شيعى ولا سنى

تعصب واتهامات ومهاترات ممن ينصبون انفسهم خلفاء لله فى الأرض
فبعد ان كانت الحرب على من يعتدى على الوطن او من يسلبنا الحرية
اصبحت الحرب تشن على المختلف فى الدين والعجب العجاب هو تقسيم المسلمين
السنى والشيعى والاخوانجى
وكل يسير وهو يظن انه الوحيد على صح والآخرين هم الخطأ بعينهم

هو من سيدخل الجنة لأنه يسير فى الطريق الصح والآخرين فسقة لابد من محاربتهم
ألا يعلم الرسل الجداد من يحملون بين ايديهم هداية الناس والا سبهم وسحقهم ان الدين علاقة روحانية بحتة بين الانسان وربه ؟؟
الا يقرأون فى كتاب الله ويعلمون إنه لا إكراه فى الدين ؟؟
ولكن كيف لابد من إظهار نفسه ولابد من اجتاذب الاضواء تجاهه
فهو صاحب الرساله التى لابد ان يبلغها سواء بالرضا او بالاجبار
وليتهم يثبتون على موقفهم
فكلا يتلون حسب الأهواء
طالعتنا الصحف خلال الايام الماضية بالحرب الضروس التى شنها القرضاوى على الشيعه بزعم كلامه ان ابنه قد تشيع
وكل يوم يلقى بيان وكل يوم حوار يهدد ويتوعد للشيعه
وتحذيرات عدة من خطر المد الشيعى
واليوم هو فى عناق حار مع مستشار خامنئي في افتتاح مؤتمر القدس
ياترى القرضاوى معانا ولا مع الناس التانيين ؟؟؟

Comments

ABOALI said…
المهم انتى مع مين يا قطة
ولا انتى ولا شيعى ولاسنى ولا اخوانى
اقولك خليكى فى الصحرا
يمكن تقابلى قط يعرفك
تحياتى


هو انتى ليه مبتظريش تعليقاتى
مع انى النت يا شيخة بيظهر مدونتك
romansy said…
الموضوع كبير كبير
شيعى ولا سنى ولا كردى ولا ايه
بقى لكل طائفه دين يمشوا عليه
طب ما ليهم حق يعملوا فينا اكتر من كده
طول ما احنا مختلفين
Desert cat said…
ABOALI
اقولك مش بنشر كومنتاتك ليه
لانها مش ليها علاقة بموضوع البوست اساسا حتى راجع كدا الكومنت بتاعك
Desert cat said…
romansy
صدقت يا رومانس الموضوع كبير كبير يعنى
طيب وبعدين هنفضل كدا على حسب الريح ما تودى الريح
مش المفروض كل واحد يخليه فى نفسه ويسيب الدين لله
مش غريبة الناس تتدخل فى علاقة بين ربنا والمخلوق
ABOALI said…
ماهو احنا فى بلد حر
مش ده هو شعارك
نشر التعليق واجب وان اختلف مع معنى البوست
الديمقراطيه بتقول كده
وانتى اكتر واحدة ليكى فكرى تحررورى
ولا ايه
خلى سلاحك قلمك
مش حفظ التعليق
وتظهرى ما تودى ولا تنشرى الاخر
حتى لو كان شيتمه
ممكن تاخدى حسنات
وتقولى الله يسمحك
ولا ايه
خربشه بسيطه
تحياتى
An Egyptian said…
هى العقلية بتاعة الناس اللى عايشة فى المنطقة كده يجدون اللذة فى التناحر و التقاتل و البحث بميكريسكوب عن الفروق لتوليد الحروب

و هايفضلوا كده
والله يا شيخة انا شاكة في النوايا
والله اعلم بالنوايا بس يعني دي تصرفات ناس عقلها في مخها؟
Sherif said…
ألا بالحق .. هو الرسول عليه السلام كان سنى ولاشيعى؟

ولامالكى ولاشافعى ولاحنبلى ولاحنفى؟

يعنى حاجات ناس بتألفها .. وناس تانية بتتقاتل عليها

موش شئ غريب؟
الحلال بين والحرام بين
والاسلام دين واضح وصريح ولايخضع لمذهب أو طائفة ما ايا كانت ..فالمذاهب مجرد اجتهادات قد يأخذ بها وقد تهمل
ولنا فى كتاب الله وسنته ما فيه الكفاية
ولا اريد التوغل اكثر من هذا فى حرب المذاهب والطوائف لانها بصراحة شئ مؤلم

تحياتى
حنان كنت عارف انك هتتحاملى على القرضاوى لكن انا مش هدافع عنه عشان لسه ما قريتش كل حيثيات الموضوع
لكن قريت النص الاصلى بتاع المصرى اليوم
وقتها ما كنش فى حاجة من الكلام ده خالص
لاثارة فتنة ولا حرب ضروس
هنقرا تانى وهنشوف
Rania said…
اعتقد انه مع الناس التانيين
بس هما مين الناس التانيين و مين احنا
احنا بقينا بنحارب بعض و بس
كل واحد زى ما قلتلى عايز يعمل نفسه صح
مع ان الصح معروف
و الحلال بين و الحرام بين
فمش لازم نخلق حروب من الهوا و بس
علشان اسماء تلمع

تحياتى
احتار عقلي قليلا يا قطة الصحراء
فالفرق بين التوعيه والفتنه هي اختيار طريق الصواب والدعوة له .. هذه هي التوعيه

اما الفتنه هي ان تلقي بالتهمة الي الجميع وتركهم يفعلوا ما يشاء .. انا اري انك فعلتي هذا

لانك لم تذكري لنا من هو الصح ومن هو الخطا !!!! صح ؟

سني ولا شيعي ولا اخوانجي ؟؟ طيب قوليلي من هو الصح عشان اقدر ارد عليكي

ارجوكي لا تكوني مثل البهائين المتخلفين
طلعوا قالوا المسلمين مش مؤمنين بالمسيحيين والمسيحيين مش مؤمنين بالمسلمين .. دا كلام ؟؟
انما ارادو الفتنه للصعود علي الجثث
شكرا وتقبلي تحياتي
بصى بقى .. فى البداية إحنا ديننا ده ليه اساسياته لو خرجت طائفة عنها تبقى لا تنتمى للإسلام أصلا

وده إللى عملوه الشيعة ، يعنى لما يسبوا فى بعض الصحابة تفتكرى هل ده من روح الإسلام؟

فيه حديث شريف مش متذكر نصه حاليا ، لكنه بيقول فيما معناه : إننا المسلمين هننقسم بضع وسبعين شعبة ، فئة واحدة بس منهم هى إللى هتنجو من الضلال


سيبك من تقسيم الشيعة والسنة والأكراد والكلام ده كله .. المهم إننا نكون مسلمين وبنأدى الفروض وبس

دمتى بكل الود ..تحياتى
قطتنا الجميله

شوفي ياقمر للأسف فيه ناس بتدي نفسها الحق انها تكفر غيرها بحجه انهم مختلفين عنهم
اللي بيحصل بين السنه و الشيعه هو نفسه اللي بيحصل بين جميع الطوائف المسيحيه
قريت ان بابا الفاتيكان يريد ان يوحد جميع طوائف المسيحيين و لكن هناك من يقف له بالمرصاد و يقول ان هذا مستحيل
عجبني برضه تعليق قريته علي موقع جريده كان الموضوع بيتكلم عن اللي بيتنصروا و ناس كتيره بتضايق من الموضوع ده فبيقولوا اشمعني التنصير حرام و الدعوه حلال؟و عندهم حق
بيدوا نفسهم حقوق و عايزين يمنعوها عن غيرهم طب ازاي؟
اديكي كمان شوفتي القرضاوي اللي عمال يقول كاني و ماني علي الشيعه و اهو صافح واحد من ايران و بحراره
تحسي ان كل ده تمثيل لاثاره الجدل و خلاص
تحياتي لموضوعاتك الجريئه ياقمرايه
طز فيكى said…
انتى بنى ادمة كلبة ولازم غصب عنك تقدمى اعتذار رسمى للإخوان
وإلا هعرفك من هنا ورايح يعنى ايه اخوان حشاشين يا جاموسة
السلام عليكم

فعلاًالتعصب بالشكل دا أمر سيئ ومرفوض
وبعدين حتى لو الواحد شايف إن مذهبه صح ومذهب غيره غلط فتمسكه بالأخلاق الكريمه في تعامله مع كل الناس هو أفضل وأبلغ بكتير من أي كلام أو فعل ممكن يؤذي بيه من إختلف معه
يعني الأفضل هو تطبيق مبدأ أن توقد شمعه خير من أن تلعن الظلام
والإنسان بخلقه الحسن يقدر يوقد شمعه تخلي الناس تحترمه وتحترم معتقداته
ودا أفضل بكتيم من إنه يهاجم أو يتفه من عقول الأخرين أو معتقداتهم أو أفعالهم
سوري نسيت أتكلم بخصوص الشيخ القرضاوي

أظن إنك فسرتي تصرفه غلط لأن في كلامه كان بيحذر الشيعه من إنهم يعملوا حملات تشييع في دول سنية وكذلك العكس بالعكس
أما عن العناق أو السلام مع مستشار خامنئي فدا أمر طبيعي وعادي لأن الإختلاف في الرأي أو المذهب لا يفسد للود قضيه .
ahmed_k said…
الشيخ الجليل يوسف القرضاوي مع الحق يا قطه
لو حضرتك تابعتي الموضوع كويس كنتي عرفتي أن هذا العناق تم في مؤتمر دعى إليه الشيخ القرضاوي
ولكن ليه رغم الهجوم السابق ؟
أجاوب لأنه بدأت أطراف خارجيه تستغل الخلاف لمصالح خاصه ولزغزغة الإستقرار في المنطقه مما يدعم موقف إحتلالهم للعراق ولصرف الأنظار عن أفعالهم
فكانت الحكمه تقتضي وأد الخلاف علنيا
حتى لا يستغل ضعاف العلم والمتشددين من المسلمين في أعمال عنف لا يعلم عواقبها إلا الله
ولكن أفعال الشيعه واضحه لكل ذو بصر سواء في العراق أو داخل إيران نفسها التي تحوي أكثر من 15مليون مواطن سني يعاملون أسوأ معامله
وفي حديثك قسمتي المسلمين إلى سنه وشيعه وإخوان
ليه هما الإخوان مذهب جديد ولا أيه ؟؟
على فكره الإخوان يعتبر حزب وليس عقيده أو مذهب فهم سنه أيضا ككل مسلمي مصر
وطائفة الإسماعيليه التي ذكرتيها في بحثك السابق أفاجأك وأقول لكي أنهم شيعه
بل يعدوا من أخطر الشيعه
وهم بالإضافه لطائفة النصيريه الشيعيه فقط المتفق على كونهم كفره دون كل أطياف الشيعه
الموضوع كبير يا سعاد والشيعه طوائف كتيييييير وكلهم في الغالب فكرهم مختلف عن الآخر ومتفقين فقط في التشيع لسيدنا علي وآل البيت ومن هذه الخدعه إستقطبوا كل أتباعهم ومؤيديهم

ياريت يا سعاد تذاكري كويس الشيعه وتأسسهم وبعدين تنتقدي العلماء

وحأقولك مفاجأه تانيه بالنسبه للإخوان عشان البوست السابق
ليس للإخوان أي دخل بعمليات إغتيال
ولكن هناك جماعات تانيه كالجهاد والتكفير وغيرهم هم من قاموا بمثل تلك العمليات الإرهابيه وليس لهم بالإخوان أي صله فمن الخطأ أن نلبس كل من إدعى أنه تجمع إسلامي عمامة الإخوان
برضو أنصحك زاكري كويس تأسيس الإخوان المسلمين وتاريخهم قبل إلقاء التهم جزافا بدون علم







آه على فكره أنا مش عضو في الإخوان
وماليش بيهم علاقه
لكني أحب أتحرى الحقيقه قبل ما أكيل الإتهامات الباطله
لأني مقتنع أن الحقيقه عمرها أطول
وغيرها قصير العمر مهما أثار من زوبعات

تحياتي
العزيزة جدا قطة الصحراء..
تابعت حوار الصم والبكم، الحوار الطرشان بين الاخوة الاعداء، وهو صراع موجود على الشبكة من قبل تصريحات القرضاوي، لكن تصريحاته الأخيرة جعلات الصراع يطفو من جديد..
لكن الدي أستغرب له هو طلعات هذا القرد اللاوي على حد وصف السلفيين الوهابيين له الدين يناصبون نفس حب الشيعة..
القرضاوي حين لن يجد ما يقرضه سيقرض نفسه وينقرض ويريحنا من نفسه، فمند سنوات طلع علينا بتصريح في الجزيرة بأن المغاربة من أكثر الناس لواطا، ونسي أنه في بلاد الخليج والكل يعرف فضائح الخليج..لكنهم أهل نعمة وفم الداعية القرضاوي محشو بدولارت النفط..
لننتظر ما هو تصريح القرضاوي القادم، فهو غالبا لا يصرح الا بعد أن يتقاضى أجرته
مودتي أيتها الغالية جدا..
Desert cat said…
ammar
تصدق باللى خلقك يا مؤمن انى كنت هنشر ردك لأنى الحقيقة مش شايفه فيه اى حاجه وحشه حتى اوحش نفسه بنشره وفجأة لاقيت التهديد الى فى الاخر ما تروح تعمل مدونة ولا عشرة ولا الف وانت تهمنى فى ايه اصلا ولا تبقى مين انت
سبت لك فرصه تنشر حاجه فى المدونة اللى هتعملها للردح روح انشر الكومنت فيها
Desert cat said…
ABOALI
انا بنشر اى كومنتات حتى لو شتيمة وراجع البوستات القديمة حتى من قبل ما انت فكر تدون
لكن الاقى واحد سايب البوست وداخل يكتب لى خواطره يبقى يروح يكتب فى مدونته
Desert cat said…
An Egyptian
هو لا يهمه من تصريحاته الرنانة سوى جذب الاضواب بصرف النظر عن الحروب او اى عقبات سوف تحدث
Desert cat said…
جبهة التهييس الشعبية
هو الله اعلم بالنوايا فعلا لكن لما الاقوال تتنافى مع الافعال اعتقد انه ظهرت النوايا
:)
Desert cat said…
Dear Sherif
ماهم دول الرسول الجدد يا عزيزى
كل واحد نازل برساله خاصة بيه لوحده والشاطر اللى يحارب لجذب اكبر عدد
Desert cat said…
وميض ابتسامة
اتفق جدا مع كلام حضرتك ولكن ما يثير التعجب حقاً من يتبع الطوائف ويصدق على ان كلام متبعه وكأنه الصادق الأمين
تحياتى
Desert cat said…
Ahmed Al-Sabbagh
كنت عارف انى هتحامل على القرضاوى ليه
عالم بالنوايا اللى ميعرفهاش غير ربنا
ثم انا لما اتكلمت كلامى كان موجه لكل المذاهب وليس للقرضاوى
انا شايفه برضه انك تروح تقرى الاول يمكن تفهم
Desert cat said…
Rania
ماهو ده المتبع دلوقتى
كل واحد شايف نفسه المرسل برساله من ربنا ولازم يبلغها وهيبلغها غصب عن اى حد فى الدنيا اصل هو الصح والتانى هو اللى غلط ولازم وحتما ولابد انه هيدخل النار
شرفتينى رانيا
Desert cat said…
مخنوق كيك
ياريت توضح لنا التهمة اللى انا القيت بيها علشان الجميع يعملوا مشاكل كمان علشان تخلص من حيرة عقلك مع ان من يملك العقل لو قرأ البوست مرة واحده هيفهم ان القصد منه ليس التوعية ولا الفتنة كما توهمت فانا يكفينى انى اوعى نفسى ولا دخل لى بالآخرين فكل واحد يملك عقل ومسؤل عن نفسه اما الفتنة اللى حضرتك شايفها مجرد وهم فى خيالك لان البوست موضوعه هو ليه تعدد المذاهب مع ان الاسلام واحد لا يتجزأ ومعروف ان رسوله واحد واسمه محمد .. ايه السبب فى تقسيم المسلمين مذاهب واحزاب
كونك بقى مش عارف الصح من الغلط دى مش مشكلتى الخاصه فى الحالة دى تروح تسال حد كبير عندك فى البيت او فى المدرسة وهو هيفيدك
Desert cat said…
د/ رامي شهاب الدين
اهلا بحضرتك يا دكتور
دلوقتى انا كلامى مالوش علاقة لا بالسنة لاو بالشيعة انا كلامى كان واضح احنا ليه قسمنا نفنا مذاهب واحزاب
هو الاسلام لما نزل كان فيه الكلام ده ؟؟واصدق فعلا على كلامك كل واحد يؤدى الفرائض المفروضة عليه الدين لا يتجزأ
تحياتى لحضرتك
Desert cat said…
اجندا حمرا +Heart Beat
حبيبتى ما حدث من القرضاوى لا يعد سوى ضحك على الدقون
انا سن ورافع لواء السنة وحذارى من المد الشيعى ومع اول اجتماع بالاحضان يا شيعه يا حلوين بالاحضان
انه النفاق فى ابهى صورة يا جميل
شرفتينى جدا يا احلى بنوتة فى الدنيا
Desert cat said…
طز فيكى
الكلام ده ميخرجش غير من ارهابى سافل واخوان مين الحشاشين دول اللى اعتذر لهم طز فيك وفى مهدى الاخوان نفر نفر الف مرة
Desert cat said…
علاء سالم
يا فندم المشكلة هنا مش ان فى واحد شايف مذهبه صح ومذهب غيره غلط
هو من امتا الاسلام اصبح مذاهب
انت عندك رسول تانين غير الرسول محمد ؟؟ اظن الاسلام واضح واركانه معروفه
وسيرة الرسول محفوظة
Desert cat said…
علاء سالم
فسرت كلامه غلط بناء على ايه
هو انت متابع تصريحاته الرنانة من اوسبتمبر ؟؟؟
القرضاوى بعد هذه التصريحات اصبح اسمه الشيخ ( الطائفى ) وليس القرضاوى
من امتا تقسيم الدين لاحزاب وطوائف اصبح دعوة ؟؟؟
طيب تفتكر ان واحد كل يوم تطلع تحذر منه وكانك ماسك فى يسارك صقوك الغفران وفى يمينك كفاح الجنة لما تقابله النهارده تاخده بالاحضان بعد كدا الناس هتثق فى كلامك ازاى ؟؟؟
مفيش حل بقى غير ان السن ليه حكمه
اصل فى فرق شاسع بين الرأى والمذهب
Desert cat said…
ahmed_k
اى حق ده اللى يسبب فتن ؟؟؟
تابعت الموضوع كويس والشيخ القرضاوى بيدعو لمقاطعات من اول سبتمبر ومنين احذر واحلف واستحلف ومنين اعانق هن فأين المصداقية إذن ؟؟؟
وهو مين اللى افتعل الخلاف ؟؟ مش القرضاوى ؟؟ كل ده ليه هنفترض بالفعل ان عبدالرحمن ابنه تشيع هل هذا مدعية للقيام بالحرب على الشيعه المؤتمر الذى كان يدعو له القرضاوى كان للوقوف فى مواجهه الشيعه وليس لتبادل الأحضان والقبلات
فكان من الاولى به ان تكون
الدعوه بكل محبة رغم ما قاله ان يجلس جلسة مكاشفة علنية اومغلقة مع علماء الشيعة ويفتح الملفات التي يريد ويدلي بحجته ان كان يريد للأمة أن تبتعد عن طرق الضلال وتسير على طريق الهداية
ذكرك بان الاخوان سنة ثم تعود مرة اخرى لتناقض نفسك وكانك تكتب هذه السطور وانت تحت تاثير ربما سيجارة حشيش من طائفة الاسماعيلية كما تدعى انهم شيعه
فمن اين اخوان وتدافع عنهم وتقول بانهم سنة وتاتى مرة اخرى لتقول شيعه ؟؟؟
بل تعددت فى كلامك دون ذكر اى دليل على صحته مع ان بحثى السابق واضح وضوح الشمس كونك لا تملك الحجة للمنطق إذن انت غير مؤهل للنقاش فلو كانت لك عين ترى وعقل يعى لكن قرأت على الاقل تاريخ الجماعه التى تتبنى الدفاع عنها ومن الواضح ان من يدافع عنهم دائما من يسير على مبدأ السمع والطاعة لذلك عندما يدافع لا يثبت لجميع سامعيه سوى كل جهل

الموضوع كبير يا سعاد
هعتبرك موجه النداء لوالدتك يمكن اسمها سعاد

عدت مرة اخرى لتعرفنى بمن هم الشيعه وكأنك تسمع ما حفظته امام استاذك
فلا تملك اى منطقة او حجة يؤهلك لمستوى الحوار
بل أتيت بالنكتة الحديثه لتدلل على عدم معرفتك لما تقول
لو كنت تقرأ التاريخ جداً لعلمت تاريخهم الدموى وهكسب فيك ثواب واقولك شيئ من تاريخهم لعلك تفهم
عشرة سنوات هي عمر الجيل الأول من الجماعه .. ثم بدأ حسن البنا في العام 1938 ينتقل بجماعته للجيل الثاني وهو الجيل المحارب او جيل الجهاد .. وبالفعل بدأ في تحويل جزء من الجماعه من العمل المدني الدعوي للعمل العسكري .. فأنشأ فرق للرحلات تطورت لجواله بلباس عسكري تطورت إلى كتائب تطورت إلى أسر تطورت بطبيعة الحال لتنظيم مسلح .. عرف هذا التنظيم بإسم الجهاز الخاص أو التنظيم السري
في الثاني والعشرين من مارس من نفس العام 1948.. قام التنظيم السري بإغتيال قاضي مدني وهو القاضي أحمد بك الخازندار وهو يعبر الطريق على يد عضوي الجماعة حسين عبد الحافظ ومحمود زينهم اللذان عوقبا بالأشغال الشاقه المؤبده لكلاهما .. وقد تم إغتيال القاضي بعدما حكم في قضية كان احد أطرافها عضوا في جماعة الإخوان المسلمين .
في الخامس عشر من نوفمبرالثاني من نفس العام 1948 أمسكت الشرطة سيارة جيب بها مستندات تخص جماعة الإخوان المسلمين .. عباره عن مخططات تفجير و إغتيالات .. ومستندات كل عمليات التفجير التي تمت في الأونه الأخيره فضلا عن بعض القنابل والمتفجرات .. والأهم من ذلك القبض على ثلاثه من رجال الإخوان كان أهمهم مصطفى مشهور أحد الخمسه المؤسسين والمسؤولين عن التنظيم السري بالإضافه لأحمد عادل كمال وأخر .
في صباح يوم الثالث عشر من يناير / كانون الثاني عام 1949 قام شفيق أنس أحد المنتمين لجماعة الإخوان المسلمين بحمل حقيبه وذهب بها إلى محكمة الإستئناف بباب الخلق بوسط القاهره .. وإدعى بأنه مندوب من إحدي مناطق الأرياف جاء بقضايا للعرض على النائب العام .. وترك الحقيبه في المكتب بداخل المحكمه وذهب بحجة تناول الإفطار .. وبعدما غادر المكتب بدأت شكوك الموظفين بالمكتب حول الحقيبه .. فتم إستدعاء الأمن .. أخذوا الحقيبه خارج المحكمه وانفجرت بالشارع العام .. وبعد القبض على شفيق أنس أعترف بأن الغرض من التفجير كان نسف المحكمه وذلك للتخلص من أوراق ومستندات قضية السيارة الجيب ... وكان ذلك بأمر من سيد فايز مسؤول التنظيم
ولا تنسى مقتل النقراشى باشا
يبقى ياريت لما تنصب نفسك محامى يا اما تملك حيثيات الدفاع الصحيحة يا تخليك مع سعاد
Desert cat said…
العزيز نبراس العتمة
حال القرضاوى كحال الكثيرين من يعملوا جاهدين لكسب الود ولا يهم اذا كانت التصريحات والكلمات فى ماذا تتسبب هل ستحدث فتن هل ستحدث حروب ليس يهم كل ذلك الأهم من هذا أن يظل الود موصول
شرفتنى جدا
هههههههه

يا قطتي يا قمراية

الطائفية بتستمر و تتوغل

و الإزدواجية بتتزايد معاها

و لسا

كل واحد خلى تفسه الصح وبس ومفيش غيره

بصي أنا اللي أعرفه إن أنا مش مع حد لأني زهقت من الطوائف

دمتِ جميلة
Anonymous said…
الأخت صاحبة المدونه
لقد ابتلينا بطائفه من الشيوخ ولا اقول رجال الدين لأنه لا كهنوت ورجال دين فى السلام بل دارسو دين
والفرق كبير
هؤلاء الناس الذين اتحدث عنهم وثيقوا الصله بدولارات النفط وهم موظفون لدى صاحب المال يميلون معه اينما مال
وهم يعرضون البضاعه التى يطلبها
واعطيك دليلا صارخا
شيخ من هؤلاء وفى قناه تدفع له بالدولار واليورو بسخاء
يشعل عن عمد السعار الجنسى فيقول كما ستشاهدين فى الرابط تحت انه لا يستطيع تحمل وجود بنات ولو فى مكان عمل فهو لا يقوى على ذلك وتتحرك شهوته بمجرد وجودهم...لماذا يفعل ذلك ببساطه ليمهد لأفكار من قبيل نفى المراه داخل نقاب يسمح لها بالنظر بعينين فى البدايه ثم بعين واحده بعد ذلك كما افتى بذلك مفتى السعوديه الأشهر
شاهدى بنفسك المهزله الأخلاقيه التى يندى لها الجبين فى هذا الرابط
http://www.youtube.com/watch?v=NE5u68Epy4g
الربان said…
تحياتي اختي الفاضلة

- اشكرك كل الشكر علي مواساتك الكريمة ، و جزاك الله خير الجزاء،و لا اراكم الله مكروها في عزيز لديكم.

- اتفهم وجهة نظرك ، و اري ان الامور
قد يساء فهمها...و في تقديري انه:

1 يجب ان لا نجمع المذاهب الشيعية كلها في
موقف واحد...بعض طوائف الشيعة لا تسب
اصحاب الرسول...و لا يوجد فروق جوهرية بينهم و بين اهل السنة.

2 ان ايران تقوم بالفعل بدور في نشر
التشيع و دور سياسي بالمنطقة في غياب
الدور العربي الاسلامي ، فهي لها نفوذ سياسي في لبنان و فلسطين و سوريا...

3 ان مصر كانت في عهد الفاطميين ( شيعة) اقرب الي المذهب الشيعي...بل ان الازهر تم بناؤه ليكون منارة للمذهب الشيعي ...

4 في رأيي بل و في يقيني اننا لابد ان ننبذ اي خلاف بين المذاهب في هذه المرحلة
الخطيرة التي تعيشها الامة الاسلامية...

ارجو ان اكون اوضحت وجهة نظري ..
و ان اصبت فبتوفيق من الله و ان أخطأت
فمن نفسي.


تحياتي و تقديري
برنامج انت تسال والكمبيوتر يجيب said…
حنان
رايك فى المجلات الألكترونيه بمناسبة مجلة وسط البلد يذاع فى حلقة السبت18-10 تسعه وعشر دقائق صباحا
ويمكن الستماع من المدونه بالضغط على رابط الى اليسار والأنتظار
http://netonradio.blogspot.com
Desert cat said…
د\أسماء علي
والله يا دكتورتنا الدين واضح وصريح ومش محتاج لا وسطاء ولا كهنوت لكن تعملى ايه بقى فى العقول
نورتينى
:)
Desert cat said…
Anonymous
هههههههه
شوفته انا الشيخ الهبلان ده
واحد عند مرض جنسى واضح وبارز وشهواته تثار دائما عندما يرى اى انثى تتحرك حتى لو لابسه كيس زباله
معلشى غلبان
Desert cat said…
الربان
استاذى العزيز
ربنا يجعلها ان شاء الله اخر الاحزان
ما قصدته فى محور كلامى ان الدين لله يعنى علاقة الانسان بربه لا يصح ان يتدخل فيها اى مخلوق ايا كان
والحقيقة كومنت حضرتك ينم عن علم تام ومنطقية فى الحديث
فدائما ما تسعدى تعلقياتك التى افتقدتها لفترة كبيرة
دمت بالف خير
مودتى واحترامى
Desert cat said…
برنامج انت تسال والكمبيوتر يجيب
يألف اهلا وسهلا استاذنا الكريم
اشكرك جدا لاذاعة الحلقة
وان شاء الله اسمعها واتمنى لو نزلت فى ارشيف مدونة البرنامج
مودتى واحترامى
كباريه said…
المهم إنتي مع مين؟
Manamino said…
والله معاكي حق
زي اللي بيقولوا بنسيب الحمار ونتشطر علي ال ......
هو ده اللي ناقص ان كل واحد يعض في اخوه
طيب ياتري بعد ما السنة تخلص علي الشيعة (او العكس) المنتصر هايعض في مين
اكيد هايلاقوا حاجة جواهم يعضوا في نفسهم برضو
ربنا يسترها علينا
المهم ليكي عندي تاجي ماتنسيش تعدي تاخديه
تحياتي
Desert cat said…
كباريه
انا مع ربنا
Desert cat said…
Manamino
اولا انت شرفت المدونة جدا ونورتها
واشكرك جدا جدا على التاج
ها اجى اشوفه حالا
مودتى
banouta masreya said…
و لو قولتى قولوا احنا مسلمين و خلاص يقولوا اطلعوا من البلد
الشيعة كذا طائفة منهم اللى بيعملوا حاجات مستهجنة و مهينة جدا لينا كاهل سنة و منهم اللى بيختلفوا عننا فى حاجات تانية
و بجل ما اضيع وقتى فى معرفة هم بيصلوا ازاى و بيصوموا امتى..ما اشوف نفسي انا اعرف ايه عن دينى الاول
اسهل حاجة عندنا نقد الغير و بهدلته لكن انى اشتغل على نفسي عشان يكون نقدى ده عن علم بعيدا عن نظرية البغبغانات.. تبقى عيبة كبيرة
مع العلم انى ضد كتير من تصرفاتهم لكن مش شايفة ان الحل فى اننا نقطع بعض و نسيب الخطر الحقيقى يتفرج و يشمت
اولا و اخيرا اللى شايف ايران و الشيعة اخطر على العرب من اسرائيل دول محتاجين اعادة نظر فى كون مخهم شغال من الاساس
Desert cat said…
banouta masreya
لا يهم مين بيعمل ايه وفين فهو حسابه على الله
الاهم من محاربة غيرى والله اعلمبالنوايا ما هو الهدف وبعد يومين اقابله بالاحضان انى اتجه لامور دينى
ابحث مع نفسى اشوف علاقتى بربنا ايه اخبارها
مش انى اقسم الناس لطوائف واثير الفتن والبلبه يبق كدا بجاهد
الغريب انهم يطلقوا على انفسهم اسم علماء
:)
شرفتينى جدا جدا
ناصر said…
سلام ياقطة، صدق المثل رب قطة خير من الف اسد، اتمنى ان يدوم زئيرك في وجه اصوات النشاز
وصدق الله العظيم عندما قال :
إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ
Desert cat said…
ناصر
دائما صوت النشاز يكون واضح وضوح الشمس .. ولا عتاب على المتبعون المغيبون
ميرسى جدا لحضرتك

Popular posts from this blog

قميص دهشور

كل تحرش وانتوا طيبين