عبدالناصر كان اخوانجى !!!! مش مفاجأة

مع إنتهاء عصر المفاجآت وإنطفاء عيون الإندهاش .. لم استغرب ولم اتعجب حينما وقعت عيناى على هذا العنوان فى موقع العربية نت
عبدالناصر: "أشهد الله على تنفيذ مبادئه والجهاد في سبيلها"
شريط نادر يجمع نجيب وناصر والسادات على قبر حسن البنا

واصلت قراءة الخبر للوقوف على ماهية ما يقصدة العنوان تحديداً
لأجد هذا البرجراف
فيما تضمنت مجلة "التحرير" التي كانت تصدر في ذلك الوقت، وصفا تفصيليا لهذا اللقاء الذي استقبلت فيه أسرة حسن البنا، قادة الثورة الثلاثة، نجيب وعبد الناصر والسادات، وكلمة التأبين التي ألقاها عبد الناصر، والتي أقسم فيها على تنفيذ مبادئ مؤسس جماعة الإخوان والجهاد في سبيلها
وحينها تسألت ولماذا كانت إذن مسرحية المنشية ؟؟ أهى للهروب من الوعود والعهود بتنفيذ مبادئ مؤسس الجماعه المحظورة ؟؟؟
حينما طرحت سؤالى هذا على أحد اصدقائى اجابنى .. بأن عبدالناصر كان ينتمى بالفعل لجماعه الإخوان المسلمين ولكنه تخلى عن اهدافها .. واصلت قراءة المقال فقد تأكدت نظريتى لهذه الجماعة التى دائماً تمد يدها لمن تجد لديه المصلحة والوصول إلى تحقيق هدفها المنشود ..
ويقول د.عمار علي حسن مدير مركز أبحاث ودراسات الشرق الأوسط بالقاهرة والمتابع لتاريخ الحركات الإسلامية "الإخوان طوال تاريخهم الذي امتد لأكثر من 80 عاما تعاونوا مع كل من تولى الحكم في مصر بداية من الملك فاروق، وصولا إلى السادات، بما في ذلك جمال عبد الناصر قبل حادث المنشية، حتى السادات تعاون معهم في وقت مخاصمته لكل القوى الوطنية في مصر بسبب تحالفه مع إسرائيل، وما زالوا يمدون أيديهم للتعاون مع نظام مبارك، إلا أنه يرفض ذلك تماما".
اكثر من 80عام يحاولون الوصول للحكم ده من الواضح ان نفسهم طويل اوى مش مشكلة مع مين يتعاونوا مع رؤساء مصر مع الانجليز مع الامريكان المهم انهم يوصلوا للهدف المنشود مد ايديهم لعبادالناصر فى انقلاب يوليو .. وما ان تحقق هدفه حتى انقلب عليهم هو لأنه يعلم تماما ما تكنه أنفسهم .. وقام بدور الممثل البارع الذى لا يحتاج للوقوف على خشبة مسرح وقام بتمثيل مسرحية المنشية الهزلية .. ومن بعده الرئيس المؤمن اوى خالص انور السادات الذى انقلبوا ضده وارسلوا له بالاسلامبولى .. ومازالوا يمدون ايديهم لنظام مبارك الا انه يرفض تماماً .. وهل يلدغ المؤمن من الجحر مرتين ؟؟؟؟

Comments

Anonymous said…
المسألة ببساطة إن عبد الناصر في بداياته لف على تنظيمات وحركات كتير عشان يعرف ويتعلم لغاية أما كون فكره الخاص ، يعني فيه صورة مثلا له مع الزعيم أحمد حسين مؤسس حركة مصر الفتاة وكان عضو في تنظيم القمصان الخضر ويقال أنه انضم لبعض التنظيمات الشيوعية ثم انفصل عنها فيما بعد لأنها لم تعجبه، فبلاش تجني
Migo Mishmish said…
هيييييييييييه حجزت الاول
حنان : عبد الناصر كان اخوانجى حالانجى بريمو نشانجى ..مش مهم هو كان ايه ؟المهم انه نفخ مصر ووداها فى ستين داهيه هو وعصابه الانقلاب المسمى بالثورة ..عبد الناصر كان يهمه مصلحته ومنظره قصاد الشعب ..وكان بيستغل الكاريزما بتاعته فى الضحك على دقون الغلابه ..يكفى انه هو من اخرج الرعاع من جحورهم ..وجعل البلد فوضى نعانى منها الى الان ..راجعى الخطب بتاعته ..مش هاتلاقى فيها جمله مفيده ..كلها شعارات وكلام من بتاع الرعاع الى بينبسطو بيه اوى ..زى ماتشوفى فيلم اهبل لايحمل اى مضمون وبعدين تلاقى فى اخر الفيلم البطل بيولع فى علم اسرائيل عشان يحلل للجمهور الى دفعوه ..اهو دا عبد الناصر بتاع القوميه والتجريبيه ..ولا تتنحى لا تتنحى ..بصراحه احنا فعلا كلنا عبد الناصر ..بتوع كلام وشعارات انما عمل مافيش ..والنتيجه فى الاخر صفر
تحياتى ليكى ياقطه
ملحوظه : انا معترض على قطه الصحراء عشان بتفكرنى بالبدو الوهابيين الجهلاء
هاسميكى قطه فيينا او قطه روما او حتى نيو يورك
Anonymous said…
عبد الناصر وجيله هم ابناء فتره من فترات التوهج فى مجال العمل الوطنى وكانت لمصر احزاب وتنظيمات متعدده
وطبيعى ان يحاول الشباب الوطنى
المتحمس لقضايا وطنه
ان يتعرف على افكار
ومبادىء القوى السياسيه المختلفه فى الساحه
ويذكر ان عبد الناصر سمع من يطالبه بتطبيق
افكار الأخوان فاجاب بعبارة موجزه
كيف ؟وهل هذه افكار تقبل التطبيق فى هذا العصر
Anonymous said…
لم يكن حادث المنشيه تمثيليه...هذا مايروجه الأخوان فى محاولة ساذجه
لتبييض
صفحتهم وغسل ايديهم من العنف الدموى
ولكن
الرصاصات الست التى اطلقت فى اتجاه عبد الناصر
كانت رصاصات حيه ولم تكن فشنك
وكان من الممكن ان تقتله فعلا
ولا يوجد مخرج فى العالم يطلب من الممثل استخدام رصاص حى فى تمثيليه
وبالمناسبه يوجد تسجيل لهذه الطلقات
وهكذا دون ان تدرى تبنيت فبركة الأخوان
كل عام وأنت والأسرة والأمة الأسلامية بخير
Mohamed Hamdy said…
السياسه قذره بشكل عام

سواء كان المتعامل فى السياسه ناصرى ساداتى اخوانى .. مش مهم الصفه المهم انه اتلوث يقذر السياسه
الخوف هو الحاكم فى مملكه الشيطان
سواء كان احوانجى شيوعى مفولى فقد ارسى مبادئ القهر والظلم وهو المطلوب
واللى بنى مصر كان فى الاصل حلوانى
واللى نفخ مصر كان فى الاصل ابن كلب ناصرى
MaGn0liA... said…
على ذكر موضوع السياسه القذره

كنت بتفرج على حاجه ساخره كده فى النص قالوا تخيل سياسيين شرفاء

السياسى ممكن يبقى داهيه لكن قذر لا

---

موضوع حلو مع انى من انصار عبدالناصر بالرغم من كل حاجه
Anonymous said…
الخوانجي يا سيدتي يتستر بغطاء الدين من اجل التوصل الى سدة الحكم هم بيستغلوا الدين من اجل مصلحتهم في تحقيق الخلافة على منهاج النبوة على قول الشيخ عبد السلام ياسين في المغرب و معا ذلك بامكانهم التحالف مع الشيطان وليس فقط مع ناصر او النظام الوهابي بالسعودية من اجل تحقيق مصالحهم
تحياتي
دعوة للتواصل
مدونة احزان لا تنتهي
http://triste7.maktoobblog.com
romansy said…
اولا
كل سنه وانتى طيبه

عيد سعيد
عليكى
وعلى كل المسلمين

ثانيا

عبد الناصر
لما نسمع هو عمل ايه
نلاقى تقريبا هو اكتر رئيس اشتغل
وكافح كتير
كان فى عصره حروب كتير
بس لولا
الحاشيه اللى كانت حواليه
كنا بقينا شعب
تانى
الحان said…
اولا: كل سنة وانتي طيبة

ثانيا
ابتدا اعجابي يزيد في الاخوان "المسلمين" بسبب انهم ناس نشيطين ومثابرين لى العمل الدئوب من اجل الوصول الى اي هدف عبر القارات والبحار وقد نجحو في انشاء خلية لهم في كل دولة في العالم وحتى في اي امريكا والهند وباكستان وفي جميع دول الشرق الاوسط ومن ابرز الخلايا الناجحة هي :- حماس - حزب الله - الحركة الاسلامية في داخل اسرائيل والتي حصلت على مقاعد في البرلمان الاسرائيلي - في الاردن اصبحت من ثوابت الدولة تحت اسم جمعية خيرية

الاب الروحاني للاخوان هو الحركة الوهابية التي تحارب البدع وذلك عن طريق هدم الاضرحة والقبور للاولياء الصالحين في شبه الجزيرة وايران , وهدم الكنائس والمابد الدينية لاي ديانة ليسست اسلامية

من اهم قواعد الاخوان المسلمين هو عدم التدخل بالحياة السياسية كما نرى على ارض الواقع

عبد الناصر
تخرج من مدرسة الاخوان ولما نبتت له اجنحة وريش طار ولكي يبني له قاعدة سياسية اعلن انه لا يوافق على مبادئ الاخوان لان مصر متعددة المذاهب والديانات على حد قوله

جمال مبارك تلقى عرض ان يتبناه الاخوان شريطة ان يتنازل والده عن العرش

كلهم تحت شعارات الدين الاسلامي الذي اعلن افلاسه بسببهم لانه تم تسخيره لهم
ابو احمد said…
كل سنه وإنتى طيبه
An Egyptian said…
بس عشان تعرفوا ان حسني راجل تمام
ربنا معاك ياسيادة الريس
RaRa said…
♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥
على فكره انا من عشاق ناصر ومش متخيل انه يكون اخوانجى ؟
وصعب ازاى اخوانكى وازاى طبق الاشتراكيه فى مصر
Misrdream said…
هههههههههههههههههههههههههه
هههههههههههههههههههههههههه
هههههههههههههههههههههههههه
يعني كده احنا والاخوان
اخوان فى الرضاعه
برضه بحب عبد الناصر
عبد الناصر عبد الناصر عبدالناصر
وبكره هعمل مظاهرة فى التحرير
وهلم معايا الناصريه والاخوانجيه
والسادتيه بالمره
Eman said…
حبيت أعيد علي أحسن قطة في الدنيا

عيد سعيييييييييييييييد

ولا عيد مبارك ؟ ;)
Desert cat said…
Anonymous
والله يا سيدى الفاضل انا لم اتجنى ولكن بماذا تفسر صيانته للعد والوعد وتطبيق المبادئ
Desert cat said…
Migo Mishmish
تلخيص لحقبة تاريخية مازالت مصر تعانى منها بسبب انقلاب 7 من الرعاع اسموه فيما بعد بالثورة ولا اعلم اى ثورة التى يقوم بها 7 افراد كبيرهم بكباشى
عبدالناصر قبل الانقلاب كان فى اجتماع مغلق مع سفراء امريكان لخمس دول عربية وان دل هذا فانما يدل على ان ناصر بالفعل ينفذ نفس المبادئ والخطى التى عاهد عليها حسن البنا الا وهى المصلحة الشخصية البحته
اشكرك جدا ميجو ومشموشة
على قطة فيينا
:)
Desert cat said…
Anonymous
عبدالناصر لم يكن بالغباء الذى يسمح له ان يتبنى فكر الاخوان حتى وان كانت تصلح للعصر الذى يحيا فيه ولانه عاش وسطهم وتبنى افكارهم فقد شربها عن كسب فالمصلحة هى المحرك الاول والاخير لهم ولهذا فى البداية تحالف مع الامريكان والاخوان وبعد ان وصل الى منصب الرئيس قام بتمثيل مسرحية المنشية ليجد طريقة لابعادهم وفى الحقيقة خير ما فعل وانا ادين السادات بشدة لانه اعاد اخوان الشر والمصلحة مرة اخرى لينخروا كالسوس فى المجتمع
Desert cat said…
Anonymous
يا سيدى الفاضل عبدالناصر تاخر عن موعد القاء خطابه فى المنشية الى قرابة الساعه وهذا لتأخر الطائرة التى كان بها القميص المضاد للرصاص الذى ارتداه عبدالناصر فى هذا اليوم
انا لا ابرء الاخوان من اى افعال ولكن ان حدث انقلاب بينهم وبين عبدالناصر فهو انقلاب على المصالح الشخصية فقط
Desert cat said…
جعلوني مريض نفسيا
كل سنة وحضرتك طيب وبالف خير
Desert cat said…
Mohamed Hamdy
السياسة لعبة لا يجيدها الا من يحمل عقل مدرب ماهر
Desert cat said…
لوسفر فاوست عبد الجبار
بسبب هذا الناصر والشرذمة التى كانت معه فى ذاك الوقت دفعت مصر ثمن غالي ومازلت تدفع حتى الآن
بالفعل نفخ مصر
Desert cat said…
MaGn0liA...
انا لا انكر على اى شخص انتمائه انا اتحدث داخل المحيط السياسى
ميرسى جدا لمرورك الطيب
:)
مودتى
Desert cat said…
Anonymous
عبدالناصر كان يجيد كلام الشعارات والهاب الحماس وفى المقابل ضيع مصر بنزواته فى الحروب الميمونة
عقلية عبدالناصر لا تختلف كثيرا عن الاخوان فهو تربية مدرسة البنى الذى عاهده على تبيق مبادئه فى الوصول لاهداف شخصية طبعا
:)
Desert cat said…
romansy
كل سنة وانت طيب وبالف خير
عيد سعيد عليك وعلى اسرتك
بالنسبة لعبدالناصر هو بالفعل اشتغل
لكنه اشتغل الشعب بشعارات رنانة
وخطب عصماء
اشتغل الشعب بالمعتقلات وادوات التعذيب اللى استوردها من المانيا
اشتغل الشعب بتشتيتت ثروات البلد فى حروب من اول 48 حتى النكسة

تحياتى رومانسى
Desert cat said…
الحان
قالها قديما منشأ مدرسة الاسماعيلية
لا اخوان ولا مسلمين
لن اتحدث عن مذابحهم ومجارهم على مر التاريخ ولكن تعالى ننظر الى ما فعلته حماس من منع الحجاج الفلسطيينين العبور
اسرائيل طول تاريخ احتلالها مفكرتش تعمل كدا

تحياتى ليكى
وكل سنة وانتى بالف خير
Desert cat said…
ابو احمد
وانت طيب وبالف خير
عيد سعيد
Desert cat said…
An Egyptian
الموضوع بعيد عن المقارنة يا عزيزى
ربنا مع كل مخلص ومحب لبلده
Desert cat said…
RaRa
وانتى طيبة رارا
عيد سعيد يا جميله
Desert cat said…
صوت من مصر
اهلا محمد
ناصر كان اخوانجى لهدف ولما وصله حاربهم وياريته كان ابادهم
بعدها اتنقل للاشتراكية
حتى تطبيق مبادئها فشل فيه
Desert cat said…
Misrdream
ربنا يسعد اوقاتك يا احمد
:)
Desert cat said…
Eman
كل سنة وانتى طيبة بوالف خير ايمان
وتقولى عيد سعيد او سيد او كريم بس وحياتك بلاش مبارك
:)
عادي ياخت قطة

حكم عسكر حكم ديني
مبقتش فارقة سيناء من سونية
من الاااااااااااااول

التاريخ وحوادثه متاحة للجميع .. التسجيلات موجودة والشهود موجودين ..المهم في المتلقي بيستقبل الكلام ده ازاي؟؟؟

لو فيه فكرة كامنة في اصل المعتقدات يبقي هتلون كل شئ بلونها وتحور كل حاجة عشان تناسبها
اما لو كان الاستقبال بقصد تقصي الحقيقة واستخلاص الفائدة للمستقبل فانه دوما يكون محايدا لان المهم لديه هو الفائدة فقط لا غير

عبد الناصر وحش؟
خلااااااااااص وحش

الاخوان وحشين ؟
خلااااااااااص وحشين

انزلوا انتم ياللا بالجديد !!ه
بس ابوس ايديكم بلاش قصة الرعاع اللي خرجوا من الجحور والكلام ده عشان ( الرعاع ) دول هم اللي هينفذوا اللي انتم عاوزينه!!

تحياتي وربنا يهدي الحال

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز