جاءت معذبتى

أجلس وحدى أنهى بعض الأعمال وونيستى الغالية صوتها يطربنى .. طبعا فيروز وهو انا ليا ونيس غيرها فى الايام الخوالى
تنساب كلمات الاغانى تلو الأخرى وفجأة توقفت عند جاءت معذبتى وتذكرت ذاك اليوم الذى كنا نحلم فيه بمكان عبارة عن جزيرة لا يوجد بها سوى بحر وسماء ولا يوجد بها بشر سوانا
أتذكر ضحكتك الصافية التى أشعر معها بأنك تنفض عن كاهلك جميع تعب وأرق عملك المضنى
أتعلم أنه معك فقط أشعر بأننى ما زلت على قيد الحياة ؟؟؟ أكرر معك فقط
أتعلم بأن كل حلمى أن نصنع دنيا ليس فيها إلا موسم واحد هو الربيع وإتفاقية حب مشتركة ؟؟؟
أتعلم أن حبى لك مثل الموج يتجدد كلما لمس قلبك ويتدفق بالمشاعر كل لحظة ؟؟؟
أعلم أنك تعلم كل هذا وأكثر
مازال يمر امام عينى شريطنا الوردى فى فيلم الاحلام
أتذكر ذاك اليوم القريب البعيد الذى قرر فيه كلانا ؟؟؟
ولكن مهلاً فأنت ذهبت دون كلام لأجلس أنا فى بعدك اعانى الأمرين .. اشعر بالذنب تارة والشوق يحرقنى تارااات
أعترف إنى لم أقوى التحمل حتى خارت قواى لأجد قدماى بالرغم من طول المسافات تأخذنى إليك دون تفكير أو إدراك .. مازلت اذكر إبتسامتك حين رايتنى لتستقبلنى بجاءت معذبتى

كيف سمحت هذه المسافات لنفسها ان تفرق بيننا
كيف سمح الزمن لنفسه ان يمر وكلانا فى مكانه دون الآخر
لم اعد اقوى البعد أكثر من ذلك صدقنى
لذلك ساقتحم كل الحواجز



ودعنى أقبل راسك .. فأسمح لى
أقبل يديك لتكون لى
أقبل قدميك لتعيش بى
أقبل رموش عينيك لتموت فى
أقبل أظافر يديك وجهك أنفك جسمك رسمك شعرك فأنت منى وأنت لى

Comments

كلامك قال كلام جوايا

و قلب مواجع

ليه كدا بس

):
banouta masreya said…
فيروز دى عشقى الاول و الاخير
بالنسبة للبوست فمش عارفة اعلق بس ممكن اقولك ان من الاسباب اللى مخليانى ببعد عن الحب و اغنيله فكرة الفراق..انك تتعودى على حد و حياتك كلها تتغير عشانه و بيه و فجأة ما تلاقيهوش..ايا كان السبب بقى فالنتيجة واحدة..انهيار تام و فقدان السيطرة على حياتك..وانا لا بعرف انهار ولا عمرى فقدت السيطرة على حياتى
الحياة كده اسهل بكتير بصراحة

قبل ما امشي عايزة اقولك ان كلمك فى منتهى الاحساس و ان كنت مش عارفة اذا كانت خاطرة ولا واقع بس لو كانت واقع ان شاء الله ترجع القصة زى الاول و احلى:)
ايه مخزون الرومانسيه ده كله يا باخته اما اجي ها احدفكوا بال................. ورد
شق القمر said…
يا خرابى عالاحساس
اسمحيلى اقولك كل سنة وانتى طيبة
بمناسبة البوست دا

ربنا يحفظ ما بينكما ويديمه بكل الحب والود والألفه

قولى آميييييييييييين

لا تتخيلى كم أسعدنى هذا البوست منك أنتِ قطه

فكل عام وأنتى بخير وسعادة
بل كل يوم وكل لحظة

ستجعلينى أبحث فى محفظة فيروز عن معذبتى :))
ABOALI said…
ههههههههههههه
مش عارف ليه وانا اقرء الكلام قلت يا سبحان الله
حواء هى حواء
لا اقول نصف ادم
وادم النصف الثانى
ولكن لمن يدرك ويعتبر يعرف انهما متكملان الكل يعطى الاخر ما ينقصه بدون هذا الصراع الذى يحدث بينهما الان لمن تكون الغلبة من القوى ومن الضعيف
سبحان الله عندما ندرك ان الاكتمال هدف لن نسمع عن الانا

بس لو رجعت الى كلماتك
اجد انك تفوقتى على نفسك وارحتيها من حالة الشد والجذب والعصيبة وربما فى بعض الاحيان ركوب الدماغ
المهم خلينى النهارده استمتع بهذه الكلمات الرقيقة الجميلة
مادام طالبه النهاردة رقه ومشاعر
يا ارق مخلوق خلقه الرحمن
(اقصدى حواء
تحياتى
ابو احمد said…
منتهى الذوبان فى الآخر اتمنى أن يقرأ تلك الكلمات التى تذيب الحجر
ويتوقف الزمن ليسمع موسيقاها
تحياتى
maxbeta3zaman said…
ياللمحبة ...وياله من وله
وكما قال زعيم شعراء الحب وغنت نجاة
الحب فى الأرض بعض من تخيلنا
لو لم نجده عليها .... لاخترعـــــــناه

...كل هذا فى الخريف ...فكيف بناإذا عاد الر بيع؟؟؟
رائع

خلى بالك القرين راح شتم مروة الزراع وهى افتكرتك انتى لانها غايبة عن التدوين بقالها فترة ومش عارفة الحكاية وانا فهمتها حصل خير وياريت اشوفك بكرة فى مكتبة البلد لو ينفع بجد
قطتنا الرقيقه

عارفه ياجميله احلي حاجه فيكي انك متنوعه في كتاباتك
البوست ده بيلمس حاجه جوه كل واحد فينا بيحس بحنين للي بيحبه و صدق كلماتك هو اللي بيوصل الاحساس ده لكل واحد فينا
بصراحه ياقطتنا انتي من الناس اللي متميزه في كتابتها بتمنالك كل الخير ياقمرايه و تعلي اكتر و اكتر في كل اللي بتعمليه
محبتي ياجميله
romansy said…
ياريت تطلب رومانسيه على طول
تصدقى انا افتكرت انى دخلت مدونه غلط
لما لقيت بحر المشاعر وانهار الاحساسيس العذبه دى
ياريت من وقت لتانى
او ياريت كل الوقت
يكون فيه حاجات جميله زى دى
nona said…
فيروز و مين ما يحبش فيروز
كلامتك جميلة و اجمل مافيها اللقاء بعد الفراق
فان الروح تحيا من اجل من نحبة
ربنا يدمها كدة على طول رومانسية و يبعد عنك الحزن و النكد يا رب
عمر said…
مساء الخير

الكلمات اللي حسيت بيها او اللي شديتني فعلاً

كيف سمحت هذه المسافات لنفسها ان تفرق بيننا
كيف سمح الزمن لنفسه ان يمر وكلانا فى مكانه دون الآخر
لم اعد اقوى البعد أكثر من ذلك صدقنى
لذلك ساقتحم كل الحواجز


"جميلة اوي فعلاً"..

تحياتي
السلام عليكم

كلمات جميله بجد وإحساس في منتهى الجمال والرقي

خالص تحياتي لقلمك المبدع
فى الحقيقة ده اجمل كلام ممكن اسمعه من واحدة بتحب ..حبيبها!! وبالرغم من انى متحفظ فى حكاية الحب الرومانسى الذى يلغى العقل ..الا اننى سعيد جدا بهذا الكلام العطر والرومانسى جدا

انت فعلا مرهفة الاحاسيس ..ولكن حذارى من العواصف ..والاعاصير

تحياتى
Desert cat said…
ضد التيار
حقك عليا انا
الف سلامة عليكى من المواجع
:)
Desert cat said…
banouta masreya
فيروز دى حبيبة جميع الاجيال
وربنا ما يجيب فراق خاااااالص
تحياتى
Desert cat said…
عزيز عيني
تحدفنا بالورد او بابو وردة مش مهم المهم تيجى بقى ويارب مش يتاجل تانى
Desert cat said…
شق القمر

وانتى طيبة يا جميله
ويارب دايما سعيدة ومبسوطة
الرومانسية فعلا شيئ يسعد اى قلب حويذيب الحجر بس الحقيقة انا بخاف منها
ربنا يستر بقى
:)
Desert cat said…
ABOALI
اشكرك جدا استاذى الفاضل
وخليك فاكر باعترافك اهوه ارق مخلوق خلقه ربنا
انا برضه قصدى حواء
:)
Desert cat said…
ابو احمد
دكتورنا العزيز
احساس حضرتك هو اللى فى منتهى الجمال
دائنما اسعد بتواجدك
مودتى واحترامى
Desert cat said…
maxbeta3zaman
اذا عاد الربيع فساصنع من خطواته عناقيد الورد المزخرفه بالياسمين
:)
تحياتى لحضرتك
Desert cat said…
Ahmed Al-Sabbagh
انا بشكرك جدا يا احمد لمجهودك ده
ربنا يخليك يا خالو يارب
انا ماليش فى موضوع تجمعات المدونين والحوارات دى
لكنى عملت سيرش عليك على البورصة
:)
Desert cat said…
اجندا حمرا +Heart Beat
صديقتى الجميلة احلى اجندة
ايه اخبارك
وحشانى
بشكرك جدا يا جميلة انتى حسيتى الكلمات علشان انتى احساسك عالى جدا وقمة فى الروعة والرومانسية
يارب دايما منورانى
Desert cat said…
romansy
حلوة افتكرت انى دخلت مدونة غلط
ههههههههه
والله انا مش شرانية كل الوقت
انا شرانية ربع الوقت
Desert cat said…
nona
حبيبتى هو الحمد له مفيش فراق وربنا ما يجيبه يارب
ميرسى جدا لمشاعرك الجميلة
:)
Desert cat said…
عمر
ميرسى عمر
الاجمل هو تشريفك البلوج
Desert cat said…
علاء سالم
ميرسى علاء
شرفتنى جدا
Desert cat said…
وميض ابتسامة
ربنا يستر استاذى العزيز
لحضرتك كل الود
blackcairorose said…
كما قلت لك من قبل افتقدتك كثيرا فى الكتابات العاطفية والومانسية

لا تدعى قطة المخربشة تأخذنا من القطة الناعمة

استمعى لموشح فوق هاتيك الربى لفيروز فأنا أعشقه

خالص الود
Desert cat said…
Dear blackcairorose
اشكرك جدا لكلماتك الطيبة
وفى الحقيقة انا مش قدرت اكتب كومنت غير لما استمع للموشح واقدر اقولك زوقك فوق الرائع
محبتى

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز