من دولة الفيسبوك لوسط البلد... نحييكم

بداية وقبل اى حاجه بشكر جدا كل المدونين الاعزاء اللى وقفوا جنبى وضد الشخص اللى انا مش مسمحاه لحد اخر يوم فى حياتى اللى انتحل شخصيتى واخد صورة بورفايلى واسم مدونتى وداير يشوه فى صورتى قدام الناس .. الصحاب اللى بجد بيبانوا فى الازمات وانا عندى اصحاب واخوات حتى المختلفين معايا برضه كانوا جنبى فى الموقف الغبى ده وبقوله موت بغيظك وعلى قلبك حجر مش حد هيصدقك لاننا اخواااات مهما حصل بينا اسمنا اخوات ومش ممكن نتخلى عن بعض ابدا.. الجميع عارف شخصيتى كويس ... ميرسى ليكو كلكوا وربنا ما يحرمنيش منكو ابداً
***************************
نخش فى الموضوع على طول وبدون اى مقدمات بعد انتهائنا من كتاب دولة الفيسبوك وهو الان فى مطابع دار الشروق بيستعد ويتزوق ليتم طرحه فى الاسواق مع اول ايام عيد الفطر المبارك ... احب اقول لكوا العيد هيكون بالنسبة لنا 3 اعياد
عيد الفطر وطرح كتاب دولة الفيسبوك وصدور اول عدد من مجلتنا الالكترونية وسط البلد
شهر اكتوبر السنة دى علينا خير وبداياته مبشرة وموفقه
وللمرة التانية نشترك انا والجميلة بسمة عبدالباسط فى عمل واحد
منتظرينكو اول اكتوبر نحتفل بالعيد وصدور الكتاب والعدد الاول من مجلتنا وسط البلد
مودتى واحترامى للجميع

تعليقات

‏قال Soooo
كل سنه والقطه بصحه وسلامه

وربنا يوفقكم ويقدركم على اللي انتو بتعملوه في الوقت اللي كل اللي بيقول حاجه بيتحارب عليها

ملحوظه
ركزي في الجمله اللي هقولهالك
الكلاب تهوهو .. وقطة تنونو .. وتستمر وتتوغل وتنتشر





سلامووووووووووز
‏قال عزيز عيني
مبروك طبعا نسختي محفوظه وعليها الاهداء الجميل
وياريت تفاصيل اكتر عن وسط البلد
‏قال desert cat
عزيزتي كلبة الصحرا
اتحدي اي حد انة يقدر يعمل معايا حاجة
والعبيط اللي جاب الاي بي بتاعي
اذا كان فاكر نفسة هايقدر يعمل بية حاجة
يبلة ويشرب ميتة
اذا حد قدر يعمل حاجة
انا مستعد اقول انا مين واظهر باسمي و مدونتي الحقيقية
رجاء بس
لا تعتقدي انك بهذة الاهمية
فعمل اكاونت مشابة لكي او لغيرك لا يستغرق اكتر من خمس دقايق
بس انا بحب اختار الناس اللي دمها تقيل علي قلبي
علشان اوريهم العين الحمرا
اخيرا اذا كنتي تعتقدي انتي وباقي الكتاكيت
ان دة هو اخر الامر
معلش هاخيب امالك
عزيزتي القادم اوسخ بكتير
بل سنخرج من العالم التخيلي لارض الواقع ونفس الكلام دة انا قلتة لاصحابك نوارة وابي
‏قال غير معرف…
ربنا يخليكى ليا ويارب دايما نتجمع ونجتمع فى الحاجات الحلوة دى
فعلا العيد هيكون مختلف جدا السنه دى وربنا يوفقنا دايما

تحياتى
‏قال ابو احمد
كل سنه وانتى بخير
وبإنجازات جديده
الواحد بيفرح بالشباب النشيط اللى زيك وبيحس ان لسه فيه أمل
تحياتى
الف مبروك بمناسبة الكتاب و ياريت تعملي له حفلت توقيع :)

و بجد اناف رحانه اوي بموجة نشر الكتب للشباب المثقف الواعي اللي بدأ الامر دا في التدوين .... العودة للشباب


و عارفة يمكن موضوع التعليقات السخيف دا عمل ازمة و لكنه فعلا جمعنا و عرفنا معدن المدونين الحقيقي و ان هما دول روح ابناء مصر بجد الحقيقي الجدعان المثقفين

خالص التحية
‏قال Ahmed Al-Sabbagh
حنان فى كومنت بذئ هنا من قرينك
http://netonradio.blogspot.com/2008/09/blog-post_21.html

بس واضح اوى للكل انه مش منك
‏قال الدرعمي
السلام عليكم

قطتي الجميلة الرقيقة

من هذا الوغد الذي انتحل شخصيتك ؟؟

أنا سعيد جدا جدا جدا

إن كتابك هينشر في العيد

ومع الشروق كمان

ربنا يوفقك

وأرجو إنك تدعوني في حفل التوقيع

وماتبقيش تنسيني


كمان مبارك عليكِ المجلة

وربنا يجعل أكتوبر دايما شهر انتصارات

لنا ولكِ


وكل سنة وأنت ِ طيبة



آدم
‏قال Bella
مبروك علينا كلنا

كتاب دولة الفيس بوك ومجلة وسط البلد

انا عايزة منك ياحنان الله يخليكي الكود اللى حاطة بيه صورة كتاب دولة الفيس بوك

اصلي كنت عاملة كود قبل كده بس مش فاكرة بيتعمل ازاي

فينوبك ثواب عايزاه

شكرا ياجميل
‏قال غير معرف…
ربنا معاكوا

و الف مبروك
أف مليون مبروك الكتاب والمجلة وكل سنة وانتى طيبة بمناسبة العيد

وبالنسبة للحرامى اللى سرق اسمك فده مش هايعيش كتير على المدونات صدقينى هايموت بسرعة لأن ما حدش هايسمع له
‏قال غير معرف…
نريد ان نبارك يدا بيد مثل اهل الريف

ممكن من فضلك؟
‏قال صوت من مصر
ربنا يجعل ايامك كلها نونوه
وعموما مبروك ؟
ومستنى العدد الاول من وسط البلد ؟
انشا الله ميت عيد يا قطتنا الجميلة في يوم واحد..
هي ذي انتصاراتك في الواقع الرمادي..
دمت متألقة ومبدعة
‏قال سمر الشافعى
مبروك ياقطه على كل الحاجات الحلوه ودى ويارب دايما من نجاح لنجاح
‏قال micheal
بالتوفيق دائما يا قطتنا الجميلة
:)
تحياتي
‏قال Desert cat
Soooo
كل سنة وانت بالف خير يا سوو
ربنا يخليك ويوفقنا كلنا
ويقطع نفس الكلاب اللى بتهوهو دى
ميرسى جدا ليك يا سوو
‏قال Desert cat
عزيز عيني
طبعا من غير ما تقول يا باشا نسختك محفوظة وان شاء الله تنور حفلة التوقيع بس يارب تكون فى مصر يااااارب
بالنسبة لوسط البلد
اول لما ينزل العدد على طول هنزله فى المدونة وابعته لك كمان
شرفتنى جدا
‏قال Desert cat
قرينى المتخلف عقليا
داخل تكشف عن نفسك بنفسك يا غبى
انت لو راجل اصلا مش هتروح تستخبى ورا اسامى بنات حاسس بالغل من ناحيتهم والحقد مالى قلبك
الراجل اللى بجد لو تعرف يعنى معنى كلمة رجولة مش بيستقصد بنات وبيتشبه باسميهم .. وانا لو مش بالاهتمام اللى بتقول عليه ده مش كنت قعدت على النت 24 ساعه قاعد تلف فى المدونات باسم مدونتى اول مرة اشوف حد مش مهتم بحد وشاغل نفسه بيه 24 ساعه
يكفى انك سايب اللى وراك واللى قدامك وقاعد شاغل نفسك بينا .. شكلنا مجننينك احنا التلاتة
متغاظ مننا طيب قلدنا
لكن علشان الحقد والغل عاميك انتحلت شخصياتنا
ونفسى الحقيقة اشوفك على ارض الواقع ووقتها هتندم على اللحظة اللى فكرت تدخل فيها نت بس خليك اد كلمتك وتعالى ارض الواقع
وقتك انتهى
طيييير
‏قال Desert cat
bos bos
ويخليك ليا يابوسى يا جميلة
حقيقى انا سعيدة جدا بيكى وبنشاطك
وربنا يوفقنا كلنا يارب
محبتى يا قمراية
‏قال Desert cat
ابو احمد
دكتورنا العزيز
كل سنة وحضرتك واسرتك بالف خير
ميرسى جدا لحضرتك ولتشجعيك المستمر
مودتى واحترامى
‏قال Desert cat
شــــمـس الديـن
طبعا يا شموسة اول لما الكتاب ينزل الاسواق ويحقق ان شاء الله نسبة مبيعات دار الشروق هتحدد لنا معاد لحفلة التوقيع وانتى اول المدعوين طبعا
التعليقات السخيفة دى عرفتنى الحقيقة لى ناس كويسين جدا ومحترمين جدا
وعرفت اكتر ان غرضه يوقع بينا وبين بعض لكن هيهات شكله بيحلم
اشكرك جدا يا جميلة على زوقك
مودتى واحترامى
‏قال Desert cat
Ahmed Al-Sabbagh
متشكرة جدا يا احمد للتنبيه
وهو خلاص حاجه واتحرقت والناس فهمت ان اللى بيعمل كدا انسان غبى كل غرضه يوقع الناس فى بعضها
لكنه مش هيطول ما يتمنى
كل سنة وانت بالف خير يا احمد
تحياتى
‏قال Desert cat
Dear ADAM
زى ما قولت اللى بيعمل كدا وغد المهم انه لو جه عندك تاخد بالك كويس
طبعا اول لما الكتاب يتحدد موعد لحفلة التوقيع الجميع مدعو دون استثناء ولازم تحضر يا باشا
كل سنة وانت طيب
‏قال Desert cat
Dear Bella
مبروك علينا جميعنا ويارب يوفقنا
بالنسبة لصورة الكتاب هو مش كود يا بيلا
انتى بتدخلى
costomiz
add agadet
بتفتح لك صفحة منفصله بتختارى اضافة صورة وبترفيعها من على جهازك وبتظهر لك فى السايد بار لوحدها بعد كدا
اى استفسار احنا فى الخدمات يا جميل
محبتى
‏قال Desert cat
MaGn0liA...
اللهم امين
الله يبارك فيك
‏قال Desert cat
قلب مصرى
الله يبارك يا ابو رقية
وربنا يوفقنا جميعا يارب

الحرامى اللى سارق اسمى طول ما عندى اخوات زيكو من الطبيعى انه يموت على الاقل من الغل اللى فى قلبه انه مش قدر يحقق هدفه

كل سنة وانت واسرتك وكل احبائك طيبين وبالف خير
مودتى واحترامى
‏قال Desert cat
Dear Sherif
ده انا يبقى ليا عظيم الشرف
يارب يقرب الايام علشان نبقى زى اهل الريف ونسلم يد بيد
:)
كل سنة وحضرتك طيب وبالف خير
‏قال Desert cat
صوت من مصر
الله يبارك فيك يا محمد
وان شاء الله اول لما العدد ينزل هبلغك فوريره
:)
‏قال Desert cat
صديقى العزيز نبراس العتمة
يارب يجعل ايامك كلها اعياد وسعادة
وربنا يحقق لنا جميعا كل ما نتمنى
دمت اخ غالى وعزيز
مودتى واحترامى
‏قال Desert cat
سمر الشافعى
الله يبارك فيكى يا جميلة
ربنا يوفقنا جميعا
‏قال Desert cat
micheal
ربنا يوفقنا كلنا يا مايكل يارب
‏قال مواطن مصري
مبروك


بس تكوني حتيطي جروبات الي ضد الاسلامين في افيس بوك و اتكلمتو عن القرصنة

:)
‏قال Desert cat
مواطن مصري
الله يبارك فيك
بس للاسف الجزء الاول من الكتاب تم تجميعه قبل عملية القرصنة دى
لكن ممكن ينزل فى الجزء التانى ليه لاء
:)
‏قال dr.lecter
انا الحمد لله ماوصليش حاجه من الشتايم وماخدتش بالي من الموضوع ده الا مؤخرا

كبري والله وهدي نفسك وبعدين مش قلتلك قبل كده هدي مواضيعك شويه وبلاش تعلي التوون واديكي شفتي واحد اتقمص وحب يعملك مقلب ويسء لك بس الحمد لله ربنا ستر وعدت علي خير

بالنسبه لحكايه الكتاب انا متحمس له لاني حابب ان المدونات تتعمل كتب تنشر والناس كلها تقراها وانا جربت كتاب رائع عاوزه اتزوج للزميله غاده عبد العال اللي اتبنتها دار الشروق الرائعه اللي بتعرف تكتشف المواهب


انا شايف ان المفروض المؤسسات العملاقه تتبني المدونات المميزه زي مدونه حضرتك ومدونه ناس تانيه قريت لهم رائعه جدا بس للاسف

شوفي كام مؤسسه بتهتم
‏قال tarek alghnam
قطه الصحراء
مش عارف اهنئك على الكتاب والجريدة ولا اهنى نفسنا
كل نجاحاتك هى نجاح لنا
نسعد لنجاحك
مبروك مقدما
ويارب من نجاح لنجاح
تقبلى تحياتى
وكل عام وانتى متألقه
‏قال Desert cat
الحمد لله انه مش راح عندك
بس هو راقد فى المدونة على بيض مش عارفه الحقيقة ههيفقس امتا
تلاقيه شاف تعليقك وممكن يروح لك
ابقى خد حذرك
وبعدين هو مش مستقصدنى انا لوحدى
ده هو منشن على 3 مدونات والـ 3 بنااات شكله متغاظ من حاجه وجاى ينفسن علينا احنا
بالنسبة بقى للكتاب فهو مش له علاقة بالمدونين
هو مجمع جروبات من الفيسبوك
انتظر لما يتنشر وهعيجبك ان شاء الله
كل سنة وانت طيب وبالف خير
تحياتى
‏قال Desert cat
tarek alghnam
ميرسى جدا لحضرتك استاذ طارق انا طبعا لولا وجدكو عمرى ما كنت هعمل حاجه لكن بفضل ربنا وتشجيعكو ليا قدرنا كلنا نوصل لنتيجة
الف مبروك لينا جميعا
ويارب دائما بالتوفيق
كل سنة وحضرتك واسرتك وجميع احبائك بالف خير
مودتى واحترامى
الف مبروووك
نجاحك فى اصدار اى كتاب هو نجاح لينا كلنا كمدونين
ان شاء الله يحقق مبيعات كويسه
وطبعا نسختى محفوظه :)
‏قال غير معرف…
قطقوطتنا الحلوه اللي دايما مشرفانا

ألف ألف ألف مبروك
تحيه معطره بالفل و الياسمين لأحلي قطه
و عقبال يارب دايما ناجحه و محبوبه
و انشاء الله الكتاب ينزل في السوق و يحقق نجاح بين القراء ياجميله
مني و من هارت أحلي الأمنيات و اللي بالي بالك أديهم شافوا ان مهما عملوا برضوا بنحبك و متأكدين من أخلاقك فأحسنلهم يشغلوا وقتهم بشئ مفيد بدل ماهما بيضيعوا وقتهم في حاجات هايفه و لعب عيال
بنحبك ياقطتنا
‏قال Desert cat
عايش ولكن
ميرسى جدا لذوقك يا علاء
ونسختك محفوظة وطبعا موجود معانا فى حفل التوقيع لما دار الشروق تحدده ان شاء الله
لازم تحضر
تحياتى
‏قال Desert cat
اجندا حمرا
صديقتى الجميلة احلى اجندة فى الدنيا
الله يبارك فيكى يا قليى وميرسى جدا جدا ليكى ولهارت
اللى حقيقى مفتقداها جدا
اللى بالى بالك ده يا قلبى حد فاضى مش وراه حاجه يعملها غير انه يلف يقل ادبه على خلق الله لكن لا تبالى خلق الله مش معبرينه ولا هيعبروه وخليه ياكل فى نفسه كدا لحد ما يتحرق لوحده
ربنا يزيده غل على غله
اصله مش بيعرف يعمل حاجه فى حياته غير انه يمسح السيبر اللى شغال فيه ويقل ادبه على الناس اكتر من كدا مالوش اى دور فى الحياة معذور فى عقله
ميرسى جدا ليكى يا قمراية ولذوقك
محبتى ليكى وللغالية هارت
‏قال tamer.sala7
بس حضرتك مقولتيش مستنيا فين ؟؟

لو شاطريت تيجوا تحتفلو في اسكندرية والله حيبقي يوم تحفة
‏قال Desert cat
tamer.sala7
لما الكتاب ينزل
وقتها يتم تحديد المكان والزمان
على فكرة انا كنت كلمت محمد البسيونى فى موضوع اسكندرية ده وعجبته الفكرة اوى وقالى نبقى نعمل هناك اجتماع من اجتماعات المجلة لما تنزل ان شاء الله
لكن حفل التوقيع اعتقد انه هيكون صعب شوية
لان معظم المشاركين فى الكتاب قاهريين واقاليم وبالتالى القاهره هى المكان المناسب للقاء
انت بقى لما يتحدد المعاد تشد الرحال وتيجى اكيد متفقين
:)
تحياتى
ان شاء الله عرفينى بس الميعاد وانا هحاول بقدر الامكان انى اكون موجود ان شاء الله
‏قال a
هاي قطة الصحراء
اولا باشد على ايد وباحييكي انتي وزميلاتك وزملائك في المجهود من اجل اصدا الكتاب والمجلة الالكترونية ومبروك

ثانيا:- ارجو ان تعتبري انتي وكل اصدقائك بان الاسائة لكي هي ليست اساءة عادية, وبما انك كنتي بتوجهي انتقادات لعادات سيئة تحت اسم الاسلام ولهذا تعرض لكي شخص يحمل هوية الارهاب الاسلامي

اذا فانتي ضحية الارهاب الاسلامي
الشخص الذي عمل هذا العمل هو واحد من المدمنين على كتابة التعقيبات عندك ولهذا وبما انكي ستحددين مكان افتتاح صدور الكتاب فاعتقد انكي بحاجة لاعلام الشرطة او السلطات المختصة وطلب حراسة المكان او ان لا تحضري في نفس صالة الافتتاح

حسب رايي وارجو ان تبحثي الامر مع الاصدقاء والشركاء

اتمنى لكم التوفيق
‏قال Eman Henaish
أولا: بالنسبة للانتحل شخصيتك ، فلا تعبئي به (لأن تجاهل الأحمق جوابه)
فالقافلة تنوح والقافلة تسير

ثانيا: مبروك علي الكتاب والي الأمام ديما
‏قال goodman
نونونونونونونو

اسف قصدى
كل سنة وانت طيبة بالمناسبات التلاتة
‏قال Desert cat
عايش ولكن
طبعا اول ما يتحدد الميعاد هعرفكوا جميعا
‏قال Desert cat
العزيزة واحة في الصحراء
اولا بشكرك جدا على حرصك واهتمامك وخوفك عليا
حقيقى ميرسى ليكى جدا وحاسس انى سعيدةا وى بيكى
لا تقلقى يا جميل
ربنا يكفينا شرورهم ويجعل كيدهم فى نحورهم
بشكرك جدا حبيبتى
تحياتى ليكى
‏قال Desert cat
Eman
ميرسى جدا ليكى ايمان
بالنسبة للخش صالمنتحل شخصيتى فهو شكله خبطه قطر باين اصلى نش شوفت طله الغبية النهارده
شكله بيحضر لمعركة ارض الواقع اللى هموت حقيقى واشوفه فيها يطلع مين ولا ايه
‏قال Desert cat
goodman
اسف على ايه بس انت نورتنى
كل سنة وانت بالف صحة وسلامه
‏قال maxbeta3zaman
الواد المختلس ده الغلاسه والبجاحه باينه فى كلامه وتحديه البجح للبلوجاويه شىء يغيظ ..طب لما انت جن وجامد كده متظهر باسمك الحقيقى اطلع وقول رأيك ..ولو على حق نقد موش حايهم بس لو تجريح وحقد المطاوى حاتنزل عليك عدل وبعدين هو البلوج معمول عشان الناس تردح وتشتم بعض؟
شىء غريب!!
‏قال غير معرف…
بسم الله الرحمن الرحيم

المشاركات الشائعة