اصل هى اللى جابت القتل لنفسها

شيماء 30 سنة استاذ مساعد فى طب اسنان عين شمس .. راقب شقتها ابن بواب العمارة وبعد نزول والدها واختها صعد اليها ليخبرها بان عربيتها تقف فى الممنوع فاعطته سلسلة مفتايحها بها مفتاح العربية ومفتاح الشقه .. اخذ ابن البواب العربية قضى بها مشوار لاحد السكان وصعد الى شقة شيماء دخل المطبخ فى البداية اخذ منه سكين ودخل غرفه نومها حاول الاعتداء عليها وهى نائمة قاومته هددها بالسكين الذى استله من المطبخ مسبقا حاولت الفرار طعنها 16 طعنة حتى قضى على حياتها .. الاستاذه شيماء لا تستحق سوى الرحمة والغفران اما رد الفعل الغريب من بعض المرضى الذيين يحيون وسطنا فى المجتمع والذين دائما يبحثون عن اى مبرر للجانى انها هى السبب فى هذا الاعتداء تلاقيها كانت بتفتح له الباب فى المرة الاولى بملابس مثيرة .. والغريب ان وجهه النظر هذه تكررت اكثر من مرة .. كيف ملابس مثيرة ايها الحمقى وهو مترقب شقتها ؟؟ اين رأى ملابسها وهى داخل شقتها ؟؟ اين عقل هؤلاء المبررين لاى جريمة تحدث ولما لا يتصورون انفسهم او شخص عزيز عليهم فى مثل هذا الموقف .. الم يتخيل للحظة من يبحث لجانى على مبرر من المحتمل فى المرة القادمة يعود لبيته حتى يجد اخته او ابنته او زوجته ضحية لمثل هذا الجانى الاخوة اللى معيين نفسهم لتبرير فعل اى جانى ودائما القاء اللوم على الانثى مهما كان حجم الأذى الذى تعرضت له حتى لو كان قتلها لن اقول لكم اصمتوا ولكن سادعو عليكم بان تمرون بمثل هذه التجارب من تحرش واغتصاب وقتل لعزيز لديكم وحينها نريد ان نسمع ماذا لسان حالكم سيقول
تحياتى للجميع

تعليقات

‏قال محمد سامى
مين اللي بيقول ده وبالزمه نتوقع ان عنده عقل اساسا عشان حتي نسمعه
مفيش اي مبرر لحد عشان يستعمل العنف الجسدي ضد حد مش القتل ربنا يرحمها ويدخلها فسيح جناته
‏قال Desert cat
بيرم المصرى
كل واحد حر فى وجهه نظره يكتبها بالطريقة اللى يحبها وانت رد بالطريقة اللى تحبها لكن انت مين عينك اساسا حامى الحمى والمدافع عن الاديان
مش هنشر لك اى كومنت يخص حد هنا
واعتقد ان الاستاذ او الاستاذه اللى انت جاى تكتب لها كومنت عندى ليه مدونة واكيد معروفة كويس اوى
روح رد عليه فى مدونته
وبطلوا بقى لعب العيال وقلة الادب اللى بتعملوها دى
هو الفراغ الفكرى وفضى الحال يجعل الاحقاد تتوغل للقلوب بالشكل المخزى ده
كل واحد فاضى وقاعد يبص على غيره لانه احسن منه .. مش عارف تبقى زيه روح ثقف نفسك واقرى كتير واتعلم يمكن توصل لدرجته او درجتها من المعرفة

من راقب الناس مات هما
‏قال ... amr
:((((((((((((( ميين اللي قال كدة ؟؟؟؟؟

مين اللي قال انها فتحت الباب و الكلام العبيط دة !!!! ؟؟؟؟؟

مزنوق في كلمة بس خايف من خربشتك

...

الله يرحمها رحمة واسعة
لا مش معقول يا قطة

مش ممكن ان حد يقول كده
‏قال Desert cat
محمد سامى
والله يا محمد انا استغربت واتغظت جدا من ردود الافعال اللى شوفتها على الخبر
‏قال Desert cat
... amr
ممكن يكونوا متحرشين او مغتصبين
علشان كدا بيقولوا اى مبرر
قول الكلمة اللى انت عايزها
خربشة مين بس يا عمور
مش انت اللى تتخربش
:)
‏قال Desert cat
جبهة التهييس الشعبية
قالوا يا نوارة
وده لنك الخبر يا ستى
اتفضلى شوفى ردود الافعال
http://www.almasry-alyoum.com/article2.aspx?ArticleID=185312
‏قال ... amr
لا بس فية حاجة بصراحة تحرق الدم اكتر

اللي مسك البوابين و قضل يشتم فيهم والكلام الاهبل العنصري عشانهم بوابين ........ يعني هو رباة على انة يقتل و يغيصب عشان كدة بتشتمة ولا عشان اية ؟؟؟؟

احنا مدمنييييييييييييين نمسك في التفاصيل :S

الله يرحمها و يرحمنا برحمتة
‏قال Unknown
عزيزتى قطة كما هي العادة لازم البنت تكون هى الى غلطانة لابس ملابس مثيرة او بتمشى بطريقة معينة او ادتة ايحاء انها بنت مش مظبوطة
سبحان الله بدل ميربوا ولادهم يبقى العيب علينا ميؤدونا بقى ونرتاح ويرتاحوا
‏قال Desert cat
طيب يا عمرو انت مش اخدت بالك من الكومنت اللى مش عايز البنات تتعلم ولا خرج من بيوتها ومستشهد باية " وقرن فى بيوتكن "


تعليق ضحايا المجتمع تـاريخ ٦/١١/٢٠٠٨ ٢٩:٠

ما فائدة تعليم المرأة وتضحيتها بأجمل سنين طفولتها وشبابها للوصول الى هذه المكانة الاجتماعية ، ولخدمة المجتمع إذا كانت هذه هى النظرة الدونية لها ، فالطفل والشاب والمسن ينظر اليها نظرة شهوانية لا يختلف هذا عن ذاك ، ولا يختلف المستوى التعليمى أو حتى المستوى الاقتصادى ،فما فائدة تعليم المرأة إذاً،ومافائدةالدعاوى التى تنادى بتحرير المرأة ومساواتها إقتصادياً وسياسياً بالرجل وغيرها من الشعارت، أعتقد أن عودة المرأة لبيتها مرة أخرى هو الحل الأمثل لعلاج هذه المشاكل ، فقد أمر الله المرأة بأت تقر فى بيتها((وقرن فى بيوتكن ولا تبرجن تبرج الجاهلية الأولى ) فالخروج عن منهج الله وأوامره يعرضها لما هو أسوأ من ذلك سواء من ابن بواب أو حتى زبال حتى لو وصلت المرأة الى رئيسة وزراء النظرة هى النظرة لا تختلف طالما ان الثقافة العربية لاتختلف

وراجع كومنتات صفحة 4 ، 5 هتشوف العجب
‏قال Desert cat
ايوية
حبيبتى ده فى كومنت لواحد غبى بيقول هى كانت بتعامل الولد بلطف
والكلام ده قاله فى التحقيق يمكن تخيل انها معجبة ولا حاجه علشان كدا تجرأ عليها وبيطالب بعدم معاملة ابناء الطبقة اليييييع دول بعنف
يعنى كدا كدا شالت ذنب المعاملة الطيبة
‏قال ... amr
لا لالالا ... الله يبارك لك ... انا اصلا عندي كورس و نازل كمان 10 دقايق
وعايز ابقى فايق شوية :)) ... غير كدة انا قفلت الصفحة بعد ما ات**** ....... انا مش عايز اقوللك انا لما قريت - في النسخة الورقية - الخبر حصل لي اية ... الله يرحمها ... الله يرحمها ... :( عارفة
... انا بيصعب عليا اللي بيفكروا بطريقة الولد دة ... بجد فكري فيها كدة .... لو ربنا كرمة و بقى صاحب بيت و اولاد و اسرة و مسئولية وووووو ... يا نهار اسود !! دة هيطلع اطفال عاملين ازاي دول ؟؟

مش كفاية اللي احنا فية !!! دة احنا هنشوف ايام .... سودة

معلش
..... دوشتك انا ... اسف
‏قال صابر وراضى
وعليكم السلااااااام
والله خساره فيه رصاصه
‏قال Desert cat
amr
وهى ذنبها ايه يا عمرو فى انه مش قادر يتجوز ويكون اسرة ويبقى عنده اطفال
ذنب اى واحدة ايه فى شخص فقير او مريض او مختل
مينفعش اى مبرر لاى جناية ايا كانت

واحد داخل يقولك تلتزم بالحجاب
حجاب ايه اللى تلتزم بيه وهى فى سريرها مش فاهمه انا
عموما انت شرفتنى جدا مش دوشتنى ولا حاجه
سيبك بقى تنزل الكورس
:)
تحياتى
‏قال Desert cat
صابر وراضى
لا ماهو مش هينضرب برصاصه ولا هياخد حكم اعدام هو هيتسجن بس
اصلهم بيقولوا سنه صغير
مش بعيد يطلع برائه علشان هى السبب اصلها مش كانت لابسه حجاب وهى نايمة
‏قال ... amr
والنبي انا جيبت سيرة ذنب حد :(((((( انا مقولتش انة ذنبها لانة مش ذنب الواحد ان فية واحد تاني دماغة وسخة مثلا .... فهمتي يا قطقوطة ولا اية


وكفاية خربشة بقى :(((
‏قال Desert cat
... amr
والله يا عمور انا فاهمه قصدك بس بوضح نقطة الفوارق الاجتماعية وان اللى بيرتكب جريمة مش بيكون قادر يتجوز ولا ياكل ولا يشرب وكانه ذنبنا احنا فى حالتة التى لا يرثى لها دى

انا لحد دلوقتى مقصقصه ضوافرىخالص معاك يعنى مفيش خربشه
:)
‏قال PrInCeSS BeRy
ازيك يا قطتى عاملة اية يارب تكونى تمام وحشتينى كتير

بالنسبة لموضوع التحرش اللى زاد اللى اصبح دلوقتى كوجبات اساسية دة اتحرش بدى دة عمل دى عملت واللوم على البنت دة طبيعى لية مش عارفة ومفتكرش الفكرة دى هتختفى من عند الناس الا بقة لما البنات تختفى حسبنا الله ونعم الوكيل
‏قال micheal
خلاص الناس اتسعرت وبقت زي الكلاب الضالة اللي ماشية في الشارع وممكن تعقر اي شخص
تحياتي يا قطة
‏قال Rania Lelah
المشكله يا قطة يا حببتى زى ما قلتى كل الغلط على الانثى و بس
ملابس و يقولك اكيد هى الى شجعته
قال يعنى بيفكروا بمنطق انه مش هيعمل كدة من نفسه
نسيوا ان دلوقت اللى بيحصل فى مصر بقى فوق المنطق

ربنا يرحمها
و يرحمنا من ضعاف العقول و النفوس

تحياتى
‏قال Desert cat
PrInCeSS BeRy
بنسيستنا القمر
ايه اخباراتك
ان شاء الله تكونى بخير
احنا فضلنا ساكتين ومتهاونين وبنطلع مبرر للمتحرش ودلوقتى بيطلعوا مبرر للقاتل يا حبيبتى

تحياتى ليكى
‏قال Desert cat
micheal
الناس اتجننت مبقتش خايفه على بناتها واخواتها المهم الجانى دائما على صح
يارب اللى يبرر لواحد عملته السودة يشوفها فى اغلى حد عنده
تحياتى مايكل
‏قال Desert cat
Rania
ايوه يا رونا الحمقى المتحرشن خايفين يقولوا ان الجانى غلطان علشان لو اطبق عليه حكم اكيد هيكون رادع ليهم واهما عايزينها غابة يتحرشوا ويغتصبوا ويقتلوا وبرضه البنت غلطانه
الله يشملها برحمته

مودتى
‏قال غير معرف…
هو العيب دايما على البت و ماتسالنيش ازاى و الا هاتهمك بالاساءة للذكورة.
‏قال Desert cat
An Egyptian
ههههههههههههههههههه
ايوا طبعا يا فندم كلامك صح جدا
وشيماء برضه هى اللى غلطانة اصلها كانت نايمة فى بيتها وفى سريرها من غير ما تحط رمز العفة على شعرها
‏قال Unknown
الطالب: دعني اسال سؤال اخر يا بروفيسور. هل هناك شيء إسمه الفسق والفجور؟

البروفيسور:بالطبع يوجد، أنظر

الطالب : خطأ مرة أخرى يا سيدي، الفسق و الفجور
هو غياب للمبادئ الأخلاقية فحسب

هل هناك شيء إسمه الظُـلّم؟ لا، الظلّم
هو غياب العدل
هل هناك شيء إسمه الشرّ؟
الطالب: أليس الشر هو غياب الخير؟

إكتسى وجه البروفيسور باللون الأحمر وهو غاضب جدًا وغير
قادر على التحدث

الطالب: إذًا يوجد شرور في العالم يا بروفيسور،
وجميعنا متفقون على
أنه يوجد شرور، ثم أن الله إذا كان موجوداً فهو أنجز عملاً من خلال توكيله للشرور، ما هو العمل الذي أنجزه الله؟ العقل ليخبرنا أنه ليرى إذا ما كان كل فرد منا و بكامل حريته الشخصية سوف يختار الخير أم الشرّ
‏قال Unknown
حتي لو فتحت بملابس مثيره هل من حقه اغتصابها
لو فتحت بقميص نوم بقي خلاص حلال ليه قتلها
ايه التخلف و العقم في التفكير ده

بوست جميل يا قطه
على فكرة دي ناس كلاب ومش محترمين
واحدة ابسط حاجة انها ميتة دلوقت وميتة عشان دافعت عن شرفها

اخص عليهم مش خايفين ربنا يقعدهولهم في مراتاتهم وللا بناتهم وللا اخواتهم
‏قال غير معرف…
البنت دي وجعت قلبي بجد ياقطه
نايمه في امان الله و اللي ماعندهوش اخلاق ده يدخل عليها و يحاول يغتصبها و بعد كده يقتلها
البلد من الاخر ياقطه ماعدش فيها امان و الله العظيم الواحد بقي خايف يخرج من بيته من المصايب اللي كل يوم نسمع عنها

للأسف ياقطه الكلب ابن البواب ده تلاقيه افتكر عشان هي طيبه معاه و كانوا بيقولوا انها كريمه افتكر انها معجبه خياله المريض صورله ده و يمكن افتكر انها حترحب بيه لما يطلع عندها
مش فاهمه هل كان فاكر انه لما يعتدي عليها حتسيبه يعمل كده و تسيبه يخرج ؟و الدليل انه كان مبيت نيه القتل انه جاب سكينه من المطبخ معاه
و الله الشنق شويه عليه
‏قال غير معرف…
معلش ياقطتنا اخدت بالي انك ذكرتي نقطه واحد قال ان ممكن من معاملتها الطيبه له انه يكون افتكر انها معجبه

انا ذكرت ده في التعليق السابق
بصي انا ضد الطبقيه لكن صدقيني الطبقه اللي من عينه البوابين دول لو عاملتيهم كويس بيتمرعوا عليكي
لازم يكون فيه مسافه يعني يكون عارف هو مين و بيتعامل مع مين عشان مايخدش علينا
مابقولش نستكبر و احنا بنعاملهم لكن التعامل معاهم بحدود يعني مش زي مابنعامل صحابنا مثلا
معلش حبيت اوضح النقطه دي عشان مااتفهمش غلط
محبتنا ياقمر ليكي
ادلى فاروق شعبان قاتل الدكتورة شيماء بأعتراف فحواه انه عقب وفاة والدته احاطته الدكتورة برعاية خاصة وتعاطف وكان عمره 12 سنة وعلى حد قوله اعتبر انها حبه الوحيد وصور له خياله المريض بسبب المخدرات انها تحبه وذلك لرفضها كل من يتقدم لخطبتها.. وكان يتصنع الحجج بالصعود لشقتها ليراها ..ويوم الحادث وكانت السعة 12 ظهرا شاهد والدة شيماء خارجة بصحبة شقيقتها فى مشوار ووجد الكتورة شيماء تعطيه مفتاح السيارة لركنها داخل الجراش وفعلا كما اوضحت تجول بالسيارة لشراء بعض مستلزمات السكان وعاد بها..وأكتشف وجود مفتاح الشقة وبدأ الشيطان يصور له ان الفرصة قد جاءت فتوجه لشقتها وشاهدها وهى نائمة وحاول ان يقبلها فأسيقظت ونهرته وصرخت فذهب للمطبخ وامسك سكينا لتهديدها لتستجيب لمطالبه فطلبت منه ان يهدأ وينصرف على ان لاتخبر احد بما حدث وبمجرد خروجه من الغرفة صرخت تستنجد بالجيران وحاولت الهرب من ناحية الباب فعرقلها سلك اللاب توب الخاص بها وسقطت على الارض فأنهال عليها ضربا بالسكين فى كل انحاء جسدها وترك الشقة وقام بأخفاء معالم الجريمة وانتظر حتى عادت والدتها وحمل لها الشنط وصعد معها وتصنع انه فوجئ بموتها وصرخ معهم وذهب ليحضر دكتورة جارتهم للاسعاف ولكن هيهات فقد ارتبك واعترف بمجرد ان لاحظ نظرات رئيس المباحث المسئول عن التحقيق

ولكن انا متفق معك ان الدكتورة شيماء افرطت فى ثقتها تجاه القاتل وهذه الثقة كانت السبب الاول فى مقتلها.
تحياتى
‏قال أنا حر
في قضية تحرش جديدة يا قطة في 6 اكتوبر والحمد لله المرة دي لابسة زي اسلامي وكمان مغطية ايديها بالكاوند يعني ملهمش حجة بس يارب ميطلعش حد يقولك اصل لسانها كان بيبان لما تفتح بقها فعمل نوع من انواع الاثارة لان لسان المرأة عورة
:)
ربنا يرحمنا من المجانين والمتخلفين يارب
تحياتي
‏قال غير معرف…
ربنا يرحمها
sex sells ..
كل الناس تحب تتكلم فى الموضوع ده .. النقطة انه عادة المرأة هى التى يمكن أن تغرى الرجل

لكننا للأسف لم نسمع عن رجل يغرى امرأة
‏قال غير معرف…
الواد ده غبي كيييييك
ماكانش يقتلها و يعتذرلها
او كان بعد ماقتلها سرق كام حاجة و مسح بصماته عشان يبين ان القتل بدافع السرقة
و يبقى يقابلنى ان كان البوليس عرف حاجة
او ممكن كان يخليها تفقد الوعي و بعدين يرميها من البلكونة
غبي غبي وماعندوش خيال
انا يضايقنى القتل انما يضايقني اكتر القتل بغباء
‏قال goodman
تابعت باسى شديد تلك القضية المؤسفة
الحقيقة ان الاوضاع فى مصر تزداد سوءا كل يوم
حنى اصبح الكثيرين ينتظرون ثورة قادمة
لكن بالنسبة لتلك الجريمة
لم اسمع بعد من القى عليها باللوم
فهى كانت ببيتها
بقت مضحكة اوى عبارة
مصر بلد الامن والامان
اولا
اذا الايمان ضاع فلا امان
ولا دنيا لكن يحيي دينا
ثانيا
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
‏قال Fox
اعتقد ان اي حد وهوه بيفتح باب شقته وخصوصا الجنس اللطيف من زوي الملامح الرقيقه اعتقد انها يجب ان تراعي فتنهتها للغير وخصوصا مع زوي النفوس الضعيفه من الطبقه الدنيا لان اصحاب هذه الطبقه دائما بداخلهم حقد دفين مهما حاولوا اظهار العكس
‏قال صوت من مصر
القتل لنفسها ؟

مش صعب شويه ؟
‏قال غير معرف…
قصة موثرة بس كان لازم يقتلها بحنية علشان كانت بتعطف عليه
بس هو المذنب علشان مكانش لابس كم طويل وكان دايما فاتح عن سدره واغراها شكله وابتدت تلاطفه, بس الاصول كان لازم يسالها, انتي بتحبيني ولا لاء؟

او كان يطلب ينام عندها ليلة بما اها حنت عليه وهو طفل, ويشوف اذا كانت هتوافق ولا لاء, وبعدين يؤل ليها ايه رايك يا ماما نعمل ليلة حب؟

اصل الرسول عليه الصلاة والسلام وصى حتى المتزوجين وقال بلاش عشرة البهائم ومن الافضل الابتداء ولو بقبلة, وبعدين هي بمقام والدته وميصحش يعمل معاها كدة

اكيد هيرتاح في السجن علشان هيغتصبوه, اصلهم كلهم محتاجين جنس ودي فرصة علشان يحس بالمتعة
هذه قصة مأساة حقيقية
كل القتل مأساة يتساوى في ذلك من يقتل وهو يدافع عن أرضه أو يدافع عن عرضه أو حتى القتل الخطأ
ولكن الأشد مأساة تلك السادية المفرطة التي تلبست الناس
وكأنهم يلقون بالذنب طوال الوقت على الضحية
ويلتمسون العذر للجاني
لم أعد أفهم في الحقيقة
التحرش المرأة هي المسؤولة أثارت المتحرش المسكين
والقتل أيضا المرأة هي المسؤولة أثارت القاتل المسكين ؟
هذه لا تخرج عن كونها سادية عمت المجتمع للأسف
:(
‏قال Desert cat
كان ياما كان
تحليل قيم
ولكن ما موقف من يتسخدم عقله فى الشر فقط ؟؟؟
اعتقد انه يستحق الرجم
تحياتى
‏قال Desert cat
EmY
يا ميمى الناس مركبات النقص فى عقلها اختلطت مع الاخلاق والمبادئ
حتى وصلنا للى احنا فيه ده
شرفتينى يا جميله
‏قال Desert cat
ماهو انا دايما بدعى يا نوارة ان اى حد مش حاسس بمصيبة غيرة يجربها علشان يعرف يحترم الناس كويس
تحياتى يا جميل
‏قال Desert cat
اجندا حمرا + هارت بيت
اجندتنا الرقيقة
معروف عننا يا قلبى اننا طيبين اصلا وبننخدع فى الناس بسرعه فما بالك لما تلاقى واحد غلبان وتحاولى تشفقى عليه
عموما اهو درس علشان الواد يتعامل بحدود ومش يتعاطف مع حد خالص
ربنا يحميكى يا قلبى
‏قال Desert cat
اجندا حمرا + هارت بيت
لاء يا حبيبتى انا مش شايفه فيها اى طبقية اللى المفروض يحصل اصلا ان الواحد يتعامل مع كل واحد على اد حجمه .. بمعنى انك مش تتعاطفى اوى مع طبقة معينة ولا تحاولى تجاملى اوى مع طبقة تانية
‏قال Desert cat
وميض ابتسامة
استاذى العزيز دائما القى اللوم من خلال معاملتى او تاجهلى للبعض ليست طبقية وانما مجرد صنع حدود بينى وبين الآخرين فى بعض الاحيان اان شخصيا كنت بلوم نفسى
لكن ما حدث مع الدكتورة شيماء جعلنى اتمسك اكثر واكثر بطبيعتى الخاصة
لان اعطاء الاخرين الثقه يجعلهم يتوهمون فى عقولهم ما ليس موجود

اشكرك جدا
مودتى واحترامى
‏قال Desert cat
أنا حر
قريتها يا احمد
والمجانين قالوا اصلها كانت تخضع بالقول اللين
ههههههههههههههههههه
تحياتى
‏قال Desert cat
Dear Sherif
سبحان الله يا استاذى مع ان حالة التحرش الوحيدة المذكورة فى القرأن كان بطلها سيدنا يوسف
:)
مودتى واحترامى
‏قال Desert cat
An Egyptian
هو كان متوهم انها كان ممكن تعبره اصلا
علشان كدا خياله المريض لم يوحى له باى حاجه غير محاولة تقبيلها يمكن تكون مستنياه من زمان وما تصدق ولا حاجه
:)
تحياتى
‏قال Desert cat
goodman
طبعا الجريمة بشعه جدا
لكن للاسف هناك بعض المتحرششين الذين لا يريدون للامر ان ينتهى دائما القاء اللوم على الضحية
مودتى
‏قال Desert cat
م/ الحسيني لزومي
اه بالفعل
شرفت يا فندم
‏قال Desert cat
Fox
اساسا هى كانت نايمة ولما فتحت له الباب فى المرة الاولى اعتقد مكانش بقميص نوم يعنى
لكن هو اللى خياله مريض وانتهز فرصه مفتاح الشقه معاه وده معناه ان العملية مدبرة

تحياتى
‏قال Desert cat
صوت من مصر
السؤال ده موجه ليا
ولا للاصاوت اللى عايزة تتخرس ؟؟
‏قال Desert cat
نجلاء
ايوا بالفعل هو اغراها علشان مش كان لابس الحجاب الرجالى
يعنى الشيخ بتاع الحجاب الرجالى ده كان عنده حق اصل الستات بتثار على روحها من منظر الرجالة اللى صدرهم مفتوح ولابسين نوص كوم
الراجل ده كان ليه نظرة مستقبيلة
هههههههههههه
شرفتينى يا جميله
‏قال Desert cat
هويدا صالح / عشق البنات
اديبتنا الجميلة
احنا نحيا فى مجتمع يعانى من حالة صراع نفسى
ولا ادرى لما كل هذا العنف حيال المرأة
مودتى
‏قال maxbeta3zaman
هذا زمان العجايب ..كثير من الحيوانات تتصرف بإنسانية تفوق انسانية البشر .
والعجب ممن القى باللوم على الضحية ..أيلام من حاول الزود عن نفسه ومات بسسبب ذلك ؟؟؟ عجبا على هذه العقول..التى لاشك قد غذاها الكثير من الفول
‏قال غير معرف…
Desert Cat,

I read this article in global voices
I want to congratulate you here in your blog post,

Best regards ,

Franz G. Marc
القطة العزيزةالمتميزة ..متى تنتقلين من صف الدفاع الى صف الهجوم، متى تزرع القطة مخالبها في هؤلاء الأعداء..
الذرائع والمبررات المثيرة للتقزز هيالتي قيل بصددها القول المأثور عذر أقبح ذنبه..
ولا أدري لم عقليةالمواطن العربي تسبح في هذا الاتجاه من أجل تبرئة الذمة دائما..لأن المثالية تدفع الشخص لوصم الآخر فقط بالخطيئة..
متى نشفى
قمت بتحميل تدويناتك سأقرؤها لاحقا
مودتي
‏قال Desert cat
Franz G. Marc
Mercy for your word very pleased of course your presence blog
Respect and appreciation
‏قال Desert cat
نبراس العتمة
صديقى العزيز حللت اهلا ونزلت سهلا
افتقدتك كثيرا
مرض مجتمعى متفشى تلخص فى جملتك الغالية
من أجل تبرئة الذمة دائما..لأن المثالية تدفع الشخص لوصم الآخر فقط بالخطيئة

شرفتنى جدا
مودتى واحترامى

المشاركات الشائعة