كل اما اكون فرحانه قوى

مشيت مشييييييت لاء مش على الاشواك وان شاء الله مش هيحصل ابداً .. مشيت فى طريق طويل حبتين تلاته كان عاجبنى قوى قولت اكمل الهاند فرى فى ودنى وبسمع فيروزتى حبيبتى .. فجأة لاقيت واحدة طالعة لى تقريباً شيطان متنكر .. تقترب وتقترب .. الله دى كمان بتكلمنى .. انا مش سامعه هى بتقول ايه الموبايل عالى عالى عاااالى .. شوية وقربت مشيت بالظبط جنبى ولسه بتتكلم .. قولت اشوف فى ايه .. لاقيتها بتسالنى الطريق فاضى وطويل .. ممكن امشى معاكى ؟؟ طبعاً لاء .. تعمدت ارد بسخافة لانى فى الحقيقة مش عايزة امشى غير مع نفسى
وضاع المود بتاعى ومعاه فرحتى اللى بالقوى
دخلت بيتى مارست طقوسى اليومية اللى احيانا بتكون مش عادية .. كان كل اللى فى ذهنى انى لازم انزل بدرى بكرة وقفة .. الوقفة يعنى هيندبح عندنا خروف ويوم العيد كمان خرووف اه رحمتك يارب انا لازم اهرب قبل ما اشوف منظر الدم ده ... صحيت من نومى متاخره كالعادة وكان الجزار خلص من مهمته وهى قطع رقبة الخروف .. كل سنة وانتى طيبة يا مامى ولو انى زعلانه .. اه انا عارفه طيب النهارده الوقفة ومش حد عنده دبح الا نادرا امال بكرة هتعملى ايه لما مصر كلها يكون فيها الدم للركب .. ااااه ربنا يصبرنى هسيب مصر كلها واروح سويسرا .. سؤال ذو مغزى من الست مامى .. واشمعنا وقع اختيارك على سويسرا ماكان من قريب لندن .. معلشى بقى التغيير مطلوب .. اصل زمان قالوا فى الامثال من لا يتجدد يتجمد .. ومع ذكر هذا المثل العظيم تقع عينى على رأس الخروف وتنقلب معها معدتى راساً على عقب حتى شعرت انها وصلت زورى من كتر الترجيع طيب الله ثراكم
وضاع مووودى وكمان فرحتى اللى مش كانت بالقوى
خرجت مع جينول ولقاء نزلنا القومية وفى مواجهة مدرسة اللغات ماسورة بنى ادمين وانفجرت .. شباب القومية بنات وولاد احلى من كدا ولا فى الاحلام .. قولنا نتمشى على الكورنيش اخدناها من عند الجامعه للمحافظة المشوار طويييل بس الوقت مفيش وكانها ثوانى وطااارت .. دخلنا البارون اكلنا الايس كريم .. خرجنا ونلاقى ايه ددده الناس تتدفق وتتدفق وتتدفق .. وانا فى حيرة من امرى اتسائل هو فى ايييه .. صوت ما اعرفوش جاى من ورانا اصل الليلة عيد
وبهذه المناسبة الميمونة احب اهنى الشعب المصرى والعربى والغربى حتى شعوب واق الواق واقولهم
بمناسبة شم النسيم نهنأكم بعيد الأم المبارك صوماً مقبولاً ونتمنى ان يتقبل الله حجكم سنة حلوة ونعيماً مقدماً وزواجاً سعيداً

Comments

romansy said…
هههههههههههههههههه
ايه كل المناسبات دى

مشيت مشيت
ولسه همشى
لحد ما اخد العيديات
كل سنه وانتى طيبه

عيد سعيد مليان بالحب والخير


عيد سعيد مليان بالامل والسعاده


عيد سعيد على كل البشر

والمسلمين
عيد سعيد
نحقق فيه امنياتنا
ونحقق فيه احلامنا
ونصبر
اكيد هنلاقى الخير
عيد سعيد
semsem said…
.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•
::: (\_(\ ...*...*...*...*...*...*...*...*...*...*...*...*
*: (=' :') :::::::: Happy Ad7a :::::::::::
•.. (,('')('')¤...*...*...*...*...*...*...*...*...*...*...*
¸.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•
A7MeD F@hMy said…
كل سنة و انتي و الزقازيق كلها طيبة
:)
رومانسي
صفا said…
كل سنه وانتى طيبه يا قطة عيد سعيد عليكى يا جميل :)
كل سنه وانتى طيبه
كل سنة وانت طيبة
اتى عاملة زى اختى بتقعد تعيط علشان دبحوا الخروف بتاعها الى كانت بتسرحلوا شعروا
عيد سعيد
An Egyptian said…
بت ياقطقوطة ليه بتبدبحوا دايما بعد الصلاة سواء بشر بعد صلاة الجمعة او خرفان بعد صلاة العيد؟ :P

انا صعبان عليا اوي كل ارواح الخرفان اللى هاتزهق النهارده الصبح دى حرام عليكم دى فى حالها و عمرها ماأذت حد منكم كمان دى محتلة فلسطين؟ :)

اوعي تزعلي انا بغتت بس
كل سنة و انتي طيبة ياعسل و انا بجد فخور انك مصرية زيي
Sherif said…
أحلى حاجة الجملة الأخيرة اللى اختصرت تهانى العالم

وأحلى حاجة أنى أول تهنئة ليك

أنا الموضوع نفسه .. فلأنه عيد اذا لامجال للفلسفة والجدل .. لكنى بس بافكر .. اذا كان الحديث عن الرسول آخره .. فليرح ذبيحته

فهل نعمل باللفظ .. أم بالحكمة .. وهل طريقة الذبح اهذه فيها أى رحمة؟ لماذا لانخدر الضحية كما يفعلون بالخارج ؟ ستجدى من يقول الذبح الشرعى .. لكنك لن تسمعى من يقول .. ياسيدى هذا كان فى حدود الادوات المتاحة لهم وقتها .. وبقدر الامكان

أقول هذا من كثرة من كلمونى وهم متأذين من طريقة الذبح

كل سنة وانت طيبة
كل سنه وانتى طيبه
والمسلمين والعرب بخير
وهنفضل نمشى نمشى لحد ما نلاقى الاشواك فى طريقنا
تحياتى
انونومس2 said…
ماذا يركز شيوخ قنوات النقط على المراه وزيها
يقولون الممنوع مرغوب وفى بلادنا ثلاث ممنوعات او تابوهات لا يسمح بالتحدث فيهم
الجنس
الدين
السياسه او نقد الحاكم او العائله المالكه المحتكره للثورة النفطيه الهائله
اذا نستبد الثالثه
ولا يبقى الا الأثنتين الجنس والدين والتركيز على المراه وما تلبس يجمعانهما معا فيتوفر للموضوع الجاذبيه المطلوبه ...لكن
اين العقول الذكيه التى تدرك ما تحت سطح الأشياء
حتى اسرائيل دخلت اللعبه
لأن النصوص لا تفسر نفسها وانما البشر..ويمكن اثبات الشىء ونقيضه باستخدام نفس النصوص وهذه الحقيقه على بداهتها

تستعصى على افهام المتسربلين برداء التدين الشكلى مع ان على بن ابى طال قالها وبوضوح القرآن حمال اوجه
لذلك
حتى اسرائيل دخلت اللعبه واقامت موقعا لتوظيف تفسيرات عالم النفس الأسرائيلى اوفير جروسبارد لأجندتها السياسيه
الموقع
www.quranet.net
انونومس2 said…
ونتيجه غير مقصوده
من نتيجة التركيز على ثنائى الدين والجنس
باستخدام ملابس المراه
مدخلا لهما
ينتج عن ذلك ان يختل الموضوع
الجنس-المراه
بعد دمجهما
لا شعوريا
مكانا كبيرا فى اللاشعور ويؤدى الى المساعده فى اشتعال السعار الجنسى
وهى بالطبع احدى النتائج غير المقصوده
الحان said…
كل سنة وكل يوم وانتي طيبة والجميع طبعا
احسن عيد هو عيد الاضحى علشان بيكتر فيه الاكل وباحس انو عيد الاكل او عيد اللحمة, بس انا مقدرش اكول من حاجة تم دبحها قدامي. بس موش بافوت الفرصة علشان باروح على السوبر ماركت على اللحوم المجففة وشكلها بيلمع وبحس بريحة الفحم مي مكان بعيد وهناك مع الموسيقى بيكون احساس احسن شوية

يتبع....
الحان said…
التعليق بتاع الانونيموس2 شكلو موش فاتح الموقع الاسرائيلي خالص ومعندهوش فكرة انو في في اسرائيل وهابية واخوان مسلمين وبدو

طبعا هنعرف منين؟
محدش بيتكلم واحنا موش بنعمل مجهود علشان نعرف

اصل كل ما الاقي كلام تحت عنوان اسرائيل فانا باعمل سيرتش متواصل وبالاخر باكتشف ان اللي فتخ الموضوع موش فاهم عن ايه بيتكلم --للاسف

في مستشارة تربوية (نفس) من اصل بدوي في احد القرى البدوية في شمال اسرائيل قالت للمحاضر بعلم النفس ( كل الكلام بتاع علم النفس اللي بتقوله يا استاذ هو غلط علشان لا بنطبق على مجتمع بدوي مسلم. لانه ممكن تيجي ام وتقول ابني عنده مس من الشيطان ونا لن ينفع علم النفس اللي بنتعلمه علشان الاجوبة لمجتمع بدوي مسلم موجودة بالقران) الكلام اثار ضجة في كلية علم النفس في جامعة حيفا وقرر القائمين على كلية علم النفس بناء منهج علم نقس يعتمد على القران لانه اسهل التعامل مع بدو مسلمين وامهات واباء طلبة عن طريق القران
http://www.quranet.net/ar-how-quranet-began.html

ارجو ان لايتكلم احد عن القران وهو لايفتحه ولا يعرف ما بداخله

اللي عندو مشكلة مع اسرائيل يروح يحتلها وبلاش يستعمل كلام تخريف وبلاش يحط القران والاسلام بالنص

ستين سنة تخريف يبقى كفاية
سيبو الاسلام بحاله
RaRa said…
كل سنة وانتى طيبة ياقمر
وعيد سعيد عليكى
وعلى الامة الاسلامية
الحان said…
انونيمس2
في تعليقك الثاني
((ثنائي الجنس والدين)))
منين التسمية دي جبتها؟ اصلها موش موجودة في علوم الطبيعة ولا في علوم الشارع. بس اذا كنت عايز تقول حاجة اكتبها بكلمات بسيطة علشان متضيعش كلامك في تعابير موش مفهومة

الجنس والسعار الجنسي- والهياج الجنسي يتطلب منك دراسة موضوع يختص بالغدد الدرقية والغدد اللمفاوية ودراسة الهرمونات ومن بعد ذلك ستفهم الموضوع على عكس ما تعرفه

الاحساس بالحاجة للجنس ليس موضوع اختياري لانه يتعلق بالغدد والافرازات الهرمونية في الجسم

اما عملية التحرش والاغتصاب فو ناتج عن الجزء اللي تحت سيطرة الانسان بالمخ. وهو يختار ان يعتدي على امراة ومتى واين المكان المناسب للقيام بالاعتداء

سواء ان لبس الناس جلباب او بيكيني فهو ليس تبرير للاعتداء الجنسي وليس حائل دون الاعتداء الجنسي لان المعتدي يقرر هدفه مسبقا ولو خلال ثواني ومن ارادته يفعل ذلك والجلباب هو شيئ انثوي ولو لبسه رجل فان المعتدي سيقوم بالاعتداء الجنسي على الجزئ الشكل الانثوي وهو الجلباب وعلى الجزئ الوسط من الجسم الذي هو جواب للسؤال عن افراغ الطاقة الجنسية التي يستطيع ان يفرغها في بيته في الخمام او استعمال طريقة حضارية وانسانية باقناع الانثى بالمشاركة بعمل جنسي وهنا لا تكون مخالقة اذا وافقت واما اذا رفضت واعتدى عليها بالقوة فهو اصبح بمثابة حيوان لان الحيوان لا يمكنه ان يفكر بان يمنع نفسه عن الاعتداء على خصوصيات وممتلكات الغير

كل تبريرات الاعتداء هي عذر اقبح من ذنب لان الذي في طبعه السرقة وختى لو لم يكن يحاجة لذلك فانه سيسرق رغم انف كل القيم والاعراف التي تحرم الاعتداء على ممتلكات الغير ولان السارق يحب ان يغتصب مجوهرات البنك او يفتصب جسد امراة او طفلة

لا يوجد تبرير لارتكاب الجريمة

ليس ازدواجية وانما انفصام وتفكك شخصية
انونوميس2 said…
الست الحان متشنجه
الست الحان لأنها علقت وهى فى حالة انفعال فاتها المغزى وهو ان حتى اسرائيلى يستطيع بشىء من الفهلوه ان يفسر النصوص طبعا ليس لخدمة اى هذف يتعارض مع قناعاته وهو ما يؤكد الحقيقه البسيطه التى تستعصى على افهام كل المتشنجين وهى ماعبر عنه على بن ابى طالب بقوله القرآن حمال اوجه
والقصه وراء انشاء الموقع
تؤكد ولاتنفى هذا الكلام فهى تؤكد استخدام التص الدينى فى محاولة للأقناع
بماذا؟
بماذا
بماذا
باهداف اسرائيل
اليس كذلك ياست الحان
انونونمس2 said…
وللست الحان انقل نص تقرير عن تشجيع الحكومه الأسرائيايه وزارة الخارجيه الأسرائيليه للفكره فى موقعها وتحذير بعض علماء المسلمين منها
and the Israeli government, which endorses the project on its Foreign Ministry Web site.

Some Arab media, however, urge Muslims to be wary of an "Israeli Web site" that interprets the Quran to serve the "political agenda" of Israel
انونونمس2 said…
هذا ما جاء على وكالات الأنباء ووسائل العلام الكبرى مثل السى ان ان والبى بى سى ...الخ
وليس صدفه ان اول ما سيحاول ايقاع العرب به هو نبذ المقاومه للأحتلال وحب المغتصب للأرض
انونونمس2 said…
وهذه ليست المره الأولى فاسرائيل تعرف مدى سيطرة الدين على نفوس الناس ولذلك سعت اكثر من مره الى ان تحطب ود الأزهر ورموز دينيه مؤثره
لتبييض صورتها
ahmEd_H said…
كل عام و انتم بخير .. اعاده الله علينا بالخير و البركات
الحان said…
يا انونيمس2
يوجد في اسرائيل مسلمون بدو اصلهم من شبه الجزيرة العربية ولكنهم وصلو الى مراكز عالية في الجامعات الاسرائيلية ويبدو ان تاثير ديانتهم وحضارتهم بدا يصبغ لونه على الجامعات في اسرائيل

بعيدا عن استعمال الارهاب
وتحت نظام ديموقراطي يبدو انهم استطاعو الحصول على ثقة وزارة المعارف بتغيير مناهج دراسية وحضارية كثيرة خاصة بهم كبدو مثقفين وعلى درجات ثقافية عالية واستطاعو جذب انظار المجتمع الاسرائيلي اليهم واقامو مراكز حضارية لهم

عدا عن ذلك توجد مئات الديانات الطوائف التي تتمتع بالحرية والديموقراطية والمساواة في داخل اسرائيل بينما لا يوجد في دولنا الغربي حرية لاي ديانة ولا حتى الاسلام وهذا ما جعلنا في قمة الرقي بين امم الارض
الحان said…
ارجو يا انونيمس 2 ان تنتبه بانني لست موضوع نقاش لاحد وارحو ان تلتزم حدودك وتناقش قي المواضيع التي انت تطرحها . واما اذا اشغلت نفسك بامهاجمة شخصيتي قانك تعكس ضعف شخصيتك ومحاولتك السيطرة على الحديث بالقوة ولا تحاول ان ترمي بالنار من يناقش طروحاتك لانه من الممكن تجاهلها وكما ترى فانها لاتعني احدا

خدا عن ذلك فانك لم تاتي بجديد لاننا تعودنا ان نجد من يجعلون اسرائيل والغرب شماعة لتعليق الجهل العربي عليها واصبحت شيئ عادب لاننا سنسكت بعد هذا المخدر الذي ادمنا عليه ستين سنة ولا نريد الشفاء منه
كل سنة وانت طيبة

وعيد سعيد علينا وعليك
كل سنة وانت طيبة وربنا يديم عليكي الخير والسعادة وراحة البال
انونونمس 2 said…
الست الحان دى ظاهره
لم تفهم المكتوب ومع ذلك تنبرى للمجادله فيما لم يتضمنه الكلام الذى تجادل فيه
هل انكر احد ان للغريزه الجنسيه اساس بيولوجى عضوى؟
وبالمناسبه هل للغده الدرقيه او الغدد اللمفاويه علاقه بالجنس؟
ثم تنتهى الى نتيجه رائعه بعد ان تعلمنا ان التحرش نفسى او عقلى المصدر
وهى ان كما تقول
الذي في طبعه السرقة وختى لو لم يكن يحاجة لذلك فانه سيسرق رغم انف كل القيم والاعراف التي تحرم الاعتداء على ممتلكات الغير
والنتيجه المترتبه على ذلك ان هذا السلوك المنحرف مسالة طبع وبالتالى فلا فائده من مناقشته او محاولة البحث عن علاج
ثم تناقض هذا مباشرة وتتطوع بتشخيصه بانه انفصام فى الشخصيه
وكما هو معروف\لنفصام الشخصيه او الشيزوفرانيا بانواعها المختلفه هو مرض عقلى لا علاقة له بموضوعنا مرض من فصيلة ال
psychosis
ولا ادرى من اين اتت بان بكلامى تبرير لهذه الجريمه
تقبل الله منا ومنكم
وكل عام وانتم بخير
انونمس2 said…
وممكن نمشيها بالنسبه للغده الدرقيه باعتبارها مسؤوله عن التمثيل الغذائى وبعض الطعمه قد تكون مثيره جنسيا
ولكن لا نستطيع ان نفوت الغدد الليمفاويه او العقد الليمفاويه كما تسمى لأنها ياست الحان هى جزء من حهاز المناعه الذى يتم فيه الفضاء على الميكروبات الغازيه للجسمبواسطة كرات الدم البيضاء
Desert cat said…
romansy
يا بختك يا رومانس اخدت العيديات انا بقى صرفت كل العيديات واللاعيديات وحياتك
:)
كل سنة وانت فى افضل حال
عيد سعيد
Desert cat said…
semsem
ميرسى جدا على التهنئة
كل سنة وانت فى افضل حال
Desert cat said…
A7MeD F@hMy
كل سنة وانت طيب يا احمد
وميرسى جدا ليك
عيد سعيد
Desert cat said…
صفا
وانتى طيبة يا صوفى
عيد سعيد يا جميله
Desert cat said…
صوت من مصر
وانت طيب يا محمد
عيد سعيد
Desert cat said…
قلوب بتغنى
لاء انا بالنسبة لى فى ستين الف داهيه الخروف
انا اصلا بخاف من منظر الدم
علشان كدا مش بحب اشوفه لا بيندبح ولا مدبوح ولا اى روافد ليه
احب اكله وبس
:)
كل سنة وانتى طيبة
Desert cat said…
An Egyptian
وحياتك عندى وانت عارف غلاوتك عندى اد ايه
انى ما بحب اشوف حاجة بتندبح
بس ايه موضوع البنى ادمين ده مش بيحصل غير فى ارض الرمال الجلاحيف
الحمد لله مصرنا لسه مش فيها الكلام الفارغ ده
غتت براحتك يا كبير ولا يهمك
كل سنة وانت اسعد الناس
:)
Desert cat said…
Sherif
اااااه انا الحمد لله مش بشوف المنظر بفضل نايمة لحد ما يندبح وبعدين الناس خيبتها السبت والحد وانا خيبتى مش عند حد بابا بيدبح يوم الوقفة ويوم العيد يعنى ما شاء الله كدا عندنا قتيلين فى يومين متواليين
الله يكون فى عون اللى بيشوف الحاجات دى
يا استاذى الغالى احنا مش بنعمل بالحكمة .. ده مش بعيد لو حد فكر يخدر الخروف قبل ما يندبح يقولوا له انت كدا مش مضحى والخروف بتاعك آثم ثم آثم آ آآآآآآثم
لازم يبقى صاحى وبيفرفر
كل سنة وحضرتك طيب وبالف خير
عيد سعيد عليك وعلى اسرتك وكل محبيك
Desert cat said…
محمد صالح
ربنا يبعد عن الجميع كل الاشواق
كل سنة وانت فى اسعد حال
مودتى
Desert cat said…
انونومس2
الكلام فى الدين جعلوه تابوه لان هناك مرتزقة يستخدمونه للإكتساب من خلفه حتى وان كان كلامهم تأليف من نسج خيال ولكنه مغلف بآية وحديث للاستشهاد
الكلام فى الجنس جعلوه تابوه
حتى اصبح التحرش ثمة مميزة لعصر تلحفت فيه النساء وتلثمت حت مسمى الدين حتى لخصته فى مظهر لا جوهر فالجوهر متعفن ويوحى بالقيئ العمد
اما تابوه السياسة فهو اصبح لعبة يجيدها الماهر من يعى فنها جيدا
فاستغلالها من قبل اشخاص او دول بيعنها لا يعنى انه تحطم او كسر لانه مزال القمع والاستبداد موجود فى بلادنا فلما لا تستغله البلاد الاخرى
Desert cat said…
انونومس2
السعار الجنسى وهو ما يزداد مع زيادة الملثمات فى الشوارع والطرقات
Desert cat said…
الحان
كل سنة وانتى طيبة وفى احسن حال
انا مش بعرف اشوف اى حاجه بتندبح قدامى
عندى فوبيا من منظر الدم
عيد سعيد يا جميلة
Desert cat said…
RaRa
وانتى طيبة يا جميل
عيد سعيد
Desert cat said…
ahmEd_H
وانت طيب يا احمد وفى افضل حال
عيد سعيد عليك وعلى اسرتك وكل محبينك
Desert cat said…
وميض ابتسامة
وحضرتك طيب
عيد سعيد عليك وعلى اسرتك وكل احبائك
Desert cat said…
تايه في وسط البلد
ميرسى جدا ليك
وكل سنة وانت بالف خير
Desert cat said…
م/ الحسيني لزومي
ميرسى جدا لحضرتك
كل سنة وانت بخير
Tarkieb said…
كل سنة وانت بخير يا قطة وتنونوي كمان وكمان
Desert cat said…
Tarkieb
ميرسى جدا لحضرتك كل سنة وحضرتك طيب وفى احسن حال
الحان said…
الهرمونات الذكورية والجنسية اسمها
androgen group

اهم الهرمونات الذكرية اسمه
Testosterone
وهو موجود عند الاناث ويتم افرازه من المبيضين ومن الغدة الكظرية ووظيفته هي الاحساس بالحاجة للجنس

هنا في صورة توضح مواقع الغدد التي تفرز الهرمونات الجنسية والذكورية عند الذكور

http://www.feelyoungagain.info/Endocrine.jpg

في بعض الدول يتم حقن الرجال المعتدين جنسيا بمضادات الاندروجين ليمنع الاحساس بالهياج الجنسي ما دام عقله لا يتحكم بتصرفاته
كل سنة وانتي طيبة ياقمر وعيد سعيد عليكي يارب معلش دخلنا نعيد عليكي متاخر
وربنا يخلي كل ايامك حلوة ومناسبات وعيديات ههههههه
هابي عيد
Desert cat said…
بنات صاحبة الجلالة
كل سنة وانتوا طيبين يا قمرات الصحافة المصرية
عيد سعيد عليكو وعلى جميع احبائكو
Tarkieb said…
يا بختك يا قطة صاحبتك اسمها جينول عالم لارج برضه مش انا كان اجدع واحد في اصحابي اسمه حندوقة
كل سنة وانت طيبة والجميع بخير يا رب
Desert cat said…
Tarkieb
ده جينول دى اسهل اسم فى النطق من بينهم ده فى عندى اصحاب اسميهم محتاجه كتالوج علشان تتنطق هههههههههه
وبعدين ماله اسم صاحبك على الاقل منطوقه سهل ومعروف للعامة والخاصة
كل سنة وحضرتك طيب وبالف خير
انا حرة said…
كل سنة و انتى طيبة..معلش متاخرة شويتين بس انا بقالى اسبوع تقريبامش بدخل على النت
كل عيد و انتى طيبة :)
Desert cat said…
انا حرة
كل سنة وانتى طيبة وجميلة وارق بنت فى الدنيا
على فكرة انا بروح عندك اشقر وامشى تانى
المهم انتى نورتى الدنيا كلها من تانى
كل سنة وانتى بالف خير
مسؤلية الحالف با الطلاق لا تقع عليه فقط بل المشايخ اللى فهموه سهولة الطلاق وانه لا يقع الا بألفاظ معينه وفى حالات معينه وان المكره والسكران طلاقهما باطل واشياء من هزا القبيل وأخيرا تأتى مسؤلية الزوجه الخانعه
الغلبانه ......!!!!
Desert cat said…
العجوز والبحر
المشكلة مش المرتزقة المعروفون المشايخ اللى بيحلوا الحرام ويحرموا الحلال
المشكلة اللى بيسلم لهم عقله وينساق خلف كلامهم كالانعام

Popular posts from this blog

قميص دهشور

كل تحرش وانتوا طيبين