حريق 3 مصانع بالمحلة الكبرى

كل واحد ياخد باله من عياله
موسم الحرايق بدأ من اول الشورى ومازال ومش هيرحم حد
الفاعل المجرم الجانى الماس الكهربائى عملها تانى النهارده فى المحلة الكبرى وقضى على 3 مصانع وهم
6،7،16
وتقدر الخسائر بـ 5 ملايين جنيه
دعونا نعود للخلف قليلا ونتذكر ما فعله معنا السيد ماس كهربائى وافعاله الشنعاء
حريق الشورى - كارثة الدويقة والفاعل المشترك معه عدم ثقافة العشوائيون فى استخدام الحمامات
المسرح القومى
واليوم غزل المحله
ومازالت المسابقة مستمرة ومازال يقدم العرض المغرى لمن يتوقع حريق الشهر القادم
وحسبنا الله ونعم الوكيل

تعليقات

‏قال Unknown
ولسة ولسة بلدنا ياما هتشوف من الماس الكهربائي الي هيولع ف الي بيتهموه زور ف الآخر
كل ودي
‏قال غير معرف…
عزيزتى قطة الصحراء

أين وعودك؟

واين كتابك الذى انتظره بفارغ الصبر؟

اوعى تنسينا فى حفل التوقيع حتى نهنئك بانفسنا

الحريق .. الحريق .. الكلمة دى سمعتها فين .. فين ؟
‏قال Desert cat
كاتب مصري
الماس الكهربائى تعب من الافتراءات لدجرة انه فكر يهجر البلد خالص ويتركها فى الظلام الدامس
‏قال Desert cat
Dear Sherif
الوعود لا تزال قائمة عزيزى والكتاب فى مطابع دار الشروق
انا شخصيا مستعجله عليه جدا
اما حفل التوقيع الدار مش هتحدده غير لما ينزل الكتاب اولا الاسواق
واعتقد اننا مش هننتظر كتير ان شاء الله واول ما يتحدد سازف اليك الخبر ولازما وحتما ولابد من الحضور ولن اقبل اى اعذار
دعوات حضرتك
اما الحريق
فاصبحت كلمة صديقة ودودة ملازمة للمصريين
مودتى
حريق
حريق أيه ده
هو أحنا عندنا الكلام ده
لا انتى بتهزرى
ههههههههههههههههه
لسه لسه ياما هنشوف
انا خايف البيت هنا يولع هو كمان
احسن الماس شكله مبيرحمش :)
انا عموما الموضوع ده بقا عادى خالص ولا بيهز شعره من راسى اصل الموضوع معاد ومكرر
ومحدش بيوصل لحاجه فى الاخر
حسبنا الله ونعم الوكيل
‏قال Desert cat
bos bos
انا لاقيت نفسى قاعده فاضيه قولت اعمل جو كدا للماس
واطلع عليه اوشاعه
هههههههههههههههه
البلد بتولع حتة حتة يا قبطان
مين ابن اللذينا اللى ليه مصلحة ودايما يولع فيها وبينشن على العطلات
او الوقت اللى مش فيه بنى ادمين موجودين
هذا ما ستسفر عنه الايام
لكن بعد ما تكون البلد كلها اصبحت رماد
وربك هو الستار
‏قال Desert cat
عايش... ولكن !!!!
لاء هو الماس مش بيقرب ناحية الشقق والحاجات الهايفه دى
هو بيمسك فى الحاجات الكبيرة
يعنى اثار مثلا
او مصانع ليها وزنها
ممكن المرة اللى جاية يكون ابو الهول مش حد عارف
‏قال romansy
استرها يارب
هى نقصه حرايق
يعنى مش كفايه الحريقه الى فى الاسعار
فيه كمان فى المحله
المفروض بقى يعملوا للشعب
دوارت مكافحه الحريق
‏قال Desert cat
romansy
ده مسلسل عدد حلقاته غير محسوبة
تحياتى
‏قال صفا سارة
هنعمل مسابقة لخريطة حرايق الماس الجاية والفايز ليه جايزة ماس هديه لاى مكان يحبه
والبقيه تأتى
‏قال الازهرى
العزيزة قطة الصحراء

ارجوا زيادة المعلومات عن الحريق نظرا لابتعادى عن مسرح الاحداث هذه الايام وعدم وجود اخبار كافية

مثل ما هو نشاط المصانع وما الى ذلك
فاخشى ما اخشاه ان تمون هذه الحرائق جزء من السلسلة التى تجذب الاقتصاد الوطنى نحو الهاوية بسرعة غريبة


تحياتى
وشكرا عى تعليقك على ردى على الموضوع السابق
‏قال funckydoctor
اه فعلا ولسه
عارفة احنا عايشيت فى دوامة اهمال أنا مش هستغرب أبدا لو قالو الهرم الأكبر اتسرق
ربنا يستر
سيدتى بدون الانتماء لهذا الوطن تطيبقا وعملا سيصبح كل ماس كهربى عادى


تحياتى
‏قال tamer.sala7
والله العظيم والله العظيم اول ما شوفت الخبر لقيت مناخيري شغالة لوحدها ولساني مش قادر يسكت من كتر الشتيمة

الناس دي عايزة مننا ايه يعني كل واحد يوله في بيته علشان نخلص بسرعة بدل اللي بيحصل فينا ده بجد كدة كتير انا زهقت من القرف ده والله العظيم بقي عندي هاجس بيقولي خلي بالك من الشركة بتاعتك احسن الماس بيفكر يجي اسكندرية
‏قال Eman Henaish
لا تعليق سوي
حسبي الله ونعم الوكيل
‏قال Ahmed Fahmy
و الله يا قطة انا بقترح اننا نعلموا مسابقة للحرايق
و الجايزة تبقي حاجة كدة جامدة نتفقوا عليها كلنا
دي مسابقة مضمونة اكتر من زيرو 900 و الحوارات الفاشلة دي
ااااااااااااه من البلد دي
ااااااااااااااااه
يعملوها و يولعوا فيها
يا رب ارحمنا

قطة انا مستني الكليب بتاعك بفارغ الصبر علي فكرة
بصي في الموقع ده بيدي رابط مباشر بس تعملي اكاونت عليه
www.fileden.com
او ده كمان بيدي اوبشن المشاهدة اونلاين
www.zshare.com
و ارفعي الفيديو من غير ضغط عشان تاخدي اوبشنز المشاهدة اونلاين
:)
مستني النتيجة و مستني اكتر المنافسة و عايزك تحقدي اوي بقي عشان تبقي المنافسة حلوة
ههههههههههه
مستنيكي
رومانسي
‏قال maxbeta3zaman
موش المثل الشعبى بيقول واكلها والعه..
إذن لابد من توليع الشىء قبل أكله ..طب ما احنا كلنا بنسوى الطبيخ عالنار قبل ماناكله .. يبقى اللى بيولع عاوز ياكل!! ..وكل ماكان أكيـــل بيولع حاجه أكبر.. اللى بيحب الفن يولع مسارح ..واللى يحب الصناعه يولع مصانع ..واللى يحب القوانين ...يولع المجلس ..موش كان فيه حريق القاهرة فى الخمسينات ؟ ده بقى كان واحد غول كبير جدا كان عاوز ياكل مصر كلها بس باربيكيو
‏قال غير معرف…
سمعتم و قرأتم عن أحداث مدرسة الجزيرة
بالاسكندرية و ممارسات الشرطة التي ادت الي ان يصاب المهندس حمادة عبد اللطيف بالشلل الرباعي. ادعوكم لمشاهدة هذا الفيديو الوثائقي و مقابلة حمادة عبد اللطيف و أسرته.

http://www.youtube.com/watch?v=IG22t3iJAEk

الفيديو متاح
for embedding
‏قال Desert cat
صفا
الماس المجرم الذى لم يتم السيطرة عليه حتى الان يتوعد ويهدد بالمزيد والمزيد
تحياتى
‏قال Desert cat
الازهرى
والله انا كمان بعيدة عن مسرح الاحداث انا بتابع من الجرايد
لكن اوعدك اى تفاصيل اعرفك بيها
هى بالفعل بدات سلسله الانهيار الاقتصادى والبقاء لله فى مصر
تحياتى
‏قال Desert cat
funckydoctor
تقريبا ده اصبح الشعور السائد لدى نخبة كبيرة من الشعب
مش لوحدك يا دوك
‏قال Desert cat
ABOALI
الشعب اتقتل فيه الانتماء
ولذلك صدقت كلماتك اصبح الماس شيئ عادى
‏قال Desert cat
tamer.sala7
تصدق بالله يا راجل نفس الاحساس
كل يوم احس بالهاجس ده احسن يقترب من دولة الشرقية الشقيق
ربنا يسترها معانا يا تامر قول امييين
‏قال Desert cat
Eman
حسبى الله ونعم الوكيل
‏قال Desert cat
A7MeD F@hMy
ربنا يستر يا احمد والله الواحد بقى يصحى يقول ربنا يستر من مصيبة النهارده
بالنسبة للمنافسه ياباشا
احنا نيجى ايه جنبك ابدعاتك بس
انا عايزة ارفع الفديو زى اليوتيوب مش عايزه ارفعه على مواقع رابيد شير هو ده قصدى
‏قال Desert cat
maxbeta3zaman
طيب هو ياكل البلد بالتدريج ده شيئ صعب واحنا اعصابنا سكمنث خالث موش تستحمل كدا كل يوم
انا شايفه انه يخلص ويخلصنا معاه بقى
وياكل براحته بعد كدا
‏قال Zika
عارفه والله الموقف ده بيفكرني بالفيلم بتاع احمد ادم ( معلش احنا بنتبهدل ) اشوفها بتولع يا معلم
ولعوها يا رجاله
الا انا عمري ما سمعت عن حريق في الحزب الوطني ولا حاجه ؟

المشاركات الشائعة