة للفيسبوك انا عندى مشكلة فيه وهو انه مش بيقبل اضافات فرندز جديد وبالتالى قمت بحذف القديم علشان اجرب وبرضه مفيش فايده شكلها مشكلة فى السيتنج عندى .. لكن صدقنى انت غير معنى بالحذف ده والمفروض يعنى انك تكون عارف لان مفيش حاجه حصلت تستدعى لكدا
تحياتى ليك
Desert cat said…
Mohamed Hamdy
الخبر طلع اشاعه من المحامية اللاسعه
:)
Desert cat said…
romansy
كلمة طلاق يا رومانسى مش بيستخدمها عمال على بطال غير الضعيف اللى ميعرفش عن الرجولة سوى اسم اما الفعل فهو للرجال الحقيقيين
بالنسبة للتحرش فده انعدام قيم من الاهل اللى مش عارفين يربوا تلاقى الاب ولا الام فرحانين وضحكتهم من الودن للودن لما يشوفوا ابنهم بيعاكس اصل بالمعاكسة الواد كبر وبقى راجل
مش يعرفوا انهم بينشروا الفساد فى المجتمع
العيب فى اسرة سايبة اولادها يتربوا فى الشوارع
تحياتى
Desert cat said…
Rania
وانتى طيبة يا جميلة
كل سنة وانتى بالف خير
Desert cat said…
An Egyptian
صح جدا
متفقة معاك فى الكلام ده
تصحيح وضع المرأة مش هيحصل إلا إذا هى طالبت بحقها
Desert cat said…
صوت من مصر
انت بتفكرنى ليه بس يا محمد بالعالم الزبالة دى
:)
هينقرضوا يا عزيزى ان شاء الله خصوصا والمسئولين بدؤا يفقواوا ليهم ويعوا الناس من دروشتهم الخربة اللى بتنخر فى المجتمع كالسوس
تحياتى
Desert cat said…
بحبك يامصر
وانت طيب
Desert cat said…
صفا
كلامك مظبوط يا صوفى لن يستطيع اخراج المرأة من قهرها احد سواها فهى اللى المفروض تعترض على اللى مش عاجبها وتقول لاء للى بيحاول يقهرها
كل سنة وانتى بالف خير
... amr said…
ذكر = حيوان !!!!!!!!!!! طب انتي مقتنعة !!! كل سنة و انتي طيبة
Desert cat said…
mina
كلامك صح طبعاً إنحدار الفن من أهم الأسباب فى إنحدار القيم لو قارنا افلام عبدالحليم وشادية وخلافه من افلام الستينات بافلام اليوم لاو جه للمقارنة فالالفاظ الخادشة للحياء تردد طوال الفيلم او المسلسل ناهيك عن الشتمية المتكررة باستمرار وتقريبا الردح والشرشحة هما الفن اللى الناس فهمته دلوقتى
مودتى واحترامى
Desert cat said…
mina
وانت طيب وبالف خير عيد سعيد على الجميع
Desert cat said…
من غير عنـــوان
ما ضاع حق ورائه مطالب كل انثى شايفه نفسها مهزومة من ذكر وساكته يبقى تستحق
كل سنة وحضرتك بالف خير
Desert cat said…
Tarkieb
يا فندم ليس كل ذكر رجل فالرجال افعال لا اقوال اما من يتحرش او يسرق او يزنى او ياخذ اى حق ليس حقه فهو ذكر ويستحق السحق
مودتى واحترامى لحضرتك
Desert cat said…
انونيمس 3 ونص
ومش كملت الآيات لآخرها ليه ؟؟ ولا مش عارف عقاب اللى يقتص من آيات ربنا ما يناسب هواه .. يا فندم قوامون على النساء فيما انفقوا مش بالضرب والسباب وقلة الادب والاهانة ..
Desert cat said…
... amr
فى فرق شاسع بين الرجل والذكر يا عمرو ليس كل ذكر رجل
كل سنة وانت بالف خير
انونيمس 3 ونص said…
معلش. اسف اني مكملتش الايات علشان متفرقش كمالتها عن بدايتها بسبب السؤال اللي بيطرح نفسه

اشمعنا الرجال قوامون على النساء؟
ولماذا لا تكون مساواة؟؟

اشمعنا في تجاهل لوجود رجال ناشزين؟
ولماذا لا يوجد امر بضربهم من اجل العدل والمساواة؟؟

الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنّ َ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا


ولماذا العقاب الجسدي؟
ولماذا الغقاب الجنسي؟؟

الترجمة من الموقع بالاجنبي كالاتي
Men are the ones who should support women since God has given some persons advantages over others, and because they should spend their wealth [on them]. Honorable women are steadfast, guarding the Unseen just as God has it guarded. Admonish those women whose surliness you fear, and leave them alone in their beds, and [even] beat them [if necessary]. If they obey you, do not seek any way [to proceed] against them. God is Sublime, Great

علشان ايه
and [even] beat them [if necessary].

طيب بلاش ترد
خليها ناشز لحد ما تهدى ونسالها ليـــــــــــه زعلانة يا سيدتي؟

الضرب والصراخ والعنف والمعاملة السيئة مع المراة غلط حتى لو مكتوب في القران

اقول هازا واجري على الله
Desert cat said…
انونيمس 3 ونص
من الواضح ان حضرتك اخدت الآية بالشكل دون العناء فى معرفة ما يقصده اللى سبحانه وتعالى والتفكر والتدبر فى معانيها .. فحاشا لله ان يخلق الله شيئ حتى يكون سخرة او ليذل من قبل آخرين فما بالنا بالمرأة الكيان الكامل المتكامل
فمن الممكن ايضا ان تكون المرأة قوامة
لأن معنى القوامة اى القيام على الامر وتدبير الشأن للرجل
لما فضلة الله من صفات جسمانية وتحملية لاعباء الحياة
وبما انفقوا من اموالهم .. وعلية تسقط القوامة ان لم يدير شأنها وينفق عليها
ولا علاقة للعقل والعلم بذلك لان المرأة قد تكون
اكثر علما من الرجل وعقلا لان العلم صفات مكتسبة من الحياه
لا من تركيب الجسد واختلاف الاعضاء
كذلك فكلمة فضل بعضكم على بعض
اى ان الله فضل صفات للرجل على المراة
وفضل صفات للمراة على الرجل .. فلم يقل الله تعالى
( بما فضل الله الرجل على المراة ) في شكل مطلق
بل فضل بعضكم على بعض فى شكل نسبي
لان المراة مفضلة على الرجل فى قوة التحمل الروحي
فاصبحت قوامه ( مكلفة ) بالحمل والوضع والرضاعه
والقيام على تحمل خدمه الرضيع بكل صبر ..
كما ان المراة الام مفضلة على الرجل الاب ..
ده اللى ربنا يقصده .. والعياذ بالله من ان نتقول عليه ونلصق به مالا يقول
mostafa rayan said…
كل سنة وانتي طيبة يا حنان ويارب تكوني بخير وسعادة
طبعا كلمة الطلاق لا ينبغي ان تكون لبانة في فم الرجل يهدد بها زوجته كل شوية لانه هيكون الخسران الست ممكن تتطلع عين الراجل لو ماحستش معاه بالأمان وممكن تديله عنيها لو حسيت معاه بالامان مش من مصلحته انه يهددها كل شوية بيها
- لكن زي ماقال نصفك الأخر كل واحد له ظروفه واحنا مش عارفين هي متحملة ليه
ممكن تكون بتحبه وزي مانتي عارفة اللي بيحب حد بياخده كدة زي ماهو كله على بعضه
- ملحوظة اخيرة : لي اعتراض على تسمية البوست مايصحش ابدا تقولي ذكر = حيوان
لان هذا الذكر هو ابوكي واخوكي وخالك وعمك ونصفك الاخر واعتقد ان دول بني ادمين وبيحبوكي مش حيوانات
اظنك كمان لو لاقيتي راجل كاتب
انثي = حيوانة هتزعلي وتتضايقي وتقولي لاء الست بني ادم مش حيوان
بلاش اسلوب الشتيمة دة ياحنان للأننا كلنا بنكمل بعض راجل وست
ارجو انك تتقبلي رأيي
وكل سنة وانتي طيبة مرة تانية
Desert cat said…
mostafa rayan
اولا كل سنة وانت طيب وبالف خير
عيد سعيد عليك وعلى كل احبائك طبعا بالنسبة لموضوع البوست
كلامك صح ومنطقى يا مصطفى
لكن كلمة ذكر = حيوان انا اقصد بيها الذكور المنحرفين اخلاقيا يا مصطفى واللى ميعرفوش يعنى ايه معنى الرجولة
الذكر اللى بيبرر لنفسه انه يتحرش بواحدة لمجرد ان لبسها مش عاجبه واللى بيستحل حرمات الناس تحت اى بند واى مسمى الذكر اللى بيهدد ويتوعد بالطلاق من وقت للتانى
انما المعتدلين فهم رجال .. وليتهم كثيرون
شرفتنى جدا وكل سنة وانت بالف خير
مودتى واحترامى
انا حرة said…
اديكى قلتيها رجولته المهدورة
دول اساسا لا يمتوا للرجولة بصلة..ولا للانسانية من الاصل
كائنات بتستقوى على اللى اضعف منها سواء لانه عارف انها محتاجاله ماديا او لانه واثق انها اضعف من انها تواجهه او تقف قدامه
و عارف انها اقصى ما ممكن تعمله انها تبلع كلامه و تكتم دموعها عشان الناس ما تتفرجش عليها اكتر من كده
بس هى مش غلطته لوحده..غلطة اب و ام ربوا بنتهم على انها كائن ناقص مستنى الذكر اللى يكمله و يخليه بنى ادم كامل الاهلية

بالنسبة للتحرش..كلاكيت عاشر مرة..مفيش فايدة..بجد انا يئست من الموضوع ده..و كله كوم و اللى بيسيبوا بلادهم عشان ييجوا يتسرمحوا هنا و يعاكسوا بنات "مصر"
امبارح و انا بقرا الخبر على مصراوى لقيت تعليق لواحد دماغه تقريبا صواميلها فكت..بيقول ان البنت المحترمة ما تنزلش فى الميادين العامة..مش عارفة امال تروح فين؟..هو فى ميادين خاصة و انا معرفش؟؟
مصطفي ريان said…
الأخت العزيزة حنان
اتفهم وجهة نظرك بل اوافقك في الرأي ايضا
فالذي يتحرش بمرأة مهما كان لبسها هو حيوان والذي يعامل زوجته معاملة سيئة ويهددها كل شوية بالطلاق حيوان بردو
لكن العنوان نفسه مستفز جدا يا حنان وممكن يجيبلك مشاكل كتير انتي في غنى عنها
اعتقد لو تغيريه هيكون احسن
ارجو انك تتقبلي رأيي
وكل سنة انتي وكل احبابك بخير وصحةوسعادة
ذكر = حيوان!!!ه

كده مرة واحدة؟

يعني التنكير يفيد التعميم!!!ه

يعني الخطأ الذي فعله احد الذكور انسحب علي جنس الذكور جميعا؟

طيب انا قبل العيد عرفت عن واحدة ان ( مشيها بطال ) يبقي أنثي = ايه ؟

وبتقولي كنت مع نصفك الاخر في الرحلة؟

لازم طبعا واحدة صاحبتك لأنك مش هترضي يكون نصفك الأخر حيوان !!ه

********************************
اختيارك للقضايا حلو قوي يا قطة لكن اسلوب الطرح يضرها بصدق ولا ينفعها

ارجوك ان تحاولي مجاهدة نفسك
أبو أمك said…
الذكورة أدب
مش هز كتاف
Desert cat said…
انا حرة
كلامك منطقى جدا
اعتقد ان الانسان الهمجى اللى بيتعامل بعنف مع انثى ظنا منه انها كائن ضعيف وانها تحت سيطرته مهما صدر منه من افعال وتصرفات فهى فى جميع الاحوال رهن اشارة منه شخص ناقص لا يحتكم لا عقل ولا منطق ولا ضمير محتاج لاعادة تأهيل
بالنسبة لموسم التحرش فبالرغم من العقوبات الا ان المختليم اخلاقيا لا يعبأون اللى يسيب بلده وينزل يتحرش فى القاهره ده معدوم الادب والعقل كمان طبعا بالنسبة للتعقليات لو شوفتهيا كمان فى المصرى اليوم هتحسى ان اللى بيتكلموا شوية حيوانات مش عارفين من الدنيا غير ان البنت المحترمة اللى مش بخرج من بيتها خالص واللى بتخرج حتى للشغل مهتهم العليا هى اتحرش بيها
تحياتى
Desert cat said…
مصطفي ريان
عارفة كلامك يا مصطفى ومقدراه ومتقبلة رايك تماما حتى ولو اختلفنا فانت من الشخصيات التى تستحق كل تقدير
مودتى واحترامى
Anonymous said…
اخت المصريين جميله اسماعيل ورزاليوسف
من جريدة اليوم السابع
ابراهيم داود


هل تحولت إلى جريدة للحزب الوطنى ولجانه، أم هى جريدة من جرائد الدولة؟

لم أكن فى يوم من الأيام معجبا بأداء الزميل أيمن نور «المحبوس حاليا فى قضية تزوير» ولا بالذين يستقوون بالخارج فى معركة داخلية، ومع هذا أعتبر ما يتعرض له مبالغا فيه، وسبق أن راهنت على رحابة صدر السيد الرئيس لكى يفرج عنه، ومازلت أراهن «والعيد الكبير على الأبواب» لكى يعود الرجل إلى أولاده وزوجته الرائعة جميلة إسماعيل، نعلم أن الرئيس لن يخضع للابتزاز فى هذا الموضوع وأن أوباما مثل خلفه لن يحل المشكلة حتى لو أصدر البيت الأبيض خمسين بيانا يطالب ويشدد، خصوصاً أن القضية جنائية فى «شكلها».. وبعد أن وصلت لغة الحوار إلى مستوى مهين للنظام أكثر من معارضيه، وبعد أن وصل الأمر بالزميل عبدالله كمال رئيس تحرير روزاليوسف إلى النهش فى الأعراض والإساءة الفجة والرخيصة إلى السيدة جميلة، التى تحتاج - فى أزمتها - إلى المودة لا التجريح، لقد قرأت ما كتبه كمال فى «جدول ضربه» وشعرت بالغثيان والخيبة والإحباط من الكلام عن كلاب جميلة وطول لسانها.. وهو الإحساس الذى سبق أن أصابنى عندما أخذ عادل حمودة صاحب الجدول «كوعا» فى موضوع أصعب.. ولكن حمدى رزق كان موفقا فى رده «المصرى اليوم- الأربعاء» الذى «شفى غليلى مؤقتا» وتأكيده على أن لسان الحزب الحاكم مازال نظيفا ولم يصل - بعد - إلى هذا المستوى، ومن الصعب أن نصدق أن صفوت الشريف وجمال مبارك وعلى الدين هلال وأحمد عز «رغم اختلافنا معهم» يقبلون هذا.. وأنا هنا لا أستعدى هؤلاء على رئيس تحرير روزاليوسف ولكنى أتساءل: ما هو دور نقابة الصحفيين فى موضوع كهذا؟ «النقابة كانت مشغولة باتحاد الصحفيين العرب الذى لا نعرف ماذا يفعل فى الحياة؟» وماذا نقول للقراء الذين يشاهدون صحفيا ينهش فى عرض زوجة زميل له «مسجون» أنا لا أحمل ضغينة تجاه عبدالله كمال، وأعتبره كفاءة ويهدر طاقته فى معارك لا تخدم أحدا وتسىء إلى مؤسسته وإليه، وأعتبر روزاليوسف «اليومية» مكسبا كبيرا، وكنت أتمنى أن تعبر عن روح روزاليوسف الحرة التى كانت عنوانا للموهبة والذوق والشهامة، ولا أعرف هل تحولت إلى جريدة للحزب الوطنى ولجانه، أم هى جريدة من جرائد الدولة؟، كل ما أعرفه أن الحزب الوطنى هو أحد الأحزاب المصرية وله جريدة اسمها الآن «الوطنى اليوم» تعبر عنه مثلما تعبر الوفد عن الوفد والأهالى عن التجمع، ووظيفة جرائد الدولة «التى يدفع خسائرها الشعب» هى جرائد الشعب، هى مطالبة فقط بمتابعة أخبار السيد الرئيس باعتباره رمزا للدولة وليس رئيسا لحزب، وأنا غير كثيرين، لا أعتبر الذين يكتبون فى روزا عملاء ولا انتهازيين، ولا أعتبر الذين يدافعون عن النظام «أوالحزب الوطنى» خونة، من حق أى شخص أن يفعل ما يحلو له، ولكن أيضا عليه أن يعترف أن المعارضة لديها مبررات أقوى وأنها تسعى للتغيير إلى الأفضل، وأن معيار الوطنية يحدده الإنجاز والسلوك فى الحياة، روزا على مدار 1035 عددا يوميا لم تحقق الهدف من إنشاء جريدة إضافية للدولة، تعاملت مع خصوم النظام على أنهم أعداء،وتعاملت مع العاملين فى الصحف المنافسة على أنهم أعداء وتدافع عن سياسات يرفضها الجميع، هى بالطبع لا تخلو من أشياء إيجابية، أولها إتاحة فرص عمل لزملاء سيكونون «عزوة» للمهنة، ثانيا تتميز بصفحتين رائعتين واحدة عن الأحزاب والثانية عن الثقافة.. ولكنها لم تجعل القارئ بعد يثق بها ويعتبرها من أولوياته الصباحية.. وعودة إلى رد حمدى رزق الرائع على تطاول عبدالله كمال على السيدة جميلة إسماعيل، وكنت أتمنى أن ينشره فى مكان آخر غير «المصرى اليوم»، لأن التلاسن بين المكانين جعل الرد جزءا من «الخناقة» الغامضة التى باخت، فى الوقت الذى توجد فيه قضايا أكثر أهمية تخص القارئ ولا ينظر إليها الطرفان.

كل ما أستطيع أن أقوله لصديقى القديم كرم جبر رئيس مجلس الإدارة: أنت مطالب باستعادة روزاليوسف لمكانتها فى وجدان الناس، وأقول لعبدالله كمال بمحبة: أمامك فرصة لكى تتراجع عن معاركك التافهة وتدخل فى صلب الموضوع لأنك موهوب «وصحتك كويسة» وحصلت على فرصة عظيمة، استغلها.. والبداية أن تعتذر للسيدة جميلة إسماعيل، وليس عيبا أن تعتذر، ليس من أجل الصحافة والبيزنس وحزب الغد.. ولكن لكى يقابلك زملاؤك ويصافحوك بمودة.. وضع نفسك مكان أيمن نور فى «السجن» «فى يوما ما».. وتخيل أن شخصا «قليل الأدب» قال كلاما غير لائق فى حق السيدة حرمك.. فهل ستظن أن زملاءك وأصدقاءك سيقفون مكتوفى الأيدى؟!.
Desert cat said…
تايه في وسط البلد
يا استاذ تاية والله انا مش قصدى الرجالة المحترمين الكويسين
اللى انت اكتشفت ان مشيها بطال قبل العيد دى تبقى اسمها عاهرة مش انثى
نصفى الآخر أكن له كل حب واحترام وتقدير لأنه راجل محترم وابن ناس محترمين اتربى على الاخلاق واحترام غيره حتى لو كان مخلوق ضعيف .. يعنى لو قولت كلمة رجولة حقيقية هلاقيها كل حروفها متمثلة فيه
ولو حضرتك راجعت التعليقات هتلاقينى موضحة انا قصدى ايه بالذكر الحيوان
اللى هو بيتحرش وبيستقوى على غيره
شرفتنى جدا
مودتى واحترامى لحضرتك
Desert cat said…
أبو أمك
قصدك الرجولة بقى
لأن مش كل ذكر اسمه راجل
:)
مودتى
أول زيارة ليا وسعيدة بها وبهذه المدونة جدا، فقولت أنونو معاكم هههههه
أحييك على مناقشة موضوع استهانة الرجال بيمين الطلاق ونطقه في أتفه المواقف وبلا أسباب، لتهديد المرأة المستكينة الضعيفة التي تريد الحفاظ على بيتها وتربية أطفالها.
الا يسعني سوى أن أقول: اتقوا الله أيها الرجال وصونوا الأمانة التي أودعها الله لديكم
تحياتي وزيارتك ستشرفني بالتأكيد
Desert cat said…
الوردة البيضا
ميرسى جدا ليكى ولكلماتك الطيبة
يشرفنى جدا زيارتك واسعدتنى ايضا زيارتك
مودتى اوحترامى
Anonymous said…
شاهدوا جميله اسماعيل
فى القاهره اليوم
هذه السيده العظيمه فخر لنا جميعا
وللمراه
وللأمل
http://www.elghadonline.com/web/video.php?pageNum_rsVideo=1&totalRows_rsVideo=8
على الرغم من اتفاقي مع حضرتك في الكثير من الافكار.الا ان بعض الفكار تحمل مبالغه بل وافتراء
واسمحي لي ان اختلف معك في لغة الحوار التي استخدمتيها في التعبير عن وجهة نظرك
فانا احمل فكرا وحضرتك تحملي فكرا وغيرنا يحمل فكرا اخر
لكن لا يجب ان يوضح كل منا وجهة نظره وكانها الحقيقه الواقعه التي لا تقبل الشك
كما اني اوضح لحضرتك ان الذكور ليسو حيوانات كما
قلتي
بل هم بشر مثلهم مثل النساء(عكس الذكور)يختلفون كما قلتي في التكوين الجسماني
ولكن هناك بعض الصفات التي التي يكون فيها جنس افض من الاخر مثل القدره على القيام بالاعمال الشاقه عند الرجال او القدره على التحمل عند النساء
نعم يوجد نساء اقوى من رجال كثيرين ولكنهم قليلين لا يمكن مقارنتهم بعدد الرجال
كما اني احب ان اوضح لحضرتك ان المنايفه واللي كفرو الشيخ والاسماعيلاويه هم بشر مثلهم مثل سكان القاهره
ولا اعتقد ان هناك فروق بينهم من حيث النفس
كلامي لا يعني الموافقه على ما حدث في القاهره
ولكنه اختلاف في لغة الحوار
تحياتي
Desert cat said…
Anonymous
هذه السيدة تستحق وسام الوفاء والشجاعه
Desert cat said…
مذكرات مشاغب
اولا اشكر حضرتك جدا واعتذر عن اى سوء فهم
فانا يا عزيزى اقصد بالذكر هنا من يكتب نوعه فى شهادة الميلاد ذكر وتصرفاته لا تنتمى للانسانية بل عمرنا ما سمعنا عن حيوان بيتحرش
فالحيوان ان رفضته وليفته ابتعد اما دنيانا فياتى وافدين من جميع البلاد للتكدس فى اماكن التحرش وهذا هو ما قصدته
ارجو اكون وضحت وجهة نظرى
مودتى واحترامى

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز