بركـــــان

قسوة .. همس .. دموع صامته .. شوق وحنين
مرادفات مختلفة أتت فى خاطرى وأصابعى تشير إلى ذلك الضوء الخافت القابع لمعاتبى فى ركن غرفتى
يذكرنى بمرارة الايام وبركان الياس والغضب وقلوب تحيا
وقلوب تموت من يهتم لأمرى ؟؟؟ من يعبث بقدر أسمية اليوم قدرى من يعرف أننى جزء منه فيحتوينى
لا مفر هى إجابة واحدة أنت يا دنياى من تلمست كل هذا بعد ان ضاقت بى الحياة وجدتك أنت الحياة
انت قدرى إن كان هناك قدر يهبط من السماء ..
حبيبى تعنى هذه الكلمة أنك دليل أو حقيقة تسكن داخلى
كيف لا اعلم ؟؟
أريد أن أعرف سر اختلاطك بدمائى وسكناك بين شرايينى واحياء قلبى لينبض من جديد

تطول المسافات أو تقصر ثم يأتى الشوق الجارف يشعرنى ببعدك عنى ياخذك منى يجتثك من أوردتى يطيح بى وبأحلامى كيف أجبنى ؟؟
من سمح له أن ينتزعك من داخلى لم أعد أقوى على مرور الايام دون سماع همسك وكلماتك
أخبره بانك حبيبى كم عشقت صوتك
اخبره بانك الروح بداخلى كم عشقت همسك
اخبره بانك طفلى كم عشقت دلالك

تعليقات

بسم الله الرحمن الرحيم الاجابه الصحيحه الهروين
صح ....مه هو الي بيجري في دمك ويوم بعد يوم تشتاق اليه
ايه شكلي هنضرب ؟؟؟ طب طب مكن اغير الاجابه وخصوصا ان موضوع ليلي وفوزي شكلي هنضرب فيه بالنار

خواطر رقيقه وهادئه ولاول مره تبدي هذا الجانب الغير مشاكس من شخصيتك بعيدا عن العناد والتصميم ولهجة الواثق
بس برضه بلاش بيجري في دمي دي لحسن مباحث المخدرات قاعده وواخده بالها

شكرا لك
‏قال ويكا
اول تعليق
انا الأول
تحياتي
‏قال ويكا
ايه الرومانسية دي كلها
حافظ ابراهيم يا خواتي
بس انا عايز اعرف الكلام ده كله لين
هههههههه
تحياتي
‏قال صفــــاء
خواطرك جميله ومعبرة يا عزيزتى

بس فى الخباثه كدة وبينا وبين بعض

ميييين هو بقىىى؟
‏قال سمراء
ترمي الآله النرد

وتعتق الحب من أسره

تلك الطاقة التي من شأنها أن تخلق أو تدمر

بحسب وجهة الريح التي كانت تعصف بلحظة خروجها من الأسر

من رواية على نهر بيدرا هناك جلست فبكيت

بولو كويلهوا

سمراء
‏قال AHMED SAMIR
ايه الاحاسيس دي كلها
على فكرة الصحراء مابيبقاش فيها كمية المشاعر دي
بوست جميل
تحياتي
‏قال سمكه واحده
اممممممم
ايوه ياعم ياعم ايوه كده
انا بردو بقول الست ست سيبك انت
ايه الكلام الجميل ده والاحساس ده
محنا بنقول كلام جميل اهو الله الله
تسلمي ياقمر
بس هو مين هه مين هه طب ليه هه
سمكه الحشريه
‏قال momken
وااااااااااااو

مين دى يا جماعه الى بتتكلم
قطه الى بتخربش وبتعور

مش ممكن
ايه كم المشاعر ده؟

روعه فى التعبير عما يجول بداخلك
بركان فعلا قامت ثورته فجاءه
ولم نستطيع تجنبه

منتتهى الجمال يا حنان تسلم ايدك
استمرى بقى كده شويه

تحياتى
‏قال غير معرف…
الخواطر دي كلها تجنن و تمس القلب ياقطتنا
بتمنالك دايما السعاده و في الحقيقه انتي تستحقي كل حاجه حلوه في الدنيا عشان قلبك الطيب و مشاعرك الرقيقه
طبعا منذ أن عرفتك وأنت تفتحين النار على كل الركود
وتصوبين مسدسك نحو الأفكار المتحجرة
والقلوب التي صارت قاسية
أول مرة أجدك تكتبين شجوا عذبا هكذا
مسني رغم بساطة اللغة
وأتحسس الآن مسدسي ربما تطلقين نحونا قذيفة عشق بعد هذا البوح وتلك الفضفضة
‏قال Desert cat
عايش علي الهامش
هروين
استغفر الله العظيم ربنا يستر ومباحث المخدرات مش تشم خبر بالكومنت بتاعك ده وقتها انت اللى جبته لنفسك
:)
ميرسى جدا على كلامك
شرفتنى
‏قال Desert cat
ويكا
هعتبره اول كومنت ولا تزعل نفسك
‏قال Desert cat
ويكا
حافظ ابراهيم مين ده احمد شوقى
ههههههههههه
الكلام ده ل؟؟؟؟؟؟؟؟؟؟؟؟؟
‏قال Desert cat
*
اقولك انا يا صوفى يبقى
الليل وسماه ونجومه وسهره
سهره وقمره
يا خراشى صوتى حلو وانا بغنى
‏قال Desert cat
سمراء
بصراحة انا مش قريت الرواية بس انتى اخترتى فعلا جمل معبرة
شرفتينى جدا سمراء
محبتى ليكى
‏قال Desert cat
A.SAMIR
ههههههههههه
ماهو ده كان يوم فى البحر
مش فى الصحراء
بس رجعت الصحراء تانى
شرفتينى يا احمد
‏قال Desert cat
سمكه وحده
هو وقت ما الست ما بتقلب على ست ابقى اسمعى احلى كلام
فاهمه حاجه
هههههههههه
شرفتنى يا موكا
ده دلع سمكه يعنى
:)
‏قال Desert cat
momken
ميرسى جدا ليك ممكن
وبعدين احنا نيجى ايه جنب رقتك وعظمة كلامك يا فندم
شرفتنى جدا
مودتى
‏قال Desert cat
اجندا حمرا + هارت بيت
اجندتنا الرقيقة
تسلمى لى يا قلبى
انتى وهارت اللى تستحقوا كل خير لصفاء قلبكو الطيب يا جميلة
محبتى ليكو
‏قال Desert cat
هويدا صالح / عشق البنات
اديبتنا القمر
مهما كتبت ومهما عبرت نقطة فى بحرك يا قلبى
مودتى ليكى يا قمراية
‏قال a
يا سلام على رقة المشاعر
دة الوقت عرفت منين بييجي نور القمر

المشاركات الشائعة