حـنيـــن

حنين .. أغنية لوردة الجزائرية من فيلم آه يا ليل يا زمن
الاغنية دى انا بسمعها كتير اوى .. لكن النهارده بالذات حساها باحساس غريب جدا ومختلف جدا جدا
وفى كل مرة اسمعها احس بحنين غريب اوى لحاجات قديمة وحاجات مش فات عليها كتير وحاجات كمان مازالت موجودة
ناس عرفتها وناس فارقتها واماكن زرتها والنصيب الأكبر طبعا لناس دخلت قلبى ومخرجتش منه
بس اللى واجعنى اكتر ومخلينى متاثرة بيها بلدنا اللى بتضيع مننا .. مصر اللى كانت قبلة العالم
مصر اللى كانت منارة ... مصر اللى قضى عليها الطاغيه بكل جبروت
قلبى وجعنى اوى وانا بسمع كلماتها اللى بتقول فيها يا اعز واغلى حب .. لفيت فى الدنيا بعدك مالقيتش فيها قلب يا كل ما بتمنى الجنة نار فى بعدك والنار فى قربك جنة .. انا منك وانت منى توهنى البعد عنك انا من غيرك ابقى مين
وردة كانت بتغنيها لحبيبها لكن انا بسمعها وانا بشوف قدامى كل شبر مشيت فيه فى بلدى ... كل مكان زرته وترك اثر عندى .. مش كنت اعرف انى بحبها اوى كدا .. مش كنت اتخيل انى ممكن اتوجع علشانها اوى لما تتأذى ويضيع تاريخها بالشكل ده
كمان افتكرت كلمات كنت كتبتها زمان فى منتدى هريدى
عصفور يلهو فى قصره حيث القصر بلا جدران
كان يغنى فى عشق أنشودة حب للأغصان
يفرح حين يرقص حبنا
ويسافر فى كل الأحيان
وتهب من الغيب رياح تفاجئ هذا العصفور
وينكسر القلب المذعور
وتهاجر كل الأطيار
رغم اليأس ورغم القهر لم ينسى العزف على الأوتار
يارب مصر تفضل صامدة زى العصفور كدا ومش تنكسر ابداً
يارب حررها كفاية عليها المؤبد اللى عاشت فيه الفترة الزمنية دى كلها
كفاية تحطيم وكسر أقلام بتنطق فى كل وقت بحبها
كفاية تكميم أفواه .. مهما اتحبس فينا شرفاء مش هنبطل نقول بنحبها
يارب إبراهيم عيسى يطلع من أزمته بخير يارب
ده لنك الاغنية اسمعوها واعتذر مقدما للى يحس انه اتوجع
http://www.mawaly.com/file/play/25579.html

تعليقات

كل سنة وانتي طيبة يا حنان
:)
هو ابراهيم عيسى مالو؟
‏قال Rania Lelah
يا رب يا قطه
تفضل كدة ديما منارة العالم كله
تفضل جميله و قويه زى ماهى رغمم حقد الحاقيدن
انا بردة قلبى وجعنى قوى كل ما بسمع عن الى بيحصل
ربنا معاها و معانا
تحياتى
اول مره اسمعها
جميله اوى
ووجعتنى اوى
رغم اليأس ورغم القهر لم ينسى العزف على الأوتار
تسلم ايد من كتب هذه الكلمات

ربنا يفك اسر ابراهيم عيسى

كل سنه وانتى طيبه
وعيد سعيد
ياااااااه
وحشتيني اوي اوي
الاغنيه دي فعلا روووووعه يا قطة
واحساسها عالي جدا
اتمنى فعلا مصر ترجع زي زمان قبله ومنارة لكل ماهو هادف

كل سنه وانتي طيبه ياقمر
‏قال Migo Mishmish
صباح الخير يا قطوطة
الوضع بقى صعب قوي ان مصر كانت النهاردة واقفه على رجليها بكره هتبقى منداسه. انتي عارفه انا كنت لغايه السنه اللي فاتت مش ممكن اقدم على هجرة وبحس اللي بيقدم على هجرة ده جبان ومعندوش دم وبايع القضيه. لما المتعلمين والناس الكويسين بيقدموا على هجرة امال مين اللي هيقعد في مصر. لكن بعد اللي احنا فيه ده. عملت زي اللي باعوا القضيه بقيت استنى معاد التقديم واقدم. السنه اللي فاتت اول مرة والسنه ديه اديني قاعدة مستنيه لما تبدأ. شعور غبي لما تضطري تقلعي نفسك من جدورك ومن مكانك وتروحي تعيشي في مكان انتي ما تحبيش عيالك يتربوا فيه. واحدة صاحبتي لسه مسافره امريكا من فترة قصيرة وبعدين قولتلها قدرتي تبعدي عن مصر عن قعدتنا في كوستا وعن الكنيسة وعن الشله كلها. قالتلي لما يبقى عندك اولاد مش هيهمك غير انك تحاولي تضمني لهم على الاقل عيشه كويسة.
ودلوقتي انا كمان ابتديت افكر كدة. الواحد لو دخل مستشفي مبيخرجش منها غير لو ربنا كاتبله عمر. تعليم نيله. اكل كله مسرطن ومش لاقينه. شغل. وادي الشركات الكبيرة بتصفي شغلها هنا. البورصه اضربت بالجذمة. التحرشات في الشارع بقيت علني ودلوقتي مش بيعاكسوا اللي بتمشي لوحدها بس لا ده بيعاكسوني وانا ماشيه مع ميجو وحامل وبطني قدامي سبعه متر. وعدي بقه
بجد ربنا يرحمنا ويتراف علينا من اللي بيحصل ده.
Love,
MishMish
‏قال غير معرف…
العزيزه حنان
هل الهجره كما يعتقد البعض هى الحل
لنقرا هذه القصه التى اوردتها محطة السى ان ان
بمناسبة عجز الكثيرين عن تسديد اقساط بيوتهم فى اميركا وانتزاعها منهم وهو ما يعرف بالأزمه الماليه الطاحنه خناك
هذه هى القصه كما اوردنها السى ان ان كمثل يوجد مثله المئات والآلاف لنقرا ونقتنع ان الحل وان كان هو الحل الأصعب ان نجعل من بلادنا مكانا للعيش الكريم وهى ليست مهمة الحكومه فقط
فى السابعه والأربعين من عمرها تعيش فى ولاية كاليفورنيا الأميركيه...ارمله وتعول طفل وحيد فى الثالثة عشره من عمره ...وليس لها مصدر دخل الا معاش يصرف فى حالة العجز ...تقول: لا اقدر الآن على شراء ملابس جديده لأبنى الوحيد ...ولا حتى من محلات بيع الملابس الرخيصه ...قبل ذلك كنا انا وهو نلبس نفس البنطلون الجينز ليذهب به الى المدرسه القريبه...ولكنه يكبر واصبحت ملابسى اصغر واضيق عليه...وهذا يدفع زملاءه فى المدرسه للسخرية منه...ان وزنى نقص كثيرا من كثرة التفكير ...ماالذىيمكن اان افعله...اننى الغى بعض الوجبات لآوفر ثمنها ...ماذا استطيع ان افعل اكثر من ذلك ...ليس عندى امل كبير فى تحسن لأحوال سريعا لماذا دائما يدفع ثمن المشاكل الفقراء والمحتاجين والأطفال والمسنين
‏قال غير معرف…
ذكرنى تعليق يقول لنجعل بلادنا مكانا للحياة الكريمه بما قاله الرائد العظيم رفاعه الطهطاوى قبل اكثر من قرنين
قال لنجعل بلدنا محلا لسعادة الجميع
وذكرنى نفس التعليق بمسرحيه كتبها الفيلسوف جان بول سارتر بعد هزيمة فرنسا امام الجيش الألمانى النازى فى الحرب العالميه الثانيه...المسرحيه اسمها الذباب...وفيها يلوم سارتر الكل...كل الشعب على ماحدث من انكسار مريع
فالمجتمعات لا يبنيها سوى اهلها والمسؤوليه فى الفشل المجتمعى لا تقع على عاتق الحكومه وحدها وان كان لها فى ذلك نصيب
ولكنها تقع على عاتق الكل
اليايان والمانيا نهضتا وهما تحت احتلال غاصب لا يرحم لأن الأختلال هو الأختلال
ومصر شهدت نهضه كبيره فى الفنون والآداب والعمران والعلم والتعليم وهى تحت الأحتلال
وكما قال الشاعر احمد شوقى
وانما تؤخذ الدنيا غلابا
وما نيل المطالب بالتمنى ولكن تؤخذ الدنيا غلابا
عزيزتى
كان الصانع او العامل يفخر باتقانه لعمله ويرضى بقليله
الى ان جاءت طفرة الثوره النفطيه فى بلاد معزوله تماما عن الحياه لقرون فاحدثت بها ما احدثت ولكن ما اصابنا نحن وفى الصميم هو عقلية المال دون جهد
او باقل جهد لأن اموال النفط تدفقت دون جهد واصبحت هذه البلاد قادره على الأنفاق دون محهود وقلد البعذ عندنا هذا ونسى اننا لا حياة لنا بغير العمل الجاد المتقن حتى وان كان كسبه فى البداية اقل
وانتقلت افكار وثقافه مانزل بها الله من سلطان وللحديث بقيه
‏قال AHMED SAMIR
الازمة مش ازمة ابراهيم عيسى
ابراهيم عيسى ممكن يطلع من ازمته فعلا...انما في مصر كام ابراهيم عيسى بس مش معروفين؟
كام واحد زيه ممكن يلاقي نفسه لابس في الحيطة او لابس تهمة من غير ما الدنيا تتقلب ومن غير ما يبقى وراه نقابة زي نقابة الصحفيين
على فكرة
كلمة حنين غير جائزة هنا لان مصر عمرها ما كان فيها حرية من اول لحظة بعد انقلاب يوليو 1952 ولحد دلوقتي
معلش على الاطالة
تحياتي
‏قال الازهرى
العزيزة قطة الصحراء

كانت مصر منارة للعالم ومحط انظاره بما كان فيها من انجازات تمت بايدى ابنائها
وعلوم سامية لم يبلغها غيرهم
ولن نعود منارة لهم الا اذا عدتا كما كنا
وليس هذا بيد غيرنا وانما بيدنا نحن
وكما قيل
انهم تسللوا كالنمل من عيوبنا

تحياتى وعتابى على التأخر فى زيارتى
‏قال Yasmine
لو اللى تحت ما احترمش نفسه و اتعدل عمر اللى فوق ما هيتغير
ده ردى على اللى بيقولوا الحكومة هى اللى فاسدة
شعب سلبى و حكومة تعبانة يبقى مش هيحصل اللى بتتمنيه و بنتمناه كلنا غير لما الاتنين يتنسفوا
و يسكنها اللى فعلا يستحقها و يحكمها اللى فعلا قلبه عليها
‏قال tamer.sala7
كل سنة وانتي طيبة

بس متحزنيش علي مصر اوي كدة والله حترجع احلي من الاول علشان في شباب زيك وزي نوارة ومالك مصطفي والمدونين كلهم طول ما الشباب ده لسة عايش والله حترجع ولو الشباب ده مات والله ح يطلع شباب غيره و غيره بس علشان خاطر ربنا بلاش اليأس وعلي رأي اشرف حمدي مصر محسودة http://www.masrawy.com/Jokes/Caricature/home.aspx
انشاء الله خلاص هانت
السنين العجاف قربت تخلص
عرفت الموضوع
وللأسف انا كنت فاكر ان قضية صحة الرئيس دي انتهت

ربنا يفك كربه وتعدي أزمته على خير
‏قال غير معرف…
خبر مفرح ع العيد
لحمد الله واللة اكبر وتحيا مصر والقوات المسلحه انا مقيم فى المانيا وتزاع حاليا نشرة الاخبارالالمانيه خبر اطلاق سراح الرهائن الالمان بدون فدية. وقال وزير الخارجية الالمانى انه سعيد جدا ومبسوط جدا بهذا الخبر يشكر القوات المسلحة المصريه واللة واكبر وتحيا مصر وكل عام وانتم بخير بمناسبة حلول عيد الفطرالمبارك اعاده الله عليكم باليمن والبركات... حاتم بزان
الصديقة العزيزة القطة في الصحراء..
أشفق عليك من رقتك..قد تدبلين وأنت وردة قد تنمحين وأنت أجمل عبارة في القصيدة، قد تتبددين وأنت أجمل جملة في النوتة لموسيقية المصرية..
رفقا بك..ونصيحتي لا تنصتي لوردة، فعلى أنغامها أكتب لك الآن وأكاد أدوب
قول لك شيء واحد وتدكريه: مصر أجمل وأعظم مما تتصورين- هذه شهادة عربي هارب من عروبته-
مودتي كلما انسل لحن وردي ليوجعك
كل عام وأنت بخير قطتي العزيزة..ربما انقطعت عن النت لفترة قليلة لأني مسافر بعد العيد..فأرجو أن تشعلي ضوءا في الفوانيس من حين الى حين..فلا أجد من آمنه على منارتي/مدونتي مثلك.

مودتي كحقول عباد الشمس التي رسمها بجنون فان جوخ
مصر بخير ياعزيرتى
وستظل شامخة بأولادها
كل سنة وانت طيبة
وعيد سعيد
‏قال غير معرف…
صديقتي الغاليه قطقوطه الصحراء

فعلا الأغنيه روعه ياقطه كلمات و لحن مالهوش حل و كمان ورده كانت بتغنيها بأحساس عالي عشان كده وصلت لقلب كل اللي سمعها
فعلا ياقطه الواحد زعلان علي اللي وصله حال البلد نفسي كل ده يتغير و ترجع مصر زي الأول و احسن كمان
مرسي علي لينك الأغنيه و كل سنه و انتي طيبه و عيد سعيد ليكي و لكل الاسره ياجميله
‏قال Desert cat
آلام وآمال
وانت طيب يا محمود
عيد سعيد
‏قال Desert cat
آلام وآمال
اخد حكم يا سيدى فى قضية صحة الرئيس
‏قال Desert cat
Rania
تفضل ازاى يا رانيا وهى عمال تتحرق كل شوية
البلد دى محتاجه ناس قلبها عليها
يحبوها علشان يحموها
كل سنة وانتى طيبة يا جميل
‏قال Desert cat
عايش ولكن
معلشى بقى يا علاء
كلنا موجوعين على اللى بيحصل
كل سنة وانت بالف خير
عيد سعيد
‏قال Desert cat
حبيبـــــــة القمـــــر
ازيك يا جميل عامله ايه
كل سنة وانتى طيبة
عيد سعيد عليكى وعلى استرك وكل محبينك
‏قال Desert cat
Migo Mishmish
ازيك يا مشوشة وايه اخبارك
الاخلاق لا تتجزأ
احنا بلدنا بتنهار اقتصاديا وبالتبيعه لازم تنهار اخلاقيا
راح فين ولاد البلد الجدعان اللى كان اللى يشوف بنت بتتعاكس حتى لو مش عارفها يروح يدافع عنها .. طيب حاجه لسه النهارده حصلت معايا انا ماشية وواحد غبى عاكسنى رديت عليه بانه معفن راجل كبير واقف قاله اختشى على دمك ده انت صايم .. واقف واحد تانى قاله ياعم البنات بيكونوا عايزين كدا .. انا كنت خلاص ماشية وقفت قولت له طيب عقابل امك واختك ومراتك وبنت لما يجوا لك البيت وحد مغتصبهم .. ووقتها اوعى تفتح بؤك لانهم عايزين كدا .. وجريت طبعا قبل ما اسمع اى رد لانى مش ضامنه العواقب ايه ؟؟؟
وبالرغم من انى قرفانه من الاشكال دى ومن الناس المنحطة اخلاقيا ومن الرشاوى الا انهم مش هيكرونا فيها مش هيجبرونا نسيبها .. البلد لو فيها قانون بيطبق على ابن الوزير وان الغفير هنكون من احسن البلاد فى الدنيا
نورتينى جدا يا مشموشة
‏قال Desert cat
Anonymous
اعتقد يا عزيزى ان اى مكان فى الدنيا لو كل شخص اجتهد هيلاقى مقابل
انما حكومتنا الرشيدة بتجتهد تنضف جيوب الناس ازاى
ويمكن ده اللى بيخلينا نبحث عن الهجرة بسرعه البرق
تحياتى
‏قال Desert cat
مفكر يحترم عقله وعقل القراء
طبعا اتفق مع حضرتك
لكن الحكومة ايضا عليها عامل كبير
كل يوم فرض ضرائب مختلفه
ورسوم تحت اى مسمى
بالاضافه لزيادة الاسعار والدخل الثابت كل هذا جعل الجميع يضيق بالحياة ذراعا
لذلك توالت طلبات الهجرة
بالاضافه لما ذكرت حضرتك من فلوس البترولارات
مودتى واحترامى
‏قال Desert cat
A.SAMIR
احمد على ذكر ابراهيم عيسى
حسام الوكيل الصحفى مختفى منذ 48 ساعه ولا احد يعلم اين هو ؟؟؟
لكن ده برضه مش دافع اننا نتكلم عنهم
اؤيدك الراى مصر مفيهاش كلمة حرية منذ انقلاب 52 .. لكن مينفعش نهجرها
كل سنة وانت طيب
مودتى
‏قال Desert cat
الازهرى
طيب وهنرجع ازاى وتاريخنا بيضيع قدام عيننا
هنرجع ازاى والاخلاق فى انهيار
هنرجع ازاى ومش فى حد عنده استعداد يغير من نفسه
الحل ايه بقى
مش عارفه صعبة شوية
تحياتى
‏قال Desert cat
banouta masreya
اللى فوق كانوا مننا فى يوم من الايام لكن لما طلعوا فوق تناسوا وضعهم السابق وعايزين يقلبوا اللى تحت باى شكل
شرفتينى جدا
كل سنة وانتى طيبة
‏قال Desert cat
tamer.sala7
ربنا يسمع منك يا تامر فى اخر ساعه قبل الفطار النهائى
:)
كل سنة وانت طيب يا تامر
عيد سعيد
‏قال Desert cat
آلام وآمال
للاسف صحة الرئيس سمعتها سءات الرئيس خايف على سمعة صحته .. ده لو بيخاف على سمعه مصر بالشكل القوى ده مكناش بقينا فى المهذلة دى
تحياتى
‏قال Desert cat
حاتم بزان
حمد الله على سلامة الرهائن والحمد لله انهم رجعوا سالمين
كل سنة وانت طيب
‏قال Desert cat
نبراس العتمة
صديقى العزيز نبراس العتمة
اشكرك جدا لكلماتك الطيبة
شرفتنى جدا
وكل سنة وانت بالف خير
‏قال Desert cat
نبراس العتمة
كل سنة وانت بالف خير
ويارب عيد سعيد عليك وعلى اسرتك وكل محبينك
ولا تقلق على الفوانيش وهى جوا عيونى وقلبى
ترجع بالف سملاه
‏قال Desert cat
وميض ابتسامة
كل سنة وانت طيب
عيد سعيد يا فندم
‏قال Desert cat
انا انسان
ربنا يتقبل
‏قال Desert cat
صديقتى الغالية اجمل اجندا حمرا
كنت عارفه انك هتحسى الكلمات دى اوى علشان عارفه احساسك الجميل
ويارب مصر ترجع زى الاول واحسن
كل سنة وانتى والغالية طيبين وبالف خير
عيد سعيد عليكو وعلى كل محبينكو
محبتى يا جميله
‏قال غير معرف…
اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر
‏قال Abu Shahin
مش عارف والله
كل المؤشرات بتقول ان البلد لسه فيها اسوا
وان مافيش تغيير ولا نيلة
والدنيا هاتتازم اكتر

حتة النهارده بعد اصدار قرار بالعفو عن ابراهيم عيسى .. فاحنا كلنا متاكدين ان دى تمثلية بيكسب بيها بنط على حسابنا

مش عارف البلد ده هاتقوم امتى
وبقيت اشك كمان انها هاتقوم م الصل

المشاركات الشائعة