جاءت معذبتى

أجلس وحدى أنهى بعض الأعمال وونيستى الغالية صوتها يطربنى .. طبعا فيروز وهو انا ليا ونيس غيرها فى الايام الخوالى
تنساب كلمات الاغانى تلو الأخرى وفجأة توقفت عند جاءت معذبتى وتذكرت ذاك اليوم الذى كنا نحلم فيه بمكان عبارة عن جزيرة لا يوجد بها سوى بحر وسماء ولا يوجد بها بشر سوانا
أتذكر ضحكتك الصافية التى أشعر معها بأنك تنفض عن كاهلك جميع تعب وأرق عملك المضنى
أتعلم أنه معك فقط أشعر بأننى ما زلت على قيد الحياة ؟؟؟ أكرر معك فقط
أتعلم بأن كل حلمى أن نصنع دنيا ليس فيها إلا موسم واحد هو الربيع وإتفاقية حب مشتركة ؟؟؟
أتعلم أن حبى لك مثل الموج يتجدد كلما لمس قلبك ويتدفق بالمشاعر كل لحظة ؟؟؟
أعلم أنك تعلم كل هذا وأكثر
مازال يمر امام عينى شريطنا الوردى فى فيلم الاحلام
أتذكر ذاك اليوم القريب البعيد الذى قرر فيه كلانا ؟؟؟
ولكن مهلاً فأنت ذهبت دون كلام لأجلس أنا فى بعدك اعانى الأمرين .. اشعر بالذنب تارة والشوق يحرقنى تارااات
أعترف إنى لم أقوى التحمل حتى خارت قواى لأجد قدماى بالرغم من طول المسافات تأخذنى إليك دون تفكير أو إدراك .. مازلت اذكر إبتسامتك حين رايتنى لتستقبلنى بجاءت معذبتى

كيف سمحت هذه المسافات لنفسها ان تفرق بيننا
كيف سمح الزمن لنفسه ان يمر وكلانا فى مكانه دون الآخر
لم اعد اقوى البعد أكثر من ذلك صدقنى
لذلك ساقتحم كل الحواجز



ودعنى أقبل راسك .. فأسمح لى
أقبل يديك لتكون لى
أقبل قدميك لتعيش بى
أقبل رموش عينيك لتموت فى
أقبل أظافر يديك وجهك أنفك جسمك رسمك شعرك فأنت منى وأنت لى

تعليقات

‏قال Sweet Violet
كلامك قال كلام جوايا

و قلب مواجع

ليه كدا بس

):
‏قال Yasmine
فيروز دى عشقى الاول و الاخير
بالنسبة للبوست فمش عارفة اعلق بس ممكن اقولك ان من الاسباب اللى مخليانى ببعد عن الحب و اغنيله فكرة الفراق..انك تتعودى على حد و حياتك كلها تتغير عشانه و بيه و فجأة ما تلاقيهوش..ايا كان السبب بقى فالنتيجة واحدة..انهيار تام و فقدان السيطرة على حياتك..وانا لا بعرف انهار ولا عمرى فقدت السيطرة على حياتى
الحياة كده اسهل بكتير بصراحة

قبل ما امشي عايزة اقولك ان كلمك فى منتهى الاحساس و ان كنت مش عارفة اذا كانت خاطرة ولا واقع بس لو كانت واقع ان شاء الله ترجع القصة زى الاول و احلى:)
‏قال عزيز عيني
ايه مخزون الرومانسيه ده كله يا باخته اما اجي ها احدفكوا بال................. ورد
‏قال شق القمر
يا خرابى عالاحساس
اسمحيلى اقولك كل سنة وانتى طيبة
بمناسبة البوست دا

ربنا يحفظ ما بينكما ويديمه بكل الحب والود والألفه

قولى آميييييييييييين

لا تتخيلى كم أسعدنى هذا البوست منك أنتِ قطه

فكل عام وأنتى بخير وسعادة
بل كل يوم وكل لحظة

ستجعلينى أبحث فى محفظة فيروز عن معذبتى :))
ههههههههههههه
مش عارف ليه وانا اقرء الكلام قلت يا سبحان الله
حواء هى حواء
لا اقول نصف ادم
وادم النصف الثانى
ولكن لمن يدرك ويعتبر يعرف انهما متكملان الكل يعطى الاخر ما ينقصه بدون هذا الصراع الذى يحدث بينهما الان لمن تكون الغلبة من القوى ومن الضعيف
سبحان الله عندما ندرك ان الاكتمال هدف لن نسمع عن الانا

بس لو رجعت الى كلماتك
اجد انك تفوقتى على نفسك وارحتيها من حالة الشد والجذب والعصيبة وربما فى بعض الاحيان ركوب الدماغ
المهم خلينى النهارده استمتع بهذه الكلمات الرقيقة الجميلة
مادام طالبه النهاردة رقه ومشاعر
يا ارق مخلوق خلقه الرحمن
(اقصدى حواء
تحياتى
‏قال ابو احمد
منتهى الذوبان فى الآخر اتمنى أن يقرأ تلك الكلمات التى تذيب الحجر
ويتوقف الزمن ليسمع موسيقاها
تحياتى
‏قال maxbeta3zaman
ياللمحبة ...وياله من وله
وكما قال زعيم شعراء الحب وغنت نجاة
الحب فى الأرض بعض من تخيلنا
لو لم نجده عليها .... لاخترعـــــــناه

...كل هذا فى الخريف ...فكيف بناإذا عاد الر بيع؟؟؟
‏قال Ahmed Al-Sabbagh
رائع

خلى بالك القرين راح شتم مروة الزراع وهى افتكرتك انتى لانها غايبة عن التدوين بقالها فترة ومش عارفة الحكاية وانا فهمتها حصل خير وياريت اشوفك بكرة فى مكتبة البلد لو ينفع بجد
‏قال غير معرف…
قطتنا الرقيقه

عارفه ياجميله احلي حاجه فيكي انك متنوعه في كتاباتك
البوست ده بيلمس حاجه جوه كل واحد فينا بيحس بحنين للي بيحبه و صدق كلماتك هو اللي بيوصل الاحساس ده لكل واحد فينا
بصراحه ياقطتنا انتي من الناس اللي متميزه في كتابتها بتمنالك كل الخير ياقمرايه و تعلي اكتر و اكتر في كل اللي بتعمليه
محبتي ياجميله
‏قال romansy
ياريت تطلب رومانسيه على طول
تصدقى انا افتكرت انى دخلت مدونه غلط
لما لقيت بحر المشاعر وانهار الاحساسيس العذبه دى
ياريت من وقت لتانى
او ياريت كل الوقت
يكون فيه حاجات جميله زى دى
‏قال nona
فيروز و مين ما يحبش فيروز
كلامتك جميلة و اجمل مافيها اللقاء بعد الفراق
فان الروح تحيا من اجل من نحبة
ربنا يدمها كدة على طول رومانسية و يبعد عنك الحزن و النكد يا رب
‏قال عُمر
مساء الخير

الكلمات اللي حسيت بيها او اللي شديتني فعلاً

كيف سمحت هذه المسافات لنفسها ان تفرق بيننا
كيف سمح الزمن لنفسه ان يمر وكلانا فى مكانه دون الآخر
لم اعد اقوى البعد أكثر من ذلك صدقنى
لذلك ساقتحم كل الحواجز


"جميلة اوي فعلاً"..

تحياتي
السلام عليكم

كلمات جميله بجد وإحساس في منتهى الجمال والرقي

خالص تحياتي لقلمك المبدع
فى الحقيقة ده اجمل كلام ممكن اسمعه من واحدة بتحب ..حبيبها!! وبالرغم من انى متحفظ فى حكاية الحب الرومانسى الذى يلغى العقل ..الا اننى سعيد جدا بهذا الكلام العطر والرومانسى جدا

انت فعلا مرهفة الاحاسيس ..ولكن حذارى من العواصف ..والاعاصير

تحياتى
‏قال Desert cat
ضد التيار
حقك عليا انا
الف سلامة عليكى من المواجع
:)
‏قال Desert cat
banouta masreya
فيروز دى حبيبة جميع الاجيال
وربنا ما يجيب فراق خاااااالص
تحياتى
‏قال Desert cat
عزيز عيني
تحدفنا بالورد او بابو وردة مش مهم المهم تيجى بقى ويارب مش يتاجل تانى
‏قال Desert cat
شق القمر

وانتى طيبة يا جميله
ويارب دايما سعيدة ومبسوطة
الرومانسية فعلا شيئ يسعد اى قلب حويذيب الحجر بس الحقيقة انا بخاف منها
ربنا يستر بقى
:)
‏قال Desert cat
ABOALI
اشكرك جدا استاذى الفاضل
وخليك فاكر باعترافك اهوه ارق مخلوق خلقه ربنا
انا برضه قصدى حواء
:)
‏قال Desert cat
ابو احمد
دكتورنا العزيز
احساس حضرتك هو اللى فى منتهى الجمال
دائنما اسعد بتواجدك
مودتى واحترامى
‏قال Desert cat
maxbeta3zaman
اذا عاد الربيع فساصنع من خطواته عناقيد الورد المزخرفه بالياسمين
:)
تحياتى لحضرتك
‏قال Desert cat
Ahmed Al-Sabbagh
انا بشكرك جدا يا احمد لمجهودك ده
ربنا يخليك يا خالو يارب
انا ماليش فى موضوع تجمعات المدونين والحوارات دى
لكنى عملت سيرش عليك على البورصة
:)
‏قال Desert cat
اجندا حمرا +Heart Beat
صديقتى الجميلة احلى اجندة
ايه اخبارك
وحشانى
بشكرك جدا يا جميلة انتى حسيتى الكلمات علشان انتى احساسك عالى جدا وقمة فى الروعة والرومانسية
يارب دايما منورانى
‏قال Desert cat
romansy
حلوة افتكرت انى دخلت مدونة غلط
ههههههههه
والله انا مش شرانية كل الوقت
انا شرانية ربع الوقت
‏قال Desert cat
nona
حبيبتى هو الحمد له مفيش فراق وربنا ما يجيبه يارب
ميرسى جدا لمشاعرك الجميلة
:)
‏قال Desert cat
عمر
ميرسى عمر
الاجمل هو تشريفك البلوج
‏قال Desert cat
علاء سالم
ميرسى علاء
شرفتنى جدا
‏قال Desert cat
وميض ابتسامة
ربنا يستر استاذى العزيز
لحضرتك كل الود
‏قال blackcairorose
كما قلت لك من قبل افتقدتك كثيرا فى الكتابات العاطفية والومانسية

لا تدعى قطة المخربشة تأخذنا من القطة الناعمة

استمعى لموشح فوق هاتيك الربى لفيروز فأنا أعشقه

خالص الود
‏قال Desert cat
Dear blackcairorose
اشكرك جدا لكلماتك الطيبة
وفى الحقيقة انا مش قدرت اكتب كومنت غير لما استمع للموشح واقدر اقولك زوقك فوق الرائع
محبتى

المشاركات الشائعة