الحجاب الرجالى .. مبروووووك

خلصت الفتاوى وخلص الجدل حول كيفية تغطية المرأة تقريباً اكتفوا خلاص مش عايزين يغطوا باقى نساء العالم فقالوا يجربوا كدا ازاى يغطوا الراجل
ذكرت صحيفة القدس العربي
أما صحيفة "القدس العربي" فقالت إن استاذا في جامعة الازهر طالب الرجال بعدم لبس أي ملابس "نصف كم" والبنطلونات الضيقة التي تظهر العورة، لدرء الفتنة.
ونقلت الصحيفة عن تقارير صحفية محلية قولها إن "العميد السابق لكلية الدراسات الإسلامية بنات بمحافظة كفر الشيخ (اقصى شمال دلتا النيل) محمد أبو زيد الفقي قال في خطبة الجمعة في أحد مساجد مدينة كفر الشيخ إن قمصان الرجال ذات الازرار المفتوحة والـ"تي شيرت" نصف كم تثير إعجاب النساء بالرجال."
وطالب الفقي أيضاً "السلفيين الذين يقصرون جلبابهم ويكشفون جزءا من أقدامهم بارتداء الجوارب لعدم إثارة النساء ومنعا لإثارة إعجابهن، مشيرا إلى أنه سأل بعض النساء عن لبس الرجل قميصا أزراره مفتوحة أو 'تي شيرت' نصف كم، فقلن إنهن يستحين من إعجابهن بالرجل، لكنه لا يصل إلى حد الإثارة
."

هو الحل الجذرى انهم يلبسوا نقاب علشان بس الراجل مش ينفع وجهه يبان اصل وجهه عورة ويا حبذا لو كان النقاب ابو عين واحدة علشان ممكن تكون عينيه حلوة .. اومااال افرض واحدة بتحب العيون الخضر وقابلت واحد عينيه خضرا تفتن بيه يعنى ...
وبكرة يطلعوا يقولوا صوته عورا وخروجه لوحده حراااااام لابد من محرم
تقريبا ربنا خلق البشر علشان الجنس وبس
ربنا خلق الرجالة والستات علشان يعيشوا فى حرب بين مين اللى هيفتن التانى
خلاص الستات اتحجبت والرجالة
فى انتظار الفتوى اللى جاية حجاب الحيوانات اصلهم فتنة للرجالة والستات
يا أمة ضحكت من جهلها الأمم

Comments

طيب ماشى الضيق و نقول ممكن

لكن النص كوم ليه؟؟؟؟؟؟؟؟؟؟؟؟؟

لا حول ولا قوة الا بالله

ليه بس كدا يابنتى الاخبار دى

دا انا واحده صاحبه ضغط ليه كدا

)):
momken said…
ماشى يا ستى اهو الشتا جه
ومش هلبس نص كم علشان الفتنه

كمان هلبس بنطلونين على بعض
ده مش علشان الفتنه لكن علشان البرد
ههههههههه

المفروض عم الشيح الى فى شمال الدلتا يكون عارف ان ربنا حدد مناطق العوره لدى الرجال

وهى من الصره الى الركبه

لكن لو ست بتفتن من العيون هنعمل ايه
ولو بتفتن من الشعر عنهمل ايه
ولو المراءه فتنت من الحديث هيكون ايه الحل

ياعم عم الشيخ برجاء التمسك بالشرع فيما فرض الله
احنا فى الحرم بنكشف كتف ونغطى الاخر
وبتكون ملابس الاحرم عند نصف الساق

هل تعتبر ملابس الاحرام (ملابس مثيره)هه

عيشنا وشفنا

البوست جميل يا قطه الصحراء
وكلامى ونقدى موجهه للشيخ مش ليكى
انتى عارفه قدرك عندنا كلنا

تحياتى
lastknight said…
هاهاهاهاه .. الغريب أن لبس الأحرام للرجل يكشف عن شطر نصفه الأعلى و عن ساقيه من تحت الركبه ...
عموما انا بقى مش هاعلق عندك تانى ألا فى وجود محرم معايا .. آه .. بصراحه أنا راجل وحدانى و مدونتك حريمى يبقى المسأله ممكن تقلب بجلد ولا حاجه .. لا يا ستى .. الطيب احسن
الله يحرقهم بجاز
lastknight said…
و على فكره بقى .. أمثال هذا الفتايه اللى بالزمبلك هم أهم أسباب اختفاء الرجوله أخلاقا فى بلاد المسلمين .. حيث اقتصر الرجل فى ذهنهم على الوصف التشريحى ..و امتنعوا بتاتا عن الوصف الأخلاقى للرجل .. طيب الله ثرى الرجال الحقيقيين .. و لعنة الله على الذكور المخنثين
Anonymous said…
الى متى هذا الصمت المخزى
بل عشرين عاما أنتج الفنان الراحل يوسف شاهين بالاشتراك مع منتج بريطاني فيلما بعنوان «موت أميرة» لعبت فيه الفنانة «سوسن بدر» دور أميرة سعودية أحبت شابا وتنكرت في زي رجل لتسافر وتتزوج منه خارج البلاد ثم كان أن اكتشفتها الشرطة وجري إعدامها وتعرضت الفنانة «سوسن بدر» لمقاطعة شاملة لسنوات طويلة لم تجد خلالها أي فرصة عمل نتيجة للنفوذ المالي والسياسي للمملكة العربية السعودية.

وفي الأدب العربي الحديث هناك مجموعة مهمة من الأعمال التي صورت عمليات الاعدام الوحشية بحد السيف التي تتم عادة بعد صلاة الجمعة في ميادين عامة بالمملكة العربية السعودية منها رواية «نجران تحت الصفر» للفلسطيني «يحيي يخلف» وقصة قصيرة ذات شهرة للمصري «محمد عبدالسلام العمري» بعنوان «بعد صلاة الجمعة».

كان الشيخ الراحل «محمد الغزالي» قد طالب بمصادرتها بعد أن نشرتها جريدة الاهرام لأن بها وصفا تفصيليا وفنيا لعملية قطع رأس أحد المتهمين في ميدان عام بعد صلاة الجمعة، وقامت مجلة «أدب ونقد» بإعادة نشر القصة مع ملف شامل عن تاريخ المصادرة باسم الدين.

وقبل أيام انتقدت منظمات حقوق إنسان في مصر الحكم الصادر من محكمة جدة الجزئية ضد الطبيب المصري «رءوف العربي» والذي قضي بحبسه سبع سنوات وجلده 1500 جلدة بواقع سبعين جلدة كل 10 أيام، وحين طعن الطبيب علي الحكم جري تشديده ليصبح الحبس 15 عاما بدلا من سبعة، وذلك علي العكس من القاعدة القانونية التي تقول أن الطاعن لايضار بطعنه وقد شرع المنفذون في جلد الطبيب الأسبوع الماضي فعلا حتي فقد الوعي والطبيب متهم بالتسبب في إدمان مريضة بسبب جرعات الأدوية التي أعطاها لها طبقا للادعاء، وصدر الحكم وجري تشديده دون استشارة فنية من الخبراء الطبيين.

منظمات حقوق الانسان في مصر طالبت الدولة باتخاذ موقف صارم لأن هذه العقوبة هي عملية تعذيب وليست عقابا، فضلا عن أنها تحط بالكرامة الانسانية وحيث يشجع صمت الدولة علي تمادي الآخرين في إهانة المصريين خاصة أن هناك سوابق كثيرة لمثل هذه العمليات التي تتسم بالتوحش ولا تعبأ بكل مناشدات منظمات حقوق الانسان العالمية التي تطالب بإلغاء كل أشكال العقوبات البدنية بما في ذلك عقوبة الاعدام.

وتمارس الدولة السعودية ما يمكن اعتباره استعلاء تغذية الثروة النفطية الهائلة من جهة، وكونها مخزن الاسلام كما تطلق علي نفسها من جهة أخري، وبهاتين القوتين تدخل في منافسة ثقافية مع مصر علي قيادة المنطقة، وتنفق أموالا طائلة سواء في ميدان الثقافة أو الإعلام وتكاد تحتكر أهم الفضائيات وأقواها لنشر الوهابية التي تنحدر من القرن الثامن عشر وتقف بنفوذها المتنامي عقبة في وجه تجديد الفكر الديني وتطويره، وتسيء بذلك أكبر اسادة للإسلام والمسلمين سواء في ميدان الحريات العامة والديمقراطية وبخاصة حرية الفكر والاعتقاد أو في ميدان حقوق المرأة وحريتها حيث تطبق نظاما قانونياً ينتمي إلي العصور الوسطي باسم قراءة للشريعة تخاصم العصر وقيمه العليا التي توافقت عليها البشرية واستخلصتها من كل الحضارات والثقافات والديانات.

وأنشأت السعودية ودول الخليج نظما عبودية لابد أن يخجل منها أي انسان يحترم نفسه وإنسانية البشر وهي تستقدم العمال الأجانب مثل نظام الكفيل ونظام المحرم، ونشأت فيها علاقات عمل دون ضمانات أو حقوق تراعي الحد الأدني الذي توافقت عليه منظمة العمل الدولية.

يحتاج الأمر إلي وقفة حازمة لا فحسب من قبل الحكومة المصرية التي كثيرا ما تعطي أولوية لحسابات ضيقة علي حساب كرامة مواطنيها ومصالحهم ويحتاج أكثر إلي أوسع تضامن بين منظمات المجتمع المدني مع الطبيب المصري والعاملات اللاتي تعرضن لإجحاف غير مسبوق لإجبار الحكومتين المصرية والسعودية علي احترام قيم المواطنة والكرامة والانسانية.
البوست حلو بجد وعجبنى جدا حجاب رجالى دى تحفة
Anonymous said…
تبرع ولو بوزير
تبرع ولــو بوزيــــــر



جلال عامر





اختفي الضاني منذ سمع عن قرار "ليبيا" استيراد الجثث من مصر وطعن في قرار تشريحه وقال إن الروح لا يأخذها إلا المأمور أو من ينوب عنه وقال إن الحكومة تقوم بتسريح العمال في مصر وتشريحهم في ليبيا وأن علي المواطن أن يختار بين أن يشرحوه في ليبيا أو يجلدوه في السعودية وأنه لن يسلم بطنه إلي ليبيا أو ظهره إلي السعودية فأعجبنا بموقفه وطلبنا منه تسليم نفسه إلي بلد محايد مثل محافظة 6 أكتوبر فقال إنها تعرض الآن فيلم الأرض وهي المحافظة التي حققت المعجزة فقد اختفت بدون فيضان أو زلزال عندما سرقوا كل أرضها وتركوا مائة متر لإقامة مبني المحافظة لأن المحافظ يقيم عند حماته.. انتهت أمي من صلاة العشاء وقالت له: (يا ضاني.. عاد وثمود و6 أكتوبر اختفوا بسبب "العصيان") فقال أبي: (بسبب العصيان والشوم والبنادق) رد الضاني: (ماحدش يدي عنواني لليبيا أنا عايز أتشرح هنا في مصر) قال أخي: (يبقي تروح لظابط المباحث) فرفض أبي وقال إن الضابط يشرح بدون بنج وأقترح أن نشرحه في البيت ونوفر المصاريف.. وقالت له أمي: (إعمل لآخرتك.. تبرع ولو بوزير) رد الضاني: (أجيب لكم منين؟ الوزير اللي حيلتي إشتريت بيه علبة سجاير) وصرخت أختي في وجهه (يكون في علمك أنا عايزه أنتريه أربعة وزرا وترابيزة) فرفض الضاني وقال: (مش هأدفع حاجة أنا واخدك وضع يد) فقالت أمي: (وضع يد يعني إيه يا مخفي هيه بنتي من محافظة 6 أكتوبر؟) وقال أبي: (إعقل يا ضاني أحسن أسلمك للبورصة) فقال الضاني: (أنا ممكن أجيب لها الأربعة وزرا اللي عايزاهم لكن إيه لازمة الترابيزة؟) قال أبي: (علشان تتشرح عليها!) وقالت أمي: (هوه تليفون ليبيا كام؟).
Anonymous said…
لغز الوزير الأميركانى فى الحكومه
لحساب من يعمل الوزير؟



د. جوده عبدالخالق





الدكتور يوسف بطرس غالي ظاهرة فريدة علي المسرح السياسي المصري حاليا، فقد فاز الرجل فوزا مؤزرا برئاسة اللجنة المالية والنقدية بصندوق النقد الدولي، وهو فوز نهنئه عليه، ولكن هل نهنئ أنفسنا نحن المصريين؟ نقول لا. لا يجوز أن يهنئ المصريون أنفسهم بهذا الفوز، فيوسف بطرس غالي يمثل أمام المصريين لغزا محيرا، فهو وزير المالية، بل أقوي وزير مالية علي الأقل منذ بداية حكم مبارك، وهو عضو في مجلس الشعب، وعضو الأمانة العامة للحزب الوطني، ويقال إنه مزدوج الجنسية، يحمل الجنسيتين المصرية والأمريكية، وقد أصبح مؤخرا رئيسا للجنة المالية والنقدية في الصندوق.

لا شك أن وصول يوسف بطرس غالي لهذا المنصب الدولي يعزز مكانته ويزيد نفوذه الواسع أصلا في الحكومة المصرية، ويطرح أكثر من تساؤل، لعل أهمها هو: لحساب من يعمل الوزير الهمام؟ لحساب مصر والمصريين؟ أم لحساب أمريكا وصندوق النقد الدولي؟ ألا توجد شبهة تعارض بين ولاء الدكتور يوسف بطرس غالي لمصر المحروسة باعتباره مصريا وولائه لأمريكا باعتباره أمريكيا؟ وما الذي يضمن حسم هذا التعارض لصالح الولاء لمصر وليس الولاء لأمريكا؟ وما الذي يضمن ألا يروج الوزير لسياسات البنك والصندوق مضحيا بالمصالح المصرية؟.

لقد كان يوسف بطرس غالي ولايزال من أشد المتحمسين لإدماج مصر في الاقتصاد العالمي، وهو المروج الرئيسي لطرح السندات الدولارية المصرية عام 2001، والتي خسرت البلاد بسببها ملايين الدولارات لصالح البنوك الأمريكية وعلي رأسها ميريل لينش، كما كان المروج لطرح سندات بقيمة 5.1 مليار دولار بضمان عقود تصدير للبترول وأخري بقيمة 25.1 مليار دولار بضمان هيئة المعونة الأمريكية عام 2005، وكان أيضا في طليعة المروجين للنظام الضريبي الجديد الذي وضعته المكاتب الاستشارية الأمريكية، وهو النظام الذي يعفي الأغنياء ويعتصر الفقراء.

وفي عهد يوسف بطرس غالي كوزير للمالية تم الاستيلاء علي أكثر من 270 مليار جنيه من أموال التأمينات، إنها واحدة من أبشع عمليات النهب المنظم لأموال الغلابة وتحويلها غصبا من أموال خاصة إلي أموال عامة، وبهذا أصبح عرق الكادحين وسيلة مباحة لتمويل ترف المترفين، وكل هذا يتم باسم الإصلاح الاقتصادي، ونعود إلي السؤال الذي بدأنا به: هل يجوز للمصريين أن يهنئوا أنفسهم بفوز يوسف بطرس غالي برئاسة اللجنة المالية والنقدية بالصندوق؟ إن السؤال يصبح أكثر إلحاحا في ضوء اتساع نفوذ الوزير الهمام حتي إنه يكاد يكون رئيس الحكومة الفعلي، ولا عزاء للمصريين
!.
Anonymous said…
سر الفتاوى البلهاء
كان اليونانيون القدماء يعرفون الأبله بانه من يعتم فقط بشؤونه الخاصه ولا يلقى بالا للشان العام
وانت اذا ظللت تعاملين طفلك على انه قاصر سيظل فى حالة عدم نضوجفى اخلاقه وسلوكه وفكره
وفى مجتمع ممنوع فيه العمل السياسى الحقيقى تنتشر مثل هذه الظاهر التى تنم عن البلاهه
او الأنحدار الخلقى
على مانراه فى التحرش وخلافه
Anonymous said…
هذه الفتاوى البلهاء والأنحدار الخلقى يعنى اصابة المجتمع بمرض نقص المناعه المكتسب الشهير بالأيدز
ايدز مجتمعى
وجهازالمناعه الطبيعيه ينمو فى ممارسة
الأنسان الطبيعيه لحقه فى تسيير امور وطنه
واختيار من يدير اموره وعزلهم اذا فشلوا
وبغير جهاز المناعه هذا تظهر اعراض الأيدز المجتمعى من البلاده واحتفاء النخوه والأهتمام بتوافه الأمور وليس آخرها الفتاوى البلهاء
Anonymous said…
الشعب المهاجر
الشعب.. المهاجر!



بقلم محمد فهمى




هل يمكن أن يأتي اليوم الذي يهاجر فيه كل سكان مصر.. ولا يبقي في البلد سوي صفوت الشريف والسادة أعضاء لجنة السياسات؟!.

في الصفحة الثانية من «أهرام الحكومة» يوم الخميس 23 أكتوبر 2008.. قالت الصحيفة إن 88% من شباب مصر يرغبون في الهجرة(!!) وإن معظم شباب مصر يرغبون في الهجرة لأوروبا(!!) وفقا للاستفتاء الذي أجرته وزارة القوي العاملة واستطلعت فيه آراء 1552 شابا من 7 محافظات هي القاهرة والإسكندرية والشرقية والمنوفية والغربية والفيوم إلي جانب مدينة الأقصر.. وذكر المشاركون أن ما يقرب من 90% منهم يرغبون في السفر لأوروبا(!!).

وقالت الصحيفة الحكومية.. إن هذه الأرقام تتوافق مع استطلاع صادر من مركز معلومات مجلس الوزراء جاء فيه أن 88% من شباب مصر لا يريدون البقاء فيها(!!).

وفي نفس العدد من «أهرام الحكومة» الصادر في نفس اليوم.. وعلي امتداد الصفحتين الرابعة والخامسة.. ظهرت صور السيد صفوت الشريف.. مع الزميل أسامة سرايا رئيس تحرير الصحيفة ذاتها.. وهو يقول:

- إن مؤتمر الحزب الوطني سوف يهتم بعدة قضايا لها أبعادها «الاستراتيجية» وتمثل سياسات مهمة ورؤية مستقبلية مهمة(!!).

وأضاف قائلا:

- هذه القضايا الاستراتيجية ضرورية لمستقبل وبناء الوطن.. ولا يمكن «أبدا» أن تكون «القضايا اليومية» هي فقط موضع الاهتمام.. ولكن ينبغي أن يكون هناك اهتمام أكبر وسياسات واضحة.. ورؤية واضحة لمستقبل مصر علي المحاور المختلفة سواء داخليا أو خارجيا!.

هذا نص ما نطق به السيد صفوت الشريف في حديثه المطول المنشور علي صفحتين كاملتين.. ومعهما الصور التي تهم القارئ. ومن بينها صورة هائلة علي أربعة أعمدة.. لم يكن جمال عبدالناصر يحلم بنشر مثلها أيام هيكل في الستينيات من القرن الماضي.

وبما أن السيد صفوت الشريف.. يعد واحدا من خبراء «الاستراتيجية».. ويتناولها كثيرا في أحاديثه فمن حقنا أن نستوضح منه.. مسألة الهجرة.. وأحلام 88% من شبابنا في الهجرة.. والمراكب والسفن التي تغرق بشبابنا في البحر المتوسط.. هل هذه قضية استراتيجية.. أم أنها قضية تكتيكية؟!.

وهل تقع هذه القضية علي قائمة جدول أعمال المؤتمر السنوي للحزب السرمدي.. أم أنها لا تدخل تحت بند القضايا الاستراتيجية الضرورية لمستقبل وبناء الوطن.. ولا يمكن «أبدا» أن تكون القضايا اليومية هي فقط موضع الاهتمام؟.

وهل يمكن أن يأتي اليوم الذي يهاجر فيه كل سكان مصر.. ولا يبقي في البلد سوي السيد صفوت الشريف والدكتور علي الدين هلال.. والسادة أعضاء لجنة السياسات؟ لبحث الأمور الاستراتيجية ووضع سياسات واضحة لمستقبل مصر علي المحاور المختلفة سواء داخليا.. أو خارجيا؟ علي حد قول سيادته للزميل سرايا.

هل تتجه نية الحزب (الحاكم منذ 27 سنة).. للتخلص من السكان.. وتأجير البلد.. مفروشة.. بإيجار جديد؟!.

نسوق هذه العلامات الاستفهامية.. بعد أن تجاوزت الرغبة في الهجرة.. شبابنا من مواليد سنة 1981.. الذين ولدوا في ظل السياسة الحكيمة والرؤية المستقبلية.. والاستراتيجية.. إلي شيوخ البلد وكبار السن وأرباب المعاشات الذين يسافرون لأداء الفرائض في الأماكن المقدسة.. ثم يتخلفون.. ويختبئون.. ولا يريدون العودة لبلدهم الذي يبحث قادته الأمور «الاستراتيجية».. والذي كانت الأجيال القديمة تغني له «مصر.. يا أم الرخاء.. يا مهبط الروح الأمين».

ماذا حدث لنا؟!.

هل ستتحول مصر لدولة.. لا يبقي فيها سوي حكامها؟.

هل ستتحول إلي ما كان عليه الحال في ألمانيا الشرقية؟.

أذكر الآن أن زعيم ألمانيا الشرقية ايريل هونيكر.. الذي كان يشغل المناصب الثلاثة الرئيسية في الدولة.. وهي رئاسة الدولة ورئاسة الحزب.. والقائد الأعلي للقوات المسلحة.. قام بزيارة مدرسة ابتدائية في برلين.. وأعجبته طفلة صغيرة.. وشدت انتباهه فاقترب منها.. وداعبها بالسؤال البريء الذي يوجه عادة للأطفال ممن في مثل سنها:

- تحبي أجيب لك حاجة؟

فإذا بالطفلة الصغيرة ترد عليه قائلة:

- عايزاك تشيل السور! «سور برلين الذي يفصل بين الألمانيتين.. آنذاك».

فأبدي هونيكر دهشته البالغة وعاد يسألها:

- ويحصل إيه لما أهد السور؟

أجابت الطفلة:

- الناس تسافر!.

فأجاب هونيكر وكأنه يستدر عطفها:

- وهل يرضيك.. أن أعيش وحدي في ألمانيا الشرقية؟.

احمر وجه الطفلة ولم ترد.. وانصرف هونيكر.. وأتصور أنه أدرك في هذه اللحظة أنه لا مستقبل له في ظل الجيل الألماني «الشرقي» الجديد.. وهو ما حدث بالفعل.

وأعود لحديث السيد صفوت الشريف «لأهرام الحكومة» يوم الخميس 23 أكتوبر 2008.. لأجد أننا علي أبواب سنوات قاسية.. وكان يتعين علي الحزب السرمدي.. وهو يعد لمؤتمره السنوي أن يضعها في مقدمة جدول أعماله.. لأن الأمور لم تعد تحتمل الهزل.. والكلام الكبير.

فعندما يرغب 88% من شباب مصر للهجرة.. فإن هذه النسبة.. لا تبحث في واقع الأمر عن عمل.. ولا لقمة خبز.. ولا بيئة نظيفة.. أو مواصلات آدمية.. أو أرصفة.. ولكنهم يبحثون عن وطن!.

يبحثون عن سلطة تحميهم.. وتحترم آدميتهم.. ولا تنتهك حرماتهم في الشوارع.. عن بيئة خالية من الفساد والرشوة والمحسوبية.

المصري الهارب في سفينة يغادر بها بلاده إلي المجهول.. يمزق جواز سفره.. ويلقي به في البحر.. كيلا تتعرف عليه سلطات الدول الأجنبية وتعيده إلي أحضان وطنه.

أحضان أسماك القرش.. أكثر رحمة من أحضان بلده.. وحكامه من ضعاف الإدراك.

النمر المفترس.. أكثر رحمة من حكومة ظالمة.. كما تقول الحكمة الصينية.

والسخيف في الموضوع أن حديث صفوت الشريف لأهرام الحكومة يوم الخميس 23 أكتوبر.. يكشف.. ربما للمرة الأولي بمثل هذا الوضوح.. أن علاقة حكامنا بالواقع قد انقطعت.. منذ سنوات طويلة.

السيد صفوت الشريف.. لم يستقل سيارة أتوبيس منذ أكثر من 30 سنة.

لم ينتظر مترو مصر الجديدة منذ أكثر من 35 سنة.

لم يقف في طابور للحصول علي رغيف المصيلحي علي الإطلاق.

لم يقف عاجزا.. أمام مصروفات علاج أولاده.. أبدا «علي حد قوله».

حكامنا في عالم غير عالمنا.

حكامنا لا يعرفون معني الحرمان.. وامتهان الكرامة الإنسانية.. وتصعيد السفهاء واللصوص بالقرارات العليا.. للمناصب القيادية.

والرشوة في المصالح الحكومية.. باتت من قواعد العمل الوظيفي لأن الناس علي دين ملوكهم.

بقاء الحكام في السلطة لسنوات بعيدة تفصلهم عن المواقع وتجعلهم غرباء عن شعوبهم.. لأن الفقر في الوطن غربة.

أذكر الآن آخر لقاء لي مع ايريك هونيكر في نهاية سنة 1989 بمناسبة مرور 40 سنة علي قيام ألمانيا الشرقية.

كان اللقاء في قصره ببرلين الشرقية بعد عدة أيام قضيتها متجولا في المدينة.. وكان الرجل في تلك الليلة يتحدث بمنتهي الثقة.. وينطق بأرقام وإنجازات.. ويشير إلي أن أسجلها.. ولكنني لم أكن أفعل.

وبعد أكثر من ساعتين.. خرجت بانطباع يري أن هذا الرجل فقد صلته بالواقع.. ويعيش علي تقارير الخدمة السرية والمخابرات.. التي لا تقدم له سوي ما يفرحه.. ويشرح قلبه.. ويسعد فؤاده.. ويخدره.

والطريف في الموضوع.. أننا عرفنا بعد سقوط النظام في ألمانيا الشرقية.. وهروب هونيكر.. أن مخابرات ألمانيا الشرقية.. كانت تقدم الصورة الحقيقية في البلاد لدولة أخري هي الاتحاد السوفييتي(!!!).

وأن ايريك ميلكة مدير مخابرات ألمانيا الشرقية.. كان عميلا للمخابرات السوفييتية.. وأنه كان يستقي المعلومات التي يقدمها لزعيم البلاد وهنيكر.. من قارئة فنجان.. اسمها «نمي».. كانت تقرأ له الفنجان كل يوم.. ومنها يكتب تقارير الخدمة السرية(!!).

ولا أود الاستطراد.. فيما جري في كل دول الكتلة الشرقية.. حتي لا تسرقنا السطور.. ولكن خلاصة الكلام أن التجارب الإنسانية في جميع دول العالم تقول إن بقاء الحكام في «العز» والرفاهية.. والأمر المطاع.. لسنوات طويلة تفسدهم وتعزلهم عن الواقع.. وتصيبهم بإدمان السلطة.. والانفراد بالرأي.

كل ذلك لا يهم.

المهم.. هو ما نحن فيه الآن.. ونحن علي أبواب المؤتمر السنوي للحزب الحاكم.. ونري في حديث صفوت الشريف المنشور في «أهرام الحكومة».. ونقولها بمنتهي الإخلاص والأمانة.. علامات لا تبشر بأي أمل في أي إصلاح.. علي أيدي حكامنا الحاليين.

فالحقائق كلها غائبة عن حكامنا.. والأمثلة في حديث صفوت الشريف لا تقع تحت حصر.. منها علي سبيل المثال قوله:

وعندما حدثت كارثة الدويقة والعشوائيات والانهيارات كان الحزب مبادرا من أول لحظة.. أمانة الحزب.. أمانة القاهرة.. أمانة الشباب.. أمانة المرأة.. أمانة المهنيين.. كانوا جميعا إلي جانب المواطنين في أول أعمال الإنقاذ ورفع الأنقاض إلي عمليات الإغاثة وإقامة معسكرات الإيواء.. إلخ.

وهو كلام يشير إلي أن سقوط صخرة المقطم.. علي سكان الدويقة.. أشبه بأحداث 11 سبتمبر في أمريكا.. بينما الحقيقة تقول إن جميع العشوائيات في كل أرجاء مصر قامت خلال ربع القرن الماضي.. وفي ظل حكم الحزب السرمدي وفي ظل مشاركة صفوت الشريف في الحكم.. ولم تظهر فجأة.. وقبل ساعات من سقوط الصخرة.

الشعب المصري.. عرض العشوائيات.. في ظل سياسات واستراتيجيات وكلام كبير.. يجري علي ألسنة حكامنا.. وبالتالي فالموضوع ليس موضوع مشاركة أمانة المرأة في الإنقاذ.. الموضوع هو.. أين كان الحزب يوم قامت العشوائيات؟.

الموضوع.. هو العشوائيات.. التي قضت علي قيمنا وتقاليدنا.. والتي نمت وترعرعت في ظل حكام انقطعت علاقتهم بالأرض منذ عشرات السنين.

والمثير في الموضوع.. أن العشوائيات لم تدرج علي جدول أعمال المؤتمر السنوي للحزب.. ولا الفساد في المحليات.. ولا الاستيلاء علي أراضي الدولة.. بوضع اليد.. أو بقرارات سيادية.. إلخ.

ويتحدث صفوت الشريف «لأهرام الحكومة» عن هشام طلعت وقضية سوزان تميم.. فيقول بمنتهي البساطة:

- هشام مصطفي لا يستطيع مجلس الشعب إسقاط عضويته.. فالمتهم بريء حتي تثبت إدانته(!!).

كلام عجيب فعلا.. لأن الأمر لا يتعلق بالحصانة.. إنه يتعلق بسمعة النظام السياسي وطهارة رجاله.. والمقربين من دوائره.. وفي مقدمتهم رجال الحزب.. أمثال هشام مصطفي.

فالسيد هشام مصطفي حصل علي خمسين مليون متر مربع من الأراضي في القاهرة.. وليس في العوينات.. دون أن يدفع شيئا.. ولم نسمع صوتا في مجلس الشوري أو الحزب السرمدي يقول «لماذا؟».

والسيد هشام مصطفي دفع 5.12 مليون دولار أي نحو 80 مليون جنيه مصري للتخلص من مطربة لبنان تدعي سوزان تميم.. والقرائن كلها تشير إلي تحريضه علي ارتكاب الجريمة.. وبالتالي فمن مصلحة النظام السياسي.. إبداء طهارته وإنقاذ سمعته.. بمعاملته بنفس الأسلوب الذي عوملت به الراقصة هياتم.. عندما قامت بالتزوير في شهادة ميلادها.. بإنقاص عمرها بضع سنوات وبالتزوير في الأوراق الرسمية عندما ذكرت أنها عذراء(!!).

إن حديث صفوت الشريف لأهرام الحكومة.. يستحق أن يوضع علي جدول أعمال الحزب السرمدي إلي جانب قضايا الفساد.. ورغبة 88% من شباب البلد للهجرة.. والعشوائيات.. والتحرش الجنسي.

إننا أمام حديث صحفي يستحق التدريس في المعاهد الاستراتيجية العالمية.. ليتعلم العالم الأسلوب الأمثل لبقاء المسئول في السلطة.. من المهد.. إلي اللحد.. وإخلاء الدولة من السكان وتأجيرها.. مفروشة.
انا احتج على القرار التعسفي دة
طيب ليه كدة؟
دة انا موش باخرج للشارع الا بس علشان اشوف واحد فاتح عن صدره او موش حالق ذقنه علشان باحس اني بقيت امراة بجد لما اشوف المنظر دة لاني باغيب عن الوعي زي لما اسمع لحن جميل

يعني مين الشيخ الحسود دة؟
ليه عايزين يحرموني
دة انا بابص من خلف الحجاب لحد ما اسيح ورحوحي تسخسخ
واحيانا باشوف تسريحة واحد شعره منفوش بيبقى نفسي احسس له على شعره

معنديش مانع افضل ابص من خلف الحجاب لان الحجاب بيحميني وموش بيخلي حد يعرف انا بابص لمين

هو فيه رسول جديد؟
والرجالة حييجو مع محرم للحج؟

امال مين دة اللي كان اسمه محمد رسول الله؟

خلونا نرسي على بر يا جماعة
دة انا باموت في شكل الراجل اللي لابس محزق وعضلاته مكشوفة

طيب خليهم يعملو انتخابات علشان نعرف نختار رسول الله واحد بدل ما ييجينا كل يوم طبعة موش معرف اصهلا من فين
على كده انا هلبس ايه اسدال ولا خمار ولا نقاب ممكن لو حد عنده جيبه واسعه يبقى يسلفهانى
يا استاذه الناس دى هتجبنا ورااااااااااا فى اخر الصف بحوالى كيلو ونص ؟
An Egyptian said…
ده من زمان
انا لما كنت انزل الشارع بشورت كنت الاقى الشارع كله بيبصلى شذرا و ضيقا
تقريبا المزز بتتعب من منظر ركبي رغم انها بتفكرنى بركب المعيز.
ههههههههه
دي حاجات تفطس من الضحك

لازم نعمل موقع لطبات الزواج الجادة والذكور يكتبو طلبات زي

انا عاوز اتجوز انثى مع اسدال
والبنت تكتب انا عاوزة اتجوز ذكر مع اسدال

يعني الاعضاء الجنسية بتحدد الصلاحيات والمناصب والاسدال بيحدد الايمان وقيمة الناس

لكن في بنات من غير اسدال ولا دندولة بس ايمانهم بالله يوازي ايمان الانبياء وعندهم ادراك ووعي وعلم وثقافة تتنافس مع العلماء

وبالتالي الاعضاء الجنسية والحجاب هي مجرد حاجة فشنك بيندحف من خلالها على الناس علشان تلهيهم عن بعيد عن اهمية الثقافة والتعليم والمشاركة في قرارت وقوانين بحاجة للتجديد لكي تتلائم مع العصر وهي تاتي لتحد من صلاحيات وزير لصالح وزارة اخرى وتجبر الشيخ بتاع الحتة بالاتزام بقوانين المحافظة زي اي مواطن

وعلاشان محدش ينتبه لحاجات مهمة بيشغلونا في حاجات سخيفة
يعني انا لما البس اسدال بابقى رمز الايمان ومرجع ديني
طيب لما البس مايوه هم نفسهم حيقولو ساقطة لحد ما البس الحجاب في تاني يوم هارجع راهبة وفي قمة الايمان ومرجع ديني

عجيب

معرفش اذا كان الوضع في ديانات تانية نفس الشيئ علشان الاسلام بطلنا نعرف اصله من كتر الفروع
اصلي عايزة اختار ديانة على مزاجي مش على مزاج واحد متخلف وكمان عايزة اتصالي مع ربي يكون مباشر وموش عن طريق واسطة
mUsLiM said…
This comment has been removed by the author.
mohamed ghalia said…
ممكن نقول تجسيم العورة أوك
لكن بقى النص كم والكلام ده
كده كتير قوى
وبعدين النبى صلى الله عليه وسلم لم يرد شىء من الملابس التى اهديت اليه
غير ما كان من الحرير الخالص
هنقلف اخنا بقى ونحدد الملابس
تحياتى
banouta masreya said…
ايوة انا قريت الوكسة دى:D
طيب بالنسبة للست اللى صوتها عورة نقطع لسانها مثلا؟
ما هو لو مشينا على المبدا ده مش هنخلص
هى نفس فكرة اللى بيقولولك ان النقاب فرض عشان احنا فى زمن الفتن و بعدين طلعوا النقاب ابو عين واحدة
و مين فهمه ان الراجل اللى بيلبس جلابية قصيرة ممكن يكون مثير باى حال من الاحوال
نظام تطلع فتوى بكرة للراجل اللى يحب ينزل البحر انه يلبس مايوه شرعى مثلا درءا للفتنة برضه
طيب جابها منين؟يعنى ايه الدليل الشرعى عليها دى؟
عموما خليهم يشوفوا شوية من اللى احنا بنشوفه اشمعنى كل الفتاوى تطلع على دماغنا احنا بس:)
طيب وماله شوفو بقي مين الي هيسمع الكلام

((وش بيثائب))
romansy said…
ههههههههههههههههه
مش عارف اقول ايه
الواحد بقى يقعد فى بيته
مستنى الفرج
EmY said…
وحشتيني يا قطه و وحشاني خربشتك
و ليه اصلا يلبسوا بنطلون هما جلابيه و تبقي واسعه و ماتبينش اي حاجه و لدء الفنه الراجل مايخرجش من باب بيته غير و الجيرل فريند بتاعته معاه
dr.lecter said…
زي الفل والله

طول ماحنا عمالين نقول لبس ومش لبسش يبقي احنا زي الفل

انا مابقيتش طايق اسمع اي حاجه تانيه خالص
قطتنا الجميله صاحبه المواضيع الناريه المميزه دايما

قريت الخبر و ضحكت و الله ياقطه
للأسف المتخلفين اللي بيسموا نفسهم علماء فضحونا و مش واخدين بالهم انهم بيدي فكره سيئه عننا كأننا وحوش
يعني خلصوا من فتنه الستات دخلوا علي فتنه الرجاله و كأن الدنيا كلها مخلوقه عشان تفتن بعضها و الله حرام اللي بيعملوه ده
مش ممكن يعني الرجاله و الستات مفيش في مخهم حاجه اول ماحيحصوا من النوم الا ازاي بلبسي حفتن حد
قمه التخلف
شوفي بره بيخترعوا علاج لأمراض مستعصيه و احنا هنا علماءنا بيضيعوا وقتهم في ايه و بنسأل ليه احنا بلاد ناميه لحد دلوقتي
محبتنا ليكي ياقمرايه
سراج said…
ما رأريك بحديث القؤدة التي رجمت لأنها (...) وهذا الحديث موجود في أحد الكتب المعتبرة!!
الحمد لله أنك إمرأة كنا أتينا بمحرم معنا - كما سيفعل lastnknigt- .. تحياتي
طبعا حضرتك بعيدا عن هذا الخطيب الله يصلح حاله

فانا احيانا لما يتكلموا عن اللبس الشرعي ويوجهوا كلامهم للمراه بس

اقول ليه للمراه بس
هو كمان الرجل مش له لبس شرعي ؟؟؟
اه طبعا له

يعنى هو الى ماشي ببنطلون مدلدل والبوكسر باين والى تحت البوكسر كمان ده مش مبين عورته ؟؟

والى طالع من البحر على البلاج ولابس مايو كات وفارد عضلاته وخارج برضه مش مبين عورته ؟؟

ما حدش بيجيب سيرتهم ليه ؟؟؟

بعيدا عن الفتنه والكلام ده
لانه مش منطقي اننا نقول على كل حاجه حرام لدرأ الفتنه

الحكايه لها حدود
وضعها ربنا سبحانه وتعالى فى كتابه
وفسرتها واكدتها السنه صحيحه الثابته عن رسول الله

وعموما الى يلبس اللبس الشرعي ويكون شكله فتنه برررررضه مش ذنبه

لكن الى يلاقي نفسه مفتون به يبعد عنه
ويغض بصره

امرنا باللبس الشرعي وامرنا بغض البصر

والرسول عليه الصلاة والسلام كان مع صحابته فرأى احدهم ينظر الى وجه امرأه فىالطريق فناهاه عن ذلك ولم ينهي المرأه عن كشف وجهها

عورة الرجل من السره للركبه
الى يبان من عورته بقى يبقى حرام عليه

والى يتفتن من جمال عضلات صابعه الصغير
عليه فتنته ويبقى يغض البصر

تحياتي ليكى
Sherif said…
أجمل شئ

هل يعرف سيدنا الشيخ ان عورة الأمة أو الجارية كعورة الرجل؟ من السرّة الى الركبة؟

وما رأيه فى هذا؟ قصدى ننحن لسه لم ننتهى من عالم المرأة حتى ننتقل الى عالم الرجل

الشئ الثانى ..انالااميل لان يؤخذ رأى واحد فيما هو ليس من جنسه .. يعنى مايفتن النساء يجب ان تتحدث فيه النساء وليس الرجال .. ربما كان الرجال يتوهمون ذلك

وباختصار حسب فهمى .. اذا كان الرجال مخلوقات بصرية تنجذب بعيونها .. فإن النساء مخلوقات سمعية .. تنجذب بما تسمع من الرجل

ولا ايه؟
Anonymous said…
الفتنه
الفتنه اوعى من الفتنه
احترسوا من الفتنه
كل شىء متخلف جائز منعا للفتنه
...حد ابن حلال يقول لنا يعنى ايه فتنه؟
ويشرح لنا كيف تظهر وكيف تنمو وتترعرع
Fantasia said…
مبروك عليهم يا قطة

بجد أنا رأيي ان الشيخ ده محترم ولا يعاني من غرغرينا في المخ أدت إلى فصام مزمن من اللي موجود عند كل زمايله

المبدأ واحد لا يتجزأ

كدا هو زنقهم في خانة اليك
ما هو يا كله يتحجب يا بلاش

خالص تحياتي يا قمر
Desert cat said…
ضد التيار
النص كوم علشان درعاته بيبان منها الشعر والبنات بيموتو فيه بيثاروا على روحهم من الشدراع ابو شعر ههههههههههه
Desert cat said…
momken
برافو ممكن
انت كدا هتدخل الجنيه علشان مش هتثير النساء
عمو الشيخ اللى فى شمال الدلبتا لو عارف اصلا حاجه فى الشرع كان قال الخزعبلات دى ؟؟
ربنا يشفيهم
Desert cat said…
lastknight
انا شاكه اساسا فى الناس اللى بتصدر مثل تلك الفتاوى انهم يكونوا درسوا الابتدائية اساسا
وبعدين مش تخاف انا معينه حراس رجاله على باب البلوج
علشان يدخلوا محرم مع حبايبنا
:)
مودتى
Desert cat said…
lastknight
حضرتك عايز ايه اكتر من انهم يبيحوا الاعتداء
يعنى لو انت مش مسلم شيوعى يبقى الاعتداء عليك جهاد
ويا سلام على الشيوخ اللى اخرهم باب التواليت
تحياتى
Desert cat said…
Anonymous
سيظل هذا الصمت الى ان ينتهى شعب مصر تباعا حتى يرتاح السادة المسؤلين ويناموا هنائى البال ولا شعب شاغلهم ولا هم وراهم
Desert cat said…
شفقة هانم واحسان بك
ميرسى يا شفقه هانم
شرفتينى جدا
Desert cat said…
Anonymous
هو للاسف مجتمعنا فاقد الهدف من الاشخاص نفسهم ولن احمل الدولة المسؤلية
لانه كما هو المتعارف عليه
اذا نميت هواية طفلك منذ بدء اكتشافك لها وشجعته علي ممارستها بالتوازن مع حياته العلمية فمن الطبيعى انك سيكون عندك طفل نابغ
لكن اذا اهملتها فالتبيعه حتما سيكون لها تاثير سلبى على حياته اذن الاهتمام الاول يبدأ من الاسرة حتى لا يكون ابنائها عقولهم سهله الاستقبال لاى خرافه تلقى على اسمعاهم فلا تمر عليهم مرور الحرام ولا يطبقوا دون فهم
مودتى واحترامى
هههههههههههههههههههههههه

انا بلمت وتنحت

بتقولي ايه اصل يااما العيب فيا يااما في النضاره

ليه كده يبنتي بس

عاااااااااااااااااااااااااااااااا
Desert cat said…
واحة في الصحراء
يا حبيبتى القرار التعسفى ده فى صالح اللى بيبصوا من ورا حجاب
على الاقل الاول كانت بتبص بعد ما كلهم يتحجبوا من السهل انهم يقابلوا بعض بالاحضان فى الشوارع هو حد عارف حسانين من ام الخير
شوفى بقى الشيخ همه يسهل الدنيا خالص ازاى
:)
تحياتى ليكى يا قمراية
Desert cat said…
mUsLiM
انت جاى توجه كلام لاختك فى مدونتى ليه
هى بتقراها ولا حاجه
ههههههههههههههههههه
للاسف انا لا اعرفك ولا اعرفها علشان اقول لاختك اللى تقريبا ماشية على حل شعرها وانت مش قادر تواجهها وتوجه لها الكلام ان اخوكى المسلم عايز يشكمك
وانا مالى ما تروح تشكم اختك و امك بعيد عنى ولا جاى تاخد الاذن منى
روح اقتلها وادفن عارك
Desert cat said…
يا سيدى الفاضل هى الناس اللى الشهوة والاثارة محتله عقلها وكيانها دى لا تلفت لافعال الرسول ولا كلامه هما يصدروا فتاوى وكانهم داخلين مسابقه مين صاحب اكبر طبق فتة
تحياتى
Desert cat said…
صوت من مصر
مش بلبس جيبات والله يا محمد
انما ممكن اسلفك بنطلون جينز واسع شوية :)
Desert cat said…
An Egyptian
الشارع كله بما فيهم الرجاله كمان
تقريبا الناس من كتر الفتة اللى كل يوم والتانى واحد طالع لنا بيها بقوا بيشمشموا على اى حتة لحمة باينه حتى لو كانت صوبااع مش ركب
كل واحد ياخد باله من ركبه
:)
Desert cat said…
واحة في الصحراء
حبيبتى اللبس عمره ما كان رمز للعفة ولا للمعرفه
والا مش كنا قرينا فى الجرايد كل يوم التانى عن منقبة بتسرق ولا منقبة بتروح تساعد الطلبة فى حل الواجبات فى شققهم
وعندك اخر حادثه تبادل الزوجات البطلة لابسه اسدال واخده بالك
فا اللى كل شوية يقولك حجاب ولبس ده ماهو الا حيوان شهوانى مثار دائما محتاج لعلاج
الله يعافينا من الانواع اللى عندها عفن فى عقلها دى
Desert cat said…
banouta masreya
الى انا بستغرب له انهم لسه مخلصوش على الستات يعنى ما زال هناك فئه ليست محجبه ولا بتلبس نقاب يأسوا منهم خلاص وقالوا نشوف حالنا على الرجاله علشان السبوبة تكتر
هههههههههه
والله بلاوى ولسه ياما هنشوف
تحياتى
Desert cat said…
__—¤¤AhMeD.3LaM¤¤—__
المهوسيين بامثال هؤلاء الرجل هيسمعوا الكلام اللى لاغيين عقلهم وماشيين ورا اى دجال يقول اى كلام
زى البعض من الستات كدا
تحياتى
Desert cat said…
romansy
لاء هو الواحد ممكن يتصل بالشيخ يقوله انا متدين ولابس نقاب بعين واحدة الاقيش عندك عروسة بتلبس اسدال
هههههههه
Desert cat said…
EmY
ازيك يا ميمى انتى كمان وحشانى يا قمر
ماهو يا جميله لما يلبس البنطلون الواسع الفضفضا الذى لا يشف ولا يصف
هيقولوا له عيب البنطلون مقسم رجليك الاتنين البس جلابية بارتى قصدى جلابيه واسعه وبالتدريج بقى وصولا للنقاب ابو عين نفس الرحلة اللى بدؤها مع الستات
نورتينى يا جميله
Desert cat said…
dr.lecter
ماهو احنا سايبين الدنيا تضرب تقلب
وفى عز الازمة العالمية طالع لنا الحاج بطبف فتة مرجع فيه كل اللى فى بطنه اللى يقرفهم واحد واحد
Desert cat said…
اجندا حمرا + هارت بيت
صديقتى الجميلة
بصى يا قلبى هما لا يصح ابدا يطلق عليهم لفظة علماء
دول مثلا مخاليل متخلفين من مخلفات ايام الجاهلية حتى ايام الجاهلية كان فكرهم متحضر شوية احسن من كدا
لما واحد عايش علشان الجنس وكل همه وحياته الاثارة والشهوة يبقى ده حد استحوذ على الجهل الموجود فى العالم وطمع واخده كله لنفسه
شرفتينى جدا يا احلى اجندة
Desert cat said…
سراج
حبيبتى فى احاديث كثيرة جدا ليست صحيحة والبخارى ومسلم مليئ بالاخطاء
ومش تستبعدى بعد ايام تطلع لنا فتوة لازم الستات يكلموا بعض فى وجود محرم ما هى الناس دى عقلها فولاذى
مودتى
Desert cat said…
صبرني يارب
هو حضرتك هؤلاء المرتزقه لا يعيشون الا من خلال قلب الحقائق ولا يلقى بالا للقرآن والسنة ولا سيرة الرسول
فتجديها يجلس يتكلم بملئ فيه ولا ينسى ان يقتص من الايات ما يناسب هواه حتى يقنع الزبون ولتقع كل الفتنه على المرأة التى هى إبليس فى الأرض ووجب تغطيتها وبعد ما تتفطى يبقى الخلاص منها فى عودة وأدها المشكلة مش فى الكلام ولا اللى بيتكلم المشكلة فى اللى بيصدق وبينفذ .. يعنى فى حضرتك بتحكمى عقلك وبتسالى ليه الخطاب موجه للمرأة دون الرجل فى سيدات للاسف بتجرى وتنفذ الكلام ده دون وعى وتلاقيها بتتكلم وكانها ضمنت الجنه لانها مقتنعه من داخلها بانها صح وما دونها جميعا على خطأ
فالح هو بتر امثال هذا الرجل

تحياتى
Desert cat said…
Dear Sherif
هو تقريبا فى مسابقة داخلينها فحب يكون مختلف ترك المرأة والتفت للرجل
دون الالتفات لحدود العورة ولا اى حكم تحتكم ليه الشريعه المهم انه يفوز فى المسابقة
:)
شرفتنى جدا حضرتك
Desert cat said…
Anonymous
لاء هما يعرفوا يكتبو حروف الكلمة وينطقوها زى ماا تعلموا يحلوا واجب المدرسة يكرر السطر عشر مرات لكن يفهم هو بيكرر ايه او بيكتب ايه
لاء الفهم عيب وحرام
Desert cat said…
Fantasia
تصدقى يا فانتا انا كمان سعادتى لا توصف
ونفسى اشوف رد فعل راجل وهو حد بيقوله روح البس الحجاب
شرفتينى جدا يا جميله
Desert cat said…
كـــيــــــــارا
لاء يا حبيبتى النضارة صح وانتى صح
هما بس عايزين يحافظوا على شرف الراجل اصله زى الولاعه كل شوية يولع قالوا نحمى الستات بقى من الفتنة والاثارة ونحجب الراجل كدا ربنا يهديه يلبس رمز العفه والطهاره منعا للإثاره
هههههههه
والله ياقطه

اللي يعيش ياما يشوف بجد

عوره الراجل معروف هما يلبسو ايه اما اللي بتقوليه ده بجد حاجه تشل وتعل وتجيب الضغط

ليه كدا بس الواحد لسه صوغنن علي الضغط
HAPPY said…
الناس دى فاضية كل شوية تتطلع فتاوى غريبة بس عموما الحلال بين والحرام بين ..
An Egyptian said…
happy:
بالذمة لو بين كانت الناس تاكل بعضها فى اختلاف عليه؟
انا قلت كده من زامان لازم الرجاله تحتشم شويه ومتفتحش زراير القميص والبنطلون الضيق والنص كم حرام عليهم هما السبب في اللي احنا فيه ده
ههههههههه
ايه الهبل ده مش ربنا حدد العوره عند الرجل من الصره للركبه
ايه بقي الفتاوي دي ومالو خليهم يتحجبوا اهو يخلصوا الاشاربات اللي ملت السوق دي
سمكه
تحياتي ليكي
القطة الجميلة
من هنا أطالب غير المعرف الذي بدأ تعليقه بجملة إلى متى هذا الصمت المخزي
بامرين
أولا أن يطرح أفكاره تلك في مقال حتى تقرأ جيدا لأن خط التعيقات صغير
ثانيا
أن يكتب باسمه المعلن لأن أفكاره هامة ولا تستحق منه أن تكتب تحت غير معروف
Desert cat said…
كـــيــــــــارا
حبيبتى عورة الراجل معروفة
لكنها عملية طمس للحقائق
لمصالح واهواء لا يعلمها الا الله
تحياتى
Desert cat said…
HAPPY
الناس داخل مسابقة مين اللى هيقول فتوى عبيطة اسرع
Desert cat said…
An Egyptian
صدق حدسك
Desert cat said…
سمكه وحده
تعرفى يا سمكة الناس اللى بتتكلم الكلام ده بيكون عندها مرض
ومتخيلة كل الناس زى ماهو اللى عنده نقص بيتخيل الناس زيه ولما بيحس انه منبوذ بيكون عايز كل الناس تبقى زيه واحد زى ده قال كلام خرفان تلاقيه اساسا بيثار على نفسه من اى حاجه ماشية
الله يعافينا
تحياتى
Desert cat said…
هويدا صالح / عشق البنات
الجميلة هويدا كومنتات الغير معروف عملتها بوست لوحدها
محبتى يا قمراية
Fox said…
اكيد كمان لازم الحيوانات حاكم هيه فتنه للجنسين انتي ممكن تشوفي الافلام الي موجوده حاليا للحيوانات حياجه ............ مممممممممممم والحدق يفهم
بس ممكن سؤال ؟؟؟
شكله ممكن

يا ترى انتي اجمل ولا القطه الي اجمل؟؟ لو السؤال هيحرك في الاجابه سامحيني
Zika said…
طيب بالنوسبه يعني لو حبيت العب كوره ولا مؤاخذه يعني
استغفر الله العظيم
استغفر الله العظيم
لا قدر الله يعني
الشيطان اتغرغر بيا
ولبست تي شيرت كات وشورت
يبقي ايه حكم الدين فيا
وهل ممكن يدوني عقاب المجبر بحكم ان اننا شاب مراهق وبلعب كوره زي بقية البشر يعني
ها
اساليلي بقي يا قطه الراجل الدكتور ده ؟
والله يا قطه انتي بتجيبي اخبار عجيبه
هي الناس دي عايشه فعلا

Popular posts from this blog

قميص دهشور

كل تحرش وانتوا طيبين