تم الحكم فى قضية نهى رشدى

جالى الخبر على جايكو من كوكى حالا هى كانت هناك وحضرت الجلسة
وتم الحكم فى القضية بالحبس 3 سنين للمتحرش شريف جبريل
انا بشكرك جدا يا نهى لأنك دافع لبنات كتير بتتعرض للمهازل دى وفى اماكن مختلفة وبتسكت علشان خايفة .. لكن اعتقد بعد الحكم ده البنات لازم تتجرأ ومش تسيب حد يتحرش بيها يفلت بعملته السودة .. تصوت وتلم عليه الناس وتعرف انها هتاخد حقها وانها لو سابته بدون اى اجراء يتخذ ضده هيتحرش بغيرها لازم نغير السلبية دى يا بنات
وبشكر كمان القاضى اللى حكم فى القضية بروح أب ومش عمل زى الذكور وقال اصل لبسها واصل مشيتها واصلها بنت ازاى تبهدل نفسها وتدخل قسم شرطة علشان تطالب بحقها
وبشكر كيكى اللى فى المحكمة من الصبح علشان تجيب لنا الاخبار الحلوة دى
تشجعوا بقى يا بنات ومش تسيبوا حقكوا ابدا
وتذكروا دائما انه ما ضاع حق ورائه مطالب
ومبروك عليك الحكم بـ 3 سنين يا شريف وعقبال كل المتحرشين والذكور اللى موجودين فى المجتمع لما نشوفهم خلف القضبان علشان يعرفوا ان الانثى اللى بيتحرش بيها دى انسان وان ليها فى المجتمع زى ما ليه ومن حقها تعيش فى امان ..
فرحانة لك اوى يا نهى

تعليقات

‏قال TAFATEFO
مبروك ليها ان القضاء أخذلها حقها

بس ربنا يستر عليها
‏قال Desert cat
TAFATEFO
قصدك ايه يا مصطفى
انا بدأت أقلق
‏قال micheal
مبرووووووووك وعقبال باقي الحيوانات بتوع جامعة الدول وغيبرهم ممن تسول له نفسه الحقيرة القيام بمثل هذا الفعل ولو أني حاسس ان البلد حتبقي فاضية وحيضطروا يببنوا سجون جديدة في الصحراء
:)
مبرووووك يا نهي مرة تانية
تحياتي
‏قال Unknown
ده بجد ؟؟

مبروك
و الله فرحانه جدا

انا بستأذنك هنقل الخبر علي مدونتي

و مستنيه ردك

ياسمين
مبروك كده وخلاص

احنا ح نسيبها من غير ما نعمل لها هيصة وظمبليطة في الصالون؟
‏قال Desert cat
micheal
يا سيدى عندنا الصحرا واسعه
يعملوا لهم فيها سجون ولا اللى يتحرش يعاقبوه بانه يروح يزرع ويعمر فى الصحرا اهو منها يتربى ومنها يتحرم يشوف بنى ادمين ومنها يعمل حاجه مفيدة فى حياته
‏قال Desert cat
عاقلة علي ارض الجنون
انقليه يا ياسمين وهى دى محتاجه استئذان واى حد عايز ينشره يتفضله ومن غير اذن
‏قال Desert cat
جبهة التهييس الشعبية
نعمل لها يا زعيمة فى المكان اللى تحدديه :)
‏قال Unknown
تم يا قطه :)

http://noteandpen.blogspot.com/
ياريت ده يكون درس لمن تسول له نفسه مجرد فكرة التحرش ببنات الناس
شكرا للقاضى
‏قال Desert cat
انا كمان اتمنى واتمنى انه يكون درس كمان للبنات يطالبوا بحقهم وميسكتوش عليه
مودتى
‏قال romansy
شوفتى بقى
فيه حاجات جميله بتحصل فى مصر
يعنى فيها ناس بتفهم وناس وليعوذ بالله

مبروك الحكم العادل وياريت اعدل يسود مصر
اااامين
‏قال Desert cat
romansy
طبعا خطوة ايجابيبة جميلة جدا
تحياتى
‏قال صوت من مصر
انا موافقك فى كلامك كله وبجد نهى كانت شجاعه جدا واتمنى الكل يبقى زيها
لكن مسمعتوش عن ستات وبنات تتحرش بالذكوره
افتكروا ده كويس ؟
‏قال Desert cat
صوت من مصر
لما بنت تتحرش بوالد يبقى يلم عليها الناس ويقول بتتحرش بيا
ده اذا مكانش عاجبه يعنى
مبروك لنهى و مبروك برضه لشريف
نهى اتحررت من قيود المجتمع و شريف برضة هيتحرر من قيود ذاته و شهوته
نهى تشجعت و واجهت عالم الذكور بروح محارب و شريف برضة من النهاردة و بسبب الحكم دة هيتشجع و يواجه نفسه بروح مجاهد
اتمنى ان الحكم دة يكون طاقه نور لكل بنت يقع عليها ظلم و إهانة و اتمنى برضة انة يكون عظة لتوبة كل رجل ينظر إلى العالم من نافذة ذكورتة
تحياتى
متحرش تائب
‏قال Desert cat
ابن المليونير
مبروك لنهى ولكل البنات
والف مبروك الحكم على شريف
والف مبروك عليك توبتك
ويارب يثبتك
دمت بالف خير
‏قال Zika
انا كان ليا واحده صديقتي في المحكمه وبلغتني بالخبر في وقته
بس انتي سبقتيني بالبوست
:D:D
المهم مبروك لنهي الف مبروك لبنات مصر كلها
وزي ما قلت في البوست عندي بعد الخبر ده ما ينتشر اي حد هيفكر يتحرش باي بنت هيفكر الف مره انه يلاقي نفس المصير
تحياتي يا قطه
‏قال A long distance
بجد مبروك لنهى
وده عقاب حقيقي لكل متحرش
كنت بتمنى ان العقوبه تبقى اكتر من كده
واظن ان شجاعة البنت دي
هتخلي اي واحد منحرف يفكر الف مره قبل مايعمل الفعل الفاضح ده
بغض النظر عن البنت اللي بيعاكسها
‏قال Fantasia
حكم تاريخي وعادل
مبروك لنهى وإلى الجحيم يا كل المتحرشين

يا ريت البنات يكونوا اتعلموا حاجة

طالبة من الله ولا يكتر على الله ان الغشاوة تنزاح من على عقولهم ويشوفوا قدر الاحترام اللي بتحظى بيه نهى دلوقتي

هل لو كانت سكتت وتجاهلت الموضوع أو خافت من البهدلة زي ما ناس كتير حاولوا يخوفوها كانت استحقت هذا الاحترام؟

مفيش حل غير اننا ناخد حقنا بنفسنا
الناس خلاص نخوتها ماتت

منطقهم بقى شاذ في التعامل مع القضايا الاخلاقية

لا يمكن الاعتماد على أي قيم لأن المجتمع بقى عديم القيم ومعاييره اصابها التشوه والعفن

يبقى أي متحرش حقير لن يردعه ولن يتصدى له سوى ضحيته
دا الحل الوحيد عشان ننضف الشوارع من الحثالة دول

كان نفسي ياخد مؤبد.. بس الواقعية تحتم اني افرح انه تمت ادانته واخد حكم بالسجن المشدد. 3 سنين هيربوه برضه.. يبقى يتحرش بنملة بعد كدا لو قدر.. دا لو ما اتحرشوش بيه في السجن أصلا

مبروك يا قطة
‏قال غير معرف…
طيب وانتى ايه اللى منرفزك
مالك انتى ومال التحرش والبنات
انتى مش اسمك حنان انتى مفروض اسمك جفاااااااااء
هههههههههههههه
‏قال غير معرف…
كويس :)

كان نفسي الناس..تتغير من جواها مش يستنوا قانون..مع إن القوانين والتشريعات موجودة في أي دين.لكن مش بيطبقوه.والبعض بينسى وصية الرسول ليهم للنساء :)
وكتير نسوا الأخلاق

شيء محزن:)

انتي عارفة..


أنا نفسي بس..بقانون..مساحة معينة بس..محدش يتعداها


لأن أكتر من المساحة دي..وفي الزحمة..الناس بتستغل المسألة قوي..


عارفة إن مش ينفع :)

كويس ان يكون فيه عقاب طبعا..دي حاجة كويسة قوي

بس يارب.ان كل شخص يراعي ربنا أولا..

التحرش..لو حتى بكلمة..بيجرح البنت قوي

حرام عليهم يروعوا أي بنت..ده الرسول قال..رفقا بالقوارير..يعني البنت زي قاوررة..زي الزجاج كدة..هش قوي

والرسول أوصى بالنساء..

بزعل قوي على الناس اللي بتنسى الوصية دي بجد قوي :)

..

عارفة..أنا بتابع مدونتك من زمان

فيه حاجات بتعجبني فيها ..وحاجات ببقى زعلانة منك..بس كتير بقول نفسي أدخل واتناقش معاها في حاجات كتيرة

بس بخاف تزعلي :)

مدونتك جميلة..عاجباني حاجات..وحاجات نفسي أناقشك فيها :)


ربنا يوفقك يارب :)


ربنا يكتبلك كل خير :)
‏قال الربان
تحياتي

أعتقد ان نهي خطت خطوة ايجابية و ستكون
دافع لاي انثي أخري يتم التحرش بها.

"ومبروك عليك الحكم بـ 3 سنين يا شريف وعقبال كل المتحرشين والذكور اللى موجودين فى المجتمع لما نشوفهم خلف القضبان علشان "
اعتقد ان الذكور الموجودين في المجتمع وهم اكثرية شريفة لا تتحرش بالاناث
وان أكيد حضرتك لا تقصديهم...
وان قله قليلة هي التي تتدني الي مستوي
التحرش...

عموما...ربنا يهدينا جميعا و يصلح من
احوالنا...و يهييء لنا من امرنا رشدا.


تحياتي و تقديري
‏قال a
القضية لم تنتهي بعد لان الظابط الذي تجاهل شكواها يجب فصله من عمله لانه سيستمر في تجاهل كل شكوى من نفس النوع
الحكومة بتدفع معاشات للظباط علشان يتجاهلو تنفيذ القانون؟

ثنيا لو كانت نهى بتشتغل مومس كان الظابط حبسها على طول ولكن ان يتم تحويل كل البنات الى مومسات بالاكراه فياتي القانون ليقول : انا مليش دعوة؟

والاخوان النافقين هيعملو ثورة لو كان في محل مومسات, واما كل البنات تتحول الى ضحايا مرضى الشذوذ الجنسي والنفسي فيتم بتاييدهم وموش بعيد يكونو شركاء في الاغتصاب والتحرشات,, ولا تخلقو من طينة تانية؟؟؟

طيب انا موش نهى رشدي ومقدرش اخد حقي بدراعي, فيبقى هيتعودو في الشارع علية ويغتصبوني كل يوم؟ ولما اروح اشتكي هتقولي الشرطة حلو القضية بينكم؟؟؟

كان نفسي اشتم ودي الحاجة الوحيدة اللي اقدر اعملها, بس مقدرش اشتم قدام الكل لان الكل هينتقدني فرحت شتمت في مدونتي

بس لو كان بايدي كنت افصل الظابط والوزير كمان, بامارة ايه بياخدو معاشات على حسابنا وموش بيحمونا؟؟؟
‏قال غير معرف…
برافو نهى ..

وكل التحية لهذا القاضى
‏قال غير معرف…
أألف مبروك مش ليكى ولا للبنت ولا للبنات التانية

مبروك للمجتمع المصرى على على التصرف السليم

دى ناحية والناحية التانية يارب كل البنات يعملو زى نهى

انا كنت قريت فى مجلة ابداع قصة تتناول حوادث التحرش ومواجهة المجتمع ليها ونظرتهم للبنت
لقيت للأسف مجتمع ذكورى متخلف على حد وصف القصة
بس أن شاء الله هيتغير

ألف مبروك علينا تانى
‏قال ... amr
مبرررررررررررررررررررررروووووووووووووووووووووووووووووووووووووووووووووووووووووووووووك


و عقبال ما ترجع لنا اخلاقنا زي زمااان . . . .
:))))
‏قال إيمان قنديل
والله اللي بيحصل في الشارع المصري بيسيء لنا جميعا ،وربما يكون هذا الحكم مقدمة لحبس الشارع المصري بأكمله
‏قال Desert cat
Zika
شكلنا عرفنا الخبر فى نفس ذات الوقت بس اوعى تكون صحبتك هى نفسها صحبتى
:)
يارب يكون عبرة لكل متحرش خلينا نخلص بقى
تحياتى
‏قال Desert cat
A long distance
هو طالما الاهل مش عارفين يربوا وسايبين ولادهم للشوارع تربيهم يبقى يستحملوا بقى
تحياتى
‏قال Desert cat
Dear Fantasia
طبعا حكم تاريخى يا فانتا اتمنى ان كل البنات ياخدوا موقف
وكل واحدة تعرف ترد كرامتها لو واحد غبى فكر نفسه سيد الارض حاول ياذيها
انا شخصيا من زمان اوى واخدة قرار ومش بسكت لحد اللى بيتكلم برد عليه واللى بيحوال يقرب بتف فى وشه بدون تفاهم ولو قل ادبه بهزئه ومش بستنى حد يتدخل لان خلاص المجتمع اصاب بالعقم الفكرى من زمان اوى
ياريت كل البنات يفوقوا ويبقى كلنا نهى
شرفتينى كل يا فانتا
والف مبروك لينا كلنا
‏قال Desert cat
Anonymous
بالعكس انا مش متنرفزة انا مبسوطة جدا علشان الذكور امثال حضرتك يتلموا وسعيدة جدا انى قدرت اوصلك الجفاء لان فى ناس مينفعش معاها غير كدا
‏قال Desert cat
samamasr
المجتمع مش يهتغير لانه كل يوم فى انحدار وكل واحد مقهور بيمارس قهره على البنت اللى يقابلها
ان شاء الله يكون الحكم الصادر بداية جديدة لردع اى متحرش
ميرسى جدا لمتابعتك مدونتى
وابقى اتناقشى فى اللى تحبيه يا جميل
انا مش بزعل من النقاشات انا بزعل بس من الهجوم الغير مبرر
تحياتى
‏قال Desert cat
الربان
استاذى العزيز
مجلس الشعب الان يناقش قانون للتحرش الجنسى واتمنى سرعة سريانه والعمل به
بالنسبة للفظة الذكور فانا بعممها لان الذكور عندى هم المتحرشين وكل من يرتكب فعل خاطئ فى حق الآخرين
اما الرجال فهم الشرفاء من يعرفون معنى كلمة رجولة
لكن ليس كل ذكر رجل
ارجو اكون وضحت وجهة نظرى
مودتى واحترامى
‏قال Desert cat
oasis in the desert
سمعت امبارح فى العاشرة مساءاً منى الشاذلى بتقول ان وزارة الداخلية حولت امين الشرطة اللى قابل نهى وكل المسؤلين اللى كانوا موجودين فى النقطة للتحقيق .. وهنشوف الموضوع ده هينتهى على ايه
بالنسبة للذكور اللى ماليين الشارع فللاسف طول ما هو مفيش قانون يخرسهم هيفضلوا منتشرين بالشكل ده يبقى مفيش حل غير انك تحاولى تبقى زى نهى على الاقل لحين صدور قانون
الاخوان المنافقين مين قال انهم مش بيتحرشوا دول بيكون الواحد دقنه مترين وقاعد يقولك قال الله وقال الرسول وهو مدخل عينه تحت ملابسك الداخلية المضحك انهم عاملين مؤتمر للحد من ظاهرة التحرش الجنسى .. انا شوفت العنوان قولت اخيرا هيعملوا حاجه ايجابية الاقيهم بيقولوا احنا نتبنى المومس التائبة ونوفر لها شغل علشان مش ترجع تبقى مومس تانى .. يا حلولى زى ما بيستقطبوا المسجلين الخطر يدخوهم للجماعة تحت بند انه هيتوب ويدله فلوس علشان يبقى اداة فيما بعد يستخدمها وقت ما هو عايز .. اعتقد برضه ان المومس اللى هتدخل الجماعه مش هتوب اصلهم هيجوزوها من الاخ المسجل خطر تخيلى بقى مومس ومسجل خطر الحياة هتكون ازاى
:)
شرفتينى
‏قال Desert cat
Dear Sherif
برافو نهى ووالد نهى اللى مهتمش بان المجتمع هيقول او المجتمع هيعيد
والقاضى له تحيات 80 مليون مواطن مصرى
مودتى
‏قال Desert cat
المحارب المتيم
لاء الذكور فى المجتمع كتير اوى
ده انت تابع المواضيع دى على اى موقع اخبارى يكتب فيه
او حاجه بسيطة ادخل الفيسبوك على جروب اسمه اللى عنده جاموسة يلمها
حاجة اخر قلة ادب
مودتى
‏قال Desert cat
... amr
تفتكر يا عمرو اخلاق زمان هترجع ؟؟
انا اتمنى
‏قال Desert cat
كباريه
تخيلى لما تكون مصر اول دولة فى التحرش الجنسى يليها افغانستان الا ما عملوها فى حاجه تشرف حتى الكورة بيجيبوا فيها اصفار
لو الشارع المصرى كله اتحبس يبقى الستات هتعرف تعيش فى امان
تحياتى
‏قال أنا حر
الف مبروك لنهى ولكل بنات مصر اللي عارفين معنى كلمة بنت وواثقين في نفسهم وعارفين انهم بيعملوا الصح
الف مبروك ويارب دايما قضائنا نزيه
تحياتي
‏قال صوت من مصر
ممكن فعلا مينكش عجبه بس قعلا حصل وشفت بنت بتتحرش بولد
ومشكلته انه للاسف ساذج ؟
وده برضه بيعمل مشكله للولد لو محترم لانه مش هيقول للناس ان اتحرشت بيا بنت ؟
لانه ساعتها هيبقه ايه ؟

شكرا للرد
لكن الاختلاف لا يفسد
‏قال Desert cat
انا حر
دى بداية يا احمد لكل الخنازير اللى فى الشوارع
بداية لفتح باب السجون ليهم علشان يتلموا
مبروك لنهى
ولكل بنت حست انها اتهانت من خنزير واقف فى الشارع يقل ادبه على بنات الناس
‏قال Desert cat
صوت من مصر
يا حرااااام تصدق الولد الساذج اللى البنت اتحرشت بيه ده صعب عليا
ولما انت شوفتها بتتحرش بيه مش قولت لها عيب كدا ليه عندك اخوات ولاد البنات هيتحرشوا بيهم ههههههههههه
معلشى اللى انت بتقوله ده مش خلاف فى الراى
ده انت بتقولى فى ولاد سذج يعنى المفروض افرح انهم خنازير وسذج كمان
‏قال Hook
الخبر ده فرحني جدا...
و نهى دي بنت جدعة جدا و ما سككتش على حقها...
لازم حاجات زي كده تحصل عشان نظرة المجتمع للمتحرش بيها و المغتصبة تتغير...دول ضحايا مش جناة
‏قال basma saghir
انا فرحانة قوي بالخبر ده..وحاسة ان المجتمع بيتحول من مجتمع ذكوري بحت الى مجتمع متوازن الاطراف

طب والله فرحانة..مع اني اصلا الاول مكنتش بسكت على المسخرة دي وكنت بعلي صوتي وبزعق وبعمل اللي نفسي فيه

والنبي فرحانة...دي باينها مصر بتتقدم بينا فعلا..ولا ايه ياقطة؟
قطتي الجميلة
منذ ان شاهدت هذه الفتاة تتحدث على المحور تقريبا
ارتعش قلبي أن هناك واعيات بحقوقهن
قادرات على قول لا
لن أقبل الظلم
والمجد للشيطان معبود الرياح
المجد لمن قال لا
ولكن السؤال الأكبر والأخطر
هذه لأنها من طبقة تقدر أنها ضحية
وتقدر رغبتها في نيل حقها وإلآ كانت ستنكسر بحسب تعبيرها هي شخصيا
فما بال الفقيرات الضعيفات في المناطق الشعبية
والمهمشة
والعشوائية ؟
ترى لو أن إحداهن قالت لا
أصرخ لأنني اغتصبت او تحرش أحدهم بي
ترى من سيسمع صوتها ؟
ترى من سينصفها ؟
ترى من سيقول أنها ضحية
؟
وأنها لم تكن المذنبة لأنها خرجت بالشكل الفلاني والشباب معذور ؟
علامة استفهام كبرى
تطرح هاهنا
‏قال حدوته مصرية
(وعقبال كل المتحرشين و الذكور اللى فى (المجتمع
!!!!!
ليه يا بنتي جمع الذكور ده اكيد قصدك الذكور المتحرشين برضه بس يعني

و على العموم الحكم ده كان شئ جميل جدا و خطوة كويسة لعلها تحد من التحرش
تحياتي
‏قال غير معرف…
الحمدلله ياقطتنا انها اخدت حقها عشان بعد كده اي بوبي يفكر الف مره قبل مايعمل العمل الاجرامي ده
شكرا ياقمرايه علي الخبر الحلو
محبتنا ليكي دايما
:))
‏قال a
بعد اذنك يا قطة الصحراء
انا عايزة اقول ل "محمد ياسر" المقصود هو انه في المجتمع يوجد رجال ويوجد ذكور

التعريف "رجال" يشمل البنات الجدعان التي تساوي كل واحدو منهن بين دزينة الى الف رجل

واما الرجالة تعني اللي عندهم نخوة وكرامة وشرف ويحمون الضعفاء ومن يستجير بهم او يطلب منهم النجدة

اما الذكور فهي تعريف يشمل الحيوانات البشرية والحمير الحساسة وحيواات الغاب والحوانات الاليفة الذكور

الرجولة هي بمعنى الشهامة والشجاعة ولا تحدد ذكور او اناث

ليس كل ذكر هو رجل وليس كل انثى هي امراة خانعة وخجولة وجبانة وهي صفات طبيعية للانوثة ولا مانع من استبدال صفات الانوثة بصفات رجولة انسانية

يعني اخص على الذكور الانذال والذكور الحيوانت مرضى الجنس,, فلا علاقة بين الرجال وبين الذكور
‏قال Desert cat
Hook
الخبر ده فرح ناس كتير جدا
ونهى بالفعل بنت جدعه على الاقل مش سابت حقها
تحياتى
‏قال Desert cat
بيسوو
ازيك يا جميلة
انا شايفه فعلا انها نقطة تحول غير طبييعة وان شاء الله تكون بداية لمجتمع ناضج
تحياتى
‏قال Desert cat
هويدا صالح / عشق البنات
اديبتنا الجميلة
ازيك يا بنت العم
طبعا ما فعلته نهى لا يستحق الا الثناء
ووادلها يستحق الاحترام والتقدير انه ساندها ووقف جنبها ولا القى بالا للمجتمع
اعتقد ان الاحترام الذى حظيت به نهى وحكم القاضى المشجع لاى بنت انها مش تسكت عن حقها بداية افاقة للجميع من الغفوة التى طالت فى مجتمعنا
واتمنى ان اى واحدة مش تسكت ابدا عن حقها
شرفتينى جدا
:)
‏قال Desert cat
محمد ياسر
يا فندم لا وجه مقارنة بين الذكر والرجل
وانظر رد الغالية واحة فى الصحراء اسفله
تحياتى
‏قال Desert cat
اجندا حمرا +Heart Beat
بس على الله البوبيهات يتلموا يا قلبى
والبنات مش يسكتوا لهم
اى واحد يتعرض لواحدة حتى لو بلفظ توقفه عند حده
شرفتينى يا احلى اجندة
‏قال Desert cat
واحة في الصحراء
المدونة مدونتك
قولى اللى انتى عايزاه
وردى على اللى انتى عايزاه

المشاركات الشائعة