حريق 3 مصانع بالمحلة الكبرى

كل واحد ياخد باله من عياله
موسم الحرايق بدأ من اول الشورى ومازال ومش هيرحم حد
الفاعل المجرم الجانى الماس الكهربائى عملها تانى النهارده فى المحلة الكبرى وقضى على 3 مصانع وهم
6،7،16
وتقدر الخسائر بـ 5 ملايين جنيه
دعونا نعود للخلف قليلا ونتذكر ما فعله معنا السيد ماس كهربائى وافعاله الشنعاء
حريق الشورى - كارثة الدويقة والفاعل المشترك معه عدم ثقافة العشوائيون فى استخدام الحمامات
المسرح القومى
واليوم غزل المحله
ومازالت المسابقة مستمرة ومازال يقدم العرض المغرى لمن يتوقع حريق الشهر القادم
وحسبنا الله ونعم الوكيل

Comments

ولسة ولسة بلدنا ياما هتشوف من الماس الكهربائي الي هيولع ف الي بيتهموه زور ف الآخر
كل ودي
Sherif said…
عزيزتى قطة الصحراء

أين وعودك؟

واين كتابك الذى انتظره بفارغ الصبر؟

اوعى تنسينا فى حفل التوقيع حتى نهنئك بانفسنا

الحريق .. الحريق .. الكلمة دى سمعتها فين .. فين ؟
Desert cat said…
كاتب مصري
الماس الكهربائى تعب من الافتراءات لدجرة انه فكر يهجر البلد خالص ويتركها فى الظلام الدامس
Desert cat said…
Dear Sherif
الوعود لا تزال قائمة عزيزى والكتاب فى مطابع دار الشروق
انا شخصيا مستعجله عليه جدا
اما حفل التوقيع الدار مش هتحدده غير لما ينزل الكتاب اولا الاسواق
واعتقد اننا مش هننتظر كتير ان شاء الله واول ما يتحدد سازف اليك الخبر ولازما وحتما ولابد من الحضور ولن اقبل اى اعذار
دعوات حضرتك
اما الحريق
فاصبحت كلمة صديقة ودودة ملازمة للمصريين
مودتى
bos bos said…
حريق
حريق أيه ده
هو أحنا عندنا الكلام ده
لا انتى بتهزرى
ههههههههههههههههه
لسه لسه ياما هنشوف
انا خايف البيت هنا يولع هو كمان
احسن الماس شكله مبيرحمش :)
انا عموما الموضوع ده بقا عادى خالص ولا بيهز شعره من راسى اصل الموضوع معاد ومكرر
ومحدش بيوصل لحاجه فى الاخر
حسبنا الله ونعم الوكيل
Desert cat said…
bos bos
انا لاقيت نفسى قاعده فاضيه قولت اعمل جو كدا للماس
واطلع عليه اوشاعه
هههههههههههههههه
البلد بتولع حتة حتة يا قبطان
مين ابن اللذينا اللى ليه مصلحة ودايما يولع فيها وبينشن على العطلات
او الوقت اللى مش فيه بنى ادمين موجودين
هذا ما ستسفر عنه الايام
لكن بعد ما تكون البلد كلها اصبحت رماد
وربك هو الستار
Desert cat said…
عايش... ولكن !!!!
لاء هو الماس مش بيقرب ناحية الشقق والحاجات الهايفه دى
هو بيمسك فى الحاجات الكبيرة
يعنى اثار مثلا
او مصانع ليها وزنها
ممكن المرة اللى جاية يكون ابو الهول مش حد عارف
romansy said…
استرها يارب
هى نقصه حرايق
يعنى مش كفايه الحريقه الى فى الاسعار
فيه كمان فى المحله
المفروض بقى يعملوا للشعب
دوارت مكافحه الحريق
Desert cat said…
romansy
ده مسلسل عدد حلقاته غير محسوبة
تحياتى
صفا said…
هنعمل مسابقة لخريطة حرايق الماس الجاية والفايز ليه جايزة ماس هديه لاى مكان يحبه
والبقيه تأتى
الازهرى said…
العزيزة قطة الصحراء

ارجوا زيادة المعلومات عن الحريق نظرا لابتعادى عن مسرح الاحداث هذه الايام وعدم وجود اخبار كافية

مثل ما هو نشاط المصانع وما الى ذلك
فاخشى ما اخشاه ان تمون هذه الحرائق جزء من السلسلة التى تجذب الاقتصاد الوطنى نحو الهاوية بسرعة غريبة


تحياتى
وشكرا عى تعليقك على ردى على الموضوع السابق
funckydoctor said…
اه فعلا ولسه
عارفة احنا عايشيت فى دوامة اهمال أنا مش هستغرب أبدا لو قالو الهرم الأكبر اتسرق
ربنا يستر
ABOALI said…
سيدتى بدون الانتماء لهذا الوطن تطيبقا وعملا سيصبح كل ماس كهربى عادى


تحياتى
tamer.sala7 said…
والله العظيم والله العظيم اول ما شوفت الخبر لقيت مناخيري شغالة لوحدها ولساني مش قادر يسكت من كتر الشتيمة

الناس دي عايزة مننا ايه يعني كل واحد يوله في بيته علشان نخلص بسرعة بدل اللي بيحصل فينا ده بجد كدة كتير انا زهقت من القرف ده والله العظيم بقي عندي هاجس بيقولي خلي بالك من الشركة بتاعتك احسن الماس بيفكر يجي اسكندرية
Eman said…
لا تعليق سوي
حسبي الله ونعم الوكيل
A7MeD F@hMy said…
و الله يا قطة انا بقترح اننا نعلموا مسابقة للحرايق
و الجايزة تبقي حاجة كدة جامدة نتفقوا عليها كلنا
دي مسابقة مضمونة اكتر من زيرو 900 و الحوارات الفاشلة دي
ااااااااااااه من البلد دي
ااااااااااااااااه
يعملوها و يولعوا فيها
يا رب ارحمنا

قطة انا مستني الكليب بتاعك بفارغ الصبر علي فكرة
بصي في الموقع ده بيدي رابط مباشر بس تعملي اكاونت عليه
www.fileden.com
او ده كمان بيدي اوبشن المشاهدة اونلاين
www.zshare.com
و ارفعي الفيديو من غير ضغط عشان تاخدي اوبشنز المشاهدة اونلاين
:)
مستني النتيجة و مستني اكتر المنافسة و عايزك تحقدي اوي بقي عشان تبقي المنافسة حلوة
ههههههههههه
مستنيكي
رومانسي
maxbeta3zaman said…
موش المثل الشعبى بيقول واكلها والعه..
إذن لابد من توليع الشىء قبل أكله ..طب ما احنا كلنا بنسوى الطبيخ عالنار قبل ماناكله .. يبقى اللى بيولع عاوز ياكل!! ..وكل ماكان أكيـــل بيولع حاجه أكبر.. اللى بيحب الفن يولع مسارح ..واللى يحب الصناعه يولع مصانع ..واللى يحب القوانين ...يولع المجلس ..موش كان فيه حريق القاهرة فى الخمسينات ؟ ده بقى كان واحد غول كبير جدا كان عاوز ياكل مصر كلها بس باربيكيو
Pinkcougar said…
سمعتم و قرأتم عن أحداث مدرسة الجزيرة
بالاسكندرية و ممارسات الشرطة التي ادت الي ان يصاب المهندس حمادة عبد اللطيف بالشلل الرباعي. ادعوكم لمشاهدة هذا الفيديو الوثائقي و مقابلة حمادة عبد اللطيف و أسرته.

http://www.youtube.com/watch?v=IG22t3iJAEk

الفيديو متاح
for embedding
Desert cat said…
صفا
الماس المجرم الذى لم يتم السيطرة عليه حتى الان يتوعد ويهدد بالمزيد والمزيد
تحياتى
Desert cat said…
الازهرى
والله انا كمان بعيدة عن مسرح الاحداث انا بتابع من الجرايد
لكن اوعدك اى تفاصيل اعرفك بيها
هى بالفعل بدات سلسله الانهيار الاقتصادى والبقاء لله فى مصر
تحياتى
Desert cat said…
funckydoctor
تقريبا ده اصبح الشعور السائد لدى نخبة كبيرة من الشعب
مش لوحدك يا دوك
Desert cat said…
ABOALI
الشعب اتقتل فيه الانتماء
ولذلك صدقت كلماتك اصبح الماس شيئ عادى
Desert cat said…
tamer.sala7
تصدق بالله يا راجل نفس الاحساس
كل يوم احس بالهاجس ده احسن يقترب من دولة الشرقية الشقيق
ربنا يسترها معانا يا تامر قول امييين
Desert cat said…
Eman
حسبى الله ونعم الوكيل
Desert cat said…
A7MeD F@hMy
ربنا يستر يا احمد والله الواحد بقى يصحى يقول ربنا يستر من مصيبة النهارده
بالنسبة للمنافسه ياباشا
احنا نيجى ايه جنبك ابدعاتك بس
انا عايزة ارفع الفديو زى اليوتيوب مش عايزه ارفعه على مواقع رابيد شير هو ده قصدى
Desert cat said…
maxbeta3zaman
طيب هو ياكل البلد بالتدريج ده شيئ صعب واحنا اعصابنا سكمنث خالث موش تستحمل كدا كل يوم
انا شايفه انه يخلص ويخلصنا معاه بقى
وياكل براحته بعد كدا
Zika said…
عارفه والله الموقف ده بيفكرني بالفيلم بتاع احمد ادم ( معلش احنا بنتبهدل ) اشوفها بتولع يا معلم
ولعوها يا رجاله
الا انا عمري ما سمعت عن حريق في الحزب الوطني ولا حاجه ؟

Popular posts from this blog

قميص دهشور

كل تحرش وانتوا طيبين