رسالة إلى المتدينين المحترمين

يوم السبت الماضي 11/10/2008 وفي تمام الساعة الرابعة عصراً تقريباً شاهدت برنامج بعنوان "نشوة" تقدمه الفنانة نشوة على قناة دبي. استضافت نشوة العلامة الجهبذ الدكتور زغلول النجار ومهندس مخترع عظيم جداً وضيوف آخرين كان أحدهم من الحاصلين على درجة الدكتوراه في "الرقية الشرعية"، أي العلاج بالقرآن الكريم.كان محور الجزء الأول من الحلقة مع الدكتور زغلول النجار عن عظمة الإعجاز العملي في القرآن الكريم حين تحدث عن ذكر القرآن للماء. ثم انتقل الحديث بين المذيعة الفنانة نشوة وبين الدكتور زغلول وبين المهندس المخترع عن كيفية علاج جميع الأمراض بقراءة القرآن على الماء.كان هذا المهندس المخترع قد أحضر معه أختراعه الذي سيقلب دنيا العلاج العالمي رأساً على عقب وهو عبارة عن زجاجتين من البلاستيك متصلتين بأنبوب مثل أنابيب المحاليل التي تعلق بجانب مرضى الأمراض المستعصية. وتم توصيل كل هذه التركيبة مع جهاز تشغيل أسطوانة كمبيوترية صغيرة مسجل عليها سابقاً القرآن الكريم كله. يتم إذاعة صوت القرآن بينما يمر الماء من الأنبوب الأعلى إلى الأنبوب الأسفل فينال الماء جرعة الدواء الموجودة في سور القرآن الكريم التي تشفي المرض الموجود عند المريض الذي يشرب هذا الماء.قال المهندس المخترع بالحرف الواحد أن هناك آيات في القرآن تشفي أمراض معينة، لكن علماء المسلمين لم يتوصلوا حتى الآن في دراساتهم وأبحاثهم العبقرية الحالية إلى ماهية نص الآيات المحددة التي تشفي أمراض محددة، لكن المهندس العبقري المخترع العظيم قال " عندما نضع كل القرآن الكريم في الماء فكأننا وضعنا كل الأدوية الموجودة في الآيات المقدسة وحتماً أحد هذه الأدوية سيدخل جسم المريض الذي يشرب هذا الماء الذي به القرآن وبالتالي سينال العلاج من مرضه أياً ما يكون هذا المرض".أعزائي القراء المحترمين، أرجو ألا تستعجبوا أو تتهمونني بالكذب فبقية كبائر المصائب ـ كمنهج تفكير ـ لم تأت بعد!!!!!!بعد هذا الحوار من المهندس المخترع اقترح الدكتور زغلول النجار رئيس هيئة الإعجاز العلمي في القرآن (لا أتذكر بقية الألقاب التي كُتبت على الشاشة) وقال: ليت حكومات المدن الكبرى تعمل مثل هذا الإختراع في خزانات المياه العمومية وذكر مدينة القاهرة كمثال، وشرح كيف أن المسئولين الحكوميين أكرمهم الله يمكنهم أن يذيعوا القرآن الكريم داخل أنابيب المياه في الخزانات العمومية حتى يتم شفاء الأمراض المختلفة في مدينة مثل القاهرة كلها لمن يشرب من هذه المياه
يا سادة يا كرام،كل هذا وعلامات التهليل والفرح والسعادة والإعجاب على وجوه المتابعين في الأستوديو الضخم الفخم والمذيعة نشوة فرحة جداً وكأن سيدنا الدكتور زغلول النجار كرم الله وجه قد أعلن عن خطة استرداد المدن والعواصم الإسلامية من أيادي الأمراض المستعصية التي أحتلت أغلبها وفتكت بالآلاف من سكانها.ويحضرني سؤال هام ربما من أجل انتشار هذا الاختراع تتدهور حال أغلب المستشفيات العربية إلى أقصى درجات التدهور على أمل التطبيق القريب لهذا الاختراع العظيم الذي يغلق على أثره كليات ومعاهد الطب ومعامل الأبحاث العلمية ـ إن وجدت ـ وبناء على ذلك تتحول "الصيدليات" إلى محلات سباكة شرعية، ويتعلم الصيادلة والأطباء بالتعاون مع السباكين كيفية توصيل المواسير بشرائط التسجيل المسجل عليها قراءة الكتب المقدسة؟أية تغييب يلعبه برنامج مثل هذا في تلفزيون إمارة راقية مثل دبي نفتخر كعرب أن في الشرق الأوسط مدينة مثلها؟هل يرضي معالي رئيس الإمارات ومعالي رئيس إمارة دبي بهذه الظاوهر؟مَن المستفيد من انتشار مثل هذه الخرافات بين المتدينين البسطاء والعمل على خداعهم بالشفاء بقراءة الكتب المقدسة؟المقال لم ينته بعدأرجو أن لا يتهمني أخوتي المسلمين بالتعصب والتحيز، نعم يا أعزائي فالأمر مشابه تماماً مع بعض رجال الدين المسيحي في القرن الحادي والعشرين، وإن كان الأمر لم يصل إلى حد التوصية بقراءة الإنجيل والتوراة على خزانات المياه العمومية. لكن هناك رجال دين يقرأون على زجاجات مياه من أجل الشفاء من الأمراض الخبيثة والمستعصية والكبيسة أو حتى للشفاء من الأمراض البسيطة. وهناك قراءات تتم لينال البيت البركة أو السيارة الجديدة وفي القرى لكي تنال البقرة بركة. ولعل المشهد الشهير في "فيلم هندي" الذي سكب الماء على السيارة الجديدة ماثل في أذهاننا.يا سادة يا كرام،مشكلة التخلف الطبي والعلمي في بلادنا أن كثير من رجال الدين يتحكمون في الفتاوى الطبية والأبحاث العلمية ويلوون عنق العلم والطب لما يقتضيه الشرع الذي أخترعه تراثهم الذي لا يتناسب مع قطار التقدم
مقال للاستاذ ايمن نخلة
http://www.elaph.com/Web/AsdaElaph/2008/10/374052.htm
انتهى المقال
اما ردى على الاستاذ ايمن صديقى العزيز اللى مكنتش متوقعه منه الكلام ده على العالم الجليل الفذ زغلول الفشار
اليس من الممكن ان يكون هناك مريض سكر او قلب او حامل اى فيرس ايا كان استمع لهذه الهراءات وقطع علاجه الكيميائى اللى هو نتاج ابحاث ودراسات من الغرب الكافر لعنهم الله وسخرهم دائما لخدمة المسلمين فى شتى انحاء الارض
الا يبتلى الله زغلول الفشار وتابعيه بمرض عضال وحينها يأتى بقارئ للقرأن يتلو على الماء ما تيسر ولا يذهب الى طبيب تعلم العلوم الكافرة ودرس فى كليات الطب التى تدرس مناهج باللغه الانجليزية والفرنسية والعياذ بالله
وإن لم يتم شفائه فيعلم الجميع انه غضب من الله لأن رحمة الله لا تنزل على من فى قلبه مرض
ارحمنا يارب من زغلول ومتبعيه

تعليقات

‏قال TAFATEFO
رأيي ان اللي خصل ده أي كلام ومتفق تماماً مع حضرتك في انتقاد شئ زي ده

لكن طبعاً أنا مش مع الانتقاد بالاهانه والتسفيه .. هما شايفين كده

كون ده يقطع العلاج فده خيال علمي بصراحه

حاجه أخيره
مارة راقية مثل دبي نفتخر كعرب أن في الشرق الأوسط مدينة مثلها

حضرتك متأكده؟!
‏قال بنت مصريه
والله اللى اعرفه
ان ربنا قال فى كتابه الكريم
وجعلنا فيه شفاءا للناس

لا يعلم احد ان كان الشفاء شفاء روحى ام شفاء مادى جسدى
هذه اشياء لا يعلمها الا الله

وان كان الله خلق البشر والكون
والنفس وكيف سواها والهمها فجورها وتقواها
لا يقدر ان يشفى امراض هو خلقها
بكلماته
هذا القرءان ليس مجرد كلمات بل هو اعجاز
الطب ليس من صنعنا نحن
فهو من صنع الله وحده
هو الذى خلق مخ الانسان كى يفكر ويخترع
ما يدعى الطب
فالطب سبب للشفاء وليس هو الشافى
واذا فشل السبب
فان الله قادر عالمعجزات


تانى شىء لا تقارنى
بين مشهد فى فيلم كوميدى
بالحديث عن الشفاء بكلمات الله

لان ما كان ف الفيلم هو ماء مقروء عليه من الانجيل والانجيل الحالى كما تعرفى ليس كلام الله بل محرف
كتبه بشر مثلى ومثلك

ولكن من اعجاز القرءان ان الله حفظه
عبر مرور الزمان وتغير المكان
لذلك هو كلام الله الذى لا تخلو فيه كلمه من المعجزه

احييكى عالبوست وتعريفنا بالموضوع
بسم الله

كاتب مسيحي و كاتبة علمانية ماذا تنتظرون منهما غير ذلك

انا لست متاكد من نقل الاستاذ نخلة

نسمع من مصدر تاني موثوق به ونبقى نتكلم

وياريت يا ابلة يبقى الكلام عن الدكاترة والعلماء باسلوب ارقى من كده

وانا متاكد من ان الدكتور زغلول ليس فشار ولكن اعداءه من المتخلفين هم كذلك

ربنا يهدي
‏قال mUsLiM
أنا أشكك فى صدق الكاتب الذى نقل هذا الكلام عن الدكتور زغلول النجار

فهو رجل عرفناه عالما حصل على أعلى الشهادات فى العلوم ومن جامعات فى بريطانيا وغيرها

كما أنه رجل ذو عقل سديد لا يقبل مثل هذا الكلام السخيف

ولذلك أنا أشكك فى صدق هذا المقال المنقول حتى يتبين العكس لى

والله من وراء القصد

السلام عليكم
‏قال غير معرف…
شر البليه مايضحك
فى النقاب ابو عين واحده
ومش بعيد يبقى له عشاق


ميزة الدكتور "نظيف" إنك تسمع عنه ولا تراه وتشعر كأنه رئيس وزراء سابق يعكف علي كتابة مذكراته بعد أن أكتفي بتحديد الأماكن التي تباع والأماكن التي تحرق لتذاع مع أحوال الطقس في فقرة توقعات الحرائق غدا والدكتور نظيف لا يعمل بخطة شاملة بل بمكافأة شاملة والرجل لفرط أدبه يبتسم منذ أربعين عاماً علي نكتة حكاها له زميل في مدرسة اللغات... وقد حضر الضاني للعشاء وسألنا: (هوه الراجل ده بيضحك علي إيه؟) فقال له أبي (بصراحة هوه بيضحك عليك) وحذرته أمي قائلة (مادام بيضحك عليك يبقي بلاش تهزر معاه مش عايزين مشاكل) وقالت أختي (والحته اللي تشوفه فيها سيبها وإمشي... هوه بيقعد فين؟) قال الضاني (بيقعد في العربية ورا السواق) قالت أمي (خلاص يبقي إنت تقعد قدام جنب السواق ومالكش دعوة بيه خالص وخلي كلامك مع السواق وخليه هوه يلم الأجرة) وقال أبي (ما بلاش تركب معاه خالص وخد الميكروباص اللي بعده) وقالت أختي (مادام مش معاك في الشركة بتركب معاه ليه؟) قال الضاني (هوه اللي كل شوية يقف لي بالعربية ويقول لي تعالي أركب معايا نعطلوا المرور) قالت أمي (هوه مش ممكن يدينا العربية نزف بيها البنت وياخد اللي هوه عايزه إنشالله عشرين جنيه) وقال الضاني إنه قرر أن يرتدي النقاب أبو عين واحدة ويصبح قرصان أعالي البحار علشان ما حدش يعرفه ويقف له بالعربية... قالت أختي (فعلاً أنا عندي صاحبتي لابسه نقاب بعين واحدة وأهلها بيعرفوها عن طريق الـ(DNA ) قالت أمي (أنا أكلته البتاع ده قبل كده وما عجبنيش) قال أبي (قومي يا وليه أغرفي ودوقيه لابن أختك) قال الضاني (متشكر يا عمي أنا لسه جاي من البيت ولقيت عندنا الفلافل سخنه عملت لها كمادات) صرخت أختي (عملت كمادات للفلافل يا ضاني بكره يا أخويا تاخدها السيما) صرخ الضاني (أنا عملت إيه يا عالم؟) قالت له أمي (برضه ركوبك العربية مع واحد غريب غلط).
‏قال غير معرف…
الواقع اننا هنا امام ملخص بليغ لما وصلنا اليه من انحدار ثقافى مزرى
ماهذا الذى نراه؟
هل تذكرون فى الفلكلور المصرى تخريم عروسه ورق بدبوس قتلا للشرير؟
هل تذكرون اننا فى العادات الشعبيه كثيرا ما نمتنع عن ذكر اسم مرض خطير او شخص مكروه فنقول اللى ما يتسمى؟
لماذا
لأننا نخلط بين العروسه الورق وبين الشر او الشرير
ونخلط بين
الأسم
والشىء كالمرض مثلا
نخشى ان نذكر الأسم لأنه عندنا هو المرض نفسه
ومثل هذا فى تعاملنا مع النصوص المقدسه ...ننسى انها مجرد كلمات او رموز لمعانى فى عقولنا او علامات مثل اشارات المرور
اتفقنا على ان اللون الأحمر فيها يعنى الخطر والأخضر السلامه
ولا يوجد الخطر ولا توجد السلامه فى اشارة المرور الحمراء او الخضراء ولكنهما معنيان فى رؤوسنا ترمز لهما او تذكرنا بهما اشارات المرور
نفس الشىء ينطبق على كلمات النصوص المقدسه
هى رموز او علامات لا اكثر وعلاقتها بالشفاء مثل علاقة اشارة المرور الخضراء بالسلامه
وهكذا بخلطنا وابدالنا الأسماء بالأشياء نقع ضحايا للغه
ونعيد انتاج الفلكلور
وكنت اتوقع من المذيعه ان تسال الشيخ زغلول اذ مرض هل سيسافر الى لندن او الولايات المتحده كما يفعل فعلا ام سيستعين بوصفته المبتكره
ولكن المشكله ان المذيعه ليست مذيعه اصلا ولكنها ممثله
حتى المذيعه ليست حقيقيه ...الم اقل اننا نعيش فى عالم المسلسلات
حيث يلبس اهل التدين المسرحى ملابس الدور
مقال قراته واعجبنى على الفيسبوك
‏قال غير معرف…
بصي يا قطه من حقك تنونوي زي ما انت عايزه وفي اي وقت انتي عايزه
بس بلاش سيره العلماء حتي لو احنا مختلفين معاهم مينفعش نشتمهم ولا نعيب فيهم
لحوم العلماء مسمومه
فكري في كلامي
‏قال غير معرف…
هى بالضبط زى مسألة القطرة التى هى من العرق والتى تعيد البصر كما ذكر فى سورة يوسف ..

لكن يفوتنا انها معجزات ربانية لاتصلح معنا

السؤال بسيط .و هو لو كان علماء الغرب رأوا فيما نفعل أى نفع كانوا سابونا فى حالنا؟

ليس من باب الايمان ودخول الاسلام طبعا ولكن من باب الاستنفاع والكسب بأى طريقة لأن الغرب مادى بحت بقيادة اليهود .. وهم سرقوا كل علومنا القديمة والرياضة والكيمياء وتركوا لنا الفتاوى

أخيرا .. لما هذا الشئ خطير لهذه الدرجة فلماذا لاتنشر هذه الابحاث فى المحافل العلمسة الدولية ؟ ولماذا لانحصل بها على براءات اختراع ؟ فهذه تكسب الف مرة أكثر من برامج الفضائيات؟
‏قال عُمر
no comment

بصراحة أنا مصدوم

فعلاً بالمنظر ده حنروح في داهية

كده أنا فهمتِك شوية

شكراً عالإفادة
‏قال غير معرف…
قطتنا الجميله

شوفي ياقطه المشكله ان فيه ناس ممكن تصدق الكلام ده زي ماقلتي و تمشي عليه و ترمي العلاج اليل بتاخده و خصوصا لو بتتعالج من مرض عضال و هن الكارثه لأن ممكن يحصلها مضاعفات و طبعا انتي عارفه لو حصل مضاعفات و هو بيتعالج بالقران حتلاقي مليون واحد مخه لاسع يقولك اصل ربنا مش راضي عنه عشان كده العلاج بالقران ماجابش معاه فايده تيجي تقولي امال ليه كانت حالته بتتحسن اما كان بياخد العلاج يقولك انتي حتكفري و لا ايه
المصيبه بقه ان زغلول و المهندس المحترم اللي طلعوا مش مدركين حجم المصيبه اللي هما بيعملوها بكلامهم

اللي انا مستغرباله ان يحصل مقابله زي دي في تليفزيون دبي
ربنا يرحمنا من كل ده
محبتنا ليكي ياجميله
‏قال canary
المذيعه نشوى الروينى مش مذيعه ودكتورة مثلا . ومش أخباريه
دى يا دوب مذيعه منوعات وبرامج مرأة
وبرنامجها غير عابر للقارات مثلا

الاخ المحامى هو فى الاصل شخص متعصب فلا يأخذ برأيه او بكلماته سواء على خطأ او صواب لأنه من البدء أوضح تحيزة لطرف على حساب الاخر

امارة دبى يحكمها أمير /محمد بن راشد ال مكتوم وهو ليس رئيس وهى ليست امارة يفتخر بها على اى حال

زغلول النجار هو عالم احب ان يرفع من شأن الدين من خلال أقرانه بالعلم غير عالم رغم علمه ان النظريات تتغير وما يصح اليوم يتبدل غدا بينما الدين هو منهاج لكل العصور
فقل من شأن نفسه وشأن دينه
‏قال غير معرف…
طبعا الكلام دة تهريج ومايدخلش دماغ عيل صغير
بس انا مش موافق على اخر سطر التراث عمره ابدا مايعيق التقدم بالعكس ممكن يكون قاعدة ضخمة نبني عليها مستقبلنا
لكن مشكلتنا اننا وقفنا عنده مش بس كدة لاء احنا مش فاهمينه كمان
- اغلب البرامج دي بتكون لمجرد تجميع الناس لكسب الأعلانات وزيادة اسعارها فقط مالهاش دعوة لا بالطب ولا الدين
‏قال صوت من مصر
قولتها كتير كل واحد له دينه وكل واحد له علاتقه بربنا ان كانت كويسه او حلوه فلا نجعل الدين ستار وراء اعمالنا واشغالنا وسلطتنا
وانا مكنش نفسى ابقى من سرايا الحكومه بالعكس بس بشوف وبقول مش بسكت
تحياتى
‏قال غير معرف…
كيف يحدث هذا فى تيلفزيون دبى
سؤال وجيه
وكيف تفرد صحيفه شبه رسميه فى مصر صفحات كامله للشيخ زغلول؟
الموضوع ببساطه هو انه وسط ثورة الأتصالات وتعدد القنوات بشكل غير مسبوقتحاول كل وسيلة اعلام جذب اكبر عدد ممكن من الجمهور
والقائمين على هذه الوسائل يدغدغون عواطف الناس او اغلبية الناس الساحقه ...عواطفهم الدينيه ..بان يلعبوا هم ايضا لعبة الخلط بين هذا الهراء والدين الصحيح
بعباره اخرى هو تملق رخيص غير مسؤول ولا يابه بالنتائج لعواطف البسطاء وهم اغلب الناس فى العالم العربى لللأسف الذين لم يتعودوا التفكير المنطقى ويخشون الأقتراب او انتقاد اى بضاعه تقدم لهم مغلفه بغلاف دينى حتى ولو كان غلافا زائفا
سواء كانت هذه البضاعه سياسه او دجل يتمسح فى العلم
‏قال غير معرف…
وهذا يذكرنا بواقعه تاريخيه قديمه
رشح استاذ الجيل ...احمد لطفى السيد باشا....هكذا كان يسمى لأنه اول من تولى رئاسة جامعة القاهره...رشح نفسه للبرلمان...واشاع عنه خصومه انه مؤلف كتب عن الديمقراطيه ويؤمن ايمانا عميقا بالديمقراطيه
ونحجت خطتهم فى استغلال عقول البسطاء...فقد قال الناس وقتها...ديمقراطى؟ يعنى مش مسلم
وسقط استاذ عظيم فى الأنتخابات
‏قال غير معرف…
ووسائل الأعلام لا تتردد فى عمل اى شىء لجذب الجمهور
ومثال ذلك الأستعانه بممثله لتقديم البرنامج وليس بمذيعه محترفه تستطيع ان تناقش لا ان تهلل وتنبهر بما قيل فى البرنامج
الأستعانه بممثله اشتهرت بادوار كوميديه خفيفه هو فى نظر القائمين على هذه الوسائل احد اساليب جذب الجمهور ولا يهم المضمون للأسف
ول الضرر الذى تحدثه مثل هذه البرامج
‏قال غير معرف…
اما بالنسبه للأهرام
فقد بدات فى نشر هذا الدجل تحت مسمى الأعجاز فى فترة النهب المنظم للمؤسسه وتجريفها
وكما يحدث عندما يقيم تجار المخدرات او بعض الراقصات موائد رحمن فى رمضان للتغطيه وغسيل اموالهم بمظهر يتمسح فى الدين
ولعلمهم بقوة العاطفه الدينيه عند الناس
‏قال غير معرف…
...وكما حرص هشام طلعت مصطفى فى اولى جلسات محاكمته لتحريضه على جريمة قتل بشعه..حرصه على امساكه بمسبحه ورده على القاضى بعباره دينيه هى حسبى الله ونعم الوكيل
عندما قال له انت متهم بالتحريض على قتل سوزان تميم...تمثيل فى ثمثيل ومحاوله لكسب عطف الناس...الم اقل لكم اننا كاننا نعيش فى كواليس مسلسل تيلفزيونى يجرى تصويره والممثلون كل يرتدى ملابس الدور...ولا شىء حقيقى...والناس عودوها ان لا تميز بين الخيال والواقع
‏قال غير معرف…
نحن فى حاجه ماسه لأن نفيق من هذه الغيبوبه
غيبوبه ولكنها صاخبه عالية الصوت وعرضها مستمر بالصوت والصوره
لقد طلبنا من فرسان الدجل تحتمسمى الأعجاز طلبا بسيطا
فى العلم لا تزال هناك اسئله لم يحد لها العلماء اجابات
فهل لديهم فى النصوص اى اجابات لها؟
وقبل ان يكتشف الأخرون هذه الأجابات؟
نريد اجابات الآن وليس بعد ان يكتشف الشىء فنتعسف ونلوى الكلمات لنستخرجه منها؟
هذا هو الأختبار ان كانوا صادقين
وانشروا هذا الطلب يااخوانى فى كل مكان وانتظروا ماذا سيقولون
‏قال غير معرف…
ليقولوا لنا مثلا من واقع النصوص سر قوة الجاذبيه التى تحير العلماء حتى الآن
لبقولوا لنا سر الماده غير المرئيه فى الكون

DARK MATTER
ليقولوا لنا
شيئا عن الثقوب السوداء المذهله فى الكون بكل ما يجيط بها من غموض
ليقولوا لنا كيف تظهر الأشياء تلقائيا فى الكون حسب نظرية ميكانيكا الكم فى الفيزياء المتقدمه
وغيرها وغيرها ...الكثير
لو استطاعوا الأجابه ولو على سؤال واحد قبل وليس بعد ظهور اى اكتشاف لصدقناهم وكنا نحن الكاذبين
‏قال Desert cat
اولا حضرتك شرفتنى بالزيارة
ثانيا هو اللى يقول هراءات كما رايت فى المقال يبقى عالم ازاى ؟؟؟
ثالثا : لما هى مش راقية يفد اليها المصرين وهناك العديد مازال يحلم بفرصه عمل فى دبى ليه ؟؟
طيب ومن يقوم بتشييد أول فندق تحت الماء في العالم يبقى ايه ؟؟
‏قال Desert cat
بنت مصريه
استشهدتى بجزء من آية قرآنية " فيه شفاء للناس
هو حضرتك مش حافظة الآية الكاملة ولا اقتصيتى ما يناسب هواكى ؟؟
طيب اعرفك انا بيها بفرض انك مش حفظاها
" ثم كلى من كل الثمرات فاسلكى سبل ربك ذللا يخرج من بطونها شراب مختلف ألوانه فيه شفاء للناس إن فى ذلك لآية لقوم يتفكرون " صدق الله العظيم
انتى عارفه المقصود هنا ايه
عسل النحل
ربنا بيتكلم فى الآية على عسل النحل مش على القرآن ولا العلاج الروحى ولا العضوى اللى حضرتك مش عارفاه
ثانى حاجه لما تسمعى هراءات وتجديها على لسان بهلوان سبق ونزع قدسية كلام ربنا وقارنه بابحاث علمية متغيرة
يبقى وقتها تروحى توجهى له الكلام ده
بتقولى الانجيل دلوقتى محرف
وهل تحفظين الانجيل الذى انزل على عيسى بن مريم علشان تقولى الإنجيل ده محرف
ما أنا اقدر اقول القرآن محرف لأنه تم جمعه بعد وفاة الرسول ومكانش عليه نقط مش يمكن حصل لخبطة وتم اضافة نقطة فى موضع مكان الاخر ؟؟

شرفتى
‏قال Desert cat
بسيوني
ننتظر مناقشة العقليس السباب والارهاب الفكرى
اتقد المقال فند احداث حصلت
ترد عليها بطريقة علمية وتشتهد بحقائق على الاقل تفحمنى وتفحم الكاتب
لكن السب والشتم حجة من لا يملك الحجة
زغلول الفشار لو بيعرف يحترم نفسه صدقنى هكون اول اللى يحترموه
‏قال Desert cat
mUsLiM

والله الكاتب ذكر اسم البرنامج والوقت والمعاد ومقدمين البرنامج يعنى عنده حجته ودليلة
انما تيجى تقول اشكك يبقى فى المقابل المفروض يكون فى دليل شكك
انما كلام بدون سند لا يعتد به
زغلول النجار حاصل على شهادات دكتوراة فى الرقية الشرعية ياترى انهى جامعة دى اللى بتدى شهادات دكتوراة فيها
‏قال Unknown
الأخ muslim :

الكلام المنقول صحيح بشهادة الموقع الرسمي للدكتور زغلول النجار:

http://www.elnaggarzr.com/?l=ar&id=247&pid=48

http://www.elnaggarzr.com/print.php?l=ar&id=1380&cat=49

مع أطيب تمنياتي بالتوفيق للبشمهندس المخترع ومشروعه يتطبق علي نطاق واسع، ساعتها ممكن جهازه يتركب علي خلاط المياه اللي في المطبخ (عشان حرام نحطه في الحمام)، ويبقي عندنا تلات مخارج للمياه: ميه سخنة - ميه ساقعة - ميه بالبركة.
‏قال Desert cat
Anonymous
اعتقد انها رسالة موجهه
وتحمل بين السطور درس يستافد منه
لمن يستطيع التمييز طبعا
:)
تحياتى
الكلام فى الموضوع ده تحديدا صعب ..معظم المسلمين يسلمون بكل ماله علاقة بكلام الله وكتابه ..
واذا قيل ان بعض آيات القرآن فيها شفاء للناس فهذا محتمل وقد يكون الشفاء معنوى وليس عضوى
عموما حكاية اذاعة القرآن على خزانات مياه الشرب فيها شئ من المبالغة والحذر كل الحذر من التمادى

رحم الله علمائنا من التمادى والافراط فى فتاواهم
‏قال غير معرف…
بادره اراها مشجعه ختى لو كانت تهرب من مواجهة الواقع الأليم بجيله نفسيه معروفه وهى التشكيك فى القصه او ناقلها او كاتبتها
بارقة امل لأن التشكيك ينكوى ايضا على استهوال ما قيل...ورفضه
وبالتالى محاولة عدم تصديقه باى شكل
مع انه كما ذكر منشور فى موقع الشيخ العلامه الرسمى
ثانيا
العلمانيه هى استخدام العقل الذى ميز به الله الأنسان عن الحيوان
الذى ينقاد لمن يجره دون تفكير
وليس فيها اشخاص فوق النقد ...فابالتفكير والنقد تتقدم المعرفه والأمم
اما عالم الحيوان فلا يتغير لأنه ينقاد بلا تفكير لمن يجره
‏قال اقصوصه
ما اعرف بشو اعلق!!
‏قال Desert cat
مفكر يحترم عقله
إنها لاعادات الإجتماعيةالبالية التى أكل الدهر عليها وشرب
ولكن مازالت بعض الاذهان تحتفظ بها وكأنهم لا يعوا ان الزمن يتطور والعالم فى تقدم
كذلك المتبع فى كل من يسير ماسك بالسبحة لتجده يحرك حباتها بين اطراف اصابعه ويحرك شفتيه ولا تدرى هل يذكر الله ام يتذكر مواعيد ليكون على الفور الحاج البركة اللى لازم كل اللى يشوفه يوطى على ايده يبوسها حتى وان كان حج الى جبل عتاقه
هكذا الموروث الثقافى والخزعبلات المنتشرة انتشار النار فى الهشيم اعتمادا على ذبيبة ومذيعة او ممثلة المهم يكون لها جمهور
‏قال Desert cat
Anonymous
وهو انا جيت جنب العلماء
حاشا لله
انا بتكلم على الخرافات والخزعبلات
‏قال Desert cat
Dear Sherif

وهل لنا يا سيدى الفاضل ان يكون لنا راى ونتحدث بعد كلام العلماء
ففضيلة الشيخ العلامة هيجيب كام مقرئ محصنين حسنى الصوت ولهم القدرة على الترتيل والتجويد ليقرؤا القرآن على المصبات المائية فى بلاد المسلمين لتحل البركة والصحة ولا نحتاج لابحاث وادوية وعقاقير الغرب الكافر لعنهم الله

مودتى واحترامى
‏قال سراج
أولاً إلتقاط موفق.. وثانياً: أود أن أُضيف إلى أن مثل هذه البرامج تعمل لغرض أستقطاب المشاهدين لعلمهم أن هناك شريحة واسعة من الناس تستهويها مثل هذه البرامج، وطبعا هناك من هو سيستفيد من مثل هذه البرامج، بأي وجه من الأوجه، اما عن المضار التي ذكرتيها فأتفق معك في الرأي.. أتمنى لكم التوفيق
‏قال Desert cat
عمر
طيب الحمد لله يا عمر انك فهمتنى شوية
ربنا يستر بقى من اللى جاى مش عارفين اخرتهم معانا ايه
شرفتنى جدا
‏قال Desert cat
اجندا حمرا +Heart Beat
ماهما يا حبيبتى جاهزين بالردود لو اتناقشتى يقولوك لا جدال فى الدين
يعنى بيقفل عليكى الكلام قبل ما تفكرى تتكلمى لسبب بسيط جدا انه لا يملك منطقية الرد على كلامك
هذا هو الحال فى اختراع المهندس العبقرى وزغلول
شرفتينى يا جميلة
‏قال Desert cat
canary
ايا كان المضيف يا جميلة مذيعه فنانة حتى لو كانت فيفى عبده اللى مستضيفاه المهم انه كلام ادلى بيه لان اعتقد عو مش هيغير كلامه فان كان مذيع يدلى بكلام وان كان فنان يدلى بكلام اخر

هو فى البداية مهندس مش محامى
ولو متعصب مش من باب اولى زغلول يقومه ويثنيه على تعصبه على الاقل يكون قدوة للمسلمين ومراية لغير المسلمين ؟؟

امارة يحكمها امير وليس رئيس تفتكرى امير من عائلة مالكة ينفع يقارن برئيس يكفيه انه مش مبهدل شعبه ومغربه الشاب اللى مش بيشتغل ليه مرتب شهرى مش واقف على النواصى يتحرش ثم الامارة التى لا يفتخر بيها حطيها فى مقارنة حاليا مع مصر وشوفى انهى المدعاة للفخر
اللى كل يوم بتتحرق حتة حتة وانهيار عشوائيات وشبابنا اللى فاضحينا فى حوادث التحرشات
حتى لو حاكمها امير وليس رئيس ترتقى بنفسها فى جميع المجالات منها الاتصالات والانشاءات ويكفى انها مأوى المصريين اللى طردتهم مصر خارج رحمها

حضرتك تقريبا وصفتى زغلول فى اخر سطر بالظبط
لأن هذا ما يفلعه منذ بداية نشره فى الاهرام فزغلول وليس غيره من يربط القرآن بالابحاث العلمية المتغيرة
عند اكتشاف اى عالم من الغرب تجديه يظهر ويهلل والله اكبر موجود عندنا فى القرآن من 1400 سنة طيب مش اخترعت انت ليه يا زغلول من 1400 سنة واستنيت اكتشافات الغرب وتلاقى بعدها بايام اجرى عالم اخر ابحاثه لتستحدث نظريات اخرى ليجعل الدين ككل فى موضع شك

شرفتى كنارى
‏قال Desert cat
مصطفي ريان
المشكلة مش فى البرنامج المشكلة فى الضيف اللى ادلى بهراءات فى البرنامج
هل هو كمان عايز يستقطب الناس ؟؟؟
ولا بيقول الكلام العبيط ده بناء على ايه ؟؟
لا هو بيقدم بحث علمى ولا عقار شافى ده بيقدم خرافة تضحك علينا العالم كله
تحياتى
‏قال a
شوفي يا سيدتي
1-
لا يوجد على ارض الواقع شيئ اسمه اعجاز القران, ولكن هنالك شي اسمه معجزات الله التي تكلم عنها الله في كل كتبه السماوية كمثل عصا موسى التي شق بواسطتها ماء البحر, فما شان القران بذلك؟ . وما شان التوراة بذلك؟ . ورغم انها وردت بالتوراة قبل القران , وما علاقة موسى في ان شق البحر بعصاه؟ هذا فقط اعجاز الله وعدا عن ذلك فهو تخريف

2-
لا احد يقرا القران بانجليزي او الاسباني ومن يحاول فسيجد انه محرف

فما هي قصة تحريف الانجيل؟
لقد تمت كتابة الانجيل بعدة لغات وليست بلغة واحدة ومن ثم تمت ترجمة كل الاسسفار الى باقي اللغات وهذا يتوجب ايجاد مرادفات قريبة من المعنى الاصلي كما في ترجمات القران

سيدنا يسوع المسيح ابن مريم هو من اصل يهودي وكان يتكلم اللغة الارامية السائدة في قومه وفي باقي الشعوب كلغة عالمية مثل الانجليزي اليوم واما تلاميذه فكانو من عدة شعوب مثل اليونان والرومان وغيرهم وكل من كتب منهم سفرا فقد كتبه بلغته ومن ثم تمت ترجمته الى لغات اخرى واحيان تمت الترجمة عن نسخ مترجمة

وهكذا تكونت البدع عند العرب عن تحريف التوراة والانجيل وحتى بين المسيحيين العرب يوجد مناقشات على اي نسخة هي الاصل

اذا كان الانجيل محرف فابحثو عن ترجمات القران فستجدونها محرفة في اي لغة تجيدونها بطلاقة

سيبك من الكلام الفارغ اللي بيتهمو فيه الاجيل والتوراة واليهود علشان من اصلو مش فاهمين القران

3-
تباع الزجاجات الطبية في دول وشعوب عديدة في العالم باسعار عالية بعد ملئها من الحنفية ومن ثم ايجاد مجتمع يمكن بيعه ما يحتاج له نفسيا ومهيا له نفسيا ولكن لم يتم قراة ولا حتى بيت شعر عليها

4-
كم شيخ وقف على حافة النيل وقرا كل القران؟
فلماذا يوجد مرضى في مصر؟

يعني لا يوجد شيئ اسمه قرائة كل القران ليتم الشفاء لان فيه لعنات اقوى من القنابل,,, فهل سيحدث شفاء مع ايات فيها لعنات؟

ربنا يشفي عقوله بالاول الي بسلمو في كل حاجة كبديهية علشان ايه؟ وليس لها علاقة بالاسلام ولا القران

طيب فين العيادات القرانية؟
واين العيادات الاسلامية؟

قطيعة تقطع الغباء
اصلو مرض معدي وليس له شفاء

6-
يوجد ايات او اشياء في القران فيها شفاء لاشياء محددة وليس كل القران وايضا فلانجيل والتوراة والديانات الصينية والهندوسية ايت واشياء محددة لشفاء امراض محددة ويوجد عيادات صينية معترف فيها عالميا بعد تجربتها بانها شافية وبديلة للطب الحديث وتسمى الطب البديل

لكن لا يوجد ايات شفاء قرانية يمكن وضعها تحت التجربة والتي اعرف بعضها والمسالة ليست غامضة لانه يوجد اشيا مطورة ومعروفة عند الصينيين وهي ليست غامضة

افتحو عينيكو وحتشوفو ان الحضارات السي سبقتنا هي اوجدت العلوم ولم يسرقها منا احد, بل نحن سرقناها او ترجمناها

ربنا يسهل وربنا يشفي
‏قال Desert cat
صوت من مصر
طبعا كلامك صح بس هتعمل ايه بقى العقول
بالنسبة لسؤالى ده كان مزحة يا كبير
هو انت زعلت ولا ايه
مش كان قصدى حاجه صدقنى
تحياتى
‏قال Desert cat
مفكر يحترم عقله وعقل القراء
ارى اننا بهذا السباق الاعلامى نعود الى عصور الظلام التى عانت فيها اوربا من التخلف والجهل بسرعه الصاروخ
فالاهرام تنشر لزيادة المبيعات والفضايئات تعرض لاستقطاب المشاهد ويتوه فى المنتصف من يسلم فكرة للدجالين
مودتى
‏قال Desert cat
مفكر يحترم عقله وعقل القراء
هههههههههه
حقيقى شر البلية ما يضحك
‏قال Desert cat
مفكر يخترم عقله وعقل القراء من المفترض وجود الفنانة التى من الواضح من خلال المقال انها لا تملك من الثقافة الا اليسير يكون اكبر علامة على ان جميع ما جاء فى البرنامج عبارة عن هراء
لا يمت للعقل بصلة
‏قال Desert cat
مفكر يحترم عقله وعقل القارىء
تعجبت حقا من السبحة التى امسك بها هشام طلعت اثناء المحاكمة ورده على القاضى بحسبى الله ونعم الوكيل
وفى التو حضر فى ذهنى محاكمة تامر حسنى وهو ممسكا بالمصحف ويخرجه من خلف قضبان القفص الحديدى فى المحكمة ليعلم الجميع انه رجل تقى وتصريحاته التى كانت تتردد دائما بان تامر ختم القرا باكمله داخل السجن
وهل يعفى القران والسبحة من عقوبة التزوير او التحريض على القتل
لكن مش بعيد نلاقى مظاهرات تطلب ببرائه هشام وصورة تملأ الميادين وحشتنا يا اتش مثل التى حدثت فى محاكمة تامر
مودتى
‏قال Desert cat
مفكر يخترم عقله وعقل القراء
اسئلة قوية جدا
واجد نفسى ارددها خلفك
‏قال Desert cat
Anonymous
الاسئلة تفضلت حضرتك وطرحتها
ونتقابل بعد 100 سنة ربنا يحيينا وييحهم ان عرفوا الاجابة من تلقاء نفسهم وليس بعد نتاج دراسات وابحاث علمية لعلماء حقيقيين
‏قال Desert cat
أحمد علي
ميرسى يا احمد على اللينكات
على الاقل الاستاذ مصعب يقطع الشك باللنكات
بالنسبة للمهندس ربنا يقوية ويخترع لنا حاجة تعطينا قوة دافعة مركزية بالرقية الشرعية

مودتى
‏قال Desert cat
وميض ابتسامة
جميعنا نقول الحذر ولكن من يعى يا استاذى
ومن يحذر
بعض الايات فيها شفاء للناس ولكن هل ذكر فى القرآن ان مثلا الاية فى سورة البقرة او ىل عمران اوى اى سورة فى القرآن فيها شفاء من السرطان او الفيرس الكبدى

ليت القوم يفقهون

مودتى واحترامى
‏قال Desert cat
مفكر يخترم عقله وعقل القراء
من يساورة الشك والريبة فى شيئ ما اى انه يقع بين الصح والخطأ فإن أتى بأدلتة التى تقطع شكة باليقين اعتبره محق وانما شك لمجرد الاعتراض فقط دون دليل لمواجهه ما يشك فيه فان شكه يقع باطل
وهذا بالفعل ما حدث
فوقع بطلان شك الاستاذ مسلم باللنكات التى تفضل بها الاستاذ احمد من موقع الحاج زغلول
‏قال Desert cat
اقصوصه
مش مهم تعلقى
المهم انك نورتى
‏قال Desert cat
سراج
اعتقد ان من سيستفيد من البرنامج القناة والعاملين بها
اما من يصيبه الضرر فالمتبع لمثل هذا السخف
اشكر لك حضورك جدا
دمتى بود
‏قال Desert cat
oasis in the desert
1- انا متفقه معاكى فيها جدا ودى النقطة اللى بهاتى فيها من سنين

2- يا سيدتى انا شخصيا لا اعترف بمثل هذا الكلام من تحريف الانجيل وخلافه فدائما المتشدقى بهذه الجملة لا يفقهون من القرآن اليسير ولكنهم يرددوا كلمة تحريف الانجيل لإدعاء علمهم ببواطن الامور وانهم علماء جل على الجميع التصديق
4- ما تقوليه من الزجاجية المليئة من الحنفية فهذا يكون بالايحاء
ذهب يشترى زجاجة مياة بها ماء الورد وربما تكون بها مياة من النهر المجاور ولكن لان فى خياله ان هذا الماء يسمى ماء ورد سيعمل على تفتيح لون البشر اذن فهو ذاك

5- يوجد دجالين يستخدموا القرآن فى اعمالهم السحرية فتجدى من يقول الشيخ فلان صاحب كرامات ويعالج بالقران يفك عقدة العانس واللى عايز يخلف وكله بالقران فلا العانس بتتجوز ولا العاقر بتولد ولا سابوا القرآن بقدسيته

6- نحن فى ظل العقول المتحجرة التى تعود بنا الى الخلف مئات السنين اقدر اقولك اننا اقتربنا وبشدة من العصور الوسطى
فلا عزاء للعرب
ودعى الغرب يبتكروا ويكتشفوا ودعى العرب فى جهلهم يعمهون

شرفتينى
‏قال غير معرف…
اول فيلم من داخل الجلسه الأولى لمحاكمة قاتلى سوزان تميم شاهدته
فى المدونه التاليه
netonradio.blogspot.com
‏قال أسماء علي
ماشاء الله

أنا اللي أعرفه إن القرآن للقراءة والفهم والعظة

يعني المفروض نقراه ونفكر لكن مش نفضل نقول نشغله على الميه والميه تبقى مباركة والكلام ده

يارب رحمتك ..
‏قال Abu Shahin
هو اللى احنا فيه ده من شوية

المشكلة فعلا ان الناس فرحانة ومبسوطة وسعيدة جدا بالاختراعا ت العظيمة دى
‏قال mUsLiM
هذا هو مشوار الدكتور زغلول النجار العلمى لمن أراد أن يستفيد

تخرج من كلية العلوم بتقدير امتياز مع مرتبة الشرف

حصل على جائزة مصطفى بركه للعلوم وكان أول الحاصلين عليها

شارك فى تأسيس قسم الجيولوجيا بجامعة الملك سعود

حصل على الماجستير من جامعة عين شمس

حصل على الدكتوراه من جامعة ويلز فى أقل من سنتين

كما حصل على زمالة جامعة ويلز بعد ذلك

وقد نشر المتحف البريطانى رسالة الدكتوراه الخاصه به بعد ذلك بثلاث سنوات

حصل على منحة روبرتسون للأبحاث فيما بعد الدكتوراه وهى من المنح الكبيره فى بريطانيا

عمل مستشارا علميا لمؤسسة روبرتسون للأبحاث فى بريطانيا

هذه انجازات الدكتور حتى عام 1966 ميلاديا فقــط

وحقق أضعافها حتى الآن

ولكن لا داعى للإطاله

والله من وراء القصد

السلام عليكم
‏قال Desert cat
Anonymous
دائما بالفعل هذه المدونة تاتى بكل ما هو جديد
شرفت/ينى
‏قال Desert cat
د\أسماء علي
دكتورتنا القمر
اه ماهو ده الاعجاز العلمى
اللى الدكاترة مش يعرفوه
يعنى انت بعد المية دى ما يتقرى عليها قرآن تقدمى استقالتك فى المستشفى وتقطعى الشهادة بتاعتك وتروحى تشتغلى دجالة
هتكسب دهب صدقينى
:)
‏قال Desert cat
Abu Shahin
الناس مغيبة
قاعدة تسقف وتهلل والمشكلة ان فى ناس فهمها على ادها وبتصدق فعلا وممكن تتقطع عن العلاج
ربنا يشفى
آمين
:)
شرفتنى احمد
‏قال Desert cat
mUsLiM
اولا كل الحاجات اللى حضرتك ذكرتها لا علاقة ليها بالفقة ولا الشريعه يعنى علوم دنيوية واحب ازيدك من الابيات شعر عليها
بعد تخرج زغلول من كلية العلوم بجامعة القاهره تم رفض تعيينه كمعيد فيها
وبعدها اشتغل فى مناجم الفوسفات فى وادى النيل وايضا تم فصله منها
علاقته بالعلوم الدينية لا تزيد على اتمامه حفظ القرآن فى صباه واقتصر على مجال الجيولوجيا ..
إذن عندما يهم ليخلط الدين بالعلوم الدينية اليس يسمى هذا انه يفتى بدون علم ؟؟؟
وما علاقة مزج الدين والقرآن المقدس بابحاث علمية متغيرة ؟؟
واى خبل صور اليه انه عالم ورائد فى استنباط الاعجاز العلمى فى القرآن وايضا يحضرنى سؤال ان حضرتك فى البداية كنت محتاج تتاكد ان زغلول قال الكلام ده
ولما اتاكدت روحت تجيب لنا الشهادت بتاعته
طيب وجايبها منين مش من الموقع بتاعه
ما يكتب بقى اللى هو عايزة
هو حد هيقوله ورينى اصل الشهادات بتاعتك
ما انت او اى حد يقدر من الصبح يعمل موقع ويكتب فيه واخد دكتوراه من مدغشر
‏قال بنت مصريه
ديزرت كات
انتى ليه اخدتى كلامى هجوم عليكى انا بشرح وجهه نظرى
وانا عارفه الايه اللى انتى بتتكلمى عليها دى فيه ايه تانيه عن العلاج بالقرءان
امال تفسرى منين سنه الرسول عن الرقيه الشرعيه
فهى صور من القرءان

اما بالنسبه للانجيل فهذا مش كلامى
هذا كلام الله فيه كتابه الكريم
انهم حرفوا كلام الله اى الانجيل من بعد ما عقلوه
ليشتروا به ثمنا قليلا

وان الله يقول ان الدين عند الله الاسلام

وهسألك سؤال يخليكى انتى اللى تعرفى ان الانجيل محرف

هل سيدنا عيسى ابن الله

ارجو الاجابه وعدم الهجوم لمجرد ان كلامى يخالف وجهه نظرك
دمتى صديقه
‏قال بنت مصريه
ممكن اعرف حضرتك ديانتك ايه
لان مفيش واحده مسلمه تقول ان القرءان محرف
امال ازاى مؤمنه بيه وبالاسلام وبالله

انا لاحظت ردك على تعليق دكتوره اسماء
بتقوليلها اقفلى العياده واشتغلى دجاله

ما علاقه الدجل بقراءه القرءان

مع العلم انى لا اتحدث عن اختراع قراءه القرءان على خزانات المياه
لانى لا اعرف هذا الموضوع يحتاج الى فتوى من دار الافتاء

ولكن اتحدث بصوره عامه عن العلاج بالقرءان
فربما يكون علاج جسدى او علاج روحى الله اعلم
ولكن هذا ما اوصانا به رسول الله
لذلك علمنا الرقيه الشرعيه

ولكن الله ورسوله اوصونا ايضا بالاخذ بالاسباب
فلا يجب ان نقطع العلاج

ولكن ان قال الاطباء ان هذا المرض لا علاج له
فنحن فى انتظار معجزه
تكمن هذه المعجزه فى كلمات الله تبارك وتعالى
قد تكون هذه المعجزه بالسكينه والراحه النفسيه والاطمئنان
وقد تكون بالشفاء الكامل من المرض
والله وحده اعلم
‏قال غير معرف…
يا قطة الصحراء بعد التحية
لما أكتب حاجة بتكوني انتي المشجعة الأساسية لي بتعليقات اللي بتكمل الرأي وبتضيف لمسة سخرية تايهة مني علشان الناس المغيبة تفوق من الخمور المغشوشة اللي بتشربها
تحياتي يا محترمة ومتشكرين انك بتنزلي حاجاتي عندك
أيمن
‏قال Desert cat
بنت مصريه
انا كلامى مش هجوم اطلاقا انا بس برد بنفس الطريقة اللى بيتكلم بيها الشخص
يعنى انتى هتلاقى ناس كتير غيرك معارضانى وباسلوب مختلف عن اسلوبك وبالتالى انا بتبع نفس طريقة الشخص فى الكتابة كونك حسيته هجوم يبقى انتى كاتبة ردك بقصد الهجوم علشان كدا استشعرتى هجومى لما رديت عليكى لانها نفس اسلوبك يا جميل
حضرتك قولتى ان فى سورة فى القرآن فيها التداوى بالقرآن دون ذكر سورة واحدة من 114 سورة فكان من الاولى التحديد ولا تتركى الامر عائم الا اذا كنتى تقصدى هذا لأنه بالتأكيد إدعاء فلا يوجد فى القرآن ما يسمى التداوى بالقرآن .. ربنا سبحانه حث على التعلم والتقدم .. ومن ابسط حقوق الانسان على نفسه الاطلاع واحترام عقله ولا يسلمه للخزعبلات التى يسمعها من تجار الدين
بالنسبة للإنجيل
فربنا سبحانه وتعالى قال ان هذا لفى الصحف الاولى صحف ابراهيم وموسى
هو ربنا هيناقض نفسه يستشهد بالصحف الاولى ثم يرجع ينفيها تانى ؟؟؟
.. وقد تفضلت الاخت واحة فى الصحراء وشرحت لحضرتك ما حدث للانجيل هو ترجمته بلغات مختلفة
وبالتالى كل لغة وليها اختلاف فى نطقها
واتفضلى حضرتك وترجمى القرآن للفرنسية او الالمانية او الانجليزية اى لغة تحبيها وشوفى نقطه هيكون ازاى ؟؟

حضرتك بتقولى ان الدين عند الله الاسلام ؟؟
طيب ما ربنا قال برضه على اليهود شعب الله المختار .. هل ده مش يجعلهم مميزين ؟؟
ثم هو حضرتك عارفة يعنى مسلم ؟؟؟
المسلم هو من سلم المسلمون من لسانه ويده
الاسلام يعنى الامان والطمأنينة وبصراحة الصفات دى متوفرة فى غير المسلمين اكتر من المسلمين نفسهم

انتى عارفة معنى كلمة ابن الله يعنى ايه اصلا ؟؟؟
حفهمك .. ابن الله ليس بالمفهوم اللى فى عقلك وانما المقصود منها علاقة روحية
وهرد عليكى بكلام ربنا ومن القرآن مش من الانجيل
"إذ قال الله يا عيسى ابن مريم اذكر نعمتي عليك وعلى والدتك إذ أيدتك بروح القدس تكلم الناس في المهد وكهلاً وإذ علمتك الكتاب والحكمة والتوراة والإنجيل. وإذ تخلق من الطين كهيئة الطير بإذني فتنفخ فيها فتكون طيراً بإذني وتبرئ الأكمه والأبرص بإذني وإذ تخرج الموتى بإذني)
صدق الله العظيم
ثم تعالى هنا
هو ليه ربنا ذكر مريم ابنة عمران فى القرآن ولم يذكر اى انثى غيرها ولا حتى زوجات الرسول ؟؟؟
هكرر ردى عليكى
انا دائما برد بنفس طريقة الشخص اللى بيتكلم
يعنى عندما تشعرين من الطرف الاخر ايا كان انه بيهاجمك يبقى حضرتك بنيتى منطقك بناء على ردك انتى لانك من قصدتى المهاجمة
تحياتى
‏قال Desert cat
بنت مصريه
لاء مش ممكن تعرفى ديانتى ايه
لأن الدين علاقة روحية بينى وبين ربنا ومش من حقك انتى او غيرك يسالنى
انتى بتقولى انا قولت القرآن محرف ممكن الجملة اللى قولت فيها القرآن محرف ؟؟؟
ولما اقول للدكتورة اسماء اقفلى العيادة وروحى اشتغلى دجالة يبقى كد بقول على القرآن محرف
ههههههههههههه
وجاية تقولى بتردى بهجوم
هو اللى بيقول واحد كلام هو مش قاله ده يبقى اسمه ايه ؟؟؟؟
ثم بالفعل فى دجالين كتير بيستخدموا القرآن فى استقطاب الزباين
يعنى عمرك ما سمعتى ان فى دجال بيقول على نفسه انه بيفك السحر بالقرآن ؟؟ثم حضرتك خرجتى من موضوع العلاج بالقرآن للرقية الشرعية
واذا كان الامر مثلما تعلمين كان المرضى وفروا نفقات العلاج واللى بيسافر للخارج يتعالج قعد فى بلده ووفر مجهود ومصاريف السفر وراح اشترى شريط كاسيت بخمسة جنيه وبالرقية الشريعه يتم شفائه مباشرة
تحياتى
‏قال Desert cat
أيمن رمزي نخلة
يا ايمون فخورة بيك جدا وبافكارك الجميلة .. وعقلك الواعى
اللى مفتقدينه فى كتير من شبابنا المغيب بعد انتشار الدجالين وتجار الدين
دمت بالف خير
مودتى
‏قال غير معرف…
ولما العلماء فى بلادنا مخهم نفاث كده امال مالنا عبارة عن امه من البربريين ليه؟
عارفة تفسيرهم لتخلفنا ايه؟ أمريكا
امريكا اللى الاشكال دى تروح تتعالج فيها سرا هي و اسرائيل
‏قال Desert cat
An Egyptian
تفسيرهم لتخلفنا امريكا وهما رمز ايه بقى
ناهيك كمان عن علاجهم فيها
ولادهم بيدرسوا هناك
وهما قاعدين طول النهار على المنبر الكافر اللى من صنع الغرب الكافر يلعنوا فيهم
اكل العيش بقى ولازم يواكب الموضة حسب ما الزبون عايز
عارفين ان فى دراويش حتهلل ليهم
‏قال غير معرف…
اللى اعرفه ان د.زغلول النجار تخصص جيولوجيا وسافر الخارج لما فشل حول على القران وممعجزاته وغمز ولمز للاخوه المسيحيين يا اخونا ارحمونا من هذا الوش والبلد عايز ينها تولع .......
‏قال Desert cat
Anonymous
والمغيبين بيصدقوا الهجص

المشاركات الشائعة