قتلوا الاطفال وفازو بجايزة اليونسكو لتطوير التعليم

العنوان ده مش تهريج ولا هزار ابدا والله انما العنوان ده حقيقه وحقيقه رأيتها بكلتا عيناى وحينها شهقت لرؤية الخبر ولاشهقة طشة الملوخية قصدى شهقه وصلت لعنان السماء وفغرت فاهى عن آخره وما زلت مذبهله ازبهلال محصلشى
الخبر يا حضرات بيقول
الخبر يا بهوات بيقول
خدوا بالكوا معانا يا بشوات بالمرة وياريت السادة الافاضل كمان يركزوا
انه خير اللهم اجعله خير كدا والخبر بيقول
انا فى الحقيقة مش مستكترة الجايزة على مصر بلدى حبيبتى
ده المفروض انه اقل واجب يعنى بعد ما اصبحت الوزارة بتشغل بلطجية يطلعوا عقدهم النفسية على العيال .. وايشى حارس بيتحرش بطفلة فى حضانه وايشى مدير بمدرسة مكفوفين بيتحرش بطالب .. وايشى ضرب طفل عنده 11 سنة بشلوت طلع روحه
مش هتكلم عن خديجه علشان عمها قال ان البنت ماتت من الرعب على اساس ان اللى كان فى الفصل دراكولا مش مدرس ومش هتكلم برضه عن حالات انتحار طلبة الثانوية العامية ولا برضه هتكلم عن المدرس الى اجبر اطفال الصف السادس انهم ينزلوا من على المواسير بعد المدير ما قفل عليهم بوابة المدرسة وهو مش عارف ان فى حد جوا على اساس انه مدير مراجيح مولد النبى مش مدرسة بنى ادمين مما تسبب فى سقوط طفلة من على المواسير ووفاتها فى الحال .. ولا برضه هتكلم عن المدرسين المحترمين فى الفيوم اللى بيعاقبوا التلاميذ دلوقتى بتقليعهم ملابسهم الداخليه ويقفوا اعضائهم باينه قدام زمايلهم فى الفصل .. بس بجد اللى انا مستغربه له دلوقتى .. جايزة اليونسكو وتطوير التعليم طب بامارة ايه هو التعليم اتطور اصلا .. ده بصرف النظر عن الحوادث اللى حصلت تباعا العيال بتحفظ المعلومات بالكم مش بالكيف علشان كدا بيتخرج وهو ناسى هو دارس ايه اصلا .. عموما الف مبروك لتطوير التعليم فى بلدنا بالشكل الرائع ده والف مبروك على جايزة اليونسكو لتطوير التعليم برضه ..
كنت بجد منتظرة اقاله يسرى الجمل
حزينة لاستمرار يسرى الجميل
وحزينة اكتر للجايزة لان ده معناه مزيد من المآسى طالما الاطفال بيتقتلوا وبناخد جوايز
يبقى كل اب وام خايفين على اولادهم يقعدوهم جنبهم بلا تعليم بلا قتل بلا تحرش بلا نط من على المواسير بلا انتحارات بلا قلبة دماغ

تعليقات

‏قال basma saghir
مممممممممم...هي بقت كدة؟

مفيش من الاحمر باين ولا ايه..على فكرة انا مبقيتش استغرب اي حاجة بتحصل الايام دي ولا حتى الايام اللي فاتت وحياتك

يلا ربنا يتولانا بقى
‏قال micheal
ولا عمري بعترف بالجوائز دي ودلوقتي تأكدت
:)
مبروك يا قطة وصولك للعالمية
مشرفانا كده دايما زي النادي الأهلي
أنا قرأت مواضيعك السابقة اللي فاتتني
تحياتي لكي
‏قال فاروق عادل
تعالى طيب شوفى اخر بوست عندى وهتشوفى تطوير التعليم عجايب انا كنت متاكد انة هيمشى
‏قال AHMED SAMIR
انا قررت اكون اول واحد ينونو
طبعا لازم مصر تاخد جايزة تطوير التعليم
لانهم طوروا التعليم بحيث اصبح احد وسال القتل والسحل والتعذيب
التعليم في كل دول العالم واحد ومعروف
انما في مصر
التعليم مختلف تماما
لازم ياخدوا جايزة طبعا....اومال ايه
‏قال bluestone
هو طبعا عنوان الخبر مش دقيق ابدا
المفروض ان الجايزة مش لتطوير التعليم فعليا
الجايزة على جانب معين من جوانب التعليم وهو استخدام التكنولوجيا في عملية التعليم
ودي بتعتمد بس على مجموعة من الارقام
لان مسألة التعلييم وجودته غير قابلة للتقييم .. اما المعاملة اللاإنسانية للاطفال فدي بتدخل في نطاق حقوق الانسان ثم التربية

الجايزة استندت على ارقام مشاريع يقال ان الحكومة نفذتها زي مبادرة بناء 2000 مدرسة و17 جامعة رسمية، و1000 نادٍ لتكنولوجيا المعلومات. وقد وفّرت هذه المبادرة التدريب لأكثر من 000 64 معلم، وما زالت تُجري التدريب لـ 45 ألف معلم ومدير في مجال محو الأمية بالوسائط الرقمية.

ودي كلها ارقام مش اكتر
المفروض فعلا نطالب المنظمة بسحب الجايزة وتركيز النظر اكتر على يحدث في المدارس حاليا
‏قال momken
يبقى اليونيسكو ليها عندى كلمه واحده

ايه سفن ايه


وطالما وزير ثقفتنا المحترم جدا جدا هيبقى رئيساً لليونسكو

يبقى عرفنا اليونسكو عباره عن ايه

تحياتى
‏قال ... amr
مش عارف انا عايز اعلق بس خايف تعلقيني :((((
‏قال مواطن مصري
عادي احنا في زمن المسخ
‏قال Desert cat
بيسوو
ده هى كدا من زمان
هو اللى احنا وصلنا دلوقتى ده الا من كدا
:)
شرفتينى
‏قال Desert cat
micheal
ولا انا وحياتك عمرى اعترفت بيها
ميرسى جدا مايكل
ومواضيعى السابقة اتشرفت بقرائتك ليها
:)
مودتى
‏قال Desert cat
طالب ثانوى
يمشى فين
ده قاعد على نفسنا ونفس احفادنا كمان
‏قال صفا سارة
ده على اساس ان كل البلاوى ده دى تطوير تعليم فعلا بس تصدقى هيا تطوير عشان نرجع لعصر ما قبل التعليم خالص ونرتاح من القرف ده
‏قال Desert cat
جبهة التهييس الشعبية
وحياتك عندى يا غاليه بتكلم بجد وجد جداً كمان
:)
‏قال Desert cat
A.SAMIR
يا دكتور احنا مصر بتتقدم بينا
بالرغم من كل الكوارث اللى معششه فى البلد ولازقة فينا برضه بتتقدم بينا ونستاهل طبعا جوايز
ايه هتعترض على رأى حكومتنا المؤقره
:)
شرفتنى
‏قال Desert cat
bluestone
والله يا بلو يا حبيبتى وماليكى عليا يمين انا شوفت عنوان الخبر ازبهليت
اذا كان اكتر سنة حصل فيها كول فى التعليم هى المنكوبة دى 2008 يقوم ناخد جايزة اليونسكو
حتى يا قلبى لو الموضوع ارقام وحسابات فلكية ومريخيه هيعلموا فيها مين ؟؟
ده اهالى الاطفال اللى اتقلتوا مازال الجرح نازف والاستاذه يقولوا لك تطوير التعليم
Loooool
نورتينى جدا
‏قال Desert cat
momken
ههههههههههههه
بصراحة يا ممكن انت مش ممكن
جبت المفيد ومن الاخر كمان
:)
مودتى
‏قال Desert cat
... amr
انت واخد عنى فكرة وحشة اوى يا عمرو
ولو مش عقلت بقى هعقلك بجد
هههههههه
‏قال Desert cat
مواطن مصري
بالاضافه زمن المسخ
برضه خالف تاخد جوايز
:)
‏قال Desert cat
صفا
تنكرى يا صفا ان التعليم فعلا بيتطور
انا الحمد لله يا اختى خلصت قبل ما اخد لى شلوت روحى تطلع فيه
:)
نورتينى
‏قال غير معرف…
عزيزتى صاحبة المدونه
كل مره ازور فيها مدونتك اتوقع ان تكتبى شيئا ان سيده مصريه عظيمه مناضله ضد اعتى قوى الفوضى فى البلد وهى السيده جميله اسماعيل زوجة ايمن نور
ولكنى لا اجدلها فى مدونتك اى ائر ولو بكلمه منصفه..
الا تسنحق منا الأحترام كنومذج مشرق للمراه؟
نعم تستحق بكل تاكيد
‏قال غير معرف…
فرد ظهرك.. يا أخـي!



بقلم: محمد فهمي





المؤتمر السنوي الذي عقده الحزب السرمدي.. يذكرني باليوم الرياضي الذي نظمته مصحة حلوان سنة 1956 وبدأ نشاطه باستعراض لكمال الأجسام!.

من المفارقات اللافتة للانتباه أن الحزب السرمدي الذي يتمدد علي سرير السلطة.. منذ أيام الرئيس رونالد ريجان في أمريكا.. لم ينجح في تنظيم المرور ولا في جمع القمامة.. ولا تصريف مياه الأمطار التي تغرق الشوارع.. ولا في التعرف علي أسباب السحابة السوداء.. ولا في رفع صخرة الدويقة لإخراج جثث الضحايا.. ولا في غيرها من مئات القضايا والبلاوي التي كلما سعي لحلها.. زادها تعقيدا.. وجعلها غير قابلة للحل علي الإطلاق.

ولكنه ينجح باقتدار في تنظيم المهرجانات والاحتفاليات وطوابير الاستعراضات.. ومن بينها المؤتمر السنوي الذي ينظمه الحزب وتظهر فيه دقة التنظيم والإخراج المسرحي.. والحوارات التليفزيونية والقاعات الفسيحة والمقاعد الزرقاء.. وتوقيت الهتافات.. والمداخلات التي يرد عليها الرئيس مبارك بكلمة واحدة يكررها ثلاث مرات وهي «شكرا»!.

تناقضات عجيبة فعلا.

انظر إلي الاستعراضات الغنائية التي يشهدها الرئيس مبارك وكبار المسئولين في الدولة... في المناسبات العسكرية.. التي نستعد بها للنزال.

انظر إلي الدقة البالغة لظهور جماعات تلو الجماعات من الممثلين والممثلات بالملابس الفرعونية.. وهم يؤدون الرقصات الإيقاعية.. لانتصاراتنا في أكتوبر من القرن الماضي.

انظر إلي هبوط خيرة شباب الوطن بالمظلات في طائرات تحلق فوق ساحة العرض العسكري.. ويقفز منها الشباب الواحد تلو الآخر.. ليضاعف الإنتاج.. ويزيد من صادراتنا لدول العالم (!!!).

انظر إلي شبابنا وهم يرتدون الملابس القتالية.. وهم يقفزون بكامل قوتهم.. لاقتحام نزل العدو.. وسط تصفيق جمهور المشاهدين.. من أصحاب الرتب القتالية العالية.. والرفيعة المستوي.

انظر إلي مشهد دخول الرئيس مبارك قاعة المؤتمرات لحضور مؤتمر الحزب.. وهو يسير فوق سجاجيد زرقاء.. بالغة النظافة وعلي يمينه صفوت الشريف.. صاحب العرس.. وعلي يساره فتحي سرور.. أبو التشريعات.. في مشهد استمر عرضه علي الشاشة مدة طويلة.. لم تتخللها أي إعلانات.. لزيادة دخل التليفزيون.

وهنا تبدو المفارقة.. وتبدو الدهشة.

إذ كيف يفشل أصحاب الحل والربط في بلدنا.. طوال 27 سنة في تنظيم وسائل نقل القمامة أو المرور.. أو المواصلات العامة الآدمية.. أو تدريب المدرسين.. أو.. أو.. وينجحون في تنظيم المهرجانات التي تصرخ بالنفاق و«المحلسة».. ولعق الأحذية.. والانحناء الذليل.

كيف فشل أصحاب الحل والربط في فرض هيبتهم علي اللصوص الذين يسرقون قضبان السكك الحديدية.. وأغطية بالوعات الصرف الصحي.. وبعض المدرسين الذين يطلبون من التلاميذ خلع مناطيلهم لضربهم فوق مقاعدهم.. بينما ينجحون كل سنة في تنظيم مؤتمرات الحزب السرمدي.. ويتحكمون في كل كلمة.. وكل لفتة.. وكل همسة. هل هناك علاقة بين نجاح الحزب السرمدي في تنظيم مؤتمراته ومهرجاناته واستعراضاته.. وبين فشله في كل ما عدا ذلك؟.

والإجابة هي: - نعم!!

النجاح في الاستعراضات ومهرجانات «الروقان».. ثم الفشل في الأعمال الجادة.. هما وجهان لعملة واحدة.. لأن «نوعية» الرجال الذين اصطفاهم النظام الحاكم ليكونوا رموزه.. وأعوانه.. وحملة أختامه منذ 27 سنة.. لا ترتقي لمستوي خدمة الأوطان.. وليست مؤهلة للقيام بعمل نافع.. هم عالة علي مجتمعاتهم.. وسبة في جبين أوطانهم.

أنت تري الواحد منهم.. فتحسب أنك أمام موسوعة علمية ضخمة من عشرين جزءا.. بديعة الإخراج والتوضيب.. مصقولة الأوراق.. تحيط نفسها بهيبة..وإذا اقتربت منها وجدت نفسك أمام أوراق بيضاء.. ناصعة البياض.. لم تلصق بها معلومة واحدة.

المؤهلات العلمية.. لم تعد لها قيمة.

وخلال 27 سنة اختفت القيم النبيلة.. تدريجيا.. وسادت مظاهر القبح.. وأصبح كل شيء معروضا للبيع.

الذمم تباع وتشتري.

الشرف.. تجارة.. ومعه السياسة، وأرزاق الغلابة والقطاع العام.. ومترو مصر الجديدة.. والدقيق.. والأرز.. ورغيف الطابونة.. إلخ.

أخلاق الناس باتت.. تقاس بمعايير السوق.. وقوانين العرض والطلب.. وفتوات «الكباريه» الكبير.

وضاعت من مجتمعنا أجمل ملامحه.

ووسط هذه الحالة.. يطل علينا.. في مثل هذه الأيام من كل سنة.. مؤتمر الحزب السرمدي.. وتدق الطبول.. وتنطلق الحملات الإعلامية.. ومواكب النقرزان.. وفرق الدفوف والمزاهر.. ويتصور البسطاء من أمثالنا.. أننا أمام احتفال ديني ابتدعه حكامنا.. لينضم للأيام المفترحة التي يجري فيها توزيع كراتين المواد الغذائية باسم الرئيس مبارك.

وينتظر البسطاء.. الكراتين.. الغذائية.. فلا يجدون لها أثرا.. ويتوقعون أن يخرج عليهم صفوت الشريف بالكراتين التي تحوي زجاجات الزيت.. والخل.. والعدس «أبوجبة» فإذا به يخرج عليهم بتصريحه الذي جاء في مانشتات صحف الحكومة وقال فيه إن المواطن البسيط في عقل وقلب الرئيس مبارك (!!!).

ويعقبه تصريح للرئيس مبارك.. جاء في مانشتات صحف الحكومة وهو:

مستمرون في الإصلاح.. ولن نرجع للوراء!!.

بما يعني أن كل أبواب الأمل قد أغلقت.. فلا كراتين.. ولا حتي الأمل في «الرجوع للوراء».

«أيام الوراء» هي حلم كل مواطن يعيش علي أرض مصر.. عندما لم يكن 88% من شباب مصر يفكرون في الهجرة.. وعندما كانت فتياتنا يأمن علي شرفهن في شوارع وسط البلد.. وعندما كان أطفالنا يتناولون طعام الإفطار.. كل أيام الأسبوع.. ولم تكن مصر تعرف الدروس الخصوصية.. والتحرش الجنسي.

في «أيام الوراء» التي يتحدث عنها الرئيس مبارك.. كانت الخلافات الفكرية داخل الأحزاب.. تؤدي لقيام أحزاب جديدة.. بأفكار جديدة.. وعقول جديدة.. وزعامات جديدة.. أما الآن.. ووفقا لثقافة العصر.. يقوم رجال الحزب الحاكم بإحراق مقار الأحزاب الأخري.. أسوة بما جري في مجلس الشوري.. لأن الأخلاق لم تعد كأخلاق زمان.

بعد 27 سنة من انفراد حكامنا بسرير السلطة.. يحلم الناس بالعودة للوراء.. والخروج من عقل وقلب الرئيس مبارك.. والتحرر من عقول وقلوب الحزب السرمدي.. والخروج لبناء المستقبل علي أرض بلدهم.. وتعمير سيناء.. وصناعة المستقبل.. وشق الأنفاق والطرق وحماية الكرامة الإنسانية.. من كراتين المواد الغذائية.

والمثير في الموضوع.. أنه منذ خرج علينا الحزب السرمدي بمؤتمراته السنوية سنة 2000.. والكلام لا يتغير.. والتوصيات لا تتبدل.. وأحاديث صفوت الشريف للصحف التي تملك الحكومة سلطة اختيار قادتها.. وكتابها.. وإعلاناتها.. ووفياتها.. لم تتغير.. والكلام كله يتركز حول محدودي الدخل الذين هم في قلب وعقل الرئيس مبارك.

أما السياسات.. فلم تتغير أيضا.. ويعترف عاطف عبيد في «المعلقات» التي ينظرها في صحيفة «أخبار اليوم» أنه كان يتلقي التوجيهات والتعليمات من الرئيس مبارك.

لماذا؟.

يرد عاطف عبيد علي هذا السؤال بقوله:

- بفضل الثقافة الواسعة للرئيس مبارك وإدراكه بتاريخ الشعوب(!!).

أي أن مصر «مهد الرخاء ومهبط الروح الأمين» كانت تدار في عهده برؤية رجل واحد هو الرئيس مبارك. وهي تصريحات كررها صفوت الشريف في أحاديثه بمناسبة انعقاد المؤتمر السنوي الأخير.. وهي تركز علي إدارة شئون الوطن بنظرية «رؤية الرجل الواحد».. و«البطل الأوحد».

والمؤسف هنا.. أن حملة الدفوف والمزاهر.. لا يدركون التأثير السلبي لمثل هذه التصريحات.. علي الأمة بشكل عام.. وعلي ارتفاع نسبة الإدمان بين الشباب وسعيهم للهجرة بحثا عن وطن.. ناهيكم عن تدمير الثقافة السياسية.. وتوسيع رقعة المشاركة في العمل العام.. ووقف حركة الترجمة إلي اللغة العربية!.

التصريحات والافتتاحيات التي تتسم بالمبالغة في النفاق.. لا تخدم حسني مبارك.. ولا تخدم النظام.. بل هي تسيء إليه.

النفاق يغتال الحكام.

النفاق يعزلهم عن شعوبهم.

ويزيد من فداحة الموقف.. أن البسطاء الذين هم في قلب وعقل الرئيس مبارك.. لا يشعرون بأي تغيير في حياتهم.

وأن أحوالهم قبل المؤتمرات تزداد سوءاً بعدها.. ورقعة الفقراء تتفاقم.. والبطالة تزيد.. والمواصلات العامة تتدهور إلي الحد الذي لا تسمح به قوانين الاتحاد الأوروبي.. فيما يتعلق بنقل الحيوانات بين دول الاتحاد.

ومن هنا تتسع فجوة عدم الثقة بين الناس والحكام.. مؤتمر بعد مؤتمر.. وسنة.. بعد سنة.

ويبدو من حقنا أن نسأل صفوت الشريف:

- أين جلس البسطاء.. في القاعة الفسيحة التي تضارع القاعة التي يعقد بها حزب المحافظين في بريطانيا مؤتمراته السنوية؟. فالسادة الذين شغلوا المقاعد الزرقاء.. وعبروا فوق السجاجيد الزرقاء.. كانوا يرتدون الملابس النظيفة وأربطة العنق.. ولهم وجوه لا معة.. تقفز منها الدماء.. ولا يحمل أي منهم بطاقة تموين.. ولا يعرف طوابير الطابونة للحصول علي رغيف المصيلحي.. لدرجة تعطي الانطباع بأن لحكومتنا شعبا آخر.. نستدعيه عند اللزوم.. كي يصفق ويهتف باسم الرئيس.. ويرتجل اللغة العربية ارتجالا يفوق قدرة السادة الوزراء علي الارتجال.

هل للحزب الحاكم شعبه الخاص به؟.

هل في البلد شعب حكومة.. وشعب أهالي؟.
ده الطبيعى.. ماهى الناس دى عايزانا نفضل فى الخاله المهببه اللى احنا فيها ، فابيكافؤنا على كده!!
‏قال صفــــاء
دى جايزة نستحقها فعلا

ولو عندك شك تبقى مش بتؤمنى بالتطور

العلمى والتكنولجى الخرافى اللى احنا

وصلنا ليه

خرافى دى من تخريف
‏قال غير معرف…
فى ضوء ازمة الأقتصاد فى اميركا وسعى الدول المؤثره الى ايجاد نظام دولى جديد للأقتصاد والمال سؤثر على حياتنا تغيب دولنا والسبب
هو
وكما هي العادة نسجل غياب بلدان الجنوب بما فيها العربية. فمازالت الدول المهيمنة عالميا تتصرف بنفي وجود هذا الجنوب برغم تملكه من أوراق حاسمة في الاقتصاد العالمي كأسواق لسلعه واستثماراته وكمصدر للمواد الأولية الضرورية لاقتصادياته. والعلة معلومة إذ أن النظم الحاكمة بهذا القسم من العالم غير ديمقراطية ويعم بينها الفساد وتكتفي بالاستيلاء علي الثروة وتلعب دور التابع للقوي المهيمنة ولا تبذل أقل قدر من الضغط للمساهمة بدورها في اتخاذ قرارات سوف تفرض عليها.
‏قال سمراء
دة معناه اننا أطورنا جدا في كتابة التقارير للجهات الممولة وتطورنا جدا في اساليب الحوار والتفاوض والاقناع

سمراء
قطة الصحراء
لا تنسى ان تستمعى الى حلقة برنامجنا يوم الأحد16-11الساعه التاسعه وعشر دقائق صباحا على موجات اذاعة البرنامج العام اى الأذاعه الرئيسيه لمصر
فبالحلقه رايك فى الموضوع الذى طرحناه فى مدونتنا
وبموقعنا رابط يمكن بالضغط عليه والأنتظار قليلا الأستماع الينا
المدونه
بها التفاصيل
المدونهhttp://netonradio.blogspot.com
الموقع
http://dear.to/cairo
‏قال غير معرف…
مصر توقف تصاريح عمل الأطباء للسعوديه
بعد الحكم على طبيبين مصريين بادعاء وصفهم لدواء يحنوى على المرفين لأميره مما ادى الى ادمانها وذكر انها عى التى طلبت تجديد الدواء الذى كان قد صرف لها فى الولايات المتحده
‏قال محمد صالح
والله شكل العالم الخارجى بيساعد الحكومه المستهتره دى علشان يضعفم الاجيال القادمه وياخدوها كما خدم العراق
‏قال غير معرف…
انا مش عارف ليه المنظمات الدولية تحب تكسكس دايما للدول الارهابية
يمكن تشجيع؟
‏قال dr.lecter
ياجماعه كل حاجه لها تمن

ده التطور الطبيعي للحاجه الساقعه

علشان ناخد الجايزه دي كان لازم ندبح كام عيل ونوري نظامنا التعليمي الرائع الجهبذ علشان اليونسكو تقدر اد ايه بنتعب مع اجيال المستقبل

والحمد لله تعب الوزاره مراحش علي الفاضي وجه بفايده

مبرووك يامصر
‏قال غير معرف…
قطتنا الجميله

الخبر من نوع الكوميديا السوداء

اول ماتسمعي خبر زي ده لازم تقولي في سرك يبقي انت اكيد في مصر

كل ماالفساد في قطاع يزيد كل ماياخدوا عنه جايزه دي مصر ياقطه

تحياتي ليكي ياقمرايه
‏قال رحيق الحب
بصى يا قطه الصحراء انا لو اقولك على المهازل اللى بشوفها بتحصل من المدراس والطلبة والقرف بجد حاجة مؤسفه بتجبلى اكتئاب لأن المحطة الللى بنزل فيها لشغلى مليانه مدراس بالعبيط فا بشوف مناظر قدامى بجد واسفاه على التعليم لدرجة انى فكرت ابعت صور للجرنال يشوفوا المهازل اللى بتحصل
وبجد حاجة تحزن للحوادث والعنف اللى بيتم ضد اطفالنا اللى ماهمش اى ذنب سوا انهم واهلهم طالبين حقهم الطبيعى وبالنسبه للجايزة
عارفه يا قطه الصحراء انا فى راى هما ادهالهونا بيضحكو عليا يعنى عشان نضحك على نفسنا ونفرح ونبقى فى بركه مزيد من المآسى مهو الدليل اهو اننا فزنا وآخذنا جايزة حوادث اى وقرف ايه فى داهيه الدليل القاطع البين اهو الجايزة واحنا عشان من الدول المتخلفه نستمر فى طغيانا وفسادنا ونفتكر اننا بنتقدم ونتطور واحنا للاسفل بننزل الى اسفل سافلين
انا بفكر لما يكون عندى اولاد اعلمهم فين عشان ابقى مطمنه عليهم طب اجيب فلوس منين لمصاريف المدارس النضيفه معنى كدة انى لازم اسرق او انهب مشكلة تؤرقنى اوى لما بشوف الاولاد بتوع المدارس بجد يا حسره على كل الجيل اللى طالع وربنا يسترها عشان هما دول اللى بيحموا البلد

انا طولت عليكى بس فعلا من حرقتى لأن لسه كنت بتكلم فى الموضوع ده امبراح مع صديقة عزيزة عليا
‏قال غير معرف…
اوراق السياسات: برامج وانجاز في كل ربوع مصر» هذا هو العنوان الذي صدر به عدد جريدة «أخبار اليوم» يوم السبت الماضي، محتويا علي عمل واقعة غير مسبوقة في تاريخ الصحافة المصرية، منذ محمد علي حتي أنور السادات0 الواقعة هي وجود كمية مرعبة من صور جمال مبارك في كل صفحات (وكل أركان صفحات) الجريدة: جمال مبارك متحدثا، جمال مبارك مستمعا، جمال مبارك مصافحا، قاعدا، مبتسما، متأملا، مرتبا أوراقه، ناظرا للأفق00إلخ

وقد حاولنا إحصاء عدد صور جمال مبارك في هذا العدد التاريخي من «أخبار اليوم» ووصلنا إلي رقم 25 ثم فشلنا في استمرار الإحصاء الدقيق، ولذا قررنا أن نقيم مسابقة للشطار في الحساب والعد والإحصاء : كم صورة لجمال مبارك في عدد «أخبار اليوم» (يوم السبت الماضي)؟ وما نسبة وجود صور الآخرين من قيادات الحزب الوطني (بمن فيهم الرئيس نفسه) إلي نسبة وجود صور جمال مبارك؟

لتسهيل الإجابة: اقسم عدد صورجمال مبارك علي عدد «ربوع مصر» العديدة
‏قال غير معرف…
هل من حق المذيعين ومقدمي البرامج الاصرار على ارتداء ما له دلالة دينية؟ هل المذيعة المحجبة تعطي صبغة ما للقناة التي تعمل بها؟

لماذا الاهتمام بما ترتديه المذيعة؟ أليس المهم ماتقوله أوتقدمه
بعد معركة قضائية استمرت ست سنوات سٌمح أخيراً لمذيعة مصرية بارتداء الحجاب أمام كاميرا التلفزيون.

القناة الخامسة في التلفزيون المصري التابعة للدولة كانت قد منعت غادة الطويل من قراءة نشرات الأخبارعلى التلفزيون بعد ان قررت ان ترتدي الحجاب.

إلا ان الطويل اصرت على ما اعتبرته حقها وانتقل الخلاف الى القضاء الذي حسم القضية لصالح المذيعة.

وفي لقاء مع بي بي سي، دافعت غادة الطويل عن إصرارها على ارتداء الحجاب قائلة " أنا لست سوى جزء من توجه عام.... الواقع هو أن الكثير من النساء يرتدين الحجاب. أنا من الإسكندرية، وكمقدمة برامج، أمثل جمهوري أكثر من أي وقت مضى".
‏قال Desert cat
Anonymous
بالفعل انا كتبت عن السيدة الفاضله جميلة اسماعيل على الفيسبوك
لكن لرغبة حضرتك اللى بحترمها جدا
اكيد هيكون لى بوست عنها
مودتى واحترامى
‏قال Desert cat
Anonymous
عزيزى كاتب المقال
هؤلاء اصحاب البدل المستوردة ورابطة العنق الأنيقه الذين يسيرون على البساط الاخضر اين سيرون كهل يقف فى طابور الخبز من الفجر حتى ظهر اليوم التالى واين سيرى طفل شوارع يتسول فى الاشارات ويسمع السيارات واين سيرى سيدة تعمل فى المنازل لتربي وتعلم ابنائها
وهو من يقف الجميع انتظارا لمرور سيارته وحراسه وتعطل جميع مصالحهم
وان فكر البسيط من الاقتراب منه ليقدم شكوى قتلوه وقالوا اصله كان رياح يتهجم عليه فى موكبه
‏قال Desert cat
واحد من الناس
بيكفاؤنا على قتل اطفالنا فى الحقيقة التمن كدا غالى اوى
ينفع نقولهم مش عايزين المكافأة ؟؟
‏قال Desert cat
*
لاء انا دلوقتى بس آمن وسلمت اننا اجدع ناس بتخرف
هههههههههههه
‏قال Desert cat
Anonymous
وبعد تنفيذ جميع القرارات التى تفرض عليها وبعد التخلى عن السياسة الداخلية وانتشار الفوضى تتم المكافأة بجائزة حتى تستمر المهازل ولنسير نحن فى مؤخرة الامم بكل همه وعزيمه
‏قال Desert cat
سمراء
طبعا كل تمام ومصر زى الفل والكلام اللى بيتقال فى حقها ده اشاعات روجتها القلة المندسة
‏قال Desert cat
انت تسال والكمبيوتر يجيب
ميرسى جدا لحضرتك
وان شاء الله اسمع الحلقة
ميرسى لاعلامنا بالموعد
تحياتى
‏قال Desert cat
Anonymous
والله يا سيدى الفاضل انا مش مقتنعه بالحوار ده اساسا لان حتى الان لم يتم ذكر اسم السيدة المدمنة ومثيلتها الاخرى
واعتقد بهذا لا يوجد قضية من الاساس
فما يحدث لاطبائنا بالخارج انتقام ممن ولماذا الله اعلم
‏قال Desert cat
محمد صالح
حتى لو دخلوا ياخدوها دلوقتى ماهى هشه وضعيفه
بل دخلت فى مرحلة الموت الاكلينكى
‏قال Desert cat
An Egyptian
يمكن معجبه بالاداء
:)
‏قال Desert cat
dr.lecter
الله يبارك فيك يا دكتور فى الحقيقة وزراتنا تعبت جدا لما وصلت للمجهود ده الله يكلل تعبهم فى البلطجة بالنجاح الدائم
‏قال Desert cat
اجندا حمرا + هارت بيت
صديقتى الجميلة ارق اجندة
طبعا الكوميديا السوداء عندنا هى الطافية فوق السطح الايام دى وظاهره جدا وعلشان كدا فى كل وقت بردد احنا كدا اكيد اكيد فى مصر
محبتى ليكى يا قمراية
‏قال Desert cat
رحيق الحب
المهازل متكررة بشكل يومى ودورى ولا جياة لمن تنادى الجرايد عارفه والفضائيات بتعرض اللى يوصل لها وطبعا الحال بيزداد سوء
اما اطفالنا القادمين فانا شخصيا مش هدخل مدارس هقعدهم جنبى فى البيت مش عندى استعداد اتعب فى تربية طفل وفى النهاية يرجع لى محمول على اربع
شرفتينى جدا
‏قال Desert cat
Anonymous
بسم الله الرحمن الرحيم
الاجابة تونس
طبعا واضحه وباينة لعبة التوريث
‏قال Desert cat
Anonymous
اما بالنسبة لموضوع غادة الطويل فانا قريته فى اليوم السابع البى بى سى ابان اصدار الحكم وفى الحقيقة ادين القاضى اولا الحجاب اللى ادعت فى البداية وناضلت علشانه ودخلت اروقة المحاكم بانه رمز دينى عادت فى حوارها للبى بى سى بانها ترتديه تماشيا مع العادات والتقاليد
انسانة مشتته ولا تعلم لما ترتدى قطعه من القماش على راسها كيف لها ان تعمل مذيعخ من الاساس
فى الحقيقة نموذج سيئ جدا للمذيعات

المشاركات الشائعة