فتنة طائفية فى عين شمس بسبب إخوانجى

شهدت منطقه عين شمس تجمع مئات المسلمين بعد صلاة العشاء، أمام أحد المنازل التى حولها أقباط المنطقة من مصنع ملابس داخلية إلى مكان يقام به شعائر مسيحية باسم الكنيسة,
طيب وايه يعنى مش ملكهم وهما حرين فيه ؟؟؟ اولا لا تعدوا على املاك الدولة ولا قالوا هنفتحه كبارية .. ده مكان لاقامة شعائر صلاتهم .. زى ألاف المساجد المنتشرة فى المحروسة وآلاف العمارات اللى الدور الاول منها عبارة عن مسجد او زاوية ومن المعروف ان هدف المالك الاول بيكون الاعفاء من الضرائب يعنى الدين مش مقطع بعضه معاه
وهتف المتجمعون أمام المنزل "الله أكبر" "الله أكبر"، حتى تجمع الأمن حولهم وقاموا بتفريقهم بالقنابل المسيلة للدموع، مما دفع المتظاهرين إلى إضرام النار فى سيارة "دوجان" لأحد المسيحيين.
وهل من يهتف باسم الله اكبر يعلم معنى هذه الكلمة ؟؟ ويعلم ان الله الاكبر هو الوحيد المنتقم منه ومن امثاله ؟؟ ويعلم ان الله الاكبر لم يوله خليفة له فى الارض حتى يمنع الآخرين من إقامة شعائرهم الدينية ؟؟ ويعرف ان الدين عند الله الاكبر وهو الاسلام ... والمسلم هو من سلم المسلمين من لسانه ويده ؟؟؟ الاسلام بمعناة الحقيقى وهو الإيمان وليس الاعتداء على الآمنين وإرهابهم باسم الله اللى هينتقم منهم باذن الله ؟؟
وأن الفتنة التى حدثت مساء اليوم الأحد، بمنطقة عين شمس، كان سببها محمد يوسف أبو حسين، وينتمى لجماعة الإخوان المسلمين، حيث تجمع مئات المصلين أمام عقار تحت الإنشاء، بعد أن أشاع هذا الشخص بأن الأقباط سيقومون ببناء كنيسة بدلاً من العقار.
هما عادتهم ولا هيشتروها كالعادة سبب اى مصيبة تحصل فى مصر لازم يكون وراها اخوانجى .. هما عايزين ايه ؟؟ عايزينها إيران ؟؟ مش هيحصل .. عايزينها افغانستان ؟؟ بعينهم .. عايزين يحكموها .. مش دى اللى قالوا فيها وفى شعبها طز .. يحكموها ليه عايزين منها ايه ... علشان يدوا المعارض بالجزمة ؟؟؟ ولا علشان يجيبوا لنا ماليزى مسلم يحكمنا ويبقى كدا سلموها مقشرة ؟؟؟ هو ده الانتماء بتاعهم ؟؟ وهى دى الوحدة الوطنية اللى عايزينها ؟؟؟
طيب طز فى الاخوان .. وجزمة فى بؤ كل اخوانجى .. وبعينهم ذرة تراب منها .. وغصب عنهم هنعيش كلنا شعب واحد وهنفضل دايما الهلال جنب الصليب وهنعيش الدين فى قلوبنا لله والوطن اللى بنحيا عليه للجميع .. وطظ فى الاخوان

تعليقات

‏قال محمد حمدي
انا رايى الشخصى انه مش طز فى الاخوان بس .. الطز دى تتقال لكل متطرف دينى فى أى مله وأى شريعه ... لكن قبل منلوم على شخص واحد سلوكه الغلط الاولى نفكر فى ليه استجاب له العدد الكبير ده من الاهالى . انا ممكن اصدق ان واحد بس يكون متشدد اما ان كل الناس دى تتبعه دى بجد محتاج مننا وقفه وتفكير فى سلوكنا الدينى

تحياتى
‏قال sigon1977
العيب فى التطرف الذى سبب ظهور الصدامات لاتفة الاسباب ، ما المشكلة فى كنيسة؟
العقول امتلاءت بثقافة الكراهية و الحل فى التسامح الليبرالى الوسطى و التعاليم الاسلامية الحقيقية بعيدا عن الاخوان و غيرهم 0
‏قال Unknown
والله محد عارف هما عايزين يودونا لحد فين ربنا يهدى
‏قال نونو
الصراحة انا مش بحترم اى شخص يعمل فتنة او تطرررف
لازم نلووووووووووم الظروف الا تقول ان يبقى فية تطططططرف
او فتنة

حرررررررررررام بجد
‏قال مواطن مصري
http://www.youtube.com/watch?v=ePcsLRBVtyI
وشوفي التدوينة عندي على نفس الحادث
‏قال Prometheus
انا متفق معاكي في كل كلما قلتيها ماعدا حاجة واحدة، وهي ان الناس دي إخوانجية. و ليس معنى ذلك أني ارى في الإخوانجية أي خير ولكن الإخوان المسلمين فكر ديني سياسي يختلف في مرجعيته و أهدافه وأساليبه عن الفكر السلفي و الوهابي الذي خرجت منه الجماعات الإسلامية المتعصبة مثل الجهاد والتكفير والهجرة و غيرها.
الإخوان المسلمين يندسون بين الناس و يلبسون ملابس عادية غالبا و كثير منهم يسوي اللحية ويهذبها و قد يتنازل عنها تماما لكن أهدافهم في حكم اسلامي تتوارى خلف ذلك و يحاولون عن طريق الطرق السياسية السلمية و استغلال الديموقراطية والانتخابات البرلمانية و النقابية و اتحادات الطلاب أن يصلو إلى السيطرة على الشعب. وخطرهم لن ينكشف إلا عندما يصلون إلى الحكم فوق أكتاف الملايين الذين يرون فيهم المنقذ من الحكم المدني الحالي. خطرهم وقتها أنهم سيكونون حكم ديكتاتوري مدعوم بفئات عريضة من الشعب ستساعدهم على دهس فئات أخرى من الشعب كالأقباط والعلمانيين و الليبراليين وغيرهم ويومها لن يضطروا للمداهنة والمسايسة طبعا كما يفعلون الآن.
أما من سميتهم أنت بالإخوانجية فهم مجموعة من المهمشين المتأثرين بالفكر السلفي المغلوط ولن تقوم لهم قائمة في مصر لأن الناس في معظمهم لا يرتاحون إليهم حتى و إن خشوا منهم.
‏قال غير معرف…
ظاهرة احتطاف النصوص
اود ان انبه لهذه الظاهره بابسط الكلمات وارجو الا يساء فهمها
ظاهرة احتطاف النصوص وتوظيفها بالتفسير لحدمة اهداف
مغرضه
ليست جديده ولكنا موجوده منذ تمرد الخوارج على على بن ابى طالب بتفسيرهم المغرض للآيات فقال قولته المشهوره القرآن حمال اوجه
وفى عصرنا
نجد من بتمسك بالتقاليد والعادات الباليه التى لم تعد تنسجم مع العصر ويعلم ذلك فيجهد نفسه ويلوى النصوص ليكسب ما يعتقده مصداقيه زائفه
وتصل الظاهره الى مداها عندما يلجا سفاح مثل الزرقاوى لنفس الوسيله ليرضى تعطشه المريض للدم فيذبح ضخاياه مثل الحيوانات امام كاميرات النت
وهو يصيح بشعارات اسلاميه
وكذلك المتعطش للسلطه يلجا الى التمحك فى النصوص التى ما تكون غالبا عامه رحمة بالناس ولتصلح لكل زمان فيخططف النص لغرض فى نفسه مثل القراصنه الذين اختطفوا شاحنة البترول الى الصومال
باختصار كل هؤلاء يستخدمون الناس بشكل خبيث لتبرير نزعاتهم الدنيويه المريضه وليس العكس اى انهم لا يبداون بما تمليه تعاليم الدين ومنها الى السلوك
ولكن من الرغبه المريضه الى النص
ومن هؤلاء من يتهم المتحرش بها ميجملها وزر الأعتداء عليها
هو لديه رغبه مريضه يبحث لها عن مبرر
‏قال micheal
حاجة تقرف
بلد هايفة
يعني الناس تتجمهر علي حاجة زي دي وخدي عندك امبارح تكسير عربية شرطة وتجمهر ومصابين
حتساليني السبب ايه
حقولك أصل الزمالك والأهلي كانوا بيلعبوا في دوري الشباب
والله حلال فينا الحزب الوثني
تحياتي يا قطة
‏قال غير معرف…
و الله الواحد بيدن في مالطه,مهما الواحد اتكلم و قال ان الاقباط مصريين زينا و ان من حقهم ان يبقى ليهم اماكن يتعبدوا فيها برده مفيش فايدة,السلفيين و فكرهم بقى في كل مكان في مصر و المصيبة ان هما بيحللوا لنفسهم و يحرموا علي غيرهم يعني مثلا لو بكره الصبح طلع قرار ان المسلمين يطردوا من اوروبا حتلاقي القيامة قامت هنا و يقولوا بيحاربوا الاسلام و مفيش حرية,و اللي بتعملوه ده ايه؟!!و الله شويه بقر دي حتي الحيوانات بتفهم عنهم و بتعرف ازاي تحترم بعضها,طز و طز كبيرة اوي في الاخوان و في كل متطرف فاكر ان هو عايش لوحده في الدنيا و مش عايز يدي الناس حقها,ربنا ياخدكوا بقى عشان نستريح
‏قال غير معرف…
يعنى الموضوع مكانش حد سمع بيه لانه انتهى فى وقتها ولكن لانك بنى ادمة قلبك اسود ما بتصدقى اى حاجه تحصل علشان تهللى ومحدش نشر الموضوع الا انتى ومحدش عرف الموضوع الا منك الله يخربيت اللى علمك نت وكتابة مبتصدقى مصيبة وتشبعى فيها صريخ انتى عايزة ايه بالظبط عايزاهم يالفوا كتاب ويوزعوه على الجوامع زى كتاب المنقبات كدا فضلتى تزنى لما جبتى داغهم مهما صرختى حتى لو لطمتى لن ترى العلمانية النور وهتفضلى طول عمرك تصرخى كدا لحد ما تموتى بحصرتك
‏قال dr.lecter
الله اكبر ولله الحمد

ياشماتتك فيا يامصطفي عاجبك كده؟

فتره الاحتقان دي هتمر عادي بس تكرارها مش كويس خاصه ان الفتيل قرب يخلص والشراره هتلمس البارود
‏قال غير معرف…
انتى ملتك ايه يا شاطرة لا بجد ديانتك ايه قاعدة وفاتحة رجليكى وبتشتمى فى الاخوان هما عاملين فيكى ايه طبعا مصر اسلامية غصب عنك وعن المسيحيين كلهم ولن نسمح ان تكون بلد الالف ماذنة مرتع للنصارى الهى تجيلك قنبلة تشيلك انتى وهما
بصى يا قطه اكيد التطرف مرفوض من الجانبين والمفروض ان مفيش اى طرف يستفز التانى عشان فى ناس ما بتصدق وتصطاد فى الميه العكره زى ما بيقولوا.

اما بالنسبه لتدوينتك اللى فاتت وردك على تعليقى فانا عايزك تدخلى على اللينك ده:

http://www.islamweb.net/ver2/archive/showayatafseer.php?SwraNo=24&TafseerNo=5&ayaNo=31

ده تفسير للأيه رقم 31 من سورة النور، بصى عليه مش هتخسرى حاجه.

مستنى ردك... سلام
‏قال غير معرف…
مع احترامي ياقطة الغلطان فى الموضوع مش الاخوان
الاخوان و ان كانوا من اشاع هذه الاشاعة فمش هما اللى اجبروا المسلمين يزعلوا عشان "النصارى" بيبنوا كنيسة
ولا اجبروا الناس تحرق العربية و تحدف طوب و ازايز
المجرم الحقيقي هما المسلمين اللى مش بيفرق معاهم بنا كباريه ولا بيت دعارة لكن بيضايقهم اوى بنا كنيسة

للاسف البلوج بتاعك ده فيه ظلم كبير للاخوان المسلمين
و فيه مساندة و تغطية كبيرة على رجل الشارع المسلم الارهابي

فكري تاني فى الموضوع ده لانى متأكد اوى انك ماتقصديش حاجة وحشة
‏قال Yasmine
انا بجد مش فاهمة الناس دى دماغتها فين؟ولا اللى بيمشوا وراهم دول بيفكروا من انهى زاوية
يا نهار اسود!!!
والله ما عارف اقول ايه..و اللى يفرس البوسة اللى بين البابا و شيخ الازهر فى كل الاعياد و المناسبات..نفسي مرة نعترف اننا عندنا مشكلة حقيقية فى التعايش مع الاخر
التطرف وصل لدرجة مرعبة..و ساعتها مش هينفع نلوم نظرية المؤامرة لان اللى هيحصل هييجى من جوة
خليهم ورا المضلل لحد ما يجبنا الارض و بعدين نرجع نقول ان الله حق

على فكرة كان فى تقرير بالانجليزى على وقع سلفى بيتبرأوا فيه من الاخوان و افكارهم..بيتهيألى ده لوحده كفاية لاى حد عنده ذرة تمييز
‏قال tamer.sala7
وحشاني وحشاني وحشاني
مع مش بتسألي بس ماشي نيجي للبوست بقي

بصي هو انتي عندك حق في كل حاجة بس معلش حتي صاحب العمارة اللي بيكون هدفه الاعفاء من الضرايب قبل ما يعمل المسجد بيكون اخد ترخيص من كذا مكان ومفيش مرة حد قدر يبني مسجد من غير تراخيص لكن لما الموضوع يوصل لكنسية اكيد التراخيص حتكون اكتر

وبعدين انتي بسطي الموضوع خالص وقولتي ان المسيحين بيقيموا شعائرهم في المصنع مع انه من المعروف للجميع ان الشعائر المسيحية التي تقام في البطريركية نفسها تقام سرا لكن لما الموضوع يوصل ان هم يجيبوا مكبرات صوت علشان يصلو في اوقات صلاة المسلمين اسمحيلي يعني ده مفيش حد ح يقبله

مع اني معترض طبعا علي اللي حصل وكان المفروض يتحل بطريقة تانية اوي اضعف الايمان نسيب الحكومة تتصرف يعني انا بعترض علي الطرفين
‏قال غير معرف…
عزيزتى
اذا تركنا فكرة البتر وهى سوف ينتج عنها نمو خلايا جديده مادام البسطاء يتوهمون ان بيدهم الخلاص وان لديهم الحل السحرى والمشروع المدروس المضمون لأقامة الجنه على ارض بلادنا
وهذا وهم كبير يتكشف عند اول نقاش
فهم لا يملكون شيئا من هذا بالمره وليس لديهم سوى المال وتجنيد الأتباع
واى نقاش مع اكثرهم تعقلا يسفر عن الآتى
عندما سايروا موجة التحرر والديمقراطيه السائده منذ سقوط المعسكر الشرقى وهم يحاولن مسايرة الموجه باعلانهم التزامهم بمبادىء الديمقراطيه وحقوق الأنسان
ولكن بهذا وجدوا انفسهم فى مازق اذا ما فرق بينهم
وبين اى مشروع آخر ليبرالى مدنى؟
تفتق ذهن بعض اشطرهم الى ان الفرق هو ان كل ما سيعملوه هو لمرضاة الله وكان الآخرين يعملون لمرضاة الشيطان وسقط هذا الكلام
قالوا طيب نحن نريد ان ندخل الأخلاق فى السياسه حتى السياسه الخارجيه وهذا معنى المرجعيه الأسلاميه
وهنا انكشفت سطحيتهم وفقر فكرهم فهم بنظرون الى كل مشكله على انها مشكله اخلاقيه وبشوية خطب او باطالة خطبة الجمعه سينصلح كل شىء حت السياسه الدوليه بكل تعقيداتها لا تحتاج الا لشوية مواعظ
وهكذا يكتشف كل دى عقل انهم لا ينلكون اسلوبا علميا لتحليل المشاكل وهو اول خطوه الى الحل لأنه بمثابة التشخيص وبدون تشخيص سليم يستحيل العلاج الا اذا تبنيا طريقة الموالد وشربة الحاج محمود التى تعالج كل الأمراض
الشىء الذى يبقى الطلب على شربة الحاج محمود او الحاج عاكف لافرق هو الناس البسطاء بتقافتهم المحدوده ووهم ان لدى الحاج محمود او عاكف علاجا لكل شىء
ومن هنا يكون ما نحتاج اليه هو توعية الناس بخرافة شربة الحاج محمود او الجاج عاكف
ناقشوهم فى كل مكان ستكتشفوا انهم لا يملكون لافكر ولا حل لأى شىء
‏قال Prometheus
لبني أدم اللي اسمه "إسلامية غصب عنك" وغيره من المتعصبين... لو جربت تعيش كأقلية في بلد أوروبي مثلا هل ستفرح بمن ينادون هناك بان تكون بلدهم مسيحية غصب عنك مثلا؟رغم أني كمسلم عشت في أوروبا لم أشعر يوما بالاضطهاد كأجنبي مسلم ما بالك لو كنت من أهل البلد.
ثانيا يعني ايه أصلا بلد إسلامية؟ هل يعني ذلك تكوين محارق أو محاكم تفتيش أو معسكرات تجميع للأقليات غير المسلمة؟ هل هذا ما يرضاه الاسلام؟ بالطبع لا؟ لكن هذا ما يرضي بعض المتعصبين من أمثالك.
ثالثا دع غيرك يتحدث عن الإسلام لأن في كلماتك لصاحبة المدونة التي لا أعرفها ولا أدافع عنها بشكل شخصي في كلماتك لها من البذاءة التي لا يرضاها الإسلام.
‏قال غير معرف…
وهذا نص الحوار مع احدهم وهو من اكثرهم استناره
اقول
مشكلتكم الأساسيه انكم تغفلون ان اول الأصلاح هو التحليل السليم للمشكله وكل ما لديكم هو التحليل الأخلاقى لكل شىء حتى لتعقيدات السياسه الخارجيه ....شوية مواعظ اخلاقيه وكل شىء ينصلح ....والسبب انكم لا تملكون منهج علمى للتحليل لأى ظاهره فابلله عليكم كيف تطمحون لتغيير اى شىء ...رغم محاولات المقال المضنيه لأيجاد اى فرق بين ما تسموه المشروع الأسلامى واى فكر سياسى أخر
يعترف ويقول انهم سوف يفكرون


اتفق معك صديقي
التحليل السليم للمشكلة هو اساس الحل
نحن بكل صراحة لم نقدم للمجتمع حلول واضحة لمشكلاته ومن حقك ان تنتقد ذلك
ولكن من حقنا ان تترك لنا فرصة لنحاول عمل ذلك

بالنسبة بالطبع بين المشروع الاسلامي الوسطي وغيره من المشاريع الاخري
هناك فروق عدة سنتحدث عنها قريبا
في مقالات اخري

يا سيدي
ارجوا اعادة ما كتبته بالمقال


لئن اخفق اصحاب المشروع في تفسير وتوضيح معني شعارهم الاسلام هو الحل ، بحيث صار مبهما عند الكثيرين - لئن اخفقوا في ذلك ، فان عليهم ان يتفهموا مواقف الاخرين حين يرفضون هذا الشعار ويرون انه احتكار للدين وتوظيف له من قبل اصحاب المشروع الاسلامي ، الناس تحتاج الي ان تفهم ما هي خصائص هذا المشروع وما هي منهجية التغيير التي تميزه وما هي مراحله وما هي تصوراته التفصيلية حول كل القضايا التي تشغل بال الناس اليوم ، الحديث عن العموميات وارجاء التفاصيل هو أمر يؤخر ويعسر قبول الناس لهذا المشروع ، لأنهم لا يلمسونه بأيديهم ولا يدركون كنهه

لسه حيفكروا ويبقوا يقول لنا
‏قال غير معرف…
ويستمر الحوار العقلانى ليكشف الحقيقه المره
يا دكتور هو لازم تقولها صراحة ...مش قى منطق الخلاف بمعنى اذا كان مايميزك عن غيرك هو العمل على مرضاة الله فضمنيا هذا لا يتوفر للآخرين والا لماذا يميزك عنهم ...اعتقد انها مساله بسيطه يجب الا تخفى على شخص بمستواك
اما النقطه الثانيه التى تميزكم هو الأستناد الى المرجعيه الأسلاميه اى مبادىء الأسلام ثم تعود فتقول ولكن اذا فشل مشروعنا القائم على المبادىء السلاميه فهو فشل لنا وليس للمبادىء ...وندع اشكالية النظريه والتطبيق وهل يوجد فشل للتطبيق لا ينسحب على النظريه ...نترك هذا جانبا ونقول المشكله فى هذا القول انكم تلعبون على كلمة المبادىء الأسلاميه والصحيح ان تقول يعتمد مشروعنا على فهمنا اكرر فهمنا البشرى للمبادىء الأسلاميه ولذلك ولبشريته قابل للفشل ولكن هذا يضعكم فى مازق وهو لماذا لا تعلنون من البدايه انه مشروع قائم على فهم بشرى ولا قداسة له وبالتالى هو لا يختلف عن اى مشروع آخر بشرى او للدقه العلميه رغم انكم تتجنبون بكل الطرق هذه الكلمه : مشروع بشرى يعنى علمانى ...نعم علمانى ...لا تفعلون ذلك لأنه كما تعلمون وانتم لستم اغبياء تعاطف البسطاء من جمهور المتدنيين
اما افتقادكم لأسلوب علمى لتحليل اى مشكله واعتمادكم على التحليل الأخلاقى فهو مثل من يبحث فى كتب خطب الجمعه الجاهزه عن حل لمشاكل المجتمع والصناعه والتكنولوجيا او مثل الحاج محمود الذى يروج فى الموالد لشربة الحاج محمود التى تعالج جميع الأمراض علما فى الختام بانى مسلم واعتز باسلامى ولكن ارى الأحتفاظ للدين بمكانته الساميه بدون توظيفه فيما لا يخصه
‏قال Dr. Ahmed Wagih
مصر تحولت بالفعل الي مصرستان الأسلامية

اللي بيسأل ليه الناس اتجمعت وحرقت عربية واحد مسيحي وضربت الشرطة بالطوب وخربت يتفرج على التعليقات اللي بتشتم المدونة وتفوح منها روائح الكراهية والعنصرية

انا عايز ارجع!
‏قال غير معرف…
قطتنا الغاليه

وحشتينا ياقمرايه

لسه قاريه الخبر في المصري اليوم و الصراحه لفت نظري جمله اتقالت و نرفزتني جدا اللي هي واحد من اللي شاركوا في الهجوم بيقولك اصل لا يجوز اقامه كنيسه قدام مسجد الا مين اللي اوحاله بالكلام ده؟مش الاتنين بيوت الناس بتقيم فيها شعائر دينيه و لا ايه بظبط؟للأسف العمليه بقت مايتسكتش عليها ياقطه
الناس اتهبلت و القنوات و الفتاوي الغريهب اللي بتطلع كل يوم عملت بلبله في مخ الناس و طريقه تفكيرهم

و فيها ايه لو حيبنوا كنيسه قدام الجامع لا عيب و لا حرام ماهم مش حيرقصوا فيها يعني زي اللي بتعملوه في الجامع حيعملوه في الكنيسه
كل مصيبه تلاقي فهيا الاخوان مش عارفه هما عايزين ايه؟عايزينها تولع و ينبسطوا؟

محبتنا ليكي ياقمرايه
‏قال غير معرف…
معلش ياقمرايه تعليق تاني عشان لسه شايفه الناس الانونيموس الغريبه اللي معلقه عندك

طول مافيه ناس ياقطه من النوعيه دي المتطرفه الفتنه حتشتعل اكتر و اكتر
قطه ليها دايما سبق في حاجات كتيره و مش معني ان مفيش حد اتكلم عن الموضوع انه مش مهم الموضوع مهم و خطير لكن طريقه تفكيركم الضيقه هي اللي حتودينا في داهيه
اذا كان النت ليها تأثير سئ فبسبب اشكالكم اللي اساءت ليها

معلش ياقطتنا كان لازم ارد علي الأغبياء دول
تحياتي ليكي ياقمر
‏قال mUsLiM
والله يا بنتى انتى مسكينة فعلا

ربنا يرضى عنا وعنك

السلام عليكم
العزيزة
القطة الصحراوية
في بعض الأوطان يبدو غريبا أن توجد
ديانات أخرى..نوع من الفانتازيا التي تميز المتطرفين الذين يعتقدون أن العالم كله يصلي في محراب واحد..كل ما في الأمر أن هؤلاء لم يتعودوا أن يروا ديانات أخرى ويعيشون في فلك اسلامي وكون اسلامي ومجرة اسلامية ولو أنهم عرفوا حقيقة الأمر لتأكدوا أن حجم مستعمرات الاسلام كلها هو في حجم مستعمرات النمل التي يراها الانسان العملاق صغيرة جدا..
وفي اعتقادي يا قطة الصحراء أن السبب ليس اخوانجي واحد ولكن موجة من الفكر المتطرف البائد التي تعود بين الفينة والأخرى بحنين جارف معتقدا أن العالم كله يدين بدين واحد.
مودتي
‏قال غير معرف…
ولننظر الى مثل واقعى واحد بعيدا عن التفكير المجرد
ارباح البنوك وهى عصب الحياه اأقتصاديه ولالتالى التقدم
نجد اختلافات بين الشيوخ لا حصر لها
والناس البسطاء حيارى
ويستغل النصابون الفرصه فى شركات توظيف الأموال فى اكبر عملية نصب تعرفها البلاد تحت شعارات اسلاميه
وبمراقبة بعض هؤلاء الشيوخ الشرعيه وتكتمل المهزله او الماساه بالبنوك الأسلاميه التى تودع اموالها فى الخارج فى بنوك ربويه فى راى البعض
ببساطه لأننا جزء من العالم ولا نستطيع ان ننسلخ عنه
وعشرات بل مئات من مشاكل العصر الذى نحياه
وماهى عواقب الحيره الشديده لدى الناس البسطاء
هى اما العنف والتعصب العمى كمحاولة يائسه لحشر الواقع داخل افكارنا المحدوده او الأنفلات بالأدمان او التحرش
‏قال غير معرف…
عز عليهم حتى ان يتركوا لنا شيئا كنا نعتز به ونفتخر ونباهى به
وهو التسامح والرقى المتمثل فى تجاور المآذن مع ابراج الكنائس
الكل يتوجه الى الخالق ...كل بطريقته
وكانت سمة مصريه تشع جمالا وتحضرا الى ان هبت عواصف الصحراء لتاتى على كل جميل ولا تخلف سوى القبح والدم والخراب
باسم السماء وهى بريئة منهم
‏قال Desert cat
Mohamed Hamdy
العدد الكبير ده استجاب للاشعه يا محمد لان الناس لا تفقه معنى كلمة الدين الحقيقى واختزلوا الدين فى اللحية والنقاب
‏قال Desert cat
sigon1977
الناس يا محمد تستقى معلوماتها من قناة اكره وقناة الانجاس
عايزهم يفكروا ازاى وهما كل حاجه بيسمعوها تكفير وكره وحقد لاتفه الاسباب
‏قال Desert cat
ايوية
هما عايزينها تولع يويو علشان تبقى طالبان التانية
‏قال Desert cat
نونو
انهى ظروف يا نونو اللى نلومها ؟؟؟
الغاء العقل واللهث خلف اى كلام دى غلطة الشخص الغبى لوحده
‏قال Desert cat
مواطن مصري
شوفتها يا عمرو حاجه اخر ارف الله يقرفهم
‏قال Desert cat
Prometheus
سيدى الفاضل فى حوار صحفى لعصام العريان صرح لفظا انهم يعتمدون على الغلابة فى انتخابتهم وبان الغلابة هما الرئيسى فى الوصول لأهدافهم
وربنا يستر والشعب ده يفوق وميبقاش فى غلابة
‏قال Desert cat
انونوميس2
ذكرتنى كلماتك بالسطو المسلح الذى حدث من منقبة واثنان من الملتحين منذ وقت مضى على محلات الذهب بالمنصورة ودمياط وكانوا اثناء سطوهم يرددون اموال صاحب المحل حل لنا
فكيف لهؤلاء الاوغاد يحللون اموال غيرهم لمجرد اختلاف فى الديانة الا انهم طوعوا الايات القرآنية والنداءات الدينية لسطوهم وتحقيق هدفهم الحقير فلا خلاف بين هؤلاء وجماعه الزرقاوى ومحدثى الفتنة فجميعهم يطرقون على نفس الوتر لدى الغافلين من العامة
التطرف
لكمه ليها تعريفات كتير اوى
مش اخوان بس ومحدش يقدر يحصرها فى حاجه معينه
بس تقدرى تجمليها فى فهم غلط لجميع المعتقدات
عموما ربنا يهديهم
‏قال Desert cat
micheal
الهمجية والتخلف مش خلقها فى الشعب احزاب يا مايكل
خلقتها ثقافة رعوية فى سنين متتابعه
‏قال Desert cat
Anonymous
هو حضرتك بتقول فيها دعنى اذكرك بمنع الحجاب فى مدارس فرنسا والرسوم الدنمكاركية الدنيا قامت وكل شوية تسمع عن مقاطعه
‏قال Desert cat
Anonymous
الاخ او الاخت بتوع اللطم
طريقة كلام حضرتك بيئة جدا وانا للاسف مش ينفع انزل للمستوى ده
‏قال غير معرف…
hey girl sorry i didnt know there were people like you exsist ,people who care about egypt more than anything else and to u and to all the people who have the same opinion as you i give all my respect .they want egypt to stay as 3rd world poor ,uneducated, sick , and full of hatred so it will be easy to distroy
‏قال أسماء علي
اومال لما واحد بيتحرش ببنت ف الشارع فين الاخوان دول
على الرغم ان المتحرش بيهم بيبقوا بنات منتقبات أحيانا ..!

و لا هما عايزين بس يعملوا هوجة على ناس ليهم حق المواطنة و كلنا سواسية و فيها ايه لما يعملوا مكان بتاعهم لإقامة شعائرهم الدينية ..!

اقول ايه

ماهو التفكير كله حاليا بقى ممسوح والناس بتمشي ورا اي حد يقولهم قال الله و قال الرسول من غير مايُعملوا العقل ..
‏قال صفا سارة
المشكله يا قطة ان فى العدد ده استجاب للافكار دى كان فين العقل وقتها دى وحدها مشكله كبيرة جدا لما الناس دى تمشى ورا كلام واحد ده معناه انه فى شئ غلط وصلنا ليه
اه وتعليق اسلامية غصب عنك الاشكال اللى زى دى هيا اللى هتدمر البلد والناس مش بتشغل عقلها وتمشى ورا اى حد بيقول قال الله وقال الرسول مش فاهمة ازاى تفكير الناس وصل للدرجة دى من العنصرية
‏قال غير معرف…
لماذا يصرون على الصاق هذا الأنحطاط بالأسلام
اقراوا ما كتبته عن اختطاف الدين من اشرار
اليوم
وحسنا يفعل القانون باعتبار هؤلاء مجرمين معتدين مثل اى مجرم يرتكب جنايه بهذه البشاعه
اما الغافلون عن الخطر الداهم الذى يمثله هؤلاء فقد آن الأوان ان يستيقظوا فما زال فى شعبنا نفور طبيعى من امثالهم وكما لفظ الشعب ارهابى التسعينيات سوف يلفظ هؤلاء
‏قال Unknown
معلش انا مش فاهمة ليه يعني مسيحين, واشمعنا ذكرتي بس المسيحيين؟
طيب ماهو في كمان ديانات وطوائف اخرى في مصر. وللا موش محسوبين بني ادمين علشان اقليات؟. زي البهائيين مثلا موش محسوبين ولا حتى مع الحيوانات في مصر. لا امام القونون ولا امام الدين

فيه مصطلحات اسمها حقوق الانسان. وحرية العبادة ومممارسة الشعائر الدينية

انا لا الوم على الشخص اللي بدا المشاغبات لانو موش هو اللي اختار لانه مسير وواخد ترخيص من الدولة ومن الدين الاسلامي اللي بيقول "ولا تتخذو اليهود والنصارى اولياء لكم" فيبقى مالهوش ذنب. يعني الدولة والقانون موش حاسبين البهائيين ولا زي مواطنين درجة تالتة فيبقى معلش اي واحد يعتدي على حياة او اموال شخص من اي ديانة تانية

هو من المفروض ان الانتقادات تخرج خارج الفقاعة الوهمية اللي احنا عايشين فيها لان فيه اعراف وقوانين دولية حديثة تحدد حقوق الانسان على اعتبار انه انسان دون تمييز في عرق او دين او لون

اول مرة استغربت من حكاية الرسوم ضد رموز اسلامية ولكن المرة الجية موشهاستغرب اذا كان مسيحي او طفل من ال17 اللي اغتصبهم مصري في الكويت

محدودية النظر عندنا بتحدد نوع التغيير اللي موش حيحصل لننا بس بننظر لانفسنا كاكثرية داخل مصر وموش بنعمل حساب نفس اننا ممكن نكون اقلية في نطاق دول تانية وهنتبهدل وهنشتكي ونقول ان العالم بيبهدلنا واحنا مظلومين ونتجاهل اننا ديسيين على بشر تانيين في مصر في تلك اللحظة اللي بنعيط فيها

تحليلاتك ضد العنصرية مجبولة في العنصرية وطالعة غلط يا حنان
‏قال غير معرف…
لماذا نرفضهم
ذا افكاركم التى تكون ما تقسمون بانه مشروع سيحقق الجنه على الأرض ودون ان نعرف محتواه -ده اذا كان فيه فعلا مشروع وهو ما نشك فيه-ليس الا فكر بشرى قائم على فهم بشرى لنصوص دينيه او تراثيه...وبالتالى فهو كما اتفقنا لا قداسة له ولا يعلو عن اى فكر او مشروع آخر ...فلماذا نرفضه ؟لماذا لا نعطيه فرصه للتجريب مثل غيره؟
اسباب ثلاثه
اولا التكلفه العاليه فهذا مشروع يهدم مابنياه على مدى فرنين منذ بدا محمد على بناء الدوله المدنيه الحديثه
ثانياليس لديكم اى منهج علمى لتحليل وتشحيص الواقع وبالتالى لا امل فى علاج اى شىء بينما غيركم يملك مثل هذا المنهج التحليلى
ثالثا الحكم باسم السلام فى شتى صوره افضى لنتائج وخيمه او كارثيه من طالبان الى سودان النميرى فى أخر ايامه الى حكم الملالى والحرس الثورى فى ايران الى
اختكار عائله للثورة النفطيه واستبداد وتبعيه للأجنبى فى مملكة ابناء سعود ...الى حماس وضياع القضيه فى حرب اهليه فى فلسطين ....الخ
‏قال newborn
؟؟؟؟؟؟؟؟؟؟؟؟؟؟؟

أصبحنا ابواق نردد مايرده الاخرون
ونسير على الدرب الذى رسموه
بل اصبحنا عصى فى ايدى من يريد
نسأل الله الهداية للجميع
‏قال Unknown
لكل معضلة قانونية او اجتماعية او سياسية يوجد اطرق واجرائات يجب اتخاذها قانونيا وشرعيا للتعامل معها ويجب عدم اهمال هذه المشاكل او التعامل معها بالعنف دون تفكير او تدبير

الخبر المهم المتعلق بهذه الجملة ساقوله بعد كتابة ملاحظة مهمة سمعتها في احد القنوات العربية العالمية والتي قالت بانه سيتم شنق مواطنين اسرائيليين في التايرند لاتجارهما بالمخدرات وتنفيذ خكم الاعدام جاء حسب قانون التايلاند ولكن قامت شخصيات من حكومة اسرائيل بمحاولة التدخل في حكم الاعدام على اعتبار انه لا يتناسب مع قوانين الدول الديموقراطية المتقدمة, ولكن اردف المذيع قائلا ان الراي العام في اسرائيل طالب بتنفيذ حكم الاعدام ويجب تلقين درس لكل اسرائيلي يفكر بالتجارة بالمخدرات ويجب عدم التدخل بحكم الاعدام الصادر ضد المتهمين

والان الخبر الاهم من فرانسا
=======================
أعرب المجلس الوطني لنقابة الأطباء والأكاديمية الوطنية للطب في فرنسا الثلاثاء عن غضبهما واستنكارهما للحكم الذي صدر في المملكة العربية السعودية في أكتوبر/تشرين الأول على طبيبين مصريين بالسجن 15 سنة والجلد 1500 جلدة.

-----
يعني اخيرا هنالك فكر باسلوب صحيح لحل مشكلة الطبيبين

http://www.radiosawa.com/arabic_news.aspx?id=1750711&cid=5

-----
اما عن الكراهية والتعصب الديني فتقع المسؤولية على تغيير حضارة شن حرب صليبية ودينية ضد اي ديانة تانية في قلب مصر, فهل ستكون مبادرة لتغيير تربية الكراهية والعنف على يد مشايخ الاسلام في مصر؟

وللا الكل هيطنش؟؟؟
لاء الكل هيطنش
‏قال Desert cat
واحد من الناس
اعتقد ان ربنا ميزنا بالعقل عن الحيوانات يعنى مش اى كلمة حد يقولها الناس تجرى وراه وتهلل
بالنسبة للنك اللى حضرتك جايبه
للاسف انا مش بفتح لينكات فى مدونتى
فممكن حضرتك تنقلها زى ما هى فى الموقع فى رد منفصل وانا هناقشك فيها عادى خالص
‏قال Desert cat
واحد من الناس
اعتقد ان ربنا ميزنا بالعقل عن الحيوانات يعنى مش اى كلمة حد يقولها الناس تجرى وراه وتهلل
بالنسبة للنك اللى حضرتك جايبه
للاسف انا مش بفتح لينكات فى مدونتى
فممكن حضرتك تنقلها زى ما هى فى الموقع فى رد منفصل وانا هناقشك فيها عادى خالص
‏قال Desert cat
An Egyptian
الناس فى الشارع زى اللى مخبوطين على راسهم يا عزيزى بيتوهجوا حسب غرض اللى عايز لاغيين عقلهم وماشيين ورا اللى لابس عباية الدين مش مهم افعاله ايه المهم هو لابس ايه
الاخوان هما راس الافعى اللى لازم قطعها
‏قال Desert cat
انا حرة
والفطار اللى بيتعمل فى رمضان بين المسحيين والمسلمين
ثم ان الاخوان نفسهم بيتبروا من بعض
تلاقى الواد منهم جاى يشتم ويقل ادبه ويطول لسانه على اد ما يقدر وفى الاخر يقولك على فكرة انا مش اخوانى
وطبعا مش غريبة على تربية مدرسة البنا
كان حسن البنا يتامر مع الشباب الغلبان على قتل المعارض له ولما ينفذوا الجريمة يخرج يقول لا اخوان ولا مسلمين
‏قال Unknown
مش بعيد ان امام المسجد قام بالتحريض على الاعتداء على الكنيسة

انا تهم امام المسجد الذي اقام صلاة العشاء بالتحريض على الاعتداء على الكنيسة

انا اتهم امام المسجد باخذ زمام الامور والاعتداء على صلاحيات القانون التي لها اجهزتها في تنفيذ القانون ولكن الانفلات يجعلنا نسن قوانين ونقوم بتنفيذها فورا, ومعناه انني استطيع ان صرخ وسط الشارع واشير الى شخص معين (هذا مسيحي-هذا يهودي) اقتلوه وساجد ستون من اكلة البرسيم يستجيبون الى ندائي دون مخافة الله او مخافة القانون, وهذا ما يتم عمله من خلال الصحافة على الملأ وانا سانجرف وراء التعليقات الملبية للنداء او للمقاطعة لانني لا امتلك التفكير الحر المستقل لان عقلي مسخر ومبرمج على طاعة ندائات من هذا النوع, ولكن هل القانون والديموقراطية مثلي يكلون البرسيم. ام سيحاكمون امام المسجد لتحريضه على الاعتداء على املاك الغير وعلى التحريض الطائفي؟
‏قال Desert cat
tamer.sala7
انت جبت الكلام اللى انت كاتبه فى ردك ده منين ؟؟؟
صاحب العمارة اللى بيكون هدفه الاول اعفاء من الضرائب اه بيجيب ترخيص وبيتوافق له عليه اصل الرد جاهز ياعم انت هتمنع بيوت الله تتبنى وغصب عن اللى فى ايده الترخيص هيوافق علشان يبقى مش بيمنع اقامة بيوت الله .. المسحيين بيلفوا السبع لفات وفى النهاية مش بيتوافق لهم ده ممنوع يرمموا الكنيسة شوفت قلة ادب اكتر من كدا ؟؟؟؟
نيجى للنقطة التانية واللى هى انا مش عارفه جايبها منين ان ده مصنع مش ينفع يقيموا صلاتهم فيه ؟؟؟ اولا انا مش قولت هما كانوا بيصلوا فى المصنع انما اشاع ان المصنع هيتعمل كنيسة دى حاجه ؟؟
الحاجه التانية هو انت مش احيانا بتكون فى شغل سواء فى مصنع بقى فى شركة فى اى حاجه وبيكون معاك زميل مسيحى .. وقت لما بتسمع الادان بتروح تصلى .. بيقولك لاء ؟؟؟
ثم يعنى ايه مسموح لك انت كمسلم باستخدام مكبرات صوت وهو يقيم شعاره سراً ؟؟؟ طيب ماهو فى المقابل ممكن يقولك مش عايزين ازعاج بعد نص الليل بصلاة الفجر اللى بتعملوها والادان اللى فى مكبرات الصوت ؟؟
وعندك ضهر وعصر ومغرب وعشا بتستخدم فيهم كبرات صوت ؟؟؟
لما تبقى عايز تطبق العدل يا اما على الجميع يااما متصليش انت كمان وتمنع مكبرات الصوت وانا شايفه انه المفروض ينزل قرار بمنع الصلاة فى الشغل علشان خاطر مشاعر الاخوة المسيحيين طالما المسلمين مش طايقين صلاتهم وبيقولوا المفروض تكون سرية .. يبقى المفروض فى المقابل المسيحيين يطالبوا بحقهم فى الازعاج اللى بتسببه ليهم مكبرات الصوت بتاعة صلاة المسلمين
‏قال Desert cat
انونومينس 2
عزيزى حتى مجدر النقاش معهم لا يجدى فهم لا يملكون سوى ابواق يرددون ما يسمعونه من مرشدهم وان نفذ الكلام الذى حفظوه عن ظهر قلب ولم يستطيعوا الرد عليك الحجة بالحجة والدليل بالدليل فيتخذون من السباب والصوت العالى ذريعه لتتضح هنا اخلاقهم الرعوية
‏قال Desert cat
Prometheus
عزيزى كلام اسلامية غصب عنك
ان دل فانما يدل على اننا نعود للعصور الوسطى بهذا الفكر المتحجر
‏قال Desert cat
انونيمس 2
فى الحقيقى لا اعلم لماذا يسمون نفسم بالاخوان المسلمين وكل اهدافهم سياسية الا يعلموا انهم يتلاعبون بالدين الذى اخذوه حكر لانفسهم
اهم اعلم من النبى محمد الذى لم يتخذ شعارات لدعوته وكان هدفه نشر الدعوة وليس الوصول لحكم
‏قال Desert cat
Nah·det Masr
انهم لا يملكون اى حلول للتعبير سوى العنف والكراهيه ومصادر حرية الغير
والغريب بل العجيب انهم مقونون انهم هم الصح
حقيقى الجهل آفة كل شيئ
‏قال Desert cat
اجندا حمرا + هارت بيت
حبيبتى وحشتنيى اكتر انتى والجميلة هارت
اخباركو ايه
ان شاء الله تكونوا بخير
لو راجعتى الردود فى البلوج كمان يا قمرى هتلاقى اللى بيقولك اصل مش ينفع يصلوا فى مصنع وكمان لازم تبقى صلاتهم سرية
حقيقى مجتمع دميم
شرفتينى جدا
‏قال Desert cat
اجندا حمرا + هارت بيت
حبيبتى الكمدونة مدوتك وتردى على اللى انتى عايزاه
بالنسبة للمجاهيل اللى كاتبين ردود متخلفة فدعيهم فى جهلهم يعمهون
دول شكلهم مش عارفين حاجه فى النت غير مدونتى بس
اصل الخبر نشرته مواقع اخبارية كتير جدا
لكن تعملى ايه فى الجهل يا قلبى
‏قال Desert cat
mUsLiM
يا حرام قطعت قلبى عليك
حتى شايف الدم مكان التقطيع خارج من الشاشه ازى
‏قال Desert cat
نبراس العتمة
نبراسنا العزيز
اولا حمد الله على سلامتك
ثانيا : المتطرفين يا عزيزى لا يقبلون الآخر حتى وان كان يدين بدينهم فما بالك صاحب الدين المختلف ..
مع الرغم مع الدينانات الثلاث هى من عند الله فلو كانوا يعلمون الله ويتقوه حق تقاته كانوا اتخذوا التطرف سبيلا ؟؟
‏قال Desert cat
انونونمس2
اموال البنوك حرام
انها ربا وفحش وتاكل اولادك من حرام
ولم يدخل الجنة من نبت جسمه بسحت من حرام
اقوال يرددونها .. وان بحثت لتجد ان عصام العريان شريك ببنك ابو ظبى
وان المهدى واعوانه ياخذون اموال المنضمين للجماعه واموال التمويل ليسكونوا الفيلل ويرتدوا احدث الموديلات المستودة من بلاد الفرنجة
‏قال Desert cat
انونونمس2
لا تسامح مع اصحاب الديانات الاخرى فهم فقط من يملكون الحق وهم فقط المسلمون لانهم اخوان بعض
اما عكس ذلك فقاتلوهم فى الدين على اساس اننا فى غزوة
‏قال Desert cat
انونونمس2
ثم يا عزيزى انت عايزنا نسامح ونرجع زى زمان المادنة بجوار برج الكنيسة ازاى ده والناس بتقولك المفروض يصلوا فى سرية تامة ممنوع النفس .. مش من حقهم يتوجهوا لربنا بصلاة او يفتحوا بؤهم
‏قال Desert cat
عايش... ولكن !!!!
طيب ما هو انا مش قولت ان المتطرفين اخوان بس انا قولت انهم اساس اى مصيبة
‏قال Desert cat
cleopatra

Egypt was a beacon of science but after the spread of ignorance and underdevelopment has become a place for extremists Ihiyon and setting the world strives to become the third continued even this solution could soon become the tenth world
‏قال Desert cat
د\أسماء علي
وهما فين من اطفال الشوارع
وهما فين من انهيارات الدويقة
وهم فين من تشريد اهالى اسطبل عنتر
وهما فين من جلد الطبيبين المصريين
هما فى غيبوبة لما يكون موضوع مالهومش فيه مصلحة شخصية
لكن هدم الكنائس وارهاب الاخرين بياخدوا عليه تمويل زيادة يا عزيزتى
‏قال Desert cat
صفا
اهى الناس اللى خرجت تكسر وتدمر هى نفسها اللى تفكيرها لا يختلف عن تفكير اسلامية غصب عننا دى
يعنى منساقين كالبعير
‏قال Desert cat
انومنوميس 2
يصرون على الصاق هذا الانحطاط بالاسلام لانهم يعلمون تماما ان الشعب تحول الى الدين البديل بعد موجة ظهور قناة اكره وقناة الانجاس
‏قال Desert cat
الحان
انا ذكرت المسيحيين
لان من تم الاعتداء عليهم مسيحيين
البهائيين ايضا يعيشون فى اضطهاد ويكفى ما تفعله معهم الدولة بعدم اعطائهم الحق فى كتابة ديانتهم بخانة الديانة واكتفت بشرطة
ايضا قرات من ايام ان موظف السجل المدنى اعترض على استخراج شهادة ميلاد طفل لان والده بهائى
وحقيقة هذا الخبر اثار استيائى
فالمجتمع يكره بعضه البعض ولا يستطيع التعايش حتى اصبح الاقتتال فن
‏قال Desert cat
newborn
بالظبط كما ذكرت
فالعامة من الناس لغوا عقولهم وانصاعوا خلف اشاعات من احمق ليصبحوا عصا فى يده وقت اللزوم
تحياتى
‏قال Unknown
ربنا عمره ما قال نعتدي علي حد معتداش علينا و لا جه جمبنا هو الناس دي عاوزه تولعها و خلاص ؟؟

طظ ف كل واحد ياخد الدين ستاره لأفعاله العدوانيه و يفرغ عقده النفسيه و أفكاره الجاهله إخوان بقي و لا مش إخوان مش هي دي المشكله المشكله إن النوعيه دي من البشر سواء بعضهم إخوان أو حتي أي حاجه ابتدت تزيد

للأسف
‏قال Desert cat
الحان
انا قريت الخبر ده الصبح واستغربت من الردود لما لاقيت ناس بتشكر فرنسا قولت هى المفروض ان فرنسا دى تبع الغرب الكافر ؟؟؟
دلوقتى بيشكروهم يعنى هما لما يكون محتاجين لهم يوجهوا لهم الشكر وفى نفس الوقت يعقدوا يشتموهم على النت باسم انهم كفار ويستحقوا الرجم
عجبى
‏قال Desert cat
الحان
اتعجب حقا عزيزتى من يلهث خلف نداءات باسم الدين ولا ينفذ من تعاليم الدين اقل القليل
فتجدى نفس الشخص الذى اثار الفتنة هو من يرى امراة حامل تقف فى الاتوبيس وهو جالس ولا يهب واقفا لتجلس وهو نفسه من يسرق المال العام ويقبل الرشوة ويعتدى على الاخرين بالقول والفعل
‏قال Desert cat
عاقلة علي ارض الجنون
طبعا كلامك صح جدا ياسمين
لكن من لغوا عقولهم ولهثوا خلف ابواق تردد شعارات لا يعلمون انهم يأذون الدين والمسلمين
‏قال Unknown
بصريح العبارة يجب على القانون استدعاء الامام والتحقيق معه ومع الذين قامو بالشغب ويجب معاقبة كل من تتم ادانته عقابا مضاعفا

1-
العقاب المضاعف بسبب اهانة ديانة اخرى, 2- وبسبب خرق القانون, 3-وبسبب الاساءة للديانة الاسلامية بتحميلها اوزارا امام شعوب العالم

------------
لم اتكلم بعد عن اشاعة الفوضى في مصر ومن ثم اتهام الحكومة بعدم القدرة على السيطرة على الفوضى لكي تكون ذريعة للطامعين بالوصول الى الحكم تحت ستار الدين بالتحريض على الحكومة
------------

فقط يجب استدعاء الامام والمعتدين على الكنيسة للتحقيق معهم ومن ثم محاكمة كل من تثبت ادانته
أه يا قطه أه من اللي بيحصل
مين الناس ديه يا قطه فين الدين والفن والعلم اللي يرجع البني أدم المصري لطيبته وطباعه اللي اتفطر عليها ..
الاخبار ديه قربت تموتني بس عندي أمل لسي فيه ناس طيبين يمكن لو حطينا ايدنا في ايدين بعض ورجعنا نتدين بدين الحب والتسامح الرحمه والعدل دين قبول الاخر كما هو .
يمكن وقتها هانتفرغ للامام الاكبر والراعي الرسمي لكل الجرايم ديه الي هدفها اننا ننشغل دايما يا بالحرب يا بالدفاع عن نفسنا ..انا مش عارفه مفيش واحد من المتطرفين دول بينشني بحاجه ليه ويموتني وارتاح من الاخبار ديه .

بيهرجوا مش كده
‏قال عم مينا
بوست جميل
و موافئك في كل حاجة قلتيها ما عدا موضوع الاخوان.. مش حباً فيهم.. لأنهم طبعاً سبب البلاوي اللي احنا فيها كلها و سبب الفكر المتخلف اللي وصلناله
يعني هم طبعاً مسئولين مسئولية غير مباشرة عن اللي حصل بس ما أعتقدش انهم اللي نظموا التجمهر ده..
أنا شفت الفيديو بتاع المظاهرة و رفعته عندي المدونة.. بصراحة كل اللي كانوا واقفين شكلهم شوية عيال ضاربين بانجو.. و أعدين بيقولوا لا اله الا الله بطريقة غريبة كده أكنهم في الإستاد.. و ده عمره ما كان اسلوب الاخوان.. دايماً في مظاهرتهم لازم يبقي شكلهم جد و كئيب و ماسكين مصاحف
و ده اللي مخوفني.. علي الأقل الاخوان عدو عارفينه.. بس مين الناس دول؟؟

تحياتي ليكي و لمدونتك المحترمة
‏قال غير معرف…
إيه إخوانجي دي تكونيش تقصدي مخزنجي
هع هع هع هع ها

المشاركات الشائعة