فضحتونا فضحتونا فضحتوناااااااااا

رجالتنا الحلوين اللى مشرفينا ورافعين راسنا فوق .. فوق .. فووووووووووق
طبعا مش كلهم علشان فى رجاله بجد وبحق وحقيقى عايشه وسطنا
وعارف يعنى ايه شرف وعارف يعنى ايه مسؤليه
لكن انا كلامى على امثال السيد المبجل اللى ساب بلده واهله وراح يشتغل فى الكويت .. هو فعلا كان بيشتغل ومش كان مقصر بامانة بيشتغل شغل متعب جدا يبدء من اول ازاى يستدرج الطفل وصولا الى اغتصابه .. السيد المبجل / جهاد السعدى اغتصب 17 طفل فى منطقة الحولى بالكويت
يعنى فى مصر الطفل كريم طفل مدينة نصر اللى عثروا على جثته اسفل كوبرى السلام وبطنه مفتوحة واتقال انها عملية سرقة اعضاء طلع اللى عمل فيه كدا رجل يبلغ من العمر 40عام شاذ جنسيا من طنطا واستدرج الطفل وعندما هم بالفعل الشاذ الطفل قاومه راح الراجل الشايب العايب قاتله واخده يقطعه فى الحمام اخواته اكتشوفوا العملة المهببه دى وطلبوا منه يروح يرميه فى اى مكان ويادار ما دخلك شر وهو سمع كلامهم وفتح بطن الواد وحشاها قطن وورق علشان الدم مش يسيل شوف الافكار يا اخى ده ولا مخرجيين هليوود يقدروا يفكروا فى التفكير الجهنمى ده .. وقبضت الشرطة عليه واعترف ومثل الجريمة وفى ستين داهيه ادينا خلصنا من مجرم وقولنا الحمد لله البلد هتنضف ونرفع الراية البيضا ونمشى فى امان
الا نخلص من شريف يطلع لنا مغتصب كريم نخلص من مغتصب كريم يطلع لناجهاد فى الحقيقة يا جهاد امثال سيادتك واجهه مخزية جدا جدا لينا فى الداخل والخارج ... مش كفاية اصلا الداخل لونه اسود من البلاك بشوية لا انتوا عاتقين طفل ولا انسة ولا مدام بطنها قدامها وساحبه فى ايدها عيالها ولا سياح ولا مفوتين اى فرصه خالص .. بالمناسبة انا أؤيد جداً 8 أحكام الإعدام اللى صدرت ضدك .. لأنه لا يمكن مقارنة إنسان مريض وشاذ مثلك بانسان محترم زى الدكتور رؤوف اللى حكام بلاد شبه الجزيرة بيسجنوه ويجلدوه وكأنه تسبب فى إعصار جوستاف وليس ادعاء كما يتردد انه السبب فى ادمان واحدة مجهولة الهوية حتى الآن كل لما تسال مين الست اللى اتسبب فى ادمانها دى يقولوا لك زوجة رجل مهم .. طيب مين الراجل المهم ده اذا كان اسم زوجته أبيح وعيب حد يقوله .. يقولوا هو رجل مهم وخلاص .. طيب فين الفضية بقى اذا كان الراجل المهم وزوجته مجهولين الهوية المثير للضحك الهستيرى ان معروف اسئناف الحكم اما البرائه او تخفيف الحكم أو تأييد الحكم أما فى بلاد شبه الجزيرة العكس استئناف حكم الدكتور رؤوف تضاعفت مدة العقوبة وتضاعف عدد الجلدات نظام خالف تعرف تقريبا .. فى النهاية لا نملك سوى الدعاء له ربنا يفك كربه .. اما بقى ذكورنا العظماء فانا بتوجه بخالص الشكر لأنهم رافعين هامتنا فوق عاليا ومش حارمينا من حاجه اغتصاب اطفال ماشى .. تحرش باى انثى تحمل تاء تانيث حتى لو معزة مش مهم قتل رقصات ميضرش
ذكورنا المتحرشين والمغتصبين فضحتونا فضحتونا فضحتونااااااااا شكراً

تعليقات

‏قال Rania Lelah
و الله يا قطه الواحد بقى بجد بيخاف من القصص دى
العيب بقى منين محدش يعرف
ماهو مش معقوله الحكومة هتبقى مسؤله كمان عن افعال مرضى نفسيين
اللهم ارفع غضبك و مقتك عنا

تحياتى
انت يا لئيم اللي عامل الصوت ده؟
المحطة الجاية؟
هههههههههه

يااااااااا بقى هو شكله كده تصدقي شكله مقبض فعلا

تمن احكام اعدام
يعني ح يعدموه تمن مرات

الله يخرب بيته

الله يخرب بيوتهم كلهم ما عتقوش الستات عشان يستلموا الاطفال وبيقتله ليه اصلا؟
تفتكري ايه سر الامراض دي؟
لازم فيه سر على فكرة
‏قال Desert cat
Rania
والله يا رونا انا مش فاهمه ايه الوباء اللى انتشر فى المجتمع ده
كأنه فيرس
ربنا يستر علينا
‏قال Desert cat
جبهة التهييس الشعبية
يعدموه 8 مرات فى كل مرة يصحى يعدموه تانى
:)
هو اتحكم عليه 6 احكام فى 2007
ومن يومين اتحكم عليه حكميين جداد
تقريبا كل واحد يتقدم ببلاغ الحكم فى القضية يصدر اعدام
الله يحرقه
الراجل
قتل كريم علشان قاومه
كان عايز يقوله اغتصبنى براحتك يا عموو بس مش توجعنى
والله حاجه مقرفه
‏قال Desert cat
جبهة التهييس الشعبية
طبعا يا نونا فى سر
والسر عند محبى الاطفال من متحرشين ومغتصبين
بفكر اعمل دراسة عليهم
:)
‏قال محمد صالح
والله احنا مش قضاه علشان نحكم عليه بس الاكيد ان دا مريض نفسى والمرض دا منتشر جدا فى امريكا يعنى مش احنا بس والشذوذ دا امر من قديم الازل والامراض النفسيه معظمها بيعود للتنشئه الغلط
مدونة حلوة ماشاء الله
وبجد المصريين مش عارفة ايه اللى بيحصلهم مش عارفة فاضل ايه تانى مااتعملش ممكن يعملوه

وانا زعلت اوى على المغتصب ده طلع من طنطا ياربى يعنى بلدياتى وانا ماكنتش اعرف ربنا يهده يارب

سعدت بزيارتى لمدونتك وان شاء المولى الرحمن ليا عودة
‏قال غير معرف…
انا راجل مصري و اعترف ان كل البلاوى و المشاكل اللى حصلت لمصر سببها الراجل المصري ربنا ينتقم مننا واحد واحد

الاخ محمد صالح اللى بيقول الشذوذ فى امريكا أراهن انك قبل الكلام ده كنت بتقول ان المجتمع الامريكانىي مجتمع وسخ و منحل و ان مجتمعاتنا مجتمعات متدينة و ربنا هاديها
فتبرر بأيه ان المجتمعات المتدينة المؤمنة مجتمعات لها نفس اخطاء المجتمعات المنحلة الكافرة زى المجتمع الامريكاني؟؟
‏قال صفــــاء
وليه يا اختى السيرة المقرفه دى على

المسا بس

انت مش لاقيه حاجه أخف أثارة للقرف

والاشمئزاز من الفضيحه دى؟
‏قال Sweet Violet
بكره يقولك السبب فى ملابس الطفل مش هو المريض ولا حاجه

لا حول و لا قوة الا بالله

بس صحيح سؤال

ازاى هايتعدم 8 مرات ؟؟؟؟
‏قال a
دة ملاك من عند ربنا
اصل العيال ماكانوش متحجبين
‏قال غير معرف…
صحيح ليه فى دي مش بيعيبوا على الطفل انه ماكانش متحجب؟ او اهله محجبينه؟
ولا لما الشاذ يغتصب يبقى بن كلب لكن لما المستقيم يغتصب يبقى دكر؟
‏قال سمكه واحده
لا ده هو المفروض مش يتعدم لانه لو اتعدم هيستريح هو المفروض كل يوم علي الريق كده يقطعه منه جزء رجل يوم ايد يوم ويقرصوه من ودنه في كل مره ويضربوه علي ايده ويقولوا كده عيب

بجد حاجه محزنه ومقرفه ياشيخه دهيه تشيله وتشيل امثاله بس في حاجه غريبه لما الرجاله كلها او عشان حرام معظمها كده هنعمل احنا ايه؟


ده سوء تربيه من الاسره الدين المدرسسه المجتمع الحكومه الاخلاق في ايه بس

عموما انا كنت مبسوطه من البوست اللي فات كنتي استنيني علينا شويه في الرومانسيه دي بدل الاخبار اللي تحرق الدم الله يخربيته ياشيخه

تحياتي يا جميل
سمكه
سبعتاشر طفل

يا بن المفترية

ربنا ياخدك يابعيد
ويصبر اهالى الاطفال دول

انا خايفة على ابنى
ربنا يستر على عيال الناس كلها
وابعد يارب عنهم كل الاذى واحميهم يارب
‏قال حدوته مصرية
و تزيد الهموم على الهموم
و مفيش فايدة مش لاقيلها حل الدنيا دي و لا هيكون فى توقف للمهازل
و فى الاخر كالعادة ادينا عايشين!!
‏قال غير معرف…
انتى مريضة نفسيه يابت انتى والمصحف
بيشغل بالك بس اى حاجه ليها علاقة بالجنس
سواء ختان البنات علشان قلته فى الاخر بيوصل لحالة تهيج عند البنات
وتقدرى تسالى بابا اذا كان عملك الختان ولا لا وانتى زى الشحطه اهو
لحالات الاغتصاب والتحرش الجنسى
وكل اللى شاغلك بالك ان الحاجب مش بيمنع التحرش واضح ان افكارك وسخة ده اوى وثانيا واضح انك مريضة نفسيا
اه بالحق ماتبقيش تنسى تسالى بابا اذا كان عملولك ختان ولا لا
لو اه يبقى تكسفى على دمك لانك شحطه اهو ومفيش فيكى مشكلة
ولو لا يبقى ده طبيعى لحالة الهياج اللى انتى فيها
ربنا ياخدك انتى والاشكال اللى زيك علشان البلد تنضف
‏قال mohamed ghalia
إنا لله وإنا إليه راجعون
أقول ايه بس
ربنا يكرمك سيبك من المواضيع دى شوية
مش نقصة
شوفلنا حاجة كويسه
مفيش حاجة فى البلد كويسه خالص
أكيد مفيش
تحياتى
‏قال Unknown
بس عجبني كلام الانونيمس/ة
-----------------------
ايه يا جماعة؟
هو ليه في دايما اشكال عايزة تخرس الناس بالقوة؟

ليه دايما بييجو ضعاف الحجة وجهلة عالاخر؟
طيب يبعثو ناس مثقفين وفاهمين ومتعلمين ومطلعين على العلوم وعلى الحياة وعندهم شوية اخلاق
يعني علشان الاخلاق نقابلهم باخلاق
واذا عندهم علم نتكلم باسلوب العلم

واذا بيفهمو حاجة في لبدين علشان نكلمهم برضوا في الدين


بس قلة الادب وانعدام الاخلاق انا احبها قوي, اصلي لسة حاط في دماغي صحن فول وفحلين بصل وحاسس اني بقيت فرتيك يعني صاروخ- ذكي نار حمرة

ايها الانونيمس/ة المحترم/ة
هل ختنو لسانك قبل يما يختنوك من تحت؟
اصلك جاي تقل ادبك ودة كويس علشان المكتوب مفهوم من عنوانه علشان بتتسلح في كلمة الدين بس لو تفهم شوية في الدين كنت اتكلمت بادب, اصل الدين هو انك تلم لسانك عن الناس ودي حاجة موش محتاجة مصحف 5كيلو علشان تربيتك من البيت فاشلة والناس موش هيستحملو قلة ادبك وحيضربوك, بس انا اعمل علاج جذري من فوق ومن تحت علشان بطل ليك لزوم في الدنيا طالمة انتا شكلك بتجيب الاهانة للدين فبعد العلاج الجذري موش هتقدر تهين الدين يالة, فاهم؟

بعدين مسالة الختان موش فاهمين منها حاجة اصل الاعضاء الجنسية لو شلناها خالص موش بتمنع الاحساس بالجنس لان الاحساس دة ياتي من افرازات هورمونات من غدد مختلفة موزعة في انحاء الجسم والمخ, ولو وحدة ما اشتغلتش ف الغدد الباقيين هيشتغلو وسوف نحس بالجنس حسب كميات افرازات هذه الخلايا وحتى لو اخذو كل اعضائنا الجنسية فاننا نستمر بالاحساس بالجنس, ولكن ربنا عايز اننا نتكاثر عن طريق اعضاء الجنس , ولكن

مرة اخرى لو اخذنا الرحم وكل ما يتعلق بالتكاثر فاننا لا نستطيع ازالة الغدد من المخ والتي تؤثر على الاحساس بالجنس

يعني ختان ايه اللي بيعملوه
فاضي
دة تعذيب على فاضي ومن غير نتيجة لان الغول اللي خايفين منه ما زال هناك

وربنا حكيم وعارف انه خلق ناس بقر وعلشان كدة خلق في الجسم نقاط متنوعة لتفريغ الطاقة الجنسية وخصوصا عند الانثى

اما الذكر اللي بيغتصب محدش بيقطع بتاعه ليــــيـــــه؟؟؟
علشان الذكر مينفعش يكون ذكر بدون الدندولة حسب عملية الاغتصاب وقيمته بتخف في المجتمع بسبب انعدام الدندولة

دة بصحيح مجتمع ظالم
هو الذكر مينفعش من غير دندولة؟
ومحدش بيقيس عقله ولا ثقافته ولا اخلاقة, وكل ما يتلخص به الذكر موجود بين قدميه,,, يعني مفيش فرق عن الحمير؟

لاء فيه فرق
الحمير احسن لان لسانها مش بينطق بكلام وحش

هههههههههههههههه

ناس تفطس من الدحك

هههههه
ما أوسخنا
ما أوسخنا
ما أوسخنا
ونكابر ما أوسخنا
مظفر النواب


صرختك : فضحتونا ذكرتني بصرخة الشاعر مظفر النواب: ما أوسخنا

من الرجل الرجل الذي يجرؤ ويقول ما أوسخني..قدارة المجتمع واضمحلال القيم دفعني لكيت وكيت..من يجرؤ..ربما نكابر ونسميه رجلا..
ألم يدخل أحدهم إلى حمام عليه يافطة حمام للرجال وخرج خجلا لأنه لم يجد من يدعون رجالا..
لنعد صياغة هذا المفهوم في عصر غير مفهوم..
الحادثة التي أوردتها ذكرتني بسلسلة من اختفاءات الأطفال بمدينتي قبل حوالي عقد من الزمن اكتشف في النهاية مقبرة لركام الأطفال واكتشف المجرم الرجل الأربعيني الذي يدعى حاضي وكان يحضي أي يخفي شدوده وراء جرائمه الحادثة حينها هزت المغرب..
ومرة أخرى أيتها القطة تفتحين العيون على المأساة..
مودتي الدامعة
حكايات مؤسفة وزى ما يكون الزمن ده اصابه مس من الجنون .. انا مش عايز اقول ان الحاجات دى ظهرت بس دلوقت انا عارف طبعا انها موجودة من قديم الازل ولكن اصبحت فى زيادة مستمرة لدرجة انها بقت زى الظاهرة والحاجة اللى تحزن ان الابطال هم المصريين .. العالم مليان بلاوى وفضايح .. لكن مش عارف ليه بلاوينا بتبقى صعبة علينا ويمكن عشان فضايح مخجلة وتكسف.. تحياتى
‏قال إيمان قنديل
أنا مع الحكم بالإعدام لكل واحد مريض بيغتصب طفل أو إمرأة




لكن بصراحه حكاية الدكتور دي محيراني


وأرجع أقول أننا مالناش كرامه في بلدنا


والمثل بيقول


اللي أهلها يقولوا لها ياعوره الناس تلعب بيها الكوره
‏قال سنووايت
فضحتونا
وقرفتونا
بجد يا قطة بقت حاجة تحرق الدم
انا لسة كاتبة عندي موضوع يمكن اكون قربت شوية من النقطة دي
انا كل شوية اسمع كارثة واقول ياربي هو ايه اللي بيحصل في الدنيا
فعلا دول مش بني امين ولكنهم انصاف بشر
‏قال Desert cat
محمد صالح
هو احنا كل لما يحصل مصيبة فى بلدنا نقول بتحصل فى امريكا
والدويقة كمان كان زيها فى امريكا
تصدق انه فى امريكا مفيش واحد يقدر يبص لواحدة اصلا علشان يبص لطفل
لانها لو اشتكته يبقى الدنيا كلها داعيه عليه
تخيل ان الامريكان كل واحد بيمشى فى حاله وبيعرفوا يحترموا بعض كويس اوى والهمجية اللى بتحصل عندنا دى مش عندهم شوفت الامريكان الكفار اللى بندعى عليهم فى كل صلاة محترمين اكتر مننا ازى
‏قال Desert cat
1/2 doc
اولاً انتى شرفتينى جدا
ثانيا معلشى بقى مش كل الناس زى بعضها متزعليش نفسك زى مافى ناس وحشه اكيد فى ناس كويسه
مودتى يا جميله
‏قال Desert cat
An Egyptian
والله لو كل الرجالة المصريين عارفين حقوقهم وواجباتهم كويس جدا وعرفوا يعنى ايه كلمة اخلاق وشرف وكرامه
ما كانوا فضحونا بالشكل ده اشكرك جدا على المشاركة الفعاله
اما الاخ محمد صالح
فهو برضه راجل مصرى
:)
مودتى ليك
‏قال Desert cat
*
اعمل ايه بس يا صفصف
كل لما نقول هتروق والدنيا هتبقى كويس نلاقى رجالتنا الحلوين منيلينها
معلشى بقى

تحياتى ليكى
‏قال Desert cat
ضد التيار
لو فى مصر فعلا كانوا قالوا العيب فى لبس الاطفال
احنا اجدع ناس تبرر الخطأ وترمى اللوم على المجنى عليه
هو مش هيتعدم 8 مرات
هو اتحكم عليه بالاعدام 8 مرات

:)
‏قال Desert cat
واحة في الصحراء
تصدقى ممكن يتقال الكلام العبيط ده فعلا
ماهو احنا خلاص بقينا مش عايزين نشوف غير اكياس زباله سودة متغطية من فوق لتحت ومرمية فى الشوارع
وعلشان كدا المعيين نفسهم خلفاء الله فى الارض طالقين اتباعهم زى البهايم يتحرشوا بالناس ويغتصبوا الاطفال
بس حتى لو ماشيه على شكل كيس زباله برضه هيغتصبوها اصل الناس دى مرضى
تحياتى
‏قال Desert cat
An Egyptian
اعتقد ان الت 17 طفل اللى تم اغتصابهم لو كانوا فى مصر مش بعيد كان محامى المتهم قال العيال اللى طلبوا منه يغتصبهم

احنا فى بلد العجاب يا عزيزى
‏قال Desert cat
سمكه وحده
هو بالظبط يا سمكه المفروض يتقطع منه حتت فى ميدان عام علشان يبقى عبره واللى يقطع منه اهالى الاطفال اللى اغتصبهم يمكن يطفى شوية من حرقة قلبهم على ولادهم
معلشى حقك هكتب لك بوست تانى احلى من اللى فات علشان خاطرك
:)
‏قال Desert cat
بت خيخة وأى كلام
ربنا يستر على شريف وعلى الجميع يا خيخه
ان شاء الله قريب اوى تنتهى المهازل دى
وعلى ما تنتهى ربنا يتولانا برحمته
‏قال Desert cat
محمد ياسر
هون على نفسك سيدى
:)
انا شايفه ان المجتمع بدأ يبقى فيه ناس فاهمه وعقلها متفتح ان شاء الله يتبدل الحال ويبقى كويس
تحياتى
‏قال Desert cat
Anonymous
هو فى الحقيقة كلامك ينم على سطحية شديده مع قلة ادب محصلتش عملوا كوكتيل من الجهل والغباء
هو انا لما اطالب الحاكم بوضع قانون لمنع التحرش ابقى كدا شاغل تفكيرى الجنس ربنا يشفيك من الغباء اللى انت فيه
‏قال Desert cat
mohamed ghalia
اوعدك يا محمد لما يبقى فى حاجه كويسه فى البلد دى هكتب عنها حاضر
تحياتى
‏قال Unknown
انا لسة مقلتش رأيي في الموضوع
اصلي مكسوف اتكلم قدامكم علشان انا متضامن شوية مع مقصوف الرقبة اللي اغتصب الاطفال, اصلو حسب العادات في بعض المناطق العربية لما واحد بيغتصب وحدة او حصل الامر بينهم عن رضا وعرفو الناس فيبقى لازم الواحد يكتب كتابه على الواحدة على طول

وكنت باقول يستنو شوية على العيال لحد ما يبلغوا سن الرشد وبعدين يجيبو الواد المصري بتاعنا ويخلوه يكتب كتابه على اربعة من العيال علشان دة الحد الاقصى, بس دول سبعتاشر !!! هنعمل ايه في الباقيين؟؟؟

حسب رايي وعلشان نطلع جدعان احنا نروح نتبرع ونتجوز الباقيين اربعة اربعة درأ للفضيحة وسترا للعار, علشان من المعروف ان الفضيح والعار بيهدموا حياة الانثى لان الذكر بيفضل اسو ذكر ومعلهوش عيب حسب الاعراف والتقاليد

هههههههه
اصلي باكتب وانا مفطس من الدحك
هههههه

هي الاعراف والتقاليد لازم تخمي الذكر كمان هنا,,, وكمان لازم ترد شرف باقي العيال, ولا انتهت مفعولية الاعرف والتقاليد وبطل يجري في روقنا دم العروبة؟؟؟

اشمعنا بس البنت المجني عليها بيلحقها العار؟؟؟ واما الذكر لاء

وامعنا الاعراف بتدخل لما عايزين يسترو البنت؟
وليه هنا محدش في عار على العيال علشان فعلا فيه عار وزمالائهم هيعايروهم وحياتهم النفسية هتدمر والمجتمع مش هيتدخل ولا هيفرولهم علاج نفسي

يعني السبعتاشر عيل دول يروحو يموتو احسن لهم من الحياة في مجتمع سيقتلهم احياء بسبب العار حسب مقاييس المجتمع

يعني الواد الجاني قتل سبعتاشر عيل؟
‏قال Desert cat
عبدو البلدي
برافو
برافو
برافو
كلام منطقى وفى الصميم على الله الاشكال الزبالة دى تحس على دمها شوية
ميرسى جدا جدا جدا
‏قال Desert cat
نبراس العتمة
للأسف يا صديقى
دلوقتى الاوساخ من الذكور يفغرون افواههم ضحكة باردة ترتسم على شفاههم بعد اغتيالهم للبرائه والطفولة او تحسسهم لاجساد النساء
هكذا هو يرى نفسه رجلا وهكذا كل شريف وطاهر يراه من الاوساخ
ولكن اعذرنى لن اسمح لك ان تجمع نفسك فى سلة واحده مع امثال هؤلاء الاوغاد
فلتقل من اوسخهم

مودتى واحترامى
‏قال Desert cat
وميض ابتسامة
يا سيدى الفاضل منذ قديم الازل كان الرجل يستحى ان ينظر لاى انثى وكان رحيم بالاطفال
وان كان يوجد بينهم بعض الشواذ فكان
يعدم على الفور ان ارتكب مثل هذا الخطا بحق طفل
اما الآن اصبح مولد وصاحبه غايب
مودتى واحترامى
‏قال Desert cat
كباريه
كلنا مع الحكم بالاعدام واللى مش موافق عليه يبقى مغتصب ومش عايز الحال ينتهى
النهارده بس يا قلبى انضم لهم دكتور تالت
لوووول
السعودية واخده اطبائنا مقاوله
:)
‏قال Desert cat
سنووايت
الى بيحصل فى الدنيا انعدام اخلاق وانعدام ضمير
وانعدام ذوق
وانعدام كل حاجه من مجتمعنا
الله معانا
‏قال Desert cat
عبدو البلدي
تصدق يا عبدو باشا عادات وتقاليد رحيمه بالفعل ده حتى القانون متضامن مع العادات والتقاليد هو كمان مع ان المفروض ان القانون المصرى بتشريع فرنسى بس مش عارفه انا ازاى الواد والبنت يروحوا قدام القاضى ويقوله خلاص انا هتجوزها يقوم القاضى يمشيهم مع انه ممكن يتجوزها يومين ويطلقها تانى بس علشان يبقى اسمه فلت من اى حكم يصدر ضده
معلشى انت شكلك راجل طيب وقلبك رهيف وعايز تتضامن مع مقصوف الرقبة المتحرش وتساعده فى جواز العيال السبعتاشر لكن انا شايفه ان هو اللى يتحمل غلطه بنفسه
وتحيا رجالتنا الجدعان
:)
العيال 17 الواد الغبى اللى اسمه جهاد ده اغتصبهم بس مش قتلهم
اسمى على مسمى جهاد وكان بيجاهد فعلا
فى اغتصاب الطفال شوفت ياخى الصدف
هههههههههههههههههه
‏قال غير معرف…
أتفوه علي الرجاله اللي من النوع ده و الله ياقطه
يعني مش كفايه فضحنا في مصر لأ بيصدروا الفضايح لبره
الناس دي حتي الاعدام مش كفايه عليهم
يعني مفروض يتعمل فيهم نفس اللي عملوه في الأطفال الأبرياء دول و قدام اهاليهم عشان يحسوا بأد ايه ذل و مهانه و حرقه قلب سببوها لأهالي الضحايا
للاسف انا مش عارفه ياقطه مش حاسه ان عاد فيه امان
الوااحد و الله بقي بيخاف يخرج من البيت من كم البلاوي اللي بقي بيسمع عنها
محبتنا ليكي ياقمرايه و ربنا يستر علينا كلنا

المشاركات الشائعة