مش انا والله

يا جماعه احذروا فى واحد عنده عته فى عقله عامل اكونت باسمى وبنفس صورة البروفايل بتاعى
وبيدخل يشتم فى الناس
والله العظيم ما انا الشخص ده
خدوا بالكو
desert cat
انا عامله بين ديزرت وكات مسافة واحده بس
هو عاملها مسافتين
كمان انا اسم المدونة موجود تحت قطة الصحراء بالعربى
هو عامل بروفايل بس بدون اسم مدونة
اى حد والنبى يدخل عنده هذا الكائن المتخلف عقليا يبقى يتاكد
والله العظيم ما انا اللى بشتم الناس فى مدوناتها
انا طبيعى بدخل مدونة عجبنى اللى فيها برد مش عجبنى باخد بعضى ونمشى تانى انا وبعضى ومش برد انا مالى كل واحد حر فى مدونته يكتب اللى يعجبه حتى لو قال آمان يا ليل
انا بقول الكلام ده ليه
علشان آآكد ان البتاع اللى بيشتم ده مش انا خااااااااالص
وابقوا اتاكدوا والنبى من البروفايل
ميرسى جدا لمحمود رئيس جمهورية نفسى
علشان هو اللى لفت نظرى وانا قاعده مضيعه وقتى كله فى الفيسبوك واسمى بيلف فى المدونات يشتم كدا بقدرة قادر
التحديث ده
رد مواطن مصرى نايم
ياريت تاخدوا بالكو
عمل حاجة جديده يا قطه دلوقتىبقى بياخد اللينك بتاع البروفايل بتاعكو يكتب اسم ديزرت كاتمع اللينكعشان اللى يضغط على الاسميدخل البروفايل بتاعك حتلاقيه عامل كده عند مايكلhttp://strugglingmichealitoo.blogspot.com/خلى بالك كمان و اعملى تنويه بكدا

ربنا ينتقم من اللى بيعمل كدا
منك لله يا بعيد

تعليقات

‏قال محمد صالح
انا من متابعينك يا قطه
واحب اعرفك ان اسلوبك فى الكتابه معروف وانتقادتك بتكون بنائه دائما
فمش معقول يعنى ان انتى تدخلى تجرحى اى حد كدا والسلام
تحياتى
أكيد الأسلوب بيفرق وطريقة عرض الأفكار بتبان
ولايهمك كلنا هاناخد بالنا
‏قال غير معرف…
قطقوطتنا الحلوه

ولا يهمك ياقمر
علي فكره البوبي ده دخل عندي بأسمك و قال شتيمه مش ولابد فقلت استحاله تكون قطه هي اللي بتقول الكلام ده و طبعا مانزلتش قله ادبه
ايه الحكايه ياقطه؟دي شوطه ماشيه في المدونات
كل شويه حد يدبأ حد و يعمله اكونت بأسمه
بس اللي بيحبوكي و يتابعوكي ياقطه استحاله حيصدقوا اي كلام من اي حد حتي لو سمي نفسه علي اسمك
شويه و حيزهق
ماتزعليش نفسك ياقمرايه
معلش هارت عندها مشكله في اللاب توب بتاعها و اكيد هي بتساندك و بتقولك و لا يهمك من الأشكال دي
تحياتنا ياقمرايه
‏قال Desert cat
ميرسى جدا يا محمد انا برضه عملت تنوية علشان الناس تاخد بالها
‏قال Desert cat
قلب مصرى
اتمنى ان الجميع ياخد باله
والله انا عمرى ما روحت شتمت حد فى مدونته
مش عارفه المرض المنتشر على النت ده هنخلص منه امتا
متشكرة جدا قلب مصرى
‏قال maha zein
فعلا انا أتأكدت وكويس انك نبهتيني لاني مكنتش عرفاكي وكنت هصدق
عموما نبهي الناس في مدوناتها
يا ريت
منه لله اللى بيعمل كده
‏قال Desert cat
اجندا حمرا
يا نهار اسود الا انتى الا انتى وهارت والله انتوا عارفين انا بحبكوا اد ايه انا مش بشتم الناس اللى بتشتمنى يبقى هشتمكوا انتوا
منه لله البعيد
يارب هارت اللاب توب يتصلح عندها وابقى قولى لها والنبى
‏قال Desert cat
maha zein
اللى قالى انه كتب كومنت عندك محمود
يعنى ده معناه انه بيدخل مدونات انا مش عارفه اصحابها ولا هما عارفينى
منه لله
يارب الدعاوى تحوق فيه
‏قال غير معرف…
و لا يهمك

اكييد مش هنصدق

و لا يهمك منه يا قطه :)
‏قال Yasmine
هى الفكرة فى الغباء يعنى داخل يرد على نفس البوست اللى انتى رادة فيه طيب يستنى واحد جديد مثلا يخرب بيت الغباء الازلى يعنى:D
ولا يهمك مش محتاجة تنبيه ولا حاجة
باين اوى انه حد فاضى و ما وراهوش غيرك
‏قال hartaka
ازيك يا قطه
:)

انا اعرف مدونتك من زمان
بس اول مرة اعلق عندك امبارح

لقيت تعليقين من عندك
واحد كويس
والتاني بيهزئني بالادب ؟

اشتغربت جدا وكنت مشقادر افهم
خصوصا ان الموضوع غير منطقي
لغايه مقريت البوست دا
:)

كويس انك عملت بوست تنويه
لاني كنت هاصدق لاني معرفكيش لسه

علي العموم فيه حمله علي الفيس بوك كمان معرفش ليها ارتباط بدا ولا لا لمهاجمه الجروبات العلمانيه والتنويريه
وعمل قرصنه عليها

بس انشاء الله فيه انتقام بيتم الاعداد ليه لهؤلاء الاوغاد

:)
سعدت بمعرفته مدونتك
‏قال غير معرف…
يسمع من بقك ياجميله حكم موضوع اللاب توب ده مضايقنا اوي
يارب يتصلح علي طول

علي فكره المخفيه او المخفي اللي منتحل الاكونت بتاعك دخل تاني عندي بس مؤدب المره دي و بيقولي حبيبتي
حبه برص البعيد

و لا يهمك ياقمرايه كلنا عارفين ان قطقتنا زي العسل و لسانها زي العسل و الفئه الضاله دي بعون الله حتتهد قريب
محبتنا ياقمرايه
‏قال Desert cat
MaGn0liA...
الحمد لله فى ناس عارفانى ومش هتصدق
لكن فى ناس عمرى ما رديت عندها اصلا ومبيروح يشتمهم باسمى برضه
يارب اى حد يوصله كومنت من الزفت ده يجى يسالنى او يتاكد من البروفايلات
منه لله
‏قال Desert cat
banouta masreya
انا استغربت برضه والله لما شوفت الرد عندك
قولت هو البعيد مش بيميز ما انا كاتبه رد فى الاول
كمان بيجى يشتمنى عندى ويمشى
على اساس انى انشر تعلقيه والناس تقول عليا اتجننت بقى قطة الصحراء داخله تشتم فى نفسها
ده متخلف
‏قال Desert cat
hartaka
انا كمان عارفه مدونتك من زمان اوى والله وبزورها ساعات
لكن انا والله عمرى ما روحت شتمت حد فى مدونته مش عارفه المريض ده ماله بيعمل كدا ليه

شوفت فعلا الحملة اللى على الفيسبوك
تقريبا العدوى اتنقلت للمدونات
انا عملت موضوع علشان اللى اتشتم منه يعرف انه مش انا
منه لله
‏قال Desert cat
اجندا حمرا
ان شاء الله اللابو تبو يخلص بسرعه بقى حقيقى انا محتاجه لهارت
يارب يخلص بسرعه
حبته عقربة البعيد
انا مش عارفه اشكرك ازاى والله بزوقك ووقوفك جنبى
ربنا يخليكى
‏قال Alkomi
طب كويس انك نبهتي انا كنت جاي اقولك

دي شوطة اليومين دول و ذروتها كانت مع نوارة و رحاب ابي من يوم التلات لحد امبارح

عموما انا اتصلت بالصباغ عشان يمسح اللي على مدونته و منسوب ليكي بالغلط
‏قال Desert cat
محمد الكومي
كويس اوى انك نبهتنى يا محمد
هى حصلت كمان الصباغ
ياريت لو لاقيت اى شتمية تقولى او تقول للى بيتشتم انه مش انا
متشكرة جدا ليك
‏قال Ahmed Fahmy
يااااااااه دي شوطة فعلا
ع العموم يا قطة انتي مش محتاجة تعملي بوست الناس عارفاكي و عارفة اسلوبك و طريقتك ف الكلام و التفكير
لو شفنا كومنت من دول اكيد مش هنصدقوه
بس المشكلة في الناس اللي مش غارفاكي قبل كدة
ربنا معاكي
‏قال Desert cat
A7MeD F@hMy
هى الشوطة بدات فى الفيسبوك واتنقلت للتدوين يا احمد
اااه هى المشكلة فعلا فى الناس اللى مش عارفانى ربنا ياخده
‏قال قلوب بتغنى
ازيك يا قطه
خلاص بقيتى هدف حربى
على راى محمد صبحى
ابو طبق بقى هدف حربى
تحياتى
عمل حاجة جديده يا قطه دلوقتى
بقى بياخد اللينك بتاع البروفايل بتاعك
و يكتب اسم ديزرت كات
مع اللينك
عشان اللى يضغط على الاسم
يدخل البروفايل بتاعك
حتلاقيه عامل كده عند مايكل
http://strugglingmichealitoo.blogspot.com/
خلى بالك كمان و اعملى تنويه بكدا
‏قال محمد حمدي
ايوه فعلا جه مدونتى بس مشتمش .. قعد يقول شويه كلام اهبل

ويا بنتى مش محتاجه تحلفى انك مش بتشتمى الناس فى تعليقاتك لان اخلاقك معروفه .. حتى للمختلفين معاكى فى الراى عارفين انك مش قليلة الادب او مجنونه زى الاخ السايكو الى عنده فراغ عاطفى وعلقى يخليه ماشى عمال يحط تعليقات فى مدونات الناس

تحياتى
‏قال Ahmed Al-Sabbagh
ياحنان احنا مش معرفة امبارح عشان تيجى تتأسفى وتتدافعى عن نفسك
من غير ما تقولى احنا ندافع عنك
ونتف على اللى بينتحل شخصيتك
والكومى ربنا يكرمة جه عندى ووضح وكمان اتصل بيا

لا تقلقى وهدى اعصابك

الكلاب تعوى والقافلة تسير

احمد
من التهييس الى قطة
انا نوارة مش القرين..هل تسمعني حووول

حسبي الله ونعم الوكيل فيه
واخد اسمي وصورتي
لسة امبارح شايفاه وهو مزود الصورة عنده ربنا ياخده بحق الادان ده

امبارح ابي قعدت تكلمه زي عم مدبولي ما كان بيكلم قناوي ده انا ح اجوزك هنومة يا قناوي يابني وجايب لك المهر في جيبي قوم يا قناوي البس بدلة الفرح

وبعدين وهو بيكرب عربية الاسعاف هرب وجري واخد اسمك

ربنا ياخده
قبل كده دخل باسم ابي وقعد يشتم وانا عرفت من اول مرة انه مش هو
دلوقت حط الصورة بتاعة البروفايل بتاعها كمان

والغبي كتب امبارح تعليق ونسي يغير الاكاونت بتاع ابي

افتكر انه داخل بجبهه التهييس وراح اتكلم على لساني وهو داخل باسم ابي فعرفنا انه هو واحد وبعدين بغبائه المنقطع الجماهير مش بقى يسيب التعليق ويدخل بالاكاونت اللي بيقلدني بيه ويقول مش انا مثلا ويعمل تمثيلية

لا

مسح التعليق وكتبه تاني باسم جبهه التهييس عشان ياكد انه هو

عموما انا عرفت ان مستشفى العباسة بقالها فترة بتهرب المجانين من عندها
فغالبا فتحوا له الباب وجابوا له كمبيوتر على حسابهم

بصي انا الفرق بيني وبينه انه هو

جبهه
بالهاء المربوطة

وانا جبهة بالتاء المربوطة

وهو حاطط صورتي بس لو دوستي على الاكاونت بتاعه ح تلاقي البروفايل مش
available

انا الاكاونت بتاعي بيبين البروفايل

طيب نعمل ايه؟
مافيش هاكر ابن حلال؟

مافيش هاكر ابن حلال؟

يا شبااااااااااب

مافيش هاكر ابن حلال؟

شوفي كده اذا كان فيه عندك هاكر ابن حلال
عشان انا كل اللي اعرفهم ناس غلابة لا بيهاكوا ولا نيلة

وللا نبلغ في امن الدولة وللا ايه؟

اصل اصلا احنا كده كده كل المدونات امن الدولة بيراقبها فيعني بدل ماهم قاعدين كده يتفرجوا علينا وخلاص يعملوا لنا حاجة

قلتي ايه؟
لما قرينك يدخل عندك ابقي عيطي عليا عشان اشوف التعليق بتاعه وانا اقدر اقول لك هو نفس القرين بتاعي انا وابي وللا لا
‏قال AHMED SAMIR
دي تاني حالة من النوع دة خلال 24 ساعة
ايه الموضوع دة؟
بتبقى حاجة تنرفز فعلا
قلبي معاكي والله
كان الله في العون
تحيااااتي
‏قال micheal
هي إيه حكاية موضوع القرين ده علي رأي نوارة؟
:)
اللهم ما احفظنا
:)
حابس حابس
:)
بعيد بعيد
:)
صدقني كنت متأكد تماما أن التعليق اللي بغسمك عندي ميخصكيش لانك إنسانة محترمة
أما هذا الشخص فربنا يستر منه وأتمني ميخدعش ناس كتير
تحياتي
‏قال صفا سارة
الموضوع ده انتشر يا قطة بس اكيد الكل عارف اسلوبك يا جميل ويلا ربنا معاكى
‏قال مواطن مصري
الي قطة مينفعش حد يقلدك عشان انتي الاصل مش التقليد


بس لو ليكي اكونت
على الفيس بوك
حذاري من الهاكرز المتطرفين حاوولو
يسرقو الاكونت بتاعي

و عملو مرة اكونت باسمي

بس فشلو
‏قال أسماء علي
يا اهلااااااااا

هما بتوع السرايا وصلوا

انا قلت علوا السور بتاع السرايا عشان ماحدش ينط و يجيلنا

يا قطتي

ده واحد أو واحدة ماعندوش منطق لأن اللي بيعمله\بتعمله ده منطق الضعيف اللي ماعندوش منطق

و احنا اهه ف العشرة الآواخر يعني ادعوا و ربنا هيتولاه برحمته ان شاء الله

...

يعني ارجع من الدوشة اللي عندي الاقي المعاتيه ملوا المدونات

!!!!!!

ولا يهمك يا برنس الكل عارفك يا فندم

و يمكن ده حصل عشان مابعتليش الفانوس بتاعك العب بيه :)
قطه الصحراء
ياريت تنبهى على الجميع تحسبا انى الموقف يتكرر مع اى حد تانى غيرك انتى باى اكونت تاني في اى بلوج ياريت يروح يشوف البروفيل حيوصلة للمدونة او لا خاصة وانى واضح انها سلسلة متتالية ومش حيخلص الموضوع لانه بيشتغل فية بهدف ضرب المدونين فى بعض وتشوية صورهم ابتداء الموضوع
بنوارة نجم زى ما شرحت ليكى
وبعدين ايبى
وحاليا مدونتك
واللة اعلم مين اللى حياجي علية الدور بين المدونين
بس الهدف تقريبا ضرب المدونين في بعض
‏قال غير معرف…
نفس اللى حصل عند آبى

فيه ناس غير سوية بتعمل كده .. احنا عارفينك .. الحل السهل ان كل واحد يجد عنده كومنت غبر منطقى .. يزيله حتى تظل المدونة نظيفة خالية من قلة الادب

لاتنزعجى لان ده بيتكرر هذه الايام وليس الان هانعرف مين هى قطة

تحياتى اليك
‏قال غير معرف…
معلش يا قمر ده اكيد مريض نفسيا واكيد الناس هتكشفة وتعرفه ما تقلقيش
هو في ايه ياجماعه كل يوم حد ياخد اسم حد بجد ده حرام

مش تقلقي ياقمر

الناس اللي يعرفوكوا عمرهم ماهيظنوا سؤ فيكي

ولا تزعلي نفسك كده
‏قال Unknown
لا بد أن هناك شيئا ما وراء هذا ولكن كلامك بيدل دائما عنك يا قطة وشخصيتك تطغى على الكلام ومتخافيش ده كلام فاضي وشوية وهيزهق لما يتفضح أمره
ربنا يتقبل منا رمضان ويعتقنا في هذه العشر الاخيرة
كل ودي
‏قال maxbeta3zaman
دى تانى مره الاقى حد بيشتكى من قرصنة أسماء ...أمال فين البلوجاوى يقفش العيال النشالين دول ..ويطردهم من الاليج كلها ..أمال عامل معلم علينا بس ...الواحد بيتفتش وهو داخل دكانه ..انت مين ..كلمة البتنجان إيه ..ورينى نظرك كده كام على كام وحللى الكعابيل دى ..الله أمال فين الكلام ده ؟ يظهر ان العيال دى متمكنه من الاحتيال ..عموما اتحسبنى فيهم فى اليومين المفترجين دولاهما ..دانا وزوجتى رايحين نصلى التراويح راحو خاطفين المصاحف منها وهى تمشى للمسجد أول يوم فى رمضان
‏قال شمس الدين
لسة واصلني تعليق من شوية باسمك ... بس عارفة انا لما دخلت علي البروفايل لاقيت حاجة غريبة اوي

لاقيت انه معندوش مدونة و لكن حاطط مدونتك في صفحة الوب الخاصة به

ايه الناس اللي عندها فراغ دي !!!! بجد انا مش مصدقة ان فيه ناس فاضية بالشكل دا

اقول ايه معلش

عامة انا هحذف التعليق دا نهائي ولا كأنه وصلني اصلا

امراض عقليه مزمنة بجد و ان شاء الله و متخديش في بالك

و كويس ان اتبعتت لي رسالة من صالون احمد الصباغ بيحذرنا من الامر دا علشان ميحصلش لبس

و اهي فرصة سعيدة اني اتعرفت بيكي :)
ع فكره انا اول مره ادخل عندك عشان اعرف مين بالظبط اللى دخلت عندى المدونه وكتبت تعليق بتشتمنى فيه ؟؟
بس بعد ماقريت البوست بتاعك فهمت القصه .. وع العموم احسن حل محدش يرد عليه ولا يسأل فيه ..
وان شاء الله المشكله تتحل قريب
مدونتك جميله
ع فكره انا اول مره ادخل المدونه بتاعتك لمجرد انى اشوف مين اللى دخل عندى وعلق على موضوع على مدونتى وشتمنى .. بس اما دخلت وقريت التنويه اللى كاتباه .. فهمت .. ع العموم ولا يهمك واهو برضو اللى بيعمل كده بيعملك دعايه للمدونه بتاعتك مجانا ههههههههههه .. ولايهمك ياقطه ان شاء الله المشكله تتحل قريب
‏قال رامز عباس
قطة

انا اول مرة ادخل عندك

ربنا يكرمك

وتخربي بيت المتخلف ده


سلام ملاقيش


كنافة هنا
‏قال Here i'm
طيب دلوقتى انا فى حد رد عندى بأسم ديسرت كات .. دا سموك و لا سموه :D

على فكرة .. بصى للموضوع من زاوية تانية .. حاجة زى دى تدل على انك عملاله كلو فى دماغه .. و هوا مقدرش يرد عليكى و لا يتواصل معاكى .. فعمل زى العيل الأهبل اللى بيحدف العربيات بالطوب و بيجرى :D
متقلقيش أخر الأحداث .. :D

على قد ما بختلف معاكى .. بس مبحبش القذارة
‏قال Beram ElMasry
ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف المسار
بتش يا قطة

قرينك دخل عندي ده حاطط الصورة والبروفايل وكل حاجة

وانا افتكرته انه انت ورديت عليكي بمنتهى العبط

بس استغربت شوية لاني عارفة انك ما بتشتميش
انا باشتم عادي يعني فقلت يمكن من حرقتها على اللي مقلدها بتشتمه

تعالي بصي قبل ما اشيل التعليق بتاعه
‏قال kochia
هي الناس فضيت خلاص
ده حد فاضي وشكل مش صايم كمان

معلش
كويس انك نبهتي

تحياتي
‏قال عباس العبد
الموضوع ده كتر أوى و بقى حاجة سخيفة جداً
مرة أبى و مرة جبهة و مرة أنتى
فى أيه انا مش عارف
حاجة بقت سخيفة
بجد
--
كل سنة و انت طيبة و رمضان كريم
يا بنتي ردي عليااااااااا بسرعةةةةةةةةةةةةةة

انت كتبتي ان شاكة في الاخوان والسلفيين في حتة تانية غير جايكو؟

عشان هو داخل باسمك وبيقول لي: زي ما قلت لك امبارح انا شاكة في السلفيين والاخوان
‏قال Amgad
ايه ده هو لحد دلوقتي
انتي ورحاب ابي ونوارة وحد رابع
ايه الحكاية دي هوجة بقي
بس عموما زي مقولت لرحاب
هي حركة رغم قزارتها الا انها تحترم
بحترم انا الناس اللي بتفكر حتي لو كانت في اعمال واطية
هههههههههههههههههه
تحياتي
‏قال Coca
انا مش فاهمه اصلا ايه مزاج الشخص او الاشخاص اللي بيعملوا كده دا مرض نفسي ولا ايه اصله
حاجه غريبه بجد
بس عامه يا قطه بصي انا لو شوفتلك تعليق مثلا حسيت انه مش انتي

ضريبه الشهره بقي يابنتي استحملي
تحياتي
‏قال اسامة يس
اولا كل عام وانت بخير ..
واسف ان جاءت متأخرة...
بلفعل كما قالوا ان لك اسلوباً مميزاً ومن يعلم الشخصية وفكرها يعلم يعلم هل يمكن ان يصدرها عنها ذلك اولا ...
بالتأكيد هذا السارق يطوف ويتسمع الأخبار وربما يقرأ مبتسماً موضوعك عنه... لكن يفضل ان يتم تجاهله بعدما نوهتي فلا يجد ما يسر نفسه المريضة...

دمت بكل ود..
خالص تحياتي..
‏قال Desert cat
قلوب بتغنى
شوفتى يا حبيبتى الاملة اللى اان فيها
واحد قاعد مفضى لى نفسه علشان يلف فى المدونات يشتم باسمى
‏قال Desert cat
مواطن مصرى نايم
انا عملت تحديث بردك يا اسلام علشان كل واحد ياخد باله انه مش انا
متشكرة جدا على تنبيهك
‏قال Desert cat
Mohamed Hamdy
راح عندك يا محمد طيب كويس انه رايح عند ناس صحابى وعارفينى كويس
بشكرك جدا
‏قال ojg
جالي ياأختي
بس على مين
طبعا عرفت انه مش انتي
حتى قبل ما أقرا البوست ده
شتم الوزة
يرضيكي؟؟
:((
الحمد لله انا عامله موديريشن للتعليقات
يعني مفيش حاجه هتتنشر
سلامي ليكي يا قطة
:)
‏قال Desert cat
Ahmed Al-Sabbagh
ميرسى جدا ليك يا احمد والله
اان بس روحت اقولك مش انا لان يهمنى انك مش تزعل منى
متشكرة جدا لكلامك الطيب
‏قال Desert cat
جبهة التهييس الشعبية
وانا برضه القطة الحقيقة مش القرين
طيب وبعدين هنقضيها كدا
انا كل لما ادخل مدونة اقول انا قطة الصحراء الحقيقة
هو تقريبا حيوان واحد لانه عامل نفس البروفايل والصورة من غير برضه اسم المدونة ..
انا الهاكر اللى اعرفه قالى ابعتى ريبورت للجوجل يعمله بلوك
شكله هاكر هاكر يعنى
عموما هدور انا من ناحيتى على واحد ابن حلال يخلص لنا عليه وانتى كمان من ناحيتك
والهى تجى له صخرة من بتوع الدويقة تقضى عليه ونخلص
‏قال Desert cat
جبهة التهييس الشعبية
هو بيدخل عندى ساعات يشتمنى
وساعات يرد على الناس
لكن هنشر له التعليقات بعد كدا علشان تكتشفوه بنفسكو
‏قال Desert cat
A.SAMIR
هما بدأوا بالفيسبوك ودلوقتى انتشروا على المدونات
منه لله بقى اللى بيعمل فينا كدا
ميرسى يا احمد لزوقك
‏قال Desert cat
micheal
ربنا يعافيك يا مايكل الحمد لله انك عرفت انه مش انا
ده واحد قصده يوقع المدونين فى بعض باين
وياريت اى حد يروح يرد عنده يبقى يتاكد من البروفايل الاول
‏قال Desert cat
صفا
ميرسى لزوقك جدا يا صافى
بس هو بيدخل برضه عند ناس مش عارفينى يارب اى حد يبقى يجى يتاكد من المدونة الاول
‏قال Desert cat
مواطن مصري
ده اللى على الفيسبوك دول كمان حكايتهم حكاية انا مش فاهمه الناس دى بتتعامل باسلوب البلطجه والارهاب ده ليه
ميرسى جدا لتحذيرك
‏قال Desert cat
د\أسماء علي
اه يا دكتورة سابوا السرايا وهربوا جميعا ودخلوا المدونات والفيسبوكات كمان
انا اجيب لك 10 فوانيس بقى ادعى لى ربنا يريحنا منهم

يارب تكون الدوشة عدت على خير وخلصتى كل اللى كنتى عايزة تعمليه
:)
‏قال Desert cat
رئيس جمهوريه نفسى
ماهو واضح الهدف بالفعل يا محمود
واحد عامل نفس الاكونت والصورة وبيدخل يشتم فى المدونين بس هو المعتوة ده هيستفاد ايه لما الناس تتخانق مع بعضها كل واحد هيسيب التدوين ويقعد هو لوحده فى بلوجر ولا ايه وجه الاستفادة تحديدا مش عارفه والله الناس دى عقلها فى اجازة باين
هو كل واحد يعمل اللى عليه ويحذر كل اللى يعرفهم وهكذا نحذر بعضنا علشان اى كومنت مختلف نتاكد الاول من البروفايل وربنا يسهل ونقدر نلاقى حل للقضاء عليه
‏قال Desert cat
Sherif
ميرسى جدا استاذ شريف وحصل برضه عند جبهة التهييس الشعبية
وشكله واحد فاضى وواخد المدونين بالدور ربنا يستر بقى ومش يحصل فتنة بين المدونين بسببه
‏قال Desert cat
bos bos
انا بس اللى عايزاه يا بوسى انه لما يروح يشتم عند حد الناس تتاكد الاول من البروفايل علشان مش يحصل مشاكل
وربنا يهده او ياخده خلينا نستريح
‏قال Desert cat
كيارا
ربنا يستر كيارا لانه برضه بيروح عند ناس مش عارفينى
ده واحد مفضى لى نفسه وقاعد يلف فى المدونات
منه لله
‏قال Desert cat
كاتب مصري
هو واخد المدونين بالدور وليه هدف من عمايله دى
يارب فى العشر الاواخر دول تخلص لنا حقنا منه
تحياتى ليك
‏قال Desert cat
maxbeta3zaman
البجاوى تقريبا واخد اجازة فى رمضان
وبعد رمضان وقبل رمضان
حسبى الله ونعم الوكيل فى الحرامى والمحتال شخصيا اللى واخد اسمى وصورة البروفايل
منه له
منه له
منه له
‏قال Desert cat
shams
ده فاضى لى بقى
قاعد يلف على كل الناس وبالسرعه دى

ميرسى جدا شمس على كلامك
والف شكر لاحمد على التنوية اللى عمله
ويارب ياخده
‏قال Desert cat
النمله المرحه
والله العظيم ما شتمتك
اعااااااااااا
بشكرك جدا انك تفهمتى الامر
ويارب تكون معرفة خير
‏قال Desert cat
رامز عباس
حضرتك شرفت المدونة
والمتخلف ده مفوضة امرى فيه لله
منه لله البعيد
الكنافة بعد الفطار ان شاء الله
‏قال Desert cat
Here i'm
والله مش انا اللى رديت
ده هو اللى عمال يلف فى المدونات بسرعه البرق
انا كل لما ادخل مدونة اقول انا قطة الصحراء الحقيقة لما بقيت عاملة زى اللى عنده شيزوفرنيا
طيب واحد مش عارف يتواصل معايا يسيب اللى وراه واللى قدامه ويتفرغ لى
ده انا شكلى مهمة جدا فى حياته
ميرسى جدا لزوقك
‏قال Desert cat
جبهة التهييس الشعبية
روحت وشوفت التعليق وشوف تعليقك يا نوارة
البتاع ده عامل نفس الصورة بس لو دخلتى البروفايل مش هتلاقى مدونة اصلا
مش بقولك انا فاضى لى
‏قال Desert cat
kochia
ماهو بيروح برضه عند ناس مش عارفانى ساعتها يقولوا عليا ايييييه
ربنا يستر بقى
متشكرة جدا لكلامك
تحياتى
‏قال Desert cat
عباس العبد
مش عارفه والله المعتوه ده فيه ايه
قاضى مفضى لنا نفسه ليه
وانت طيب يا عباس
نورت المدونة كنت ومش نيجى لك فى محضر انتحال شخصية ابدا
‏قال Desert cat
جبهة التهييس الشعبية
لا والله يا نوارة ما كتبت الكلام ده
لا هنا ولا هناك .. هو المخفى معانا على الجايكو كمان ولا اييييييييه
دى تبقى كملت
‏قال Desert cat
Amgad
هو كدا بيفكر
اللى بيوقع الناس فى بعضها ده مريض يا امجد
ربنا يتولاه برحمته
تحياتى
‏قال Desert cat
Coca
ده جنان يا كوكا بعيد عنك
ياريت لو شوفتى اى كومنت وشكيتى فيه تتاكدى من البروفايل
حسبى الله ونعم الوكيل فيه
‏قال Desert cat
osama
كل سنة وحضرتك بالف خير استاذ اسامة
مش متاخر ولا حاجه انا متابعه مدونة حضرتك وعارفه الظروف
انا نوهت وربنا يستر بقى اى حد يبقى يتاكد من البروفايل لانه برضه بيدخل مدونات مش تعرفنى
مرة تانية اشكر حضرتك جدا
مودتى واحترامى
‏قال Desert cat
ojg
الا الوزة انا مش اقدر اغلط فى الوزة ولا البطة ولا اى حاجه خصوصا بتتاكل انا بحترم الاكل جدا
كويس اوى انك جيتى تتاكدى
ميرسى جدا ليكى يا جميله
قطة الصحراء هو فعلا رد تعليق بعد البارحة ولكن من غير شتم واستغربت جوابه اللي فيه مراجعة لنفسك شيء شبيه بالتأنيب وأنا رديت أقول لك أي نعم هناك أنواع من الصيام الظاهري لكني لن أصوم عن قول الحق..
جيد أنك طمأنتنا ومن جهة أخرى كل من يحبون قطة الصحراء لازم يزورو مدونتها ويكتشفوا الملعوب الخسيس، عندي فكرة لازم تضع التنبيه على الهامش حتى ادا تقادم البوست يبقى التنبيه ساري..
أقول لك شيء هم هو أخذ اسم شبيه لكن لا يمكن يأخذ مدونة جميلة متميزة كهده فهي لا تتكرر
مودتي
‏قال غير معرف…
الأخت العزيزه حنان
تحياتنا
وقلبنا معاك ...مشكلة انتحال الشخصيات موجود من فتره وبيسموه اسم خاص هو
PHISHING
وهو نوع من الهاكرز البدائى الذى يهدف الى استغلال هذا الأحتيال لأغراض
دنيئه
المهم على الجميع الا ينشروا التعليقات الا بعد الموافقه عليها وبعد سؤال صاحب الأكونت عند الشك
وسنثير هذه المشكله
فى مدونتنا وبرنامجنا الأذاعى على امل ان يشارك الجميع فى طريقه لمواجهة هذه المشكله
http://netonradio.blogspot.com
‏قال Desert cat
نبراس العتمة
بشكرك جدا نبراس على التنوية اللى عملته فى مدونتك
ويارب الجميع يفهم حقيقة هذا المحتال
متشكرة جدا جدا ليك صديقى العزيز
‏قال Desert cat
برنامج محطة مصر الرئيسيه انت تسال والكمبيوتر يجيب
متشكرة جدا لحضرتك استاذ صلاح
واتمنى اى حد يشوف عنده كومنت غير مالوف يجى يتاكد الاول
وان شاء الله الجميع يكون من المشاركين فى الموضوع لانه الحقيقة انتشر بطريقة سخيفه علنا نجد حل
مودتى واحترامى
انا شمس صاحبة التعليق بس دخلت باكونت تاني


طيب و بعدين , هتعملي ايه الوضع دا فعلا خنيق و انا مخنوقالك اوي ان حد يشوه سنمعة المدونة بتاعتك كدا

بس الامر دا مقصود علي فكرة ,العملية دي مش اعتباطا

مش عارفة اقولك ايه فعلا , بس لازم يكون فيه حل
‏قال رفقة عمر
تعرفى كان فيه تعليق سخيييييييف جدا باسمك على مدونتى وبجد اتفجات مفجاه غريبه ازاى دة انا وانت مافيش بينا عدواه لغايه الحمدلله ما مدونه كريمه قالتلى انك مظلومه وخلاص حصل خير ومسحت التعليق من زمان
‏قال Desert cat
شــــمـس الديـن
انا عملت البوست يا شمس علشان اللى الحقير ده هيدخل عنده اكيد هيدور على طيزرت كات ويروح يشوفها بتشتم ليه لما يشوف البوست يبقى يفهم بقى
وياريت اى حد يلاقى كومنت سخيف يقارن بين البروفايل
الحقيقة انا لحد دلوقتى مش عارفه هعمل ايه
بس يارب تجى له صخره تشيله واخلص منه
‏قال Desert cat
رفقة عمر
وعملها مع مدونين كتير برضه مش يعرفونى والله اعلم مين فكر انى انا اللى بشم واخد منى موقف دلوقتى
ياريت اى حد يبقى يدخل يتاكد ان مش انا اللى بشتمه
ميرسى جدا ليكى وللمدونة اللى عرفتك
والله الشخص ده لو اعرفه اخلى فضيحته بجلاجل بس هيتعرف ان شاء الله
‏قال فاروق عادل
حبيت انوة ان الشخصية السخيفة دى علقت عند انا جعان بالفاظ قذرة روحى هناك ووضحى لة الموضوع او اعملى زى ما ابى ماعملت فوتى على المدونات وحذرى اصحابها
‏قال Desert cat
طالب ثانوى
ميرسى جدا انك نبهتنى
وانا روحت سبت كومنت عند جعان
‏قال سمر الشافعى
هيا دى موضه ولا ايه كل مدون بقاله قرين قليل الادب ههههههه

ولايهمك ياقطه احنا اكيد عارفين انك متعمليش كدا ياقمر
‏قال Desert cat
سمر الشافعى
دى ناس فاضيه وتافهه يا سمر مش لاقيه حاجه تعملها
ميرسى جدا ليكى يا جميله
عزيزتى قطة الصحراء

نحن لانعرف غير قطة واحدة وهى انت وهذا اللص السخيف ماهو الا واحد بيستظرف وسايق العبط ..عموما انا شخصيا اعرف اسلوبك فى الكلام ..ولايمكن اصدق انك تشتمى او تكونى غير موضوعية فى تعليقاتك .. فلا تخشى علينا نحن اصدقائك من سفاهة القطة الاخرى

ارجوا ان لا يقلقك الامر فقد تفهمنا الموقف تماما ونحن له بالمرصاد

والسلام عليك
‏قال Desert cat
وميض ابتسامة
ميرسى جدا وميض ابتسامه
اوتمنى انه لما يدخل عند حد يقارن بين البروفايل لحد ما يتحرق لوحده ونخلص منه
عزيزتى قطة الصحراء

نحن لانعرف غير قطة واحدة وهى انت وهذا اللص السخيف ماهو الا واحد بيستظرف وسايق العبط ..عموما انا شخصيا اعرف اسلوبك فى الكلام ..ولايمكن اصدق انك تشتمى او تكونى غير موضوعية فى تعليقاتك .. فلا تخشى علينا نحن اصدقائك من سفاهة القطة الاخرى

ارجوا ان لا يقلقك الامر فقد تفهمنا الموقف تماما ونحن له بالمرصاد

والسلام عليك
‏قال maxbeta3zaman
لأ انتى ...وانا شوفتك من شباك الساروخ اللى كنت واخده م العتبه للدقى وكنت بتكتبى عالكىبورد بأيدك الشمال عشان محدش يعرف خطك وكنتى ساعتها فى الأوضه اللى عالشارع كان كل شيء باين من شباك الساروخ أبو عدسه تجيب النمله اللى الحيط..صوت من بعيد يقول لالا مش انا والله
وصحيت من النوم على صوت بيقول اصحى قوم السحور ..فزيت.. قمت ..قلت خير اللهم اجعله خير ...ترى هل هذا الحلم المفبرك له أى علاقه بموضوع مش انا والله المكتوب أعلاه؟؟
‏قال Desert cat
ههههههههههههههه
اخص عليه الساروخ انا حلفته مش يقول لحد حاجه ده ساروخ فتان بجد
هيبقى هو والحرامى اللى منتحلشخصيتى عليا
الرحمة من عندك يارب
اتسحرت ولا لسه يا استاذى
علشان بس نعرف العلاقة الطردية بين السحور ومش انا ونالله اعلاه
مودتى واحترامى لحضرتك
‏قال غير معرف…
فاكره العجلاتي اللي قالك انه حاينفخك يكونش هو اللي بيعمل كده. ده يبقي نفخك بصحيح
هاهاهاهاهاهاهاهاهاهاهاهاه
‏قال Bella
مش عارفة ايه حكاية الوباء المنتشر في المدونات وتقليد اسامي الناس والشتم باسمهم ده؟؟
امر غيب جدا

والاغرب منه ان يصدر من الناس في شهر كريم

يابنتي اسلوبك معروف واللى عارفينك صعب يخلطوا بينك وبين حد تاني

معلش

ربنا يهدي كل عاصي

وربنا ياخد لك حقك

المهم ماتخليش حاجة زي دي تعطلك او تشغلك

تحياتي
‏قال Desert cat
Anonymous
طيب انا وهنقول بينفذ التهديد بتاعه
والناس التانية رايح ينفخها ليه
ولا هو شغال منفاخ جماعى
‏قال Desert cat
Bella
اللى انا نفسى افهمه هيستفيد ايه من اللى بيعمله ده
بالفعل اسلوب كل واحد باين
بس تقريبا هو الوحيد اللى مش عارف كدا
ميرسى جدا ليكى بيلا
شرفتينى جدا
يا قطة ولو هو راجل صحيح يقول اسمه ومدونته


عيب عليه لما نبقى تلات ستات وكلنا ارجل منه

يورينا نفسه واعلى ما في خيله يركبه

ويورينا بقى ح يعمل لنا ايه على ارض الواقع

انا بقى عايزة اشوفه على ارض الواقع

لو راجل ابن راجل وامه جايباه من ابوه صحيح

يوريني شكله على ارض الواقع ويعمل كل اللي يقدر عليه


يامي يامي يامي

اشوفه بقى

انا بقى عايزة اشوفه

وريني يابن العرص ح تعمل ايه

وريني مرجلتك المأسوف على شبابها يا فاشل يا متخلف يا غبي

اطلع زي الراجل وقول لنا اسمك ومدونتك ياللي مستخبي تحت السرير لو كنت راجل صحيح

بس انا عارفة انك ما تسواش في سوق الجزم تلاتة نكلة وما عندكش الشجاعة ولا جرأة انك تقول اسمك ولا تورينا نفسك

عارف ليه؟


عشان انا وقطة وابي تلات ستات واحنا التلاتة كل واحدة فينا تعمل الف راجل احسن من عينتك الواطية

وانا بقى عايزة اشوفك على ارض الواقع يا حلو الملامح

شد حيلك وعضلك كده وورينا شكلك العكر على ارض الواقع وورينا تقدر تعمل ايه وانت اصلا بضيان ولو حد فرقع جنبك جيصة ح تستخبى تحت الترابيزة وتقلع الفانلة وتشاور بيها

يا جبان

وبالمناسبة يا قطة هو معانا على الجايكوا

وهو جبان جدا
رعديد يعني

ده بيخاف من الاطفال اللي في الشارع
اه والله
مش ح يقول اسمه يا حبيبتي عمره ما ح يقول اسمه


بصي يا قطة تجاهليه تماما هو فاشل اصلا وبيغطي على فشله باللي هو بيعمله

انما انكوا تقعدوا تهتموا بيه كده ده مش كويس على فكرة

كأنه بلاعة مفتوحة يا ستي

وخلاص مدام حصلت تلات مرات لو عملها مع اي حد تاني كلنا ح نبقى عارفين ان فيه حشرة على النت هي اللي ماشية تنجسه
‏قال Desert cat
جبهة التهييس الشعبية
هو واحد مستقصد مدونات البنات يبقى راجل يا نوارة
شايفهم ارجل واحسن منه حس بالنقص
نقحت عليه قريحته بالعمل المهبب اللى بيعمله ده
لو عنده ذرة من الرجولة اللى بيتكلم عليها يورينا نفسه
واعتقد بالفعل انه معانا على الجايكو لان فى جمله مش قولتها فى اى حتة فى العالم غير على الجايكو وبعدها بخمس دقايق اخدها وقعد يلف بيها فى المدونات
اتفقشت يا بيئه

المشاركات الشائعة